ㄨ..[..كٌٍٍٍُـٍـٍـٍٍٍلٍٍام النـًـًًًًـًـًاسٌ.. ]...ㄨ

~{ان قمت بأفضل الأعمال ..تلاحقك الإشاعات أينما ذهبت ..وتترواد الشكوك حول حقيقة عملك وصحته ..

~{ قدمت أقصى مالديك من جهد في عملك اوخدمه وهي على أكمل وجه ولكن لن ترضي ذوق الناس ..

...........................كم من ضحايا من الناس ؟

وكم من أبطال تغلبوا على الناس ..؟.................................

..................................كم من مظلوم ظلم من الناس..؟

كم من طاغية انتصر من الناس ..؟...............................

.
.
ام العنود : الو..
حمد: هلا خالتي ؟..
ام العنود: هلا ..هلا حمد ..
حمد : خالتي بسألك العنود عندك ؟
ام العنود: ايه عندي ..اسموحه ياولدي انا عارفه انها غلطت لانها طلعت بس ان شاء الله انها آخر مره
حمد : اسمعيني ياخالتي ..بنتك تجاوزت حدودها ..قالت اني اشرب ..سكت قالت اني اضربها ..سكت بس انها تطلع من البيت وانا ماادري ..فلا موب على كيفها ..لو كان عمي موجود كان ماخلاها ..وبعدين هي هالايام طايحه بإسطوانه الطلاق ..
ترى ماكملنا شهرين وتبي تتطلق انا ماعندي مانع دام هذي رغبتها ..سكت شوي : بسسس ياخالتي ..فكري زين سمعت بنتك ....
ام العنود تقاطعه: هاااااو ..طلاق ..لا لا لاان شاء الله سم الله عليكم الله لااااااايقوله ياولدي توكم معرسين وتطلقون وش بيقولون الناس عنكم ..لالا لاتزعلني منك..امش الحين خذها.. طلاق ..اعوذ بالله ..
حمد ونبره النصر واضحه : اجل خلاص بطلع من الدوام وبآخذها ولااقولك بجي اتغدى عندكم ..
ام العنود: الله يحيك ياولدي ..الساعه المباركه اللي يتغدى حمد عندنا
حمد : الله يسلمك ..يالله فمان الله ..
ام العنود : فمان الكريم ..
ام العنود بنفسها : الله ياخذتس من بنت ..اجل هالعاقل يطلع منه اللي تقولين عنه ..حسبي الله ..هالبنت اكيد احد مسوي لها عمل واكيد انها تتوهم اللي تقوله ..
.
.

.
.
ام العنود: بنت ؟!
العنود تلتفت وتمسح دموعها : س..سمي يمه
ام العنود: وشوله هالدموع ؟؟!!..
العنود: وشوله ؟ وبستهزاء : لو كان ابوي فيه كان ماخلاني عنده دقيقه ..
ام العنود : يابنتي حرام عليتس ..توني مقفله منه ..وكان خايف عليتس ..حتى قال لو كانت تبي الطلاق بكيفها بس سمعتها ..شفتي ..شفتي شلون هو خايف عليتس من حكي الناس ..
العنود : كلام الناس ..كلام الناس ..يمه الناس وش علي منهم ..الناس هم اللي بيفيدوني ..الناس ماهمها غير الحكي ..وانا ماهمني كلامهم ..
ام العنود : هييييييييييييييييي شلون ..؟ شلون ماهمتس ماتخافين على سمعتس ؟
العنود بصدمه : سمعتي ؟ ..
ام العنود : ايه سمعتس يافالحه ..الناس وش بتقول عنتس ..توها معرسه وماامداها تتطلق ..اكيد ..اكييييييييد فيها شي ..اكيد ماخذها غصب ..وبيطلع عليك كلام وتتمنين انك ماتطلقتي من حمد وهذا وجهي ..
العنود وللحين صدمتها واضحه على ملامحها : يمه ..انتي من جدك ؟ لهدرجه تحسبين للناس الف حساب ..تحسبين شلون بترضينهم ..؟
ام العنود بضعف: يابنتي انا ماهمني رضاهم انا همني انتي !! ..يابنتي الناس همهم يطلعون على خلق الله حكي ماله سنع ..بيطلعون عليتس كلام وماهمهم صح او غلط ..اهم شي اننا نحكي فيها ..اهم شي انها الغلطانه ..ولاتنسين انا وانتي حريم ..يعني بنجلس الحالنا بعد طلاقك ..وبيطلعون علينا حكي ..بيقولون وراهم لحالهم ؟ ورى ماراحاو لبيت عمهم وانا مستغنيه عن حكي الناس يابنتي ..ان تطلقي وين اودي وجهي ..بيقولون الولد مافيه عيب ..العيب من بنتها ماعرفت تربي ..شفتي ..حتى الكلام بيوصل لي ..بيقولون مزنه ماعرفت تربي ..بضعف وقله حيله : العنود ..جعلي مااذوق يومتس ..ارجعي مع رجلتس ..ارجعي وتصبري يابنتي..احسن من الفضيحه يابنيتي ..
العنود ودموعها ملت المكان من كلام امها : يعني ماهمك انا ..همك الناس ..انا اتعذب بكيفي بس اهم شي مايطلع علي كلام ..يايمه حرام عليك وان طلع علي كلام من الناس ..هل بنصدقه؟ ..يمه انا واثقه من نفسي ومن تربيتي ..واثقه ان الغلط موب فيني فيه ..من متى الطلاق كان فضيحه ..
ام العنود تقاطعها : ايه فضيحه ..فضيييييييحه الله يفضح العدو تعبت منتس ..انتي ماكملتي شهرين ..ماامدى تصير مشاكل بينهم ..هذا اقل شي بيقولونه ..اسمعيني يابنت ..انا حاولت معك بكل شي ..بس علمن ياصلتس ويتعداتس ..حمد بيجي يتغدى اليوم وبياخذتس معه ..
العنود بخيبة امل : هه ..عارفه سمعتك وانتي تكلمينه ..
.
.

ام العنود : روحي افتحي ولااوصيك تسمعين ..العنود تنهدت: ان شاء الله ..راحت تفتح الباب ..حمد بصوت عالي : هـلا ..هلا وغلا ..هلا بحبيبتي ..
العنود بنظره احتقار : هه هلا حبيبي ..
حمد يقرب من العنود ويخفض صوته : شكل الطق ذيك المره مافاد فيك ..بس اصبري علي لين نرجع البيت ان ماوريتك الجلد على اصوله ..
قاطعه صوت خالته : هلا حمد ..تو مانور البيت ..
حمد: ه ..هلا خالتي النور نورك
ام العنود: يالله رح غسل يدينك ..
حمد : ان شاء الله يناظر العنود : يالله حبيبتي امشي نغسل ..
العنود تناظره من فوق لتحت وبنفسها : يقطع ابو النفاق ..
عالغداء حمد: ..تسلم يدينك ياخالتي وش هالطبخ ..
ام العنود: بالعافيه على قلبك ياحبيبي..
حمد : عنوده ..حبيبتي ليه ماتاكلين تعبانه ؟
العنود: لا ..
ام العنود: اجل وش هالصفار اللي بوجهتس
العنود: عادي يمه مافيني شي ..
حمد: بوديك الدكتور اليوم ..
العنود ببرود: لا مابي ..
ام العنود: هااه شلون ماتبين ..بتروحين غصب ..
العنود: يمه من التعبان انا ولاانتم ..حمدلله شبعت ..
ام العنود تصارخ على بنتها اللي قامت عن السفره : حسبي الله عليتس من بنت ..
حمد: هاه ..خالتي لا تحيسبين عليها ..ترى العنود زوجتي ..
ام العنود: ياولدي أهلكتني ..
حمد: تحمليها ياخالتي هذي بنتك ..هذي عنوده عين السيح ..
ام العنود بنفسها : جعلتس المنب قايله من بنت ..اجل هذا يشرب ..
حمد: يالله ياخالتي اكرمك الله ..
ام العنود : حياك الله ياولدي ..
حمد : يالله عنودي ..
العنود: اصغر عيالك عنودي ..
ام العنود: انتي كفو احد يدلعك ..
حمد: خالتي وش قلنا ..
ام العنود: الله يعينك على بلاوك ياحمد ..
العنود بنفسها : انا ..انا بلوى ..الله يسامحك يمه تغطت العنود عشان لاتشوف امها دموعها ..طلعت بسرعه وركبت السياره ..
لحقها حمد ومعه الشنطه ركبها وركب السياره : خير انتي ..سواق عندك اشيل شنطتك ..
العنود: ............................
حمد : ايوه ..تصيحين ..توك ماشفتي شي ..انا اعلمك ..يشغل السياره : انا اعلمك من حمد ..واعلمك وش لون تنحاشين من وراي ...
.

فتح الباب بأقوى ماعنده : ادخلي ..ادخلي الله ياخذك ويفكني منك ..
العنود: وخر عني عمى ..
حمد : هه ..اجل تبين الطلاق هااه ..
العنود : ان الله قاله ورقتي بترسلها لي غصب عنك ..
حمد وهو يضحك : ههههههههههههههه..تــبطين ..انتي ناسيه ياحلوه امك هالعجوز شلون ينقلب حالها ان سمعت طاآري طلاق ..ولاتنسين ياحلوه ان مالنا متزوجين الا من فتره قصيره ..تطلقين بعد شهرين من زواجك ..لالا وش بيقولون الناس ..انا ارضى ..ارضى على بنت عمي كلام الناس ..لالا ..
العنود: كلام الناس ماهمني ولاعمره بيهمني ..وان كنت تضن اني خايفه مثل امي فأنت غلطان ..وطلاقي قريب ان شاء الله ..
حمد: والله ..وان الله قاله ان مااطلقك ..وان اخليك ذليله وعبده عندي ..واكبرك 20 سنه قدام وانتي توك مادخلتي الـ24 ..سكت شوي ..
: اقول انتي ..انا شاك انك حامل ؟
العنود بصدمه : نعم ..
حمد: نعامه ترفسك ان شاء الله ..ان شاء الله تكونين حامل يآآآآآآرب ..
العنود بأمل : يعني لو كنت حامل بتترك الشرب ؟
حمد :هههههههههههههههههههههههههههه..ضحكتيني ..لاطبعاً ..مسأله اني اترك الشرب انسيها ..انسيييييها ..انا ابي يكون بينا ولد يربطنا موب حب فيك انتي ووجهك ..انا عارف ان الولد هو اللي بيخليك تتحملين وتصبرين علي ..
العنود انهارت بكاء : ياظالم ياللي ماتخاف ربك ..