ديوان : الشاعر : تركي الديحــآني

[تسـ тsωαħήــوٍآهـن]

الشآعر الأسطورهـ تركي الديحآني .. هو شآعر كويتي الجنسيه
وهو من الشعرآء الشبآب الذي آذهلوا السآحه بقوة مفردآتهم .. وبقصآئدهم الجزلهـ
:: ₪ :: :: ₪ ::
نتمنى لكم وقتآ طيبآ في ضيآفة شآعرنآ الاسطورهـ

[تسـ тsωαħήــوٍآهـن]

قصـار الايــادي



يامحمد الحلفي ترى الوضع عادي
وانا على راس الجبل ماتهزهزت
واليا حكو فيني قصـار الايـادي
هذا يـدل انـي عليهـم تميـزت
ماهمني بالناس طفـسٍ وغـادي
رقيت في راس الطويله وعنـزت
وانا على خبرك كعـام المعـادي
ياكثر ماسويت بعـداي وانجـزت
على ظهر ريمه ينومس شـدادي
لاني على فعل وفعايل تمركـزت
يشوش راسي عند خشم الزنادي
ولا هي غريبه يبن عباد لافـزت
وان كان عذروبي فقط بنحيـادي
لي الفخر يومي الربعي تحيـزت
مالد عيني في لسـان الربـادي
اللي السانـه ينفلـت لا تبـرزت
في قمة التشويش صاحبك هادي
وان لعوزوا غيري ترى ماتلعوزت
ماقلتلك اني رجـل غيـر عـادي
من وين ماسقت الركايب تميـزت

[تسـ тsωαħήــوٍآهـن]

الشآعــر الفآشـل




صبّحني الشعر يسعدلـي صباحاتـه
والحزه اللي تجيب الشعر مسعدهـا
والشعر في دينـي الثنتيـن راياتـه
مجّـود القـاف والفكـره مجودهـا
من قبل مااحبكه احسـب حساباتـه
اخاف لا اكتـب قصيـده واتنقدهـا
الشعر طب الجـروح وكـل اهاتـه
لا زادت جروح شريانـي يضمدهـا
واليـوم يازيـد ماتغـري كتاباتـه
ابعتـذر والمشـاعـر لا تنشـدهـا
من سبة الشاعر اللي من شعاراتـه
تقول هذا ملك ؟ والاخ مع يدهـا !!
جمهور فزعه معـه ايـردد ابياتـه
الله يخلي مصـر فزعـة صعايدهـا
اضحك ونفسي على المسحوب مواته
واجاهد النفس وارجع ثم اجاهدهـا
لوّه يشارك معي اكشـف سخافاتـه
ماني بتركي يازيد ان ماتوسدهـا !!
لو كان فنـان يستعـرض مهاراتـه
انا على فن مهاراتـه امـر وادهـا
انهيـه حتـى يسـجـل نهايـاتـه
والكلمـه اللـي تجيلـه مايعاندهـا
ويتووه في وسـط دوّامـة متهاتـه
والناس ترقى على القمه وتصعدهـا
اما يغوص البحر ويجييـب داناتـه
والا قصايـده يسكـت لا يعـددهـا
والشعر ينخى وانا لبيـت فزعاتـه
وودي كلمه على السانـي ارددهـا
مدام يقصد علـي ويكسـر ابياتـه
ليته يكب القصيـد ولايتعودهـا !!

[تسـ тsωαħήــوٍآهـن]

المطيري عند وجهك





يارفيق الدرب تكفى لا تضايق في زمانـك
ولا تهمك هرجة الهافـي وطعنـاة القفيـاّ
كل مابرقّـت عالـي مالمحـت الا مكانـك
ويش جاب اهل الثرى يامسندي عند الثريّا
ماعليك امن الكلام ومعتلي قدرك وشانـك
ماينـزّل هامتـك هـذا ولا ضنـي هذيـاّ
اتضايق من يجيب اسمك ويشككّ في بطانك
وينفجر شريان دمي مثل تفجيـر المحيـاّ
لانّك كحيلان طيب ووقفتك تثبـت كيانـك
دون ربعك ياسليل المجـد تنخـى وتهيـاّ
كل ماضاقت عليّه مذكر اني قلـت وانـك
دايمٍ عنـدي هنـاك ودايـمٍ عنـدي هنيـاّ
جعلني ماذوق حزنك وعتبرني من اخوانك
وحطّني دايم على يمناك ياسمـح المحيّـا
بالرخا مانيب حولك بس بالشـدّه اوزانـك
وقتها لو اتعـذّر راسـي المطنـوخ عيـاّ
والله انك لو تجيني شايش وراكب حصانك
ماعلى السانك سوى حوض المنايا قلت هيّا
ابشر بعزّك تمنّى قـول لايـردك السانـك
المطيري عند وجهـك بالملاقـى والحميّـا
اتِمَسّك في عناني واتمسّـك فـي عنانـك
واتفياّ في ضلالك وانـت بضلالـي اتفيـاّ
افزع المثلك كذياّ حتى لو عشـرك ثمانـك
من غلاتك يارفيق الـدرب افزعلـك كذيـاّ
بس اانا طالبك تكفى لا تضايق في زمانـك
ماعليك امن الثرى يبقى مكانـك بالثريـاّ

[تسـ тsωαħήــوٍآهـن]

الــمــرقــاب




ابصعد المرقـاب واشـب ضـوي
مدامني ضـاري بعـال المراقيـب
ماقـول ياليتـي ولا قـول لـوي
اتعب على الطالات وادور الطيـب
اخـذ قراراتـي بصمـت وتـروي
ماني من اللي اجازي العيب بالعيب
واكبر مثل بـن الزمـان متلـوي
تضيع مابين العـدو والاصاحيـب
كنت اتحرى طعنتي مـن عـدوي
لكن جتني من ولد عم وقريـب !!
مانيب قايل بعدها ويـش اسـوي
مشيتها من قبل تدري الاجانيب !!
ماهو على شانه ولا هـو متقـوي
كله على شان اللحى والاشانيب !!
ماقولّـه يافـلان عكـرت جـوي
لا والله يبشر بالهـلا والرتاحيـب
لو كان نجمه كـل ليلـه يضـوي
ياخذ على جو السما ايام ويغيـب
الشيخ هو الشيخ مهمـا يسـوي
لابد مانلقى بشخصه عذاريـب !!

[تسـ тsωαħήــوٍآهـن]

الهافـي السربـوت





ياصاحبي في صحبتك كنت مبخوت
يـومٍ علومـك كلهـا مسفهـلـه
يومي اجي بيتك واعقّب لي بيـوت
وقـول يفـدا بيتكـم الـف فلـه
سوالف كانـت جواهـر وياقـوت
واليوم اشوفك زدت بالطيـن بلـه
ياليتها كانت علـى لعـب بيلـوت
وامشي الموضـوع دقـه وجلـه
لكن هذا غير ... لايمكـن تفـوت
زلتك هذي غيـر عـن كـل زلـه
راحت سوالفيك سواليف حتحـوت
اثر قليبـك فيـه يالهيـس غلـه
كله ولا المطران حـدّك ياهلفـوت
مرضى على ايّـة مطيـري مذلـه
مطير عمّانك ياهافـي ياسربـوت
واصغر مطيري ماتجي ربع ضلـه
فعل المطيري بساحة العز مثبـوت
وكل العلوم الشامخه فـي سجلـه
بعطيك نبذه واتكـوّن مـن بيـوت
وكل الكلام اللي يجي فـي محلـه
علوى هل الردّات نطاحـة المـوت
على العدا مثـل النجـوم المطلـه
والعبدلي اسمه على المجد منحوت
سيفٍ مجّرب يعجب اللـي يسلـه
وبريه واحدهم لو انّه في تابـوت
لامن نخيتـه جـاك فـزاع كلـه
ثلاثة اسما عز من كـان مكبـوت
رفيقنـا بقـول الجنوبـي نشلـه
للموت جلابه وللشيخـه بشـوت
ولسّلم حلاله وعلـى الضـد علـه
ربعي وافاخر بصلهم وارفع الصوت
بالمنتـدى والا بوسـط المجـلـه
من دونهم اشوّت المنبقـط شـوت
واقولّـه طـس اذلـف بعيـد يالله
اشوش خلقه ماتشيّـش ابريمـوت
جينـات تكوينـي مـن الله جبلـه
وخلك بديوانك على الهند والكـوت
والطيب رجلينـك حشـا ماتدلـه
اقطع السانك ثانيه مرّه ياسربـوت
لاجبت طاري مطيـر بيـات زلـه

[تسـ тsωαħήــوٍآهـن]

خيــل الديآحيــن





ياللي شريت الذود ماهـي غريبـه
مـدام تملكلـك رصيـد وملاييـن
بس الغريبـه والبـلا والمصيبـه
ماذقت من عندك حليب البعارين !!
الدلبحي قـد قالهـا مـن عتيبـه
يـوم الاصايـل يدبكـن المياديـن
ياعـل ذودٍ مايجيـنـي حليـبـه
تقفي على تاليـه خيـل الدياحيـن
البل لها في ماضي الوقـت هيبـه
يـوم القبايـل ماتعـرف القوانيـن
كلٍ عليها ويعتـزي فـي صحيبـه
لا شافلـه نـاسٍ عليهـا مغيريـن
من دونها جرد السيـوف العطيبـه
والروس مجدوعه من ايسار ويميين
وانته ياراع الـذود طيبتـك طيبـه
وافي ومن ربعٍ على الطيب وافيـن
ايـات شـيٍ لابغيـتـه تجيـبـه
وتبقى البداوه من ورى عام اللفيـن
اخذتهـا بالمـال ماهـي غصيبـه
مرخصت روحك دونها يحمر العين
مايبخـص المجـروح الا طبيـبـه
وحنا نعرفك منت راعـي بعاريـن
واذا شريت الـذود ماهـي غريبـه
تاجر وتملكلك رصيـد وملاييـن !!

[تسـ тsωαħήــوٍآهـن]

نـقـرة الـصـيـد




بيني وبين الشعر احلى المواعيـد
جيني الفكـره واجـي واقتطفهـا
اخذت من جمل الشواعيـر تأييـد
من دون تعرفني وانـا ماعرفهـا
الفكر مدفـع والمشاعـر بواريـد
ونوادر الابيـات اضبـط هدفهـا
اقولهـا واردد البـيـت تـرديـد
الشعر نغمه جادها مـن عزفهـا
وياما حلى خوة نشامى صناديـد
خوة شرف مايوم ينقص شرفهـا
ابسطهم اللي سمعته دايـم تزيـد
ونفسه عن الزلات زايـد صلفهـا
نسل الرجال الطيبيـن الاماجيـد
اللي معادن طيبهـا مـن سلفهـا
الاجـودي ودك يخـاوي اجاويـد
ويمسك عنان المرجله ويعسفهـا
ابرك من مخاوى سبندي ورعديـد
ناسٍ خساره لـو تلعـن جدفهـا
الضايعيـن الساقطيـن المقاريـد
اللي تنفّش ريشهـا فـي غرفهـا
واللي ينشدنـي يحـب الاناشيـد
اقولـه سلـم المناعيـر شفهـا
لابكّر الوسمي وجا حـزة الصيـد
وقفت لواهيب الشموس وقرفهـا
وجاك المطر والسيل فوق الاخاديد
وتشبّعـت قيعانهـا مـع جرفهـا
والعشب والنوّيـر متسيّـد البيـد
والارض مغروره وزايـد ترفهـا
شرقٍ من الصمان في نقرة الصيد
ورحنا انبنّي خيامنا فـي طرفهـا
وطيورنا تشلع مع الجو وتصيـد
والبل تلاقـي بالمفالـي علفهـا
والكبش يصلخ بين جول المفاريد
والنار حيّه حـي منهـو شعفهـا
كـلٍ يأكـد هبـة الريـح تاكيـد
فطره مـن الرحمـن مانحترفهـا
وقمنا نسولف بالشعر والقواصيـد
هـذا يسميهـا والاخـر وصفهـا
نسمع ابو مشاري ونسمع ابو زيد
وكلٍ من الونسـه غتـرّه حذفهـا
ماهي سوالف في نجاح المساعيد
اللي على الشاشه تعضعض شففها
جلسه معاهم كنهـا ليلـة العيـد
ناسٍ على النوماس زايد شغفهـا
هذي الحيـاه ولاحيـاة المناقيـد
ياحظ منهـو عاشهـا والتحفهـا
وياللي تنشدني تحـب المناشيـد
جرب حياة الطيـب ثـم تعرفهـا

[تسـ тsωαħήــوٍآهـن]

حليمه والهام الفضاله




الموبايـل دقتـه دقـه قديمـه
ماتسـر امكالماتـه واتصـالـه
دام مابه شوف والضمه حميمـه
البقا في راس مضمون الرسالـه
للوصال نقول يامـال الغنيمـه
وللفراق نقول الفيـن استحالـه
ومل قلبٍ علته داخـل صميمـه
من عشق والحال ماهي بي حاله
دايم دروبي عواقبهـا وخيمـه
وين ماوجهت حظي خاب فالـه
اتذكر مـن لهـا قـدرٍ وقيمـه
جادلٍ في زينهـا كـل الاصالـه
بنت بدوٍ في شرايينـي مقيمـه
حبها حـب وسلالتهـا سلالـه
يوم تقبل ذكرتني فـي حليمـه
ويوم قفت كنها الهام الفضاله !!
ثغرها لا من تبسم بـرق غيمـه
وجمرها لا سولفت زاد اشتعالـه
ورمشها يذبح وشامتها يتيمـه
ولا تهزع خصرها بلوى لحالـه
من نظرها راح يلعن في حريمه
كنها سـوّت سـوات البرتقالـه
لوّها عنـدي اسويلـي جريمـه
دام قلبي حبها والخـوف شالـه
مير بعض البعد للعاشق غنيمـه
لو على كيفه يزوّد فـي هبالـه
مترفه وطعونهـا فينـي اليمـه
وجرحها الذباح مـادور بدالـه
فوق كل الطعن وجروحي سليمه
والكلام المنعوج مالـي ومالـه
والعذول اللـي يـدوّر للنميمـه
لا حكـى ودّك ترصّـه بالبيالـه
عاشق مجرم ولا حب الظليمـه
كود لامن جات بالزيـن ودلالـه
وبنت ابوها في مواصلها غشميه
ماهي ابمثلي المواصل راس ماله
والموبايل احسبه دقـه قديمـه
وصرت اشفق في كلامه واتصاله
وصار لاشوفه ولا ضمّه حميمه
يذكرج بالخيـر ييّـام الرسالـه

[تسـ тsωαħήــوٍآهـن]

بـوكــيــه ورد




ازعل على كل البشر الا انت ماازعـل عليـك
حتّى ولـو منـك الخطـا ماتنّسـى جمايلـك

فوق الخطا ياصاحبي من دون مااشعر اجيـك
وجايب معي بوكيه ورد استسمحك واحايلـك

انا واحاسيس الهوى والشوق يالمترف نبيـك
كلٍ يبي ايطولك وانا غصبٍ عليهـم طايلـك

اموت من دونك واذا شفتك اروح اموت فيـك
ومابين جينات الدما وعروق قلبـي شايلـك

تكفى طلبتك خلنـي مابيـن جمـرة شفتيـك
واذا حرقتني شفتـك انفـض علـي جدايلـك

ومابين خصرك لا انثنى قدمي وسلهامة عيينك
تكفي عليّه خصلتين اشـوف مـن خصايلـك

ياذرب ياتكييـت ياجنتـل يامتميّـز ياشييـك
ياللي بنات الهاي هـاي ايقلـدوون استايلـك

ولا هلّت مزون الحيا والجـو غيّـم يامليـك
على مشارف قوس قـزح اتخيلـك واخايلـك

من وين مالديت عيني يالغضي تنظـر اليـك
وحتى تلفونـي مايستقبـل سـوى رسايلـك

ايوّووه ياكل الغلا اقسم قسـم مالـك شريـك
نام وتطمّـن والـولا لا تستشـك ولاي لـك

ياليت ربي في غرامـي لـو دقيقـه يبتليـك
واعلمك كيـف القسـا وفعـل مثـل فعايلـك

وسهّرك واتعّبك وان رحـت ترفـع حاجبيـك
اقول لـك طبـق الاصـل عمايلـي عمايلـك

ان جيتني مشكور والرحمـن يرحـم والديـك
تعال في قلبي ونـوّخ فـي الحشـا رحايلـك

ولا تعتذر وتقول لي مبطي وانا ادوّر عليـك
تلقى رقـم موبايلـي موجـود فـي مبايلـك

ارفـع تلفونـك ودق وقـول ياتركـي ابيـك
واقـول سكّـر ياحلـو دقيقتيـن وجايـلـك

واجيك وآمدّلك يديني وانته اتّمد لـي يديـك
وتقعد تحايلني على اللي صار وانـا احايلـك

[تسـ тsωαħήــوٍآهـن]

الحبيـب الاولــي




كنت احسب ان الحب الاول مايروح
ثابت على طول الدهـر ماينجلـي

لكن بعد ماشفت ابو الوجه الصبوح
غيّرت رايي بالحبيـب الاولـي !!

الاولي ماشفت منـه الا الجـروح
بنيـت منزالـه وهـدّم منـزلـي

والا انت شيّدت المباني والصـروح
وعمّرت قلبٍ كان مهجـور وخلـي

القلب من سبتـك ماظنـي ينـوح
ياجعلني مابكيـك ياريحـة هلـي

اصبحت لي ياغايتي اكبـر طمـوح
بعدك دمـار وصحبتـك مستقبلـي

كلي فدا العينييك والرمش الذبـوح
مع شامتينـك والجديـل المخملـي

وغمّازتينك لا اضحكت لي يامزوح
حرق شراييني وتصلانـي صلـي

شاعر ولا عمري خبرت اني شحوح
الشعر بوصافـك يفيـض ويمتلـي

كل ماكتبت الشعر في وصفك وابوح
جاوب على شعري صفير البلبلـي

على النقا مغليك واحب الوضـوح
سيّر عليه واتـرك الباقـي علـي

اكذب عليك ان قلتلك ماني شفـوح
في شوفتك يازين : واسمع مايلـي

ماهو صحيح الحب الاول مايـروح
هذا انت ثاني بس مسحت الاولي !!

[تسـ тsωαħήــوٍآهـن]

الجوهـره اللماعـه





ذعذع الغربـي هـواه وشاقنـي ذعذاعـه
والنسيم العذب يرسـم صورتـك يالغالـي

وكل ماتطـري عليّـه يـوم والا ساعـه
رحت اجر الصوت واحذف غترتي وعقالي

جيت طيّرت الخفـوق وسرّنـي مطلاعـه
بارك الله بالغرام ان صار وضعـه عالـي

مالكٍ قلبي ولا لـك غيـر سمـع وطاعـه
جعلني فـدوة غـلاك وحكمـك الليبرالـي

اعشقك واغليك يانبض الحشـا واوجاعـه
كن قلبيلك وطـن عشـاق وانـت الوالـي

دايم اجيلك غـلا مايـوم جيـت اطماعـه
لاذكرتك سقـت رجلـي البيتكـم طوالـي

لو مشاويرك دوامي ماشكيـت اوضاعـه
اي واحـد مـن يعرفـك ماقعـد بطالـي

ياذهـب يامعجـزه ياجـوهـره لمـاعـه
ياخشيـف الريـم يافلتـه ياسكـر حالـي

لو تركـت البنطلـون وتلبـس الدراعـه
ارتفـع سعـر الثيـاب ويقعـد البنطالـي

شفت راع الذود لا استانس على مرباعـه
كنها فرحـة خفوقـي لا مشيـت اقبالـي

ولا تكابـر دام قلبـك مشتهـي مرجاعـه
مايخلينـي حشـاك ابحلّـي وترحـالـي

بيننـا ربـط المواصـل ثابـتٍ بطباعـه
ارتبـاط الشـمـري بعقـالـه الميـالـي

الجفا ملعـون خيّـر لـو تزيـد انواعـه
والمفـارق مايجامـل جعلـه السـلالـي

واحـدٍ مثلـي غرامـه ملتـوي بذراعـه
ويش اسوّي وانت بخلافي تمـس احبالـي

فوق كل اللـي حصـل جوارحـي فزاعـه
تدحم اللي كـل ماشافـك يـروح ايلالـي

ومن يسولف بك وانا حاضر كسرت اخناعه
دامني مـن روس قـومٍ تدحـم العيالـي

وان تمادى شتّه ابرجـلٍ ماهـي مرتاعـه
مثل شوتـة دالبيـروا لا عـب الايطالـي

ماقدعت امن القـدوع ومهجتـي ملتاعـه
تقصـر الفنجـال عنـي والـدلال ادلالـي

بوش واقف ضد تخصيب احمدي واشعاعه
ومن يشوف اشعاع خدك حاربـك طوالـي

انت بحر الحب من موجه الياخـر قاعـه
جعل شخصٍ ماعشق حلياك مالـه والـي

الزقـاره تلتهـب مـن لاهـب الـولاعـه
ابك قـرّب ليمتـى والحـال هـذا حالـي

دق تسعه مـع ثلاثـه وارفـع السماعـه
مـن سواليفـك ياروحـي فاطـمٍ جوالـي

بس تكفـى لا تـدق الا حـدود الساعـه
تسع والا عشر واصلنـي ويزيـد اهبالـي

من غلاك الجـو متعـه ياحلـو امتاعـه
وكل ماشوفك يصيـر الجـو جـدٍ عالـي

ومن يعيش الجو معك ولايـدق اسماعـه
ليت قلبـي مثـل قلبـه مدلهـم وسالـي

[تسـ тsωαħήــوٍآهـن]

بـنـت الـريـاض




اجيك لـوّك بالحسـا واجيـك لـوّك بالريـاض
الصاحـب اللـي يشبهـك امـوت وانـا ادوّره

ارد على الموت الحمر وارد على كـل الحيـاض
والليلـه اللـي جابتـك يغلـى بشـر مـنـوّره

منوّره دامـك معـي ياسيـد ترفـات الغضـاض
من دونـك الدينـا تجـي بـلا طعـم ومـزوّره

ارتب شعوري شعر واسمعك مـن يـوم هـاض
واذا قصيـدي معجبـك نـذرٍ عـلـي اطــوّره

اخذ حمار امبيسمك وخـذ مـن الخـد البيـاض
واذا رفـعـت مجـدلـك اتخيـلـه وصــوّره

وعيش حزتها فـرح كنـي ابمداهيـل الفيـاض
واقـول فرفـش وانبسـط دام الليـال مــدوّره

متى تحسّس صاحبك انه من النـاس الحضـاض
تعال وادخل فـي حشـاي واذا دخلـت اسـوّره

جِسَدك مِن قطن وحرير وفوق هـذا لا اعتـراض
لكن اخاف امن الهوى كـل مايهـب يعـوّره !!

وتدري متى حسيت انك ساكن ابوسـط الريـاض
من يوم ماجيت الرياض وشفت الرياض منوّره !!

[تسـ тsωαħήــوٍآهـن]

الكــويتي






ياهجوسي عقب كيـف الشاذليـه
اطرقي القيفان يوم انـك رويتـي

لك مهابه يالهجـوس ومقدريـه
استوت كل المشاعـر وستويتـي

شاعرٍ مطنـوخ وابياتـي قويـه
والشعر يامسهله لا قلـت بيتـي

كنه المسبـاح لا طـاح ابيديـه
العبي يابنت فكـري لا اشتهيتـي

ابدعي المسحوب والا السامريـه
والهلالي والهجينـي والخبيتـي

الشعر عن بكرتـه منـي وفيـه
ومعجب ابشعر النصافي والثبيتي

وعقبها ياشعـر لا تبخـل عليـه
وعلم دياري وقول انـك وفيتـي

ديرةٍ تسكـن مـع قلبـي هنيـه
يابعـد حيـي وحيّانـي وميتـي

يابلـد قـدرك تعـدّا الجاذبـيـه
فوق رووس الشعب يادار اعتليتي

واحمـدالله وشكـره رب البريـه
يومني مسلم وجنسيتـي كويتـي

اتفـاخـر بالـبـلاد الحاتمـيـه
ديرتي ارضي وناموسـي وبيتـي

علمـي كـل الديـار الاجنبـيـه
علميهـم كيـف فـن الاتكيتـي

الايطالـي والفرنسـي والبقيـه
مثل قبرص واليوناني والسوفيتي

يوم غيرك عاش وقت الجاهليـه
انتي ابعهد الحضـارات ابتديتـي

ولايهمك شعب هيه وهـاي هيـه
تيتي تيتي زي مارحتي وجيتـي

وباقيٍ كلمـه وسميهـا وصيـه
اسمعوا ياناس وييش ايقول بيتي

لا لقيتو شخص مامثلـه وزيـه
اعرف ان الشخص جنسيته كويتي

[تسـ тsωαħήــوٍآهـن]

الضيآعـ




لا شفتني ساكت لا تنشـد علامـي
اعرف تراني من سبب نظرتك ضعت
جايع وحصّل في عيونـك طعامـي
لا تحرم عيونك عيوني اذا جعت !!
تصدق انك صـرت كـل اهتمامـي
اكذب عليـك ان قلتلـك ماتولعـت
الحب طبعه بين الاحبـاب سامـي
وعن حب غيرك ياحبيبـي ترفعـت
الشوق حامي ليتك تصيـر حامـي
من بارد احساسك ترانـي توجعـت
من وين مالديـت تلقـى غرامـي
على دروبك ياغرامـي توزعـت !!
محبتـي فطـره وعفـوي كلامـي
من بد خلق الله معك ماتصنعـت !!
اسمك محى عندي جميع الاسامـي
كنك على الساني ربيت وترعـرت!!
جيتك على درب المواعيـد ضامـي
ولمحت طيفك بالطريق وتسرعـت
عن حب غيرك صرت معلن صيامي
من يوم شفتك ارتويت وتشبعت !!
الحـق علـي وضمنـي ياغرامـي
يمكن اموت من الوله لا تراجعت !!

[تسـ тsωαħήــوٍآهـن]

آنــت غيــر النآس







مرحبـا ياصاحبـي يامرحـبـا
لي متى هذا الغلا صلف وكسيـر
هـو جفـا والا زعـل والا غبـا
انتشي عنـدك وتعلنهـا هجيـر
يالطيف الـروح امـر وش تبـا
انت تدلـل بـس يفـداك الكثيـر
لو تبي الثنتيـن ياعنـق الضبـا
قلت تستاهل ولا غيـرك نظيـر!!
دامها وصلـت الـى حـد الزبـا
من جمالك كل صعـبٍ يستخيـر
الخـدود ورود والـفـم اعنـبـا
والرموش جيوش والحاجب شطير
انت غير الناس انت واحـد ابـا
يشغل العالم وهو تـوه صغيـر؟!
لا تطول السالفـه الصـد ايهبـا
ارسل اشواقك علي مسك وعبيـر
النبـا ياحلـو ياحـلـو النـبـا
شوفتك جنـه وصـدك زمهريـر
لو يجور الوقت حبك لـي صبـا
ارسل اللهفـه واسابقهـا مسيـر
كثر حزن الناس حبك فـي دبـا
وكثر نوم الخالي مرتاح الضميـر
حبـك بقلبـي حبـا حبـا حبـا
استحل القلب لين اصبح كبيـر!!
والبـلا ماهـو حـلال ولا ربـا
البلا انك غيـر والاجـواد غيـر؟
ولو تظن ان الهوى اصبـح وبـا
رح لي الله خاطري منـك كسيـر

[تسـ тsωαħήــوٍآهـن]

طحت من عيني






خلاص انسى غرامك حل عن عينـي
لابو غـرام مـع العشـاق مايرقـى
مليت اناجي طيوفك وانـت ناسينـي
تعبت والا انـت لاتتعـب ولا تشقـى
محبتـك عفتهـا لاتنشغـل فيـنـي
مهمـا تسـوي قسـم بالله ماتبقـى
لاتذكر اسمي على السانك وتطرينـي
دور بدالي وانـا اتحـداك اذا تلقـى
الفرق واضح حبيبـي بينـك وبينـي
الارض ماتستوي عند السما الزرقـا
ماعـدت اصـدق كلامـك يامعنينـي
كذاب واهل الهوى في كذبهم غرقـى
كنت اجمل ايام عمري واجمل سنيني
كنت الوله والشجن لا ناحت الورقـى
ان كان ودك تجـي بعطيـك حلينـي
اختار ياصاحبـي الفرقـا او الفرقـا
ملعون جـد الغـلا كانـه ينسينـي
سلوم ربعي سوات الجـادل الطرقـى
خلاص انسى رجوعك طحت من عيني
ماتدري ان المطـر لاطـاح مايرقـى

[تسـ тsωαħήــوٍآهـن]

الأمآكن



قمت اشوفك يالغضي بكل الاماكن
طيفـك الجـذاب مايبخـل علـي

لو تجيني بالمسـا والليـل داكـن
نور وجهك يقلب الظلمـات ضـي

يوم غيري صاح وعيونه تباكـن
ماشكيت الحال وانت تحس فـي!!

لو تبي عيني حشا ماقلـت لكـن
تحت امرك يالغضي هذي وذي !!

من عرفتك دايـمٍ والجـو ساكـن
عن سموم القيض والاهوب في !!

مذكر ان عروق شرياني تشاكـن
كيف ابشكي وانت يالمجمول لي !!

والله انك داخـل الخفـاق ساكـن
من عرفتك وانت عندي كل شي !!

كل ماغنى ابـو نـوره الاماكـن
انت والله بس من يطري علـي !!

[تسـ тsωαħήــوٍآهـن]

الترف الصغير





الصاحب اللي يسكن القلب الكبير
اموت في طيشه علـى شطانتـه
لو خانت الاملاح بالبحر الغزيـر
جوراحي مهما حصـل ماخانتـه
امشي انا وياه في نفس المسيـر
ديانـتـي مطابـقـه ديـانـتـه
جذاب وملكع ومملـوح وصغيـر
مبطـي وانـا متحمـلٍ شطانتـه
يامر علي وكـل مايامـر يصيـر
انا رهن عينـه وعينـي صانتـه
اتحمله واتحمل الـدرب العسيـر
كلـه يهـون وماعـدا ايهانتـه
يعني على شانه فقط نسل الوزير
يقسى ويشد الظهر في حصانتـه
مايدري اني من هل الفزعه مطير
اللـي مكانتهـم علـت مكانتـه
مير البلا غالي وحبه غيـر غيـر
في داخل الخفـاق سكـر خانتـه
عامين متعبني وانا بالي قصيـر
متى يساعدني وشـوف ايعانتـه
في زينه الجـذاب ياعالـم اسيـر
ولي الفخر لا صرت من سجانتـه
عينه ترد الروح وخـدوده حريـر
وشفايفـه مثـل مـذاق الفانتـه
من شفت رمانه وانا ماني بخيـر
اصبحت مجنونه سبـب رمانتـه
والشمس لاشافت جبينه تستخيـر
كنـه معاهـا مطيـحٍ ميانـتـه
وفوق الحلا والملح والزين الوفير
تميـزره عـن المـلا فطانـتـه
لو قالو من حايل او انه من عسير
ماريّة العـارض ونجـد ادانتـه
اغليه مير الحظ ملعـون وحقيـر
حظي واعرفـه باخـصٍ لعانتـه
كبّر علي الزين فالوقـت الاخيـر
وصويحبي خوّن وخـان امانتـه
كنت اتمنى وقتهـا انـي ضريـر
كرهت عينـي مـن رأت خيانتـه
دام العشير يخون خفاق العشيـر
ياليت قلبي ايشـال مـن مكانتـه

[تسـ тsωαħήــوٍآهـن]

الكنــتروووووول






البارحه ضاقت علي ياصاحبـي كـل الحلـول
ودوامـة التفكيـر تاخذنـي علـى دوامـتـك

شهرين ماجتني مراسيلـك ولا منـك رسـول
وعيونـي الثنتيـن ملـت تنتظـر غمامـتـك

مانيب طامع يالغلا وابيـك يالضبـي الجفـول
لا تكشر ابوجهك علي مابـي سـوى سلامتـك

سلامتك من كل ماتكره ومـن عيـن النظـول
اللي شياطينه تحـد الشـوف مـن وسامتـك

بسم الله الرحمن يازينك سـرق كـل العقـول
وعلـى زعامـات الحـلا تفوقـت زعامـتـك

انا فدا امبيسمك والعيـن والرمـش الكسـول
انـك تلحفنـي الدفـا علـى حـلا طخامتـك

مليت اهذريبك وطبـع المهتـوي دايـم ملـول
الا انـت ماملـك ويكفـي بالحشـا اقامـتـك

ملكتني ياسيد تلعات الصبـا عـرضٍ وطـول
( من هامتك الى اسفلك من اسفلـك الهامتـك)

يالعنبوا حيك متـى اتحبنـي حسـب الاصـول
وانسى التعب من يوم ماترخي على سلهامتـك

وابطلق الجنحان واجيلك عسى عمـرك يطـول
ماهمني درب الخطر وان مـت مـن ضلامتـك

واسري على درب الهوى والشوق خلاني عجول
( واجيك يالبحرين وعيونـي علـى منامتـك)

ترى صداع الراس مايشفيـه حـب البنـادول
سلامتـه ودواه والله يـوم ترخـي الثامـتـك

يالاشقر المملوح مالكني علـى كـل الفصـول
من وين ماسج الرجل اسمع شجـن حمامتـك

انا عليك اقرب مـن اللـي تلبسـه والا بقـول
انا عليـك اقـرب مـن الغمازيتـن الشامتـك

صرت اتبعك ياصاحبي علـى نظـام الكنتـرول
دقـات معلـوق الحشـا اتشدهـا فخامـتـك

يالله دخيلك افتح الخفاق مـن شـان الدخـول
واطلق حجاجك وانبسط واشطب على لوامتـك

وخلك معي وانسى الزعل مليت انا ديك الزعول
من سبتك بانت علـى وجـه الشقـا علامتـك

صرت ابنهايتك جرئ وانـت ابدايتـك خجـول
اذكـر ورى لبـس الحيـا اتكسـر ابتسامتـك

والحين ياحلو النبـا بعـد الحقايـق والحلـول
منت اموافق نلتقـي وترفـع عليـه جامتـك!!

طيّب ابي من حضرتك تسمع كلامي ويش اقول
يارب ؟ لا استغفـره مابـي سـوى سلامتـك

[تسـ тsωαħήــوٍآهـن]

مايصح إلا الصحيح






لا تلـد العيـن يمـي يامليـح
العيون السـود للعاشـق عنـا

من تناظرني بعينك رحت ميـح
عند عينك ياحبيبي وييش انا !!

القصايد في وصوفـك تستريـح
وش تساوي عند خصرك لنثنى

ولا انته ابمحتاج يالغالي مديـح
في ثغرك الزين بـرك وانحنـى

لو شهدك اييسيح بالكون الفسيح
صارت الدنيا طواريـق وغنـا

الله اكبر ماحسبتك هـاب ريـح
ماعلى السانك سوى هيـا بنـا

واحزم ضلوعي وعذالي تصيـح
واطلق حجاجي تباشيـر وهنـا

اعترف عيسى ولد مريم مسييح
واعترف بيتـك ومنزالـك هنـا

دون شوفك منكسر قلب وجريح
ودون شوفي تصبح ايامك فنـا


بالنهايه مايصـح الا الصحيـح
المحبـه ماتبـا الا انتـا وانـا

[تسـ тsωαħήــوٍآهـن]

الجـــوهـــره






( تعال اسولف لك من الراس للراس )
بعلمـك وشهـو شعـور المحـانـي

لا شفت زولـك شايـفٍ در والمـاس
واليا نطقت اسمـك تعطـر السانـي

ابك انت والله غير عن باقـي النـاس
انت معاك الحـب لـه طعـم ثانـي

روح القصيد ومملكة حب واحسـاس
لـذة حياتـي دونـك العمـر فانـي

لا مرني طيفك وانـا ميـتّ انعـاس
لا غمضت عينـي ولا النـوم جانـي

اشقر عفر فيك الحـلا مالـه قيـاس
ومـع البيـاض مخالطـك زعفرانـي

زينك علـى كـل المزاييـن نبـراس
حرقـت كـرت الفاتنـات الغـوانـي

فرقك ربي عـن مجامييـع واجنـاس
وخـلاك بعيونـي فـلان الفـلانـي

تكبر بعيني كل ماجيـت( عسـاس )
وتصغر بعيني كل ماقلـت ( كانـي )

واغليك لا من قلت (حاضر ولا باس)
واكرهك لا من قلت( اسف ومانـي )

الوضع يبن الناس بالحيـل حسـاس
خليتنـي بيـن الامــل والامـانـي

لا غبت عني صرت يازيـن محتـاس
وان جيت عندي صرت فلتـة زمانـي

واليا حظنتك واختلط همس وانفـاس
تعـال دورنـي وانـا فـي مكـانـي

من سبتك قمت اضرب اخماس بسداس
جننتنـي ومنـك عشقـت الجنانـي

وفوق التعب والهم والبعـد واليـاس
مقدر اخونك واعشـق انسـان ثانـي

القلب يمنعني اخونـك مـع النـاس
منعـت قلبـي مثـل منـع العوانـي

تعال اسولف لك من الـراس للـراس
واسمعك احلى الحكـي مـن لسانـي

[تسـ тsωαħήــوٍآهـن]

الموتر اليآبآني






راكب اللي امواصفاتـه كلهـا مرسومـه
موترٍ فيه المزايـا غيـر وشكـلٍ ثانـي

لو يشوفه مرهي الدينـار يفـرق سومـه
ماكذب من قال عنـه مركـب الشيخانـي

جيب لكـزز يعجبـك بقفايتـه وقدومـه
ياسـلام الله عليـه الموتـر البطـرانـي

لا نطحته كنه السلطـان قيصـر رومـه
وان تعدا قلـت مـشالله وصـح السانـي

وان ركبته والهوى ضده وشـد عزومـه
يستريـح الرنـج والفكسـار والالمانـي

قومتـه ياسرعهـا يازينهـا مـن قومـه
لا مسكله خـط كنـه عالسفـر شفقانـي

كل قطعه في حديـده ياعـرب مهضومـه
مـن بدايـة مدقـره للمدقـر الـورانـي

فتحتـه مناظـره والقصـه المبـرومـه
والكفـر ومكيفـه والشبـك والبيبـانـي

صانعه بوذي خسيس وضايعات سلومـه
مايعـرف الا شـراب الـرد والدخـانـي

منوة اللي مبتلش ثم ضاع وسط هدومـه
مثل حالي بس اهوجس واكتب القيفانـي

واتنخـى موتـري واليـوم فعـلٍ يومـه
ساعتيـن الا وانـا فـي ديـرة الخلانـي

والله ان مسجلـه ماتدخـلـه فطـومـه
مايطبه غيـر شـروى تركـي الميزانـي

وادخل الديره وجفني مهتنى فـي نومـه
بـس تتحـرى عيونـي سيـد الغزلانـي

صرت متعلق واحاسيس الوله مصدومـه
راحـن اسبوعيـن لا جانـي ولا خلانـي

مادريت ان الغلا والعشق هـذي علومـه
ويل حالي من عذاب الحـب والوجدانـي

عاشقٍ مغرم وروحي بالهـوى مضلومـه
منسجن والحال حاله والغضـي سجانـي

اتوجـد وادعـي الله يحفظـه ويـدومـه
مـرةٍ يرضـى علـي ومـرةٍ قومـانـي

فاتـنٍ يذبـح حـلاه ونـادرات ارسومـه
كل وصفٍ في وصوفه يسـرق الاذهانـي

عين نجلا طول فـارع والحريـر هدومـه
والبـلاوي كلهـا بالتـيـن والرمـانـي

وول ياقو الرموش اليا طلقتـه سهومـه
كنهـا وقعـه مابيـن مطيـر والعتبانـي

واعذابي صاحبـي طلـع علـي نجومـه
ماعلى السانـه سـوى ماظنتـي تلقانـي

وان صدفته صارحت الروحه معه مشؤومه
وبعدها يرسل مسـج ويسكـر الاوزانـي

لو فكـر فـي نشـر ابياتـه المعدومـه
سلمـوا علـى نهـى مذيعـة الورعانـي

اتبعـه واعانـده واجــوده بكمـومـه
غاليٍ حطـم مشاعـر تركـي الديحانـي

طول عمري اعشقه ومحبتـي محرومـه
ولاذبحني غير ربعي ان طروا النسيانـي

مانسيته لـو كلنتـن يسكـن القيصومـه
ويتزوج بنـت ماشـع عاصـي الحلانـي

الله اكبر ويـن طريتـه وجبـت علومـه
من ذكرت الجيب مدري بعدها وش جانـي

والله ان اعضاء جسمي اصبحت مقسومه
بين مفتـون المـلا والموتـر البطرانـي

[تسـ тsωαħήــوٍآهـن]

أدعج عنـج







اللي بلاني جعـل ربـي يبتليـه
عامين قلبـي محتمـل قساوتـه

فوق القساوه والاذى مغرم وابيه
اموت في عسره علـى نداوتـه

احترت في طبعه وطبعه حار فيه
اوقات حبه لا عشـق متفاوتـه

مزيون مامثله مع العالم شبيـه
حتى سواليفه ذهـب واكلاوتـه

يغريك لامنـه هـرج الله عليـه
لاقـام ايكسرهـا علـى بداوتـه

ادعج غنج والموت غمازة عينييه
مايستر الغمـزه دبـل غشاوتـه

وشفايفه كيكة حلا من سابليـه
لاذقتهـا تدمـن علـى حلاوتـه

مجبور احبه والهوى ماهو نزيه
حب السنه شاخت معاه افلاوتـه

ياليت ربي ايسخره ثـم ايهديـه
اليـا هـدى الله علـى هداوتـه

مدامني جنبه ويطلـق حاجبيـه
ماتهمنى بعض العـرب عداوتـه

اهم شي انـي احبـه واحتويـه
اسوق عمري وامتلـك غلاوتـه

واليا حصلي قلت مشالله عليـه
وان ماحصل اطق من قساوتـه

[تسـ тsωαħήــوٍآهـن]

القــمـــه ؟






الا واشيب عيني وحالي يـوم اداريـه
لعبي الوقت وهم الزمن ياشيـن همـه

يقوله مـن تحـدى ولا بيـن خوافيـه
قوي باس وعينه ترفرف علـى القمـه

اجامل واتسلى على الشعـر وطواريـه
ولا ادري الا وانا بين الشـد والضمـه

قصيدي لا قريته جميع النـاس توحيـه
يعنك انـي اورد بيوتـي علـى الجمـه

عسى يفدى قصيدي اللي اكبارٍ علابيـه
يهـب يبـن فهـره الا ياثقـل دمــه

بيوته مدلهمـه مثـل شيفـة بناخيـه
يسرمـد بالسوالـف والاوادم تخـمـه

وانا رجـال عاقـل ولا ادور مشاريـه
لو ان الزمـن هـذا علومـه مدلهمـه

زمن الفين قلـي ياعاقـل وش تسميـه
تشوف الذيب حصني وذمه ماش ذمـه

مايذبح ابـن ادم ويـزود مـن بلاويـه
سوى طعنه ابصميمه من اقرب بني عمه

عسى من لامني ربي الرحمـن يعميـه
علومه كل ابوهـا مطمـه فـي مطمـه

ماهو قاطع معاشي ولا رزقي على ايديه
مثل ماقال بنـدر فـي قصيـده القمـه

انا رزقي على اللي يباس القشع يحييـه
يومٍ الاش رزقه ومصروفـه مـن امـه

[تسـ тsωαħήــوٍآهـن]

الزلــه؟






زله وانا معترف وارجـوك سامحنـي
ومثلك يعـذر الخطـا لعيـون غاليـه
معك الامانه ياروح الـروح تمنحنـي
فرصه تبيـن صفـاة القلـب والنيـه
جيتك تغنـي عـن العالـم وتفرحنـي
وان رحت راحت معاك الـروح موليـه
يكتبي البعد مـن عقبـك ويمسحنـي
ارجع وخل الجفـا لا تجيـب طاريـه
ياخي...احبك كثر مالشوق فاضحنـي
استر غلاتـك وكـلٍ شافـك هنيـه!!
والكل والله علـى صدتـك ينصحنـي
رجال هااايب ولا تقـدر علـى بنيـه!
وانا لو انك عشـر مـرات تجرحنـي
كل جرح يزيدك غـلا ويقربـك ليـه؟!
واذا انـت نـاوي تعذبنـي وتذبحنـي
الرووح مبطي علـى شانـك فداويـه
ماهمني النـاس تخسرنـي وتربحنـي
مدام طيفـك يساومنـي علـى الجيـه
ابك...انت لو بس في يدك تصافحنـي
كني ملكت الامـل فـي راحـة ايديـه
تعـال لملـم شتاتـي ولا تصارحنـي
انا ادري الحق من راسـي لرجليـه !!
مليون مره اعترف وارجوووك سامحني
ومثلك يعـذر الخطـا لعيـون غاليـه

[تسـ тsωαħήــوٍآهـن]

ضآبــط المخفـر




يامالكٍ كـل الحـلا ليـه السفـر
طري السفر كنـه هـلاك اقتادنـي
شوق وغلا واحساس مامنه مفـر
الله وكيلـك ذا غيـابـك بـادنـي
يفداك من عندي كذا ( ضابط خفر )
وقت السفر وموادعـك مافادنـي!!
الصد واسبابه على العاشـق كفـر
علمته اسلوب الجفا ثـم جادنـي
ايه اعترفله باالغـلا حبـه طفـر
وانا لك الله اعشقـه مـن عادنـي
اخر نتيجه بيننـا عشـره صفـر
سيطر على كل الحشا ثم سادنـي
طيفه يخايلنـي نفـر نفـر نفـر
من وين مالديت طيفـه صادنـي!!
كيكة حلا باالمختصر اشقـر عفـر
من سبتـه ابـن الملـوح نادنـي
زودٍ على كل الحـلا شويـة ظفـر
جعلـى فـدا زولٍ غرامـه قادنـي
يقتادنـي لـدروب لاماهـا قـفـر
واصبر على ضيمه وصبري زادني
اطلب من الله ردتـه وانـه ايغفـر
ذنبٍ جنته الـروح ليـن اعتادنـي
القلب بعده من سفـر اليـا سفـر
اشهد شهـادة حـق انـه بادنـي

[تسـ тsωαħήــوٍآهـن]

اصعب محبــه



ياقلب جيتك وافهـم العلـم ياقلـب
اللي تحبه يموت في حب غيـرك !!

كم قلتلك ياقلب خلـه علـى جنـب
يمكن مسيره يستوي مـع مسيـرك

الدرب واضح بس لا تجهـل الـدرب
اللـي يحبـك دايــمٍ يستشـيـرك

ماهو مثل صاحبك عايش على الكذب
وان ماكذب يمـوت الله يجيـرك !!

تبي الصراحه مالك ومـال هالقـرب
ماهو كفو شرواه يصبـح عشيـرك

انا ادري انه تـرف وصغيـر وذرب
لا كن مصيره يختلف عن مصيـرك

لا تحسبـن السالفـه كلهـا لعـب
اصحى معي من شان يصحى ضميرك

اللي تحبـه صعبـه شـوي ينحـب
قلـه يـروح وكـثـر الله خـيـرك

تدري وش اللي يذبح القلب ياقلـب
انك تحب انسـان ويحـب غيـرك؟

[تسـ тsωαħήــوٍآهـن]

شاعر غـزل






وين انت عجل تعبت اخايـل مزونـك
ثاني شهـر واتحـرى هـل هتانـك
لوكان شفت الغـلا بعيـون مفتونـك
ماغبت حتى دقيقه بعيـن خلانـك!!
احترت بين الجفا والصـد وطعونـك
بلاش يموت الهوى بسباب هجرانـك
مالي جدا كود اسامر جـرة لحونـك
اليـن ماسمـي الديـوان ديوانـك ؟
اقبل تمشى على هونك علـى هونـك
بشويش لا يقعد من النـوم شيطانـك
ماتدري ان الغلا خلفك ومـن دونـك
ايووووه كانك جهلتـه يادلـع كانـك
افرح ليامن علينـا مالـت غصونـك
وافرش ورود الغلا والقلـب بستانـك
شهرين عقب البطا ماكنـي بكونـك
تعـال سيـل مداهيلـك وقيعـانـك
مشتاق بلحيـل لعيونـك ولجفونـك
نظرة عيونك تبلـل ريـق ضميانـك
ماهي غريبه تموت النـاس بعيونـك
بس الغريبه اوادم تجهـل اعيانـك!!
سولف فديتك ابسمع كلمـة شلونـك
ماتدري ان السوالف غيـر بلسانـك
كلك حلا والحلا واحـد مـن فنونـك
كلك بلا والبـلا ( تينـك ورمانـك)!!
ايه اتباهى واقـول ان القمـر لونـك
ومصدر شعاعه حبيبي بين حجانـك
كذا........غلاتك من الله ثير مجنونك
وانا لك الله لهـز عـروق وجدانـك
والشعر كانه يهمـك جـاك لعيونـك
لابو قصيـدٍ تـردى فيـك ماصانـك
وكان القصايد ترد احساس مفتومـك
اصير شاعر غزل كله علـى شانـك
وابشر بقلبٍ على طول المدى ايصونك
لو خانت الناس يموت القلب ماخانك

[تسـ тsωαħήــوٍآهـن]

آول غلا واخر غلآ








ياصاحبي يا اول غلا واخـر غـلا
لاتحسب ان القلب عن حبـك سـلا
لا والله اني اعشقك وامـوت فيـك
غلاك مـا عقبـه ولا بعـده غـا
فوق الغلا والشوق والشي الكبيـر
فيك الحلا والزيـن فـول وامتـلا
حتى وصوفك غير عن كل الوصوف
ياشبـه بـدر زاد نـوره واعتـلا
اليا كتبت اسمك تزين به الحـروف
واليا نطقته صـار بالسانـي حـلا
واكتبك بالفصحى مع شعـر النبـط
ابيك تسمـع شـي ياريـم الفـلا
عينـاك سحـرا كلمـا ناظرتنـي
رايت موتي منـك موتـا عاجـلا
اشتاق لك شوق الكفيـف للبصـر
والوذ بك من عين ونظرات المـلا
فكـم عـذول قلـت لـه ياعاذلـي
ابك الخلا يالهيـس الاربـد الخـلا
لا تلومني يا فاتـن العالـم اغيـر
جننتني والحب قـد شربـه وكـلا
لا قلت لك يعني اسافر قلـت ايـه
ولا قلت لك مع السلامـه قلـت لا
واقول لك مـن جـد وتقـول ايـه
واطالع عيونك وقالـت لـي بـلا
وانا بلايه كل ما اشوفـك واجيـك
والموت لا شفتك يا ابو شامه عـلا
شط البحر والليل تو نسنس هـواه
وافز لك واجيـك والخافـق جـلا
ياكثر ما ودي اسولف لـك واقـول
واليا قربتك صـار بلسانـي بـلا
والله ان الحكـي بلسانـي ولـوف
ويـوم شفتـك مانطقـت الا هـلآ

[تسـ тsωαħήــوٍآهـن]

ستار بوكس


المترف الي شاقني ياناس بسـم الله عليـه
شد انتباهي بالنظر مـن بـد كـل رفاقتـه
ساعة لمحته وابتسم اشر بعدها فـي يديـه
مطفوق ماهمه احد واعجبـت فـي طفاقتـه
قال السلام وقلت له حييت والخاطـر نزيـه
قال الوعد ستار بوكس حتى طـرح علاقتـه
ورحنا على نفس الممر نبغى المكان الي يبيه
وطول الطريق الترف يبغاني اشوف سواقته
ويومن وصلنا واكثر الموجود لد الشوف فيه
الزين عشاقه كثـر وانـا ضمـن عشاقتـه
جلست وقال اطلب تفضل ماتبيه وتشتهيـه
ورحت اكثر بالطلـب لانـه علـى نفاقتـه
المشكله زدت الطلب ماقـال لا ماقـال ليـه
فسقان والفلس الحمر مطنوخ مـن فساقتـه
الين جاوب واعترف انا نسل هـاك النبيـه
منته مصدق قلت لا حتـى كشـف بطاقتـه
بين اعجابه واستحى والخوف ساكن ناظريه
من قبل لامشي واتركه فتحلي فـم علاقتـه
صارت محبه بيننا ثم قمت احبـه واهتويـه
يستاهل القلب الخلي واتعب علـى رواقتـه
كله حلا والا علا قول الجنوبـي كـل ابيـه
في ضحكته في رزته فـي مشيـه ولباقتـه
لو ضاقت الدنيا علي وامل من كل الوجيـه
ياناس ياعالم ياهوه ما اضيق من صداقتـه
الله عطاني محبته وانـا بعـد ميـت عليـه
ساقتني القسمه عليه وقسمته لـي ساقتـه
قلت اتغلى واتركه وانطر مجيـه واحتريـه
والشوق يحرق خافقي على لهيب احراقتـه
ويوم انتظرت وطق بابي والمصيبه يوم اجيه
ثم طقطقت ضلوع صدري والسبب طقطاقتـه
معه الورود وباقته والورد الاحمـر وجنتيـه
وعيني على الورد الحمر نسيت الورد وباقته
اغليه من كثر الغـلا حبيـت حتـى والديـه
وجعله فدا علاقتـي وجعلـي فـدا علاقتـه

[تسـ тsωαħήــوٍآهـن]

الغآليــه





موعد لقانا حبيبـي بـان مكتوبـه
بالوادي اللي ثلاث سنيـن ماسيـل
من يوم ماغبت والايـام محسوبـه
واضحك على خاطري والحظ متنيل
عذبتني بالهوى واصبحت لعبوبـه
والحب مايعرف الباشـات والعيـل
القلب حبك وقلبـي اكبـر اعقوبـه
قلبي واعرفه سواة النبـت والثيـل
غلاك عندي غلا ربعـي لمشذوبـه
محبتك في صميمي اتبـات واتقيـل
مغير اراقبك نوبه مـن ورى نوبـه
وضم طيفك على الخفـاق واتخيـل
اني معك في محيط الحب ودروبـه
واجيك واقلط على منزلـك واميـل
واكحل العين والنظـرات مسلوبـه
وقول سولف وخذ راحتـك ياغزيـل
ماهمني النـاس والارواح مجلوبـه
الموت من سبتـك اجيـه واتحيـل
وان مت وشعري توفى وسط مكتوبه
من بعد موتي حياتك كيف تتخيل !!

[تسـ тsωαħήــوٍآهـن]

قيلت هذه القصيده في حفل تخرج ظباط الامنيه



ابدى قصيدي والمشاعـر حيـه
يامرحبـا بالشعـر والقافـيـه
شاعر وجيد الشعر وحبك قافـه
وبيوت شعري بالذهـب مطليـه
الشعـر لامنـي طلبتـه جانـي
غصبٍ على عينه يلبـي الجيـه
جاني وقال اطلب ياتركي وامـر
قلت استمع ياشعر بـس شويـه
بمناسبة هـذا التخـرج جتنـي
دعوه وفيهـا امسيـه شعريـه
شعر وفرح ومجاد بسـم الابـه
وستيـن متخـرج مـن الكليـه
رقم قياسي بـس ماهـو كافـي
المفترض ميـه وعليهـا ميـه
عمر الرتب مـازودت مطيـري
لـن الرتـب بعيوننـا عاديـه
مطير هي اللـي تـزود الرتبـه
ومن دوننا كل الرتـب منسيـه
فعلٍ موثـق والخلايـق تشهـد
اقولهـا وابصـم عشـر بيديـه
سلطان ابن عادي وصيته عالي
مراجلـه مسمـوعـةٍ مرئـيـه
له موقفٍ واضح بيوم الخفجـي
قايـد سرايـا القـوه البـريـه
واذكر ابن عثمان وابن عايـش
ومحمـد الهـلال ماجـا زيــه
وعلي علي المشعوف رمز الهيبه
ودكتورنـا خلـف ردن ياحيـه
واكثر شهـداء البلـد مطرانـي
ماهمهـم المـوت مـع طاريـه
كن المطيري يستحي من موتـه
خصٍ ممـات السكتـه القلبيـه
لاشاف طلقات المسـدس جاهـا
يحـب يستشهـد نهـار الهيـه
حتى الفشق في موتنـا يتفاخـر
يقول لمطيـري يسـاوي ميـه
ربعي مطنخ تنطـح الكيمـاوي
وافعالنـا ارضـيـةٍ جويـيـه
تاريخـا واضـح وفعلـه بيّـن
حنـا سـوات القنبلـه الذريـه
ولا قول تشهد بالفعايـل عالـم
تشهد علينا الكـوره الارضيـه
واليوم جينا للريـاض انشـارك
تـخـرج الظـبـاط بالامنـيـه
المملكـه بوجودكـم مرفوعـه
انتـم حمـاة الديـره المحميـه
واللـي يخلـي للبلـد عبـدالله
سيد الرجال اهل الفعول الحيـه
هذا ابو متعـب ونـادر جنسـه
شخصيتـه مامثلهـا شخصيـه
ومن قبـل ماختـم اردد جملـه
على القبيلـه جملتـي حصريـه
لا شفت في كتف المطيري نجمه
تاكد النجمـه ماهـي عاديـه !!

[تسـ тsωαħήــوٍآهـن]

فرصـة سعيدهـ






على سما الخفـاق بـرّاق ورعـود
والقلب سال الشوق داخـل وريـده
وكل ماتهب الريح ويذعـذع النـود
جيتي في بالـي يالهنـوف العنيـده
بمشاهدك كني مـع العيـد موعـود
ياراس مال القلب واغلـى رصيـده
ومن دونك الدنيا تجي مابهـا فـود
وتصبـح حياتـي كلهـا عالحديـده
يافاتنه جيتـك مـن ديـار وحـدود
واقـول سبحانـه محلّـي عبـيـده
طول وشعر واحجاج ورموش وخدود
امواصفاتـك يالكحيـلـه فـريـده
والموت كله داخل عيونـك السـود
لا سلهمتلي قلـت فرصـه سعيـده
انا دخليك صرت ماخـوذ مجحـود
وراع الهوى بعيون الاحباب صيـده
اما قطفت التـوت عنقـود عنقـود
والا تركـت القلـب بربـاط قيـده
مضهود من سبة فعايلـك مضهـود
بـس اتوجّـد والتـوجّـد نقـيـده
من بيننا عشق ومواثيـق وعهـود
انا الاصل وانتي الهنـوف الاكيـده
ماجاب راسك لا سبنـدي ومقـرود
محشومةٍ عن قـول صيـده جديـده
ماجاب راسك غير تركي بن سعـود
خـلاك يابنـت الاجاويـد سـيـده
لو الغلا بالشلف اصبحـت صاهـود
واصلك واجيبـك لـو انـك بعيـده
على غلاتك عندي صكوك وشهـود
وتشهد لك اشعاري قصيده قصيـده
مبطي غلاتك داخل القلـب موجـود
سنيـن وانتـي بالحنايـا وحيـده
محبتـك يابنـت الاجـواد فـي زود
الحب لـو ينقـص غرامـك يزيـده
واليا ارتفع ارقى معه دايـم سنـود
وهيـم واغنّـي ابجـوّك نشـيـده
وذا قربتك صارت سهـود ومهـود
وتشوش في راسي الجنون المريـده
واخش هنا وهناك وهنيـه واعـود
وارجع واخش هنـاك واروح سيـده
واقول ضميني على القلـب ياجـود
ايوه هنـا ياجـود ضمّـي الوليـده
اللي على شانك وطى كـل نمـرود
واحرق على شانـك قلـوبٍ عديـده
تفداك من حبـة حمنّـي وعبّـوود
اللـي صورهـا دايـمٍ بالجـريـده
سعديةٍ تمشـى ورى درب مسعـود
بلـيـدةٍ الله رزقـهــا بـلـيـده
وانتي سليلة مجد وانساب وجـدود
في نظرتك شفت العلـوم المجيـده
تدرين دايم احـرق نفـوس وكبـود
واحـط حسّـادي بجمـر الوقيـده
كل ماانادي ورفع الصـوت ياجـود
وقلتي هـلا واهليـن يغلـى وليـده
!!

[تسـ тsωαħήــوٍآهـن]

عبآة الرآس

الا ياصغير السن تبطي تجيـب الـراس
هذا راسـي اعرفـه مايتبـع مخاييلـك
عنيدٍ ومتربّي علـى العـز والنومـاس
انا اقطعلـك ذراعـي اذا فكّـر ايجييلـك
غرامك ماينفعني ولايرضـي الاحسـاس
تراجـع ولا تتبـع ركابـك ولا خييلـك
انا كل ماقلت ابتعد ؟ قلتلـي لابـاس ؟
تقول الهوى غلاب !! واقـول يحلييلـك
انا عشقتي صعبه على طابخين الفـاس
وقلبي نـداويٍ مايطلـع علـى جييلـك
ياشرّابة الكوكتيـل لاتقـرب المحمـاس
مايشفي عوار الـراس بنّـك ولاهيلـك
لو تسوّي ماتسوّي تراني قـوي البـاس
وحتيّش لو تلبس بناطيـل ماجيلـك ؟!
ترى مايجيب الـراس الا عبـاة الـراس
ابنصحـك يالغالـي توفـر بناطيلـك !!
واظن الصراحـه ماتزعّلـك ياحسـاس
لا تطبخلـي القهـوى وتمـلا فناجيلـك
مدام انّي منيشن علـى قمـة النبـراس
انا وش لي ابصبحك وانا وش لي بليلك
لو الزير في وقته رضى عن خطا جساس
لايخطر على بالك اصوّت وانـا دييلـك
توكل على ربك وفارقني يبـن النـاس ؟
ولاتكرّر الجيّه واذا جيت ياوييلـك !! !!

[تسـ тsωαħήــوٍآهـن]

تبآ المــرهـ تغليـــك .؟!


محبوبتـك ياسعـود اثقـل عليهـا
لن الرجل مايتبـع البنـت ياسعـود
ابنصحـك مـدام قلـبـك يبيـهـا
البنت لا طنشتهـا تعشقـك زود ؟!
لو انت من قاص الحشـا تهتويهـا
لا تقولها اغليـك ياشيخـة الخـود
اثقـل وكابـر لا تفـكّـر تجيـهـا
حتى ولو تعطـي مواثيـق وعهـود
البنت لـو حطيـت روحـك بديهـا
عادي ومعروفك مع الوقت مجحود ؟!
لو الحـلا والملـح والزيـن فيهـا
بيّن لهـا ان الحـلا عمـر محـدود
تبا المـره تغليـك ؟ اثقـل عليهـا
لن المره ماتنعطى وجه ياسعود ؟؟؟؟

[تسـ тsωαħήــوٍآهـن]

صدقت والا جعل عمرك ما صدقت ؟


لا قلتلـك اغليـك لا تسئـل شلـون
وانتا ولا عمـرك تعنيـت واشتقـت
وارجع اقول انـي متيّـم ومفتـون
في حضرتك وتقول تبطي ماصدقت !!
رفعت ظغطي من كلامـك يامزيـون
الظاهر انـي فـي غرامـك توهقـت
صغير سن ونظرتـك دون فـي دون
تـوّك جديـد وبالهـوى ماتعمقـت
عظمك طري وتضيع بالشكل واللون
والا انـا حبيـت فبلـك وفـارقـت
دايم تسمّـع فـي وكالـة يقولـون
ماذقت من طعن الهوى ربع ماذقـت
يعنـي احبـك لازم اصيـر مجنـون
واقولك غربـت فينـي وشرقـت !!
واكلمـك صبـح ومسـا بالتلفـون
ولا غبتلك يومين مت وتضايقـت !!
ترى حلاة الحـب لاصـار مـوزون
ماهو ضروري انسفـه لا تعلقـت !
ياخي احبك بـس لا تنشـد شلـون
صدقت والا جعل عمرك ماصدقـت !!

[تسـ тsωαħήــوٍآهـن]

شآعر الجمهور وقنآة فلآش ؟




الله يبيـح الشعـر والقيفانـي
والبحر والطاروق والاوزاني !!
على قناة فـلاش شفتـه ميّـت
من سبة الخبلان والورعاني !!
كلٍ يذكي الشعـر والله يسامـح
ابو حقب وملهي الرعيانـي !!
كنك تمشّى وسط سوق الجمعـه
مجمّـع الاشكـال واللوانـي !!
على قناة فلاش( امسك بطنك )
الظحك للجمهور بالمجانـي !!
لاشفتهـم ماكنّـك الا اتـابـع
عادل امام وعايشه الكيلانـي !!
وانـا ماضحّكنـي ولا بكانـي
الا ثنينـه فقّعـوْ مصرانـي !!
اللي يقول امْبيه موتـي حـرّه
واللي يقول عقالي البطراني !!
شعّارهـم كـلٍ يدربـي راسـه
ويقلّد ابن فطيس والميزانـي !!
لكن ربَي يـوم يخلـق يفـرق
مثل اختلاف الرنج والنيساني !!
عفت القصيد وعفت كل الساحه
ولحدٍ يقول اليوم صح الساني !!

[تسـ тsωαħήــوٍآهـن]

الرنــــــج ؟


راكب اللي لا مشى يقطع الخط الطويـل
صاحبه مرتاح والقاع طاويهـا طـوي
لا مشى فوق الثرى واستوى ماله مثيل
ان طلع طلعة صقر وان نزل يهوي هوي
ميزته ( فل ابشن ) ورافعٍ راس الكفيـل
الزباين وسط عرض الوكالـه تلتـوي
وان دعست سليتره طار يم نجمة سهيل
وان نخيته جاك جيّة شجيـعٍ وحمـوي
هيبتـه مثـل ابلـجٍ لايكـل ولا يميـل
جامعٍ فعل الضياغم وصيت ابن جلـوي
وكن ضفه للمسافه مثل ضـف الجديـل
في يدين الفهلويّـه لا شافـت فهلـوي
ولايسجّل دفتـره بسـم رجـالٍ بخيـل
ولايسوقه خبـل قـومٍ ابْيتـه منطـوي
مايسوقه غير قرمٍ مثـل ذخـر الجبيـل
عبدليٍ يرفـع الـراس ويعـز الخـوي
رنج روفر يارفيقي من الـوزن الثقيـل
الدروب العـوج لامـر فيهـا تستـوي
منوة اللي ماتذوّق شـراب السلسبيـل
في ركون البيت من غاب خله منـزوي
ايتذكّر راعي الزين والرمـش الظليـل
الجميل اللي من الزيـن كلـه يحتـوي
نسل قومٍ تدحم الخصم بالسيف الصقيل
يوم زرق الرمح ويومن سرحان ايعـوي
فارقه ربي عن النـاس مامثلـه بديـل
لو امتّر هذي الارض واطويهـا طـوي
لو عيني يارفيقي علـى غيـره تخيـل
والله ان لا طلّع العين واشويها شـوي
مالكٍ قلبي ولا شفت من حبـه حصيـل
جيته مرتّـب ورديـت منّـه فوضـوي
ولا طلبت اني اجيله واشوفه كـل ليـل
مطلبي من حضرته بس دعـمٍ معنـوي
وليته ليته يحتضنّي بصدره حيل حيـل
او كما قولـة هـل القاهـره اوي اوي
ولا له الا عذب الابيات والشعر الجزيـل
والمشاعر في وصوفه تفيض وترتـوي
العيون عيون حـرٍ مايصـداد الهزيـل
والشفايف لا حكت تلوي ذراعـي لـوي
من عرفنا بعض والكل فوق المستحيـل
كنّه الاتّي وانا صرت منصـور بلـوي
ويش اوصّف دام كله على بعضه جميل
المزايـا والتواصيـف حاويهـا حـوي
ودايم ارددّ لا شفته على الممشى يميـل
اقمحي يابنت بولنـد وبنـت الزنكـوي
ابك هذا غير ماجانـي بطـرق الشليـل
اشهدنّه منوة القلب وشـوق المهتـوي
مير له شهرين غايب وانا بالي طويـل
والجفا ملعون كوثـر وكاوينـي كـوي
دخّن البارود من بعـده وشـب الفتيـل
غايبٍ والصوت يدوي في خفاقـي دوي
لو ربي مايفـرّق خليـلٍ عـن خليـل
كان ماشفت الهواوي بحـالٍ مأسـوي
والله اني انطح الجيش واعـز الدخيـل
بس من شفت الحبيّب وانا ماني قـوي

[تسـ тsωαħήــوٍآهـن]

النمْل عند بابك يموت ولايحصّل حاجته !!




قوي باس ولي مع اهل المعرفه باعٍ طويـل
ودوج في دربٍ صعاليك العـرب ماداجتـه
ولايعذرب بالرجال الا الهزيل ابن الهزيـل
خطو الهبود اللي يدرجهـا علـى دراجتـه
وترى العرب اتميّز الرجال وتعرف الهبيـل
حتى ولو فلمك يعجْب الناس في دبلاجته !!
وانا سواة اللي برك للحمل ومتونه تشيـل
وانت سواة اللي يلج الناس فـي لجاجتـه
لا تعترض دربي وانا رجلٍ من الوزن الثقيل
انا على طيب الزمن وانتا علـى سماجتـه
يعلمك عنيّ الجدي ويعلمك عنّـي سهيـل
ماني من اللّي صيدْته تضيع في عجاجته ؟
والاّ انت يامال العما من كثر ماكفّك بخيـل
النمْل عند بابك يموت ولايحصّل حاجته !!
سويت مثل اللي يحلْب النمل ويدس الصميل
اللي ماتلقى غير كسرة خبزْ في ثلاجتـه ؟!
واللي بنى بيته من الزجاج يركد ؟ لايعيـل
لايحذف الناس ابحجر ثم تنكسر زجاجته !

[تسـ тsωαħήــوٍآهـن]

شآعر الجمهور وقنآة فلآش




الله يبيـح الشعـر والقيفانـي
والبحر والطاروق والاوزاني !!
على قناة فـلاش شفتـه ميّـت
من سبة الخبلان والورعاني !!
كلٍ يذكي الشعـر والله يسامـح
ابو حقب وملهي الرعيانـي !!
كنك تمشّى وسط سوق الجمعـه
مجمّـع الاشكـال واللوانـي !!
على قناة فلاش( امسك بطنك )
الظحك للجمهور بالمجانـي !!
لاشفتهـم ماكنّـك الا اتـابـع
عادل امام وعايشه الكيلانـي !!
وانـا ماضحّكنـي ولا بكانـي
الا ثنينـه فقّعـوْ مصرانـي !!
اللي يقول امْبيه موتـي حـرّه
واللي يقول عقالي البطراني !!
شعّارهـم كـلٍ يدربـي راسـه
ويقلّد ابن فطيس والميزانـي !!
لكن ربَي يـوم يخلـق يفـرق
مثل اختلاف الرنج والنيساني !!
عفت القصيد وعفت كل الساحه
ولحدٍ يقول اليوم صح الساني !!

[تسـ тsωαħήــوٍآهـن]

الخــط آلثآني




مهما تـدق تلقـى التلفـون مغلـق
مسكّـره مـن سبتـك يانـانـي !!
مدري شتبي فيني ؟ وانا كل مادق !!
امّا طلع مشغول او خـط ثانـي !!
هذي حقيقه وانت ماتجهـل الحـق
خلاص بطّـل لا تـدق يسمرانـي ؟
انت تعرف خالـد ونايـف ومطلـق
وسعود ومشاري وعادل وهانـي !!
من كثرهـم شكلـك كـذا ماتلحّـق
امّـا يـدق فـلان والاّ فـلانـي ؟!
مشغل تلفونك علـى طـول تقـرق
واللي يقول اغليك واللّي يعانـي !!
شلـون تبغانـي احاتيـك واشفـق
عليك وانت اللي قتلـت الامانـي !!
لا تعتـذر خـلاص بطّلـت اصـدق
حتى لو انّك قلت تكفـى عشانـي !!
ياكثر ماقلت ابتـوب وارجـع ادق ؟
والمشكله القى معـك خـط ثانـي !

[تسـ тsωαħήــوٍآهـن]

حآجه صغيــرهـ




اشغلتني يالغضي فـي طـاري فراقـك
تبي تشوف الجفـا وشلـون تأثيـره
وادري كلامك ماهو من داخل اعماقـك
الله يرحم اهلـك ْ تفضّهـا سيـره !!
من يوم ماجيتنـي انكشفـت اوراقـك
ادناة حاجه اشـوف الشـك والغيـره
ولاهو ضروري تسولف لي عن اشواقك
الحب باين علـى وجهـك تعابيـره ؟!
اصبحـت يالغيـم رعـادك وبـراقـك
وهـذا وتـوْ العلاقـه بيننـا قصيـره
اقدر علـى رفعتـك واثبّـت ارواقـك
واقدر اضيّـق عليـك الـدار والديـره
ودك تخطف الحشا واصبحت سراقـك
البعد والصـد دوّرلـك حكـي غيـره
اهـم حاجـه معـي تظبّـط اخلاقـك
وان قلت ابوادعـك اموادعـك خيـره
متهز شعـره براسـي لحظـة فراقـك
لاني اشوفك بعيني حاجـه صغيـره !