ديوان الشاعـــر / فهد المساعد

[تسـ тsωαħήــوٍآهـن]

البدايات لاتنسى ..
تعيش في الذاكرة مثل الأحلام ..
يقف الزمن عاجزاً أمام كبرياءها وشموخها وجبروتها فيتركها تعيش كما يحلو لها ..
يقول فهد المساعد عن بداياته : " في مجلة فروسية وشعر وجدت نفسي أقرأ أسمي لأول مرة على صفحات الجرائد والمجلات .. حدث هذا عام 1999 م عبر قصيدة ( دفتر أوجاعي ) .. شعرت أنني أولد مرة أخرى .. شعرت أكثر بإن نصف أحلامي تحققت .. لا أتذكر بالضبط لماذا أخترت تلك المجلة .. الذي أعرفه فقط أن كبار وعمالقة الشعر كانوا يتواجدون فيها .. أحتفلت بتلك القصيدة كما يحتفل الصغار بالحلوى وهدايا العيد .. فرحت بها كما يفرح الأطفال اليتامى بالأبتسامات الغريبة " .
يكره فهد أن تطوى صفحة البداية عند هذا الحد .. لدية أقوال أخرى : " بعد مايقارب الأثنى عشر شهراً أستقبلتني فواصل .. فتحت لي قلبها المسكون بشهامة لن تصفها الكلمات .. كريمة مثل أصحابها .. حاتمية الطبع والتطبع .. قالت لي بلسان رجالها ( نحن الضيوف وأنت رب المنزل ) .. أعطيتها ( الطفل والمحارم ) ووقعت تحتها اسم فهد المساعد .. كأن الأقدار أرادت أن لايظهر هذا الأسم أول مرة الا في فواصل .. في فروسية وشعر كان الاسم فهد السبيعي " .
لماذا يخفي فهد المساعد اسم السبيعي الآن ؟ .. أي خوف يعتريه عن إبعاده ؟ .. أي ميزة يجدها من المساعد
" ليس هناك شي يخفى .. المسألة غير خاضعة لقانون الخوف والأمان .. أفتخر بأسمي وأرفع هامتي إلى أعنان السماء لأنني أنتسب لقبيلتي ..القصة ان هناك شاعر آخر بدأ قبلي ينشر بنفس الأسم وأقصد فهد السبيعي وعندما خرجت قصيدة ( دفتر أوجاعي ) للأضواء تذكرت بعد فوات الأوان أن الناس لاتعرفني .. بالتأكيد هي تعرف الشاعر فهد السبيعي .. من هنا خفت أن أظلمه .. خفت أن أظلم نفسي أيضاً .. خفت أكثر أن أضحك على الناس .. هذا كل شيء " .
يبتعد فهد عن الشعر حتى إشعار آخر .. يبتعد ليرتمي في أحضان الماضي .. شقاوات الطفولة .. جدران المدرسة : " وقفت في طابور الصباح أول مرة في حياتي داخل مدرسة الرمحية .. تعلمت القراءة والكتابة وأغتسلت روحي بعشق أصدقاء أجمل أيام العمر .. في الرمحية وبين حاراتها وتحت سماءها وفوق أراضيها وعلى سواليف شيوخها أنضميت - بلا ذنب أقترفته يداي - إلى أولئك الذين يتبعهم الغاوون فلقد كنت أهذي بكلمات موزونه سرعان ماأكتشف أنها الشعر"
ويستطرد " المتوسطة والثانوية في رماح .. هناك كانت حكايات أحلى .. في رماح كنت ألمس للحياة معنى آخر .. الأنسان حينما يتقدم به العمر يستمتع أكثر .. هذا هو سر الوجود .. بعد السنوات وجدت الأيام تعيدني للعاصمة هذه المدينة الصاخبة التي ولدت فيها وسمعت صرختي الأولى .. أعود أليها لكن هذه المره أعود بجرح لم يندمل بعد .. سيبقى جرحاً حتى يرث الله الأرض ومن عليها .. أنا أنتقل للرياض وأبي ينتقل إلى جوار ربه رحمه أرحم الراحمين وأسكنه مع الأنبياء والشهداء والصديقين .. أعود بعد رحلة 13 عام كانت كفيلة بزرع اليتم في ملامحي .. هذه المره عدت لأضع أقدامي في جامعة الملك سعود .. لم أستمر بالطبع .. تركت حلمي لأدخل معترك الحياه العمليه .. سرقتني السنين .. لكنها لم تسرق حلمي .. الآن أعود لمقاعد الجامعة بطريقة أخرى أظن وظني ليس أثماً أنها تتوافق مع هذا الزمن "
لايؤمن فهد بالإختصار .. يعتبره تجني على المستقبل .. يتفائل : "كيف تكون السيره الذاتيه مجرد تواريخ وأرقام ليس لها أي علاقة باليوم وغداً ! .. جئنا لنعيش مرةً واحدة .. مره واحده .. لو عرفنا معنى التجربة الوحيدة لأنتهت كل الأسئله .. أنها واحده فلماذا نضيعها بوقتٍ ذهب مع الريح ؟! .. لماذا نتحسر عليها ونبكي على أطلالها ؟! .. لماذا لانتعامل معها على طريقة أكون أو لا أكون .. إذا سألني أحد .. من أنت ؟ سأقول له .. جئت لأعيش مرةً واحده "

[تسـ тsωαħήــوٍآهـن]

القصايـد والغـلا



لعنبو بعـض القصايـد كـان مافيهـا حـلا
مـا تـروح الا و تتـرك للحنايـا جلجـلـه
تبتدي مثـل المـزون اللـي تسولـف للكـلا
و لا خذت قامت ترزّم مثـل شهـبٌ منزلـه
فوق صدر الشاعر اللي عن طواريقـه جـلا
لين شاف اخـت القصايـد بالقصايـد مقبلـه
يا هلا ب اخت القصايد كثر شوقي يـا هـلا
اقلطي بيـن الحنايـا وافهقـي جمـر الولـه
كل ضلعٍ من ضلوعـي حافـظٍ درس الـولا
مثل حفظك للعفـاف و للشـرف يـا مذهلـه
سولفـي كـذا السوالـف تنسمـع و الا فـلا
وان بغيتينـي اسولـف .. اسألينـي اسئـلـه
اسألينـي وابتديهـا .. بالنهـار اللـي تــلا
ليلة ان الجرح يقـرا فـي الضلـوع البسملـه
واسأليني عن زماني كـم شـرب فـيّ وكـلا
انتهي مـن مشكلـه والقـى وراهـا مشكلـه
المشاكـل بهذلتنـي فـي غيابـك ... والبـلا
ما لقيت اللـي احـط السـر عنـده وازهلـه
كل مااسمع - كيف حالك - ينقبض جفني على
دمعةٍ تبغـى تقـول الحـال دمـع و مهزلـه
وابلع العبره واقـول : بخيـر والهـم انجـلا
و آخر الهـرج آتلعثـم فيـه وانقـض أولـه
ليه غبتي .. ليه غبتي وانتي اللـي مـا مـلا
عيني الا همس صوتـك فـي زمـان البلبلـه
ياااااه شفتي وين راح البال بالشعر وسـلا ؟!!
قمت اعااتب فيك وانتـي ف الضلـوع مـدلله
لنّـي ماصدّقـت نرجـع للقصايـد والـغـلا
بعد ذاك اليوم يـوم اجنبـت وانتـي مشملـه
اييييه ماصدّقـت لكـن ياعسانـي مـا خـلا
اقلطي بيـن الحنايـا وافهقـي جمـر الولـه

[تسـ тsωαħήــوٍآهـن]

يـبــــــــــه



يبه وانا بعد اثنعش عـام حسيـت
اني قـدرت اقـول شـيٍ كتمتـه
ابطى قصيدي ماانكتب فيك وابطيت
اجر صوتي وارجع اجـر صمتـه
ماودي اكتب بيت واندم على بيـت
ماهوب شعر الشعر كاني زهمتـه
الشعر كانه ماانحنى ليّّ .. ماجيت
ان ماعـزم مرثيتـك ماعزمـتـه
ان ماكتبته باازرق الدمع وابكيـت
كل الجـروح المبطيـه مارحمتـه
يبه وانا من بعدك ابـو التناهيـت
مامـر طعـمٍ للحـزن مانهمـتـه
يبه ( يبه ) كلمه وانا كل مااوحيت
كلمة ( يبه ) صديت والوقت لمتـه
يبه ( يبه ) كلمه وانا كـم تمنيـت
اهدم بها وابني بهـا اللـي هدمتـه
يبه وانا لاضقت رحـت وتهجيـت
ركون بيـتٍ ضـم حلـمٍ حلمتـه
يومـك تعلمنـي الامـن تحاكيـت
درس الحياه اللي كبـرت وفهمتـه
هنـاك كانـت دلتـك لاتقهويـت
وهناك كان يساق طيـبٍ حشمتـه
وهناك ايه اذكرني هنـاك خليـت
طفلٍ مـلا بالدمـع دربٍ رسمتـه
هناك جاني علمـك انـك توفيـت
وهناك خاويت الشقـا واحتزمتـه
واليوم قلت اليوم يومـي ومديـت
كف القصيد وطاح شعر ونظمتـه
لكن بعد صمت اثنعش عام حسيت
اني عجزت اقول شـيٍ كتمتـه !!

[تسـ тsωαħήــوٍآهـن]

كبـوة جواد



صعب لامنّك فشلـت .. وصعـب لامنـك لقيـت
إن من يكره نجاحـك .. يـدري إنـك مانجحـت
أمس ضقت .. ورحت أقلّب ذكرياتي .. وأنتهيـت
عند صورة طفل صوته مثل صوتـي لاانجرحـت
وش مثـل لا والله إلا هـذا أنـا يــوم ابتـديـت
أنطق حـروف ٍ تلعثـم فـي لسانـي لا أنمدحـت
هـذا انـا يـوم الحيـاه فنظرتـي عشريـن بيـت
ومسجدين .. ومدرسه من طين كم فيها اصطبحـت
هذا أنا وأصبحت اتمتم : " هذا انا " حتى بغيت....
أختنق .. بس القدر عيّا علـى موتـي .. وطحـت
وصاح صوت الطفل فيني : " أنت من وين ارتميت"
قلت أنا المستقبل اللي فيـه كـم همـت وطمحـت
أمس كنت أبيـك تكبـر .. بـس والله لـو دريـت
أني اللي عشت لأجلـه مـتّ عنـدك وأسترحـت
لو دريت إن الزمان يجـرّ رجلـي .. مـا عديـت
ولو دريت إن البحـور بـلا موانـي .. ماسبحـت
كان دربك لي طويـل .. وكـل ماشفتـك هويـت
قلت لك : كبوة جواد .. وما كبيـت إلا وجمحـت
ليـه تسمعنـي وتمشـي ؟! آه ليتـك مـا مشيـت
و آه ليتك مـن كثـر عثـرات الأيـام أنتصحـت
ضاعت احلامي .. وظلّ الحزن فيني .. وأهتديـت
للطريق اللـي يودينـي علـى دمعـي .. ورحـت
يالحزن .. ليتك مثـل دمعـي وتنـزل لا رقيـت
بس أعرفك .. لو مسحت الدمع تبقى ما انمسحت !
كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفرح لا فرحـت
كنت أشوف الناس مثلي كل مـا جعـت وضميـت
مادريت إن الأوادم نـاس فـوق .. ونـاس تحـت
آه يـاأول ذكرياتـي خذنـي فحضنـك نسـيـت
لأسألك عن وجه ابوي اللـي معـه يامـا سرحـت
خذني فحضنك أبغفـى .. يـاه مبطـي ماغفيـت
وإن لمحت دموع عيني .. سـو نفسـك مالمحـت
خذني فحضنك .. وبعثر في جروحي وإن قضيـت
هزّ لي كتفي .. وقل لي : عيب تبكي لـو سمحـت
إضحك .. وعلّم زماني من أنا .. ومن وين جيـت
طقّ باب الحزن .. واصرخ فـيّ لامنـي فتحـت
و ضمّني يمّك .. وكمّل ضحكتـك لامـن بكيـت
ودي أذكر كيف كانت ضحكتـي لامـن فرحـت !

[تسـ тsωαħήــوٍآهـن]

الرســالـة



ياصاحبي جيتك أشكي لك من أحوالـي
جيت .. وما دامك رفيقي ليه اطولهـا؟!
العلم ومافيـه يـا أول وآخـر أمالـي
عندي رساله ولا أدري كيـف أوصلهـا
للي سبتنـي وانـا مـن قبلهـا سالـي
أبيـك توقـف معـي وتـروح تسألهـا
وش فيها تفتـح علـي أبـواب عذالـي
وتحمّـل النفـس حاجـه مـا تحمّلهـا
وش فيها رغم الوفـا تتركنـي لحالـي
وأنا لجفاها تركـت الدنيـا ب أكملهـا
إن كان هذا زعـل .. علمّهـا يالغالـي
ماكان قصـدي ورب البيـت ازعلهـا
علمّهـا واللـي يخلـي قلبـك الخالـي
عن ضيقتي .. وين وصلت من تجاهلها
علمّها كم لـي وانـا ماشلـت جوالـي
كلـه علشـان مـا أقلّـب رسايلـهـا
وعلمها وشلون لا مـرت علـى بالـي
أروح وأضــم صورتـهـا واقبّلـهـا
وعلمها كيف أنشغل عن كثرة أشغالـي
وأسـرح وأغمـض عيونـي واتخيلهـا
علمها عني .. وعن همي .. وغربالـي
علمها عن كـل حاجـه فـي تجهلهـا
وإن شفتها دنّقت .. تبكي علـى حالـي
إنسى الكلام .. وتذّكّـر كلمـه و قلهـا
قل : شاعرك يعتذر .. ويعاهدك تالي ..
إنـه يرتـب حساباتـه مـن أولـهـا
ويقول : حتى القصيد اللي علـى بالـي
والله مـا عـاد أكتبـه كانـه يزعلهـا

[تسـ тsωαħήــوٍآهـن]

المديـنة والغريــب




جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟
قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب
قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب
انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟
الهدايـا و الرسـايـل و المكاتـيـب الثميـنـه
والليالي و القمـر و الريـح و الكـون الرحيـب
كل ما تبعد .. تجيـب الشعـر ليـه مـن يدينـه
و تقعد جروحـي تـودي فالطواريـق و تجيـب
يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب
و ان نسيتك ما نساني صوتك المبحوح لينـه....
ياخذ لجرحـي بثـاره مـن خطايـاك و يطيـب
و بعد هذا جـاي ترمـي ذنبـك بوجـه المدينـه
مـا دريـت ان المدينـه كلهـا شمعـة غريـب

[تسـ тsωαħήــوٍآهـن]

صالات المطـار




قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن
كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن
لين شفتـك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن
مرةٍٍ ركضـك يميـن و نظـرة عيونـك يسـار
و مرةٍٍ ركضك يسـار و نظـرة عيونـك يميـن
تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيـهـا حنـيـن
خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )
بعدهـا جيتـك ولـدّت عينـك و دار الـحـوار
من كفوفـي دمعتيـن و مـن كفوفـك دمعتيـن
كنت اصد و كنتي انتـي ثايـره مثـل الشـرار
ماعلى لتغة لسانك غير كلمة ( ويـن ؟ ويـن ؟ )
واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ ماانـتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكرينـي لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن
اذكريني واذكرينـي واذكرينـي .. بأختصـار..
اذكري فهـد المساعـد قـدّ ماانتـي تقدريـن !

[تسـ тsωαħήــوٍآهـن]

سكـة الذكـرى الحزينــة




مرّني طيفك .. وطيفـك صاحبـي مـدري عـدوّي
جايبٍ صوتك .. وصوتك سكـة الذكـرى الحزينـة
قال أنا جوّي تكدّر .. قلـت : ماهـو كثـر جـوّي
قال فرقانا غبينـة .. قلـت : وأكثـر مـن غبينـة
قال : أنا ب أموت من غيبتك قل لي ويـش أسـوّي؟
قلت : أنا أبغى الموت في غيبتك .. قل لي بس وينه؟!
قبل ترحل .. كنت أقـول بيسـرح أيـام ويضـوّي
مثـل ماعودنـي اليـا اشتقـت لـه جابـه حنينـه
بـس هالمـرة ثمـان شهـور وضلوعـي تــدوّي
كل يوم أشتاق لـك .. يلعـن أبـو الشـوق وسنينـه
كـل ماعشمـت قلبـي .. قـال ياضلوعـي تقـوّي
ورحـت أنـا ويـاه نرقـب رجعـة اللـي فاقدينـه
نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبينـه
كل يوم أجلس على جال البحـر وأقـول تـوّي ....
لاسألنـي : مافقـدت الحلـم فـي لمسـة يدينـه ؟!
مادريـت أن البحـر ماقـال لأمواجـه تــروّي !
و مادريت أن الغـرق هـو حجّـة غيـاب السفينـة
مادريت .. أو مابغيت أدري .. ولاأدري وش بسـوّي
لو رجعت .. وشفت طيفك فـي الممـرات الحزينـة
وين ابنسى وانت طيفـك صاحبـي مـدري عـدوي
مارضى يترك لغيـره شبـر واحـد فـي المدينـة!

[تسـ тsωαħήــوٍآهـن]

بايعهــا




مـا كـل ضحكـه تهـزّ القلـب يشبعهـا
ومـا كـل دمعـه تمـرّ العيـن تبكيـهـا
من شاف ضحكة زمانـي قـال : "بايعهـا"
ما يدري انـي فقيـرٍ مـا اقـدر اشريهـا
يـا اللـي نثرتـي سنيـنٍ كنـت اجمّعهـا
تكفيـن هـذي حصـاد العـمـر لمّيـهـا
كـم كنـت اهـدّد بـك الدنيـا والوّعـهـا
كـل مـا اذكرتني..واذكّـرهـا وانسّيـهـا
بيدينـك اللـي احـس وكــن اصابعـهـا
تقول : "بـدري علـى الضيقـه وطاريهـا"
بعيونـك اللـي اناديـهـا وانــا معـهـا
اللّـه يـاكـم زعلـتـي يــوم اناديـهـا
كنتـي تحسبينـي اسـرح عـن مدامعـهـا
وانـا مـا غيـر اتهجّـى رحلتـي فيـهـا
اي واللّـه اذكـر عيونـك يـوم اطالعـهـا
اقــرا بـهـا انـشـودةٍ كـنّـا نغنيـهـا
كانـت تـروح وتهـجّ الـبـال واتبعـهـا
تاخـذ عيونـي مـن الـحـزن وتودّيـهـا
لايـام كنـت ارمـي بدنيـاي واجدعـهـا
أيـام مـا كنـت اكحّلهـا.. ولا اعميـهـا
طفـلٍ سلاحـه دموعـه يـوم يزرعـهـا
مـن فـوق خـدّه وكـفّ ابـوه يرضيهـا
اكبـر همومـه مــن دروسٍ يراجعـهـا
واقصـى طموحـه متـى ينجـح ويرميهـا
طفـلٍ وكـل امنياتـه كــان مطمعـهـا
يكبـر وتكبـر هنـوفٍ كــان يرجيـهـا
كبَرْت..ولا كبْرَت.. وضعت..وخفت اضيّعها
خلّيـت همّـي رضاهـا يــوم اداريـهـا
كـل مـا طعنّـي زمانـي رحـت ادلّعهـا
يوم الزمن مـا تـرك لـي غيـر اياديهـا
ما كنت افكّـر تجـي فـي يـوم واسمعهـا
تقلـب حياتـي مـن اعـلاهـا لواطيـهـا
حتـى اقبلـت تبكـي الدمعـه وتردعـهـا
ثـم قالت..وكـن موتـي بيـن اشافيـهـا:
"جيتـك أحلّـف عيونـك قبـل اودّعـهـا
مـا اشـوف دمعـة عتبهـا ليـن اخلّيهـا"
تبغـى تــروح وتخليـنـي واطاوعـهـا
تبغاني اسكـت واقـول : "اللّـه يهْديهـا!!"
يـا أول احــلام روحٍ كــان دافعـهـا
انـك سنـدهـا وحاضـرهـا وماضيـهـا
يا سنينـي اللـي قضيـت العمـر اجمّعهـا
يـا ذكريـاتـي مــن اولـهـا لتاليـهـا
لا تتركينـي اعـيـش العـمـر بايعـهـا
ضحكة زماني بدونـك مـا اقـدر اشريهـا

[تسـ тsωαħήــوٍآهـن]

أعـــز ناســي



يصوّت حبيبي وقبل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي
وإن كان منتب مصدقني على هونـك
تعال وطالـع دروبـي ويـن ودونـي
أصبحت أجامل عداي اللـي يحبونـك
وأكره مشاهد عـداك اللـي يحبونـي
ومن كثر ما احب واكره عنك واصونك
أصبحت دفتر مشاعر وأنت مضمونـي
إن غبت عني شعرت بلـذة طعونـك
وإن شفت زولك شعرت بقيمه عيونـي

[تسـ тsωαħήــوٍآهـن]

سالفـة عشاق




من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع
كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع
لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع
لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع
كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع
بس قلها ... قل ما احبك ... وابشر بصبر ٍ جميـل
لاتحسب أني مثـل مـن طبعهـم لـوي الـذراع !
صاحبـك ماهـو كـذا ياصاحـب القـد النحـيـل
صاحبك طبعـه غريـب وغربتـه غربـه طبـاع
فـي الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع
ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع
ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصـيـاع
كم تعلّـم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع
وكم تعلّم من سحاب الصيف وش معنـى الحصيـل
وكم تعلّم مـن ليـال البـرد وش معنـى الضيـاع
ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع
اعتبرنـي فـي بدايـة سكّتـك عـابـر سبـيـل
و رح وانا قلبي معك مـن ويـن وجّهـت الشـراع
يكفي اني لاانذكرت فـي سالفـة عشّـاق .. قيـل:
عاشر احبابه شجـاع .. وفـارق احبابـه شجـاع

[تسـ тsωαħήــوٍآهـن]

دفتـر أوجاعــي




اكتب واسلّي خاطـري ب (الكتابـه)
كود التهي في نظم الابيـات وانسـاه
واثر القصايـد منـه قامـت تشابـه
من وين اقلّب دفتر اوجاعـي القـاه
هـذي قصيـده قلتهـا فـي عتابـه
وهذي قصيـده قلتهـا يـوم فرقـاه
وذيك القصيـده قالهـا مـن عذابـه
يكتب قصيدٍ منكسـر بـس محـلاه
ويقول: (( جابه كان تقدر تجابـه))
واقول شعرك لعن ابو مـن تحـداه
ويروح يضحك ما اقتنع في الاجابـه
ويقول: (( شعرك زين بطّل محابه))
واقول: ((طبعا زين ل (انّك) زهابه
لاصرت روح البيت وشلون تبغاه))؟
واليـوم ذاك الوقـت جمّـع شبابـه
واقفي ولاادري صاحبي ويـن وداه؟
ورضيـت مـدري ذل ولا مهابـه
ابعد واهـلّ الدمـع ل (ايام)ذكـراه
الشعـر والليـل وبيـاض السحابـه
والضحك والحظ الـردي والمعانـاه
كلّـش يذكرنـي بـوقـتٍ غـدابـه
ياوين اب ( رمي) هالجسد فيه وانساه

[تسـ тsωαħήــوٍآهـن]

تهديـــد



والله وصرت تمون يا مايـس القـدّ
من قلت : "احبك".. والحكي ما تردّه
لا..لا تغرّك طولـة البـال والسـدّ
القلـب شكلـه قـرّب اليـوم سـدّه
أنا عزيز النفس لا جيـت ل (الجـدّ)
واللي تمادى يقضـب اليـوم حـدّه
صحيح صعبة ابنـي الحـب واهـدّ
لكن تـرى لا ضقـت والله لا اهـدّه
مهوب انا اللي يرفع بوجهـك اليـدّ
وْلا عاش من يرفع على بنـت يـدّه
لكن ب (اروح) ولو غشى دمعك الخدّ
ب اقول : "وينه غايبٍ فيـه مـدّه"؟!
يوم الوصل من بيننـا حبـل ممّـدّ
ترخي وانا ارجي منك يـومٍ تشـدّه
بعد المذلّـه جيتنـي اليـوم بتشـدّ؟!
خلاص انـا فكّيـت حبـل المـودّه
ما دام به نـاس عـن الديـن ترتـدّ
وش يضمن انه ما يجي منـك ردّه؟!

[تسـ тsωαħήــوٍآهـن]

برد .. وأيام .. وأحباب




هب الشمال وطاح بين المحاديـب
طفل ٍ على خدّه مشاريـه وعتـاب
والبرد شبّع جـرد الأيـام تعذيـب
وأنا ضحية بـرد وأيـام وأحبـاب
ياليل مالي غير حضنك معازيـب
خلك معي لاشحّت وجيه الأصحاب
ماعاد هي لحية غـرام ومكاتيـب
لاوالله الا قرّبت صـوب الأهـداب
يابنت ياأم الضحكـه أم المعاطيـب
لاماك ذنب وشاعرك مابعـد تـاب
مرّت ثلاث سنين ياأغلى الرعابيب
والريح تشكـي للشبابيـك والبـاب
مرّت ثلاث سنين بيـن المراقيـب
عدّيتها يابنـت مرقـاب مرقـاب
في ذمّتي ماعـاد أودي ولااجيـب
حتى الشعر ماعـاد ودّى ولاجـاب
يابنت عندي كلمةٍ تقطـع الجيـب
ب اقولها لو ماحسبتي لها حسـاب
طرد المقّفي مثل طـرد العذاريـب
وأنا تعبت أبلع مشاريـه الأعـراب
أما تعالي وأقطعـي دابـر الريـب
والا انسي أني كنت انا وانتي أحباب

[تسـ тsωαħήــوٍآهـن]

ليـــــــــه ؟!!!



الباب هذا بـاب بيتـك .. بـس مـا يفتـح عليـه!
البـاب هـذا لـو فتحتـه .. تنفتـح لـيّ الحـيـاه
وانـا وراه .. احـسّ كـنّ الدمـع تخنقنـي يـديـه
احـسّ كنّـه حـدّ منفـى .. والوطـن كـلّـه وراه
صوتك وحشني يا وطن .. وأحترت وين القاه فيـه؟!
وأمسيت اغني به .. وانا اللّي كنت اغنّي له معـاه !
وحشني صوتك يا وطن .. وأمسيت اغنّي : ليه؟..ليه؟
·ليه الكلام اللي نقول يمـوت فـي سكـة صـداه؟!
ليـه الدوايـر تنتهـي مـع دربهـا اللـي تبتديـه؟!
ليه الشوارع ساكتـه .. والنـاس كـلٍ فـي هـواه؟!
ليه اليديـن تصـدّ عـن شـيٍٍ تبيـه وتشتهيـه؟!..
يوم العيـون تسابـق الجايـع علـى لقمـة عشـاه!
علمّتني في صف (أول حبك) .. ان اكبر سفيـه....
اللـي اذا حـسّ بغـلا خلّـه يفـرّط فـي غــلاه
طيّب علامك .. كل ما زدتك غـلا .. تـزداد تيـه
آهات والله يـا وطن..حتـى ولـو مـا قلـت : "آه"

[تسـ тsωαħήــوٍآهـن]

اللي تركني ...!



اللي تركني وأنا في عـز غربالـي
بعد الشدايد وش اللي ذكـره فينـي
يبغى زمانه يعود ويرجـع الغالـي
وش لون يرجع بعد ماطاح من عيني
لاالوقت وقته ولاله شي فـي بالـي
أنا نسيتـه مثـل ماكـان ناسينـي
ياما تمنيت نظرة منـه فـي حالـي
يامـا تمنيـت صوتـه لوينادينـي
وأقول لااظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفـه دايـم قبالـي
احيان احسه معي وتضمـه ايدينـي
ولامن تنبهت ليـن وجيـه عذالـي
كلٍ على ماطـرى بالـه يسمينـي
ليته تركني بعد هـذا علـى فالـي
زي ماتركتـه بعدقتلـه بساتيـنـي
من بعد ماصار جاب بلسانه الحالي
يبغى يرجـع زمـان بينـه وبينـي
قولوا له اني مااحبه كثـر ترحالـي
او لا حرام يتضايـق والا يبكينـي
قولوا له اني احبه بـس مـن تالـي
ان راح والا رجع ماعـاد يعنينـي

[تسـ тsωαħήــوٍآهـن]

الموانـــي


حبيبـي دام انـا أصـلاً حبيبـك وانــت والفـنـي
اجل وشفيك تزعل يـوم افضفـض وانفـض ايامـي؟
انا لولاك.. قلت : "ان الزمن ب اموت مـا انصفنـي"
وانا لولا الزمن مـا كنـت اهوجـس وانـت قدامـي
هي الدنيـا كـذا .. لا جيـت ارتّـب للكـرى جفنـي
تكاثـر غفوتـي حتـى تصيـر ابعـد مـن احلامـي
هي الدنيا كذا .. و ان كـان مـا صدّقتنـي .. شفنـي
شف عيوني .. وشف وش لون جلدي يستـر عظامـي
شف..أو.. لا.. لا تشوف.. ان كان ودّك صدق تعرفني
تتبّـع سيرتـي .. او سكتّـي .. او جـرّة اقـدامـي
تتّبعـنـي واذا مـرّيـت دمـعـي لا تضاعـفـنـي
تعـدّ بخطوتيـن وشـف طموحـي كيـف مترامـي
هنـا طحـت.. وهنـا حظـي عثر..وهنـاك وقفّنـي
وهنـا مـاردّوا اللـي كنـت اناديـهـم بالآسـامـي
تهجّـى فالموانـي لـيـن تـقـرا سالـفـة سفـنـي
تتبّعنـي مـن اول جـرح واتـرك عنـك هنـدامـي
وانا اقول : "ان تشوف اللي يحـدّك مـا تحلّفنـي....
وش اللي حدّنـي ابقـى علـى جـال النهـر ظامـي"
امانـه بـس لا تـزعـل عـلـيّ .. ولا تخالفـنـي
لو ابكيتك مـن همومـي .. او ابكيتـك مـن هيامـي
انـا لولاك..قلـت: "الوقـت هـذا مــا يشرّفـنـي"
ولولا الوقت قلت اني خذيـت اكبـر مـن احلامـي !

[تسـ тsωαħήــوٍآهـن]

وحده ... بوحـده

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر
بالله شوفـي صاحبـك كـيـف حـالـه
شوفيه فـي غيبتـك وشلـون صايـر ؟!
صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!
يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر
الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر
يــوم الطفـولـه والشـقـا والجهـالـه
يـوم الصغايـر فـي عيـونـه كبـايـر
ايــام كــان معـانـده راس مـالــه
ويـسـوق لهـبـال الشـقـاوه بشـايـر
يامـا امتلـى بالحـب والطـيـش بـالـه
ويامـا امتلـت مـن شخبطتـه العوايـر
يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )
يامـا اشتكـاه ابـوك فـي بيـت خالـه
ويامـا تحصّـل مـن هـواك العـزايـر
مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر
ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر
علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر
لاشـافـك يتمـتـم لحـالـه بـحـالـه
لعيـون هالشـوفـه تـهـون الخسـايـر
ولاشـاف زول ابـوك حــذّف نعـالـه
الحـب جايـر .. لكـن العـود جـايـر
طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر
كنتي طموحـه .. كنتـي أغلـى حلالـه
كنتـي وصرتـي بـس يـاام الظفـايـر
طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر
لاتتركيـنـه فــي غيـابـك لـحـالـه
بالله شوفـي كيـف هالطـفـل صـايـر
ووحـده بوحـده كـان عنـدك عـدالـه
اتبّطلـي غيـبـه .. و ابـطّـل زقـايـر

[تسـ тsωαħήــوٍآهـن]

القلوب الطيبـــة



يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال
يابعد طـول المسافـة والكلافـة والشقـا
يابعد كل الحيـاة وكـل ماجـاب الخيـال
ماورى سـود الليالـي والفـراق إلااللقـا
وش تبين بهالدموع الزرق يابنت الحـلال؟
اتركي عنك الدموع وخلي الحـزن يهقـى
ان مالـه فالقلـوب الطيبـة أيـة مجـال
كلها جرح ونشـوف الليـل لامنـه بقـى
في جلال الصبح جعل الصبح مايلقى جلال
اقبلي قبل انتفارق والوصـال ابـو النقـا
ودي آخذك بيدينك والنقـا ولـد الوصـال
اقبلي واليوم يـوم الشعـر كانـه مارقـى
يم ذيك الغيمة اللي كنهـا (طلبـة تعـال )
لايجي باكر يغني : (ياسقـى الله وسقـى)
كل شي ان طال زال الا القصايد ماتـزال
لعن ابو ذكرى القصايد كان ذكراها محقـا
كل بيت وذكرياته في ملامحهـا سـؤال :
وينها اللي كنت انا والصبح ويديها شققـا؟
اي فال اللي رماني في خيالـك اي فـال؟
آه كان الشعر راح ورحتي انتي وش بقـى
مابقى لي غير اجر الصوت وأسري يادلال

[تسـ тsωαħήــوٍآهـن]

كذبـة كبيرة



اتعبتنـي عيـونـي قــدّ مـاهـي بصـيـره
واتعبتـهـا يديـنـي قــدّ مـاهـي جـفـول
قلت : "خيره".. ولكن وينهـا و ويـن خيـره؟!
لا عيـونـي تـكـفّ.. ولا يديـنـي تـنـول
هيه.. وين انت يا للي كـان مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشـيـره
واثـر مـا كــل زولٍ ينتـعـوّض ب (زول)
جيـت نـاسٍ تـزوّد حيـرة القـلـب حـيـره
قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره
عمر الانسـان يصغـر كـل مـا هـو يطـول"
قالوا : "الشعر بيت".. وقلت : "انا الشعر ديره....
اعقـل اللـي سكنهـا فيـه طيـش مهـبـول"
قالـوا : "اللـي فقيـر يحـب وحـده فقـيـره"
قلت : "واللـي يحـبّ يحـب وحـده خجـول"
قالـوا : "و ذيـك هـيّ الأولـه والأخـيـره ؟"
قلت : "ما ادري.. او ادري بس ما ابغى اقول"..!

[تسـ тsωαħήــوٍآهـن]

الطايــف




ياعروس الشعر مدري فتنة المصايف
ايه سمي يا بعد كل الولايـف سمـي
والله انه تاج راسي دعوتك يالطايـف
أبرك الساعات ساعة مالتفتـي يمـي
ابشري وبجاه رب جبالـك النوايـف
ان أسوق لك القصايد لومهرها دمـي
يكفي ان رجالك اللي يمنّون الخايـف
مزبن اللي مزن همه سيلهـا متحنـي
والله العظيم لولا (ربطـة )الوظايـف
ان أقضي كل عمري فيك وانسى همي
وآخر الأبيات شّكرا يا ربوع الطايف
يوم لدت لي عيونـك والتفتـي يمـي

[تسـ тsωαħήــوٍآهـن]

الغربـــه




اي والله أن شوفتـه تستاهـل عنـادي
اللـي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصيـر فـي قربـه
الله يحـرم ... عيونـي لّـذة رقـادي
أنّي معه .. مااعرف حزني ولااشعربـه
هرجك ف وادي وأنا ياخوك فـي وادي
الله يخلّـيـك ... حـالـي لاتعّـذربـه
راضي بحالي كذا ... واللي يجي عادي
لعيون منهو ركـز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقه ل غربـه
يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! ف شفني آنادي :
سجل ..... أنا من عرف عيبه وجاهربه
وسجّـل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن ابـلادي
الا .. شعوري وانا ف بلادي بالغربـه

[تسـ тsωαħήــوٍآهـن]

ياصاحبــي




ياصاحبـي بالله خـل التغـلـي
وقت التغلـي والدلـع ذاك ولـى
ماعاد معنا وقت تربـط واحلّـي
دامه عدو الحب بالصـوت علّـى
خذها صريحه .. حط نفسك محلي
ادمح لك الزلاّت قـدر وتغلّـى ؟
ولّي حيـاةٍ جابـت الـذل ولّـي
لابو حياةٍ صـرت فيهـا تسلـى
قولوله اني بنسحـب منـه كلّـي
خلوه يدري ( من تغلّـى يخلّـى)

[تسـ тsωαħήــوٍآهـن]

العيش والملح


هذا انـت خنـت العيـش والملـح يامـن....
تسـب نـاسٍ خانـوا الملـح والعـيـش..!!
كنت احسبك..وش احسبك؟!..كنت ضامن ....
أنـك تـداري خاطـري لـو علـى ويـش؟!
ماكنـت اظنـك قاسـي القـلـب لامــن..
ضاقت علي وجيت لك.. قلت لي: ((ليش))؟!
وش ليش؟!.. انا مابـي لـك ايّـة تضامـن
مابـي لـك الاضحـكـةٍ كلـهـا طـيـش
مابـي لـك الا ضحكـةٍ لـو تـزامـن....
مع ضيقتـي .. طـارت همـوم وخفافيـش
ارقـد بهـا عـن غـدر الايـام ( وآمــن)
واحيا بها.. مـدري بهـا امـوت واعيـش !
واسـجّ فيهـا عـن هـوى كــل طـامـن
وأروي بهـا عـروقٍ.. عليهـا معاطـيـش
بس انت .. خنت العيش والملـح يامـن ....
تسـب نـاسٍ خانـوا المـلـح والعـيـش!!

[تسـ тsωαħήــوٍآهـن]

حبيت أوضح لك ..!!



في عز ماكنت أهوجس فيك وافتـح لـك
أبـواب قلبـي خذتنـي رجلـي لبابـك
وجيتك وأنا مااذكر إني كنت رايـح لـك
بس اذكـر انـي كـذا لاطـول غيابـك
ياما ترددت مدري كيـف بشـرح لـك
أجيك وارجع .. أبيك تقول وش جابـك
ياابن الأوادم تـرى مليـت ألمـح لـك
أنا أعزك .. وأحبك .. واعشـق ترابـك
لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك
ان كـان ودك ترسيّنـي علـى كحلـك
لمّيت عمري .. وخاويتك على أهدابـك
لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك
لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك

[تسـ тsωαħήــوٍآهـن]

العــذر



يعني كـذا يـاأم الوفـا والمحبـة
كـذا المحبـة والوفـاء ياوفـيـه
أغيـب عنـك أيـام ولا أتنـبّـه
إلا وانـا أشوفـك زعلتـي عليـه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي مـن أدنـاه هبـه
يميـل كـن الخيـزران أدمـيـه
وأم الجديل اللي من يخـاف ربـه
يذكـر عليـه الله ويذكـر نبـيـه
إن كنت مخطي فالخطـا مايجبـه
إلا العذر وانا اعتـرف بالخطيـه
وهذي بعد من فوق الأعذار حبـه
لاتزعلـيـن الله يخلـيـك لـيـه

[تسـ тsωαħήــوٍآهـن]

الحصــاد


كل ماجبت كبوه .. قلـت كبـوة جـواد
وطال كبو الجواد .. وطال معـه العـدي
كنت أجمّع قروش ٍ بيض لجـل السـواد
ويوم ساد السـواد أنشـلّ معصـم يـدي
آه ياهـي غروسـي طوّلـت بالحصـاد
يوم نوّخت حلمـي عنـد بـاب الجـدي
يالحبيـب الكبْـر ماخلْـق لجـل العبـاد
خلق للي ينـادي : ( يالعبـاد أعبـدي )
جيت مثل الغريب .. وكنت مثـل البـلاد
وقمت أباهي وأصـوّت يابْلـدي يابْلـدي
أحسب أني كسبت الكسـب يـوم الجهـاد
وجبت راس العنيد وشلت حمْل ( ابعدي )
وأثر كسبـي عيـون ٍ ماتـذوق الرقـاد
وشاعر كـل ماضاقـت عليـه يحـدي
هيه ياللـي بديـت بشـي مثـل الوكـاد
وأنتهيـت بظنـون ٍ حاربـت مـرقـدي
أعتبر كل عمـري معـك كبـوة جـواد
وألف شكرا على أني صرت اعرف آعدي

[تسـ тsωαħήــوٍآهـن]

جــده




ياللي تقـول الـدار داري وتختـال
ماشفت جده كيـف لاروح عصيـر
تبغى الصراحه كلمة الحـق تنقـال
جده بحرها غير وجروحهـا غيـر
جده سواحل عشق وأحـلام وآمـال
وأسوار طيش وذكريـات ومقاديـر
جده وش أكتب عنك واللي على البال
أرق وأعذب مـن قصيـد وتعابيـر
أكتب عن جروح وتواريخ وأجيـال
ولا عن أحلام وقصيـد ومشاويـر
تدرين باكتب وأترك العشق ينهـال
عن جادل تامر على الصعب ويصير
أسج وأذكر عودها كـل مـا مـال
كنه يطيّر من ضلوعي لهـا طيـر
وأذكر شعرها لاانتثر ينثـر ألحـال
وتلمه ب شال عرف يمسـي بخيـر
واذكر نسيم عذب كم عذّب الشـال
لا طار به والشـال مـاوده يطيـر
واذكر نهارٍ دمعهـا بآخـره سـال
نهـار أحزانـه علـيّـه طوابـيـر
نهار أدك بضيقتـي راحـة البـال
وأقول ياجـده تمسّّـي علـى خيـر

[تسـ тsωαħήــوٍآهـن]

القرايـا ..




القرايـا ساكنتنـا لـو سكنّـا فـي المدينـه
ياكثر مافي المدينـه نـاس تسكنهـا قرايـا
مثل انا لامن شعرت أني بحاجـه للسكينـه
رحت يم القريه اللي قدرهـا بيـن الحنايـا
قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا
قريتي انا فهد .. فهد .. فهد ماتذكرينـه ؟!
اسألي عني بيوت الطيـن ونقـوش الزوايـا
ياسقى الله قبل اسافر عنك يالـدار الثمينـه
يوم انا طفل يشوف عيوب جدرانـك مزايـا
يوم انا طفل ٍ يمر اليـوم ماشـاف الغبينـه
الضحى وسط المدارس والشفق بين المطايـا
ياسقى الله يوم كنت الريـح والدنيـا سفينـه
قبل مالدنيا تكـون الريـح والسفـن البرايـا
يوم ابوي الله يبيحـه كـان ياخذنـا بيدينـه
يم ذاك المسجد اللي فيه مـن ريحـه بقايـا
ياسقى الله او بلاش ازيد هذا الطيـن طينـه
لي هنا والعمر مابه متسّع ل اهـل الرزايـا
قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مرايـا
القرايا سالفـة اهـل القرايـا فـي المدينـه
والمدينه سالفة اهـل المدينـه فـي القرايـا

[تسـ тsωαħήــوٍآهـن]

لا .. تسـافر

قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن همّـك وخـوفـك
بيني وبينك .. ترى اللي صدق ضيعني ....
ان انت في اخر لقا .. شارح لي ظروفـك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بس انتبـه .. لا تسافـر قبـل مااشوفـك

[تسـ тsωαħήــوٍآهـن]

نبض القصيـد


ماطرق جفن المحبه رمش ماله في السهر
وما لمس نبض القصيدة شاعر جاها كـذا
والله اني لاتعزوى واضرب حصون الخطر
لوعرف ورد المحبه كيف يلعـب بالشـذا
ياسحابه صيف منها مابعد شفـت المطـر
مغريه مثل الطموح ومشغلـه مثـل القـذا
رحلتـي شابـت تمنـى مبتداهـا بالخبـر
والنهايه ضاع وقتي بيـن هـذا هـو وذا
ياكبر حظ السعادة طول عمـره ماصغـر
منهـو اللـي لاعرفهـا ماباغهـا لـه إذا
ماعرفت الا جروح مالهـا غيـر الصبـر
دام وقتي لاعطاني جـرح يبطـي ماخـذا
بين جرح وبين خوف وبين طعنات القـدر
طـب ياحظـي تخيـر أو تغيـر يـاوذا
وانت ياللـي لـو اقـول احبـك ماتسـر
في كلمة فـي خفوقـي يرتكبهـا لاهـذا
ماملى عين المحبه غير وجهـك والسهـر
فوق نبض من نضمته مابعـد قلتـه كـذا

[تسـ тsωαħήــوٍآهـن]

نديـم الجــرح


يانديـم الجـرح واللـي وصتّـك بأرقامهـا
عارف انّك ما تعـرف الا شـذى يشمومهـا
لا تعلمني عـن آخـر مـا حصـل فأيامهـا
من رسالتهـا عرفـت اليـوم كـل علومهـا
أدري إن الوقت شمّر عـن يديـه وضامهـا
وأدري إن الحظ الأقشر صار مثـل هدومهـا
وأدري إن الهم وقّف فـي طريـق أحلامهـا
لين صار الحزن أثرها .. والشقى مقسومهـا
بس تستاهل .. هي اللي طاوعت من لامهـا
وباعت اللي كل ذنبه .. مادخل فـي سومهـا
خلهـا تدفـع ثمـن غلطاتهـا مـا دامـهـا
همّّلت قلبي .. وراحت .. وأسرفت في حومها
يبتعد مع كل خطوه .. صوت وقـع أقدامهـا
وتقرب الضيقه .. وتصحى دمعتي من نومها
لين غابت عن عيوني .. وأنجلـى هندامهـا
ليلةٍ .. تغفى على صـدر الظـلام نجومهـا
كنت احس بشـيّ .. والله ماتشيـل عظامهـا
لو تحس بشييّ منه .. يمـر وسـط حلومهـا
كنت احس إن الضلوع العوج مثـل أيتامهـا
وأشعر إن القلب نبضه منتهـي مـن يومهـا
والحيـاه اللـي تـدور شهورهـا وأعوامهـا
وقّفت .. واليـوم دور رماحهـا وسهومهـا
ياكثر ما اغرقت نفسي في بحـور اوهامهـا
وياكثر ماضعـت بيـن أوهامهـا وهمومهـا
ما جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنهـا ضامـهـا
وقلها كلمـه .. وتفهمهـا حسـب مفهومهـا
والله أن أقص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا

[تسـ тsωαħήــوٍآهـن]

سحابــه


جف الكلام ومدت يدينها فوق : ....
أخترت هذي .. وأنت شف لك سحابه
قلت .. ويديني تحتضنها مثل طوق ..
أخترت هـذي هـذي أكثـر رحابـه
هذي دفا صوتٍ من البـرد مخنـوق
هذي سؤالٍ نصـف عمـري جوابـه
هذي هي اللي عرّفتني علـى الشـوق
هذي قدر .. ماكنت حاسـب حسابـه
قطعة حزن في جيب بالي ومشقـوق
ومضة فرح في عيون نـاسٍ غلابـه
أن سولفت في ثغرها لمعـة بـروق
وإن سرّحت في عيونها صمت غابـه
واليا اضحكت نورٍ من الفجر مسروق
واليـا بكـت تحـزن عليهـا الكآبـه
حبي لها لـوأدري ان فيـه مخلـوق
قدّ حبّ مثله .. قلـت : "ياللغرابـه"
هالآدمي من وين له قلب وعـروق؟!
والصبر هالمسكين من ويـن جابـه؟
وأنا أتكلّـم .. ردّت عيونهـا فـوق
ثم تمتمت : من هي هالأكثر رحابه؟؟
قلت ويديني تحتضنهـا مثـل طـوق
في ذمتي ماشفـت غيـرك سحابـه

[تسـ тsωαħήــوٍآهـن]

حكاية المينـاء ..!!


اضمن لي ان البحـر مـا فيـه حوريّـه
وأضمن لك انـه يكـون حكايـة المينـا
اللّـه يرحـم جـدارٍ كـان لــه فـيّـه
وكانـت تسمّـي علينـا كـل مـا جينـا
نرمـي تعبنـا عليهـا كـل عصـريّـه
نتبـع قدرنـا .. وتتبعـنـا خطاويـنـا
انا .. وذاك .. وهذاك .. وكانت بنيّه....
تطّـلّ مـن جرحهـا .. وتبشّـرّه فينـا
كل ما استلان الزمان احدٍ.. بكـت هيّـه
وكل ما استهان المكـان احـدٍ.. تباكينـا
وفي يوم كـان الدفـا صـوت الشماليـه
نادت : "حبيبي".. وجينـا نرفـع ايدينـا
خلّـت يديهـم وجتنـي وانكسـر فـيّـه
صوت ..وصدى صوت : "تكفى لا تخلينا"
رجعـت الـمّ الشتـات وضاعـت يديّـه
كل مـا جمعتـه تبعثّـر تحـت اسامينـا
ورحنـا نعـدّي .. وكـلٍ عبرتـه حيّـه
حتـى الزوايـا بكتنـا يــوم عدّيـنـا
انـا وذاك وهـذاك.. وكـانـت بنـيّـه
وقبـل نتفـارق كتبـت اللـي يعزينـا:
"اضمن لي ان البحـر مـا فيـه حوريّـه
واضمن لك انـه يظـل حكايـة المينـا"

[تسـ тsωαħήــوٍآهـن]

هدية عيد ميلادك


حبيبي جيت اقدّم لـك هديـة عيـد ميـلادك
وانا متأكد اني لـو نسيتـك مانقـص قـدري
ولكن قلـت ادوّر أي شـيّ يناسـب ّعيـادك
تصفحّت الهدايا لين ضـاق بشوفهـا صـدري
أبي شـي ٍ يجمّلنـي معـك لا فـاح رينـادك
مابي شي ٍ أمدّه والخجل من فوقـي وحـدري
وقلت آشوف بعض الناس قبل يحـل ميعـادك
وش اللي من هداياهم يليـق بوجهـك البـدري
بعضهم جاب ورد .. وشفت كل الورد مافادك
وانا اصلا أعتبر من جاب ذاك الورد مايدري !
لأن الورد لـو مـازاد بيـن إيديـك مـازادك
تركت الورد ذبلان .. وذكرت اللي سروا بدري
هديتهم قفص وطيور .. قلت ف عيد ميـلادك
اسوّي مثلهم واهديك طير ٍ في قفص صـدري

[تسـ тsωαħήــوٍآهـن]

تمنيت موتك




اللي بقا لـي فـي غيابـك .. سكوتـك
واللـي فقدتـه مـن غيابـك .. حنانـك
عـذرك معـك لوخبرونـي ب موتـك
وحقي عليك ان كـان عـذرك زمانـك
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قـوتـك
لامن ذكرت إنسان .. خنته .. وصانـك
ماكـن قلبـه واحــد مــن بيـوتـك
من تحت سقفـه كـم شعـرت بأمانـك؟
وراك خليـتـه .. لعتـمـة سكـوتـك؟
وأنـا م غيـر أعشمـه فـي حنـانـك
فـي غيبتـك ياكـم تمنـيـت مـوتـك
أقل شـي .. أرتـاح وأعـرف مكانـك

[تسـ тsωαħήــوٍآهـن]

بنت الشعــر



ياقصيدي شد حيلك وأخـذ مـن جـورك عدالـه
وأنفـض غبـارك وطـوّح باللحـون السامريـه
أبشر بعلـم ٍ تسـرّ البـال رشفـه مـن زلالـه
أبشـر بعلـمٍ يجيـب أقصـاك ويـردك عليّـه
أبشر ب ( ريف الضلوع العوج ) جت منها رساله
رجعتـنـي للحـيـاه وذكرّتـنـي بالمـنـيـه
أكتبت فيها : (( من سهول الشمال ومـن جبالـه
_لأرض الأحباب وبلاد الحب _ إلى نجد العذيـه
من صبيّه عاث فيها الوقـت وأعياهـا أحتمالـه
للحبيب اللـي يطيـح ف غيبتـه دمـع الصبيـه
يالحبيب أن مرّك أسمي في الرساله وأنـت دالـه
أعتبر هـاك الرسالـه طيـش بنـت ٍ نرجسيـه
وأن قريت أسمي وطاحت دمعتك قبـل الكمالـه
كمّل السطر الأخيـر وبلّـغ الشعـر الوصيـه ))
وأكتبت لي ف آخر سطور الغلا سطـر ٍ لحالـه
بشّرت في القصيد وجـت تسـوق الشعـر ليّـه
ياقصيدي وأنت عـم القلـب وجروحـي خوالـه
لاتـردّى ماخبرتـك ياولـد راعــي رديّــه
أقـدح الشعـر وتوّلـم مانبـي ل أحـدٍ جمالـه
مالهـا غيـر المسـاري والحـروف الأبجديـه
دامها لعيـون بنـت الشعـر والحسـن ودلالـه
والله أن يقـال فيهـا الشعـر وتسوقـه حمـيّـه
العنـود اللـي تذّكـر واحـدٍ مـاغـاب بـالـه
بالقصايـد والرسايـل وأسمـهـا والمقـدريـه
كيف تسألني عن أسم ٍ هزّ له غصن وحـدا لـه
شاعر ٍ من طول صمتـه ماهقيـت ألقـاه فيّـه
ليتها تسأل جنوب القلب عـن صحـراء شمالـه
كم بقـت رغـم الهبايـب فـي قفاريـه الخليّـه
وأن بغت تسأل قصيـدي جعـل يفداهـا خيالـه
تقلـط هنيّـا وتبـشـر بالسـعـد والشاعـريـه
القصيد أن كان ماانصف شاعـره لاجـا مجالـه
وش نبي به يـوم نكتـب فيـه ونحطـه قضيّـه

[تسـ тsωαħήــوٍآهـن]

المراسيــل



أقول : يمكن تنفـرج فـي المقابيـل
و لا ادري الا الأرض تحتـي تهايـل
و بعد التعب والهـم والحـط والشيـل
توّي عرفت ان البخـت كـان مايـل
مع ذاك ابو ذيك الرمـوش المظاليـل
ذاك الغريب اللي عمـل بـي عمايـل
جتنـي مراسيلـه تشـبّ القنـاديـل
و معهـا سـؤالٍ جاوبتـه النحـايـل
يقول : ( كيف الحال بعد المراسيل ؟ )
و اقول ( مثل الحال قبل الرسايـل )
عمر الكتابه مـا تجيـب المواصيـل
ريّح مكاتيبـك تـرى الشـك زايـل
ان ما حصل همس وحنـان وتعاليـل
واعاتبـك ليـن المـح الدمـع سايـل
و اجلس واسولف عن زمان البهاذيـل
و انسى السوالف لا نسفـت الجدايـل
كذا يصير الحـب والوصـل والليـل
وكذا ادري انك مـا نسيـت الجمايـل
امـا كـذا والا اتـرك الحـظ للميـل
واتركني فوق الارض تحتـي تهايـل

[تسـ тsωαħήــوٍآهـن]

زمان الدجــى




بعـد التعـب عـودّت مثـل أي أنـسـان
بأنسى همومـي .. مثـل ماالنـاس ناسيـن
قعدت أقلّـب فـي الفضـاء كـوم بلـدان
من شاشة لشاشة و لا أدري علـى ويـن !
قلت أنبـش همـوم و كواليـس الأوطـان
و أشـوف هاللاهيـن فـي ويـش لاهيـن
أول قنـاة .. و فلـم عـن قصـة أخـوان
حبّّـوا فتـاة و فرقـت بيـن الاثنـيـن !
ثاني قناة .. و وجـه .. أو لوحـة ألـوان
من لبسها .. وش لبسهـا ؟ ربـك يعيـن !
ثالث قناة .. و رقص .. واضواء .. وألحان
أجسـاد معروضـة مـن يديـن ليـديـن
رابع قنـاة .. وشـاب مـن بيـن نسـوان
يشرح لهن بإمعـان عـن موضـة ألفيـن
خامـس قنـاة .. و مـن صبايـا لفـنـان
لا والله إلا زغــردي يــا فلسـطـيـن
سادس .. وسابع .. كلهـا حملـة أعـلان
ثامن .. و تاسع .. مثـل باقـي العناويـن
عاشـر قنـاة .. ومنظـر يهـزّ الأبـدان
من شوفته ضاقـت علـى دمعـي العيـن
قبلـه وأنـا تحـت الغمـا بيـن جـدران
حول الحطب وأقسى علـى البـرد ويليـن
بعده وأنـا تحـت السمـاء فـوق طوفـان
وأحـس فـي صـدري سـواة البراكـيـن
منظـر طفـل دينـه نسـخ كـل الأديـان
مسلـم يعـرف الله قبـل ينطـق السـيـن
منظـر طفـل مسلـم مشـرّد ومنـهـان
بيـن المطـر والبـرد والجـوع والطيـن
عاري وخايف .. لأن كـم طفـل عريـان
فـي مثـل عمـره واندفـن قبـل يوميـن
جايـع ومـن كثـر القناعـة والايـمـان
يسكـت ويقـرا الحمـد ويقـول آمـيـن
صوته عتاب .. ورعشـة ايدينـه احـزان
و نظـرة عيونـه مثـل طعـن السكاكيـن
في قلب مـن لـه قلـب مفعـم بالايمـان
وفي عين من له في زمـان الدجـى عيـن
يـا الله ياللـي عنـدك الـنـاس سـيّـان
تّجّار .. وضعوف .. وعبيد .. وسلاطيـن
حنّـا عبيـدك .. وأنـت ياعالـي الشـأن
أدرى بخبـث و غطـرسـات الملاعـيـن
يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن

[تسـ тsωαħήــوٍآهـن]

النــاس



ياصاحبـي لاتجـي وتقولـي قـالـوا
لو قلـت ماقلـت غيـر الله يجازيهـم
لاشفت بعـض الأوادم للـردى مالـوا
نفضتهم مـن عيونـي قبـل اخليهـم
يكفينـي القـدر نلتـه يـوم مانـالـوا
الا .. او اقول مابغى اجيـب طاريهـم
ماقول غير انت لامن حطـوا وشالـوا
تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيـهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا
الا اني اسكت ,, واقول : الله يجازيهم

[تسـ тsωαħήــوٍآهـن]

ثلاث سنين




ياعين هلي دموع الوجد وانهمـري
محتاج لي دمعتين تعيـد ترتيبـي
نويت دمر الزمان اللي نوى دمري
بايعك ياطيبتي شاريـك ياطيبـي
والدانه اللي تغنّج كنهـا القمـري
أمنتّكـم بلّغوهـا يـا مناديـبـي
لا عاد تشفق على نخلي ولا تمري
ولا عاد تشره علي ف قل ترحيبي
إن كان ربي عطاها لونها الخمري
الله بنفسي معوضني فقـر جيبـي
أمنتكم بلغوهـا تحتـري جمـري
مادام مافاد معها حسـن تهذيبـي
إن عشت والله لأمشيها تحت أمري
وأحس فيها تعذب كثـر تعذيبـي
هذريت فيها ثلاث سنين من عمري
وإن قالـه الله لأخليهـا تهذريبـي

[تسـ тsωαħήــوٍآهـن]

التـوبــة



تطيح دمعه واسلـم للفضـا موقـي
وارفع يدين الذنوب وتظلم أعماقـي
اشوف قبري يمر بوحشتـه فوقـي
وتصير كل الحياة أضيق من أخلاقي
يانفس طالت ليالـي غيّنـا فوقـي
كم قلـت يالله وقلتـي تونـا باقـي
يالمزنه اللي تحـن لغيثهـا نوقـي
تعبت أخيلك وأقول نياقـي نياقـي
تعبت ياما تعبت و ضاعت حقوقـي
ياما ندمت وردمت الذنب ف أوراقي
ياما سكت وتركت البـوح لعروقـي
أخاف أسولف وأخيب هقوة الهاقـي
أخاف ابوح ويخون الصمت منطوقي
وأقول شي يحـث النـاس لفراقـي
يالله وأنت الملاذ إن مسني عوقـي
وأنا ذنوبي جهد من راسي لساقـي
يالله تغفر خطاي وترحـم وتوقـي
عظمي نهار الحساب وتقبل إعتاقـي

[تسـ тsωαħήــوٍآهـن]

دمعـة ملك


ياسيدي والقلب له صوت مسمـوع
الياتكلـم .. ينصـت الكـون كلـه
وقلوبنا يمكـن لهـا ثالـث أسبـوع
مافارقتها صورتـك فـي المجلـه
يوم أنها طاحت من عيونك دمـوع
لعيون طفل ٍ فـارق عيـون خلّـه
طفل الشهيد اللي على أبوه مفجـوع
أليـن شافـك ياضمـاده وظـلـه
ثم أنفجر من صوته الغـظ ينبـوع
وغنّى " وطنّـا كلنـا فـدوة ٍ لـه "
قمت وحضنته كن ماحولك جمـوع
قاسمت حتى الطفـل دمـع ٍ يهلـه
يابو اليتامى كلنـا سمـع ٍ وطـوع
فـك غمرنـا يالحبيـب المـولـه
ودمعاتك اللي هزّت ضلوع وضلوع
أكبـر دليـل أن المحبـه مـن الله
يانبضنا اللي كم هدى ب أسمه الروع
ادربنـا اللـي نهتـديـه ونـدلـه
ياتاجنا اللي يودع الـراس مرفـوع
لغزنـا اللـي خفقـة القلـب حلـه
نهيم فيك هيام ونجـوع لـك جـوع
اأصدق سبـب لوجيهنـا المسفهلـه
حبك هنا بيـن المعاليـق مـزروع
تسقيـه غيمـة عطفـك المستهلـه
ربي يديمك يـاذرى كـل مفـزوع
ربـي يعينـك يابـو الشعـب كلـه
أقولها والقلب له صـوت مسمـوع
طلـق حجاجـك يالسنافـي وفلّـه
لك في يدين أطفالك ورود وشمـوع
في قلوبهـم لـك غيمـة ٍ مستتقلـه
ولك من زنود عيالك سيوف ودروع
الكـل منهـم ودّه أنــك تسـلّـه
آمر يابو متعب لك السمع والطـوع
لوودك نجيـب البحـر مـن محلـه
ماهو كثير أن قلت يفدونك جمـوع
يـاالله عسانـا مــن فـدايـاك لله
اللي طفل من شعبه أصخى له دموع
ارواح شعبـه كلهـا فـدوة ٍ لــه

[تسـ тsωαħήــوٍآهـن]

الدلوووعـه


إيه أعرفك بنت عز وكلمتك مسموعـه
وأدري إنك من خلقتي في ظلال وفيّـه
مالعب فيك الزمان ولاقرفتـي جوعـه
ولاوقفتي من همومـك وقفـة محنيـه
أدري ورب اليتيم اللـي يهـل دموعـه
مابعد هلت دموعك في ضحـى عيديـه
بين حضن أبوك وأمك وردةٍ مزروعـه
طول عمرك مافقدتـي لمسـة الحنيـه
إيه أعرفك وأعرف إن الناس بك متبوعه
وأدري إن أمرك مجاب وحاجتك مقضيه
بس أنا من فضل ربي هامتي مرفوعـه
ورث أبوي وراس مالي عزوة جبريـه
مانحنيت إلا لمخافة ربـي المشروعـة
ولابعـد دفقـت دم الوجـه مـد ايديـه
بدوي ماعرفت الضحكـة المصنوعـه
احمدالله من خلقـت وطيبتـي فطريـه
قانع في حكمة الله ماشي فـي طوعـه
ماحسبت حساب دنيـا لناسهـا طرقيـه
إيه أنا ياأم الترف قلبي غدا موضوعـه
الفراق اللي بلا رجعـه وطـاري جيـه
بس روحي سايري قلبك وهدي روعـه
واعذريني .. وإلا عادي ازعلـي عليـه
دامها وصلت لـذل النفـس يالدلوعـه
والله ان يعيش راسـي ماانحنـى لبنيـه

[تسـ тsωαħήــوٍآهـن]

صمت المكـان



كل ماطابت هجوسي .. رحت اسولف للزوايا
عن فتاة ٍ كان يملى صوتها صمـت المكـان
عن فتاةٍ غير كل اللـي قرينـا فـي الحكايـا
صمتها طيش وقصيد .. وطيشها صمت وأمان
باقي ٍ فيها مـن اللـي فـي طفولتهـا بقايـا
شيطنة ضحك وسوالف .. رقّة شعور وحنان
كم تزاعلنا .. وكـلٍ ينتظـر دمـح الخطايـا
ثم سكتنا .. والزعل من بيننا مثـل الرهـان
لين ماتنهي زعلنـا ضحكـة ٍ بيـن الشفايـا
ضحكة ٍ غابت ولكـن شانهـا مـازال شـان
ماذكرت الا عيوب .. ولاتركـت الا مزايـا
سوّد الله وجه حظي .. والليالي .. والزمـان
راحت وخلّت دلعهـا صـورةٍ بيـن المرايـا
وين مالدّيت فيهـا شفـت ضحكـات الثمـان
وشفت شامه فوق جمره سوّت بقلبـي سوايـا
آه ياهالحال منها كيف صار .. و وين كان !
بس ياذاك الخفوق اللـي تلـجّ أبـك الحنايـا
شدّ حيلك .. لاتخاذل .. مايطيـح الا الجبـان
مالك الا ذكرياتك وأنـت مـن بيـن الهدايـا
حول ذاك الورد ابو عطـرٍ يهـز الشمعـدان
كل ماخلّـت وراهـا غالـي ٍ ريـم الصبايـا
حتى والله من غلاها .. رحت وأغليت المكان

[تسـ тsωαħήــوٍآهـن]

أنت زعلان ..؟!!



أسمعك ياللي تنادينـي يابـو قلـب ٍ خلـي
بس انا ماني خلي القلب لأجل اسكت واجيك
الخلي ماهو بقلـب ٍ مـن هيامـك ممتلـي
الخلي قلب آدمي ٍ شافـك ولا هـام فيـك
انت زعلان لجفـاي مادريـت إن زعلـي
يـوم قلبـك مايبينـي قـد ماقلبـي يبيـك
حتى لو عيت همومك في غيابـي تنجلـي
كل هذا مايسـاوي لهفتـي يـوم احتريـك
كان ماصدقت هرجي طيب اسمـع مايلـي
ياحبيبي ياعسى ربـي يحفظـك ويهديـك
جايز إنك في غيابي تقلـب الدنيـا علـي
بس انا من قبل اعرفك قالب الدنيا عليـك

[تسـ тsωαħήــوٍآهـن]

بسم الله عليـك



جيـت فـي ليلـة وداعـه تـايـهٍ بـيـن البـيـوت
وصحت : "وينك؟!.. جيت اوادع عمري اللي ضاع فيك"
ما سمعـت الا صـدى صوتـه وكـان آرقّ صـوت
ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الحـزن وتـفـوت :
"هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت
قـال وعيونـه تغـارق دمـع : "بـسـم الله علـيـك"
قلت : "يا ابن الناس عادي ماورى ه (المـوت) مـوت
وش وراهـا لا فقـدت عيونـك ولمـسـة يـديـك"؟!

[تسـ тsωαħήــوٍآهـن]

صباح الخير يابلادي




مـع كـل نسمـة صبـاح أقـوم وأيديّـه
ترفـع بعضهـا كـذا .. وأقـول وأنـادي
الله يسـعـد صـبـاحـك يالسـعـوديـه
عسـاه والله صبـاح الخـيـر يـابـلادي
.
.
يـــادروب الأرض ل عـنــاق الـسـمــاء
يـاجــداول مـــاء ل حـكـايـة ظــمــأ
يـالـكـلام الـلــي عـجـزنــا نـبـتـديـه
.
مــن يـقـول أنــك كـمـا غـيـثٍ هـمـا
أنـتــي لاقـبـلـك ولابـعــدك كـمــا ..
علميـنـا كـيـف نـلـقـى لـــك شـبـيـه
.
.
يابلـدنـا ويـــن نـلـقـى لـــك شـبـيـه
فـي ومـيـض الـبـرق لاســال الغـمـام ؟!
فـي شـعـاع الشـمـس لاشــقّ الـظـلام ؟!
فــي أبتسـامـة شـايـبٍ صـلّـى ونـــام !
في المحبه .. في السماحه .. والا في معنى السلام !
.
.
يابلـدنـا صـعـب نلـقـى لـــك شـبـيـه
وأنـتـي الـلـي لاذكـرنـا أنـــك بـلـدنـا
نــرتــبــك حــــــب وغــــــلا
ونـتـلـعـثــم فــــــي الـــكـــلام
.
.
عــمــار يـــــادار الـســعــد
لا يـالـسـعـوديــه عـــمــــار
والله مـاقــبــلــك بــــلــــد
ووالله مــابــعــدك ديـــــــار
مـــادام أبـــو مـتـعـب سـنــد
الـحــر أبـــن نـســل الـحــرار
ايــــوالله نـحــبــه عـــــدد
مـايـطــوي الـلـيــل الـنـهــار
والــكــل مــنّـــا لاســجـــد
يـقـولـهـا ســــر وجــهـــار
أمــجــاد يــاوجــه الـســعــد
وعــمــار يــابــلادي عــمــار
.
.
يـــــــاوطـــــــنّـــــــا ..
يـاطــمــوح الـــلـــي تــمــنّــى
نـحـمـد الله يـــوم صـرنــا فـيــك ..
والا قـبــلــك كـــيـــف كـــنّـــا
.
.
يـــــــاوطـــــــنّـــــــا ..
يـالـنـخـيــل الـــلـــي تــثــنّــى
لــو بكـيـف الشـمـس ماخـلّـت يـديـك ..
ولاخــذاهـــا الــلــيــل عـــنّـــا
.
.
يـــــــاوطـــــــنّـــــــا ..
أنــــــــــت حـــــنّــــــا..
الرجـال الـلـي ب طـهـر أرضــك تغـنّـى
والبـنـات الـلــي ي نسـمـاتـك تـحـنّـى
ومـن تنـكّـر لــك تــرى مـاهـوب مـنّـا
.
.
وطنّا كثرة أحبابك تحيّـر والكـلام يطـول
ولكـن لاتغـرّك ياوطنّـا كثـرة أحبابـك
بعض هالعالم يحبّك عشان النفط والبتـرول
وحنّا ننطح العالـم علـى ذرّه مـن ترابـك
لك الله ياوطنّا .. لابدا اللازم .. وطقّ الجول
نجـي وثيابنـا لعيونـك أكفـانٍ تغنّـابـك
نجي ماهمنّا الماضي ولاخفنا من المجهـول
نجي ونقدّم المـوت بيدينـا قبـل نحيابـك

[تسـ тsωαħήــوٍآهـن]

سهم .. وقلووب



ياعيـن كفـي دمعتـك لاتهليـن
قوي الصبر هذا زمـان العجايـب
ماقد سمعنا رجّـع الدمـع غاليـن
ولاسمعنـا رد دمـع ٍ مصـايـب
بدل دموعك حاولي بينـك وبيـن
قلب ٍ عساه اليوم ينسى الحبايـب
مااقول انسي .. حاولي كود تنسين
خلاص راحت غايتك بالغصايـب
الحب قصه والبطولـه لشخصيـن
وختامها كل ٍ مـن الحـب تايـب
ماهوب مثل اللي نظنه من سنيـن
ماندري انه يودع الـراس شايـب
كنا نظـن الحـب يرسـم بقلبيـن
وسهم ٍ على القلبين بالحبر صايب
واليوم اشوف الحب في دمعة العين
كنـه غريـب ٍ دون دم وقرايـب
انشهد انـه شتـت الحـظ أثنيـن
راحت وتهنا في بحور ٍ غرايـب
راحت وانا واطلالها اليوم باقيـن
ترقب عيونـي بابهـم والهبايـب
اذا انفتح كل الخفايـا بـي تبيـن
واذا تسّكر جاوب الدمـع غاايـب
انا قوي القلب اصبحت مسكيـن؟!
يحق لك يالعين خاوي السحايـب
ياعيـن هلـي دمعتـك لاتمليـن
غلطان انا يومي ردعتك وخايـب
وآخر وصيه من فهم حالتي زيـن
وآمن بقلب ٍ راح في الحب ذايـب
ينحت على قبري رموز ٍ بحرفين
وينحت سهم وقلوب فوق النصايب

[تسـ тsωαħήــوٍآهـن]

الطفل .. والمحارم

كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..

طفل أحزانه معالم..
طيب وسمح ومسالم..

يمشي ويطوح بصوته ..
يبغى قـــوت أمه وقوته ..

المحارم....المحارم....المحارم ..
المحارم....المحارم....المحارم ..

ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..

وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..

تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..

وفي صباح من صباحات الضياع ..
الحزن قدر يقول له الوداع ..

نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..

الصغير اللي ملى الدنيا صراع...
مـــــــات ....من كثر الوجع

[تسـ тsωαħήــوٍآهـن]

ليل .. ياليــل



ليل ياليل .. يوم الناس سمّـوك ليـل
هو عشان السهر وإلا عشان المنام ..؟

شف عيوني وشف وشلون جسمي نحيل
لعنبو هالغرام إن كان هذا الغـرام ..!

آه ياقلبـي اللـي مابقـى فيـك حيـل
من كثر ماطواك الشوق ولـد الحـرام

قلت لك لاتميـل إن طعتنـي لاتميـل
بس هذا أنت ملت وماسمعـت الكـلام

يـوم ذيـك الصبيـة أم ذاك الجديـل
جت تهادى وتمشي مثل مشي الحمـام

إنكسرت وقعدت تحـط فـيّ وتشيـل
لين رحت وخذتني في طريـق الهيـام

قبل أسلم عليهـا كنـت عابـر سبيـل
وصرت ديرة غرام وعشق بعد السلام

كنت اقول : أي حب وأي خل ٍ وخليل
الهـوى مـاوراه إلا التعـب والمـلام

لكن اليوم شفني ضعت وأكبـر دليـل
اني امشي واهذري( إبتسام .. إبتسام )

[تسـ тsωαħήــوٍآهـن]

الأسرار




يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه
المكان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !
شوفي الركن البعيـد هنـاك .. كنـه صـدر حانـي
هـذا هـو اللـي يليـق ب شاعـر وبنـت حزينـه!
أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغيـم ونشـكـل مديـنـه !!
عنـدي الليلـة كـلام وصمـت .. وأخـاف الثوانـي
تظلمه .. أو تظلم اللـي فيـه كـم ضاعـت سنينـه
بـس لازم تسمعـيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه
شي واحد قبل ما أبـدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !
إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!
بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه
كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه!
أشعـر إن عيونـك.. الله مـا خلقهـا إلا عشـانـي
كيف كانت تبتسم لـه؟!.. قولـي إنـك تخدعينـه !!
صورة إنه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه
حتى اسمـك يـوم رحـت أدلله .. حظـي رمانـي..
بنفس الاسم اللي يقـول .. بذمتـك ماهـي غبينـه !؟
وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!
لا تظنينـي أنانـي .. لا .. أنـا مانـيـب أنـانـي
لو سلمت من الغرق . ب أموت فـي ظهـر السفينـه!
يا إني ما أكمل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!
أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:
مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

[تسـ тsωαħήــوٍآهـن]

لاتكدّر خاطـرك



لاتكدّر خاطرك ضيقـة حبيبـك يـوم قـال
ايه أحبك يابعدهـم بـس أنـا ويـن آغـدي
ضيقتي ماهيب بـس اليـوم يابنـت الحـلال
ضيقتي لها ثلاث سنيـن تاكـل مـن يـدي
ضيقتي مافي وفاهـا يابعـد عمـري جـدال
كل ليلـه تبسـط يديهـا وتفـرش مرقـدي
ودي اسكت بس اعرف الحظ لامن مال/مـال
لي متى والصمت ينهش في ضلوعي وجسدي
شوفة عيونك ... هموم وضيق خلق وقل حال
وش اسوي دام حظـي يابعـد عمـري ردي
هي كذا عيشة حبيبك لـو تظاهـر بالكمـال
أقرب أيامـه سعـاده بعدهـا بعـد الجـدي
هي كذا وأنتي بكيفك بس باقـي لـي سـؤال
فيه دمعه فـي عيونـي تنتهـي أو تبتـدي؟!
كلهـا مابيـن كلمـة روح أو كلمـة تعـال
كلمة ٍ منهـا أضيـع وكلمـة ٍ فيهـا آهتـدي
هذا كل اللي بقوله ..وأعذري قـلّ الوصـال
والله أدريبك زعلتي بـس أنـا ويـن آغـدي

[تسـ тsωαħήــوٍآهـن]

الحسـد



الشعر أبـوي .. ولا بعـد قلـت : لبيـه
إلا ل( بحّة وزنه ) و ( صـوت قافـه )
ماقبلـي أحـد ٍ قـد تربّـى علـى يديـه
ولاغيري أحـد ٍ سْمْـع صوتـه وشافـه
أغليه .. وأخافه .. وأحبّـه .. وأداريـه
وأخـاف لاأفقـد دهشـتـي فأكتشـافـه
على كثر مـا أبيـه وأتعـب وأنـا أبيـه
ماقـد شكيـت لغيمتـه مــن جفـافـه
إن ألتفـت فـي حالـي .. الله يحيـيّـه
و إن ما ألتفت .. ما ألحقت عمري حسافه
يامـا علـى غفلـه غرقـت فشواطيـه
وياما رمى فـي قـاع صوتـي ضفافـه
وأمسيت أغني له .. وأشيله .. وأشاكيـه
كنّـي مكـوّم كـل مـاكـان طـافـه !
أحـاول أقـوى شـي مانيـب قـاويـه
وأحـاول أقبـل شـي نفسـي تعـافـه
اسمـع مـن هـروج العتـب والمسافيـه
..مـازوّد حمـول التعـب والمسـافـه
نـاس ٍ بلونـي بالحـسـد والمشـاريـه
مافيهـم اللـي وسـط قلبـه مخافـه ..
لا .. والمصيبه .. ويش أنا منحسد فيه ؟!
في الشعر , ودروب السهر , والكلافه !!
قولوا لذاك اللي ( سهادي ) علـى ايديـه
وش جـاه منـي ؟! لعنبوهـا ضعـافـه
ان كان حاسدني علـى الشعـر والتيـه !
يجـي يبادلنـي .. وأخـط أعتـرافـه :
يعطينـي راحـة بالـه الـلـي تقـدّيـه
وأيامـه اللـي ماتـعـرف الصـلافـه
ونذر ٍ علي لأعطيه .. وأعطيه .. وأعطيه
حتـى يمـلّ مـن الشعـر والصحـافـه

[تسـ тsωαħήــوٍآهـن]

طفلٍ كسر قلب الأعيـاد



عدّى عمر .. ياليت الأعمار تنعـاد
وأرجع بـلا شيـب وبليـا تجاعيـد
أرجع وأضم أبوي وأقـول: لا عـاد
تموت وتتركنـي مثـل ليلـة العيـد
يـوم اسـألـوا الصبـايـا والأولاد
وقلت:أمي تقول انـه مسافـر بعيـد
بكيـت ليلتهـا وناديت..مـا فــاد
وظليت أصوت لك .. وأناديك وأعيد
عوّد يا بوي وجب لي ثيـاب جـداد
يا كثر ما تنسى يا بـوي المواعيـد
بكيتك لحالـي وأنـا كنـت معتـاد
تكف دمعي ب إيد وتضمني ب إيـد
كم كنت محتاجك تجي كنّـك رقـاد
تمطر من كفوفك صـلاة وعناقيـد
احتجت لك طفلٍ كسر قلب الأعيـاد
واحتجت لك طيش وشباب وتناهيـد
واحتجت لك شاعر له أحباب وأضداد
واحتجت لك رجال يخشى المناقيـد
احتجت لك .. واحتاج لك ظل وسناد
العمر ينقص واحتياجي لـك يزيـد

[تسـ тsωαħήــوٍآهـن]

من عز نومي




من عز نومي صحيت وشفت في عينـي
دمع تهادى علـى جفنـي وأنـا غافـي
ستـرت دمعـي بكمـي قبـل يغرينـي
وأخذت هذا الجسـد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لطريقـي لا توديـنـي
لعيون ناس تبـي تـدري عـن الخافـي
أمانتـك.. خلهـا مـا بيـنـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكيـنـي
كرامـة النفـس ورث أبـوي وأسلافـي
أمشي وأحـس الخناجـر فـي شرايينـي
والبرد يمشـي وراي وينهـش اطرافـي
وحيـد واللـيـل بـردونـه يغطيـنـي
تقـول كـن البلـد روح بهـا السـافـي
إلين ما أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلـفـت وانــادي لا تخليـنـي
ما غيره.. الصوت هذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتك كيـف أثـرت فينـي
تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
تعبت أعدي على جمـرك وأنـا حافـي
تعال واقطف بصوتـك زهـرة سنينـي
كـل المواعيـد عقبـك شمعهـا طافـي
تعـال وازرع خصـل شعـرك بكفينـي
بضمهـا ليـن أحـس بليلـك الظـافـي
تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديـت أشعـر أن الحـب معمينـي
وان أنت حلم عثـى فينـي وأنـا غافـي
لكـن أمانـة تـرى اللـي فـي كافينـي
إن رحت منك كذا مـا رحـت متعافـي
بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي
أمانة الله عليـك إن غبـت عـن عينـي
لا يكون قلبك مثل قلـب الزمـن جافـي
مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

[تسـ тsωαħήــوٍآهـن]

دم في قلـب الهـلال




يكذب اللي قال سامي اعتـزل ...
انت تدري وش هو معنى الأعتزال
يعني غاب ولابقى لشوفه أمـل ..
لا سامي مااعتزل ياابن الحـلال
سامي باقي نجم ماعمره أفـل ..
سامي باقي مابقى نـادي الهـلال
لايهمك حكيهم .. هذا بطـل ...
هذا واقـع لكـن اشبـه بالخيـال
كل شي ٍ في مزايـاه أكتمـل ..
كامـل ٍ سـامـي ولله الكـمـال
لعب فن وذوق وأخلاق وعقل ..
مااغرته شهره ولا مظهر ومـال
ماهي دوله تشهد لمجـده دوّل ..
مدمـي الشبـاك مافيهـا جـدال
لارفع راسه على الباب ووصل ..
مالشباك الخصـم غيـر احتمـال
قول مبدع صاحبه قول وفعـل ..
صاحبه سامـي ولافيهـا مجـال
ايه سامي سامي اللـي ماافـل ..
نجمه اللي ينعرف بيـن الرجـال
يكذب اللي قال غـادر وأعتـزل
سامي اصلا دم في قلب الهـلال

[تسـ тsωαħήــوٍآهـن]

أحبك تحت الأرض




مي هذي مثل طل الصبـح لاغصـان الحدايـق
يبتسـم قطـر الـنـدى لاباسـتـه او باسـهـا
مي هذي بنت لامن شفت صدر الليـل ضايـق
ادري ان عيـون مـي اليـوم طـال نعاسـهـا
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب مـي الـي كثـر ماهـوب بايـق
من قلـوب الخلق..ماذكـر مـر يـوم وداسهـا
لان مي ارق بنت..ولو قسـت ماهـوب لايـق
حيرتني مي..مدري الاجمـل هي..ولااحساسهـا
بالها لاضاق زانت..كيف لامـن صـار رايـق
فـي انتباهتهـا براءه..كيـف اجـل هوجاسهـا
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبـلا لامـوت اكثر..مـن نشيـج انفاسهـا
مي لاتعطين بال لمـن يقـول المـوت عايـق
الجسـد موتـه يفـك الـروح مـن حراسـهـا
ماحبك فـوق الارض وبـس ياكـل الخلايـق
حتى تحت الارض احبـك يابعـد مـن داسهـا
مي لو ماقلـت فيهـا بيـت واحـد ماتضايـق
لان مالي شعـر ينشـر لـو رفـض كراسهـا

[تسـ тsωαħήــوٍآهـن]

زيـد المليحي





انهلي يابيوت شعـري مـن مباهيـر الكـلام
وياحبال الصوت مدي دلوك الليلـه وصيحـي
واشرقي ياشمس راح الليل وانـزاح الظـلام
وياسحاب الصيف ول ويانجوم الليل طيحـي
وابعدي بالضيقه اللـي طاولتنـا حـول عـام
ويالنفوس اللي طواها الشوق هيدي واستريحي
ابشري بالشيخ عود وأنجلـى ضـوح العسـام
ابشري بالوسم روح وأقبـل بزيـد المليحـي
مرحبا يالغربي المنسـاق مـع ريـح الخـزام
مرحبـا يالماطـر الفـاق يالوجـه الفليحـي
مرحبا والشعر لو ماجا على احسـن مايـرام
عذري انه ماتطولك هامة الشعـر الفصيحـي
دامك اجزل من جزيل الشعر ياجـزل المقـام
ليه ماارهي في القصيد وليه ماجزل في مديحي
والله ان اقلب قصيدي ريـح واسـوق الغمـام
لين اقلطها على فالـك بعـد ماهـب ريحـي
يالكريم ابن الكريم ابن الكريـم ابـن الكـرام
يقصر الهرج ويطول ولايصح الا الصحيحـي
يانجوم الليل عندي مـن اهـل الغلبـا كـلام
اسمعيني ثمن اسري من على قرن الوضيحـي
من سبيـع البيـت هذايعتبـر مسـك الختـام
علمي سـود الليالـي علمنـا ثـم استريحـي
ان رضى زيد المليحي من هل الغلبـا سـلام
وان زعل زيد المليحي كلنـا زيـد المليحـي