]! ,, أحمد الصانع,,![

[•شمـوخ إنــسانه •]

أح ـــمد الصآنع,,,


كتب الكثير من الأبيات الشعريه وتركـ لها السيطره بعقول وقلوب متابع الشعر,,



لاعجب في ذلكـ فإحساسه الصآدق, وشتاته المنثور على الورق لم يكتب لهما الا


ان يتعديا آفاآآآق الروعه,,


:


:


ليحصد لصاحبه لقب ،،/ صآنع الشعر/,,



:

:

أتمنى للجميع متابعه ممتعه لرااائعته الشعريه,,


:



http://www.shathaaya.com/vb/images/smilies/i.gif

[•شمـوخ إنــسانه •]

http://www.shathaya.com/go/dir/22/ya_2admy.jpg


:

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !



:


http://www.shathaaya.com/vb/images/smilies/i.gif

[•شمـوخ إنــسانه •]

وهناآآ يكتب عن إعجابه بالشاعر// صالح الشادي



يوم ضاقت ،
قلت وينك يالــ ( فرج ) ؟
قال جيت وشفت حولك ألف صاحب ..
وخفت أسبب لك { حرج } !



صالح الشادي :



http://www.shathaya.com/go/dir/22/saleh.jpg

:


وين الحروف إللي ممكن يوم . . تسلبني ؟
الأشعار كلْهَا بـ{ وادي } وآنا في وادي !

ناديت , ويرجع صدى صوتي و يطلبني !
يا الذائقه . . . لا حياة / لـ منهو تنادي !

من كثر .. ما شفت حظّي { يَهْدِم و أبني }
أحس إني بـ " أموت " بـ / يوم ميلادي !

يا - صالح - أسهَر , وأحس النوم يغلبني ..
أعتِب على عيني / ما أعتِب على رقادي !

لا قلت : وين الفَرَج لي صاحب أتعبني !
إشرَه على { نيّتي } ولا تْقول من بادي ؟

أكبر دليل , إنه هذا " الحظ " . . غرّبني :
إحساسي إنّي غريب بـ داخل بلادي !

- فوضة مشاكل . . كثيره . . لا ترتبني ،
وبـ الرغم من هـ البلاوي كنت أنا هادي !

مشكلتي والله " صعب أي شي يعجبني " !
وكل ماقريت القصايد قلت : شي عادي ,

الشخص هذا من ( الله ) , شفته يحبني ..
وفـ الله أحبه . . . وإليه الشوق متمادي !

دكتور يكتِب عن إحساسه , ويكتبني ..
يلوي ذراع المشاعر { صالح الشادي } !!


:


http://www.shathaaya.com/vb/images/smilies/i.gif

[•شمـوخ إنــسانه •]

http://graphicz.jeeran.com/tdre.jpg





تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!

[•شمـوخ إنــسانه •]

http://el9ane3.jeeran.com/wwe.jpg


تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!

[•شمـوخ إنــسانه •]

http://el9ane3.jeeran.com/jhhh.jpg

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!

[•شمـوخ إنــسانه •]

http://el9ane3.jeeran.com/OOO333.jpg

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت

[•شمـوخ إنــسانه •]

http://el9ane3.jeeran.com/liwab.jpg

تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
مات
فايق في العراق !!

[•شمـوخ إنــسانه •]

http://el9ane3.jeeran.com/weash_9ar.jpg

غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

[•شمـوخ إنــسانه •]

http://el9ane3.jeeran.com/Ma_e8e8e8e8.jpg

:

تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

:

[•شمـوخ إنــسانه •]

http://el9ane3.jeeran.com/Tdre_8jja.jpg

:

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

:

[•شمـوخ إنــسانه •]

http://el9ane3.jeeran.com/photos/117754_l.jpg

:

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!

:

http://www.shathaaya.com/vb/images/smilies/i.gif

[•شمـوخ إنــسانه •]

http://el9ane3.jeeran.com/photos/124152_l.jpg

:

تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك

:
http://www.shathaaya.com/vb/images/smilies/i.gif

[•شمـوخ إنــسانه •]

http://el9ane3.jeeran.com/photos/319365_l.jpg

:

تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..

:

http://www.shathaaya.com/vb/images/smilies/i.gif

[•شمـوخ إنــسانه •]

http://www.shathaaya.com/poem/folders/0022/ween-ayamek.jpg

:

تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !

غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !

:

http://www.shathaaya.com/vb/images/smilies/i.gif

[•شمـوخ إنــسانه •]

http://el9ane3.jeeran.com/photos/515575_l.jpg

تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟
والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!
:
http://www.shathaaya.com/vb/images/smilies/i.gif

[•شمـوخ إنــسانه •]

http://el9ane3.jeeran.com/photos/540756_l.jpg

تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !

http://www.shathaaya.com/vb/images/smilies/i.gif

[•شمـوخ إنــسانه •]

http://www.shathaaya.com/poem/folders/0022/H-2.jpg
:

مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !

قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

:
http://www.shathaaya.com/vb/images/smilies/i.gif

[•شمـوخ إنــسانه •]

http://www.shathaaya.com/poem/folders/0022/tadree-15.jpg

:
تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بـ لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!

:

http://www.shathaaya.com/vb/images/smilies/i.gif

[محبوبة الشوق]

السلام عليكم ورحمة الله وبركاته

.
.
صبآحكم / مسآئكم حب وسعآدهـ


من جديد الشآعر المبدع احمد الصآنع

اتمنى يعجبكم


http://www.600kb.com/uploads/0836128141.gif (http://www.600kb.com)آآحبـكـ .. من هنا .. لـ أرضكـ .
ياليتكـ " ساكنٍ " / أرضي
أنا ما أقول [ يا حظّكـ ]
بـ حبكـ قلت : ياااحظّي !
تقول إنّي مثل { ومضكـ }
و أقول إنّك , أنا ونبضي ,
إذا في مسألة - رفضكـ ؟؟
قبل [ رفضكـ ] يجي / رفضي ]
فديتهـ " طولكـ, و عرضكـ "



أحسّك .. من هليّ و - عرضي
أنا راضي ترى فـ بعضكـ !
وإخذني ( كلي ) مو بعضي .
أنا مو قادر : آفضكـ :


يا " سيرة " حُب . . . ماتقضي
أنا عايش على - نبضكـ
حبيبي والعمر يمضي ... .

.
.




.
.
.

http://www.up-00.com/uploads/jbE26393.jpg
.
.
شاعركـ .. من يوم " شافكـ " ؟ مستقر , وضعهـ كثير
مايبي غيركـ ولو فرشوا له الدنيـا ( ذهب )

ما أبيكـ تقول : ودي ... بس ... خايف مايصير !
دام أنا عايش / تمنى . راح يصير الشي [ غصب ]

ما هو لايق .!! ألمح أحزانكـ على " وجهكـ " .. وأدير !!.
راحتكـ في ( المرتبة الأولى ) , و - إتركـ لي , التعب

[ إربط حزامكـ ] حبيبي . باخذكـ منهم . و أطيير
: تصدق إني .. طول عمري .. ما أحب إلا { الصعب ..! .

أعترف " مجنون " في حُبكـ. . . رغم عقلي الكبير
ما إعْجبكـ غيري ! أنا إللي راح أوريك - العجب .

للـ فعل ( ردّة فعل ) إلا أنت !! , مالكـ أي : نذير
فجأة من الله " أحبكـ " بليا أفعال و سبب .

قلبي - طفلكـ , إللي مهما يكبـر , بـ عينكـ : صغير
يعني " قلبي " لو ما إنتَ ؟؟ كان عمرهـ [ ما لعب ]

إن خطيت - أسامحكـ .. لأنه . . يجمعنا ( المصير )
و إن خطيت بـ يوم ؟ - تقبل زلتي , بـ صدرٍ رحب .

ربّي إللي ميّزكـ فيني . . . . وخلاكـ ( إنت غير )
و :: نرجسيتي فيكـ :: لأني بس أنا , طلت العنب

يا " عسل دوعان " من ..... أحس إنّي : بخير
{ سدرةٍ } . . جتني / وتنتج أجوَد أنواع الرطب

الحلا .. مثل // البدايهـ // بس , ما فيها أخير
وشاعر إلهامهـ عيونكـ . . لا تلومه لو كتب

القصر [ قلبي ] وهذا التاج و توّجتك / أمير
ولا تحاتي شي ..... . دامكـ فيه . وإحساسي الشعب
.
.
.




.
.



عطني " القيادة " , وإنت .. : غمّض عيونكـhttp://www.600kb.com/uploads/a0d3316257.gif (http://www.600kb.com)
وتمتع بـ رحلة غرامي . . . على الهون . . .

عجزت أعيش بـ عمري هذا / بدونكـ !
ويّاك أنا إما ( أكون ) أو فـ ( لا أكون )

موشرط من صان الأوادم ؟ " يصونكـ "
مافيه بـ قلوب البشر { قلب مضمون }

بعض الكلام إن جاكـ . . . سكّر أذونك
لو خان تعبيركـ ترى الصمت ما :: يخون ::

عني الكثيير يسولفوا و / يسألونكـ
قالوا لكـ إني ~ ساحركـ وإنت مجنون ~

من خان لـ أجلكـ ,’, مو ضروري ,’, يخونكـ
لـ أني لـ أجل [ عينكـ ] أنا خاين – عيون !!