ديوان/الشاعر متـــعب التـــركي

[تسـ тsωαħήــوٍآهـن]

الشاعر متعب التركي هو
متعب فهد خضير تركي "من العبيات من مطير
مدرس مقيم في حفر الباطن
شاعر كبير من اكثر الاسماء الشعريه قرباً الى ذائقتنا اختفى عن الساحة حيث انه ترك فراغا لايستطيع احد ان يسده سوا متعب التركي
الشاعر المبدع / متعب التركي...
شخص حاضر بقلب كل متابع ومحب للشعر لانه كان يمثل حاله خاصه بشعر لا يمثل الا متعب التركي
عرف شاعرنا بمقدرته المتميزه على اختيار المفردات النافذه الى القلوب والتي تتصف بالرقي والسلاسه وعذوبت الطرح في قصائده
حيث اتسم بالعذوبه وإحساس متقارب مع القارئ وكأنّه يكتب الشخص نفسه ..مبدع بأبتكاراته ..متجدد ..صوت يشدو للقلوب فيروضها
فكيف ننسى هذا المبدع ... الذي اصبح غيابه خساره لنا كمتابعين له..
أتمنى من الله انّ يثبتنا وأياه على طاعته ..

[تسـ тsωαħήــوٍآهـن]

ماني على خبرك حبيبي



البارحه مدري وش اللـي خذانـي
يوم اجنبو عني من الضيقه اشملـت
جيت اتكلم بـس عيّـا لسانـي
ماكني الا مرتكب ذنب واخملـت
الله يسامح من ذكـرت ونسانـي
وانا ادري اني لاذكرتـه تجملـت
عانيت وادري كل طيـب يعانـي
وعلى حساب طعوني الخضر جاملت
ياما خذوا منّـي ولاحـدٍ عطانـي
من طيبتي في حق نفسي تساهلـت
عـزاي لامنّـه تجهـم زمـانـي
يممت وجهي للكريـم وتوسلـت
واللي يبي قربـي وبعـدي لقانـي
امشي على وضح النقـا ماتختلـت
مرات احس انك معي شخص ثاني
ومرات احس انك حبيبي ومازلـت
لاتفرح انك دجـت بيـن المحانـي
لو ماتخـون الذاكـره ماتسللـت
عشان ماضيك الجميـل وعشانـي
حاول تشيل من الوفاء ربع ماشلت
ماني على خبـرك حبيبـي ترانـي
حتى عن صغار الامانـي تنازلـت

[تسـ тsωαħήــوٍآهـن]

الموت هين و البلا وش ورا الموت



المـوت هيـن و البـلا وش ورا المـوت
عند الحسـاب .. يهـون سهـم المنايـا
باكر نمـوت وتصبـح قبورنـا بيـوت
وعقـب القصـور بضيقـات الزوايـا
في جوف الارض و كل من حولك سكوت
و تعاقبـن بالقبـر عــوج الحنـايـا
يارب يا منجـي نبيـك مـن الحـوت
سترك وعفـوك يـوم كشـف الخفايـا
باكر ليا جينـا علـى داعـي الصـوت
شيبـان و اطفـال و شبـاب وصبايـا
ندعي وحنـا بيـن باكـي و مبهـوت
ورحنـا لهـا ننقـاد مثـل السبـايـا
يـارب تهدينـي قبـل لحظـة الفـوت
وتغفـر ذنوبـي يـا كريـم العطـايـا
اشكيك همٍ داخـل الصـدر مكبـوت
وايامـي الـلـي بالخطـايـا مـلايـا
ان لاذ بك من كـان طايـع ومبخـوت
فـي مـن يلـوذ المرتكـب للخطايـا ؟
يا رب يا قـادر علـى كـل طاغـوت
لا ياقـف اللـي وحـدوا بـك خزايـا
رحمـاك لا منـا صحينـا مـن المـوت
واليـا وقفنـا عنـد بابـك عـرايـا

[تسـ тsωαħήــوٍآهـن]

قلبي اللي صفالـك مالغيـرك صفـا



انتهينا وصار اكبر خطـاي الوفـا
انتهينا وعند الله جـزاي وجـزاك
ادري ان الزعل حجه عشان الجفـا
ادري وقلت ابسمعها مـن شفـاك
تختفي وانت خابر جرحنـا ماخفـا
كلهم شايفين الجرح وانت بعمـاك
قلبي اللي صفالك مالغيـرك صفـا
جاك من طيبه وعاف الهوى من رداك
القدم من طويل الدرب مل وحفـا
والنظر طاح من دونك وسرب وراك

[تسـ тsωαħήــوٍآهـن]

العمر لامنـه خـلا منـك ينعـاف


جابتني الذكرى على الماضي كتاف
سجيـت كنـي تونـي مكتشفهـا
سرى بي الهاجس ومريت الاطراف
دوجت حول الساعتيـن بطرفهـا
نعم تذكرت الزمان الـذي طـاف
غديت مثل اللـي عيونـه طرفهـا
لي في غرام(ن) فات كلمه ومقياف
لولا خفوقي هام بك مـا وقفهـا
اول غيابك قلـت مابـي خـلاف
واليوم شف حالي غيابـك تلفهـا
تجهل جروحي ياللي جروحك خفاف
معذور لو قلبك جهل مـا عرفهـا
ياليت مجروح الهوى جرحه يشـاف
لقول قرب من جروحـك وشفهـا
شفها بعينك كانك من الله تخـاف
حاول تصلـح غلطتـن مقترفهـا
العمر لامنه خـلا منـك ينعـاف
في حال والا حـال غيـر تعرفهـا
قدام عينك لو تطلعـت وخـلاف
تلقى الخفايا خاطري لك كشفهـا
خايف ومن مثلي معه حق لو خاف
تبعـد ونفسـي ماتحقـق هدفهـا
ماللهوى عندك مواثيق وانصـاف
ماكـنـه الا لعبـتـن محترفـهـا
اليوم لو ذكراك ترجع بي خـلاف
محبتـك سيـل التهايـم جرفهـا

[تسـ тsωαħήــوٍآهـن]

حسي بلوعات الليالي والأحزان



حسي بلوعات الليالي والأحـزان
بعيدن حسـي بالهـوى لا بغيتـي
وش به يهمك لو يقولون زعـلان
لو فيك ذرة من غلا مـا جفيتـي
ياللي تقولين الخطا زلـة السـان
ليه انتهـى ذاك الغـلا وانتهيتـي
خطاي وينه مدري الذنب وش كان
في زحمـة الأيـام ليـه اختفيتـي
وقفت في وجه الزمن قدر الامكان
وانتي جنح فيك الخيـال وغفيتـي
جيتي وقلت الجرح يوم أقبلت هان
وأنتي على الجرح القديم ارتكيتـي
قلتي لي ان الحب لابـد ينصـان
واليوم... ما كنك دقايق هويتـي
شافوك حساد الهوى شوف الأعيان
يومك على رجم القصايد رقيتـي
ما بان شي ولا بقى شي مـا بـان
بس أنتي اللي غافله مـا دريتـي
العام لك طاري بقلبي ولك شـان
واليوم أحس بغلطتـي لا طريتـي
وان قدر المولى وعشتـي بحرمـان
ومن حر لوعات التجافـي بكيتـي
تذكري قلبن لـه سنيـن شفقـان
شوفي بحقه يا كثـر مـا خطيتـي
كل القصيد اللي أقوله على شـان
تهزك الذكرى عقب مـا نسيتـي

[تسـ тsωαħήــوٍآهـن]

دليـــل المحـبـــة



دليل المحبه شوف عيني عليـك تغـار
ولاودي الحاسـد عيونـك يطالعهـا
مع إنك رحلت بعيدلكن بقى التذكار
لياشافتـه عينـي تسابـق مدامعهـا
دفنت الغرام بخافقي والقلوب أسـرار
مشاعرهقيـت إن الليالـي تضيعهـا
فرحت برجوعك ماطلبت لخطاك اعذار
ونفسي نست ماجرى مـن تواضعهـا
تهادت مشاعرخاطري لك بلا معيـار
تجاهلتهـا لوكنـت خابـر دوافعهـا
يقولون جنّب درب مالك معه معبـار
يلومون نفسٍ بعدالاحبـاب موجعهـا
يقولونهـا قبلـي يخـون البحربحّـار
والآمواج لاهاجت خذت ماتبي معهـا
تكاثرت منك الصد وأثرالعلوم كبـار
لقيتك على نفسي تقلّـب مواجعهـا
اقوله وأنا اللي شفت ذاك الغلا ينهـار
يشوف الندم رجّال نفسـه يطاوعهـا
مثل ماضرب جّوٍ خلاغـادي محتـار
يدّوج ورجله مادرى ويـن موقعهـا
تعرض سموم القيض والدارمامـن دار
هليك وشعربالموت روحـه ينازعهـا
جحدت الغلا لين امتلا بالخفوق وثـار
قصايد عساها اليوم تطرق مسامعهـا
غرامك مثل نارٍ حطبها الغـلا النـار
تموت وغلاك اللـي بقلبـي يولعهـا
غلاك بضميري واضحٍ ماعليـه غبـار
تشيل الغلا نفسي وأنا عاجـز امنعهـا
يقولون ماودعّك : قلت الفراق وصار
والإنسان روحه تنسلب مايودعهـا !
هذيك الليالي ويـن أثرالزمـن دوار
خذاهـا ولاظنـي زمانـي يرجّعهـا
طوتها السنين ولابقالي سوى التذكـار
لياشافتـه عينـي تسابـق مدامعهـا

[تسـ тsωαħήــوٍآهـن]

عطرهــا صلف


ذكراك لاهبت يجي عطرهـا صلـف
واستنشقه بالصـدر مثـل الخزامـى
إي والله إن غيابهامكلـف كـلـف
إي والله ان عـروق قلبـي توامـى
رمش النواعس والحجاجين والزلـف
ياماخذن قبلـي قلـوب النشامـى
أمضى من المصقول واسبق من الشلف
سهم الهوى لوكنـت عنـه اتعامـى
لا يخدعك صبري على الجرح ماخلف
هالشعر غير جـروح قلبـي تدامـى
لي خاطر بينه وبيـن الشقـا حلـف
ياماعثـت فيـه المقاديـر يـامـا
من عاش هالدنيا بلا صاحب وولـف
عزالله إنـه عـاش عيشـت يتامـى
خل السوالف والمشاريـه والحلـف
مبطي وأنا على الجـروح اتسامـى
قلب(ن)يضيق بذكريات الهوى جلف
وقلبي مثل جـرد القفـار يترامـى

[تسـ тsωαħήــوٍآهـن]

تناسيتك وشفت الشوق في قلبي عليك يـزود




رجع بي طاري الذكر على ذيك العيون السود
وأنا اللي قلت ماعاد الهوى يطري على بالـي
تناسيتك وشفت الشوق في قلبي عليك يزود
اثرني مانسيتك بـس مـن همـي يورالـي
غديت وطاري الذكرى سواة الملح والبارود
ليامنه قرب لي ثار شوقـي وانقلـب حالـي
تجي وتروح لكن في ضميري باقـي موجـود
على حد السراب اللي زما طيفـك تروالـي
تمر الثانيه في حسبه الساعه علـى الموعـود
اجل ربي يعينك لاغدى راع الوعـد غالـي
سهيت ولا وعيت الاوقلبي للغلـى مشـدود
تنبهت وبغيـت الحـق عليـه ولا تهيالـي
وانا اللي خابر كل العلوم ونقصها والـزود
أضيع في موازين الحكـي لا شفتـك قبالـي
اسامح وادري اني بالجفا مبطي وانا المقصـود
وانا اللي لو من اولها جفيتك يمكن اشوالـي
على هونك توقا ماهي بكيفك نعيـم العـود
تحاسبني وانا اللي راحت ايامي على الخالـي
حرام تضيع من عمري ليالي مالهـا مـردود
تعابيـر الشماتـه شفتهـا بوجيـه عذالـي
انا ماني بعاجز لو بجازيك الصـدود صـدود
يضيق المنـزل بغيـري ولا غيـرت منزالـي
كريم النفس حتى بالمشاعر لاعطـاك يجـود
على كثر العطايا مانشدتـك ويـش يبقالـي
تمهل واعرف اللي راح لا يمكن عليك يعـود
خذاه الوقت لاتستنقض المبطي مـع التالـي
ابقطعها حبالك لو بها حبل الرجـا معقـود
وابلقا عن مقيلك بالسعه لـي فـي وظلالـي

[تسـ тsωαħήــوٍآهـن]

على جثتي عسفك وتسريجك



رغم التعب والتناقض منزلك عالـي
لو كنت في خطوتك تكثر تعاريجك
عنيد لكن عنادك حيـل ..يحلالـي
ولو كان للعند تاج اعلنت تتويجك
لكن ترفق وشوف وجيه..عذااالـي
تفرح..تايد صدودك لي وتحجيجك
يكفي تشوف بعيونك ثوبي البالـي
اللي تمزق تحت قسوة كرابيجـك
حزيـن رددت للاحـزان موالـي
وانت إتغنى فرح واسمع اهازيجـك
لا زلت احبك..ولكن وعد..يالغالي
لابد..اوقف دعاباتـك وتهريجـك
وإن كنت مهر ..ولا روضك خيالي
جيت وعلى جثتي عسفك وتسريجك

[تسـ тsωαħήــوٍآهـن]

لــون الطيــــف



زى لون الطيف وألوان الفـراش
الهنـوف اللـى شغلنـى صدّهـا
إن بكت جا دمعها مثل الرشـاش
وإن تبسّـم ثغرهـا مـن قدّهـا
وإن حكت كن بشفايفها رعـاش
الخجـل عـن سالفتهـا لدّهـا
والطيور اللى جفت حضن العشاش
ليتهـا خلّـت بقايـا ودّهــا
عقبها كل الغصون أمست نشـاش
خاليـه عقـب الوناسـه خدّهـا
كل قلبٍ فى ذراه الحـب عـاش
فيه طيبـه زايـده عـن حدّهـا
والقلوب إن فارقت صارت هشاش
موحشـه والذكريـات تشدّهـا
رفرف البرق وزِمَت بيض الدشاش
وامتلا مـن صافـى المـا عِدّهـا
مابنيت بيوت شعرى من قشـاش
ليـه أخـاف إن الريـاح تهدّهـا
والهجوس اللى من الفرقا عطـاش
ترقـب نجـوم السمـا وتعدّهـا
يوم شق النور من ليـل القمـاش
شفت حبّـة خالهـا فـى خدّهـا
القصيـد لمثلـهـا ولأّ بــلاش
لو تبى عمـرى حشـى ماردّهـا

[تسـ тsωαħήــوٍآهـن]

وش طرالك بعثت اليوم برسالة



ضايق البال مايستانـس الحالـه
وانت لاغبت عني كنـي الحالـي
جتك الاشواق رجليـه وخيالـه
غير الاول تحمل عشقـي التالـي
ليت من قال متعب خابت امالـه
شاف بعيونك الخدرات منزالـي
واحدٍ فيك ماهو منشغـل بالـه
اشهد انه بها الدنيا هـو السالـي
راوي العود يزهالـك وتزهالـه
عاد من يقدر ايلومه إليـا مالـي
صاحبي والقصايد فيـك مختالـه
وأنت لك حق فيهن يوم تختالـي
دام نفسك لحب الشعـر ميالـه
ليه ماصير شاعر وانت في بالـي
من تمناك لاتنشد عـن احوالـه
كيف عقب العسل يستطعم الحالي
عقبك النفس مذعوره ومهتالـه
سود الايام هزت برجي العالـي
لكن القلب من يمك على حالـه
في تناسيك ليه اكذب على حالي
قلت لك نعمة النسيان00 زواله
ذكرياتك بعضهـا قـام يبرالـي
كل مامرني طيفك علـى فالـه
قلت يامرحبا فـي ريحـة الغالـي
شلت همك وهمي ماحـدٍ شالـه
كن قلبك غدى ياصاحبي خالـي
إبتعدنا وكلـن راح فـي حالـه
بين هالناس لكن كنـي الحالـي
وش طرالك بعثت اليوم برسالـه
وانت لك عام ماعبرت مرسالـي
أصـل الايـام رحالـه ونزالـه
ومن شرب مرها يشتاق للحالـي
ضايق البال مايستانـس الحالـه
وانت لاغبت عني ضايق(ن)بالـي
قبل أعوذ من الشيطان وعيالـه
والله انك على أغلا من أعيالـي

[تسـ тsωαħήــوٍآهـن]

قبل اسافر وتنسى جيت اسلم عليك



قبل اسافر وتنسى جيت اسلم عليـك
جيت ابي عمري اللي من ايديني غـدا
ضاعت اجمل سنيني من عمايل يديـك
أكب ان قلت راحت لأجل عينك فدى
فرصة العمر قالوا ..لا غدت ماتجيـك
جتني اكثر فرص عمري وضاعت سدى
جرب الخوف مرة ..حس به يعتليـك
وارفع الصوت..ماتسمع لصوتك صدى
تدري اللـي ذبحنـي قولتك(ماابيـك)
مابقالـي لثـاري لـو بغيتـة مـدى
ماهقيـت المشاعـر كلهـا ترتجيـك
قل لها..بالمفـارق منهـو اللـي بـدا
هاك دمعة عيون(ن) باكيـة تشتكيـك
هاك ريح ضميرن ماستـراح وهـدى
(ماتناظر عيوني زول هـاذي وذيـك
ولا يهز المسامع اسـم ريـم وهـدى)
قلت ماعادلي رغبة وشوفـات فيـك
قلت يانفس طيبي ..يفرحـون العـدى
قلت عايف ونفسي بالخفـا تشتهيـك
عزة النفس تدري ..طيب ماهـي ردى
((خل عينك تهل دموعهـا وشعليـك
انت خدك ورود ودمع عينك نـدى))

[تسـ тsωαħήــوٍآهـن]

يخطي..ويزعل ويرجع لي يؤنبني



لا يا علي الوضع هذا ما يناسبنـي
قله يفارق ترى لي بـان تزييفـه
يروح يبعد..وثم يرجـع يقربنـي
يبيني اتبع هواه واخضـع لكيفـه
يخطي..ويزعل ويرجع لي يؤنبنـي
اسكت وانا اسمع تفاهاته وتخريفـه
ماني بتمثال وقت الضيق ينصبنـي
عنه اتلقى خطا غيـره وتهديفـه
عذروبي اللي يعرفه مـا يعيبنـي
كتاب مكشوف واضح فيه تحريفه
الموقف اللي حصل بالحيل متعبني
ولا يحاول بثوب الكذب تلحيفـه
قله فراقه ترى ما عـاد يرعبنـي
ما عاد يسوى بعيني(ربع تعريفـه)
انغام عزفه ترى ما عـاد تطربنـي
عندي تساوى برود شتاه مع صيفه
ماني معاتـب وقلـه لا يعاتبنـي
جوي تعكر ولا اطلب منه تلطيفه
نهر العطا جف قلـه لا يحاسبنـي
القلب مما علق به صعب تنظيفـه

[تسـ тsωαħήــوٍآهـن]

ليتـه نسـاه ولانسانـي




ليل هاك الجدايل طـال مسـراه
بين تفسير حلـم وبيـن امانـي
يوم حد الغلا قلبي على أقصـاه
شـرع القلـب بيبـان المحانـي
مارمانـي ولكـن قلبـي أدمـاه
عـاد وشلـون لامنـه رمانـي
لانقض ليـل مجدولـه وخـلاه
قلت وش هالظلام اللي غشانـي
لو يمر البحـر شاطـي شفايـاه
صار بحر الخليـج فـرات ثانـي
وين ابلقاه مدري ويـن ابلقـاه
دامـه بكـل ذره فـي كيانـي
ادري انه نسى الموعـد ولاجـاه
بـس ليتـه نسـاه ولانسانـي
لو عيونه بحرهـن ماركـد مـاه
شط الاهداب صار اجمل موانـي
يكفي انه حفظ شعـري وغنـاه
وابتسملي وقـال ادري عشانـي
كل ماترتسم بسمه علـى شفـاه
اشعـر انـه يجاملنـي زمـانـي
ليه احبه واحب اسمـه وطريـاه
يوم اخذ دم قلبـي وش عطانـي
غاب وان شفت نفسي قادر انساه
قلت ربي كتب لي عمـر ثانـي

[تسـ тsωαħήــوٍآهـن]

مالي على بعض السوالف مزاج




ليه وطيت عن خيل القصيد السروج
ليه مديت لي عقب القـراح الهمـاج
لاتكملي الغلطـات والعـوج عـود
يضحك حجاج ولاينعقد لي حجـاج
إصبرشوي وشعلمك تهـوج وتمـوج
ميت القلب مثلك مايعـرف الهيـاج
ماتعودت اجامـل معتليـن البـروج
الزم العلم قبل يصير هرجـك سمـاج
المشاعر تجـي مثـل المعاصيرهـوج
وانت مالك على هوج الرياح احتجاج
جيت وقلوب حسادي تهيج وتـروج
لاصفا جوهم ساعه قفـاه العجـاج
ابتسملك وهمي فـوج يقفـاه فـوج
من يحبك لزوم يصير مثلـك هجـاج
بس قلي وانا غلطان لـك ومحجـوج
وين يلقون لجروح النواعس عـلاج!!
القمرغاب وأنت اطفيت نور السروج
قلت يكفيك نورالوجه لا اصبح سراج
كن بين الضلوع العوج صفقات موج
يوم فاض الغلا والشوق والقلب هاج
ضيقة الصدر لو بين المحانـي تلـوج
كل ضيقه لها عنـد الكريـم انفـراج
ماهوالغيظ سبة كل ابـو هالهـروج
بس مالي على بعض السوالف مـزاج

[تسـ тsωαħήــوٍآهـن]

اسكت وخل الكلام لجرحي الدامى




ماقلت لي شـي وش خليـت ماقلتـه
اسكت وخل الكلام لجرحـي الدامـى
لوغيـرك اللـي يسولـف ماتحمّلتـه
لكن على شان عينـك هانـت ألامـى
للحـب مفهـوم عمـرك ماتخيلـتـه
ماأظن يستوعبـه تفكيـرك السامـى
هذا الفراق الطويـل وهـذي أسئلتـه
هذا حصاد السنيـن وهـذي أيامـى
يامـا ويامـا عليـك البـال طولتـه
والعمرعدى وأنا عايش علـى أوهامـي
حتى طريق الفـراق اللـي تساهلتـه
لقيته أصعب على نفسي مـن أقدامـى
اصبرلـي شـوي لودمـي تثاقلـتـه
بحاول أستوعب اللـي صـار قدامـي
الحب ضحكة بعينـك بـس ماطلتـه
عمرك بهالكون شفت أبسط من احلامي!
القلب لوماخفق لـك كـان ماشلتـه
ولوماأنت ملهم قصيدي جفت أقلامـي
هذا قصيـدي بعينـك لـو تجاهلتـه
ينزف على شأن يروي قلبك الضامـى
العـام طـاري غيـابـك ماتقبلـتـه
واليوم حرماني أصبح مصـدر إلهامـى
لاتعتذرلـي وابنسـى كـل ماقلـتـه
وش ينفع العذر لامن ضاعت أيامـى ؟

[تسـ тsωαħήــوٍآهـن]

مايطيب الجريـح ان كـان ماينتـداوى



ماني اعمى بصير بس وش عاد اسـوي
مايطيب الجريح ان كـان ماينتـداوى
كن حبه على حدب الضلوع امتطـوي
كيف ابقوى وانا بيباني قلبـي تهـاوى
شوف قلبي من جروح البعاد متكـوي
عقب ماقلت جرح الاعم طاب وتشاوى
يوم ساقوا ركايبهم وشبيـت ضـوي
ماتخوفت وسباع الخـلا لـي تعـاوى
اشهد انه تعكر عقب مـاراح جـوي
مانسيتـه وزولـه للعيـون يتـراوى
زل وقت الوعد ماعـاد فيهـا تـروى
بس انا وانت ياحرف القصيد انتخاوى
قلهـم ياقصيـد لايروحـون تـوي
ماني الي حضوره مع غيابـه تسـاوى
رد عنـي علومـن ماتونـي عـدوي
قلهم متعب التركي عليـل وتـداوى

[تسـ тsωαħήــوٍآهـن]

كم زعلت وعلى شان الحبايب دمحـت



مدرى البارحه ويش إفتكرت وسرحت
هى طوارى والا ان هموم قلبـى ثقـال
هى طرتلى قديـم الذكريـات ولمحـت
زول والا الحكايـه كلبوهـا خـيـال
هجّن ركاب فكرى بالمشاعر وصحـت
منهو اللـى تغافلنـى وفـك العقـال
ضقت والبال عمس ومنقلب فوق تحت
هى من شوى يوم تفوح صفر الـدلال
ودى افرح ومن مبطى انـا مافرحـت
ودى القا عن شموس الحبايـب ظـلال
كم سنه عقب مركوز النهد مافتحـت
قلبـى ولا عيونـى للغـلا والجـمـال
لو بغيت انتهز فرصات واجـد ربحـت
كانت اجمل فرص عمرى تنادى تعـال
ماهو بعيـب لازلّيـت والا جنحـت
منهو اللى بلغ فينـا حـدود الكمـال
وانت ياللى عن حدود المحبـه نزحـت
كل ماشد لك حيلـى تشـد الرحـال
ماشكيتك لو انى من جفـاك انذبحـت
وانت شف حكمة الخالق ذبحك الـدلال
لا تقول انك بذاك التصـرف مزحـت
يوم سويت فى هـاك النهـار احتفـال
ليه تفهم غلط وش فيك لبعيـد رحـت
ما طلبتك تشيل الهـم يابـن الحـلال
ماهجيتك ولا كنـى ابـد مامدحـت
كلبوهن عقب هالعشـره اكبـر محـال
صاحبى دام انا منك وعليك انجرحـت
لاتجينى علـى درب الخطـا والخمـال
تدرى انى تحمّلـت الكثيـر وسمحـت
خابر ان التسامح من كريـم الخصـال
(كم تغاضيت عن بعض الامور وصفحت
ما دخلت بمتاهـت عاشقيـن الجـدال
كم زعلت وعلى شان الحبايب دمحـت
قلت ابصبر عليهـم والليالـي طـوال
ليتني من صواديف الزمـان انتصحـت
لكن الله يهونهـا علـى كـل حـال)
ماشغل بالـى الا يـوم افكـر بنحـت
القصايد واحفّظهـا قلـوب الرجـال
قالوا انى بترويـض القوافـى نجحـت
قلت اجل كيف لو بزعل وامس الحبال
لو تخوّفت من درب الخطـر مافلحـت
مايهـاب الصعـاب الا ردى العيـال
عكس تيارهم شفنى جزمت وسبحـت
ماحرصت انى اتـرك للتراجـع مجـال
لو طموحى قريّب من زمااان استرحـت
مير خابر محلـى فـوق روس الجبـال

[تسـ тsωαħήــوٍآهـن]

وجه التشابه بين وجهك والايام !!!




مرت سنه وشهور وشويـة ايـام
على غياب اللي حلاهـا شمالـي
كم قلت في نفسي قبل عيني تنام
يارب جبها عند ما أصحى قبالـي
تعبت ادور بيـن حزنـي والالام
عن صبري اللي بقى منـه تالـي
يابنت خليت السوالف للاقـلام
يكفيك لا عز الكـلام انفعالـي
من صارت الدنيا حسابات وارقام
وانا عجزت استوعب اللي جرالي
ضحيت بالواقع على شان الاحلام
وضحيت بالغالي على شان غالـي
حتى الغرام اللى كسر قلبي العام
ماني بحاله كـان ماهـو بحالـي
ما بنحسب عمر البنادم بالاعوام
بعض السنين نعيش فيهـا ليالـي
وجه التشابه بين وجهك والايـام
القلب خالـي والليالـي خوالـي

[تسـ тsωαħήــوٍآهـن]

مرفوض ياللى بعت غيره عشانـه




مرفوض ياللى بعت غيـره عشانـه
أزريت عن رد الجـزا أو تهاونـت
مابي لك أكثر سـد بـاب الميانـه
بانت مع الوقت الخفايـا وبينـت
مادام مالى وسـط قلبـك مكانـه
أنا بعد مثلك عن الحـب هونـت
أنا مثـل خيـال خانـه حصانـه
عذره يقول من الرسـن ماتمكنـت
غرّه مع المركاض وارخـى عنانـه
مخطى وانا غلطان يوم انـى امنـت
لو كنت وافـى ماتخـون الامانـه
ياللى تقول تشيب روحك ولا خنت
شاعر تزلزل مـن فراقـك كيانـه
لك يعترف مايسكن القلب غير انت
ذاك الهوى لـو ماشعـرت بحنانـه
ماكنت فى حلو القصايـد تفنّنـت
لو كان قلبك صافى الـود خانـه
فى ذمّتى ماهان حبّـك ولا هنـت
اليوم كلـن يحتفـظ فـي مكانـه
لا كان يوم به عرفتك ولا كنـت
أحدٍ يخون وواحد الوقـت خانـه
أنا ترى الثانى وألاوّل تـراه أنـت

[تسـ тsωαħήــوٍآهـن]

مشكور يا بايع مشاعرك مشكور



مشكور يا بايع مشاعرك مشكور
العام ذنب وهالسنه ذنـب ثانـي
وش عاد اقول ولا بقى شي مستور
ما طعتني يوم ابتسم لـي زمانـي
لا تعتذر لو خاطري منك مكسور
لا تفتكرنـي دام قلبـك نسانـي
لا لا تقول ان الليالـي لهـا دور
شف من هو اللي كان فينا أنانـي
مدري تصنعت الغلا زور فـي زور
مدري انا اللي حيل كنت متفانـي
مثل العما ما تنفعه طلعـة النـور
النور بعيـون العمـا مـا يبانـي
عندي خبر لو جاك من يمي قصور
لأقول انا مخطـي وربـي جزانـي
لو شفتني قاسي عليك انت معذور
شفني من أول جرح لا زلت أعاني
انا بشر مثلك لي احساس وشعور
واغتاظ لا مس الكـلام بكيانـي
حتى وانا في قمة الغيـظ مقهـور
بعض الحكي عيا يقولـه لسانـي
ابقولها لو قلت لي صابك غـرور
ما فيه احد ياخذ بقلبـك مكانـي
العام قلبي فيـك هايـم ومجبـور
العام لا منـي جفيتـك عصانـي
واليوم حبك في حنايـاه مقبـور
لو ما دعيتـه للمفـارق دعانـي
ذاك الهوى ما عاد لك فيه مقدور
ابعد من ايام الرشـي والسوانـي
ما دمت راضي عن عذابي ومسرور
ملعون ابو قلب ٍ عليـك يحدانـي

[تسـ тsωαħήــوٍآهـن]

مفتوح باب الرجى لو هب مليون ريح


مفتوح باب الرجى لو هب مليون ريـح
والريح ماتاخذ الغرسـه مـن عروقهـا
القوس مكسور والرامي يقـوم ويطيـح
والسهـم منعـاج والايـام خازوقهـا
لو لبسو ساقط الهرجـه ثيـاب المديـح
قلنـا سحابـة وبلـة يابـس حلوقهـا
ياحادي الركب لا توده عليـه وتصيـح
ماعاد هـي سالفـة ليلـى ومعشوقهـا
مديت شوفي وشفت الكون رحب وفسيح
والارض حدر المواطي والسماء فوقهـا
مادام عين الرضا ماها همـاج وشحيـح
ابتبـع الغيمـة اللـي رفـة بروقهـا
مدري عن المقبلة لكن عسـى الله يبيـح
اللـي تهـز القلـوب وهزنـي شوقهـا
غنيت للحب ولسـان المحبـة فصيـح
والبدو سبـة غناهـا ضيقـة خلوقهـا
باكر يروح الشتاء والثلج قصره يسيـح
مايفضح الثلج غير الشمـس وشروقهـا
عاد انت شفها ليا من صار ذيب وجريح
ماتبلـع الخـد راعيهـا ولا نوقـهـا
اما تقول العـرب ماهـز الايـام ريـح
والا يقولـون مثلـي شربـت مروقهـا

[تسـ тsωαħήــوٍآهـن]

اللـي بقـا بيننـا تحصيـل حـاصـل




مليت امشي كلامك ويـن مقصـودك
باوقفك ابسألك وتقـول لـي واصـل
واصلت دربك ولكن ضاعت حدودك
واللي حصل لي ما اظن لحضرتك حاصل
تعطيني وعود لكـن تبخـل بجـودك
بنيت دون الحقيقـه حاجـز وفاصـل
مابي ملامك عتب وارفض عتب سودك
انته من العيـن مهمـا تفعلـه ناصـل
كمل بروحك لنفسك نقصـك وزودك
تاصل طريق تبي او عـل مـا تاصـل
ولا يروح عقلك بعيد وتوفي وعـودك
اللـي بقـا بيننـا تحصيـل حاصـل

[تسـ тsωαħήــوٍآهـن]

نسيتني علمنـي شلـون ابنساك


نسيتني علمني شلـون ابنسـاك
في هالزمن نسيان الاحباب عادي
وشلون لا مرت على البال ذكراك
وطيفك سرق مني لذيذ الرقـادي
وشلون لا قالوا لي الناس وش جاك
من كنت في لذة منامـك تنـادي
وشلون اعيش اللي بقالي بليـاك
لا من غدينا كل واحـد بـوادي
لو قلت اداوي جرحي اللي تباطاك
ما كل جرح يفيد فيه الضمـادي
أعلنت حبك ليـن كـل تمنـاك
غلطة وغيري من خطاي استفادي
لو .. لي مثل قلبك تمنيت فرقـاك
واكيد قبلك بالجفا صرت بـادي
حلوة عذاريبك وحلـوة مزايـاك
حتى بيوم فراقنـا كنـت هـادي
كن الليالي ودها تكسب رضـاك
وانا يا طول مع الليالي جهـادي
في ذمتي ما هي غريبـة خطايـاك
مبطي وقلبك لو تنبهـت غـادي
سهلة على من كان مثلك وشرواك
مثل الثياب .. يغيرون.. المبـادي
علمني اكره ذكرياتـك وطريـاك
وانسى من الليلة صدوق الودادي
ولا ني بقايل عقبها ويـن ابلقـاك
راضي لو ان جروح قلبي جدادي
ولا القصايد جعلها مـن فدايـاك
لبستها مبطـي ثيـاب الحـدادي
باكر على المخطي يدورنّ الافلاك
ونشوف من يصعب عليه البعادي

[تسـ тsωαħήــوٍآهـن]

مابرى الجرح الاول كيف يبرى الجديد


هاك ذكراك من ذكراك ويش أستفيد
كافـي أن المشاعـر هايمـه كلـهـا
ودي انساك والنسيان ماهـو اكيـد
كيف ابنسى عيون(ن) رمشها ظلهـا
من هك اليوم وانت اللي بعيني وحيد
ماخبرت العيـون تمـل مـن خلهـا
مير نفسي عزيزه وانت رايك عنيـد
والنفـوس العزيـزه ماتبـي ذلـهـا
ليه تعطيني الدافع واقـول القصيـد
ليه صفحـه غرامـي ترجـع تفلهـا
ليه ترجع على الماضي تزيـد وتعيـد
وانت من عام الاول عاجـز تحلهـا
مابرى الجرح الاول كيف يبرى الجديد
شوف حالي نزيف جروحهـا سلهـا
كل ماشفت لك ذكرى وربي شهيـد
كن نـزاع روحـي بالحفـا تلهـا
اندفعت لغرامـك يالغـزال الفريـد
والغـلا لـه دروب خاطـري دلهـا
فرحتي بالقـا رغـم انهـا ماتفيـد
فرحـه القـاع لامـن المطـر بلهـا
وش بقى يالسراب اللي قريب(ن) بعيد
المحبـه وراحـت وانتهـى حلـهـا
لو كل بكيفـه ياخـذ اللـي يريـد
كان ماشفت ناس تموت فـي غلهـا
هاك فرقاك خذها خل قلبك شديـد
خلهـا ماشيـه بحمولـهـا خلـهـا
كل مازاد تعذيبـك ذنوبـك تزيـد
الله اعلـم صلاتـك باطلـه كلهـا

[تسـ тsωαħήــوٍآهـن]

وين هالغيبه عسى ماهي إفـراق



وين هالغيبه عسى ماهي إفـراق
ليه تبخل بالمجي خلّـك كريـم
خابر ان الجرح لا صابه حـراق
ما يفيـده طـبّ والله العظيـم
ينشدوني وين من رمشه دقـاق؟
قلت مدري ذاك خبري به قديـم
الغلا راعيه لـه قلبـن رقـاق
لو جفيته صارت ضلوعه هشيم
لو زعل لو شال غيضه واستضاق
ما يخرّبهـا وجرحـه بالصميـم
ادمح الـزلاّت زلاّت الرفـاق
خصّ لا من صار راعيها حشيم
واكره الخوّان كرهـي للعـراق
واعشق الوافين عشقي للقصيـم
عند اهلها غاليه وضح النيـاق
وانت عندي يمكن اغلا يا وسيم
ان بغيت افراقنا هـاك الفـراق
وش نبي بالحب دام الحب ضيم

[تسـ тsωαħήــوٍآهـن]

يا مرحبا ياللي جروحـه عطايـب


يا مرحبا ياللي جروحـه عطايـب
حيه وحي بيوتـه اللـي دعتنـي
راع العلوم النـادرات الغرايـب
اللي مساء البارح بيوتـه لفتنـي
جتني وهي تنساق سوق الركايب
وانا فرحت بشوفهـا واعجبتنـي
يشكي بها اللي رمشها سهم صايب
عنها يقـول ان الليالـي حدتنـي
ودي لو انك عن غلا ذيك تايـب
ام العيون السود والرمـش فتنـي
ما كل جرح تفيد فيـه الطبايـب
ياللي جروحك ماهـي بخافيتنـي
يابوفهد والحـب كلـه نشايـب
لو قلت باغيهـا وهـي باغيتنـي
قلته وانا قبلك لقيـت النوايـب
في حب من فارقتهـا واخلفتنـي
لا زال جرح عيونها السود عايب
يابوفهـد ذيـك بغلاهـا بلتنـي
يوم اللقا فيها غدى شبه خايـب
وشفت السوالف بعضها عومستني
ماقلت اخلي سايب الوضع سايب
طويت صفحات الغرام وطوتنـي
مع ذلك ابشر لو لقيت الصعايب
ياللي بيوتـك جتنـي وهيضتنـي
ما دام لك بالحب شف ورغايـب
اعرف ترى الفزعه عليك إلزمتنـي
إما تصير انتـه واهلهـا نسايـب
وتعيش قرب اللي تقول إذبحتنـي
وإلا تعود وانت خاطرك طايـب
وتقول فزعة صاحبـي كافيتنـي
لو توخذ الدنيا طلاب وغصايـب
ماهابها لو شفت موتـي وحتنـي
دام العمر تاليـه قبـر ونصايـب
سود الليالـي ماهـي بمرعبتنـي
بمشي لو إن الدرب شوك ونهايب
ان عارضت وإلا على الكيف جتني
خل الهموم جمـوع والا كتايـب
انـا لهـا دونـك لـو دمرتنـي

[تسـ тsωαħήــوٍآهـن]

مصيرها تركـز عليـك النصايـب



يانفس هيدي لاتزيدين الاوجـاع
كافي من الدنيا نشوف العجايـب
ماني على من صد ضايق ومرتـاع
لاهو من الغاليـن والا القرايـب
لاصارمابينـي ولابينـه نــزاع
ولاجيته بزلـه ولا علـم خايـب
حق الرفيق انـي نهيتـه ولا طـاع
والراي مابه فرض والا غصايـب
يومه غدى بينت له كل الاوضـاع
ماقلت اخلي سايب الوضع سايب
ناديت له لكن تجاهلنـي وضـاع
صد وعلى عمياه ساق الركايـب
اقفا على رايـه ولافيـه مرجـاع
مثل السحاب اللي قفتـه الهبايـب
للعلم بين الناس مدخل ومطـلاع
واللي يجّود حامض العلم صايـب
من ينطح المويه ولاعنـده شـراع
ان عاش يرجع من هك الموج هايب
والعاقل اللي لاخطا يرجع بسـاع
يسترجع ولاياخذ الـراي عايـب
واللي يصير لرغبة النفس مطـواع
لابـد مايلقـا العنـا والمصايـب
والناس مختلفه لها اشكال واطبـاع
بعض المعارف عرفهم لك نشايـب
بالناس من يلبس على وجهه قنـاع
حسود لكن في ثيـاب الحبايـب
هذاك ماني فـي مخـاواه طمـاع
من قبل اجيه وخاطري منه طايـب
والا الرجال اللي لهم بالوفا بـاع
وقفاتهم تبري الجـروح العطايـب
واللي لفاك بحـزة الضيـق فـزاع
مادار وجهه عن سمـوم ولهايـب
ماصد يوم انك من الوقت ملتـاع
ماغاب يوم ان اكثرالناس غايـب
هذاك تشرى خوته كيـف تنبـاع
هذاك من شانه تهـون الصعايـب
قلته وانا مالي ورى هرجي اطمـاع
على افراقـه لاتصيـر السبايـب
اسمع مادام الصوت ياصل للاسماع
ان تبت ولا ياعسى منـت تايـب
مادامها صارت حزازات واتبـاع
مالي ومـال مدوريـن الطلايـب
واعرف تراها لو شكت ثقلك القاع
مصيرها تركز عليـك النصايـب

[تسـ тsωαħήــوٍآهـن]

يطول الجفا وتشاغل الخاطر المكسور




يطول الجفا وتشاغل الخاطر المكسـور
ويبقى مع الايـام طاريـك بلسانـي
اشوفك بعيني مع غياب وطلوع النـور
ذكرني خيالك يـوم قلبـك تناسانـي
تذكرت يوم اني معك راضين مسـرور
وسجيت مدري هاجسي ويـن ودانـي
تخيلتك وفزيت طولي بـدون شعـور
اثاريه طيفك صار له وقـت ماجانـي
طرتلي ليالـي لـو تذكرتهـا معـذور
لو الوقت يرجع كان انا جيتها عانـي
يداعب نسيم الليل مجدولـك المنثـور
تغطيه عنـي والهـوى يكشفـه ثانـي
تفوح الجدايل مسك مدري عطر وزهور
تعنيك فـي طولهـا والشـوق عنانـي
اثر من تولع لو سمع مايطيـع الشـور
هو اللي يشوف وباقي الناس عميانـي
نسيت الليالي ذيك وشلـون يامغـرور
انا كنت اغالط من يقولـون تنسانـي
هذيك اليالي وين اثر الزمـان يـدور
رجح في عيونك ذيك الايـام ميزانـي
انا كيف ابنسى خابرن قلبـي المجبـور
لو اني نسيتك مانـي بناسـي احزانـي
زمان مضى له دور واليوم غيـره دور
انا اليوم مالـد النظـر لـو تعدانـي
كفى ماجرى ما فيه داعي تجي مشكور
غرام الليالي ذيك خلـه علـى شانـي

[تسـ тsωαħήــوٍآهـن]

يوم طاب السهر عيّت تطيب النفوس




يوم طاب السهر عيّت تطيب النفـوس
جت من الله وانا كم كنـت محتاجهـا
كنها من حلاها كـل ليلـه عـروس
خايفه من عيون النـاس واحراجهـا
حى هالطول يازولٍ عسـاه محـروس
من عبث لوعـة الايـام وازعاجهـا
تزعل نفوس والا تمتلـى غيـظ روس
من يقرّب لهـا وضلوعـى سياجهـا
لامتى وانت ياشوق القلوب محبـوس
طالب السالفـه وابطيـت بعلاجهـا
جعل قلبٍ على نار الغيـاب محمـوس
يحتـرق بيـن صاليهـا ووهّاجـهـا
من خبر له غلا بين الضلوع مغـروس
غرسةٍ كلبـو شعـرى مـن انتاجهـا
لاتقرب لك الفرقا هذيـك الهجـوس
من متى والبحـور تفـارق امواجهـا
لازم اصبر على وجه الزمان العبـوس
لين سود الليالى يضحـك احجاجهـا
من بغى يقطع الفرجه يعاف الجلـوس
ليـن ياصـل نهاياتهـا ومخراجـهـا
كان شعرى قصر ماطال شمس الشموس
تستريح القصايـد داخـل ادراجهـا

[تسـ тsωαħήــوٍآهـن]

تحدث الزلات دائم بين الاصحاب والاقارب وتكون عادة زلة لسان او ماشابه
ذلك
اخطأ الشاعر متعب التركي في حق الشاعر شبيب غزاي المطيري
وجائت قصيدة الشاعر شبيب معبره عن الموقف


لا مست جرح علل القلـب تعليـل
واشعلـت نـارن مايطفـي لهبهـا
يامتعـب التركـي ترانـا رياجيـل
لامن تلامس قدحهـا مـع حطبهـا
ما نختفي في لحظة(ن) تعـدل الميـل
ذاك النهـار يبيـن صافـي ذهبهـا
ياما ويامـا قـد شربنـا فناجيـل
غصب(ن)على اللي قالته ماحسبهـا
لخصامنا يحسب حساب(ن)وتحليـل
واللـي يسـوي قهوتـه ماشربهـا
ناخذ من العدلات للعـوج تعديـل
سلـم لاهلنـا مانـود نشبـهـا
لاهل الوفا نعطـي ولافيـه تذليـل
طبع الرجال جمـال نأمـن غضبهـا
ونقدر الطيب ولـو مـده ابخيـل
مادام له بالـراي سهم(ن)كسبهـا
هـاذي حقيقـه ماتبـي اي تبديـل
كل(ن)ورى حقـه يـدور سببهـا
ومن واقع الدنيـا لقينـا الغرابيـل
ولا كل نخله ينوكـل مـن رطبهـا
ولو ما انت غالي ماتحملت بالجيـل
ورفعت شعري يمكـم فـي نسبهـا
دعوة وفاء ماهي تضاهـي وتطبيـل
يرجـي وراهـا لقمة(ن)يغتصبهـا
حكايتـي نخـوة عـزه وتبجـيـل
وعلوم طيب(ن) قد كلينـا شببهـا
وشرهة رجال(ن) مابها سلك تمثيـل
متمـيـزه شيطانـهـا ماغلبـهـا
وعندي على ماقلت شرح(ن)وتفصيل
يومن بعض النـاس عنـي حجبهـا

[تسـ тsωαħήــوٍآهـن]

وجاء رد متعب التركي



لا مست جرح علل القلـب تعليـل
واشعلـت نـارن مايطفـي لهبهـا
يامتعـب التركـي ترانـا رياجيـل
لامن تلامس قدحهـا مـع حطبهـا
ما نختفي في لحظة(ن) تعـدل الميـل
ذاك النهـار يبيـن صافـي ذهبهـا
ياما ويامـا قـد شربنـا فناجيـل
غصب(ن)على اللي قالته ماحسبهـا
لخصامنا يحسب حساب(ن)وتحليـل
واللـي يسـوي قهوتـه ماشربهـا
ناخذ من العدلات للعـوج تعديـل
سلـم لاهلنـا مانـود نشبـهـا
لاهل الوفا نعطـي ولافيـه تذليـل
طبع الرجال جمـال نأمـن غضبهـا
ونقدر الطيب ولـو مـده ابخيـل
مادام له بالـراي سهم(ن)كسبهـا
هـاذي حقيقـه ماتبـي اي تبديـل
كل(ن)ورى حقـه يـدور سببهـا
ومن واقع الدنيـا لقينـا الغرابيـل
ولا كل نخله ينوكـل مـن رطبهـا
ولو ما انت غالي ماتحملت بالجيـل
ورفعت شعري يمكـم فـي نسبهـا
دعوة وفاء ماهي تضاهـي وتطبيـل
يرجـي وراهـا لقمة(ن)يغتصبهـا
حكايتـي نخـوة عـزه وتبجـيـل
وعلوم طيب(ن) قد كلينـا شببهـا
وشرهة رجال(ن) مابها سلك تمثيـل
متمـيـزه شيطانـهـا ماغلبـهـا
وعندي على ماقلت شرح(ن)وتفصيل
يومن بعض النـاس عنـي حجبهـا

[تسـ тsωαħήــوٍآهـن]

مقتطفات من روائع متعب التركى




لك بقلبي غلا واعجاب ماهو بزايـل
لو عن الارض زال طويق والا سنام
كن دمع العيون اللي على الخد سايل
صافي الما وهو يسقى ورود الخـزام
راوي العود لاقاصر ولاهو بطايـل
ينعرف زولها لو هي بوسط الزحـام
::
::
ضحيت بالواقع على شان الاحـلام
وضحيت بالغالي على شـان غالـي
حتى الغرام اللي كسر قلبـي العـام
مانـي بحالـه كـان ماهـو بحالـي
ماينحسب عمر البنـادم بالاعـوام
بعض السنين نعيـش فيهـا ليالـي
::
::
متى ذكرتيني علـى شـان تنسيـن
خليـك مـره صادقـه وانصفينـي
في وقت واحـد تكرهيـن وتحبيـن
انا تعبـت استحملـك واعذرينـي
حبٍ سرق من عمري ايـام وسنيـن
مثـل الهـوا مايمسكنـه يديـنـي
::
::
احلى سنين العمـر راحـت هدايـا
لك يامجازي بالردى راعي الطيـب
لي في حياتـك ذكريـات وخفايـا
تبقى ولو باكر غزا راسك الشيـب
ولا الوفـا مالـه بقلبـك بقـايـا
عند الذي مثلك اظن الوفـا عيـب
::
::
ياليت مجروح الهوى جرحه يشـاف
لقول قرب من جروحـك وشفهـا
::
::
اليا نشدوك العرب وش بينك وبيني
قولي حياتي قصيده ..كان شاعرهـا
::
::
علمتنـي وشلـون اصيـر انعزالـي
واخذت مني راحة النفـس والبـال
::
::
اتعب وغيري يجي ياخذ على الراحـه
من حظ غيري وانا اللي زارع وساقي
::
::
البسي لك ثوب غير اللـي عليـك
من لبس ثوب الغرور اكبـر غبـي
تحسبين النـاس خاتـم فـي يديـك
من متـى والعاطفـه توخـذ سبـي
فز لك قلبي وانا قمـت احتريـك
والكريـم يصيـر لضيوفـه صبـي
::
::
ينفع اليـوم لـو جيتينـي بلينـي
كسر الخواطر مصيبه مـن يجبرهـا
روحي واخلي جروحي منك تدميني
والسالفه لو يطول الوقت ابسترهـا
واليا اسألـوك وش بينـك وبينـي
قولي حياتي قصيده كـان شاعرهـا
::
::
قبل اسافر وتنسى جيت اسلم عليك
جيت أبى عمرى اللى إكتشفته غـدا
::
::
بالهون عطني لو دقايـق بوادعـك
خل الـوداع برغبتـي واختيـاري
مبطي وانا شايف جفاك وتسرعـك
ياطول بالي يوم اشـوف انتظـاري
اتبع هـواك و روح مانـي بمانعـك
دام انت عبد لكل نـزوة وطـاري
::
::
ماعاد لي قلب حتى ياخـذه غيـرك
افنيت كـل المشاعـر يـا معذبهـا
::
::
ماهو بقلبي كـان ماعـود معيـف
قطع الرجا في بعض الاحيان راحـه
::
::
لو كانت الغيبه مثل مـا تصـورت
ماشلت همـه يـوم طـول غيابـه
::
::
العشره اللي تسبـب فـي معاناتـي
ان جيت للحـق لا والله مـا بيهـا
::
::
يوم انا قلت شـق النـور معـذور
نور وجهك فضـح ليـل الجديلـه
::
::
اليا متى الصبر يا ناوي على اتلافـي
صابر ولا ادري النهايه وش حصايلها
مابي تجامل وتوعد عطنـي الصافـي
عطني اللي ابي منك والا لا تطولهـا

[تسـ тsωαħήــوٍآهـن]

أنا اول اللي يذوق المر من ( كاسها )




هب الهوى غرب واجتاح الضلوع وشعرت
إن الليالـي الجميلـة هـب نسناسـهـا
مدري كبر حلمنا ... ولابعينـي كبـرت
والاهي اوهام ودي يصـدق إحساسهـا
تنسانـي أيـام وتجينـي متـى ماذكـرت
اليامتى وانت روحـي حابـس أنفاسهـا
كنت أجمل احلام عمري بس ليه أنكسرت
يازين الاحـلام لـو ماينكسـر باسهـا
بيديك مديت لي كاس المحبـه.. وصـرت
أنا اول اللي يذوق المر مـن ( كاسهـا )

[تسـ тsωαħήــوٍآهـن]

مرثية الخطاب



هذا الخبر صدمه وحزن وعلامـه
على محبّة كـل الامـه لخطـاب
هذا الخبر والهـم هـذى خيامـه
شرّع للأحزان النوافذ والابـواب
ألحقت من جاب الخبر لى ملامـه
صعبه على الانسان توديع الاحباب
البارحه غابت عن العيـن قامـه
قامة رجل زلزل قناعات واحزاب
ترجّـل الفـارس وذب العمامـه
واستقبل الموت بحفاوه وترحـاب
ترجّل بصمت ووقـار وصرامـه
حتى وفاته شى يدعو للأعجـاب
من يعتبر فقـدان كفـه وسامـه
أكيد ماهو لحظة المـوت مرتـاب
وجه واهو مسجى بدر فى تمامـه
ميت ولكنه واهو ميّـت مهـاب
أومت له كفوفٍ تمنّـت سلامـه
بكته الامه قبل تبكيـه الاقـراب
خطاب ماهو بس رمـز الشهامـه
خطاب نجمٍ فى سما الامـه وغـاب
حر شهر والطلـع دار الكرامـه
والحر مايعنيه تحليـق الاسـراب
فعله فرض على الجميع إحترامـه
واسمه ملا الدنيا بطوله واهو شاب
ماكانت الدنيـا مثـار اهتمامـه
بالعكس كان لنصرة الدين وثاب
لو كان يبحث عن نفوذ وزعامـه
كان امتلا صدره نياشين والقـاب
الاخره كانت على طـول امامـه
فى هالزمن خطاب واشباهه اغراب
اختـار بديـار الجهـاد الاقامـه
ومن كان هذى رغبته لازم يثـاب
واختار بالاسـلام ذروة سنامـه
الصبح ساحة حرب والليل محراب
يكفيه فخر ان الشهـاده ختامـه
ماحسّب لدنياه ولعمره احسـاب
يارب تغفر لـه وترفـع مقامـه
وتعظّم أجر إمـة محمـد بخطـاب

[تسـ тsωαħήــوٍآهـن]

لاتنشغل فيني أنابحالي ادرى




لاتنشغـل فينـي أنابحالـي ادرى
قلبٍ تعلّق فيك ينسى مع الوقـت
اكثرمن اللي صارلي ويش يجـرى
بين الرجاوالياس شفنـي تعلّقـت
مثلي ولوشفته عـن همومـه ازرى
ماقال ليتك في جروحـه ترافقـت
هاك القصايد لاتضايقت واقـرى
شف وشكثرفيها لبسماتك اشتقت
أثرالوفا ينباع عنـدك ويشـرى
ماكنت اصدق فيك واليوم صدّقت
يامشتهي فرقا المواليـف حـذرى
تبعد وأنا من سكرة الحب مافقـت

[تسـ тsωαħήــوٍآهـن]

قالوا حبيبك يسمع الشعر؟؟ قلت إيه



قالوا حبيبك يسمع الشعر قلت ايه
يقـراه بعيونـي قبـل تسمعونـه
لولاه حتى طاري الشعر مـا ابيـه
مير أكتبه من شان خاطـر عيونـه
هو روح شعري وأمنياته وماضيـه
جذع الشجر وش كان لولا غصونه
اكتب لغيره والقصايد تجـي فيـه
كن القصايد حالفـه مـا تخونـه
هذاك لا منه زعل قمـت أهاديـه
حتى وهو مخطي تعـذرت دونـه
يمكن لو انه يلمس الجـرح بيديـه
يستغرب ان اللي لمسهـا طعونـه
ابطى وهو غايب وزلت حراويـه
وأنا من العـام آتحـرى مزونـه
هو مادرى اني في غيابـه محاتيـه
ليته نشد عن حالي اللـي يجونـه
واقلبي اللي توه أفلـت عراويـه
كيف انسرق وضلوع قلبي حصونه
عجزت أرده كان مانـي براعيـه
يوم انتثر شوقه وهاضت شجونـه
يبسن عروقي لكن اللـي يعزيـه
ان اكثـر العالـم تـردد لحونـه
خافو من الله لا تجيبـون طاريـه
لا صرت أنا موجود لا تذكرونـه
لو كل غالـي جابـه الله لغاليـه
ما شفت لك مخلوق تبكي عيونـه

[تسـ тsωαħήــوٍآهـن]

توديع الاحباب مثل الموت له سكره




توديع الاحباب مثل الموت له سكره
ادمي جروحي وشق الصدر منيّـا
والقلب طيرن ضلوع الادمي وكره
لاشاقه الطلـع لاسلـم ولا حيّـا
مصير الاحزان تنسانـي تفتكـره
ماكل الايام بيض وسمحـت محيّـا
قل غيرها منت لامجبر ولا مكـره
لاصار ماهو غلا مابيلـك احميّـا
لوفي يدي شي ماقلت الوعد بكره
حزمت حدب الضلوع وقلتلك هيّا
لوكل غالي تجي دايم علـي ذكـره
ماصرت اشوفك هناك وحبك هنيّا
ياليتني لابغيت اكره قدرت اكـره
ماكان قلبي اللياجيت اكرهك عيّا
مادامك معيف رح لكن علي فكره
ماقلتلى ليه دمعـك سـال منيّـا

[تسـ тsωαħήــوٍآهـن]

((يقصر الشعر))




قلت القصيد وقـال لبيـك لبيـك
على مثل عبـدالله اتعـب اخيولـك
من قبل لا اشوفك واعرفك واحاكيك
اسمع من افـواه النشامـا فعولـك
كل(ن) مدح فعلك عسى الله يعافيك
والناس لولا فزعتـك مـا عنولـك
مافيه مجلس ينذكـر فيـه طاريـك
ألا ورواده بطـيـب اشهـدولـك
جيتك وانا اسمع فيك من قبل ماجيك
ودخلت قلبي بس من شفت زولـك
جيت ولقيت ان التواضع سمه فيـك
عرفت منها وش سبايـب قبولـك
واحترت مدري ويش اقول بمعاليـك
الشعر يقصر طايلـه مـا يطولـك
المجد يتبع يابـو راشـد خطاويـك
كنه لكل النـاس يعلـن وصولـك
الطيب مثل ظلال زولـك يباريـك
وافق ميوله يابـو راشـد ميولـك
لله در الشايـب اللـي مربـيـك
ولله در اللـي بعـد صوتـو لـك
مافيـه طيـب ماتمنـا يخـاويـك
لوشفت في قلبـه مكانـك يهولـك
اسمك جمع نـاس وقبايـل حواليـك
ومـدوا يديهـم لكريـم ودعولـك
والطيب يلقى عندك وفي حراويـك
والا وش اللي يجمع النـاس حولـك
كم واحـدن وده بطيبـه يجاريـك
حـاول ولكنـه تثاقـل حمـولـك
ان كان بك عذروب عيبك تماديـك
بالطيب وافعلك تجي ضعف قولـك
هذا بعض شعري وصف بعض مافيك
الشعر شعـري والفعايـل فعولـك

[تسـ тsωαħήــوٍآهـن]

ماهو خطاعشان ادور معـــــــــاذير


ماهو خطاعشـان ادور معاذيـر
ولاهوغلط عشان ادور صوابـه
اليوم توه عـود لوكـره الطيـر
واصبح يشوف العالم اكثر رحابه
مستغربين انه ملى قلبـي الخيـر
ليه الغرابة! وين وجـه الغرابـة؟
تعبت ادور للخطـاوي مشاويـر
لين التعـب زاد الليالـي رتابـة
يبكي فرح من شاف بعض التباشير
معذور لـو دمعـه يبلـل ثيابـة
من كنت بأول خامسة طفل صغير
كنت امتلي حزن وغموض وكأبه
كنت أشعر اني غير والمدرسه غير
هيمان في جو النبـي والصحابـة
كنت المح بوجه الليالـي تعابيـر
وأقراء همومي قبل أعرف الكتابة
والشعر غاااب وله محبة وتقديـر
اول غيابه شلـت هـم لغيابـه
بالنفس كان لبعض هالأمر تأثيـر
والليلة اهون من جناح الذبابـه

[تسـ тsωαħήــوٍآهـن]

أصعب فراق.. فراق عكف الأشانيـب



يا سعودلا تنشد ترى مانـي مجيـب
خل الذي خافي له شهـور.. خافـي
إن شفتني مغتاظ.. لي حق و مصيـب
يا سعود مزعلني جديـد اكتشافـي
الغالي اللي كان مـن قلبـي قريـب
بيني و بينه.. صـار مثـل التجافـي
إن قلت زله.. مثلنـا زلتـه عيـب
من قال لك شمس الضحى ما تشافـي
إن قلت هقوه.. يمكن تصيب و تخيب
كم لي سنه .. ما شفت فيه اختلافـي
و إن صار في نفسه بعض شكة و ريب
حتى البحر ما هو على طول صافـي
صرنا من الصده .. سوات المصاويب
كلن نقل جرحـه و قـال: امتعافـي
أصعب فراق.. فراق عكف الأشانيب
ما هو مفـارق لابسـات الغدافـي
و الذيب لا منه عوى.. جاوبه ذيـب
و العلم حامض.. بس وين الأشافـي؟
دامه لقى له غيـر قلبـي معازيـب
الله يسمـح درب هـاك السنافـي
يروح.. لا يرجي رسول و مكاتيـب
هو خابر إني.. مـا اتلفـت خلافـي
واللي تعلى فـوق روس المراقيـب
أكيد مـا تسقـى عليـه السوافـي
رح بشر اللي _شال شلفا_ تريحيب
قلـه: تراهـا كلبوهـا عـوافـي
اليوم نفسي طابت.. و باكر يطيـب
جرحي.. لو انه من يديـن المشافـي
خلصت.. و الدنيا دروس و تجاريب
سجل يا بـو عبدالعزيـز اعترافـي

[تسـ тsωαħήــوٍآهـن]

في غيابك.. مـا لخلـق الله حضـور




يا وسيع البال .. ضيقـت الصـدور
رحت ما علمتني وين انـت سـاري؟
في غيابك.. مـا لخلـق الله حضـور
وفي حضورك.. ما لهم بالبال طـاري
ليه مـا تختـال يـا بـدر البـدور
و القصايد لك وصيفات و جـواري
لك بنات الفكـر ربـات الخـدور
يكشفن الثامهن.. و الجـرح عـاري
جعل قلب ما مـلاه الصـدق نـور
عند وجه اريح.. ما يلقـى مـزاري
التغاضي عجـز لا طـال القصـور
ليه أداري؟.. و انت عني منت داري؟؟
الزمـان قصيـر .. والدنيـا تـدور
كل يوم يضيق فـي عينـي مـداري
صاحبي محتاج لـك شعـر و شعـور
و إحتياجي شي.. ما كان إختيـاري
من متى و الغصـن يختـار الطيـور
من متى و البـال يختـار الطـواري؟
لا تسمي صمتي البـارح .. غـرور
إنكساري خلف هالصمت امتـواري
في غياب الشمس وش ذنب الزهـور
و المطر لا شح وش ذنب الصحاري؟
اللقـا لحظـات و الغيبـه شـهـور
تقصر الخطوات و يطـول انتظـاري
لو قريت المنكتـب بيـن السطـور
ما كتبت لغلطـة العمـر اعتـذاري
صمت هالمينا.. مثل صمـت القبـور
ما رسى مركب.. ولا لاحت صواري

[تسـ тsωαħήــوٍآهـن]

كل حاجه طعمها مر فـي هـذا الزمـان



كل حاجه طعمها مر فـي هـذا الزمـان
هـم هالدنيـا و حنٌـا نعيـش لهمهـا
المكان اللي عرفنـاه مـا عـاد المكـان
و القلوب.. أحداث الأيام زادت غمهـا
صاحبي حتى أنت ما عاد تستاهل حنـان
أنت بعثرت المشاويـر و انـت تلمهـا
البكا في مثل هالحال نوع مـن الهـوان
و المهونـه كـل رجـال حـر يذمهـا
صاحبي.. لو كان للناس و الدنيا أمـان
ما تموت ورود الأحـلام قبـل نشمهـا
خل عنك علوم الأحباب .. واللي كـان
انتهت..وسيرة الأشـواق مانـي يمهـا
كلما تظما لياليك قمت اكتب عشـان
تنزف جروحي و الأيام تشـرب دمهـا
الكلام الموحش يخاف نـور الشمعـدان
تحتـرق أسمـى معانيـه قبـل يضمهـا
من زمان أكتب على شان تقرا.. من زمان
بس ما شفت المكاتيـب جابـت همهـا

[تسـ тsωαħήــوٍآهـن]

آخر اللي سمعته في نهار الوادع



اخر اللـي سمعتـه فـي نهـار الـوداع
دقت القلب مدري صوت عجل الخطاوي
نايف الطـول وش سوابـي الانقطـاع
صار بين الضلوع القلب كنـه فـداوي
بيني وبين ضحكـات السعـاده نـزاع
كني اللي قضى عمره طريـدن جـلاوي
لا تلوم الذي سـوى لـك المستطـاع
خف من الله وخل جروحنـا بالتسـاوي
عن هذيك النواعس ليه شلـت القنـاع
الحيا وين يلي طـول عمـرك حيـاوي
كن خـدك الطاهـر بـروق وشعـاع
اثرها رحمة(ن) للناس بعـض الغشـاوي
وش يفيدك عذابـي ياغريـب الطبـاع
ليه دايم على الملتـاع سيلـك نحـاوي
امتلي غيض وازعل يوم وارجع بسـاع
راعي الجرح يستحمل عذاب المـداوي
غالطونـي وقالـوا ليـش هالاندفـاع
ادوخوني عليـك مكثريـن الحكـاوي
عذربوك بوجـودي بالجفـا والخـداع
فيك حلو الوصايف صوروها مسـاوي
التزمت السكوت ورأيهم فيك ضيـاع
لين قالوا متعـب علـى البعـد نـاوي
ميت القلب عرضـت الغـلا للضيـاع
والله اني على قطع الرجا بـك مـراوي
ماتغيرت ليـن انـك لويـت الـذراع
تحسب اني على الهجران مانـي بقـاوي
لوتقول انت ماعقب الفـراق اجتمـاع
عندي اليوم كل اللي تقـول متسـاوي
و يقولون صار يخاف قلـب الشجـاع
من هك الليله وبيت القصيد امتهـاوي
بين شقر الجدايـل والعيـون الوسـاع
اذكر اني فقدت القلب فـي هالحـراوي

[تسـ тsωαħήــوٍآهـن]

هذي اللي غلاها مايبي قول قايل


هذى اللى غلاها مايبى قـول قايـل
هذى اسباب غيضى والرضا والهيـام
هذى رسومها بين الضلوع النحايـل
هذى اللى على صدر القصيده وسام
الاصايل يجنّك مثل أهلهـن أصايـل
والوكاد إنّهـا منهـن بليّـا كـلام
يوم فلّت على الخصر النحيل الجدايل
وإستدارت خجل مدرى تصنّع غرام
عودها مال لو هى ماتبيـه يتمايـل
ماهو بكيفها من ليـن ذاك القـوام
واقف وكن رجلى فوق جرف متهايل
للجمال بعيون العاشقيـن إحتـرام
قلت فى خاطرى مانى عليها بعايـل
لكن القلب سابقنـى بـرد السـلام
مانى اللى حذف عند الزناد الفتايـل
يومها ولّعـت نـاره تغطّـى ونـام
واجد الزين عند الحاضره والقبايـل
شفت واجد ومرّنى مـرور الكـرام
بس هذى وصايفها علوم وهوايـل
كنّها قطعةٍ من نـور بـدر التمـام
ياكثر ملحها والا الحلا لـه دلايـل
حورٍ عيونها والخشم سلّـة حسـام
كن ذيك الخدود بروق ماتنتخايـل
لا كساهن شعرها شفت برق وظلام
تعسف الخيل ونفوس البشر تنتحايل
مير خيل القصايد مايطيـق اللجـام
انتحيت ولقيت القلب مأمن صمايل
كل ماذعذع الغربى من الشوق هـام
ياكثر مانى من الشوق والحب شايل
من عشق مثلها وشلـون بالله يـلام
هذى اللى حلاها مايبى قـول قايـل
ماهى أول غلا لاشك مسك الختـام

[الوابل]

السلام عليكم ورحمة الله وبركاته





اضـافه للديــوان . .



( عنــادك )





رغـم التعـب والتنـاقـض منـزلـك عـالـي


... .. لـو كنـت فـي خطـوتك تكثـر تعـاريجـك


عنيــد لكـن عنـادك حيـل . . يحـلالــي


... .. ولـو كـان للعنـد تـاج اعلنـت تتـويجـك



لكـن تـرفـق وشـوف وجيــه . . عـذالــي


... .. تفـرح . . تـايـد صـدودك لـي وتحجيجـك


يكفــي تشـوف بعيـونك ثـوبـي البــالــي


... .. اللــي تمـزق تحــت قســوة كـرابيجـك


حــزيــن رددت لـــلاحـــزان مـــوالـــي


... .. وانـــت اتغنـــى فــرح واسمــع اهــازيـجــك


لازلـــت احبـــك .. ولكــن وعــد .. يالغــالـي


... .. لابـــد .. اوقـــف دعـــابـــاتــك وتهــريجــك


وان كنــت مهــر .. ولا روضـــك خيـــالــي


... .. جيـــت وعلــى جثتـــي عسفــك وتســريجــك