ديـــوانـ الشاعر \ ضيدان بن قضعان

[تسـ тsωαħήــوٍآهـن]

إسم الشاعر: ضيدان بن قضعان
نوع القصائد: نبطي
بلد الأقامه: السعوديه

حاولت اجيب معلومات اكثر للاسف مالقيت شئ : )

[تسـ тsωαħήــوٍآهـن]

ياعظيمه






ياعظيمه كل شي لـه حـدود ولـه نهايـه
لكن انتي ماوقفتـي عنـد حـدك ياعظيمـه
استلذيتـي بطعناتـي واخذتيهـا هـوايـه
كن مالك حربـة توجـع وطعنـات اليمـه
آه ليتـك ماتماديتـي بطعـنـات البـدايـه
لين صار لكل طعنه بالحشى معنـى وقيمـه
الله يجيبك لكن كيف وفـي اغـرب روايـه
تكتبين الحب كذبـه والهـوى دقـه قديمـه
وانتي الذي كل مالدت عيوني فـي المرايـه
مالمحت الا اليتيم اللي خـذت قلبـه يتيمـه
واليتيمه في اليتامى مالها حـق الوصايـه
الوصيه عودها الغض ونواياهـا السليمـه
لكن انتي صارلك حق الوصايـه والولايـه
واستبديتي وشد البـدو واضحيتـي مقيمـه
مارحلتي لين حطمتـي بمـا فيـه الكفايـه
عاقل حب الجنون وصوت نارك في هشيمـه
استبحتي حرمه المجنـون بـدراك وعنايـه
والتفتي له بعقلك وارتكزتـي فـي صميمـه
امتلكتي غايته لو ماكـان لـه فيـك غايـه
وانتصرتي في عيونه واعترف لك بالهزيمه
من كثر مايعشقـك ماقالـك بالحـب رايـه
خايـف الايـام لاتطلـع عواقبهـا وخيمـه
وفي طريقك كل ماكنه لمـس درب الهدايـه
تاه ودروب الحيـاه المستقيمـه مستقيمـه
تايه بصري ومـن جابـه لبيـت الله تايـه
عذر من غمض بعين وعينه الاخرى كريمـه
فدوتك مافات من الايام واللـي عـاد جايـه
يابعد عمر مخاسيره معـك عنـدي غنيمـه
انتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه
ليه لا وانتي بحسنك لـذاوات الحسـن ايـه
لاذهب لاماس لاياقـوت لااحجـار كريمـه
شاعر له مع هل الرايات في المرقاب رايـه
كل ماهبت هبوبـك فلهـا قـدر وحشيمـه
سامحك من الف باء الذنب الـى مالانهايـه
واستباحك عن خطاه وكـل طقـه بتعليمـه
ويوم قلتي اعطنـي حريتـي اطلـق يدايـه
ماذخر عن وجهك الا طعنتين فـي صميمـه

[تسـ тsωαħήــوٍآهـن]

ياوجــــودي



يا وجودي كل ما هب نسنـاس الشمـال
وجد من حده زمانه على الي مـا يبيـه
ويا وجدوي كل ما اضحيت ثم مال الظلال
لاغفت عيني ولا ذقـت شـي مشتهيـه
وجد من قفى وهو في رجا كلمـه تعـال
والتفت من عقب ما اقفى ولا احد لد فيه
وياعذابي لا دنا الليل من روس الجبـال
وانقضى يوم من العمر ماعـاد ارتجيـه
وانتي ابعد من سمى الحلم ووصالك محال
يابعد من هل دمعي ضحى الفرقى عليـه
ياغناتي لا تحسبين دمعـي يـوم سـال
ضعـف ولا خـوف ولا كـذا ولا كذيـه
والله اني من رجـال يضـدون الرجـال
لكن الحظ الردي سـاق دمعـي كلبيـه
والله اني كـل مـادار حوليـك الجـدال
قمت كن الموت يشر على قبـري بيديـه
والله ان قد لي وانا اصد لا جالك مجـال
صدت الي لا تضايق تذكـر قبـر اخيـه
ومن سألني قلت مدري واذا عاد السؤال
قلت له تكفى سؤالك ترى ماهـو وجيـه
وش تبيني اقول عن من ترى ذبحي حلال
والخطاء منها علي صرت احبه واهتويه
عذرها لو ماتعذر مثـل واضـرب مثـال
واحد ما يعرف الحـر الاشقـر يشتويـه
وان رجعنـا للتواصيـف لله الكـمـال
لانتهى ليـل المزاييـن جاتـك تبتديـه
كنها غفل مـع البـدو طاويهـا الحيـال
ما يميز وصفهـا الا نبيـه مـن نبيـه
واهني الي وصلهـا وذاق مـن الـزلال
رشفه مع غفله الناس مـن فيهـا بفيـه
وعزتي للي سواتي عشق مـا لا يطـال
ويوم طاله ضيع الحلم بين امـه وابيـه
ياول احلام الطفوله علـى حـد الخيـال
الرجا بالي حمى البيت من حملـه بريـه
حال دونك سيف عنتر وتاسع حول حـال
باثر حول حال دونك وانا ادعي هيه هيه
هيه يالي غرك الحسن واطغاك الجمـال
والله ان اموت ما شفت لاوصافك شبيـه
لو يسام الحسن والتيـه بجنيـه وريـال
ما بقى في سوق غيرك ريال ولا جنيـه
كيف اهدك للمقادير وانتـي راس مـال
راس مال ومال والمال ما يعطى السفيـه
حافظك حفظي لعيني ورمشي لك جـلال
وانتي تشحين بالماء وانا شفـي مويـه
شايف ظلمك وساكت وطال الليـل طـال
لاتركتي طعن قلبي وانا مـا قلـت ليـه
لو بقى للهيل صبر علـى فـوح الـدلال
ما بقى للقلب صبر علـى شـي يجيـه
كنت احسب ان الغلا زال واثره لا يـزال
في الحشى ما كنه الا دخيل في الوجيـه
ساقني حبك على الموت وسنيني هـزال
والظروف اقسى من الظلم للعرض النزيه
وانتي تسوقين عقلي على حـد الهبـال
تحسبين ان من بغى شي يقدر يشتريـه
ولا انا ياوجد حالـي وجـود مـا يقـال
وجد من ضحى بغاليه لرضـى والديـه
ويا وجودي ياول العمر قبل البس عقـال
وجد من باع اخر العمر في رغبه ذويـه
ويا وجودي كل ماهب صوتك من شمـال
وجد من حده زمانه على الي مـا يبيـه

[تسـ тsωαħήــوٍآهـن]

يامرحبا ترحيــبت(ن)





يامرحبـا ترحيبـتـن كلهـالـش
تكسيش من راسش لي حد ماطـاش
من قلـب مهيـوم بحبـه صفالـش
يلعب به الغربي لا سمـع طريـاش
يفرح لامنه قالـش كيـف حالـش
ولولا غلاش وحشمتش كان ماجاش
وان قلتي انه غايتش شـف بالـش
كنه ملك ياعرب من الطاش للطاش
الا يابري حالي وين مالي ومالـش
لا والله الا لي ولش نعنبـا الـلاش
من هامتي لمحزمي لـش حلالـش
بيتش فديتش واسكني بأوسط الجاش
واما بلشتي بي وانا فيـش بالـش
غديت مثل اللي شرى علتـه كـاش
انا في وجه امش وابيش وخوالـش
ماجيت لي حاجه واعود على مـاش

[تسـ тsωαħήــوٍآهـن]

يـا صغيــــر



ياصغيـر لاتضيعنـي بنظـرات البـرائـه
وانت ماتعرف مدى تاثير نظراتـك بحالـي
اه يالبيـه يابشويـش يـاحـد الاضــاءه
للجفون اللي من جفالـه يجفلنـي ضلالـي
فز بسم الله عليك مـن المضـره للاسـاءه
وارقد امن في عيوني واسهر امن في خيالي
ياصغير والذكي مثلـي ليـى خانـه ذكائـه
ماله الا يعشقك ويصيـر لعيونـك شمالـي
قم فديدك وانت حر من الف بائه ليـن يائـه
ماعطاك الا الله اسرف واستبيـح ولا تبالـي
سو مايرضي غـرورك واد ماتهـوى ادائـه
الحشاء لك بيت حاتم وانت غالي عند غالـي
قم تمخطر في الحشاء وانس الكتابه والقراءه
وحل واجب شاعر ماحلتـه سـود الليالـي
وعلمه وشلون تتعدى علـى خـط استوائـه
وعلمه وشلون كيف وهل يضيعون الرجالـي
وكيف يجني خلف سور الجامعه ذنب الكفاءه
ساعه نادى ابليـس وقالـه مالـك ومالـي
وانت يشفعلك صغر سنك ونظـرات البرائـه
بري حالي كل مالديت يمـي بـري حالـي

[تسـ тsωαħήــوٍآهـن]

الــــجـــــمـــــس



راكب اللـي مـا تجيبـه وكالـة بالبيـد
ولا يجيبه بهبهانـي ولا وضيحـي قطـر
ادهمٍ وسم الجميـح علـى جنبـه جديـد
مهبل اللي يوم عـرض يحسبنـه شفـر
جمـس شكمانيـن ملقبيـنـه بالولـيـد
من سرابه ما يغبـط القصيبـي والجبـر
كاتبينٍ فـي ضمانـه حديـده مـا يبيـد
تمرةٍ قـاري عليهـا حفيـد ابـو بكـر
كن وجهه لا نطحته تشعشع صبـح عيـد
وان قفيته كنـه السيـل لا سـال وحـدر
وان عرضلك في مزاياه من عنق الفريـد
وان ركبته تحسبنك علـى سطـح القمـر
دقته نغمـة عبـادي علـى سلـم فريـد
لا عزف الاول وجاوب على عاشـر وتـر
لا شتغل قالت شكامينـه اركـد ياحديـد
والقـزوز تقـول للقـاع روح يـا فقـر
كن في الشكمان الايمن صدى عبد المجيد
وكن في الشكمان الايسر صدى نايف صقر
والبلوف تقول للكهربه هـل مـن مزيـد
والسيور تقـول للمروحـه ايـن المفـر
تحت كبوته مـن الفـن طيـران وعبيـد
ما يغنـون المسافـه ولا طـال السفـر
كل اغانيهم على الدرب واصـل ياعنيـد
لين تلفي قصر شيخ علـى العليـا شهـر
سايقه من صلب ربعي وله بـاس شديـد
ما يخاف البعد والليـل والمـوت الحمـر
من صناديد ال عرجاء هل العلـم الوكيـد
لابةٍ من جن تمشـي علـى هيئـة بشـر

[تسـ тsωαħήــوٍآهـن]

الأبـــــــراج



الدلو والميـزان والقـوس والحـوت
ماغير برج العـاج تغـري وصوفـه
وبرج بقلبـي بـرج لولـو وياقـوت
لا يـا بعـد بـرج الحمـام ورفوفـه
ما يسكنه غيرك من السيـف للكـوت
لو ينتحي راس الولـد عـن كتوفـه
علـم وكيـد بالمواثـيـق مثـبـوت
ما هـو عـذر اللـي يفـرك كفوفـه
والله لا سافر لك لـو ارجـع بتابـوت
وانا من اللي ما ربـوا فـي مروفـه
على الشقا لاع الهـوى كـل شفلـوت
وانتـي تلوعيـن الحشـا بالطروفـه
والوقـت للجاحـظ والايـام هـاروت
والقلب حاتم وانتـي اغلـى ضيوفـه
يا مرحبا ترحيبـة عقـاب يـا نـوت
والحـي يلحـق لـو تحـده ظروفـه
صوتك يكفيني عن الشـرب والقـوت
وشوفـك غناتـي والحيـاه مخلوفـه
يااقوى من اللوعات واسخف من التوت
وابلغ مـن البيـت الاخيـر وحروفـه
رجـل تنادينـه ولا يسمـع الصـوت
خسـارة سمعـه وصوتـه وشـوفـه
ورجل يضمك بيـن اياديـه ويمـوت
والله مـا يلحـق حياتـه حسـوفـه

[تسـ тsωαħήــوٍآهـن]

حـــنـــا بــــدو



يلي على وجهي قريتـي كـل صفحـات الشقـى
اقري وأنا باكتب قصيدة واشعل الساحـة حريـق
باقي كثر ما راح واللي راح نصـف اللـي بقـى
وان ماوصلت لغايتي باموت في نصـف الطريـق
يابنت يوم امطر غـلاك بقلـب ضيـدان وسقـى
تدرين وش سبة شقاه وسبة الجـرح العميـق ؟
شقاه من يمناه واسم الشيـخ والنفـس امحقـى
والجرح منك ياأعذب العذبـات يالمـوت الرقيـق
يا بنت ما دام البدو تخلـف هقـاوي مـن هقـى
وانا بدوي مني يشيل من الزمـن مـا لا يطيـق
ابفتخر حنـا بـدو نعشـق علـى وضـح النقـا
حنا بـدو فينـا الولـد للقمـة العليـا عشيـق
حنا بدو فينا الولـد لـو شـاف موتـه ماأتقـى
حنا بدو فينـا الولـد يرقـا ولـو مالـه رفيـق
حنا بـدو فينـا الولـد لا مـن رقـا رقـا رقـا
الين يوصل غايته لـو كـان فـي قمـة طويـق
يابنت جيتـك والثمـن عمـري ابـي ليلـةٍ لقـا
يما كـذا والا بـلاش مـن الصداقـة والصديـق
وساعة تبسمتي وشفت الجمـر والثلـج اصدقـا
قلت أشهد أن الموت حق وصحت لك صيحة غريق
واعتقت دمعي والزعل والحـزن لرضـاك أعتقـا
وأغفت عيوني في عيونك ياعساهـا مـا تفيـق
وامنت باللي سخـرك تقريـن صفحـات الشقـا
واشعلت بردي في دفاك وشبت الساحـة حريـق

[تسـ тsωαħήــوٍآهـن]

قصيده ضيدان
لعضو مجلس الأمه
عبدالله العجمي



إلا يالله مـن فضلـك عليـنـا
بعد ما الله نصرنـا وأنتصرنـا
وسلام الله لبن شرفان وأثنـي
على ربعي محزمـت القنـازع
كـذا وقفاتنـا وسلـوم أهلنـا
وليا مـن فـاز ربعـي ثلاثـه
بعد مافـاز خالـد والبصيـري
وليا من فاز أبن شرفان فزنـا
ياعبـدالله ياعبـدالله تفـاخـر
وتفاخر الأرض من مشيك عليها
وأنا سعودي ولي صوتٍ كويتي
سـلام علـى كـل القبـايـل

[تسـ тsωαħήــوٍآهـن]

يـاشـيـخ



أنا ياشيخ مانـي بعجميـاً
أنا من خير من في الأرض
فلا مجدٍ يطاول مجد قومي
قبـل يبعـث رسـول الله
لنا سلماً فرقنا عن سوانـا
أذا منا الجبان أشتدا عـودٍ
أشارة أمـهُ إن اقتلواهـو
ذبحناه وضحك عمه وخاله
و ما ملء القلوب منهُ حزنٍ
لذلك لاتجد فينـا ضعيفـاً
ولا منـا تحالفنـا وفينـا
علي الشاهد الله ثم يشهـد
كفاك المجـد ياراسـي أذا
وليس المجد قد كانا أبائي
بل المجد وقوفٍ ذات يوماً
مابين أيدين أحمد بن محمد
بقلباً صادقاً وخـوف فيـهِ
وأذ ما قامر الأنسانا يـومً

[تسـ тsωαħήــوٍآهـن]

أمـا اّنـ لـنـا



أنا .. أنا وأعوذ بك يـارب مـن كلمـة أنـا
عبد وهبته من بديعـات المواهـب ماوهبـت
آمنت بك وأسلمت لك أمـري وأناوأنـا وأنـا
المنتهي كل أربعاء والمبتدي في كـل سبـت
أخاطب عقول الرجـال الفاهمـه وانـا هنـا
واليا شاء الله وأمرنـي ماتحاكيـت وكذبـت
أجمل نساء الارض غنت لي بصوت ((الله لنا))
وأنا الفقير اللي رزقه الله بمرعى كـل نبـت
طرقا عرض فستانها الازرق خطر غصن القنا
نازل على الوادي بنا يشرب وانا قبله شربـت
حبيتها ليـن انفـرط سلسالهـا بعـد وعنـا
وأبعدت عنها في حياتي كثر ماعنهـا قربـت
قولوا لها يا أجمل نساء الارض ((أما آن لنا))
أن ننهي الحلم القديم ونكبت الغايـات كبـت

[تسـ тsωαħήــوٍآهـن]

مرئيه لـ المرحوم
حسن بن مانع بن رحيان

ياونتي يوم قالو مـات ابـو ماجـد
ونت قصّير على أغلى واطيب اخواني
انشهد انه هجدني البارحـه هاجـد
علمِ هجدني على الغـرات وابكانـي
العلم جانـي وانـا فدبـي متواجـد
وبغيت أهلل واكبر غار مـا امدانـي
كبدي بجدها من سيوف الحزن باجد
صبح الشؤيفات صبحنـي ومسانـي
واكبدي اللي عليها الحـزن متراجـد
وجعه محرم وذو الحجـه وشعبانـي
مرحوم ياللي يجـود بكـل ماياجـد
وابرك لياليه لاجا البيـت ضيفانـي
ترحبيته تستبقهـا ضحكـه الناجـد
ومرات كفـه لوجـه الله سفطانـي
الدّيـن المستقيـم الراكـع الساجـد
كريم وجه وكريـم يميـن ولسانـي
ياموت يوم الهواشم جمعهـم واجـد
ماخذت غير ابو ماجد واحـدٍ ثانـي!
يالله تجبر عزانا عقـب ابـو ماجـد
وبرحمتك ترحمـه ياخيـر رحمانـي

[تسـ тsωαħήــوٍآهـن]

راكــب الــي




راكب الي ما تجيبـه وكالـة بـال بيـد
ولا يجيبه بهبهانـي ولا وضيحـي قطـر
ادهمن وسم الجميحي على جنبـه جديـد
مهبل الـي عـرض يحسـب انـه شفـر
جمـس شكمانيـن ملقبيـنـه بالولـيـد
من سرى به مايغبط القصيبـي والجبـر
كاتبين فـي ضمانـه حديـده مـا يبيـد
تمرة قـاري عليهـا حفيـد ابـو بكـر
كن وجهه لا نطحته تشعشع صبـح عيـد
وان قفيته كأنه السيـل لا سـال وحـدر
وان عرض لك في مزاياه من عنق الفريد
ولا ركبته تحسب انك على سطـح القمـر
دقته نغمـة عبـادي علـى سلـم فريـد
لا عزف الاول جاوب على عاشـر وتـر
لأ شتغل قالت شكامينه ارسل يـا حديـد
والتروس تقـول للقـاع ولـي يـا فقـر
والبلوف تقول للكهرب هـل مـن مزيـد
والسيور تقول للمروحه هـل مـن مفـر
وكن في الشكمان الايمن صدى عبدالمجيد
وكن في الشكمان الايسر صدى نايف صقر
تحت كبوته مـن الفـن طيـران وعبيـد
ما يغنـون المسافـه ولا طـال السفـر
كل اغنيهم على الدرب واصل يـا عنيـد
لين تلفي قصر شيخاً على العليـا شهـر
سايقه من صلب ربعي وله باسـاً شديـد
ما يهاب البعد والليـل والمـوت الحمـر
من صناديد ال عرجا هل العلـم الوكيـد
لابتن من جن تمشي علـى هيئـة بشـر

[تسـ тsωαħήــوٍآهـن]

ضــــــــــيــــــــــدان أنــــــــــــــــــــا إســــــــــمــــــــــي دهـــــــــــــــــــــام مـــــــــــــــــــــا هـــــــــــــــــــــوب فـــــــــــــــــــــوازأمـــــــــــــــــــــــ ــــــا إدعــــــــــــــنـــــــــــــــي يــــــــــــــــــــــــــــــا دهــــــــــــــــــــــــــــــام ولا بـــــــــــــــلاشـــــــــــــــي
مــــــــــــــــــــا هــــــــــــــــــــوب حـــــــــــــــــــــق تـــــــغـــــــيـــــــر إســــــــــمـــــــــــي بـــــــــــــــــــــلا أرمـــــــــــــــــــــازوأنـــــــــــــــــــــ ــــــــا عـــــــــــــــــــــــــــــذاب الــــــــــــــخـــــــــــــــرب لا أقـــــــــبــــــــــلــــــــــت حـــــــــــــــاشـــــــــــــــي





فرد عليه ضيدان قائلاً :
لعيون بعض الناس سميت فواز=إسمٍ يشابه لاسم عسر المناشي
اللي غلاه بثومة القلب حزاز=تقبل له طعوني وتقفي عطاشي


فرد الطير :

ما أرضى تسميني عليها ولا جاز=تغيير الإسم إلا بذبح الكباشي
إذبح تميمه وإقلب الإسم فواز=إذا ذبحت الكبش ما صار ماشي



فرد ضيدان :

قلت فواز تكفى فكني بالتلعواز=الحل عندي وإسمع العلم كاشي
لازم تشوف اللي لها القلب ينحاز=عقب (ن) تجي فواز ولا شلاشي



فرد الطير :


يالله مشينا والعمر يبغي إنجاز=يا ما نجز بالهدي ولا عراشي
قم جهز اللي ذاخرينه وممتاز=وعلي الطلاق إن عزبته من معاشي


وعنما وصلا الا التي سمي الطير عليها شال ضيدان البرقع عن الطير وقال له هاذي اللي سميتك عليها فقال الطير :

أنا أشهد إني يابن قضعان فواز=وانته بعد فواز جاني خراشي
ياحظ قلبك يوم في حبها حاز=كحيلةٍ ما عاشرة كل لاشي
ياليتني رجلٍ لو أمشي بمعكاز=وأنخاك وأنخى مبعدين المعاشي
وأنهض لطيف الروح وأجلا لشيراز=وإقضي بقايا العمر ما أحتر جاشي
في شرع إبن حنبل بتأكيد ابن باز=معروف راعي الحب قلبه هشاشي
وأنا لوصل ملوع الشيخ معتاز=أعوز من فراق السبوق الرواشي
أبا أتمنى والتمني به الغاز=ياليت جنحاني لخلك فراشي
أو ليتني بيجر على الورك هزاز=ولا قلم بين الجسد والقماشي

[تسـ тsωαħήــوٍآهـن]

يا عظيمه


ياعظيمه ما العظيم الا الهوى لا ادمـع المـوق
مالقيت من المحبـه غيـر جرحـك ياعظيمـه.
ياعظيمه جيت راغـب ساقنـي يمـك الشـوق
جيتلك وافي ماقصدت بجيتـي اخـذ الظليمـه.
عاتبيني لو عتابك نار لاتبخلـي فينـي بطـوق
طوقيني بالقيـود وحاكمينـي بأكبـر جريمـه.
ادري جفيتك واعتبرتـي فـي معانيـه العقـوق
لكن كيف اتوب من الهوى جاوبيني ياعظيمـه.
كيف اتوب ياشعاع النـور مـن بيـن البـروق
وكيف اتوب عن هواك العذب وعنـك يايتيمـه.
كيف اتوب من الغلا والمحبه اكبر شي ٍ يعـوق
والذكريات اللي بينّا مارضـت تصبـح قديمـه.
كيف اتوب منك ياول معانـي الضنـا والشـوق
كيف اعافك؟؟ كيف اهاجـر والله انهـا نديمـه.
كيف اتوب وانتي في سما حبي مثـل الشـروق
كيف اتوب وارضى خافقي يحرق فـي جحيمـه.
انتي اللي لا نظرتك لو خاطـري متكـدر اروق
انسى همومي والتهي فيـك بنظـره مستهيمـه.
واسمع حروفٍ كنها الدر انتثر من ذاك النطـوق
تهمل امطار العذوبه علينا ذايبه من كل غيمـه.
دخيل الله دخيل ابوك دخيل دمـك فـي العـروق
دخيل العزه اللي ما اعلنت مع الحاجه هزيمـه.
اعذريني والعذر مابعد اعلنته لغيـرك والخفـوق
اني عشقت .. ولا دريت اني عشقتك.. ياعظيمه.

[تسـ тsωαħήــوٍآهـن]

نجوم الصبح




بانت نجوم الصبح واللي في عيوني من عصر
ماهوب دمعن لاتضايقـت أتنهـت وأسكبـه
لاوالله ألا حلم رجلن عـن طموحـه ماقصـر
لو قصرة سود الليالي مـن يمينـه وشنبـه
وانـا لونـي ماتعلمـت الهزيمـه والنصـر
ماكان ذقت من الهوى القتال أمـره وأعذبـه
شاعر وعصري فاتني وعيش في أغرب عصر
للوقت وقتي والزمن مابينـي وبينـه شبـه
لاكن هنوفن مثلت دور العزيـزه فـي مصـر
قدت قميصي وأسرفت في وصلها قبل أنتبـه
يوم أنتبهت أستشهدت ضدي بحراس وقصـر
قلت أرحمي عزيز قومـن ذل ورخـا منكبـه
ماني نبي الله أقاوم حسن خصـرك لنحصـر
انا بشر عبدن ضعيف وكـل برقـن يجذبـه
قالت وهي توي تثنـى كـن مافيهـا خصـر
الشعر ياضيـدان ورث أجـدود والا موهبـه
قلت الشعر سحرن يصخرلي قلوب ويختصـر
عمر المسافات الطويلـه والسنيـن المجدبـه
والشعر لو حصرته في ضلوعـي مانحصـر
يطغى على حدب المحاني لين ابيحه واكتبـه
وان علمتني الفاتنه وشلون أسير أبلا بصـر
علمتها الفجـال وشلـون أتحـدى وأشربـه
وعلمتها اني كـذا طـال الزمـن والاقصـر
وان عذب الحب أصدقه وان عذب الشعر أكذبه

[تسـ тsωαħήــوٍآهـن]

انا من الي مجدهم







يقول من عدى على روس الطـوال النايفـات
من ضيقةٍ فالصدر كانيهـا وحزتهـا عصيـر
يالله يا اعظم من الاسما واجل مـن الصفـات
يالله يالله يا غفور ويـا سميـع ويـا بصيـر
يا رب اجرني من عذاب القبر ما بعد الممـات
واغفر لابي وابيه واخوانه واجرهم يا مجيـر
يا ربنا عبدك واشيل مـن الذنـوب الكايـدات
ما لاتشيل الارض والدنيـا رحاهـا مستديـر
ياربنا عبدٍ خلقتـه مـن تـراب وطيـب ذات
ونفخة فيه الروح وانت اللي على ذلـك قديـر
يا ربنا ما خترت اكون الشاعر اللي قاسيـات
الطرق يطرقها وتصبح له ارق مـن الحريـر
انت الذي خلقت كائـن حـي غيـر الكائنـات
الحمد لك والشكر والمنـه وفضـل الله كثيـر
ياربنا شاعر واهيم بكـل وادي مـن شتـات
واقول مالاافعل وانا مؤمن ولي قلب وضميـر
شاعر ويتبعني من الغاويـن كثـر الغاويـات
اذنب بهم وان غرروبي صرت اقل من الغريـر
والشعر مثل السيف ابو حدين وعيـن البنـات
يا ليتها كانت مدى الشاعر ومرسـاه الاخيـر
ماكان جبت العيد والعـذر البنـات المترفـات
والعالم الله وش نوى قلب المقـدي للضريـر
البارحه هبت علي الريح مـن كـل الجهـات
حتى عرفت ان الليالي غيـر والوقفـات غيـر
وقمت اتلفت فالسنين اللي غدت منـي فـوات
وامنت بان العمر مهما طـال بالدنيـا قصيـر
كلن يموت وينتهي والوقت يمضي هات هـات
ولا عاد يبقى الا الذكر ان كان شر او كان خير
والشاعر ابقى بعد موتـه بالعلـوم الطيبـات
او عكسها والوقت ياخذ والقصايـد تستخيـر
اقرب دليل اللي لهم فالبيـت سبـع معلقـات
راحوا ولا زالت قصايدهم كمـا البـدر المنيـر
الاعشى وعمرو وطرفه بن العبد والعبسي ثبات
والنابغه وبن ربيعه وبن ابـي سلمـى زهيـر
والشعر فضل شاعره عمن سواه وله سمـات
فضل ابو الطيب وهو سقى وابي فْراس اميـر
والشعر مهما فضل الشاعـر مقـام ودرجـات
ما فضله بالفعل في اليوم العبوس القمطريـر
اقولها وانا اعرف انهـا مـا تلحفنـي العبـاة
اللي طرفها في يدي واكمامها في ايد الوزيـر
لكن على الله يا متم الصـوم ومقيـم الصـلاة
تدفى الكفوف الباردات ويجبر العظـم الكسيـر
يا صاحبي يا حظي المكتوب يا اغلى الامنيات
يا اجمل الصدفات لو ما جات يالسهل العسيـر
من صيف عامه ما خذاني عنك بعد ولا سكات
وانت اتجاهلني واناوضعي من اسبابك خطيـر
والحب ذنب مـا يكفـره التجاهـل والسكـات
واجه فديتك واحسم الموقف يصير اللي يصير
ولا تعلقنـي علـى امـل نجـوم ٍ سـاريـات
وابقى على قول البدو لولا الامل مات الفقيـر
يا صاحبي يا اغلى السنين الماضيه والمقبلات
يا اعز واغلى من على الدنيا برجلينـه يسيـر
لا تحسب اني جاهل ٍ بعض الامور الخافيـات
اللي تحدك وانت مالك مـن مخاليبـي مطيـر
ادري واقـدر واتحمـل واتحاشـى الانفـلات
والاتراني في بعض الاحيان ما اطيع الشويـر
والصبر مفتاح الفـرج والقـل جـراح اللهات
وسهيل يبدي في السماء ويهيج فالقاع البعيـر
وانا من اللي مجدهم على ظهـور المسرجـات
قوم ٍ ماهي بتشد لا جاها مـن القـوم النذيـر
وشعادني حيٍ ٍ على شانـه وشلـي فالحيـاة
ان كاني لاسرجتها ما افـرق الجمـع الغفيـر
لعيون من حبه رسى مرسى الجبال الراسيـات
وليا اصطفق ما كنه الموج في البحر الغزيـر

[تسـ тsωαħήــوٍآهـن]

زعلوها



الهنوف اللي سرت من نجد وأمست فالحوية
ضيقت صدر الرياض وسافر الطايف وجاها
وأنثنا غيم الحجاز لخـد نجـد النرجسيـة
يوم جاته من زعلها كنها تقصـر خطاهـا
زعلوها ورحلت وأخلت قصـور الفاخريـة
وألحقتني شرهة الزعلان وأخطاني رضاهـا
سافرت والله ما أخبر اللي يزعلهـا عليـه
وأستباحت يالله الخيرة سهر عيني وماهـا
ليتها يوم أستباحت دمعـة العيـن الشقيـة
ما أستباحت دم قلبي من خلاها في خلاهـا
دونها ما أغليت وسم أهلي ولا شداد المطية
مرخصٍ فالقاع عمري والثريا فـي سماهـا
لايمي يبلى بحب الحضـر بعيـون أبدويـة
في ظروفٍ ما يقـارن مستـواه بمستواهـا
درةٍ بالموت محروسـة وبالبحـر محميـة
البحر من دونها والموت الأحمر من ورهاه
لا أقبلت هيجنت وأن أقفت جذبت السامرية
وا عذابي لا عطتنـي وجههـا ولا قفاهـا
أن عطتني وجهها يسعد صباح النرجسيـة
وأن كستني نفحةٍ من ليلها يسعـد مساهـا

[تسـ тsωαħήــوٍآهـن]

قصيده ضيدان في مزاين ال عرجا :




حنا آل عرجا لكتسى الجو بارود
نهيج مثل الموج عقـب الركـادي
هواشم(ن)افعالنـا مالـهـا حــدود
مذاكر(ن)وانسن صعب الجيـادي
يامية(ن)مـن يـام حمايـة الــذود
صيـارم نشـدي طيـور الحـمـادي
لا جا نهار(ن)فيه طارد ومطرود
كم شيخ قوما صار حظ الحنادي

[تسـ тsωαħήــوٍآهـن]

ياهل الذيدان أبوجعشـه لحالـه
ودهـا بالجمـل ولا بالتـحـدي
راعي الوضح الغوالي ساق ماله
لين جاب اللي مع الغدرا تشـدي
وكن غلاها مخيم أصحاب الجلاله
ومن لمحها مسرع عـود يهـدي
والفحل لامن عرض لك كن سباله
مقدم المزنه على النـو إمتبـدي
لاعطتك انحورهـا كـلا طرالـه
إن راعيها على المدح إمتعتـدي
من محمد محزمن له طاب فالـه
في نهار ذاك طاب وذا إمتـردي
طيب من طيب إبيه وطيب خالـه
وكلبيهم صلب أبوي وصلب جدي
ولو أبذ كر خصلتين من خصاله
بيحت بيت القصيد وباح سـدي
كن ربي خالقه طيـب وجمالـه
يوم ولد اللاش يسفـه مايهـدي