ديوان/الشآعره بخوت المريـه

[تسـ тsωαħήــوٍآهـن]

:: ₪ :: :: ₪ ::


الشاعرة / بخيته عايض آل عذبه المري المعروفة بأسم ((بخوّت))
كتبت الشعر في سن مبكّرة من عمرها
وكانت شاعرتنا يتيمة الأم,
تزوجت ثلاث مرات ولم يشأ الله أن يكن لها ذريّة
عاشت شاعرتنا بدايات عمرها
في جنوب منطقة الأحساء مع والدها
على عد ((الزرنوقة)) جنوب الأحساء بحوالي ((20)) كلم
وكذلك حول بير ((فاضل)) وهو يبعد عن الأحساء بحوالي ((250)) كلم جنوباً
وكلاهما موارد لقبيلة آل مرة


:: ₪ :: :: ₪ ::


وعندما تقدم العمر بشاعرتنا أستقرت بقيّة عمرها
بمدينة الدمام بـ((كمب البدو)) سابقاً ((حي الباديه))
حالياً حتى توفيّت قبل ((عشرة سنوات)) تقريباً
شاعرتنا ((بخوّت)) تطرّقت إلى جميع فنون الشعر:
((غزل، مدح، وصف، رثاء)).

نتمنى ان تقضوا معنا وقتاً ممتعاً

[تسـ тsωαħήــوٍآهـن]

يآجمـآعــه





ياجماعه وان نويتوا علي أنكم راحلين
غمغموني عن مظاهيركـم لاشوفهـا
كن ّ في صدري سنا ضوّ ربع ّ نازلين
ولّعوهـا بالخـلا والهبـوب تلوفهـا
ول ّ عود ّ لاش رحمه ولاقلب ٍ يليـن
عل ّ ذودك في نحر قوم وان تشوفهـا
عيّدو بي بالخـلا والفريـق معيّديـن
وكل ّ عذرا انقشت بالخضاب كفوفهـا
مايقرب ّ دارهم كود صنـع الذاهبيـن
كود حمرا عزومها من صفاة بلوفهـا
كن حنين الويل يشبه لخفّات القطيـن
لوّ نوله بالقدم مع طمـان جروفهـا

[تسـ тsωαħήــوٍآهـن]

جـعل وبـل الغيـث






جعل وبل الغيث يسقي ديار المفرعين
منزل اللي كن حديثه حليب (معدّيه)
ضيقتي في خاطري دايمٍ ماهوب زين
قومي اللي سم حالي وبيّـح سدّيـه
أن سجنته قام يتبع دروب الدالهين)
وأن نشدته قال أنا علتـي متعدّيـه
أن بغى خلّي جنابي فلا غيره ضنين
وأن بغى يقفي فيقفي مراح مودّيـه

[تسـ тsωαħήــوٍآهـن]

مرحبيـن





أبعدهم ما يلحقه كـود نابيـة السنـام
حايلٍ مافوقهـا كـود خـرج شدادهـا
أرقب الطبخه تجيك وسنع تصريف العلام
واجدٍ لك مقعـدك ليـن يفـوح قنادهـا
مرحبين ومسهلا عد نجـمٍ فـي ظـلام
بالذلول اللي أقبلت مـن ديـار أبعادهـا
نحف حالي نحف عسوٍ إلى قد هو صرام
أحذفه اللي رقـا فـي طويـل أعيادهـا

[تسـ тsωαħήــوٍآهـن]

بيت الطيــن




وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصاروا علـى بيتيـن
ومن كان لـه خـلٍ مـعَ ذاك مـا غـرّه

[تسـ тsωαħήــوٍآهـن]

الدنيآ الوسيعه







ضاقت الدنيا الوسيعه في iiعيونـي
واصبحت عنـدي مثـل مثقـال ذره
ياصباح الدمع الاسـود ياشجونـي
بالقدر آمنـت فـي خيـره وشـره
اشهدان ها.. صدق ماخابت iiظنوني
شفت في وقت الضحى كل المجـره
واعدونـي واعدونـي iiواعدونـي
جعل مايبقى لهم ف الارض iiجـره
جعل قومٍ جاو من دونـه iiودونـي
ماتشوف عيونهم لحظـة iiمسـره
هيضونـي لعنبوهـم iiهيضـونـي
بالقصيد اللي غـدا فالكبـد iiحـره
كـل ماواعـدت ربـعٍ iiخالفونـي
مابقى فالخُرج من حلفـي iiمبـره
وين ما وجهت يامكثر
iiطعوني كنها جيشٍ تمركز في iiمقره
آه يا(بخـوت) صوبـه ماخذونـي
وين يام وويـن قحطانـن iiومُـره
وين فزعة ربعي اللـي مانسونـي
وينهـا بقولهـا الفـيـن iiمــره
ضاقت فياض الوسيعـه وابهتونـي
واصبحت عنـدي مثـل مثقـال ذره
ياصباح الدمع الاسـود iiياعيونـي
بالقدر آمنـت فـي خيـره وشـره

[تسـ тsωαħήــوٍآهـن]

آحســـبني .!






أحسبنـي لاتعزويـت بلقـالـي رفـيـق
لارفيـق .. ولاعـدوٍ.. ولاحتـى صبـي
آه ياثقل الخطـاوي علـى ذاك الطريـق
طحت من طولي على الدرب الأمحق بركبي
للزمن مبـدا ومبـداي مـا أظنـه يفيـق
لعنبو مبدأ الصراحـه احـس انـه غبـي
البحر تحت السفينه وهـي شبـة حريـق
والسما تمطـر وذا الغيـم مافـاد لهبـي
والحيـاة وفلسفتهـا وفزعـات الفريـق
علموني كيف الأجناب تطمع فـي عنبـي
(يامضاوي يامضاوي) يازفرات الشهيـق
ماحدن غيـرك اليـا راح يبكيـه هدبـي
من خلق وجه الليالي وانا مالـي شقيـق
غيـر حزنـن لالفانـي تلقانـي يحبـي
قمت البـي لالمحتـه واذا اقفـا اضيـق
ضيقة اللي شايف الضيم في وجه أعربّـي
ولالفاني فـز قلبـي مثـل فـزة عشيـق
جا يرحب بي وانا اموووت لاقال ارحبـي
ارحبي يالعنبو المـوت فعيـون الغريـق
يهبي شعرن يخذلـك وانـا حـي يهبـي
الشعر لوهـو مقيـد بفكـه لـك طليـق
والرسن بيديـك وانتـي تمنـي واطلبـي
اقسمي باللي خلقنـي وبالبيـت العتيـق
والا فريها على ( مصـر) وحيـاة النبـي
انـي بحضـرة جنابـك اذا جيتـي اليـق
والا فضيها.. وقولي قطيعه وش تبـي؟؟
وأهجريني يضرب الحب والجرح العميـق
هجرة اللي ماوفا لـي ولا طـال شنبـي
احسبنـي لاتعزويـت بلقـالـي رفـيـق
لارفيـق.. ولاعـدو ..ولاحتـى صـبـي
من عرفت الدمع الأسود وانا حزني صديق
لعنبو حزنن اليـا طحـت ماوقـا ركبـي

[تسـ тsωαħήــوٍآهـن]

ليتـــه .!





ليته يناديني وانا بـس اناديـه
واجاوبه ياحسين ولو كان مره
عليه قلبي يابسـات عراويـه
اقفا ابقلبي من ضلوعي يجـره
ذالي ليال قاعده فـي حراويـه
ليننهـا زادت علـى المضـره
قمت اتوجد وجد من مات غاليه
قبره اقبالـه كـل يـوم يمـره
أو وجد من خاوه والليل ممسيه
ينخا ولا حد من هل الهجن مره
خلي طريح والضواري اتحاضيه
بالمقطعه وامقابله ضلع حـره
على الذي ماشفت حي ايحاليـه
شيخ على القوم المعادين شره

[تسـ тsωαħήــوٍآهـن]

جيت المنآزل .!





جيت المنازل خاليه ما بها اوناس
من عام الأول ارضها ما وطي بـه
ولقيت مرح أهل المـروات دراس
علمه بهم يا بو مطر علمـي بـه
مريتهـا يـوم المعاليـق يبـاس
ونزلتها يـوم الضمايـر عشيبـه
وونس بصدري واهج الحر حماس
احسب من فارق هله لي يجي بـه
واقفيت كن ابسرت القلب مـراس
واقنب كما يقنب من الجوع ذيبـه
واعول كما تعول على البو عرماس
ومن لامني جعل حوالـه عطيبـه
باللي يفكون الطلب عقب الادماس
ربعي مصخرت العـدو بالغصيبـه
اليا منهم ركبوا على سرج الافراس
وتحيزموا من فوق قـب عريبـه
اليا اعتزوا ببعير عالـي السـاس
خلوا على جمع المعـادي حطيبـه
ذكر الموده للعرب ما بهـا بـاس
لكنهـا علـى المولـع مصيـبـه
حب الرفاقه شيب القلب والـراس
وباق المـوده لـه بديـل قريبـه
باقي العرب تلقا بديله مع النـاس
واخوك لو درت البدل مـا لقيبـه

[تسـ тsωαħήــوٍآهـن]

آسمحوولــي .!





إسمحو لي يامحمد علـى سـت كلمـات
ذا كلام ٍ فاضي ٍ واستحـي لاطولـه ..
يامحمـد ماالاناثـي بكفٌـو معـامـلات
قولهن لاهوب يصمـل ولاينـردّ لـه ..
راكب اللي في سما الجو تمشي بحركات
صوتها من سرعها من وراها تنقلـه ...
روّحت وقت الضحى من محل الطايراات
وخطّرت راع الهجن مارح ٍ في منزله ...
وخطّرت ركابة الدوج من دون ادمـوات
ومرّت الصلب الحمر والفرّيق باسفلـه..
دارب ٍ سواقهـا مايحـسـب للمـمـات
وغلقت خمس الدقايق على الطالب هله..

[تسـ тsωαħήــوٍآهـن]

يآحــن قلبــي .!




ياحن قلبي حن (( ماكٍ )) مع الطلعات
ليا عشقـه بالعايـدي والدبـل جـره
جرمة ثقيل وحملـوا فوقـه البيبـات
ويدعـس عليـه ببنزينـه ولا سـره
انا دمع عيني بالدقايـق وبالساعـات
ولا هي على فرقا المحبيـن مستـره
هواجيس قلبي كل ما أقول راحت جات
تعود علي باليوم خمسة عشر مـره..

[تسـ тsωαħήــوٍآهـن]

الهاتف

تتوجد الشاعره على مرافقة اختها " مزنه " التي ذهبت الى لندن للعلاج من مرض السرطان ووافتها المنيه هناك




عسى من صنع ذا الهاتف يديه ماتنتل
عسى داره الوسمي يخرب بساتينـه
تعلا الحراره وأن تكلمت بـه تنـزل
على صوتهم قلبي تريـح شرايينـه
وجودي على طيارة صوبهـم تنتـل
علشان مستشفاه باجـي مصاخينـه

[تسـ тsωαħήــوٍآهـن]

وين بدواني غدو؟!!

في ابن عمها " على " وكان بمثابة الأخ لها والأقرب إليها




ياعلى ياخـوي ويـن بدوانـي غـدو
لاخبـر لامديـد ولابقلـبـي بنـيـس
راحو العربان في شف قطعـان البـدو
في هوى الخلفات ماراوزوا يوم الخميس
نحف حالي ياعلي نحف مدراة السـدو
وزوع قلبي زوع حر ليا شاف القنيـس

[تسـ тsωαħήــوٍآهـن]

تل قلبي

قالت في الحكمه





تل قلبي تل طير على الجـول مهـدود
يطرد المقفي وطـرد المقافـي كايـده
مهبلك يااللي تبي الوقت الأول لك يعود
مايرده كود محيـي العظـام البايـده

[تسـ тsωαħήــوٍآهـن]

المحبة


المحبه لا سطت ما يعالجها الطبيب
روحتك ياصاحبي ليت ربـي لدهـا
عادة الدنيا تفرق حبيب(ن)عن حبيب
وقطعش يارفقة(ن) والمفارق ضدها




• + - - - - - - - - - - - - - - - - - ₪ - ::
الطائره

في وصف الطائرة حينما رأتها سابحة في فضاء الكون الشاسع هذه الأبيات:





راكب اللي في سما العرش تمشي بحركات
صوتها من سرعها مـن وراهـا تنتلـه
الحقت ركّابة الـدوج مـن دون أدمـوات
ومـرّت الـدوج المغـرّز يدفونـه هلـه
يا محمد مـا الاناثـي بكفـو معامـلات
قولهـم مـا هـوب صـدقٍ ولا ينردلـه

[تسـ тsωαħήــوٍآهـن]

حن قلبي

ولها أيضاً هذه الأبيات التي تفضّل فيها أبن البادية على الدريول (السائق) ورئيس العمل لما لأبن البادية من صفات حميدة شهامة، أصالة، نخوة:





حن قلبي حن ماك على سمر العجـل
عشق السواق والدرب ممسـوكٍ وراه
إن عطا مع طلعةٍ عشقوا لـه الدبـل
وإن تسهل ريحه لين ياصـل منتهـاه
ما بشفي لا دريول ولا ريـس عمـل
شفي اللي كل ماشاف بـراقٍ رعـاه
صبي أهله قطينٍ على عدٍ جاله عبـل
طيبٍ للبل وراعيـه مايقطـع ظمـاه
ونتي ونة خلوجٍ ولدها مابعـد جـدل
تشرف المرقاب للذود وتعود وراه ..!!

[تسـ тsωαħήــوٍآهـن]

ونتي ونة قطيعٍ على جال القليب



ونتي ونة قطيعٍ على جال القليـب
دوّجت ثم برّكت في مراغة عدّهـا
المحبه لا سطت ما يعالجها الطبيب
روحتك يا صاحبي ليت ربي لدّهـا
عادة الدنيا تفرّق حبيبٍ عن حبيب
وقطعش* يا رفقةٍ والمفارق ضدّها

[تسـ тsωαħήــوٍآهـن]

:: ₪ :: :: ₪ ::

تخالف هواجيسي




تخالف هواجيسي كما تختلف لدواج
على سكةٍ بيـن البلاديـن ماطيّـه
ضيقٍ بصدري ضيق خرم أبرة براقع
كادهـا سلـك البريسـم لا تجيبـه




• + - - - - - - - - - - - - - - - - - ₪ - ::
حسبي على الحلم يكذب جعله الهما


البارحه باديـه فـي راس منزمـا
لا هوب حزمٍ ولا طعـسٍ ولا قـاره
البارحـه والحبايـب كلنـا لـمـا
ويوم اصبح الصبح كلٍ راح في داره
حسبي على الحلم يكذب جعله الهما
سوّى بحالي كمـا عـودٍ ونجـاره

[تسـ тsωαħήــوٍآهـن]

أهل الجنوب

هذا ماقالته في ابناء عمومتها بعد ان طل غيابهم في جنوب الجزيره





ايّست الأخبار من صوبكم ياهل الجنوب
داركم عقب البطا حظ ابو مـن زارهـا
ارفعوا بشراعكم فوق نسناس الهبوب
فـي رجـا ربٍ كريـمٍ يفـك زرارهـا

• + - - - - - - - - - - - - - - - - - ₪ - ::

شب في كبدي سنـا نـار زوّد حرهـا



قلب(ن) فـر وأفتـر مثـل المروحـه
فرهـا فـرت جديـد قوي(ن)سيرهـا
ان ضحك لي صاحبي سر قلبي وافرحه
وان تغلى صاحبي زاد عينـي شرهـا
صاحبي ناوي يذبحني وانا مقوى اذبحه
شب في كبدي سنـا نـار زوّد حرهـا

[تسـ тsωαħήــوٍآهـن]

زوع قلبي زوع طير





زوع قلبي زوع طير قطع قد هو حكير
من شياهين البحر واستخل هجارهـا
كل ما صاح االمصيح تعلوت تستدير
عقب ما هي حكرة سعدها بطيارهـا


:: ₪ :: :: ₪ ::




حرف روض



كن ذيل ذروة راس بنت على زيان
يازين شوفه في العراقيب يجتالي
يازين شوف حوارها بارك ريـان
في حرف روض والمضاهير نزالي