ديوان/ الشآعره عابرة سبيــل

[تسـ тsωαħήــوٍآهـن]

من هـي عابرة سبيل ؟؟؟وهل هو اسم حقيقي لشاعرة حقيقية أم
أنه كما يقول البعض اسم مصنوع لشاعر معروف ؟
هو اسم حقيقي لشاعرة معروفه - كويتية الجنسية واسمها الحقيقي ( وسمية العازمي )
وعمرها حين توفت رحمها الله " 34 " سنة ولديها من الأبناء أربع بنات وولدين .
توفيت رحمها الله فـي 18/3/2003 م الساعة العاشرة والنصف مساء ، وهي انسانة بسيطة
جداً وهادئة تكره الإعلام وقد كانت تخفي شاعريتها عن الجميع ولم تخبر حتـى زوجها
بذلك إلا بعد مرضها رحمها الله .


وللعلم فإن زوجها من تولـى طباعة ديوانها الشعري . ولكنها رفضت
أن تستلم ديناراً واحداً
رغم أن مبيعات الديوان كانت أكثـر من ( 40 ألف دينار كويتي ) تقريباً .
أخيراً رحمها الله وأسكنها فسيح جناته .
الآن وقفة مع بعض أشعارها المؤثرة والأكثـر من رائـعه .

[تسـ тsωαħήــوٍآهـن]

البطاقــه الشخصيــه




أنا عجوز مطلقـة وام ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر أبوي زارع وغارس
أمية ماتعرف حـروف وألـوان
وتلميذة دشت جميـع المـدارس
ضفره وخبله ، عاقله،في نقصان
شرود وأنطح لي ثمانين فـارس
خلونِي أعيش العبره دون عنوان
طيف يمر بلا رقابـه وحـارس

[تسـ тsωαħήــوٍآهـن]

حيـــرهـ






لا .. قال ردي لي ولا .. قال روحي
لا .. هو مريحني ولاهوب مرتـاح
يغيـب ويعـود ويفتـق جروحـي
واذا استجد الجرح لوح لـي وراح
واضحك واجامل وادعي بالفروحي
وبداخلي نار .. وتجاريح وصيـاح
واحاول اخفي جروحـي بروحـي
واخيط جرح وتنفتق عـدة اجـراح
وان قربت دمعات عينـي تفوحـي
الله أكبر ، صار لـي قلـب مـزاح

[تسـ тsωαħήــوٍآهـن]

شقــ..ــول لـه !!






باكر يجي ... يا شيب عيني من الويل
من عقب مـا سافـر سنيـنٍ مديـه
ش اقول له ... صاروا عيالي رجاجيل
ش اقول له ؟ ... ماني بعهده وفيه ؟
إن قلـت لـه إنـي تعذبـت بالحيـل
و إن قلت لـه أكبـر عيالـي سميـه
يبي يعذرني و يتـرك القـال والقيـل
و لا يجـي ويـا زمـانـي علـيـه
و ان جبت حظي و المقادير ... تعليل
. و اني ضعيف ... و رغبة الله قويه
يبـي يصـدق كلمتـي دوم تحليـل
و لا يبـي ينسـف كلامـي عليـه ؟
ش اقول له ؟ ... ما ينفعن الاقاويـل
ما دمت مانـي فـي وعـودي وفيـه

[تسـ тsωαħήــوٍآهـن]

مـ..ــهرة الشـ.ــووقـ




جيتك من الفرحة على مهرة الشـوق
تسبقني الخطوة على الـدرب قـدام
جيتك ولا ابالي ولو يطلـع العـوق
جيتك وأنا شوقي موزعنـي أقسـام
لا .. لا تهمك ناس ماتعرف الـذوق
يسرون تال الليل والصبـح صيـام
ياعـم لامنطـق ولافيـه منطـوق
بعهـا .. ترانـي بايعتهـا للإعـدام
إخذ الرطب قول النخل يثمر عـذوق
خيب رجا اللي يرتجونه مـن العـام
واضرب على الكايد ان ماجات برفوق
مليت انا وياك مـن عـد الأيـام !!

[تسـ тsωαħήــوٍآهـن]

لله ابشكـــي




لله ابشـكـي (حيـرتـي ) لله رب العالمـيـن
وامد لـه كفـي (دعـا) يالله عفـوك ياجليـل
يامنتهى (الشكوى) إلـه العابديـن الصابريـن
. يالله (عونك فزعتك) همي على قلبـي ثقيـل
جتني (رساله) نصّها ياعابره (حـزن وأنيـن)
مع(تجربه)مضمونها فيـه النتايـج والحصيـل
في شكلها الظاهر (غطا) وفالباطن المعنى الدفين
وفي (حبرها) تلميح لايمكن يصيـر المستحيـل
وانا حقيقه ماعرفـت شلـون ببـدى ياحنيـن
مدري ابديّ كلمتي أو الـزم الصمـت الفضيـل
لا جيت ابتكلم لقيـت الوضـع قاسـي مايليـن
وان جيت ابسكت مالقيت علاج للقلـب العليـل
لاكنّ (عزايه) مامعي سلطه ولاعنـدي ضميـن
ولااقدر اميّل ماعـدل ولاقـدر اعـدّل مايميـل
ماعندي الاّ (كلمة ٍ) فيهـا العـوارف خابريـن
القاع لاصـارت دهـر (يابدو)يازيـن الرحيـل
وخلافها (سلامتـج) والله علـى الدنيـا يعيـن
والصبر عنوانه(فـرج) والغيـث لابـده يسيـل
ويامنتهى الشكـوى إلـه الصابريـن العابديـن
لاحارت افكاري ترى مالي سواك انـت الدليـل

[تسـ тsωαħήــوٍآهـن]

جانـ..ــي يقـ.ــول


جاني يقول : اسمعـي لابـد نتباعـد
.ياخوك ماعـاد بـه حـل يريدونـه
حسيت باحساس ماحسه معـي واحـد
حسيت باحساس مدري كيف مضمونه
غربـة سليمـان وتلقائيـة مساعـد
وصرخة سلامه .. ونايف صقر بجنونه
ياهمـي اللـي معايـه قايـم وقاعـد
من وين مادرت وجهي قيـل مديونـه
لـولاك ياحشمتـي للوجـه والساعـد
يمديني من قو غيضي صرت ملعونـه
أقـدر أغنـي وأدق طبـول وأواعـد
لكني أرغب أقضـي العمـر مصيونـه
أبسطها آخذ جوازي وأجحـد الجاحـد
وآخذ شليلي بفمي وأقـول : لعيونـه

[تسـ тsωαħήــوٍآهـن]

وشـ جديـ.ــدكـ عآبـرهـ



يسألوني عابـره ويـن الجديـد
والاجابه ضايقـه فينـي ملـل
راحت ايام السعـاده والقصيـد
عشتها بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الأكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليـد
ماعرف (فرق) الجزاله والهـزل
والنهايه مابقـى عنـدي جديـد
واعذروني صارت ايامـي ملـل

[تسـ тsωαħήــوٍآهـن]

قوآفـ.ــي سآخـ.ــرهـ



ياخبلي الغايب ... متى ترد للعيـن
متى أشوفـك أو تجينـي رسالـه
صحيـح بالدنيـا خبـول كثيريـن
لكـن خبالـك ياحياتـي لحـالـه

**

ياناس .. وين " اسبنـش " بابـاي
باعطيـه خــل نـقـل هـمـي
حتـى يصـارع جميـع أعــداي
وأول مايذبح ....... ولد عمي ..!!

**

دوم يعيرنـي يقـول انتـي متيـن
حلجـك المفـتـوح لازم نغلـقـه
هيـه يادبـه لــزوم تخففـيـن
ولا أثـور فيـك عشريـن فشقـه
وفي رجيمـي استمريـت اسنتيـن
جدي اللـي مـات بغيـت ألحقـه
ويش رايك ..؟؟ قلتها بصوت حزين
قـال دبـه .. وانقلبتـي سلـقـه

[تسـ тsωαħήــوٍآهـن]

هيـّا تغــزل





كل مااتصل فيك صبح وليل تشكي لي
من عوج الاوضاع والدنيا ومتاعبها
مليت يا صاحبي مابيك تحكـي لـي
هالأسطوانـه أنـا مليـت مطربهـا
حتى خيالك بتال الليـل ياتـي لـي
جروح وعيـون معقـوده حواجبهـا
عيشتني بعالم ماهـو علـى جيلـي
زهرة شبابي حـرام انـك تخربهـا
ياما هجرتـك ولا كملّـت ترحيلـي
حبايـب مـا تعبـر عـن حبايبهـا
حبيبتـك مـا تحمّـل هالبهاذيـلـي
إضحك معاهـا ولاطفهـا ولاعبهـا
هيّـا تغـزل وغـن وزيـد تدليلـي
البنـت ياحبهـا لـلـي يداعبـهـا
قلي وش رايك بفستاني ومنديلـي؟
الوانهن تعجبك .. أو مانت راغبها؟
وقلي وش رايك بعقدي مع خلاخيلي؟
وشف قذلتي يـوم قصينـا ذوايبهـا
وقلي وش رايك بأطباعي وأقاويلـي
لاحـظ عليهـا وغيّرهـا وشطّبهـا
خل بيننا انقاش وعلـوم وتعاليلـي
وآمر على البنت وان حبيت طالبهـا
يامدمن الهم كافـي دمـع بالليلـي
بكره تشبع مـن الدنيـا ومصايبهـا
دنياك والله .. ماتسـوى التزاعيلـي
حتى ولاهيـب كفـو الـي يعاتبهـا

[تسـ тsωαħήــوٍآهـن]

يآصآحـ.ــبي






ميخالف ارحل بـس لاترحـل بعيـد
ميخالف اهجر بـس خلـك بـداري
ميخالف اعشق الف عذرا من الغيـد
ميخالف اجرح ، بس حاول تـداري
أنا عقب فرقـاك مـا مرنـي عيـد
. العام ذا من كـل الأعيـاد عـاري
يا صاحبي لا تكثّـر العـذل وتزيـد
معذور الأعمى لو مشى الليل سـاري
بابيع عمري لك مـن غيـر تحديـد
عمري رخص من يوم شفت انكساري
عقبك- قسم بالله- مدري وش اريـد
أبنتظـر مابـي ثمـن لانتـظـاري
واتركني أغرق في بحـور التقاليـد
إرحل وسافـر بـس خلـك بـداري

[تسـ тsωαħήــوٍآهـن]

ترى الذبـ.ـآيح

بصووت فهـد مطــر








ترى الذبايـح واهلهـا ماتسلينـى
انا ادرى ان المرض لايمكن علاجه
ادرى تبى راحتـى يابعـد عينـى
حرام ماقصرت ايديك فى حـا جـه
اخـذ وصاتـى وامانـه لاتبكينـى
لو كان لك خاطر ماودى ازعاجـه
ابيك بيد يك تشهدنـى وتسقينـى
امانتك لا يجـى جسمـى الثلاجـه
لف الكفن فى يديك وصف رجلينـى
ماغيرك احد كشف حسناه واحراجه
سامح على اللى جرى مابينك وبينى
ايام تمشى عـدل وايـام منعاجـه
عيالى همى وانا اللى فـى يكفينـى
علمهم الدين تفسيـره ومنهاجـه

[تسـ тsωαħήــوٍآهـن]

لـي صـ..ــآحب





لي صاحب منه تبي تطلع الـروح
خبل ومن هي مولعه فيـه خبلـه
عامين المح له مع الجد ومـزوح
وأقول ياعنتر تناديـك ... عبلـة
طال المدى ثم قلت أنا أغليك يالوح
مجروحة جرح مخاطـره عجلـه
دنق وقال أنا من العام ... مجروح
وأشر لجرح مبطي وسط رجله....

[تسـ тsωαħήــوٍآهـن]

هـ..ــذآكـ




هذاك لو قال الشتى،،،صيف عرقت
.ولوقال صيفي برد شبيت نـارى
هذاك لو قال الجمل طير،،،صدقت
واقول ريشه بعثرتـه الصحـارى
هذاك لو قال المطر كذب،،،وافقت
وادور الاعـذار حـق الخبـارى
هذاك لو قال القمر طاح،،،صفقت
واقـول مللتـه كثيـر المسـارى
هذاك لوينفى وجودى ،،،توهقـت
ماعاد ليه حـل غيـر انتحـارى

[تسـ тsωαħήــوٍآهـن]

فـ..ـدآ المآضـ..ـي




لاخير بانسان رمـى ثـوب ماضيـه
.. وبالتالية يسعى لطمـس الهويـة
للشمس نور يحسب إنّـه يغطيّـه..
... ما يدري كفوفـه بنـوره خفّيّـه
وأنا فدا الماضي ليا حـل طاريـه .
.... أنسى الحياة المترفة والشقيـة
طبع البداوة عشقي وميتـة فيـه ..
... وكلّي فخر لاقالوا إنّـي بدويّـه
إيه أبدويه آخـذ الخيـر وأعطيـه .
.... وأبادل المعطي جزيـل العطيـة
إيه أبدويه وأزرع الطيب وأجنيـه .
.... الطيب زرعي ما زرعت ألرديـه
إيه أبدويه لو تزيـد المشاريـه ....
. ببقى علـى عهـد البـداوة وفيّّـه
ماألاحق الموضة بسوق المسافيه ...
.. اللي لهن كل يوم روحـه وجيّـه
الله سترني ، ثوبهم ذاك ماابيـه ..
... لاصار تطريزه بسلـك الخطيـة
ماني من اللي أثبت العكس وأنفيه ..
... وبيني وبين العيب حوض المنيّه
ومانيب دلّوعه ولا قلت : (أمبيه) ..
... ولالي على كثر الدلـع مقدريّـه
رزينه وثقلي على الخفّ ابديّـه ...
.. دام الثقـل زينـه لعقـل البنيّـه
كرامتي نجم سطـع فـي لياليـه ..
... ولاذلّني مخلوق ما دمـت حيّـه
لنفسي عليّه دين لاشك أبوفيـه ...
.. ولا دفعت لمقتـل الخـوف ديّـه
وأقول للي جهل الأيـام معميـه ...
.. مولوده ، وعشت ، وبموت أبدويه

[تسـ тsωαħήــوٍآهـن]

رجـ..ـوع الموآليــف




الأسمر اللي زارنـي فـي محلـي
الله يجيره من جميـع الصواديـف
عيا على قطـع المواصيـل خلـي
يومه درى في علتي زارني ضيف
جلـس يسلينـي بهـرج يسلـي
صادق لو إن الهرج بدعه وتأليف
اليا ضحك جيته من الضحك كلـي
واليا سكت ضاعت جميع السواليف
قال التغلي ؟ قلت ما مـن تغلـي
قلت الفراق ؟ قال ما من تكاليـف
وقال أبروح وقلـت واكبـر غلـي
وقامت تدق طبول قلبي تحاسيـف
ليال عمـري كلبوهـا غـدن لـي
عداك .... ياليلة رجوع المواليـف

[تسـ тsωαħήــوٍآهـن]

هـ..ـو الطـ.ـرب




لي صاحب هو الطرب واللـذاذا
زبنته الله عن جميع الحواديـث
ماهمنـي هـذا ولا اريـد هـذا
كنه مورثني الملاييـن توريـث
الله واكبـر وميتيـن استعـاذه
ما كنه الا نازل لي من الغيـث
لا مر .. كن القلب يطلب انقاذه
كنه برازي والمشاعر مغاليـث
إن جيت أبا أرقد كن بالعين ماذه
فرقاه نار وذكرياتـه محاريـث
واصبري اللي مقترب من نفاذه
بأسباب من بيني وبينه مواريث

[تسـ тsωαħήــوٍآهـن]

لآتـ..ـرفع الصوووت






لاترفع الصوت ماني فيك مجبـوره
قررت دربي وصوتك مـا يوقفنـي
أرضى أنا بقاسيه أرضى بمغـروره
ولا أرضى بعشرة حبيب ما تشرفني
ياما وياما ويامـا قلـت بحـروره
حاول تغيير ترى وضعـك يكلفنـي
خلنا نتفاهم تعال نوضح الصـوره
إما انت تمشي معي او لا توفقنـي
مسرور فيني وانا مانيب مسـروره
حبي يشرفك وحبك مـا يشرفنـي

[تسـ тsωαħήــوٍآهـن]

العـ.ــيد





العيد باكر .. وأسعد الله ممساك
والله مدري ويـن خـدٍ جلستـه
وين أنت يلي عيدنا في محيـاك
كف القدر من ضيقت الخلق بسته
من يوم ما لوحت لي كف يمناك
.لليوم دمعي بالخفا ما حبستـه
ومن يوم ما ذوقتني حر فرقـاك
والياس زرعه في حياتي غرسته
شريت لي ثوبٍ على شان لقياك
والثوب راحت موضته ما لبسته
وشريت عطرٍ ما زهانـي بليـاك
أربع سنين بعلبته مـا لمستـه
ودفتر قصيدٍ كل يـوم يترجـاك
ما فيه يومٍ ما سهرت ودرستـه

[تسـ тsωαħήــوٍآهـن]

نـ..ــون




هو يعرف أن القصايد خيالات وفنـون
واقعي مافيه غيـره شريـك بدنيتـي
مالعبوا اهل المغازل عليـه ويخسـون
ماشيه في حشمةاللي مشى في حشمتي
من تربي مثلي فبيـت عـزٍ مايخـون
غاليه بالحيل بالحيل عنـدي سمعتـي
ماسهرنـا بالليالـي ندقـدق تليفـون
امحشوم اللي نواه الجليـل بقسمتـي
غالي لو هو يبي قصة العاتق يمـون
حجته تبقى وتسقـط لعينـه حجتـي
هو نون وحطه المعتلي في وسط نون
في يدينه دمعتي وفي يدينـه بسمتـي

[تسـ тsωαħήــوٍآهـن]

احتجآجي
قصيده قآلتها الشآعره ردآ على قصيده للشاعر الكبير طلال السعيــد
قالها أيام الغزو الغاشم على دولة الكويت





بأعلن على كلمة طلال احتجاجـي .
طـلال يكفينـا تجاريـح ياخـي..
ما انته بلاحـئ لا منتـه بلاجـئ.
تكفى تراها كلمـة تذبـح الحـي..
قل ضيف قل زاير لناس هجاجـي..
وبكره نرد وكن ماصار بـه شـي..
خلك على ماقيل في بـرج عاجـي.
لو تحترق كل البشر داخلـي فـي..
شفني وشف حالي وقل ابتهاجـي..
عقب انقلاب الحال وش صاير في..
من اول كيفـي وحـره ومزاااجـي.
واليوم ماعندي من اللي مضى شي..
مديت كفي للعطـا وطـاح تاجـي.
وبعض المبادي دستها تحت رجلي..

[تسـ тsωαħήــوٍآهـن]

كيـ..ـفي مزاجــ..ـي




كيفي مزاجي كـل شـي بكيفـي.
حره وحره والف مليوووون حره..
باخذ ربيعك منك واعطيك صيفي..
وباخذ حلا الايام واعطيك مررره..
ذوق العنا خله يـزاورك طيفـي.
ذوقي اللي ذقناه ولو كان مـره..
عقب الهجر يا تعتذر يا وليفـي..
بأرد لك نص العنا والمضـره....

[تسـ тsωαħήــوٍآهـن]

مـ..ـسآفـرهـ





مسافره مسافـره وجمعـت انـا اشيائـي
..بروح ادور لـي ارض غيـر مأهولـه
افكـاري مبعثـره والمشـي عشـوائـي
..والدرب مخطـوور والاحـلام مشلولـه
بروح امـارس جنونـي واقتـل اعبائـي
.مابـي خـوي يخاويـنـي بهالجـولـه
بحمـل معـاي صراحـه وقـول تلقائـي
..وقصة مـوادع وقطعـة قلـب منزولـه
وشعري وجنوني وفلسفتـي مـع آرائـي
.بأطلق لها عنانهـا وتقـول مـا تقولـه
فـي رحلتـي مستعـده افقـد اعضائـي
.دام اني آمنـت فيهـا صـرت مسؤولـه
مليت وانـا انطعـن بالظهـر واستائـي
..ماقلت لو مـره هالطعـن وشهولـه؟!
مليـت اكفـر اخطـاء ماهـي اخطائـي
..وادري براعي الخطا واقول من هو له؟!!
فرقبتـي قـلاده هـي سـبـة ايـذائـي
..من قبل لا اولد وهي بالعنـق مغلولـه
محتاجة للنفـس مـن ضيقـة احشائـي
.واشوف مفتاح قيدي وما اقـدر اطولـه

[تسـ тsωαħήــوٍآهـن]

سألـ..ــت عنه






سألت عنه الشمس ، يا شمس وينه ؟
وأشوفها عنـي لجـت تزبـن النـو
وسألت عنـه فـي شـوارع مدينـه
لكن طفـت أنوارهـا وأظلـم الجـو
ورحت أسأل الحاره هوى البال وينه ؟
عقب الرحيل اللي شهدتيه ما جـو !!
تكفيـن مثـل الغيـر لا تنكريـنـه
يامـا لعبنـا بالبراحـه أنـا وهـو
وقفـت أطالـع بالأماكـن حزيـنـه
أسترجع الذكرى وأنـا داخلـي ضـو
ذكرى الطفوله و أول الطيـش فينـا
و حروفنا اللي كـن تسجيلهـا تـو
وضحكه وخيال وصوت طفـل يبينـا
.في ماقفي كم قلـت ليـت ورا لـو
أسوق مـن عنـدي بشايـر ثمينـه
. اللي يعلمنـي بهـم كانهـم جـو

[تسـ тsωαħήــوٍآهـن]

قبـ..ــول النـداء





لي صاحب آه ..... لاجانـي ولا جيتـه
.من الغيظ شطب وجودي مـع عناوينـي
قطيت أنا جملة أوراقه و .......... خليته
وأقول لوك تحب تراب ......... رجليني
يومين ...... هونت ما أصبر عنه باغيته
والصوم عن حلفي اللـي فـات يكفينـي
ناديت له في ظلام الياس ........ ناديته
و" تم قبـول النـداء " ودمعـت عينـي
غسل عذاب محطمني و ....... كاميتـه
ونثر بذور البشاير في ....... بساتينـي

[تسـ тsωαħήــوٍآهـن]

قـ..ــلبي نظيـ.ـف



ياصاحبي ... بس تكفـى ... لاتجننـي
ما عفت من ضرني .. وشلون خلاني ؟؟
حتى الذي ضرني ... لا ضاق يحزنـي
ماعندي أعداء ، كل النـاس صدقانـي
قلبي معاكـم نظيـف وصافـي ظنـي
لا مايتغير غلاك إن صرت ... غلطانـي
والله لا سامح الغلطة وأنـا ... أغنـي
من لاعذر صاحبه يعيـش ... وحدانـي
وإن كان قلبـي حقـود ... الله يلعنـي
وإن كان مالي شرف ... عساي للفانـي

[تسـ тsωαħήــوٍآهـن]

طــ..ــيري





طيري غدا بين هالغربـان
.يامن يدور على طيري !!
في ساعة خاطري زعلان
بيدي سلمتـه لغيـري !!
ماهوب غض ولا حقـران
يا للأسف ضاع تفكيري !!
ما جابه الخاطر الندمـان
..ولا انفعني معاذيري !!
لو إنـه مخلـي العنـوان
.والله لاوريه تقديـري !!

[تسـ тsωαħήــوٍآهـن]

غـ..ــريب





كل ماقالو لفا الديره ... غريب
قمت أومي في يديني وابتهـل
هيه يالمقبل هلابـك يالحبيـب
مرحبا وأهلين ياحـي الرجـل
وإن تبين لا صحيب ولا قريب
أبكي ضيقة أبكي حره وأنفشل
وأعتذر في صوت قطعه النحيب
العذر والله رحل عنـي طفـل
وأكتب التاريخ وأوقع صليـب
وآخذ الدفتر معايه ... وانعزل

[تسـ тsωαħήــوٍآهـن]

يمــ..ــه فديتـ..ــكـ




يمه .... يايمه .... فديتك لاتخلينـي
بعثرني الهم وأبغـى يديـك تجمعنـي
يمه افهمينـي تـراك ان مافهمتينـي
مافيه شخـص بهالدنيـا بيسعمنـي
ماعدت انا طفلتك .. كبرت شوفينـي
خليك يمي تـرى الا طمـاع تتبعنـي
لا تدلليني ... . أبـي منـك تدلينـي
وابـي ايديـك تداعبنـي وتصفعنـي
ولا انهد حيلي أبي عطفـك يقوينـي
ياما كلامك علـى الشـدات شجعنـي
وان جيتك ابكي .. ابي منك تهدينـي
مابيك تبكين .. أبغى العقـل ينفعنـي
يا مملكة عطف يا عطـر الرياحينـي
براثـن الهـم والهوجـاس تلسعنـي
بسمتك عندي الا من ضقـت تكفينـي
وارضاك عني عن الاحـزان يرفعنـي
اسمى العلاقات تربـط بينـك وبينـي
ياللي احضانك ان ضاق الكون تاسعني
لك احترامي وحبي والوفـا .. فينـي
وفيك اروع الحب مايخطي ويخدعنـي

[تسـ тsωαħήــوٍآهـن]

آنآ للــّه


ليتنـي البارحـه ياغالـي ماسريـت
يم درج ٍ مقفـل مـن قديـم السنيـن
أشهد اني فتحته وانتحبـت و بكيـت
شفت ماهيض الجرح القديـم الدفيـن
شفت وسطه رساله وليتنـي ماقريـت
بيت شعر قديم وظرف مـع صورتيـن
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويميـن
لاطرالي حبيبي بصوت واطي حكيـت
إنـا لله .... وإنـا للولـي راجعيـن

[تسـ тsωαħήــوٍآهـن]

سبـة هـ..ــروبي



ارحل واروح بعيد عنك واتخفى
واركض واطالع كل ساعة ورايه
واليا انتهى دربي قعدت اتعفـى
الا انت ياسبة هروبـي معايـه
أشوف لك لمحة إا الطرف غفى
في صحوتي ماخذ خيالي مرايه
لو أنعمي وأنصم .. لو استخفا
لو عشت أنا والذاكرة مو معاية
بحر غرامـك حالفـه مايجفـا
عبر مسام الجلد تدخل حشايـه

[تسـ тsωαħήــوٍآهـن]

آبيــكـ




أنا أبيك .. وحش يحتوي داخله عصفـور
وانا ابيك .. طفل يحتوي داخلـه رجـال
أبيك .. الأب بالعطـف والأخ بالمعسـور
أبيك أمـي بالتدليـل ومداعـب الجهّـال
انا أبيك .. تاج الستر ياعاري المستـور
أعاف العقـل وانجـن مادامهـم عقّـال
أبيك .. المطاع الطايع المنـذل المغـرور
انا أبيك .. جوعي وشبعتي والفقر والمال
أنا أبيك .. تشكيلة عواطف كمـا البلـور
أبي تحتوي كل التناقـض مـع الاشكـال
أباصير انا وياك.. داخـل بعضنـا نـدور
ياحتى نضيع ويـن كنـا مـع المدخـال
خلاص انتهى صبري وتلاشت خيوط النور
أبعلن جنوني وش نلت من عالم العقال؟؟

[تسـ тsωαħήــوٍآهـن]

صفآتي



تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبس موضـة ومسحـوق
انفض غبار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفتـوق
تنطـر جديـد الثـوب بالعيـد ياتـي
سمعت طرف اخبار عن كلمة للسـوق
وتاخذ وتسـأل هـو وجـوده ثباتـي
طفله سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهـم مشمـلاتـي
واتلا عهدها فيه يركـض ورى نـوق
مسرود جيب وفـي يدينـي عصاتـي
ويصد لكن يلتفت لـي مـن الشـوق
عجـلان يلخصنـي بعيـنٍ تحـاتـي
وقفـي وخطواتـه يتلـن معـلـوق
وخلانـي ماتنقـل عظامـي عباتـي
ودار الزمان ولا مشي الحـظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله موعـد وفـاتـي

[تسـ тsωαħήــوٍآهـن]

سنيـ..ــن




سنيـن مامـرت علومـه عليّـه
لا علم لا طاري ولا مـن مكاتيـب
سنين في صبـري وحالـي رديـه
بين المحاتى وانتظـاري وتعذيـب
لا ليل .... لا فرحه.... لادنيا هنيه
يعلم بحالي واحـد يعلـم الغيـب
انـا ان تحريـت اتصالـه عليّـه
دقات قلبي ضربها ينفض الجيـب
ولو دندنت أسـاوري فـي يديـه
اضم انا الهاتف واهـل التراحيـب
ابا انطـره وابقـى بعـده وفيـه
وارفض على شانه جميع الخواطيب

[تسـ тsωαħήــوٍآهـن]

فضفـ..ــضة شآعـ..ـرهـ


* عابره سبيل *

أهلـي يـدرون أنــي شـاعـره
بس ما يدرون عـن جـرح الليـال
يمنعونـي مـن كتابـة خـاطـره
مادروني من زمـان ابهـا المجـال
آه .. لو يدرون أنـي (( عابـره ))
عندهـم بتصيـر موتتنـا حــلال

.

.

.

* زه..قآنـه *

تدري وش.. آخر حلول مكافح الحره
آخذ من الماي وارشه علـى كبـدي
زهقانةً .. واصله حدي .. ومحتـره
يومه فشل كل حل(ن) طالـع بيـدي

[تسـ тsωαħήــوٍآهـن]

النـ..ـاس





الناس سدّادة سلف يوم الرخا باكـر يضيـع
ما بي اسوي حاجة أصبـح عليهـا نادمـه
أبحث بقلب التجربه وآخذ من أحداث الجميع
عبره تساعدني على صدمـات وقـت قادمـه
بعطي واسامح للبشر وأحسن مع الكل الصنيع
حتى إذا جار الزمـن القـى صديـق انادمـه
ودي على طول الزمن أكون منديـل الفجيـع
أحب أعمّر ما أرتضي أكـون لحظـة نادمـه
وما دمت أنا متعافيه وما زلت في سن الربيع
مهما يكن حجم العمل أرفض وجود الخادمـه

[تسـ тsωαħήــوٍآهـن]

يآ ضـ..ــلع





ياضلع جيتك مـن الايـام منهـاره
ركايـب الهـم مرنـي وداسـنـي
ياضلع بالله ماتـدري عـن اخبـاره
هو حي .. ياضلع وإلا مخالفٍ ظني
اتلا العهد فيه يوم اللعـب بالحـاره
ايـام لازارنـي ماسولفـوا عـنـي
ايـام لا زارنـي ماينزعـج جـاره
بالعكس لا من نويـت أروح فطنـي
ايام ماحرموا شعري عـن انظـاره
بالعكس لامن تبعثـر يفهقـه عنـي
ايـام ماحرمـوا للبيـت مسـيـاره
ملامحـي عنـه ماقالـوا يخبـنـي
ياضلع ... ياضلع بشرني عن اخباره
وعلمه ياضلع لا جاء ينشدك عنـي

[تسـ тsωαħήــوٍآهـن]

آخـ..ـر موعـ..ــد





له موعـد لاروح الليـل ويـاي
أول وآخـر موعـد مـع فتاتـه
اليوم ما تنفع دموعي ورجـواي
اليوم تفصل عن حياتـي حياتـه
اليـوم يعطينـي بقايـا بقايـاي
واعطيه انا ماشلت من ذكرياتـه
اليوم بابـدل مشاعـر حنايـاي
يصبح من اخواني وانا من خواته
اليوم يتركنـي لحالـي بدنيـاي
مجبور يقفي لو يزيـد التفاتـه
اليوم يخلف عن مماشيه ممشاي
والله ما أضمن من عذابه نجاتـه
لو اتعلق فيه مـا ينفـع ابكـاي
خلاص فات الوقت واعلن فواتـه
اليوم بعطيه العزا عقب فرقـاي
عندي خبر وش قيمتي في حياته
وانا العزا مابيه من كبر بلـواي
ماينفع اللي عاش واعلن وفاتـه
يارحمة الله ساعديهـم بسلـواي
يعوضـه الله بانكسـار امنياتـه
اليوم ياهمي وياطـول مسـراي
يافرحة العذال وأهـل الشماتـه

[تسـ тsωαħήــوٍآهـن]

لاتسافــر




لا تسافر وتتركنـي أجاهـد غـلاك
كل شي يهـون إلا جهـاد الغـرام
أما تبقى معايـا أو اسافـر معـاك
لاتخليني لطـوال الليالـي طعـام
خوفي البعد لامنه خـذاك وطـواك
مثل قصر تـولاه الزمـن والهـدام
لاتسافر وانا اللي في رجاالله ورجاك
لا تسافر و تلقانـي بقايـا حطـام

[تسـ тsωαħήــوٍآهـن]

كمـــومــه






حان الفراق .. وتم توديع غاليـن
قسوة زمن وظروف ماهي رحومه
وحاولت ابدّل موقف العسر باللين
وأبيـن قدامـه جسـور ظلومـه
و أعاتبه وأنقد على دمعة العيـن
وانا - حشا لله - مانـي ألومـه
و أقول هذا حـال كـل المحبيـن
وهذا الفراق اللي تجينـا علومـه
ومسكت نفسي كن ماصاير شيـن
أخشى على خلي يشقـق هدومـه
ثم قلت وش تنطر حبيبي لهالحين؟
أثر ايديني ماسكات كمومـه ؟؟؟؟

[تسـ тsωαħήــوٍآهـن]

كوشـ..ــة فرحـ..ـهآ





معنى الحياة بعينها صحوت المـوت
شهـود صلـوا والمملـك دفنـهـا
وكوشة فرحهـا حولوهـا لتابـوت
وكليلهـا الأبيـض بقايـا كفنـهـا
تبريكهم أصبح عزا يجـرح الصـوت
صرخـة ويبابـه تشابـه لحنـهـا
غصب عليها تقبل الوضع بسكـوت
مهـره وعـادات البـداوة رسنهـا
أغضت وصدت وأنطلق صوت مكبوت
لابـو تقاليـد الحـيـاة وسننـهـا
وراحت معاه بقلبها حـرف منحـوت
يبقـى معـاهـا يـطـوى بدنـهـا
وراحت وبركان القهر لاتهـا لـوت
تبي تصيـح وفيـه خـوف سكنهـا
راحت وصدى كلماتها زلـزل بيـوت
لابـو تقاليـد الحـيـاة وسننـهـا

[تسـ тsωαħήــوٍآهـن]

فـ..ــرقآ المحبين




فارقـت خـلـي وكــل ودع الثـانـي
لا عــادك الله يافـرقـا المحبـيـنـي
فـي ليلـة السبـت خليتـه وخـلانـي
ياليلـة السبـت .. جعلـك ماتعودينـي
الصاحب اللـي عقـب مـاراح بكانـي
وهو بعـد قبـل مـا يمشـي مبكينـي
سابع سنـه حبهـم عايـش بوجدانـي
طموح وأحلام ماتن .. مـن يعزينـي ؟؟
والله مـدري أنـا أبكـي بعـد خلانـي
وإلا على عمري اللي ضاع وسنينـي ؟؟
عنده رقـم هاتفـي وإسمـي وعنوانـي
إن غير الوقت رايه .. يتصل فيني !!....

[تسـ тsωαħήــوٍآهـن]

ضـ..ـايــقه






ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشـان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيت

[تسـ тsωαħήــوٍآهـن]

المشكــله




المشكله ماهيب هـذي ولا ذيـك
المشكلة لاحبت العيـن طايـش
تزعل ويضحك وان تبسمت يبكيك
الموت جاك وهو بالأفراح عايش
تناقشه يزعل ، تداريـه يشقيـك
ترقع شروخ ويطلعن لك درايـش
ماينتراضى وبالزعل مايراضيـك
والصبر يثر بالقلوب الهشايـش

[تسـ тsωαħήــوٍآهـن]

اللـ..ــه يتمم




يانـاس والله مالـي بالكبـر حـااجـه
انـا بسيطـه وعـزة نفسـي تكفينـي
اشوف انا الشمس نور الكون وسراجـه
مارحـت ادور بدالـه نـور يجديـنـي
قلبي نظيف(ن) يحب الخيـر وفجاجـه
ماني حقـوده اعـادي مـن يعادينـي
أدور اعـذاار للـي زاد فـي ازعاجـه
باكـر زمانـه يبـدل شينـه بزيـنـي
تشوم نفسي مخـاوى نـاس هراجـه
منهو هرج فـي قفاهـم هـارج فينـي
الله يتمـم عليـااا عقلـي وانتـاجـه
مغيره احد يعـرف اقصـاي وشفينـي
وبيوت شعـري دواا للقلـب وعلاجـه
ياوسع صـدر الدفاتـر يـوم تحوينـي
حب البشر فـي حشايـا نـار وهاجـه
لكـن هالنـاس عـيـت لاتخليـنـي
محتاجه اضحك من اقصى القلب محتاجه
صعبه اغيـر نفـوس الخلـق بيدينـي

[تسـ тsωαħήــوٍآهـن]

آغـ.ــض عيني





أغض عيني عن خطاه وخمالـه
وأرقع فضايحهم بزين التواصيف
أثاري فيهـم ماتفيـد الجمالـه
والناس لاسبوه قلنـا ملاقيـف
فرقاه صار .. ونسيته لامحالـه
ولاعاد في بوم الليالي لهم طيف
دموع عز ولا ابتسامـة نذالـه
دنياك مادامت لغيرك على الكيف

[تسـ тsωαħήــوٍآهـن]

بـ..ــريآل


من باعني برخيص والله لابيعـه
بريال عارضته على السوق بريال
باع العهود الماضيـه للخديعـه
من يشتري رجال قصر بالافعـال
كل الصفات اللي ملكها فضيعـه
رجال يسوى له ثمانيـن رجـال
ذيب ونظراتـه حنونـه وديعـه
له ضحكةٍ تشبه لضحكات الاطفال
وفجوج لا ضاقت علي الوسيعـه
وله فزعةٍ منها المجانين عقـال
وانا معاقبتـه غيـورِ صريعـه
ياما عدل عوجي ثقيلات وطـوال
والخبل مثلي لا زعل يب يبيعـه
والله يسوى له ثمانيـن رجـال

[تسـ тsωαħήــوٍآهـن]

خـ..ــوية الذآتـ




أنا آسفة يا قصيدة وابعدي عنـي
الوقت كلـه عطيتـه لامتحاناتـي
حتى حبيبي بطيفه لادنـى منـي
للغرفة الثانيـة لملمـت حاجاتـي
الوقت ضيق وانا دروسي يهمنـي
خليني اختمها مسك آخر محطاتي
ما انكر جميلك علي يا مخففة عني
قصة شقاي وعناي وكل ضيقاتـي
أدري أنا منك وانتي قطعـة منـي
لكن صراحة ثقيلة بعض الأوقاتي
خوية الذات لا ..لا تزعلـي منـي
العمر قدام .. وانتي مرصد آهاتي

[تسـ тsωαħήــوٍآهـن]

الطفولة



رجعت لـورا .. لايام في طية النسيـان
معالم طفولـة عاجـز الوقـت يخفيهـا
ليالي الهنا عن مسحها وقتها عجـزان
انا من خلال الذاكـرة شفـت ماضيهـا
اشوف الربيع الزين واشوف لي بـدوان
ومقاطـر طويلـة مالحقنـا تواليـهـا
انا اشوف لي روض امتلا باجمل الغزلان
واشوف العدود اللي القطا من حواليهـا
وانا اشوف لي عدٍ شهد مفرق الخـلان
وعليه التقـت يامـا هنـوفٍ بغاليهـا
وبيت كبيـر تلعـب اقبالـه الورعـان
ومن بينهم طفلة يحيـر النظـر فيهـا
براءة طفولة رائعـه تخجـل الشيطـان
وتزيـد التدلـع كـل مامـر واليـهـا
تمرد فرحها سابـق الطيـر بالريضـان
لحتى عجـز عنهـا الفضـا لايكفيهـا
معاها القدر طايع وهي تشتهي العصيان
تدور علـى اللـي بالتحـدي يناحيهـا
وعنها القدر غض النظر فاشل وخسران
عجز وارتجف خاف القدر مـن تحديهـا
انا ادري عن الترحال عادة مع البـدوان
ولكن غريبة كيف تهجـر اراضيهـا .؟
انا ضحكتي للحين في وحشة الوديـان
تصارع شبح نسيان وتخـاف يطويهـا
تدور على الحروة وتلقى العوض مرحان
تمرد .. تزيد ولالقت شخـص يحويهـا
تشوف بزوايا مرحنـا نـدرة الاحـزان
يقولون بـه احـزان نسمـع بطاريهـا
تعود لاراضي شاسعه ماوطاها انسـان
تراودني الشكة علـى صـدق ماضيهـا

[تسـ тsωαħήــوٍآهـن]

آحـب ثآنــ.ــي



أنتم تحبوني وأنا أحب ثانـي
واللي أحبه باغي ٍ ناس ثانين
هذا ابتلى فيني وهـذا بلانـي
واللي بلى مبلي وباليه مسكين
أنا ترجيته وغيـره رجانـي
والمشكلة ما ينقل القلب حبين
سهوم تجمع بين قاصي وداني
ياليت لسهوم المحبة قوانيـن
هذا ينوح وذا جريـح يعانـي
هذا قتل هذا ولا هـم داريـن
وهذا كتم سره وهـذا علانـي
الله أكبر يا جهـاد المحبيـن

[تسـ тsωαħήــوٍآهـن]

ليل الشتا




في عز ليل الشتا قعـدت بلحالـي
ماغير انا وهاتفي والبـوم والـدوة
انطر يبي يتصل بي واحـد غالـي
وطفيت ليتي اخاف انشاف في ضوه
اقلب الفيش .. اخافه عاطل بالـي
اموت واحيا وعقرب ساعتي تـوه
انا في موقف يخوفني بـه ظلالـي
واقول ماقوم لين يقول لي : قـوه
ودقات قلبي تزيد وينشغـل بالـي
ويزداد خوفي لادرت الوجـه للهوه
خلانيانطر حبيبـي المـذن التالـي
عز الله انه ماسوى خيـر ومـروه

[تسـ тsωαħήــوٍآهـن]

البريء



صرت مثل البـريء المتهـم بالقتـل
واقف بانتظـار الحكـم دون امتنـاع
واقف في طريـق المحكمـه منذهـل
عين عند النيابه وعين عنـد الدفـاع
اشهدوا زور ضده لين ضـاع العـدل
مايفيد السكـوت ومايفيـد الصـراع
ودخلوا شيـخٍ قـال لـه .. اغتسـل
ولقنـوه الشهـاده ولبسـوه القنـاع
يتوسل ويبكـي ويرتجـي ويبتهـل
: عندي اسره صغيره معرضة للضياع

[تسـ тsωαħήــوٍآهـن]

رجوى




بين رجوى الغريب .. وبين ضغط الأهل
لاحصل لي صعود ولاحصل لي نـزول
إلتزمـت آتفـرج مابقـت لـي حيـل
اطلعن المشاكـل عـن اطـار الحلـول
بس اطالـع بعينـي انسحـاب الأمـل
وانكسار البيـارق وانتصـار العـذول
وحلمي اللي رجيته عن حياتـي رحـل
لملم اللي بقى له وانهزم فـي ذهـول
والأمانـي تبـارى مقفيـة بالعـجـل
كن حلمي تهمتها والجواب القبول ..!!!

[تسـ тsωαħήــوٍآهـن]

افكار .. افكار



ياكثر افكار تـوارد فـي مخيلتـي
ياكثـر ماصدهـا وكـنـي ادللها
لاواعذابي بليلـي وعـز قايلتـي
الكل منهن تبـي منـي اسجلهـا
هذي شطبنا عليها تحـز عايلتـي
وهذي مابيها سبقني شخص قايلها
وهذي مابيها صغيره بحق منزلتي
وهذيك لقيتهـا وازريـت اكملهـا
وهذي اذا قلتهـا قالـوا تعيلتـي
وهذي اهييء لها جـوٍ وانزلهـا
ياكثر اوراق ودفاتر فوق طاولتـي
من غير اجناط امليها واقفلها .!!

[تسـ тsωαħήــوٍآهـن]

من الصغر احبه

غرامـه ربـى بداخلـي وانتشـر بالحـيـل
من الصغر حبه في حشى النفـس منغرسـي
انا في نظر عينـي حشـى ماسمعـت القيـل
اهو حاضري ومستقبلـي وباكـري وامسـي
جحدنـي مثـل مايجحـد الكافـر التنـزيـل
فجعنـي مثـل فجـع الهواجيـس للمـسـي
جرحني مثل جرح الثرى مـن غزيـر السيـل
رمانـي مثـل مايرمـى بـالـي اللبـسـي
محبة ثمـان سنيـن ضاعـت بـلا تحصيـل
تصدق .. ختمها صاحبي يوم قال : انسي .؟!!
ختمـهـا بصـمـت .. لاوداع ولا تعلـيـل
ولازال جرحـه داخـل الــروح مايبـسـي
تسرب طـواري صاحبـي مـع ظـلام الليـل
تحرم عليه لامسـت الخلـق .. مـا أمسـي
آويـلاه عقـب الحـب والخيـر والتدلـيـل
اهـل الدمـوع وخاطـري ضايـق عمسـي
على ادناة شي ازعل وعلى ادناة شـي اعيـل
اويـلاه عقـب الـيـوم ياخفـهـا نفـسـي
ياويلـي عليـه اليـوم ويـلٍ يجـر الويـل
عقب صاحبـي كـن القـدر معلـن حبسـي
فـلا عـدت اميـز ياعـرب بالعـدل والميـل
خياله يتابعنـي مـن الصبـح ليـن امسـي

[تسـ тsωαħήــوٍآهـن]

ثروة




تشوف عيني جملة النـاس عـدوان
وعقلـي يقـول اصابعـي ماتشابـه
وقلبي تبلد من عقب جـرح خـوان
ماعاد يـرد العلـم عقـب الاصابـه
في صمت تجري بي تصاريف الازمان
امشي وعلم الغيـب ماينـدرى بـه
واحس بالغربه وانا وسـط اوطـان
يتيمـة بيـن الاهــل والقـرابـة
اوراق مع ظرفين , صورة وديـوان
والغلطـة انـي مدمنـة بالكتـابـه