عرض الإصدار الكامل : ديــوان الشـاعر / سعد بن جدلان الاكلبي
الوابل
07-18-2008, 01:59 AM
( الشـدايـد ياجميــله بالازمات اختبار )
الشدايد يـا جميلـه بالازمـات اختبـار ... .. ينعرف فيها الضلال الطويل من القصير
كل ماذكر حالتك بين غـار وبيـن نـار ... .. راحت الدنيا بعينـي عبـوسٍ قمطريـر
تحسبن حبك محـاه التشـدد والحصـار ... .. التشدد في المحبه هـو الشـر الشريـر
شغلهم ضدي وضدك يعمـر لـك وقـار ... .. في ضميرٍ ماسكن فيـه قدامـك عشيـر
زارعٍ لك بخشةٍ من الزرار الى الـزرار ... .. نبتها ملمسـك والعـود الازرق والعبيـر
شد حيلك لا يصيبـك فشـل وإلا إنهيـار ... .. لا تصغر قيمتك وانت في عينـي كبيـر
لذة صبار الهـوا مثـل لـذة الانتصـار ... .. لا تصدق من يقول الحسـد مافيـه خيـر
لا تغيرب ماجرا مـن قنـا مثلـك يغـار ... .. كل شـي ينشفـا فيـه ميصالـه عسيـر
الذهب دونـه حراسـه وبيباٍنـن كبـار ... .. والدرر من دونها هيبـه البحـر الغزيـر
غير لاتيس و تكتب علـى نفسـك قـرار ... .. يدفعك سوء التصرف على بئس المصيـر
لولا شحي فيك جيتك أجاهر مـن نهـار ... .. غير ما يصلـح مقـام بـلا راي بصيـر
فرصتي ويقت حرارٍ على ماكـر حـرار ... .. ما يعـود فالمحـل الربيـب إلا البعيـر
والله ان اموت ما جاك من عندي بـوار ... .. خل في قلبك ثقه والثقـه كنـز الضميـر
خذ كلام اللي يشوفـك بعيـن الاعتبـار ... .. واحـدٍ مالـك بقلبـه ولا عقلـه خشيـر
والمحبه مدرسة شي ثبوت وشـي فـرار ... .. وانت درسي مع هل الحب الاول والاخير
الوابل
07-18-2008, 02:08 AM
( خلـوني اسج عن موضوعه احسن لي )
ياللي على شان معكازي تبيـن لـي
... .. رجلي على حالها وانا علـى حالـي
والكسر ما هوب في رجلي علي كلي
... .. وانت السبب في الغرابيل اول وتالي
تكفي مراسيلنا العجـلات يـا خلـي
... .. عن مخذ الاخبار والا شوف الازوالي
قلبي وقلبك توصل لك وترسل لـي
... .. والله انها اشد من موجات الارسالـي
ردن سلامي عليك وجن وقالن لـي
... .. انك ترحب وانا في خاطـرك غالـي
ليت الغرابيل جتني من عـدو لـي
... .. إن ما تقاضيت والا بيتقاضـى لـي
لكن مـن واحـد ذكـره غنـاة لـي
... .. ما زلت احبه وابا احبـه ولا ابالـي
لامر طـرق بخدراتـه سـلام لـي
... .. كنه يسلـم علـي بصوتـه العالـي
خلوني اسج عن موضوعه احسن لي
... .. والا الغلا والله ان يبطي وهو غالـي
الوابل
07-18-2008, 02:18 AM
( البـارحه )
البارحـه يـوم الاوادم خواشيـع
... .. في نومها وانا على الكوع واعـي
هم(ن)يمزع سترة القلـب تمزيـع
.... .. تقول ينهش ثومة القلـب افاعـي
خذت القلم من بين روس الاصابيع
... .. وحبيت اميز سيرتـي وانطباعـي
عزلت من صدقـان عطلةالاسابيـع
... .. وعزلت من ضحك الوجيه الصناعي
وعزلت من بنين بامالي مشاريـع
... .. جميد برد ولانس الشمـس ماعـي
وعزلت من زرع الخلـي البلاقيـع
... .. وعزلت من رفع الثنيـه رباعـي
من نفعة اللـي ماطلبنـي منافيـع
... .. جميلة(ن)في غير اهلها ضياعـي
في اسواقها ماعاد لشري ولابيـع
... .. لخطيت من رفقة طويل الذراعـي
اللي على الرفقه يسوقـه دوافيـع
... .. هـذاك تشـرى رفقتـه ماتباعـي
امايشجعني على الطيـب تشجيـع
... .. والايعلمنـي حميـد المسـاعـي
والا ليامنـه رمعنـي روامـيـع
... .. وضاقت على كل الفجوج الوساعي
جيته ويسرلي عسيـر المواضيـع
... .. وخلا خفايا خاطري لـه وساعـي
معرفته ماهـي معرفـة طماميـع
... .. ماتنتج الاالغطرسـه والضياعـي
الوابل
07-18-2008, 02:21 AM
ياصاحبي خل قلبي يدله أحلا له
يا صاحبي خل قلبي يدلـه أحـلا لـه
... .. يمكن إليا سج من ذكراكم أريـح لـي
أعرف ملامح عيونك و يش تعنـا لـه
... .. لا صار مانته بصـادق لا تلمـح لـي
الوضع مزري ويؤسف له و يرثى لـه
... .. حاول على وضع يصلح لك و يصلح لي
و اليا متآنـا وحنّـا علـى ذا الحالـه
... .. تقودني للخطأ و أخطي و تسمح لـي
الوابل
07-19-2008, 04:22 AM
كسر الخواطر
يا صاحبي كسر الخواطر من شهاويها حرام
... .. و الحب يحييه الوصل و الروح يحييها الغذا
كل الجوارح فيك تنطق لي من عيونك كـلام
... .. يا حبذا لو مـن لسانـك تنطقـه يـا حبـذا
يا حبذا لو تتخـذ وضعـي بعيـن الاهتمـام
... .. من كثر درهامي و را طرد الهوا حالي جـذا
و اللي يخلي الحب و الغيرة تسبب الانتقـام
... .. اليا خذا من لذته واحـد و واحـد مـا خـذا
واللي يصيح من الخطا المهدوف والله ما يلام
... .. آمر تدلل ما تبيه يصيـر قـل أبغـي هـذا
الوابل
07-19-2008, 04:35 AM
ون ابن جدلان
ون بـن جـدلان مـن لايـع لاعـه
... .. كن فـي كبـدي دوافيـر صناعـي
العـب المنكـوس واحـب روباعـه
... .. ممـن بالوقـت والوقـت خـداعـي
مادريت ان ضحكـة الوقـت خداعـه
... .. شفت مدخالـي ولا شفـت مطلاعـي
لابغيـت اسـج والا انبسـط ساعـه
... .. دق قلبي من ورى حدب الاضلاعـي
كن من بين الضلـوع آلـة طباعـه
... .. تشتغـل لا نمـت واقـوم مرتاعـي
هـم صـدري مايفـرق تجمـاعـه
... .. غير جر الصوت والنـاس هجاعـي
فاقدن لـي سلعـة واكبـر بضاعـه
... .. سلعـة تشـرى ولا هيـب تنباعـي
رفقـة الطيـب الا غيـر اطبـاعـه
... .. اشهد انهـا كيـة توجـع اوجاعـي
راكب اللي صممـه راعـي صناعـه
... .. جمس بيك اب من حديثات الأنواعـي
الوحيد اللـي فريـد مـن انواعـه
... .. حوض رفرف مايبي شد واشراعـي
لاأنـس البنزيـن عجـل تفرقاعـه
... .. مخطر من سرعتـه يقلـع اقلاعـي
لا تحرك شفت في الارض مشلاعـه
ا ... .. لتواير تظهر المـاء مـن القاعـي
ينعش القلـب الحزيـن ابتمهلاعـه
... .. لامشـى قـام يتمهلـع تمهـلاعـي
لا ضرب بأرض العتش كن تهزاعـه
... .. بنت شيخ طامحه مـن ولـد راعـي
في رجا الغايـب ترجـا لمرجاعـه
... .. تنقـد العشـاق وتطـق الأصباعـي
نفسها من جملـة الخلـق منصاعـه
... .. ماتبـي الا واحـد ذكـره يشاعـي
لانه اللي يكسـب الطيـب بذراعـه
... .. الرفيق الصافـي الصامـل الواعـي
الفخـر والطيـب ساسـه ومنباعـه
... .. يوم بعض الطيب تقليـد وصناعـي
فلا لفيته فأخبروني عـن اوضاعـه
... .. وأخبروا راعي الجمايل عن اوضاعي
وانشده ويش السبايب من اهزاعـه
... .. لا علـي ناقـص ولا بيـه فزاعـي
ودنـا نرضيـه ونحـاول اقنـاعـه
... .. كان(ابن مهمل)بعد يسمـع الداعـي
كان يبغـي الحـق للحـق قطاعـه
... .. نلزمـه والحـق ماعنـه مجزاعـي
وكان مبغـض فالرجاجيـل بتاعـه
... .. لايجـي ناقـد ويلحقنـي ارياعـي
للرفيـق انخلـي النـاس خضاعـه
... .. مانـوريـه الجـفـا والتمطـاعـي
الصداقـه عندنـا ذخـر واطماعـه
... .. رفقـة ماهـي برفـقـة تمتـاعـي
حـد جدتهـا علـى البـرق لماعـه
... .. وان خذت يومين مفعولهـا ضاعـي
فلا أطرد المقفي الى سفط اشراعـه
... .. ماهبـل اللـي للمقفـيـن تبـاعـي
ان تجمعنـا علـى العـز والطاعـه
.... .. وان تفرقنـا فجـوج الله اوساعـي
ومن يحط اذنه علـى كـل سماعـه
... .. جـاه فرقـا مـاوراهـا تجمـاعـي
والزبـاد ختـام هرجـي ومطلاعـه
... .. يرفقه من ريحـة المسـك ذعذاعـي
الوابل
07-19-2008, 04:43 AM
الهاجوس
زواني الهاجوس ملعون ابـو الاهـل
... .. يقول البيوت العصـم ايـاك واياهـا
لاعينت كلمه قلت يضرب بهـا المثـل
... .. لقينـا وراهـا كلمـة كنهـا اياهـا
ماتنجح مدارس فلسفة علم في جهـل
... .. والعربان ماكل قدر يكسـب ارضاهـا
يحاول قدر الامكان يعني على الأقـل
... .. يدخل في مفاهيم العرب يكسب اصغاها
الوابل
07-19-2008, 04:52 AM
الوفاء والصـدق للصدّيـق والخطابـي
لا إلـه إلا القديـر المعطـي الوهـابـي
... .. الخضـوع لسلطنتـه وكبريـاه ونوفـه
كل ما تحته على وجه التراب .. ترابـي
... .. المعـزه والمذلـه مـن رجـاه وخوفـه
تب علي وأنت الـودود الغافـر التـواب
... .. وأحمني من كل زلّـه منطـقٍ مزهوفـه
في السوالف والقصايد سلبـي وإيجابـي
... .. وفي ردود أفعالهـا محمـوده ومأسوفـه
والطبايع فـي الأوادم للحيـاة أغرابـي
... .. والتصادم في مفاهيـم العـرب مسلوفـه
في طرفها المرء لا يسعـد ولا يرتابـي
... .. والمنافـع والضررعفويـه ومهـدوفـه
يعني ما تحكم على الصادق من الكذابـي
... .. من عدم صدق النوى والغاية المكشوفـة
أحداً ما يدخل الحسبـان بـأي حسابـي
... .. وأحدٍ يؤخـذ كلامـه وصفـةٍ موصوفـه
والسهوله للنفوس أقرب مـن الصعّابـي
... .. والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي
... .. من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بي
... .. ليل هقواتي طويل وشمسهـا مكسوفـه
كل ما ضنيت ضنـاً فـي كنفهـا غابـي
... .. عندها أوهامي ضحاياها ضحايا الكوفـه
أحسن أجيها زهابي في ظهور اركابـي
... .. لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي
... .. وإنشغالي من قوييـن الدهـر وضعوفـه
والوفاء والصـدق للصدّيـق والخطابـي
... .. والظفر لإبن الوليـد بعزوتـه وسيوفـه
والجناب اللي وداده جهر ماهـو غابـي
... .. تصلح ضروف الدهر والا تشين ضروفـه
من وجودي يسفهّل .. وينشغل بغيابـي
... .. كل منّا غايتـه مـع صاحبـه معروفـه
فيه بسطي الأحمديـه امتـداد إرحابـي
... .. والطموح الماجـدي والفطـرة المألوفـه
الإنبساط والإنسجـام وقمّـة الإعجابـي
... .. والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي
... .. المهـم مانيـب مرتـاح ليـن أشوفـه
الوابل
07-19-2008, 04:55 AM
ياكبدي اللي من الحرمان منهشمه
ياكبديّ الليّ من الحرمـان منهشمـه
... .. فيها مـن العـام نجـارٍ بشاكوشـه
والليّ هشمها شفاتٍ دونهـا حشمـه
... .. أرهى على الليّ تبي نفسي ولا أنوشه
حجزٍ يرّد الرجاوي من ورى خشمـه
... .. وأنّ رده الحجز والاّ ضاع فالطوشـه
عمّر بيـوتٍ علـى بيبانهـا رشمـه
... .. وبطونها بأفخم الشيـراز مفروشـه
الوابل
07-19-2008, 05:01 AM
دامت الأخلاق يملك بها الواحد شعوب
علموا اللي كـل يـوم ٍ يقابلنـا بثـوب
... .. مـا يخدرنـا كلامـه مـع مـن خـدّره
إن لقينا اللعب نزحف مـع جـو ٍ لعـوب
... .. وان هبطنا سوق طيـب ٍ خذينـا نـدّره
العرب ما هيب تعلـم مسـدات الغيـوب
... .. و وارد المـا مـا يدلّـه يكـود مصـدّره
و لا تجيك الحصبه إلا من فراش محصوب
... .. وحبة الجدري تجي من ف،راش مجـدّره
و المحب اذنيه ماهيـب تسمـع للعيـوب
... .. و العدو لا درهمـت بـه تجـي متحـدّره
دامت الأخلاق يملك بها الواحـد شعـوب
... .. ياجب انها فـي جميـع الامـور مبـدّره
و ان لقيناها طويله و موخرهـا سحـوب
... .. و المرض فيهـا فحولـه تهيّـج فـدّره
ان قدرنا نقفل الباب مـن دون الهبـوب
... .. ولاّ جـا درب لنـا و القنـي مـسـدّره
الأصايـل كـل يـوم تلافـح بالكعـوب
... .. و الـردي لا عيّـن اللـي يهينـه قـدّره
ولا تعرف حسابك إلا ليا صرت محسـوب
... .. وشرهة القـادر علـى العالـم المتقـدره
فالمقابـل نفتـح لـه دواليـب القلـوب
... .. و المقفـي قلعـة الـوادريـن تــودّره
الوابل
07-19-2008, 05:04 AM
آه من قلبي
آه من قلبي اللي دايـمٍ فـي ذهـول
... .. والله انه ثقيـلٍ ليـن جـوه الثقـال
ياقطـاة العبيـه ياهيـام الـذلـول
... .. ياعيـون النـداوي يارقبـة الغـزال
نور وجهك على من شاف منك القبول
... .. نور صبحٍ تبسم في رهـاد الجبـال
كني اقرا على طُـرّة جبينـك تقـول
... .. انا قلبـي يحبـك ياحبيبـي تعـال
كان قدمي حدٍ فالحـب راح مهبـول
... .. والله انـه خطيـرٍ لايجينـي هبـال
المحبـه جملهـا مرسـلٍ ومعقـول
... .. نعنبو من يقـول ان المحبـه خبـال
والذي ليلة الاسراء عرج بالرسـول
... .. ان حبك لحال وحـب غيـرك لحـال
الوابل
07-19-2008, 05:08 AM
لولا المكارم والأخلاق
اهديت باقة ورد من ضمن الابـواق
... .. لاقول لحـد خذهـا ولا قـول ذقهـا
و دي بالأنفس كلها اصحاب واصداق
... .. ولا اخشى عقايبها ولا ارجي نفقهـا
خلقت الاراضي و السموات بطبـاق
... .. و شع الاوادم طبقـة مـن طبقهـا
فا لآدمي لـولا المكـارم والاخـلاق
... .. كا لحنظله مـن ساسهـا لا ورقهـا
الوابل
07-19-2008, 05:13 AM
الروض الخضر
يازين المشي في الروض الخضر لا شعشع المخضار
... .. يازين الدير ة اللي مـن حقـوق الوسـم ممطـورة
يريح البال سجٍ فـي الفيـاض الخضـر والمسيـار
... .. سعـادة للقلـوب اللـي مـن السلـوان مسـرورة
متى عيني تشوف اللـي علـى قلبـي ربيـع ودار
... .. أشاهـد للسعـادة فـي حيـاة المجتمـع صــورة
لا هلـت مـزون فوقـهـن تنعومتـيـن صـغـار
... .. على ذيك اللبـاب اللـي مـن الرضـوان مغمـورة
لا منه أصحى سماغـر المـزون وشعشـع النـوار
... .. ودجـاه أدلـى سدولـه والقمـر متجلـي نــوره
أشاهـد لـي بـروق دونـهـا ربانـهـا تـنـدار
... .. تقـول أكبـاس غـاز مـن ورا شـلال نـافـورة
سبح ماهر خيالي فـي الخبـاري والبـرد والنـار
... .. وأشـوف الجمـر فوقـه دلـة الرسـلان منحـورة
هذاك المنظر اللي ما تشوفـه فـي الحيـاة أمـرار
... .. علـى شوفـه سبابيـح الخيـال تمـوت مقهـورة
حـرام إنـي مـا أهنـي راع المليـون والمليـار
... .. ولا أهنـي عربسـات الفـضـا دوره ومـقـدوره
أعيـش بعالـم طـول المـدا يبقـى لهـا تذكـار
... .. عليّـه بالحـرام انهـا حـيـاةٍ مالـهـا جــوره
هذا وجه الصحيح ولا على وجـه الصحيـح غبـار
... .. حقيقـة ويتمعنهـا اللبـيـب بكـامـل شـعـوره
الوابل
07-19-2008, 05:16 AM
لعبـة الشطرنـج
انا يوم اجيّ وأمركـم ياوليفـي حنـج
... .. ولا وديّ أقرابـك تلـدّ النـظـر فـيّـه
لعبّ بيّ غرامك فالخفا لعبـة الشطرنـج
... .. ليا دار لعبه بيـن الأعضـاء السياسيـه
وسبح بي غرامك سبح موج البحر فاللنجّ
... .. غفلت وغدابـي حبّـك شويّـه ..شوّيـه
لاشفت زولك قام يدخـل أعظامـي بنـج
... .. أسولف مع العالـم وقلبـي لـه نحيّـه
الوابل
07-19-2008, 05:20 AM
المستكا والعــود
عيد الله عليك يعود يالمستكا والعـود
... .. هنيـك جعـل الله بشوفـك يهنينـي
عيدية ضمير حط فية الفـراق لهـود
... .. أجامل على الأنظار والهـم طاوينـي
أجدد مع ذكراي عقب الغياب عهـود
... .. وأناو الله اني داري ما انت ناسينـي
مواثيق خمس السنين ياناسع المردود
... .. ويجيبها جزيل الشك من بينك وبيني
ولو كرهوا لحساد واهل القلوب السود
... .. معزتك في قلبي وقدرك على عينـي
محبتك عندي كل ليل ويـوم تـزود
... .. تزيد وتجدد دام انـا وانـت حيينـي
ولو طولت فرقاك قلبي رعـاة الـدود
... .. فخطر علي ادخل شهـار المجانينـي
الوابل
07-19-2008, 05:27 AM
الهبوب الباردهـ
ألا يالهبـوب البـارده عجـلـي هـبـي
... .. على جاش من قامـت هواجيسـه أتلوبـه
أنـا مـرةٍ أصـحـى ومــره يغيـبـي
... .. وأسرح مـع كثـر الطـواري بغيبوبـه
ألا يادهـر مـاهـوب حــقٍ تلاعـبـي
... .. وخليتنـي لمـقـرد الخـلـق لعبـوبـه
أعبـادٍ مغفلـهـا الـزمـان وتعجـبـي
... .. يحسبون قـل المـال فالرجـل عذروبـه
وأنـا قانـعٍ باللـي علـي كاتبـه ربـي
... .. ومؤمـن بمقـدوره وقـانـعٍ بمكتـوبـه
ولا أبغى عمى الأريـاء برايـه يجربـي
... .. وهو ماعرف ماجـوب ربـي وماجوبـه
هدور المجالس راعـي المـدح والسبـي
... .. وهو بالخلاء لو جاه بنـتٍ خـذت ثوبـه
يقولون لي جـز مـن تصرفـك وتحبـي
... .. وهي توبتي من مجتمعهـم هـي التوبـه
ديـار الوبـاء مـن طبهـا راح متوبـي
... .. وقرابة الجرباء علـى الحـول مجروبـه
أناعـارفٍ منصـاي ألامـن بـدا نـبـي
... .. وعارف طريقي والـذي بالتجـه صوبـه
وأنا أعرف من أعادي وأناأعرف من أحبي
... .. وبه نـاس لاتعـرف ولاهيـب محبوبـه
الوابل
07-19-2008, 05:31 AM
يافهد
يا جلالة سيدي مـولاي يادمـث الجنابـي
... .. يازعيم العرب يارجـل المهـات الكبيـره
يافهد يا برفسور الفقه والرشد الصحابـي
... .. يافهد يانصرة الوحي السمـاوي وتعميـره
يافهد راسي عمادالدين فالصـف العرابـي
... .. يافهدنا يا حبيب العود و البنـت الصغيـره
اكلب الهيـلا تعانقـك المحبـه واللبابـي
... .. وبأسم نواب الفخوذ وباسم شيخان العشيره
تعلن العرفان و الطاعه جهر ماهوب غابي
... .. والمعاهد والولا بأسم الجنوب وبإسم اميره
كلنا فهد و عبدالله علـى الخـط الإيجابـي
... .. تحت أوامر قـادة الأسـلام روادالمسيـره
كلنا نستنكر الأرهـاب شيبـان وشبابـي
... .. وضد عميان العقول و ضد عميان البصيره
الوابل
07-19-2008, 05:37 AM
كل دار
كل دار أرجعت وأنـا iiسنـاوي
... .. عزتي للي سواتـي عزتـي iiلـه
زادت الحمى فرحنـا iiللمـداوي
... .. والمـداوي زود الحمـى iiمليلـه
ياجميله قام يطوي الحال iiطـاوي
... .. والله أن كبدي على شوفك iiغليلـه
والله أن قلبي على اللاماء شفاوي
... .. غير مافي يدي ولا في يديك iiحيله
سجليني في علـم حبـك فـداوي
... .. أنا مجنونك عقب مجنـون iiليلـه
يارقبة الخشف يا عين iiالنـداوي
... .. ياسراجيف الذلـول iiالمستحيلـه
يامنـاة تقصـر عنهـا المنـاوي
... .. ياخيار الدهـم يالقبـا iiالأصيلـه
نعنبوك أنتي مكاسر عود iiجاوي
... .. ملبسك سندس شرابـك iiسلسبيلـه
لو تمرين الشيوخ أهل iiالفتـاوي
... .. عودوا مثلـي يجـرون الطويلـه
من عشق شرواك والا iiلايهـاوي
... .. التقيد من بعض الأشياء iiفضيلـه
الوابل
07-19-2008, 05:53 AM
يا ذا الجلال
يا ذا الجلال اللي عروشك فوق واملاكك iiحدر
... .. ومهماً تسامت به عروشه مستحيـل يطولهـا
يا حـي يـا قيّـوم يـا ذا الأنافـة iiوالكبـر
... .. ما نافسك في عظمتك مكر العبـاد iiوهولهـا
وما نافسك من عمّر بيوته على سطح iiالقمـر
... .. واللّي ترسي فـوق اقاليـم الميـاه iiسطولهـا
ما انته بحاجة من عبد ولا بحاجة مـن iiكفـر
... .. ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن iiشكـر
... .. واللي ما يشكر نعمة المنعـم عليـه تزولهـا
ياذا الجبروت العظيم ويـا القديـر iiالمقتـدر
... .. تفزع لنا في معضلات مـا نريـس iiحلولهـا
تلعب بنا خلاّن فرغتنا كمـا لعـب iiالكـور
... .. أن اقبلت صاحوا لها وأن دبّرت صاحوا iiلهـا
لا هبّنا الطايف بعض الأحيان في فية عصـر
... .. شهب الليالي مـن ورانـا يسحبـن iiذيولهـا
أنت السلام اللي لك الإسلام وانـت المشمخـر
... .. اللي عجايب قدرتك فـي المعجبيـن iiذهولهـا
سلام يا محمد رسول الله راعي الوجه iiالأغر
... .. وسلام يا روح ملائكة السمـا صلّـوا iiلهـا
سلام يا بو بكر يا عثمان يـا علـي iiوعمـر
... .. وسلام يا سبـع الآفـاق أطلالهـا iiوسفولهـا
سلام يا صدق النوى سلام يا وسع iiالصـدر
... .. سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر iiوبحر
... .. وتشرق على كل الديـار جبالهـا iiوسهولهـا
وسلام يا غر السحاب اللي تبجـح iiبالمطـر
... .. وشم الجبال اللي تبجـح بالسحـاب iiقذولهـا
وسلام يا هوج الرياح اللي عطاهـا iiمستمـر
... .. مهما خذوا منها من الحسنات مـا ردوا iiلهـا
ليت الرحاب اللي لنا بوجيههـا حـق وقـدر
.... .. ما تضمحل من الزمان ولا نشوف iiسمولهـا
و ياليتنا لاما سرحنا اليوم الأبيض من iiفجـر
... .. تبطي عبات الليل ما تضفي عليـه iiسدولهـا
ولاّ ليامنهـا ضفـن سدولهـا يطلـع iiبـدر
... .. يا صل ضياه اللي على الكوره تطق iiطبولها
المعتبر يآخذ على الدنيا دروس مـن iiالعبـر
... .. والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـة عمـر
... .. مره .. لكن لا عدت الغلطة ما عـاد iiينولهـا
حنا عرفنا كلنا ما طـال مـن شـيء قصـر
... .. والأحلام ماتوا قبلنا شرهين ما وصلوا iiلهـا
حتى الجمال اللي تحمّلها الهقـاوي iiبالصبـر
... .. يالله بحملتهـا تقـوم وتــدّرج iiبحمولـهـا
والحب سيسـان العبـادة والعبـادة iiبالجهـر
... .. ان ما قدرت تقولها وجـه الصحيـح iiيقولهـا
يسرون عميان المحبة تيه في غـدرا iiالغـدر
... .. للـي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر
... .. وتشفع لبيضان الصدور احضوضها iiوفعولها
واهل التكلف بالمعرفـة والتصنـع iiبالبشـر
... .. والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو iiعشـر
... .. حتى الفضولية عن الفاضل بطـل iiمفعلوهـا
اللي تخبره لحيته ذا ..طولها يصبـح iiبـزر
... .. واللي تخبره بزر يصبح لحيتـه ذا ii..طولهـا
الوابل
07-19-2008, 05:58 AM
ودنا بالطيب
ودنا بالطيب بس الدهر جحاد iiطيـب
... .. كل ما تخلص مع الناس كنك تغشهـا
يدك لامدت وفاء لاتحرى وش تجيـب
... .. كان جاتك سالمه حب يـدك iiوخشهـا
كل ماشبيت نار المحبه مـع iiحبيـب
... .. قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
... .. مثل ماقال المثـل دام تمشـي iiمشهـا
وذمةٍ ماهيب تندار للحـق iiالمصيـب
... .. جعل قشاش الحطب لاسرح iiيقتشهـا
الوابل
07-19-2008, 06:04 AM
ياعيون اللي على المرقب تعلا
ياعيون اللي على المرقب iiتعلاّ
... .. مايرب الا المراقيـب iiالطـوالا
طرتّك منها غثا البـال iiيتجـلاّ
... .. نعسٍ مابينهـا بيـضٍ iiتـلالا
تذهل إلّي في جواهرها iiتحـلاّ
... .. واهني من ذاق من ريقك iiزلالا
لا وجاه الله ومنّ زكّى iiوصـلاّ
... .. مانبيك الاّ على السنّـه iiحـلالا
مايرّد الجوع شخبٍ في iiالمفـلاّ
... .. ولا يخضّ السعن من ذوده هجالا
أنت غالـي ياوليفـي لا تغـلاّ
... .. يثبت الليّ بيننـا ايـامٍ iiطـوالا
واللهّ انّي ميسٍ من وصلـك iiالاّ
... .. فزعةٍ من ربنـا جـلّ وتعـالا
أدخل الضولات من شان أتسـلاّ
... .. كود جرح القلب يبرى iiويتشالا
والمجنّب مـن الأوادم iiمايخـلاّ
... .. لاسلم من شرّ ذولا ..جوه iiذولا
الوابل
07-19-2008, 06:10 AM
ياكثر الاصحاب
يا كثر الاصحاب يوم اللعب iiوالدشره
... .. يوم الملاهـي تـدوّر مـن يلهيهـا
من اول شقتـي بالنـاس محتشـره
... .. يوم العزوبية الـي كنـت iiمغليهـا
واليوم لا عاد لا خـوه ولا عشـره
... .. الله ولا رفقـة هــذي iiتواليـهـا
ناس مع المصلحه عشره على عشره
... .. وان حدك الوقت حدة لـك جنابيهـا
اللي حياته مـع البيلـوت iiوالنشـره
... .. واللي يحب الدشوش ولاهـيٍ iiفيهـا
واللي على الخط دايم فاغر iiالكشـره
... .. سمّاعته طـول ليلـه مـا iiيوطّيهـا
واللي مزاجه مع القصات iiوالبشـره
... .. ماله هدف والنصايـح مـا يدانيهـا
واللي مع الناس لا يفقـه ولا يشـره
... .. شقراً مع الخيل لا هجّـت iiتباريهـا
ذي عيّنه في شباب اليـوم iiمنتشـره
... .. عسى الذي جابها من الارض iiيمحيها
اهل المصالح معرّفتهـم iiكماالقشـره
... .. لا نظّف الراس بالصابـون ينهيهـا
هـذا كـلامٍ علينـا واجـبٍ نشـره
.... .. وما تحرق الجمره الا رجل iiواطيها
الوابل
07-19-2008, 06:20 AM
الا ياالله
الا ياالله ياللي تحـت هيبـة سلطنتـك iiاسلمـت
... .. لك المسلم يسبح لك بحمـدك ولـك iiالاسلامـي
احمدك واشكرك واثني عليك بما علـي iiانعمـت
... .. تزودني وفا قدر العشيـر ووصـل iiالارحامـي
ولجك الفجر ياليل الذهول اللي علـي iiاضلمـت
... .. بعرضك واقع الماضي بعيني عرض iiالافلامـي
ولهتك يالنديم اللي على صافي وفـاك اضرمـت
... .. بصفحة ذكريات العام واللـي مـن ورا العامـي
بعد تقرير مشوار التجارب نجحـك iiواجزمـت
... .. بان السيف سيفي والعصـا والمحـزم احزامـي
عطتني عزلة اخلاصي معك نسيان من iiنادمـت
... .. كتبتك وانطوت صحفي عليك و جفـت iiاقلامـي
اباهـي لا ابالـي واتبيسـط كــل iiماقـدمـت
... .. اشـب النـار قـدام العـرب واشيـد اخيـامـي
نهاري حر شمسه يستحي منهـا لسـان iiالشمـت
... .. وليلي ترقب نجومه ملامـة كـل مـن iiلامـي
على ضو الكلام اللي كشف عنا ستار iiالصمـت
... .. عرفت اني تحت برق الامل في روض iiالاحلامي
احسب انك تيمم با اتجاهـي ويـن مـا iiيممـت
... .. واثر ما انت بورايه في الطريق ولانت iiقدامـي
مصيبه لاتدنت قيمتك فـي عيـن مـن iiقيمـت
... .. يشوفك بالسهل وانته تشوفـه بالسمـا iiالسامـي
كثر ماحن قلبي للونيـس وكثـر مـا iiدرهمـت
... .. فجر صدري حنيني واتعـب الاقـدام درهامـي
عيون الصد وعيون التجافي حول مهما iiاكرمـت
... .. تشـوف المجتهـد كسـلان والبنـاي هـدامـي
مدام ان جانبك شام لجنابي وانـت عنـي شمـت
... .. كثر خيرك وانـا مانيـب لاجايـع iiولاضامـي
اشوف انه علـي واجـب ليـا مريتكـم سلمـت
... .. مرور اكرام تربطه الكرامـه عنـد iiالاكرامـي
على شان الخفوق اللي على عرشه قعدت iiوقمـت
... .. حجب عنك الدجى لين اشرقت لك بيض iiالايامي
ختام السالفه ياطيـب العشـره كرمـت ودمـت
... .. هذا حقك علي وحق شرهاتـي علـى iiاوهامـي
مصير الوقت يشرح لك دروسه وان غفلت ونمت
... .. يصحيك الزمان اللي يصحي كـل مـن iiنامـي
تذكرني ليامن خابـت اوهامـك فمـن iiوهمـت
... .. وشفت الفرق في حب الخشوم وحـب iiالاقدامـي
vBulletin® v3.6.8, Copyright ©2000-2008, Jelsoft Enterprises Ltd.