ديوان /عبدالله العليوي/رحمه الله

[تسـ тsωαħήــوٍآهـن]

معلومات عن الشاعرإسم الشاعر:عبدالله العليوي الديوان الدائم:شبكة الشعراءنوع القصائد:كتابيبلد الأقامه:السعودية

- ولد الشاعر عبد الله بن عبد العزيز العليوي عام (1373هـ) "يرحمه الله" في مدينة عنيزة ،وتلقى تعليمه الإبتدائي والمتوسط في مديينة عنيزة ، وتخرج من ثانوية عنيزة العامة من قسمها الأدبي . ومن ثم التحق في بداية عمله الوضيفي بأحد البنوك الوطنية (البنك العربي) . وبرز رحمه الله كلاعب كرة قدم في النادي العربي في عنيزة إلا إن موهبته سرقته من معشوقة الملايين .
- حصل على جائزة القصة القصيرة على مستوى المملكه العربية السعودية في منتصف التسعينات الهجرية ، وجاءت تحت عنوان ( لمحة وفاء ) وتدور فكرتها حول قصة شاب يتيم تبرع بكليته لشقيقه اللذي قرر الزواج .
- عمل مشرفاً ثقافياً في النادي العربي ، وكان شعلة نشاط وحماس ، فحقق ناديه في ذلك الوقت العديد من الإنجازات الثقافية سواءً داخل منقطة القصيم أم خارجها .
- عمل في القطاع الحكومي في مديرية الزراعة والمياه في عنيزة قبل أكثر من سبع سنوات إلا إن معاناته مع الفشل الكلوي أجبرته على الاستقاله قبل أن يكمل عامه الثاني .
- تم تكريمه من قبل فرع جمعية الثقافه والفنون في منطقة القصيم بصفته شاعراً مبدعاً ومثقفاً بارزاً في المنطقة .
-صدر له أول ديوان مسموع بصوت الأستاذ محمد الرشيدوأيضاً صدر لـه أول ديوان مطبوع جاء تحت عنوان ( بقايا شوق ) ضم أكثر من (72) قصيدة . وله ايضاً محاولات في الشعر الشعبي الحديث .
- وتغنى له الكثير من الفنانين أمثال ( عبد الله الصريخ ، سلامة العبد الله ، حمد الطيار ،فهد العبد الله ، رباب ، سليمان الهندي ، خالد عبد الرحمن ، صالح الجبري )
- في بداية شهر شوال للعام الهجري (1424هـ) صدر لـه ديوان مسموع ومرئي بواسطة أقراص ( سي دي ) وشرائط ( الكاسيت ) و ( الفيديو ) . وضم هذا الإنتاج المتميز أكثر من عشرين قصيدة ، وقد أعده وأشرف عليه الشاعر : يوسف بن محمد المطلق ، وقام بهندسته الصوتيه والمؤثرات الشاعر : علي بن مد الله المد الله ، والقاه : إبراهيم بن علي الصيخان ، واخرجه فيديو : عبد الله بن محمد الخيفان ، وحيث قدمة هذه النخبه من الأسماء هدية جميلة للشاعر عبد الله بن عبد العزيز العليوي قبل وفاته " رحمه الله " بشهر ونصف تقريباً وعند عرض هذا العمل المتميز عليه ومشاهدته له ذرفت عيناه واكتفى الشاعر عبد الله العليوي بعد الموافقه في طرح هذا العمل بطبع قبلة حانية على جبين من قدموا لـه هذا الإهداء والإنتاج المتميز .

وفي يوم الخميس الموافق 2/11/1424هـ في تمام الساعة الثانيه وخمس واربعون دقيقة خيم الحزن على مدينة عنيزة بخبر وفات الشاعر عبد الله بن عبد العزيز العليوي رحمه الله وأسكنه فسيح جناته .

شوق لشاعرنا المرحوم : عبد الله بن عبد العزيز العليوي
http://www.geocities.com/bawaqy/baqaya.jpg

[تسـ тsωαħήــوٍآهـن]

قلنا سحابـه صيـف تعبـر سمانـا




منك انهتينا يـا مخيـب رجانـا
الصبر طال وعذبتنا المشاويـر
في موت حبك يجبـر الله عزانـا
بيدك رميته لا تقـول المقاديـر
لـولاك حنـا ماتبـدل غـلانـا
كل الوفا منا ولا منـك تقديـر
قلنا سحابه صيف تعبـر سمانـا
وتزول ماله في سما الحب تأثير
غدرك على نسيان حبـك حدانـا
هذي سواتك ما تفيد المعاذيـر
عفناك واللي عالـم فـي خفانـا
البعد عنك ارحم وقلبك مع الغير
تبيعنـا واليـوم تبكـي هوانـا
لايا عديم القلب فرقاك لي خير

[تسـ тsωαħήــوٍآهـن]

قصرك بقلبي طـاح ونهـد مبنـاه




ياللي نسيت الحب مثلـك نسينـاه
جرحي يهون و لا مذلة خضوعي
قصرك بقلبي طاح ونهـد مبنـاه
لاتنتظر منـي لحبـك رجوعـي
من عافنا ننسى غرامـه وذكـراه
لا واحسايف في غيابك دموعـي
الغدر في نظراتك اليـوم شفنـاه
اليوم نظراتك لقلبـي تروعـي
مليت حب ضاع عمري برجـواه
وهديت من زود الغرابيل روعي
يا من قطع حبل الرجاوي بيمنـاه
من دمعتك اشعلت طافي شموعي

[تسـ тsωαħήــوٍآهـن]

شفتك مع اللي صار عقبي حبيبـك





شفتك مع اللي صار عقبي حبيبك
واحتارت العبره بعيني وصديت
مدري هي الصدفه لدربي تجيبـك
مدري انا اللي في دروبك تحريت
ملكتني واقفيـت ربـي حسيبـك
ما تعرف الرحمه بقلب توليـت
يا قلب جرحك سبته مـن طبيبـك
يا قلب ليتك بالوفاء ما تما ديت
من حبنا كـل السعـاده نصيبـك
يا فاقد الاحساس عني تخليـت
وش فايده لا قلت عنـي حبيبـك
وانت بحياتك يوم ماظن حبيـت

[تسـ тsωαħήــوٍآهـن]

تبكي عليك الدار يازين الاوصـاف





مابي حياتي لا خلت منك تنعاف
وش الليالي لاخلت من قمرها
جرحتني واليوم ما عاد تنشـاف
عيني تمنى شوفتك يانظرهـا
ياصاحبي قلبي على جال ميهاف
الروح يالغالي تزايد خطرها
ماترحم اللي للشقا صار ميـلاف
لك فرحة الدنيا وحنا كدرهـا
تبكي عليك الدار يازين الاوصاف
ليت النهايه ما تبين خبرهـا
ايام قربك يالغضي مابي خـلاف
راحت ليالي حبنـا ياقمرهـا

[تسـ тsωαħήــوٍآهـن]

لي قلب مثلك واسهر الليل واشتـاق






لولا غيابك ياهوى النفس مـا ضـاق
صدري ولا بانت بنظراتـي الشـوق
لي قلب مثلك واسهر الليـل واشتـاق
غيرك فـلا والله تمنيـت مخلـوق
بيني وبينك خطـوة الرجـل تنعـاق
حسبي على اللي صار من بيننا عوق
اجرح وقلبي لك على الطول منسـاق
رمشك ملكني وساقني للهوى سـوق
كمّل جمالك والـي العـرش بأخـلاق
حتى الجروح اللي تجي منك له ذوق
كيف انتهت ذيك المشاوير بـا فـراق
العام الاول كا نـت احلامنـا فـوق

[تسـ тsωαħήــوٍآهـن]

فـي بعدكـم يامـا عليكـم بكينـا





خـلاص لاترجـع ترانـا سلينـا
ما كنت اصدق يوم اني ابنسـاك
فـي بعدكـم يامـا عليكـم بكينـا
واليوم ما تطري على البال طرياك
وانا ادري انك رغم صـدك تبينـا
لاشك ناس ضدنا تقصر اخطـاك
خل الـذي غيـر حنانـك علينـا
يعطيك من قلبه ربع ما عطينـاك
وشعـاد لا صـار السـلام بيدينـا
قلبي وقلبك بينهـا درات افـلاك
ودعت ما ضـي حبنـا وانتهينـا
وقلب نسيته يـوم لابـد ينسـاك
من سكرة الحب الصناعي صحينـا
حتى المجالس عفتها خوف ذكراك
حـب جديـد غيـر حبـك لقينـا
حديتني جعـل الليالـي تحـداك

[تسـ тsωαħήــوٍآهـن]

واثر السعاده في رجاء حبك اوهـام





انا تقبلت العزاء بـك مـن العـام
كن العزاءفي موت حبك تهانـي
ياما سهرت الليل لا غبت ما انـام
ترقد وانا ازرع في رجاك الاماني
واثر السعاده في رجاء حبك اوهام
لاطاب جرح صابني منك ثانـي
جارت على قلبي شقا ذيك الايـام
اشكيك للي في غـلاك ابتلانـي
سهرت على عيون ماظـن تنـلام
ذاك امس والا اليوم ماجاء كفاني
افرح بطيشـك والغرابيـل قـدام
ياطاك من وقتك مثل ما وطانـي

[تسـ тsωαħήــوٍآهـن]

شربت منك المر واكتـم واداريـك




ماجيت حب لك ولا نيب راجيـك
ماجيت يمك في رجاء مد يمناك
جيتك مثل غيري بنفسك اعزيـك
مالك وجود اليوم مت ودفنـاك
شربت منك المر واكتم واداريـك
حتى عدوي ما يسوي سوايـاك
الشاهد الله ما خبر جبت طاريـك
وان جالك الطاري بخير ذكرناك
عين بكت لك ما تلد النظر فيـك
غصب ٍ علينا من سواياك عفناك
عواذلي قامت تبيعـك وتشريـك
ارجوك تبعد عيدنا يوم فرقـاك

[تسـ тsωαħήــوٍآهـن]

سحابة هلـت وزلـت مـع الريـح





طبعك تحب بكل جـرح التمـادي
توي دريت امسح دموع التماسيح
اول جروحك زارني قلـت عـادي
سحابة هلت وزلت مـع الريـح
تذلني بالحب ويـن انـت غـادي
عند المذله نرفع الراس ونشيـح
ليت الزمن بيني وبينـك حيـادي
حتى الزمن وياك والله ما اطيـح
يموت حـب ولاتمـوت المبـادي
ابختنق في عبرتي بس ما اصيح
مع اللبن حنـا شربنـا العنـادي
ياليت تبعد كان ترتـاح وتريـح

[تسـ тsωαħήــوٍآهـن]

لك خطوتي تنقاد لا عنـي ابطيـت





ماجيت دربك راضـي باختيـاري
لك خطوتي تنقاد لا عني ابطيـت
ابعد عن الي لك يجيبـون طـاري
وان زارني طيفك لزولك تمنيـت
لانت بعيد ولا طفت منـك نـاري
فيك الامل لاهوب حي ولا ميـت
تخطي واقدم عن خطاك اعتـذاري
حتى خطاك انساه ما كنك اخطيت
بين الرجا والياس طال انتظـاري
والياس رحمه ياشقى من توليت
اعلنت بالفرقى عليـك انتصـاري
بالقلب اشوفك مثل غيرك تساويت

[تسـ тsωαħήــوٍآهـن]

من شب نار الشوق ياشوق ماصاح




قلي على الله وابتعد عنـك وارتـاح
قلي على الله بس من غير تجريح
من شب نار الشوق ياشوق ماصاح
واللي وطاها يشرح الجيب ويصيح
لولا الغلا ما هانت النفـس ياصـاح
محبتي لك مـا وراهـا مصاليـح
وشلون تنسى يالغضي كل مـا راح
مركب غرامك سار مع وجهة الريح
القلب في يمنـاك ياعزوتـي طـاح
وحنا على شط الامل بك مجاريـح
جرحتني واحسبـك للقلـب جـراح
اشوف بعيونك على الصد تلميـح

[تسـ тsωαħήــوٍآهـن]

متى هالليــل في شمسك يذوب ويختلف لونه




تذكرتك وقلبي مسرف الخطوة يبي فرقـاك
وفي نفسي بقايا من جروح العام مدفونـه
تذكرتك وفي عيني مواري حزن من ذكـراك
تلفت الخافق يمك و جاك خطاه مجنونـه
وجيتك ثاير العبره أحبك من يقـول أنسـاك
غيابك نار من يقوى يشيل النـار بعيونـه
هلا بأيامك السوداء هلا بالحزن في دنيـاك
رضى قلبي بتعذيبك أبد مايطلـب العونـه
متى تفرح بك أيامي متى وشلون كيف القاك
متى هالليل في شمسك يذوب ويختلف لونه
تعبت من التعب وينك تعال ومد لي يمنـاك
حياتي لاخلت من شوفتك ماهيب مضمونه

[تسـ тsωαħήــوٍآهـن]

ناوي الفرقا وفليت ... الشراع




إنشدوني عن هوانا قلت ... ضـاع
يوم شفنا الصد راحة ... للجميع
خلنا نرتاح من هاك ... الصـراع
السهر ولهم في رجوى ... الربيع
ناوي الفرقا وفليـت ... الشـراع
مثل ما ضيعتني خلك ... تضيـع
ابتعد بسكات ما بي لـك ... وداع
مايبي فرقاك هالقلب ... الرضيع
تحسب إن قلوب خلق الله ... تباع
يوم تشريني وبالثاني ... تبيـع
لا تغرك جيتـي لـك ... باندفـاع
لو بغيتك عز نفسي ... ما يطيـع

[تسـ тsωαħήــوٍآهـن]

أبعدت خلي يا زمن ويش خليت ؟






يا مالك قلبـي لنـا عنـك مـده
وراك عنا يا أريش العين صديت
ماذقت من غيرك جـروح المـوده
غالي علينا يا حلو لـو تغليـت
يـزداد حبـي كلمـا زدت صـده
وراك عن قلب ملكتـه تخليـت
ليت النظر يا صـاح يمـي تلـده
ياما قسى قلبك ولا يـوم حنيـت
وصل الصبر يا قرة العيـن حـده
ومنين أجيب الصبر لاعني أقفيت
ذاك الحنان اللي مضى لـو تـرده
أقول من قلبـي بحبـك تهنيـت
ما عاد فيني يا زمـن مـا تهـده
أبعدت خلي يا زمن ويش خليت ؟

[تسـ тsωαħήــوٍآهـن]

بعدك علي الكون ياعزوتي ضـاق





ودي بشوفك يـا مطـول غيابـك
بعدك علي الكون ياعزوتي ضاق
أسهرت عيني في رجاوي كتابـك
يمكن يهدي بين الأضلاع خفـاق
جفت غصون القلب وابطى سحابك
للموت روحي ياهوى البال تنساق
ناشدتك الله لا يخيب الرجـاء بـك
عساك لي يا مالك الروح مشتاق
قلبي معك لو تجرحه فـي عتابـك
لا شك من دونك خطاويه تنعـاق
يازين قلبي من هواك التجـى بـك
لاتجرحه زود على جرح الاشواق

[تسـ тsωαħήــوٍآهـن]

إنهد حيلي في عذاب انتــظارك




بيدي رميت القلب في وسط نـارك
وأقفيت يا ظالم وأنا فيك مفتـون
إنهد حيلي فـي عـذاب انتظـارك
وأخفيت جرحي مابي الناس يدرون
أرمي سلاحي وأعترف بانتصـارك
أبكيت من يضحك على اللي يحبون
متـى تخفـف لوعتـي باعتـذارك
أشوفكم مره على الحـب تبكـون
أنهيـت قصـة حبنـا باختـيـارك
وين الصبر ياقاسي القلب وشلون
يازين قلبي مـن هـواك استجـارك
حبك عسرني ماطوى القلب بالهون

[تسـ тsωαħήــوٍآهـن]

ما وصلني منك يا الغالي كفانــــي




مع زمانـي لا تحاربنـي بصـدك
خلني بالعمر أضحك لـو ثوانـي
كان لك قلب على غيـري يحـدك
وش ترى في قلبي اللي لك حداني
بالجفاء يا صاحبي عديـت حـدك
ما وصلني منك يا الغالي كفانـي
اشتكـي لـك لا تعذبنـي بــردك
لا تصد أرجوك يـوم الله بلانـي
ليت حب ضـاع للذكـرى يشـدك
تذكر اللي راح منا فـي ثوانـي
ليتني مرتاح مـن قلبـي وحبـك
ليت لي يا زين مثلك قلب ثانـي

[تسـ тsωαħήــوٍآهـن]

دربي صعـيب وتحسبونه تساهيل





قالوا سعيد بالهوى قلت بالحيـل
سعادتي مايندرى وش وراهـا
دربي صعيب وتحسبونه تساهيل
محد شكى من جمرة ماوطاهـا
كل ٍ مريح ياعرب تالـي الليـل
وانا بحـالٍ يعلـم الله شقاهـا
فكرت لو يطري على الزين تبديل
كيف اقدر الفرقا واعيش بعناها
اهواه من قلبي ومن غير تعليـل
لا تجبرون الروح تبدي خفاها
ياما كتبت اسمه على نجمة سهيل
أصل بنور العين عالي سماهـا

[تسـ тsωαħήــوٍآهـن]

حبيت غيرك وحبك ويش أسوي به




قلبي لقى غيركم شخصٍ يهلي بـي
يشفق علي وأنا بالحيل مبلي بـه
أرجوك لا تعتذر يكفيني اللـي بـي
والله يسامحك منك العذر مالي بـه
من واهجٍ بالحشا شقيت أنـا جيبـي
ومن لامني بالهوى يصلى لواهيبه
لولاك للنـاس مابانـت عذاريبـي
يا ما تجاهلت حبي وأنت تدريبـه
يوم أنت مرتاح في همي وتعذيبـي
ماقلت لك يوم ... تفقدني وتبكي به
يازين ماشوف لك عندي مطاليبـي
حبيت غيرك وحبك ويش أسوي به

[تسـ тsωαħήــوٍآهـن]

لو طال صبري يا هوى البال له حد






لو طال صبري يا هوى البال له حد
ماودي إنك توصل الصبر حده
رسمت لك شكواي والدمع يشهـد
عقبك خطير القلب ينباح سـده
كيف أحتمل ياعزوتي عيشة الصد
أعطيك روحي والشقاء لي تمده
حاولت كتم الشوق والشوق يشتـد
أرحم رحمك الله تراني بشـده
لا تجرح المشتاق في قاسي الـرد
قلبي عن الفرحه معك لا تلـده
قلبي معك والله ماخنت لـك عهـد
ليت الحنان اللي مضى لي ترده

[تسـ тsωαħήــوٍآهـن]

دمعتي تجري ولا أحـدٍ لـي بكـى



عفت أنا الدنيـا إلا جـار الصديـق
كل واحد صار بالشكـوى يضيـق
من يدور لـه بـذا الغابـه رفيـق
ينقضي عمـره ولا يلحـق منـاه
دمعتي تجري ولا أحـدٍ لـي بكـى
عندهم شكـواي ماتلقـى صـدى
ياوجيه الغـدر ويـن أهـل النـدى
أبعدوا عني تـرا عفـت الحيـاة
كم انا مخـدوع فيكـم مـن سنيـن
عشت أنا المظلوم وأنتم ظالميـن
لـي خفاياكـم ورا تــوه تبـيـن
يوم دار الوقت وأظهـر لـي رداه
كنت أشارك في هموم الكـل منكـم
كم تمنيت أحمل الضيقـات عنكـم
لو دريت أن الوفاء وهـم بنظركـم
ماقضى عمري وأنا أزرع في صفاة

[تسـ тsωαħήــوٍآهـن]

تركتني وحدي على الدرب ملتـاع



أنا عرفتك بالهـوى ألـف خـداع
وأنا بنظرات الوفاء منك مخـدوع
لا واحسايف عمري اللي معك ضاع
لا صار لك قلبٍ على الغدر مطبوع
تركتني وحدي على الدرب ملتـاع
أخذت عمري والعطاء منك ممنوع
تبي السموحه وأنت لي صرت بياع
وما زال قلبي من سواياك مفجوع
يا ما نهيت القلب لاشك مـا طـاع
وأنا أشهد إني مابعد شفت لك نوع
ما نيب لا عذار تجي منـك سمـاع
يكفين ماعشته بدنيـاك مخـدوع

[تسـ тsωαħήــوٍآهـن]

وتعود لي طيـرٍ مضيـع فريقـة



ياللي تناسيـت العهـود الوثيقـة
ماعاش من قبلك بدنيـاه مرتـاح
لابد مـن يـومٍ وتلقـى الحقيقـة
تشوف لوعات الزمن كيف تجتاح
وتعود لـي طيـرٍ مضيـع فريقـة
وأقول يا غدار عهد الوفـاء راح
تغيرت حتـى الوجيـه الصديقـة
والقلب الأبيض أصبح اليوم سفاح
يا ما تحملـت الجـروح العميقـة
والشوق بعيوني الا أقفيت فضاح
فيما مضى روحي بحبـك غريقـة
مثل السفينة بالبحـر دون مـلاح
واليوم أنـا قلبـي تغيـر طريقـة
مايرجع الماضي بالأعذار يا صاح
في خاطري عبرات هـمٍ وضيقـة
وشلون مات الحب في عز الأفراح

[تسـ тsωαħήــوٍآهـن]

اضحك واكذب مـن يقولـون لابـاس





مابك رجاء ... من حبكم طابت النفـس
ماشفت بك زودٍ علـى باقـي النـاس
جمالـك الفتـان ماشفـت لـه جنـس
وش فايده ... ليتك بنيته على سـاس
قلبي عليك اليوم ماهـوب مثـل أمـس
دور وتلقى اللي يشده لـك احسـاس
ليلـك طويـل ماتبينـت لـه شـمـس
عمري قضى بين الرجاء فيك واليـاس
حاولت اجاهد عبرتـي والخبـر همـس
اضحك واكذب مـن يقولـون لابـاس
متى ... تعاني لوعـت الحـب وتحـس
في حالتي ... ولا أنت معدوم الاحساس

[تسـ тsωαħήــوٍآهـن]

ودي بنسيانـه ونسيـان مـافـات



وين أنت يا مشكاي عينـي مشقـاة
في حب خلٍ دمعتي يوم عيده
ودي بنسيانـه ونسيـان مـافـات
وابدا من أول في حياة جديدة
وأقول ياقلب الشقـاء حبنـا مـات
مير الله أقوى ذكرياته عنيده
يخطي واسامح وأذرف الدمع بسكات
نفس الخطا في كل يوم يعيده
أدري لقلبه في هوى الغير نوهـات
وما كل نفس تأخذ اللي تريده
ما تبعد الغالين ... طول المسافـات
جسمي بعيدٍ عنه والقلب بيده

[تسـ тsωαħήــوٍآهـن]

عن هوى الغير قلبي في هواك اكتفـا



من ليالـي زمانـي واثـقٍ ماهقيـت
تخلف الظن وتبـدل هنـاي بشقـا
ابتسم واحسب إنـك غافـلٍ مادريـت
والندم في عيونـي بيـن ماخفـا
يوم شافتك عيني في هـواك ابتليـت
ليتني ياعلي ماشفت ظبـي الشفـا
من زماني وحبك والفـراق انتهيـت
هد حيلي غيابك نور عينـي طفـا
من جروحٍ بقلبـي صابـرٍ ماشكيـت
عن هوى الغير قلبي في هواك اكتفا
في وداعك -حقيقة- غصب عني بكيت
كيف لابعدت عني وين ابلقى الوفاء

[تسـ тsωαħήــوٍآهـن]

لا يخدعك وقت الندم لو صفالك





لولا الوفاء ما شدني لك جمالـك
لا يخدعك وقت الندم لو صفالك
إخلاصك الوهمي كشفنـاه تالـي
هديت كل اللي بنيـت بخيالـك
غروك ناسٍ يدعون الوفـا لـك
حديتن أبعد يالغضي عن مجالك
ما طاع قلبٍ يبتعد قال وشلـون
وشلون قلي تبتعد عن ضلالـك
في عزتي للنفس يا قلبي بعتـه
ما ظنتي يا قلب يلقـا بدالـك
أختار درب الشوق يا قلب خلـه
يا قلب إنساه واذكر اللي جرالك

[تسـ тsωαħήــوٍآهـن]

شمس من حبيت غابت عن سماك




قالوا أبعـد وش يحـدك ترتجيـه
شمس من حبيت غابت عن سماك
قلت أنا ياناس قلبـي فـي يديـه
الغـلا خـلاه بعيونـي مــلاّك
ياعذولي خايفِ منـه ... وعليـه
والسبب جرحٍ بقلبـي ماخفـاك
لا تلومن .. لو بكت عينـي عليـه
بالهوى ربي بلانـي مـا بـلاك
أنت بين يديـك كـل اللـي تبيـه
الزمن ليته عطاني مـا عطـاك
لو يضيع العمر اصبـر وارتجيـه
غيبتـه يانـاس للمبلـي هـلاك

[تسـ тsωαħήــوٍآهـن]

ليتك ترى في غيبتك وش جرالي




لاوحيت لك طاري مع الناس فزيت
حبك بقلبي مـا طوتـه الليالـي
كني فطيـمٍ فارقـت أمـه البيـت
ولا لقـى قلـبٍ بدالـه موالـي
يا منيتي من عقبك الناس مليـت
مالي بغيرك يا حسيـن الدلالـي
بأقرب قريب لي من الناس ضحيت
وارخصت من شانك عزيز وغالي
الله يشهـد مـا بحبـك تسليـت
واليوم قلبـك غيرتـه الليالـي
اشقيتني في عيشتي مـا تهنيـت
وأنت بعذابي مستريـح وخالـي
نسيت حبي كيـف عنـي تخليـت
حطمت قلبي يالغضـي عزتالـي
حطمت قلبي في عذابـي تماديـت
ليتك ترى في غيبتك وش جرالي

[تسـ тsωαħήــوٍآهـن]

يبي يروح الزين ماعـاد ينشـاف

:: ₪ :: :: ₪ ::




الصيف قرب وا عذابي من الصيف
يبي يروح الزين ماعاد ينشـاف
لا غاب عن عيني حسين التواصيف
عز الله إني للشقاء صرت ميلاف
العام جرحي داخل القلب ماشيـف
واليوم أخاف جروح فرقاه تنشاف
قلبي معه والدرب يمـه صواديـف
ليته بجنبي كان ما عندي خـلاف
ياصيف ... لا تبعد قلوبٍ مواليـف
ارفق ترى قلبي على جال ميهاف
في بحر حبه ما تفيـد المجاديـف
انشهد ان الدار لا غـاب تنعـاف

[تسـ тsωαħήــوٍآهـن]

ذكرتني حبك وأنا أقول ناسيـه
جرحت جرحك يوم قرب يطيبي
في شوفتك شديت قلبي لماضيه
يوم أنت عني ساعة ماتغيبـي
يا للي تلوم القلب بفراق غاليـه
ليتك بدنيا الحب تأخذ نصيبي
تمشي بدرب ما تحسب تواليـه
ماتدري إنك بالنهاية صويبـي
تذكر حبيبٍ راح تبكـي لياليـه
دار الزمان وكل شمس تغيبي
بيديه قلبي يا عرب كيف أخليـه
من حبه الظالم تعذر طبيبـي

[تسـ тsωαħήــوٍآهـن]

قبل الزعل ليتك لوضعي تفهمـت




حاول تقدر موقفـي لـو تكرمـت
من شان ماض راح تسمع دفاعي
قبل الزعل ليتك لوضعي تفهمـت
ما بيننا عشرة عمر لو تراعـي
تراك في حكمك علينـا تسرعـت
خلك حليم ولا تصيـر اندفاعـي
كان الخطى مني فأنا لك تعـذرت
قلبك عطوف و ما يسرك ضياعي
دامك بقلبي من إسنيـن تحكمـت
ما شوف لهروج تجي منك داعي
كل الهموم أنساه لا مـن تبينـت
أهواك أنا مهما تكون اندفاعـي

[تسـ тsωαħήــوٍآهـن]

جرحت قلبي يـا عديـم الوصايـف



خايف عليك ومنـك بالحيـل خايـف
عزي لقلبي يجمع الحب والخـوف
خليت قلبـي والشقـاء بـك ولايـف
قلبي عمى وش عاد لو عيني تشوف
عمري قضى ماقلت لـك واحسايـف
عندي نهايه درب الاشواق معروف
جرحت قلبي يـا عديـم الوصايـف
ماظن تشرح ما بقلبي لك حـروف
قلبـي لغيـرك لـو تغليـت عايـف
حبك ملك قلبـي ونسانـي الخـوف

[تسـ тsωαħήــوٍآهـن]

جرحك اللي فات توه مابـرا



ما بقى بي حيل للجرح الجديد
جرحك اللي فات توه مابـرا
صارت الأيام مثلـك ياعنيـد
عن جروح القلب قلبك مادرا
من خطاك العام حاول تستفيد
وادفن الذكرى القديمة بالثرا
يوم قلبي عنك مايبعـد بعيـد
وأنت قلبك بالهوى باع وشرا
ليت من ينساك في حبٍ جديـد
ليت حبك ما على بالي طـرا

[تسـ тsωαħήــوٍآهـن]

من قبل أشوفك ليتني عنك صديت





ياليتني ماشفت زولك ولا جيـت
دربك ولا شافت عيوني عيونك
ليتي معك بالمعرفة ما تماديـت
ليت الظروف وسود الأيام دونك
من قبل أشوفك ليتني عنك صديت
قبل تمكن بالضمايـر طعونـك
الوقت ما جالي على ما تمنيـت
خلن بحالي ما ترجيت عونـك
يا زين من طول المشاوير مليت
يا مشغل قلب شقا فيك هونـك
وين أنت أنا لك تالي الليل ناديت
حتى السهر ماله حلاة بدونـك

[تسـ тsωαħήــوٍآهـن]

وشوف في نظرة عيونك غناتـي





محاولة نسيـان حبـك وطاريـك
أكبر خطاء فكرت به في حياتـي
حبك سطابي حطني بيـن أياديـك
صار إندفاعي لك من أبرز صفاتي
ابيع كل النـاس يازيـن وأشريـك
وشوف في نظرة عيونك غناتـي
ليت الهموم تصيب قلبي وتخطيـك
ما اقول قلي من يسوي سواتـي
يزداد حبـي لـك بزايـد تغليـك
حسيت إني فيـك حققـت ذاتـي

[تسـ тsωαħήــوٍآهـن]

لاتزيد الجـرح مافينـي كفانـي



لا تزيد الجرح ماقصـر زمانـي
شايلٍ بالقلب أحـزان السنيـن
لاتزيد الجـرح مافينـي كفانـي
لا تصير اليوم مع وقتي معيـن
ياحياة الروح ربـي بـك بلانـي
بالحشاء لك جرح يالغالي مكين
في زمانٍ فـات يالغالـي ترانـي
أخفي الأحزان والعبـرة تبيـن
مندفع لك جيت شوقي لك حدانـي
جيت أبي نظرات عطفك والحنين
عمري اللي ظاع باحلام وأمانـي
شوفتي لك يوم والفرقا سنيـن

[تسـ тsωαħήــوٍآهـن]

انت وزمانـي والغرابيـل ضـدي


وقف وقلـي وش سبـب هالتحـدي
ابي الصراحة واقطع الشك باليـاس
انـت وزمانـي والغرابيـل ضـدي
ياللي جرحت القلب وينك والإحساس
قلبي عليـك ودمعتـي فـوق خـدي
منك اشتكي لك ياغناتي من النـاس
لـولاك غالـي مـا تعديـت حـدي
ليتك بنيت الحب مثلي على سـاس
بكيت يـوم اقفيـت وانبـاح سـدي
شربت منك المر كأسٍ بثـر كـأس
ليتـك بنظـرة مـن عيونـك تلـدي
محبتي لك يالغضي ترفـع الـرأس

[تسـ тsωαħήــوٍآهـن]

ذكرى سنين في دقايـق تعـدي





انشهـد إنـك شاطـرٍ بالتحـدي
وانشهد انه غلطتي يا عشيـري
حطيت قلبي شمعـة لـك تعـدي
واحرقتني يومك عرفت المسيري
درب يـودي يالغضـي مايـردي
تلقى على طبعك من الناس غيري
حفظت أنا عهدك وضيعت عهـدي
الشوك لي والورد كلـه لغيـري
أحرقت رسمك يـوم يـدك بيـدي
واليوم ودي عن هواك استخيري
القلـب يعطـي مـرةٍ مـايـردي
حبك تحكم واستقـر بضميـري
ذكرى سنين فـي دقايـق تعـدي
ويلاه من ضيم الحياة المريـري

[تسـ тsωαħήــوٍآهـن]

لو تلتفت ياناوي الصد وتشـوف





لو تلتفت ياناوي الصد وتشـوف
تلقى بدال فراقنـا حـل ثانـي
يشدني حبـك ويبعدنـي الخـوف
ضيعت في رجوى حنانك زماني
حاولت أصور ماخفى عنك بحروف
لقيت حبك فوق كـل المعانـي
أنا على قربك شفـوقٍ وملهـوف
أقبل وتبعد خطوتك عن مكانـي
اللي بقلبي لك من الود معـروف
حسيبك اللي في هواك ابتلانـي
ياقلب ماظنك علـى ذاك موقـوف
بليت بالي باعنـي ماشرانـي

[تسـ тsωαħήــوٍآهـن]

خلوني أنسـا لا تجيبـون طاريـه




حاولت أعزي مثل غيري من الناس
لقيت نفسي أستحق العـزاء فيـه
يا موت مالك قلب ما عندك إحساس
ما شفت حال اللي فقد شوف غاليه
يا موت ما ترحم طوى حالي الياس
قلبي جريحٍ ما لقى مـن يواسيـه
يا موت لو تشرب من الهم لو كاس
ترحم وحيـدٍ هـم قلبـه يباريـه
قالوا مقدر قلت يا نـاس لا بـاس
أصبر وهمي في حشا القلب مخفيه
أمرٍ قضاه الله على العين و الراس
خلوني أنسا لا تجيبـون طاريـه

[تسـ тsωαħήــوٍآهـن]

دخيلك لا تلـوح فـي ذراعـك




وداعك كيف أبتحمـل وداعـك
وداعك موت ياكل الحبايـب
دخيلك لا تلـوح فـي ذراعـك
ترى قلبي بنار الشوق ذايب
دخيلك قبل ماتطـوي شراعـك
منين الصبر قلي وأنت غايب
على الفرقا وأنا أشوف اندفاعك
وأقول الله يادنيـا العجايـب
شريت الزين ياقلبـي وباعـك
وراح اليوم وجروحك عطايب
نهايتنـا بكلمـة قلتهـا لـك
وداعك موت ياكل الحبايـب

[تسـ тsωαħήــوٍآهـن]

عزي لقلب مثل قلبـك تـولاه




قلبي بعيدٍ عنك وين أنـت ويـاه
قلبي عليك اليوم أبعد من أسهيل
قلبي كفاه من الشقاء منك ماجاه
ما حده الله للشقاء والغرابيـل
قلبي معك ذاك أمس تامر وتنهاه
واليوم عيني منك ماتسهر الليل
نسيت حبك وأنت ياليـت تنسـاه
أيامنا ضاعت خـداعٍ وتمثيـل
عزي لقلب مثـل قلبـك تـولاه
ماعاد ابي للي حصل منك تعليل
هذا الفراق اللـي تبيـه وتمنـاه
خلك بعيد وعلها لـك تساهيـل

[تسـ тsωαħήــوٍآهـن]

أنشهد إن الطيف بالحيـل وافـي






بالليل طيفك زارني وأنت زعـلان
أنشهد إن الطيف بالحيـل وافـي
جاني يقول : بنظرة عيونك أحزان
نظرة عيونك بينت كـل خافـي
إلى متى تسهر وهو منك سهـران
خل العناد وماضي الهـم كافـي
ياطيفها .. للصبـر حـدٍ وميـزان
الليل طال وثوب الأحزان ضافـي
ياطيفها .. يستاهل القلب نيشـان
ياما على جمره مشى القلب حافي
عندي تساوى اليوم وصلٍ وهجران
مانلتقي بين الـدروب إختلافـي

[تسـ тsωαħήــوٍآهـن]

صار الأمل للياس والهـم مفتـاح





ممـا جـرى ياصاحبـي لا تـكـدر
حزني طبيعـه ماتعـودت الأفـراح
الصبـر ينفـذ والغرابيـل تكـثـر
صار الأمل للياس والهـم مفتـاح
ابكـي شبابـي وأشتكـي وأتـذكـر
وقتٍ مضى ليتـه توقـف ولا راح
ابكي شـره وابكـي نـدم واتعبـر
من حر مابي ليت من مات وارتاح
طبع الو فـاء يانـاس فينـا تغيـر
حتى الو فاء مسكين من غدرنا طاح
الله معـك مابيـك مـنـي تـعـذر
يكفين عنك اسهيل والطير لا نـاح
يمك حدان الشوق مـا نـي مخيـر
واللي حداه الشوق معذور لو صاح

[تسـ тsωαħήــوٍآهـن]

عيني على اللي مضى هلت عبايرها





عيني على اللي مضى هلت عبايرها
فرقاك نار صلتني فـي سعايرهـا
يا من سمع هرج عذالـي وعذالـه
لك مدة مبتعد وخطـاك قاصرهـا
ظنيت حبـك يـدوم ودارت الدنيـا
سهراتنا اللي مضت هذي عواقبها
أنا معك ماشيا بالسمـع والطاعـة
محبتي ما بها شـئ يعـذر بهـا
وشلون تقفي وقلبي تشتعـل نـاره
أما انقذ الروح والا فأنت دمرهـا
خذ من حياتي حياتي وارجع الماضي
وابعد عن النفس ضيقات تحاصرها

[تسـ тsωαħήــوٍآهـن]

عسى ماشر زولك مـا نشوفـه





أشوفك مـا سئلـت وقلـت طـول
عسى ماشر زولـك مـا نشوفـه
عسى قلبـك لغيـري مـا تحـول
مـا دام إنـك بقلبـي لا تلوفـه
عـذولٍ بينـنـا قــال وتـقـول
تجي وتروح والعيـن مخطوفـه
تذكـر فـي ربيـع الـعـام الأول
تذكر قبـل تجرحـك الحسوفـه
لجا فـي خاطـري هـم وتجـول
وأنا أرجي من وراء الظالم مروفه
بقلبـي حـب لـو صابـك تهـول
تعرف الحب يمكن مـن حروفـه

[تسـ тsωαħήــوٍآهـن]

سفينتي في بحر الأحزان تجـري




ابكي هوانـا كلمـا نـاح قمـري
واذكرك لا ضاقت على نفسي الدار
وأنت بجروحي يا هوى البال تدري
ياشايلٍ قلبي على كـف الأقـدار
حفرت في ذكـراك هـمٍ بصـدري
لولا الأمل والخوف بيحت الأسرار
سفينتي في بحر الأحـزان تجـري
يا زين في عهدٍ مضى صرت غدار
مهما يطول الليـل بتـلاه فجـري
لا بد من صبحٍ عقب ليل الأكـدار
حبك طوى ياغاية النفـس عمـري
متى بشمسك ينجلي ليل الأكـدار