::|[ ديوان الشاعـــر/ فهد المفرج ]|:: [الأرشيف] - ::: منتديات جمر الشوق الأدبية :::

تسـ тsωαħήــوٍآهـن

06-05-2008, 09:00 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الرحيــل ..

صباح الاثنين كل النـاس مذعـوره
علم لفى كدر القاصـي مـع الدانـي
قالوا وطنكم توفى اللي حمى سـوره
العاهـل اليعربـي يالقايـد البـانـي
موكدين الخبر بالصـوت والصـورة
والله فلاأدري عقب ذا العلم وش جاني
هلت دموع العيون وقلـت معـذوره
حاولت أكف العباير ميـر ماأمدانـي
نبكي وكل العرب يبكون اخو نـوره
يبكون عز الديار ونـور الأوطانـي
من عاليات الحجـاز لـرأس تنـوره
ومن صوب حد اليمن لحدود عمانـي
وتبكيه مكـه وبيـت الله وحضـوره
والكعبة اللي كساها بأغلى الأثمانـي
ويبكيه مسجد رسـول الله وجسـوره
له بصمةٍ باقية مع طـول الأزمانـي
والأسرة المالكة والشعب وقصـوره
يبكون فرقا ملكهـم سـر واعلانـي
جونا ملوك الدول من كـل معمـوره
من جاه علم ابوفيصل جاء لنا عالـي
كلٍ يعزي نـوادر نجـد وصقـوره
في شيخنا اللي توفى ذرب الأيمانـي
محدٍ لعب دور في الدنيا مثـل دوره
أنا أشهد انه فريـد النـوع وحدانـي
له فزعةٍ مع كويت الخيـر مشهـوره
ولـه وقفـةٍ يحترمهـا كـل لبنانـي
مواقف الفهد تحسب لـه ومشكـوره
ومساهمات الفهد فـي كـل ميدانـي
شيخٍ مدون له التاريخ فـي سطـوره
سيرة بطل للشرف والمجد عنوانـي
زعيمنا معجـزة .. لاوالله اسطـوره
لو جيت أعدد فعوله يعجـز لسانـي
قالوا توفـى فهدنـا واختفـى نـوره
قلنا ليا غـاب نجـمٍ يطلـع الثانـي
يبقى فهد في قلوب الشعب وجـذوره
تروي بغيث الكرامة كـل ضميانـي
والحـمـدلله راضـيـن بمـقـدوره
وحنا عوضنـا بعبـدالله وسلطانـي
وأخوان عبدالله اللي شورهم شـوره
نحبهـم كلهـم مـن دون نقصانـي
وعسى السحايب بنو الخير ممطـوره
تمطر على قبرٍ شيخٍ شد الأضعانـي
تسقي ثرى العود وتديم على قبـوره
آميـن ياربنـا خـلاق الأكـوانـي

للإستماع للقصيدة اضغط هنا (http://www.5ymah.net/rm/fhdd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:01 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الله يعز البلد ..

الله يعز البلد فـي ظـل عبـدالله

سادس ملوك الوطن شيخ السعوديه

قالوا توفـى فهدنـا قلـت لاوالله

مامات شيخٍ له اخـوانٍ شقرديـه

اليوم في عهد ابومتعب تحت ظله

يمشي على سيرة أسلافـه بجديـه

يقول شعبي مثل عيني وأبفطن له

لله درك ملـك ياطيـب النـيـه

مجبول فيك التواضع وأصبح جبله

تحظى بتقدير من شعبك وشعبيـه

زعيمنا يرتكـي للحمـل ويشلـه

زعيمنـا للعـدو مافيـه ماويـه

زعيمنا جعل رب البيت يمهل لـه

ريف الرمل واليتامى والجلاويـه

ماهو غريب السياسة فيك مندلـه

من روس حكام ورجال سياسيـه

أهل المواجيب وأهل السيف والدله

وأهل الشجاعة ليا من كبرت الهيه

أهلـك خيالـة التوحيـد والملـه

حرابة الشـرك بآيـاتٍ سماويـه

يوم القبور عبدوها والفتـن علـه

جدك عدلها عقب ماهيـب ملويـه

وابوك عبدالعزيز الدين شرعٍ لـه

ماجابن البيـض لامثلـه ولازيـه

لاحل طاريه يرتـد الحكـي كلـه

ماعاد للسالفـة روحـه ولاجيـه

معزي اللي يعقد الحبـل ويحلـه

معشي الذيـب زيـزوم الرياديـه

يالله عسى الجنه الخضراء مقرٍ له

آميـن ياربنـا ياغافـر السـيـه

ماشفت حاكم حكيم مثـل عبـدالله

ولاشفت شعبٍ مثل شعب السعوديه

للإستماع للقصيدة اضغط هنا (http://www.5ymah.net/rm/zaeeeym.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:01 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. البيعـــة ..

مضى عامٍ على البيعة ومازلنا على المعهـود
على المعهود من عهد الولاء والسمع والطاعة
الا ياعيال ابوتركـي ترانـا مانسينـا العـود
وحنـا للذمـم وعهودنـا مـنـاب بيـاعـه
توارثنا محبتكـم مـن الجـدان ورث جـدود
وحنا مانبي الا أنتـم محبـة قلـب وولاعـة
غلاكم من غلا عبدالعزيز ابو الكرم والجـود
جمعنـا عقـب فرقتنـا وربعنـا بمربـاعـه
جته بالسيف الأحدب والتعب والجهد والمجهود
الين أضفى عليها ستـرة التوحيـد وشراعـه
وعقبه واصل المشوار راعي المكرمات سعود
سعود سعود راعي الجود عون العود وذراعه
وجاء للحكم فيصلنا وفيصل موقفـه مشهـود
شهيد الدار يبكونـه رجـال الديـن وأتباعـه
ومن بعده حكم خالد وخالد له بقـاء وخلـود
وفي عهده شملنا الخيـر بأشكالـه وبأنواعـه
وحكمها بعد ابو بندر فهد والفهد نسل فهـود
عليه الشعب يبكي من شهر ستة لذا الساعـة
وحنا اليوم في حكم الإمام العـادل المحمـود
قوي الباس ابومتعب قرين الخير مـن باعـه
حبيب الشعب ابومتعب وحنا له سند وجنـود
زعيمٍ حافظٍ دينه وشعبـه حسـن أوضاعـه
نحبه حب مايوصف نحبه حـب دون حـدود
نحب اخوان عبدالله ليـوث الـدار وسباعـه
الا ياكثـر ماقلنـا وقلنـا نطلـب المعبـود
ألا يالله طول عمر ابومتعب علـى الطاعـة

للإستماع للقصيدة اضغط هنا (http://www.5ymah.net/rm/albaiah.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:02 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ياريــوف ..

ياريوف ياعلك بحالـي تروفيـن
لاقل شوفي وانحنت بي عصايـه
يمين من نـزل تبـارك وياسيـن
انك قمر عمري وكوكب فضايـه
أدراك بالخاطر وأعاملـك بالليـن
وأرجي عسى الله مايخيب رجايـه
أحب من حبك وأعادي المعاديـن
وأدعي لك الله بالستـر والهدايـه
فقدتك البارح وجريـت صوتيـن
هذي وهي ليلـة وعنـد نسبايـه
كله غلا ياويلي اثر الغـلا شيـن
الله واسالـه لايبـيـن غـلايـه
من حبها حبيت كـل الصغيريـن
صارت محبتهـم بقلبـي هوايـه
عودتك الممشى علشـان تمشيـن
أشـد بالثنتيـن وأقصـر خطايـه
واليا بكيتي قمت أهلل وتصغيـن
وأحيان أغني لـك وأردد غنايـه
يضيق صدري لاسمعتـك تونيـن
وأجر صوتي من خلايب خلايـه
وان جيت أبسهي عنك لديت بالعين
الدرب قدامـي وأطالـع ورايـه
رد الوفا ياريوف مابيـه هالحيـن
أبيـه لادارت علـيـه رحـايـه
أبيه لامن صارت العشـر ثنتيـن
اليا تركونـي عزوتـي واقربايـه
وأبيه لامنه غـدى الليـل ليليـن
لااشتدت الأيـام وأظلـم سمايـه
وأبيه لا عـزوك فيـه المعزيـن
تدعين رب البيت يغفـر خطايـه
اليا كتب ربـي فـراق المحبيـن
ثـم دفنونـي لابتـي وأصدقايـه
توك صغيرة سن منتيـب تدريـن
والعالـم الله وش تكـون النهايـه
اما التفتي لي وزين علـى زيـن
والا رميتينـي بـدار الرعـايـه

للإستماع للقصيدة اضغط هنا (http://www.5ymah.net/rm/ya-reof.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:03 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. رهـــف ..

البارحه ساهرٍ ماغمضـت عينـي
وشلون ابرقد وانا عيني شقاويـه
اليا تذكرت بنتي فرحـة سنينـي
هلت دموعي على الخدين جبريـه
بين الدكاتر تصوت لي وتدعينـي
لبيه ياقلب ابوك اللي طفى ضيـه
شالوا ذهبها على زين الفساتينـي
والثوب الازرق عليها صار ماريه
تلد عين الحزن وتقول وش فينـي
بابا حبيبي تكلـم قـول وش فيـه
صديت عنها وانا اللي في كافيني
في ذمتي يارهف ماهوب في يديه
خليتها عندهم واقفيت من حينـي
ومن ضيقة الصدر جريت الهجينيه
العين تبكي وهوجاسي مخاوينـي
ومن لامني في رهف مافيه ماويه
والله مااخليـك دام الله مخليـنـي
ياشمعة الـدار يانـور العزيزيـه
ومادبر الواحد المعبود مرضينـي
رضيت في دبرتك ياعالـم النيـه

للإستماع للقصيدة اضغط هنا (http://www.5ymah.net/rm/rhhaaaf.ra)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 09:03 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. دولــة ورجــال ..

سـلام الله سـلام الله سـلام الله علـى البانيـن
بنـوا مـجـدٍ باياديـهـم وكملـنـا باياديـنـا
ابوفيصل وابومتعـب وابوخالـد حمـاة الديـن
مزعلهـم مزعلـنـا ومرضيـهـم مرضيـنـا
لهم فـارقابنـا بيعـه لهـم فـقلوبنـا تمكيـن
عهـود جـدود وسـط لحـود نفنـا ماتخلينـا
غلاهم مـن غـلا عبدالعزيـز وكلهـم غاليـن
وحنـا تحـت طاعتهـم مـن اولنـا لتاليـنـا
من اللي ناصر الدعوه من اللـي ورّد الظاميـن
من اللي وحد الدوله مـن المينـا الـى المينـا
من اللي حصّن الكعبه وزمزم والحرم تحصيـن
من اللي طبَق الشرع السماوي فـوق اراضينـا
من اللي ومّن الحجـاج لاجـوا للحـرم عانيـن
من اللـي ولّـف قلـوب القبايـل قبـل ياتينـا
هذاك الفذّ اخو نوره حجا المضيـوم والمسكيـن
هذاك اللي بعيـن العطـف والرحمـه يراعينـا
هذاك اللي عشق نجد وسنينه في بحـر عشريـن
هذاك سنين حاضرنـا هـذاك امجـاد ماضينـا
لفى من شرق يرفع بيرق التوحيد عقـب سنيـن
مـن افـراق ٍ معذبنـا وشـوق لـه ٍ معنيـنـا
لفانا يضحك حجاجـه وحنـا لـه بعـد راجيـن
وأسس دولـة الاسـلام وحكًـم شـرع والينـا
تزّعم واشرقت شمسه على القاصيـن والدانيـن
تمنيـنـاه مـنـوه لـيـن جـانـا ماتمنيـنـا
فرحنا ثم عرضنا عرضة ّ صفوا لهـا الصفيـن
وشاركـنـا وباركـنـا وهنـونـا وهنـيـنـا
ونادانا المنـادي رافـع ٍ صوتـه بعلـم ٍ زيـن
وقـال الحكـم لله ثـم لابوتـركـي وناديـنـا
حكم فينـا بشـرع الله وحـدّ السيـف للجانيـن
وسمّـاهـا السعـوديـه وباسمـاهـا تسميـنـا
تحت حكمه بنينا ياعرب بيت الشعـر والطيـن
وتحـت حكمـه تطهرنـا وكبرنـا وصليـنـا
وتحت حكمـه توحدنـا وبينّـا الهـدى تبييـن
وتحت حكمه ترابطنـا حضرنـا مـع بوادينـا
وتحت حكمه تجندنا وصرنـا للوطـن حاميـن
وتحـت حكمـه تعلمـنـا وعلمـنـا وربيـنـا
هـل الارهـاب والتفجيـر والتكفيـر ملعونيـن
خسـوا يخسـون جنـد ابليـس لامنـا ولافينـا
هـذولا مالهـم ذمـه هــذولا والله الغـاديـن
هذولا مجنـن مجنـن واجـن مـن المجانينـا
اجل وشلون في شهر رمضـان بفعلهـم ناويـن
جـوار البيـت فـي مكـه وياربـي تعافيـنـا
ألا وش ذنب ابو تسعين عام وذنب ابو شهريـن
ألا ياكـبـرهـا ياعـبـرهـا الله لايـوريـنـا
عسى الله مايوخذنـا بفعـل الطغمـة الطاغيـن
وحـوش ومجرميـن وظالمـيـن ومستبديـنـا
ينابح كلـب لنـدن ويتعـزوى بـارد الخديـن
زبـن عنـد اليهـود وقـام يشتمنـا ويوذيـنـا
عماُ يعمي عيونه مابقى الا هـو غـراب البيـن
اجل هي سايبه يومه على ابـن سعـود يدعينـا
شبح وجه وعمى عين ومرض قلب وكسر رجلين
علـى مـن سـب دولتنـا وحاكمنـا واهالينـا
انا بدعـي وقولـوا بعدهـا ياالسامعيـن آميـن
عسى ربي يطـوّل عمـر ابونـا اللـي يذّرينـا
عسى الله يحفظه ويديـم عـزّه خـادم البيتيـن
ابوفيصـل تحـت حكـمـه تظللـنـا وبنيـنـا
ملكنا اللي نماري به ونفخـر بـه ولـه وافيـن
معزبـنـا وقايـدنـا وسـيـدنـا وحامـيـنـا
ملكنا الوالد القايد ملكنـا اللـي حمـى الثنتيـن
مجنـدنـا لـديـن الله ميامـيـن ٍ ميامـيـنـا
ملكنا لاتضايق مـن فعـول الزمـره الباغيـن
تطـمّـن يـاولـد عبدالعـزيـز ولاتوصيـنـا
على اليمنى على اليمنى معك والله يميـن يميـن
ومايلـزمـك يلزمـنـا ومايعنـيـك يعنيـنـا
ومايزعلك يزعلنـا ومايرضيـك بـه راضيـن
ومايبـعـدك يبعـدنـا ومايدنـيـك يدنـيـنـا
تأسينا باابوبكر وعمـر وايضـاً بـذا النوريـن
ورفعنـا رايـة الديـن الحنـيـف ولاتونيـنـا
ولانجحد وفا الوافي ولاننسـى خطـا المخطيـن
وطيـبـة ٍ فعايلـنـا وموجـعـة ٍ مراميـنـا
فزعنـا للكويـت ولانبـي لحـد ٍ علينـا ديـن
نخانـا جـابـر الأحـمـد ووفيـنـا وكفّيـنـا
على صدام ردينا الجـزا والصـاع بالصاعيـن
وخلينـاه يلعـن كـل كلـب ٍ وهـقـه فيـنـا
عليهم دارت الدنيا وراحوا في رحاهـا طحيـن
واخونـوره بخيـر وخيـر اخونـوره مغطينـا

للإستماع للقصيدة اضغط هنا (http://www.5ymah.net/rm/dolhorgal.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:04 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. وجــودي ..

وجودي على الطيِّب .. وجودي على الأجواد
وجـودي علـى اللـي ضيفهـم مايملونـه
وجودي على شـوف السوانـي وهـن رداد
وجودي على شوف البعـل يـوم يطوونـه
وجودي على الشيـلات ومشاهـد الحصـاد
وجودي علـى طـرق الهجينـي يشيلونـه
وجودي على شوف الحيـا والمطـر منقـاد
وجودي على شـوف البـدو يـوم يتلونـه
وجودي على شوف المروبع رفيـع عمـاد
وجودي على شوف المغاتيـر مـن دونـه
وجـود السجيـن اللـي تقيـد عليـه قيـاد
فقيـر ولا لـه لابــةٍ تقـضـي ديـونـه
وانـا وأحمـد الله ماعليَـه مـن الحـسـاد
ولاهمنـي هـرج الـردي عميـت عيونـه
وانا لي مع أهل الطيب مصدر ولي ميـراد
وأحب النشاما وأبخـص الطيـب وشلونـه
وأحـب الرفيـق اللـي يسيـر بلاميـعـاد
وأحب الشجـاع اللـي خصومـه يهابونـه
وأحب الأصيل اللـي تقيـد بسلـم أجـداد
يهـب الهـواء ويـزل ماحـرك غصونـه
ولـي منهـج ماغيـره دام لـي مقـعـاد
يشيب الغـراب وطيـب السـاس ماخونـه
ولا أخـاوي الا طيـبٍ يفتخـر بأمـجـاد
اليـا ضاقـت الدنيـا بالأجـواد ينصونـه
ولانـيـب للمقفـيـن تـابـع ولاطــراد
ترى طـارد المقفيـن تسـري بـه جنونـه
ولانيـب للـي صـد عنـي تـرى نشـاد
ولاأخيـل بـرق لاح فـي عالـي مزونـه
ومن زعل مني قلت له منـت ابـن شـداد
ولا انتـه ذيـاب اللـي بشلفـاه يطرونـه
وأنا ماأرجي محمد ولاخفـت مـن حمـاد
ولا قلـت ويـن حمـود ياللـي تعرفونـه
ولاأخلـي الدلـة علـى ذمــة الـبـراد
وأنا أنقد على اللي طبـع الأجـداد ينسونـه
وأنا ماأذكر انـي كنـت شاعـر ولاقصـاد
لكن الزمـن خلانـي أقصـد مـع لحونـه
تصبرت لي مدة وأشـوف الصبـر مافـاد
وعزي لمن بيـح شقـى الوقـت مكنونـه
ياليت الزمـان اللـي مضـى مـرة ينعـاد
ياليـت الليالـي تحفـظ العهـد وتصونـه
أهل العباير لاطـرى مامضـى وش عـاد
زمـان السعـد لافـارق النـاس يبكـونـه
عسى الوقت يصفي والليالي تعـود أعيـاد
يطيب الصويب ويسعـف القلـب مضنونـه

للإستماع للقصيدة اضغط هنا (http://www.5ymah.net/rm/wgoodymfrg.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:05 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. تكفى يابومتعب ..

ياعل من سـب النبـي والصحابـه
يشـوف ماشافـوه تبّاعـة الفـيـل
باكـر يصـب الله عليهـم عذابـه
ويظلّهم طيـرِ مثـل طيـر ابابيـل
وتصبح منازلهـم هـدام وخرابـه
ويشفي صدور اهل الصدور المغاليل
اهبـوا مربيـة البقـر والكـلابـه
اهبوا هبيتوا كان ماانتـم رجاجيـل
شرّابـة الوسكـي ذبحهـم شرابـه
حنـا دواهـم والليالـي مقابـيـل
نبينـا دونـه اســود الحـرابـه
مير الخلا يااهل القلـوب المهابيـل
خـان الدنمركـي وقـرّب ذهابـه
ياويله من اهل السيوف المصاقيـل
امـه تبـي تبكـي وتنعـي شبابـه
وعليه عين اخته تبي تسهـر الليـل
وحيـاة مـن نـزل علينـا كتابـه
انّـا لهـا ياقاطعيـن المواصـيـل
بقيـادة اللـي كـل مجـرم يهابـه
العاهل الحلحيل مـن راس حلحيـل
شيخ الشيوخ اللـي عزيـز جنابـه
ابن سعود الوايلي مسـرج الخيـل
تكفـى ياابومتعـب نبيهـا طلابـه
نردّها في نحورهـم يامـلا السيـل
نبـي نخليـهـم عـشـاًَ للذيـابـه
وحنا هل العـادات ذبّاحـة الحيـل
شعبك يبيهـا منـك ياشيـخ ثابـه
نقمع بهـا روس الفتـن والاباطيـل
الليل والله يحمده مـن سـرى بـه
وترى الندامه في السهر والتعاليـل
وهـذا الوطـن نبينـا فـي ترابـه
وهذا فخرنـا ياالقـروم المشاكيـل
اطهر جسد فـاطهر ثرى لاغرابـه
اليا فزعنا نرهب الجـدي وسهيـل
فـقلوبنا محمد وشـرعٍ مشـى بـه
حبّـه توارثنـاه جيـل بعـد جيـل
من دونه السيف المذّهـب نصابـه
ومن دونه ارقاب الرجال المفاتيـل

للإستماع للقصيدة اضغط هنا (http://www.5ymah.net/rm/dnmarkmfrg.rm)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:06 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. مفرق تميـر ..

رحت الرياض وجيت يومي تقضيت
وأقـول سمـح دربنـا ياكريمـي
يومي تعديت الحسـي وارجهنيـت
سالـي ومتسلـي وحالـي سليمـي
عارض غزال وشتت العقل تشتيت
مزيون متزيـن وشكلـه عديمـي
نظرني بعينـه وأنـا مااستعديـت
وأصبحت من نظرات عيونه سقيمي
أهملت أنا الطاره وبالزين سجيـت
كني على وارد أمريكـا غشيمـي
عشرين كيلو كل ماأسرعت هديـت
وأقفى ولاأخذت الوفاء من غريمـي
أشمل وأنا مع مفرق تميـر لفيـت
مدري من أهل سدير والا قصيمـي
مير الوكاد انـي بشوفـه تسليـت
والظاهر ان الزيـن منـا تميمـي
يوم التفت لي وابتسم شمعة الليـت
ضاعت علومي والسبايب خصيمي
من شوفته لانيـب حـي ولاميـت
جدد حبيب الروح جـرحٍ قديمـي
عاقل ولكن عقـب فرقـاه جنيـت
ودموع عيني مثـل دمـع اليتيمـي
ماينفـع الأدويـة لـو تـداويـت
دواي شوفـك ياهبـوب النسيمـي
لو بالتمنـي يـوم شفتـك تمنيـت
تصيـر كـل الليـالـي نديـمـي
لكن ترى ماأخبر أحد فادتـه ليـت
خليتنـي ياصاحبـي مستهيـمـي
ياصاحبي ودعتك اللي حمى البيـت
اللي على أحوال الخلايـق عليمـي

للإستماع للقصيدة اضغط هنا (http://www.5ymah.net/rm/rhtryad.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:10 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ياقبــر ..

ياقبر سلم لي على اللي نزل فيـك
مع النبـي الهاشمـي والصحابـه
ياابوي ياللـي طيبـات مماشيـك
اسمع ولدك اليـوم يكتـب جوابـه
بجيرة الرحمـن ياابـوي اهنيـك
الواحد اللي مايخيـب الرجـا بـه
ياابوي جعل الغيث يمطر ويسقيـك
يرش قبـرك ليـن يربـع جنابـه
ماعنك خافي كل ما حـل طاريـك
يهل دمعي مثـل وبـل السحابـه
وتبكي الحنون وتنتخي بك وترجيك
من لامها جعلـه يضيـع صوابـه
وذي بندقك تبكي وبشتـك يناديـك
وعليك راعي الطيب شقـق ثيابـه
ويبكي عليك العود الازرق ويرثيك
المجلـس مابعـد صــك بـابـه
وتبكي عصاك اللي وزانك تباريك
والدلـه الصفـرا وباقـي زهابـه
ياابوي ليتك تسمع اللـي يشاكيـك
وتشوف عقبك ماجرى له وصابـه
على النعش سجت عيوني تراعيك
واشوف قبرك يـوم هلـوا ترابـه
وشفت النصايب فوق قبرك تحجيك
ياشين هاك اليوم واللي جـرى بـه
اقفوا وانا قلبي من الشـوق قافيـك
اقنب مـن الفرقـا قنيـب الذيابـه
ياابوي انا لك برفع الصوت وابكيك
وقـت مضـى وايـاك لاواسفابـه
لوطالـت الايـام مانيـب ناسيـك
وشلون ابنسى من عطانـي شبابـه
وياتمير انا عقب احمر العين ماابيك
تمير عقـب العـود وش ينبغابـه
لولا رجال فيك ماجيـت ناصيـك
اللي لهـم عـز وجـلال ومهابـه
كل يغيب ورجعتـه لـك تسليـك
الا طريح المـوت يبطـي غيابـه
مرحوم يااللي كل الاجواد تغليـك
فيك الكرم والجود كـل درى بـه
سبـع سنـوات مالقيينـا مداويـك
عسى لك الجنـه مـن الله وهابـه
في جنـة منزالهـا عنـد واليـك
مع النبـي الهاشمـي والصحابـه

للإستماع للقصيدة اضغط هنا (http://www.5ymah.net/rm/yaqbrslm.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:11 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. جيت الثمـامــه ..

جيت الثمامه وجاني الهـم والحيـره
من فعل جيل ظهر في وقتنـا التالـي
جيـل تغيـر عليـنـا يالله الخـيـره
عيـال نعمـه ولكـن مالهـم والـي
واحدهم اليا طرى لـه فـك ازاريـره
حذف شماغه وعرضنا يبـى الجالـي
يركب على الجيب ويوري جماهيـري
عزي لحالـه وانـا ياعـزي لحالـي
يحـن قيـره ولا يعطيـه تغيـيـره
يرقى وينزل مراويح علـى الخالـي
سرداد مـرداد كنـه شـارب بيـره
ينقـد علـى فعلـه مجنـن وعقّالـي
ياظالم الجيب كفوك تركـب صغيـره
لومي على ابوك لاجل ركبـك غالـي
الجيب مهوب لـك ياراعـي الديـره
الجيب للي ينوبه في الخـلا الخالـي
المذهـب اللـي متعبتـه مـداويـره
ينشد ويسبر وغيـره دانهـن سالـي
راعي المغاتير همـه مـع مغاتيـره
يطرد وراهن وحاديها اشهب اللالـي
والجيب مهوب لك يامغـازل منيـره
الجيب للي يـدور ويحتمـل صالـي
الجيـب خلـوه للـي ناقـل طـيـره
يدعيه باسمه ويرفع صوتـه العالـي
هـذا وانـا ارتـاح للبـر ومساييـره
يازين عقب التعب في البـر مقيالـي
والليل لاقبـل علـي فـي دياجيـره
اشب ضوّي واركـي فوقهـا دلالـي
يامحلا الصبـح لاغنـت عصافيـره
صوت ام سالم يخلـي الهـم ينجالـي
فـي خايـع مربـع تلعـب نواويـره
مع طلعة الشمس ريحه يطرب البالـي
وجدي على شوفة الشوكي وازاهيـره
وجدي على شوف الارطاوي الى سالي
وجدي على شوفة التنهـات والحيـره
لاشفت انا البر كنـي شايـف عيالـي

للإستماع للقصيدة اضغط هنا (http://www.5ymah.net/rm/thmammh.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:11 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. العيــون السـود ..

خابرٍ مربـاك يازيـن التثنـي
ساكنٍ يانـور عينـي فالبديعـة
القصائد والقوافي يـوم أغنـي
فيك يالمجمول صارت لي طبيعة
منك أنا يانور عيني وانت منـي
من يفـرق بيننـا لا مانطيعـه
العيون السود في لحظه رمنـي
صوباً القلب في لحظه سريعـه
والخدود اللي عساهن يسلمنـي
مثل برقٍ لاح بالظلمـاء لميعـه
ليه تاخذ قلبي المجـروح منـي
رد قلبي لـي يامـال القطيعـة
وكان معزم وقلبـك مرجهنـي
قلبي المجروح يالغالي وديعـه
الليالـي جعلهـن مايربحـنـي
أبعدني عنـك ياكبـر الفجيعـه

للإستماع للقصيدة اضغط هنا (http://www.5ymah.net/rm/ayooonsoood.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:12 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. تبي تحسَّف ..

البارحه شفته وانـا مهتـال
بالحلـم لاقيتـه ولاقـانـي
قال الموده قلت له غربـال
قال المبعد قلـت شيطانـي
قال الهوى قلت الهوى قتال
قال المفارق قلـت بكانـي
قال الصراحه قلت ماتنقـال
مير ادمح الزله على شانـي
حبك ذبحني والحمول ثقـال
وكثر التغلي منـك عنانـي
تمرني ماقلت كيف الحـال
وانا على يمناك مـن دانـي
تبي تحسف وانشـد العقـال
واذكرك كـان الله احيانـي
وان كان من حبك يجيه هبال
شهـار مستشفـاه يتنانـي
ياليتني في الخد حبة خـال
حدر المبيسم والعمر فانـي

للإستماع للقصيدة اضغط هنا (http://www.5ymah.net/rm/albaaaarehh.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:13 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الطيِّب ابمدحه ..

الطيِّـب ابمدحـه والنـذل ابذمـه
مادام روحي جليل الملـك محييهـا
ترى الولد لاتردى في ولـد عمـه
ماينفعـك بـأول الدنيـا وتاليـهـا
والدين يطرد منام العين من همـه
والفقر يخلف رجالٍ عن مماشيهـا
والبخل قالوا عدو المرجلـة سمـه
راعيه ناقص عقل والرجل مشقيهـا
مانيب أداني الخطأ ولا أنقل النمـة
ولاأسمع السالفة من دون طاريهـا
ولا أجالس الجاهل اللي يستخف دمه
والكلمه الطايشـه مانيـب ادانيهـا
ولاآرد العد لامنـه صفـى جمـه
ولاأشرب الا قراح الماء وصافيهـا
ولاألبس الثوب لامنه قصـر كمـه
ولاأنقل البندق اللي تخون راميهـا
ولاأقرب الداب لجلي خابـرٍ سمـه
أخاف من نهشـةٍ مانيـب قاويهـا
والورد لامن غدى مشموم ماأشمـه
أدور الوردة اللـي ماعبـث فيهـا
أحب راعي الوفاء والطيب والهمة
وأعز نفسي عن الذلـة وراعيهـا
ومن لايحب المراجل ما التفت يمه
ذي عادتي عـادة لله مـا اخليهـا
ولي عهد وافي ولي مبدأ ولي ذمة
ولي عبرةٍ عن جميع الناس مخفيها
ولي نفس منزالها في عالي القمـة
وعندي كرامة ماأدنسهـا وأدنيهـا
واللي يبي يمسهـا ماجابتـه امـه
هانت عليه الحياة ورخص باقيهـا
وان جاء نهارٍ به الغـارات ملتمـه
أبيع روحي نهار الكون ماأشريهـا
تلميذ شيخٍ مثيـل المقبـرة ضمـه
الله ينجيـه مـن نـاره وصاليهـا
شاعر وأحب الشعر وأبداه وأتمـه
أصخر بيوت الشعر وأفهم معانيهـا

للإستماع للقصيدة اضغط هنا (http://www.5ymah.net/rm/altybbmdhh.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:14 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. ماوجه سهومه الا لي !! ..

صاحبي ماوجـه سهومـه الا لـي
اكتب اسمي بالقلم تحـت توقيعـه
كـل ماسجيـت طـروك يالغالـي
وانجرح قلبـي وزادت مواجيعـه
من عذلني في محبة هـوى بالـي
والله اني ياهـوى البـال ماأطيعـه
بالعيون اللي بكاهـا بـرى حالـي
أشتري حب أريش العين ماأبيعـه
عقب مانـي يافهـد دالـهٍ سالـي
صرت والله خاتمٍ بيـن أصابيعـه
من غلاه أرخصت دمعي وهو غالي
ماقويـت أجاملـه وقـت توديعـه
فضحتنـي دمعتـي بيـن عذالـي
وافترق هاك الشمل عقب تجميعـه
دمعي ياللي فوق الأوجان همالـي
يسقي الشوكـي ويـروي ترابيعـه
أشهد ان فـراق الأحبـاب قتالـي
يذبح العاشـق ويحـرق مداميعـه
كم شجاعٍ يضربون بـه الأمثالـي
صارت الفرقى من أسباب تشييعـه

للإستماع للقصيدة اضغط هنا (http://www.5ymah.net/rm/SAHBY.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:15 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. ياوجودي عليها ..

ياوجودي عليها وجد ولـد العواجـي
يوم هلوا وتشدوا عنـه بيـح سـدوده
ماشي في هواه وراجي الوصل راجي
صرت مثل الضرير يدبره من يقـوده
يوم أطالع عيونه كنها الليـل داجـي
أتصبر وصبري زايـدٍ عـن حـدوده
علتي علة اللي مالقـى لـه علاجـي
يشكـي الحـال لله ثـم للـي يعـوده
وأحمد الله مزاجه يتفق مـع مزاجـي
أكحل الطرف ورد الشام يشبه خدوده
أنت وردك قراح وورد غيرك هماجي
كل وردٍ يذكر غيـر وردك مـاأروده
جرحك اللي جرحته بين الأظلاع ناجي
ماهقيته يطيب وخايـف انـك تـزوده
لاتخون المـوده يادقـاق الحجاجـي
أنت غالي وغيرك ماشكينـا صـدوده
كم شجـاعٍ يضربـون بـه الأمثالـي
صارت الفرقى من أسبـاب تشييعـه

للإستماع للقصيدة اضغط هنا (http://www.5ymah.net/rm/wgooody.ra)

• + - - - - - - - - - - - - - - - - - ₪ - ::
----------------------------------------
::

تسـ тsωαħήــوٍآهـن

06-05-2008, 09:16 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. درة ألماس ..

لاوالله اللي يالغضي شيب الـراس
نـارٍ بوسـط القلـب ماتنتطفـى
ياجوهرة مرجان يـادرة ألمـاس
قلبي معك من يـوم قفيـت قفـى
وجدي على ترحيبتك وجد ابودباس
يوم اشتكى لدباس ودبـاس وفـى
من كثر ماأحبك دروا عني الناس
حاولـت أخفـي حبنـا ماتخفـى
صديت عني يابعد كـل الأجنـاس
ومن أولٍ لاجيـت يمـك تحفـى
لايامسريني على كـل هوجـاس
خليـت عدوانـي عليَّـه تشفـى
توي دريت اليوم ماعندك احساس
أنا أحترق وانتـه عليَّـه تشفـى
عساك تنثر عبـرةٍ مالهـا قيـاس
لاقالـوا ان اللـي يحبـك توفـى
أشهد شهادة حق مانيـب بـلاس
فرقى حبيب الروح موتٍ مصفـى
لاوالله اللي يالغضي شيب الـراس
نـارٍ بوسـط القلـب ماتنتطفـى

للإستماع للقصيدة اضغط هنا (http://www.5ymah.net/rm/almaaas.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:17 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. ياماخذٍ قلبــي ..

ياماخذٍ قلبـي علـى كـل الأحـوال
ياجرحـي اللـي ماتعالـج طعونـه
يانـور عينـي يابعـد كـل الأزوال
عالـج جريحـك لاتخيـب ظنونـه
أرجيك رجوى البدو من عقب الإمحال
رجوى المطر وان كان شحت مزونه
وأرجيك رجوى من شكى قلة المـال
لاسـج لـه ساعـة تذكـر ديـونـه
وأرجيك رجوى شايبٍ مالـه عيـال
كبيـرٍ سـن وطايـحـاتٍ سنـونـه
شاف الشقا كله عقـب راحـة البـال
ومـن القرايـب جـاه ذل ومهونـة
وأرجيك رجوى من عليه الدهر مـال
غـريـب دار ولابـتـه مايبـونـه
وأرجيك رجوى من حداه أشهب اللال
لاقـام طـاح ويابـسـاتٍ شنـونـه
ياعاذليـن القلـب والقلـب مـيـال
فـي حـبِّ غـروٍ فاتنـاتٍ عيونـه
ماشفتوا اللي شفت من زين الأمثـال
ولادريتـوا عـن عجايـب فنـونـه
ماشفتوا خدودٍ زهـت حبـة الخـال
ولاسمعتـوا عـن غرايـب لحونـه
خلوني أسلى عن هوى طيـب الفـال
ياكـود قلـب ماتـجـدد حـزونـه

للإستماع للقصيدة اضغط هنا (http://www.5ymah.net/rm/yamakd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:21 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الوصيَّــة ..

راكب اللي لامشى ماهـوب يـاوي
زين جلده لاضـرب لـه جرهديـه
يعجبك لا من سرى والليل ضـاوي
الهـواء قافيـه وعزومـه قـويـه
جيب شاص ومنوة اللي له منـاوي
وارد اليـابـان مـعـدومٍ حلـيـه
سايقه صبحـه ومسـراه متسـاوي
ان سرى فالليل وان راح ضحويـه
صاحي راسه وللمطـراش غـاوي
واهني منهو علـى اليمنـى خويـه
ياصل اللي عقبهم شفـت البـلاوي
ساهـرٍ بالليـل وعيونـي شقـيـه
منهم اللي نظرتـه نظـرة حيـاوي
نظـرةٍ تقتـل وفيـهـا جاذبـيـة
والله انـي قبلهـا كنـت متشـاوي
لين سلهم وأرسل النظريـه بريـه
ناويٍ قتلـي وأنـا قلبـي شقـاوي
كيف يقتلنـي بـلا ذنـب وخطيـة
والله ان يبطي وقلبـه فيـه كـاوي
لـو درى نايـف وزيـر الداخليـة
ميـر قلـه لاتضيعـه الـدعـاوي
يخلص النية تـرى النيـة مطيـة
ينهي الدعوة ويسكـت كـل راوي
دام حلـه فـي يديـه وفـي يديـه
ياعشيري للهجـر مانيـب قـاوي
لاتخلينـي وأنـا حالـي رديــة
كان طعت الشور يا عين النـداوي
التفت لـي واتـرك الباقـي عليـه
وان عصيت الشور وأخلفت الهقاوي
وأستمعـت لهـرج نقـال الوشيـة
صحت في ربعي وقلت اني مهاوي
آدمـيٍّ بـدل الحسـنـات سـيـه
افزعوا لي بالكفن مالـي مـداوي
واحفروا قبري وأنا بكتـب وصيـة
لـي دفنتونـي فخلونـي خـلاوي
واكتبوا فـوق القبـر بينتيـن فيـه
يرحـم الله عاشـقٍ للخيـر نـاوي
لاجزى الله من سعـى بـه للمنيـة
من يبي يرتاح من كثـر الشكـاوي
لايهـاوي واحـدٍ مابـه حمـيـه

للإستماع للقصيدة اضغط هنا (http://www.5ymah.net/rm/alosyyh.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:22 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. ياعيد لاعادت لياليك ..

ياعيد لاعـادت لياليـك ياعيـد
ولاسقتك المزن مطـرٍ رعدهـا
فقدت فيك اللي بكـوه الأجاويـد
يالله عسى جنات ربـي وعدهـا
فـي فقدهـا مايلحقنـي مناقيـد
يامن عطت من وافر الخير يدها
أكف دمعي عن ثرى الخد ويزيد
خطرٍ على عيني يجيها رمدهـا
ياليت دمع العين لاحـدر يفيـد
وليت الليالـي ماتخـون بعدهـا
قالوا عليك العيد مبروك وسعيـد
واصبر ترى الدنيا كثير نكدهـا
أعايد العالم وأنـا عنهـم بعيـد
قلبي مع اللي وسقت في لحدهـا
أبكي عليها والمخاليـق بالعيـد
وشلون ماأبكيها وابويـه ولدهـا
جابت رجالٍ كل ابوهم صناديـد
وابوي واخوانـه نـوادر بلدهـا
أهل الكرم والطيب ريف المفاريد
عذوق قومٍ تروي اللـي فردهـا
يالله يالمطلوب يامـروي البيـد
يارافـعٍ سبـعٍ وسبـعٍ مهدهـا
تجعل لها الجنـة يالله مواريـد
ياخالقٍ خلقه ومحصـي عددهـا

للإستماع للقصيدة اضغط هنا (http://www.5ymah.net/rm/yaeylaadt.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:23 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. مراح الطيـر ..

قربت منك ابي السلامـه ولافـاد
لقيت قربـك والبعـاد متسـاوي
عديت انا الايام هجـري وميـلاد
وتعبت من كثر الطلب والشكاوي
روحي مراح الطير يابنت الاجواد
وانا لـي الله ياعيـون النـداوي
ماعاد لك في قلبي اليـوم مقعـاد
بس الوكاد انـه بيبقـى خـلاوي
انتي سمعتي هرج ناقـد وحسّـاد
وضيعتي اللي في غرامك فداوي
حبل الرجا بين المحبيـن منقـاد
واليـوم والله ماتفيـد الدعـاوي
العين هلّت دمعها اجواز وافـراد
وقلبي غدا مثل الشعيب السنـاوي
واللي جمعني بك على غير ميعاد
انك عليه مـن كبـار البـلاوي
مانيب قايل ليـت الايـام تنعـاد
اقول ياليـت الشقـا باالتسـاوي
واما تركتك بيـن عايـد وعيّـاد
مانيب ولـد محرّقيـن القهـاوي

للإستماع للقصيدة اضغط هنا (http://www.5ymah.net/rm/mrahtyr.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:23 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. الجـامع المحزون ..

قصيدة رثاء في الشيخ / ناصر بن عبدالعزيز الخريف رحمه الله امام وخطيب جامع تمير
لأكثر من خمسين عام وقد كتبها الشاعربعد وفاة الشيخ مباشرة لما له من مكانه في قلوب الجميع
اللهم اغفر له وارحمه ولجميع موتى المسلمين

ياشيـن علـمٍ سمعتـه ماتحريـتـه
أمس الضحى علموني به وراعونـي
مرحوم ياللي جميـع النـاس مغليتـه
اليوم من للجنايـز وأنـت مدفونـي
يامطوع تميـر ألا ياهـون ذا الميتـه
ركنٍ تهاوى وزادت عقبـه طعونـي
عليه دمعي ضحـى الإثنيـن هليتـه
هلت دموعي عليـه وبـاح مكنونـي
وعلى النعش عقب ماشالـوه راعيتـه
لين اتقوا به وأنـا أراعيـه بعيونـي
ناديت باسمه وعالي الصوت جريتـه
سمعوني الناس في المسجد ولامونـي
قالوا تصبر قلت وقلت الصبر مليتـه
قالو لي الموت حـق وقلـت خلونـي
خلوني أبكي على اللي ذايـعٍ صيتـه
يمكن دموعي تسكن ثايـر حزونـي
أبكاني الجامـع المحـزون وابكيتـه
وبكو ربوعه على فرقـاه وأبكونـي
والمنبر يصيح والمحراب ماأوحيتـه
الا عقـب مامشوبـه قـال عزونـي
عزوني في صاحبي ثم قمت عزيتـه
قالوا تعـزي جمـاد وقلـت فكونـي
ماينفـع اللـي تمنـى قـول ياليتـه
الموت من مالك الأمـلاك مسنونـي
جامع تمير ازدحـم والنـاس ماليتـه
من كثرة الخلق هاك اليـوم هالونـي
رعي الوفاء كـل خلـق الله موافيتـه
من كثرهم عن شفير القبـر حدونـي
عليه كـم واحـدٍ طـوَّح تصاويتـه
سمعت باذني ماأقول الناس حاكونـي
وكم واحدٍ جر فـي صـدره تناهيتـه
وكم واحدٍ لاالتفت لي هيض شجونـي
وشفت النصايب على قبـره محجيتـه
وأقفيت مثل الضرير أمشي على هوني
يالموت مااخترت لك غيـره وخليتـه
ماصار في حفرة الأموات مرهونـي
أنا أدري المـوت مايسبـق مواقيتـه
والعمر محـدود والعقـال يدرونـي
الله يثبتـه فــي قـبـره بتثبيـتـه
طالبك لاتقفل الأبـواب مـن دونـي
يـارب تصبـر عيالـه وأهـل بيتـه
وتكون في عونهم وتكون في عونـي

للإستماع للقصيدة اضغط هنا (http://www.5ymah.org/up/uploads/15d123b25f..ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:25 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. أحلى الليالي ..

أحلـى الليالـي ياحبيبـي لياليـك
نور الليالي شوف بـدر التمامـي
عليك مني كـل ماحـل طاريـك
أغلى تحيـات الغـلا والسلامـي
غالي وأنا مغليك بالحيـل مغليـك
قلـبٍ يحـب مشاهـدك مايلامـي
دايم أهوجـس نهـاري مخاويـك
وبالليل أشوفك في حلوم المنامـي
ان جيت أنادي غيرك أغلط وأناديك
من زود حبي لك نسيت الأسامـي
واكبر حظ اللي بالأشعار يطريـك
عز الله ان شعره رفيـع المقامـي
ان قلت يشبهك القمـر أو يحاليـك
أكون ظالـم والظليمـه حرامـي
والله فـلا مثلـك حلـيٍ يحاليـك
أنا من أسبابـك قتيـل الغرامـي
غلطان من سماك يومـه يسميـك
هو ليه ماسمـاك يازيـن رامـي
لأجلك رميت القلب وأصبح بآياديك
بعيونك النجل الوسـاع الظوامـي

للإستماع للقصيدة اضغط هنا (http://www.5ymah.net/rm/ahllyly.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:26 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. وين أنت؟!!..

وين انت يامطوّل غيابك
يامشغل افكـار خلانـه
العين تبكي من اسبابـك
مع نجمة الليل سهرانـه
الله يردّك على احبابـك
يافرحة القلب واحزانـه
ماتكمل الفرحه الا بـك
يازرع قلبـي وبستانـه
لو نخسرك ياسهم سابك
ماعـاد للمنتـدى خانـه
ويلاه يارعشـة اهدابـك
والعين ياعيـن شيهانـه
ياليتني من حدا اقرابـك
يابلسم الجـرح ياالدانـه
اطيب من شمّة اطيابـك
والموت بعده وهجرانـه
يرقص لك الشعر ويهابك
بحره وقافـه وشيطانـه
والى انقفل ياالغلا بابـك
القلـب قفلـت بيبـانـه

للإستماع للقصيدة اضغط هنا (http://www.5ymah.net/rm/mtolqyabk.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:27 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. سـنة الحــب ..

ياشبيه المها ياضبي ماأحـلاك
مثل حليـاك ماشافتـه عينـي
يوم طروا على صاحبك فرقاك
قلت ياشيـن فرقـا المحبينـي
عهد ربي عليه ماعاد أجفـاك
وأنت عاهدني انك ماتجفينـي
لاتخيب رجاء واحـدٍ يهـواك
طالبك فينـي اللـي مكفينـي
غارقٍ بالهوى مد لـي يمنـاك
يالطيـف الحشـى لاتخلينـي
كل ماجيت منا تجـي منـاك
تدعـي بالتغلـي وتغليـنـي
سنة الحب جعل الولي يرعاك
مثل ماأعطيك لابـد تعطينـي
آه يازين بين العرب ممشـاك
وآه مـن صدتـك يامعنينـي
وآه ياحلو غمازتـك وشفـاك
وآه من حاجـةٍ بينـي وبينـك
جرح قلبي عديم الشفاء لولاك
كل مـازاد شوفـك يداوينـي
السمر والحمر يالغضي تفداك
والعـذارى وكـل المزايينـي
اقصر الهرج يالايمي وش جاك
صاحبي بأزرق السهم راميني
لاتظن الغضـي ذاك والا ذاك
الغضي واحـدٍ منـي وفينـي

للإستماع للقصيدة اضغط هنا (http://www.5ymah.net/rm/snthoob.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:27 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. أخيل برقٍ ينوض ..

أخيل برقٍ ينوض وشاقنـي نوضـه
شمال عـن ديـرةٍ مانيـب راعيهـا
جعله على تمير ومبايض وأهل بوضه
والشعب وأم الرجوم يسيـل واديهـا
وسد شحمه يمتلي وتفيِّـض فيوضـه
لين الزبيـدي يذكَّـر فـي مفاليهـا
حتى الأرطاوي يسيل وتمتلي الروضه
ويزيـن مرباعنـا يابوفهـد فيـهـا
أمرٍ من اللي علينا فارض فروضـه
أحب ذيك الحزوم الشهـب وأغليهـا
ياعل من لامنـي يشيـل معروضـه
يستعطي النـاس قاصيهـا ودانيهـا
ياعل تبلاه ياأهـل الخيـر باعوضـه
تحتـار فيهـا الأطبـة ماتداويـهـا

للإستماع للقصيدة اضغط هنا (http://www.5ymah.net/rm/akyylll.ra)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 09:28 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الأرزاق ..

رزقي على اللي رافـعٍ سبـع الأطبـاق
الواحـد اللـي رازقٍ كــل مخـلـوق
اللي حفظ يوسف عقـب لوعـة فـراق
واللي حفظ موسى وهو في وسط صندوق
والا انت لـو عنـدك مفاتيـح الأرزاق
انـي لمـوت وبـاب الأرزاق مغلـوق
تضيق وباب مفـرج الضيـق ماضـاق
والصبر زين وكـل مطـرود ملحـوق
والمـال شـوق ويكسبـه كـل مشتـاق
والحـر قالـوا منزلـه دايــمٍ فــوق
من تعب حصل خير والـرزق ينسـاق
والناس ماعاشوا على النهـب والبـوق
جرب نصيبك في البضايـع والأسـواق
واكسب حلال وكـل ديـره لهـا سـوق
كـم واحـدٍ موظـف ولاعنـده أرزاق
وكـم واحـدٍ مالـه وظيفـه ومـرزوق

للإستماع للقصيدة اضغط هنا (http://www.5ymah.net/rm/arzaaq.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:29 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. انتهيــنا ..

انتهينـا انتهينـا ,, رح ولاترجـع علينـا
مانبي اللي مايبينا ,, كل واحد فـي سبيلـة
رح وتلقى لك بدالي ,, والبقى في راس مالي
غيرها محدٍ صفالي ,, دمنا نفـس الفصيلـة
ماعاد أبيك ولاتبيني ,, والعهد بينك وبينـي
والبكا نصيب عيني ,, والسهر في كل ليلـة
البكا ماهو خطيـة ,, ميـر لاتشـره عليـه
حالتي عقبك رديه ,, زادت الحمـى مليلـة
أتصبَّر وأتعبَّـر ,, وانـت يالغالـي تكبَّـر
الكسر ماعاد يجبَّر ,, ايه مافي اليـد حيلـة
احفروا قبر المشقَّى ,, وانت يالغالي توقَّـى
وش تبقَّى وش تبقَّى ,, غير منسوع الجديلة
لاتسويها فتوَّه ,, انت ماعـاد بـك مـروَّه
ماتبيه اليوم سـوَّه ,, القصيـرة والطويلـة
الوفاء منتاب وافي ,, والجفا بالحيل جافـي
آه ياسهم المصافي ,, مالقينا بـك حصيلـة
واعذابي واعذابي ,, شبت في زهرة شبابي
كان ماهمك غيابي ,, أسعف الروح العليلـة
من هجر خلي مشيِّب ,, ياحمد مانيب طيِّب
آه ياليتـه قريِّـب ,, يايجيـنـا يانجيـلـه
محدٍ مسوي سواته ,, لو يطوِّل في صلاتـه
متعلِّم في حياته ,, يمشـي بجنـازة قتيلـة
من يسوي هالسويَّا ,, كود من لابـه حميَّـا
علموه اني هنيَّا ,, مثل مـن ضيـع دليلـه

للإستماع للقصيدة اضغط هنا (http://www.5ymah.net/rm/anthyna.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:31 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. آآآه واويلاه ..

آه واويلاه من همّ ٍ سـرى بـي
زلّ نصف الليل نومي ماهتنيته
غير رب البيت ماحيّ ٍ درى بي
فارج الضيقات لاضاقت نصيته
اتشفّق عبرتي من حـرّ مابـي
واتجمل بالصبر لـو ماقويتـه
ياكبر همي ويامااعظم مصابي
وآه من جرح ٍ عن العالم كنيته
خايف ٍ من هرجة اللي لاحكابي
علّم الجيران وامه واهل بيتـه
عن عيون الناس تسترني ثيابي
وكل حيّ ٍ غير ربي مارجيتـه
ويوم شفت ان الكفن ماله مخابي
كل مايطري على بالي شريتـه
استعنت بطاعة الله في شبابـي
وماتيسّر من كتـاب الله قريتـه
جعل رفّاع السما يجزل ثوابـي
ويغفر ذنوبي ليا مني عصيتـه

للإستماع للقصيدة اضغط هنا (http://www.5ymah.net/rm/oylaaaah.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:39 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. راعي مجزَّل ..

على راعي مجزل ملامه
عطاني وعد وابطا عليـه
يسلـم ولايغنـي سلامـه
ابي شوفته لارحـم حيـه
ذبحني وعنانـي غرامـه
عقب روحته يم الحويـه
تغلا ولاادري وش علامه
وعقبه وانا حالـي رديـه
متوج على عرش الزعامه
منزه عن دروب الخطيـه
الى من نظر لي بابتسامه
حداني على حوض المنيه
من الرقعي لغربي تهامه
ترى العين ماشافت حليه
همومي عقب مرخي لثامه
عليه كبـر قـارة طميـه
الا ياظبيـات الثمـامـه
الا ياغـزال الجندلـيـه
ابي منك تقدير وكرامـه
وفزعة خوي مع خويـه

للإستماع للقصيدة اضغط هنا (http://www.5ymah.net/rm/raeymgzl.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:39 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. غريب الوصايـف ..

ياغريب الوصايف ياذهـب يامـلاك
أنت حوري ورب البيت منت آدمـي
كل مازاد صدك زاد عنـدي غـلاك
والخطر لجل عينك دايسـه بقدمـي
اثر قربك مضره واثر بعدك هـلاك
ولجل ضدك مليت من الفشق محزمي
أنت ليلٍ تغشى ويل منهـو سـراك
وأنت بسمة حياتي وأنت ضحكة فمي
وأنت مالك خوي ولو تعـد اخويـاك
وأنت مالك شبيه ولو غدالـك سمـي
ثار بركان شعري وسط ساحة هواك
ترجمه ياضميري واكتبـه ياقلمـي
راح عمري وأنا يالجافية في رجـاك
كان ماخفتـي الله لعنبـوك ارحمـي

للإستماع للقصيدة اضغط هنا (http://www.5ymah.net/rm/qryb-alosayf.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:40 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. فهدالمفرج مات لاواسفابه!! ..

ان مت مانيب اول اللي يموتون
مات النبي قبلي وكل الصحابـه
والموت حق وللمخاليق مسنـون
ولابد من قبر ٍ يواسـى ترابـه
ولابد من يوم ٍ عليـه يصلـون
ويقـال ياربـي تعظّـم ثوابـه
واليوم في الدنيا وباكر يقولـون
فهدالمفـرج مـات لاواسفـابـه
يقوله الغالي ومن لـي يحبـون
والا الردي ماهمني وش حكابـه
والرابح اللي له هل الخير يدعون
والخاسر اللي راح عمره نهابـه
ماابي عيالي كان انا مت يبكـون
من مات راح وعند ربي حسابه
ولاجوك يامشهور ربعي يعزون
ماابي عليك آثار حـزن وكآبـه

للإستماع للقصيدة اضغط هنا (http://www.5ymah.net/rm/matfhd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:41 AM

تسـ тsωαħήــوٍآهـن

06-05-2008, 09:41 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. بأمان الله ..

أنا بشكي عليكـم يالنشامـى
جروحٍ من هوى بالي خطيره
عيونـي مايذوقـن المنامـا
يفوت الليل وعيوني سهيـره
عليه القلب يكفـخ ويتوامـى
وأنا مالوم قلبي في عشيـره
عشيره من ظبيـات العدامـا
وهو شيخ البهاء تاجه وأميره
خدوده مثل بـراق الظلامـا
وعنقه مثل عنق المستذيـره
هدب عينه مثل ريش النعاما
عيونه سود ونهوده صغيـره
وله وجهٍ كما بـدر التمامـا
سطع نوره على كل الجزيره
جلسنا مع بعض ياما ويامـا
على وضح النقا مافيه عيـره
ولكن الزمن جـار وتحامـا
صحيح ان الزمن مافيه خيره
تحدانـا وخـلانـا يتـامـا
أنا بديرة وهو عنـي بديـره
على ماقيل بأمثـال القدامـا
عيوني تشوف ويديني قصيره
خفيف العقل يلحقني ملامـا
وعيني دمعها حرق نظيـره
أنا ماانساه نسيانـه حرامـا
تروح الروح ماحبيت غيـره
تمر أيام وشهـور وعوامـا
وقلبي فيـه للفرقـا سعيـره
بأمان الله ياريـح الخزامـى
وداعة عالم الغيب وخبيـره

للإستماع للقصيدة اضغط هنا (http://www.5ymah.net/rm/bshkyyy.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:42 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. الليل هوَّد والذيابه تعاوى ..

الليـل هـوَّد والذيابـه تعـاوى

والجو صافي والنسايـم عذيَّـه

مالوم قلـبٍ منكـرك للتهـاوى

وماألوم عينٍ من فراقـك شقيَّـه

قلبٍ جرحتـه لاتظنـه تشـاوى

يجاذب الونَّات صبـحِ وعشيَّـه

ميزان حكمك بالهوى ماتسـاوى

جزلٍ على غيري بخيـلٍ عليَّـه

وهقتني وأنا أحسبـك تنتخـاوى

اثرك خـوي مايراعـي خويَّـه

أنـا عليـل وعلتـي ماتـداوى

واثرالمحبـة عـلـةٍ باطنـيَّـه

خلاص يالمجمول مابه مـراوى

نويت أقدم لـك حياتـي هديَّـة

ليتك تشوف موادعك كيف ساوى

زوَّد همومي وأشعل النار فيَّـه

ليَّاك تنشد عن قتيـل المهـاوى

وجروح قلبه بالضمايـر خفيَّـه

العين تبكـي والذيابـه تعـاوى

والقلب يشكي والنسايـم عذيَّـه

للإستماع للقصيدة اضغط هنا (http://www.5ymah.net/rm/allelhaoad.rm)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:43 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. راعي الوفـاء ..

أنا حالفٍ ماأزعل علـى الربـع والأصحـاب
وعيبٍ على الرجال يزعـل علـى أصحابـه
لياشفت من بعـض العـرب زلـةٍ وعتـاب
تحاسبـت أنـا ويــاه وأوفيـتـه حسـابـه
ومن زعـلِ منـي يامحمـد بـدون أسبـاب
حـرامٍ علـى رجلـي تعتـب علـى بـابـه
وعندي معزة نفس وأشـره علـى الأحبـاب
وأخلـي كـلام النـاس للنـاس تشقـى بـه
ولاهمني مـن صـد عنـي وصـك البـاب
ولاقلـت ابـو مشعـاب وشلـون مشعـابـه
ولا أخطي علـى العاقـل ولاأدور الأنشـاب
ولاأنشـد عـن المقفـي ليـاطـول غيـابـه
ولي عادةٍ ماأخـون راعـي الوفـا لوغـاب
ليـا طـول غيابـه نشدتـه عـن أسبـابـه
وأحشم الخوي وأرضيه وأحسب له ألف حساب
وأحـب الكريـم اللـي ضيوفـه تثنـى بـه

للإستماع للقصيدة اضغط هنا (http://www.5ymah.net/rm/raeyalofa.ram)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 09:44 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. نجـم سهيـل ..

أنا مولع ٍ من صغر سني بنجـم سهيـل
احبـه واحـب اللـي كذلـك يحبونـه
الى اقفى لهيب القيظ واقبل نسيـم الليـل
وراع القنص والطير جـوّد دركسونـه
علـى واردٍ ماحـل عقبـه ولا موديـل
جديد الجيوب اللي من الشرق مضمونـه
الى ريّح الفكس آر وانحى سواة السيـل
وبسـم الله الرحمـن لا عـدّ طبلـونـه
مجهّز ومعهم صنعة الـروس والدربيـل
وفردٍ الـى جـا لازمـه مـا يخلونـه
ومعهم دلال ٍ صفر فيهـنّ بـنّ وهيـل
وكيـفـٍ مهيّـل للنشـامـا يصبـونـه
سواليف وعلوم ونشامـا ودبكـة خيـل
ونجر ٍ الى جا الضيـف قامـوا يدنونـه
شبابٍ على يمنـاه طيـر ٍ يهـدّ الحيـل
الى شالوا البرقـع وبالصـوت يدعونـه
ياويل الحبارى منه ويـل ٍ رديفـه ويـل
الى ذيّرت ثـم شافهـا الطيـر بعيونـه
الا يا معصبـة الغتـر ياشبـاب الجيـل
هو اللي يبـي الخّـوه معاكـم تردونـه
ويالايمي مالك على اهل الولـع توكيـل
ومالك ومال اللي شكا الوقـت وطعونـه
عسى لايمي يشكي المرض ويتمنى الشيل
يعجزون اطبّـا المملكـه مـا يداوونـه
على شان يدري ليه انااحب نجم سهيـل
الاواعـذاب اللـي سواتـي يحبـونـه

للإستماع للقصيدة اضغط هنا (http://www.5ymah.net/rm/ngmshyl.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:44 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. فمان الله يانوره ..

مع السلامـة فمـان الله يانـوره
أمنتك الله على قلبـي ووجدانـي
روحي وأبروح والعبرات منثوره
وردت بير الغلا وصدَّرت ظمياني
النفس يابنـت منهيـة ومامـوره
وأنا على اللي مضى قفلت بيباني
والجرح وان كان ماداواه دكتوره
عساه ماعاد يبرى طول الأزماني
ماهمني غيرها لاشـك مغـروره
وأنا على سلم ابوي وسلم جدانـي
تميم ربعي سنام العز وقصـوره
ومن لامني في تميم العز غلطاني
شاعر ووده يبين خافـي شعـوره
لابد مامر الأول ياصـل الثانـي
لعبت بي لعبة التميـاط بالكـوره
لعبه يهز الشبك بديـار الألمانـي
والعين لو تبكي الأحباب معذوره
واللي جرى لي من الغالين كفاني

للإستماع للقصيدة اضغط هنا (http://www.5ymah.net/rm/nooorh.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:45 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. البارحه ..

البارحـه سهـران والعالـم رقـود
ابكي وانا من جور الايـام محتـار
رضيت باللي يكتبه راعـي الكـون
حظي كذا يا ويش أسـوي بالأقـدار
حبيت أنـا والحـب مافيـه منقـود
كم واحد بالحب مشهـور الأذكـار
لاواهنـي التـرف ماعنـه منشـود
يطرب على عزف الرواخي والأوتار
وأنا جريحٍ من هـوى ناعـم العـود
قلبي عقب فرقاه كنـه علـى نـار
حب الغظي في ظامري ماله حـدود
بيني وبينه فالهوى علـوم وأسـرار
عندي على حبه علامـات وشهـود
دموع عيني والهوى تسوى الأشعار
يطري عليـه كـل ماهبـت النـود
ويهل دمعي فـوق الأوجـان هتـار
أقول لاطروا لي النقـص والـزود
ياخوفتي اني من قصيرين الأعمـار

للإستماع للقصيدة اضغط هنا (http://www.5ymah.net/rm/albarhh.rm)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:47 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. يابوفهد ..

يابوفهد ضايقٍ صـدري
والقلب شبـت لواهيبـه
مدري علامه بعد عمري
شهرين ماجن مكاتيبـه
صبرت مافادني صبري
الصبر يانـاس ماليبـه
ان كان ماهو على خبري
شقيت أنا الثوب مع جيبه
من لامني جعله الجِدري
اللي يـزوِّد مصاويبـه
يامحمد اكتب على قبري
لامت تسعيـن ترحيبـه
حتى ليا مرنـي يـدري
اني بقبري وأهلـي بـه

للإستماع للقصيدة اضغط هنا (http://www.5ymah.net/rm/abofahd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:48 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. بنت أبوها ..

ماأخطيت في حق نوره غير ذا النوبة
واستنكرت بنت ابوها وزعلت منـي
تقول غلطتك ياابن النـاس محسوبـة
وأقول يابنـت هـذا اللـي مجننـي
يابنـت أنـا نـادمٍ والتوبـة التوبـة
ماعاد أعود الخطأ مير اسمحي عني
لاواعذابي ليا مـن قيـل مخطوبـة
عز الله اني بجـر القـوس وأغنـي
ماهوب كله طـرب لكنهـا عقوبـة
وفراق الأحباب لو يوميـن يحزنـي
خوفي من الله وأنا مانيـب لعبوبـة
الصد يانـور عينـي منـك غابنـي

للإستماع للقصيدة اضغط هنا (http://www.5ymah.net/rm/bntt.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:48 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. غزال الخالديَّـة ..

مع جنوب تمير هبـي ياالهبايـب
وارسلي ريحة حبيب الروح ليَّـه
كود تطفي نار شوقـي واللهايـب
لاتعـدت ريحـة الغالـي عليَّـه
حالفٍ ماأنسى هوى سيد الحبايـب
لين تبرى علـة القلـب الخفيَّـه
ماسبى حالي وخلى الراس شايـب
كود صـدك ياغـزال الخالديَّـه
ماتخاف الله ولاتـدرى العقايـب
تقتل المسلم بـلا ذنـب وخطيَّـه
راح عقلي بالهوى وانت السبايب
ياشفاة الـروح ياصافـي الثنيَّـه
لاتعجب ماعلى الدنيـا عجايـب
قبلنـا مجنـون ليلـى العامريَّـه
الليالـي فرقـت بيـن القرايـب
والخوي ماعاد ينشد عـن خويَّـه
ياصبر عيني على شوف المصايب
كل ماقلت أفلحت ضاقـت عليَّـه
كود يفرجها لنا منشي السحايـب
الله المعبـود خــلاق البـريَّـه

للإستماع للقصيدة اضغط هنا (http://www.5ymah.net/rm/kzaaal.rm)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:50 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. طعون الزمـن ..

ياهيـه والفنـا الكـرى والمخـده
خلاص تبنا عـن هـواك وسلينـا
اليـوم ودعنـا بحـور الـمـوده
لاصـار مـاودك تجـي لاتجينـا
من باعنـا بعنـاه باللـي يسـده
مانشتـري الا واحـد ٍ يشترينـا
ومن حدّنا جعـل الليالـي تحـده
نجفـاه لـو انـه عزيـز ٍ علينـا
ان كان لـك خـلّ ٍ تبيـه وتـوده
حنـا لنـا خـلّ ٍ نبيـه ويبيـنـا
وان كان خلّك ماخذ ٍ عنـك مـده
حنا غصين البـان يبكـي علينـا
وان كان خلّك مبعد ٍ عنـك جـده
حنا لطيـف الـروح منـا وفينـا
وان كان بابك عن هوانـا تـرده
حنـا قفلنـا ابوابنـا وانتهيـنـا
وان كان حبلك في يدينـك تشـده
حنـا رمينـا حبالنـا مـن يدينـا
ياطير قـل لـه ماشقينـا بصـده
لايحسب انّا مـن صـدوده بكينـا
النفس طابت منه والقلـب ضـده
ماعاد ابي شوفـه يميـن ٍ يمينـا
ماابيه لو جاب البحر شرق جـده
ولو جرّ ضلع طويق مع طور سينا
والله يا لو يمسح على القاع خـده
ولو قلّط الخيرات سمـن وسمينـا
ولوّه تأسّـف لـي وكفّـه يمـده
ويقول راضونـا ترانـا رضينـا
ماارضى عليه ولاعيونـي تلـده
حنـا ليـا منـا جفينـا جفيـنـا
خلّـه يبيّـح جـور الايـام سـده
ويشكي من طعون الزمن ماشكينا
يامـا سكتنـا والغلـط مانـعـده
نسكت وكنـا ياالغضـي مادرينـا
وكم واحد ٍ غالي عشانـك نهـده
نزعـل عليـه وخابرينـه يبينـا
مافاد فيك وصبرنا وصـل حـده
رح فكّنـا واسـلـم ولاتبتليـنـا
قد قيل هرج ٍ تستحـي منـه بـده
بنقول لك هرج ٍ ولـو مااستحينـا
الكحـل كبّـه والشعـر لاتكـده
حنا خذينـا اللـي نبـي واكتفينـا

للإستماع للقصيدة اضغط هنا (http://www.5ymah.net/rm/efnlkra.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:50 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. يامل عينٍ جفاها النوم ..

يامل عينٍ جفاهـا النـوم مـن مـده
ويامل قلبٍ تزايـد منـك هوجاسـه
صبرت واليوم صبري واصلٍ حـده
طعم الهوى مر وانشد من شرب كاسه
أنـا بلايـه غـزالٍ طـوَّل الصـده
احترت في صدت المجمول ولباسـه
يصـد عـنـي غــلا وده ولا وده
يصد عني غـلا وأراعـي احساسـه
قلبي رهيـفٍ ولابـه ظنتـي شـده
حتى الهوى يجرحه لاهـب نسناسـه
يلومنـي واحـدٍ مابيـحـوا ســده
أشكي عليه الهوى ويهز لـي راسـه
وأنـا عليـل وحالـي منـك منهـده
الزين زعلان والأوضـاع محتاسـه
عيني تراعيه في الروحه وفي الـرده
وقلبي لياشاف خلـه دقـت أجراسـه
ياشوق ياللي كما نـور القمـر خـده
ارفق عليه وقلبـي يالغضـي واسـه
مصيفكم عندي أحسن من بحر جـده
وربيعك أحسن من الشوكي ومجلاسه

للإستماع للقصيدة اضغط هنا (http://www.5ymah.net/rm/yamel.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:51 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. قتلتني ليه يالمزيون ؟!!..

قتلتنـي ليـه يالمـزيـون
مافيـك للقـلـب مـاويـه
معذور لو صرت أنا مجنون
ياناس مـن حـب ريميـه
مبسم وعنق وشعر وعيون
ونهـود وخـدود ورديـه
بكيت وأهل الهوى يبكـون
فرقـا عيـون النـداويـه
كني سجيـن عليـه ديـون
والبـوك مافيـه خرجيـه
والا غريبٍ يجـر لحـون
وسط الخلا عضتـه حيـه
والا كسيـرٍ نهـارَ الكـون
يزحـف وربعـه جلاويـه
قبلي محمـد بـن لعبـون
راحـت حياتـه شقـاويـه

للإستماع للقصيدة اضغط هنا (http://www.5ymah.net/rm/yaaanasss.rm)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 09:52 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. ذكَّرتنــي ..

سهرت أنا وأنت والنسناس والقمـرا
والجدي وسهيل معنـا والله البـاري
أسمع كلامك وأطالع عينك الحـورا
ذكَّرتني قصِّةٍ مالـي بهـا طـاري
ذكَّرتني مامضى واللي مضى ذكرى
أجهل هروج تسولفهـا وأنـا داري
اليا انتهت سالفة تقول باقي اخـرى
وان جيت أبسري تقول شوي ياساري
فكري مع الليل له سجة وله مسـرى
دايم وفكري مع السجَّات بـك ذاري
أجامل النـاس والا حالتـي غبـرا
أجحد صوابي وأحاول أكتم أسراري
لياك تنشد عن اللي صار وأنت أدرى
قصة هوانا عليهـا يبـري الـذاري
لاواحسايف ياراعي القذلة الشقـراء
لو ماتعذرت ماينشد عـن أعـذاري
عليه أبنظم ويقرأ كـل مـن يقـرأ
مالي عذر شاعر وتشهد لي أشعاري
اما تطيب الجـروح وعلتـي تبـرا
والا تزيد الجروح ويشمت الـزاري

للإستماع للقصيدة اضغط هنا (http://www.5ymah.net/rm/thkrtnnny.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:54 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ظلام الليــل ..

تجمل ياحسين القـد فينـا واكسـب المعـروف
ولاتنسى الزمان اللي مضى لـو سافـه السافـي
تصد وتتقي عني تحسب انـي عمـى مااشـوف
وانا اللي كل ماشفتك تلاقـى بشوفـك اطرافـي
تراي ادرى عليك من الحسود وهرجة الملقـوف
نوى الله مـن نـواك بسـو يامنبـوز الاردافـي
عشيري فيه حسن اخلاق مع منطق وزين وصوف
عريب الجـد خـد وقـد ثقيـل والعقـل وافـي
عيونه سود ورقبتـه طويلـه والحشـا ملهـوف
ستير ويسحب الثوب المشجر زيـن الاوصافـي
مسايير الضحى ماهمته حـرج وبـاع جـزوف
تركهن واشترى الستـر الجميـل وقـال ياكافـي
انا ماابيك تلعب يانظر عينـي علـى المكشـوف
ابي حب على الفطره وابي لعب علـى الخافـي
انا ماابي مراسيل اتصـال ومحبـره وظـروف
ولاابي غمـزة عيـون وكـلام مابـه انصافـي
ابي ليل اجـي لـك فيـه لاشايـف ولامشيـوف
تحت جنح الظـلام يضمنـا ستـر الله الضافـي
ابي حب على وضح النقا شمسه بـدون كسـوف
وابي بحـر اجـدف فيـه بشراعـي ومجدافـي
ولاابي مايدنـس سمعتـي يـوم العبـاد وقـوف
ترى خوفي من الله راس مالي مكسـب صافـي
واحب اللي على علوم الوفا والمرجله معسـوف
واحب اسلك دروب المرجلـه واحقـق اهدافـي
وانا ماني على بعض السوالف والحكي مكلـوف
اشوف الدرب قدامي واخلـي مامضـى اخلافـي
واخلي كلمة الجاهـل تمـر بمسمعـي وتطـوف
تقـل ماكنـي سمعتـه كـذا طبعـي وميقافـي
وانا عاقل مع العاقل صخي كف وربيع ضيـوف
وانا واصل مع الواصل وانا جافي مـع الجافـي
وانا اكتب مايجول بخاطري فوق الورق بحروف
تهب وتفـزع اشعـاري حشـا ماينظلـم قافـي
ترى بعض العرب هرج على الخالي وطق دفوف
يتيـه المنزلـه ويعـد نفسـه شيـخ وسنـافـي
تغيب الشمس ويخيم ظلام الليل يااهـل الخـوف
وكل ياخـذ اللـي لـه مـادام الجسـم متعافـي

للإستماع للقصيدة اضغط هنا (http://www.5ymah.net/rm/tagamal.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:55 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. كوكب الشعـر ..

ماودي أصارحـك والحـب يجبرنـي
ماأقوى على الهجر والكتمان ماأطيقـه
الا متى وأنت ياالمجمـول هاجرنـي
طال الصبر والحشـى شبـاً معاليقـه
ماأشكي على الناس حبك وانت خابرني
دفنـت حبـك بقلبـي فـي صناديقـه
ياراقـد الليـل كـلـه يامسهـرنـي
ياكوكب الشعـر ياشمعـة طواريقـه
على رضاك وزعلـك الله يصبرنـي
يانـاوي الصـد ياقاتـل عشاشيـقـه
تقول أحبـك وهـذا اللـي محيرنـي
مابـان حبـك ولا لاحـت بواريقـه
ياليت قلبـي ليـا شافـك يشاورنـي
كان أمنعه لا نظـرك يزيـد تخفيقـه
وكانـي نسيـت المحبـة لاتذكرنـي
بأمر الولي كود يدلـه مـع مخاليقـه
مليت جـو المحبـة لكـن اعذرنـي
ترى فهد من فراقـك ناشـفٍ ريقـه
خلاص ماأبي مواصل بـس دبرنـي
شف لي طريقة تخلصني من الضيقـة
اما أسعف الروح بزيـارة وبشرنـي
والا أعتق الـروح ياخايـن مواثيقـه
عطني جوازي وتذكرتـي وسفرنـي
من عالم الحب حيث الحـب ماأطيقـه

للإستماع للقصيدة اضغط هنا (http://www.5ymah.net/rm/kokbbb.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:57 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ترى اللي في كافيني ..

ياعينـي كفـاك دمـوع ياعينـي
نثرتـي عبايـرك وفضحتيـنـي
أمانه تـرى اللـي فـي كافينـي
ونفسي علـى الكايـد معرّضهـا
وانا لو دموعي تحـرق خـدودي
حشـا مااتعـدّا منهـج جـدودي
وراسي ماينـزل دامـي سعـودي
فريضـه ورب البيـت فارضهـا
والا ياحبـيـبـي لاتـحـدانـي
ترى اللي وصلنـي منـك كفانـي
معنّـا وحـب التـرف عنـانـي
وشكـواي للمعـبـود افوضـهـا
ترانا من اسباب الهـوى مرضـى
وبالـذل والهجـران مانـرضـى
او انك تحسب ان الغـلا فوضـى
تعـرّض لخلـق الله وتمرضـهـا
تحسـب المحبـه لعـب ياالغالـي
وانا اللي من اسبابك نحـل حالـي
واذا فيه كلمـة حـق قلهـا لـي
وانـا يمكـن اقبلهـا او ارفضهـا
ويابنـت ,, قلبـي علتـه عـلـه
ولاادري وش اللي منك جار ٍ لـه
غرامك غـزى موطنـه واحتلـه
خسايـر عسـى ربـي يعوضهـا
وانا اللي ذبحني صدق ياموضـي
تغاضيك عن شرحي ومعروضـي
والا ياظبـي ماقلـت مفروضـي
واخوض البحور ان قلت لي خضها
ولـكـن امـانـه لاتضيـعـهـا
وداعـه وانـا عنـدك مودعـهـا
وملـعـون شاريـهـا وبايعـهـا
عهـود ٍ قليـل العـرف ينقضهـا

للإستماع للقصيدة اضغط هنا (http://www.5ymah.net/rm/allyfykavyny.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 09:59 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ياليت غض النهد يقرا ..

ياليت غض النهـد يقـرا
وأعلمه بآخـر أخبـاري
البارحه ساعـة المسـرا
ياأسمر ترى الليل سماري
تشهد على حبك القمـرا
والنجم والرجم وأشعاري
وتشهد لي الليلة الغـدرا
تفضحني العين والطاري
راعي الهوى نيته قشـرا
راجيك لاتكشف أسراري
عقبك وأنا حالتي غبـرا
ماني على صدتك ضاري
مزيون وقذيلتك شقـراء
يضيع من شافك اجباري
تشبه ديانا ولـو تشـرى
مافوتك وليـام وهـاري
لا لا تخافيـن يالعـذراء
محدٍ درى بس أنـا داري
لانسنست دوِّر المـذرى
لاتجرحك حبـة الـذاري
ياليت غض النهـد يقـرا
وأعلمه بآخـر أخبـاري

للإستماع للقصيدة اضغط هنا (http://www.5ymah.net/rm/gdalnhd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:00 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. أبوي شفتـه !! ..

البارحه فـي تالـي الليـل فزيـت
من مرقدي ودموع عينـي جرنـي
ابوي شفته فـي منامـي وجريـت
صوت ٍ حزين ٍ طيّر النـوم عنـي
فزيت ابي شوفه ولكنـي اخطيـت
ياحيلـة الله وش يفـيـد التمـنـي
ماخبرت ان الحي يضحك مع الميت
ولّـي حلـوم الليـل مايصدقنـي
انا عيونـي كـل ماقلـت سجيـت
عيّـن مـن العبـرات لايمرحنـي
عليك ياابن عبيد ياذايـع الصيـت
ملفـى هـل العيـرات لابركنـي
ماانسى وصاتك لي وانا ماترديـت
يومك توصيني علـى كـل فنـي
تقول لامنه لفـى الضيـف للبيـت
اذبـح ولاتـاوي وماجـاك منـي
نشدت قبرك عنك لين اني ازريـت
ليـت القبـور الهامـده يسمعنـي
ياقبر ماتسمـح اجـر التصاويـت
واقابلـك بيـن النصايـب واونـي
واهل دمع العيـن واقـول ياليـت
ليت الليالـي لامضـن يرجعنـي
وارتاح من كثر البكـا والتناهيـت
لو هـن دمـوع العيـن ماينفعنـي
ياالعين ماينفعـك كثـر التلافيـت
اللـي تبينـه راح مافيـه ظـنـي
اربع سنيـن وكنـك اليـوم قفيـت
اربـع سنيـن وعنـك مادلهـنـي
ياالموت ماخليـت ابـوي وتنقيـت
من الرخوم اهل البخـل والتونـي

للإستماع للقصيدة اضغط هنا (http://www.5ymah.net/rm/mrthutabomshhor.ram)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 10:01 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. أنا داري وأداري ..

انا داري واداري وانـت داري
عن جروحي وظرفي واعتذاري
ولكـن التغلـي فيـك عــاده
وانا مليت من طول انتظـاري
تسمع قـول عدوانـي وتزعـل
حذاري يابعد عمـري حـذاري
ترى العـدوان نيتهـم خبيثـه
يجيبـون الغـداري بالقمـاري
تأكـد قبـل ماتزعـل علـيـه
تثبت مثـل مسلـم والبخـاري
الا ياطير صيـدك لـي تـردا
علامك وانت صيـاد الحبـاري
انـا والله خطـيـر ومتـولـع
وجاري لي من الاحباب جـاري
وعينـي ماتنـوم الليـل كلـه
سهيرة طرف وتهـل العبـاري
وانا اللي مابقى لـي الا ثوانـي
من مجافاك واستدعي الطواري
يشوفون العلاج اللـي يناسـب
قبل يكشف علـي الاستشـاري
وانا عارف من اشكي له همومي
الى من صارت الدعوى جباري
اشاكي اللي يعرفـون المـوده
مثـل عـزام والا ابومشـاري
رجال لانتخيـت بهـم شفونـي
رجال افتخـر فيهـم وامـاري
ابشكي عندهـم ظبـي ظلمنـي
رماني بالمشـوك والسـواري
وخلانـي طريـح فـي حبالـه
اصوت مير مالي مـن مثـاري
عليـه الله واكبـر كلمـا جـا
مع العذال لـه ذكـر وطـاري
لعب لي لعبة الكـوره وسجـل
هدف محسوب في بابي كبـاري
لعب بي لعب ماجـد فالبطولـه
غدى فوز البرازيـل انتحـاري
حذفني حذفـة البايـع بضاعـه
وهو مغلوب وسط يدين شـاري
يتل القلـب منـي تـل طايـش
الى من تل له جيـب سفـاري
مدلـل واعذابـي مـن دلالـه
على سرقة قلوب الناس ضاري
غـزال شايـف نفسـه علينـا
تقول مرشح لمنصـب وزاري
ولـه حـق يتدلـل ويتكـبـر
مادامه للجمـال اصبـح اداري
ولي حق اشتكي مـادام قلبـي
يحب الزين رغبـه واختيـاري
وختم الشعر صلـى الله وسلـم
على محمد عدد رمل المـذاري

للإستماع للقصيدة اضغط هنا (http://www.5ymah.net/rm/ANADARYFHD.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:03 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. عزتي للي تولع ..

عزتي للـي تولـع فـي شبابـه
دايمٍ ودموع عينـه فـوق خـده
الزمن يوم ابتلانـي حـد نابـه
يازمن يكفي تـرى مافـي شـده
لاتعـذب واحـدٍ طـول عذابـه
من عنى سود الليالي بـاح سـده
حالفٍ ماأنسى هوى جالي عذابـه
لو يصير البحر الأحمر شرق جده
الوليـف غزيـلٍ مالـه مشابـه
ليت منهو راقـده فـوق المخـده
لو لي عند الولي دعـوة مجابـه
لأطلبه ماراح بـه عنـي يـرده
مولعٍ بـه ميـر ماطقيـت بابـه
من يشوف الزين بعيونـه يسـده
والله اني قاطعٍ حبل الرجـاء بـه
كل ماقلت التفت لـي زاد صـده
اترك الوقت القديم وماجرى بـه
مامضى يانـور عينـي لاتعـده
جرحي اللي زود الغالي صوابـه
ماخذٍ له في خفايا الـروح مـده
مستصيب وراحتي شمـة ثيابـه
صابرٍ والصبر مني وصل حـده
عزتي للـي تولـع فـي شبابـه
دايمٍ ودموع عينـه فـوق خـده

للإستماع للقصيدة اضغط هنا (http://www.5ymah.net/rm/aztyy.ra)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 10:04 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. البارحه ساهر وأجر التصاويت ..

البارحه ساهـر وأجـر التصاويـت
خلي رماني فـي بحـور الظلامـي
همي يباريني ليـا أقبلـت وأقفيـت
والحال قفـى مابقـى الا عظامـي
أنا أشهد اني مـن زمانـي توذيـت
شفت الشقا والعيـن عيـت تنامـي
يفز قلـب كـل ماشفـت وأوحيـت
طاري حبيب الروح غايـة مرامـي
ماصد قلبي يوم أنـا عنـه صدِّيـت
يكفخ كما طير كفـخ يـوم حامـي
ياعبيد أنـا فـي ديرتـي ماتهنيـت
أقنب عقب فرقـا ضبـي العدامـي
ياعبيد أنـا لانيـب حـي ولاميـت
قلبـي خذنـه مرخيـات اللثـامـي
ياعبيد هي صدَّت وأنا غصب صدِّيت
وياعبيـد والله مايفيـد الكـلامـي
وداعتـك ياعبيـد كانـي توفـيـت
اكتب على قبـري قتيـل الغرامـي
وكانك على باب أريش العين مريت
وصـل لـه الله لايهينـك سلامـي
وقله يابونواصـر ترانـي ترديـت
ذا لي ثلاث سنين مـدري علامـي

للإستماع للقصيدة اضغط هنا (http://www.5ymah.net/rm/albarhh.ra)

• + - - - - - - - - - - - - - - - - - ₪ - ::
----------------------------------------

تسـ тsωαħήــوٍآهـن

06-05-2008, 10:06 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الخـــوي ..

صاحبي لياك تسمع كـلام الحاسديـن
كيف تسمع هرج ناس تحـد سنونهـا
الليالي ياسعـد فرقـت بيـن الثنيـن
والعيون من العبأيـر تحـرق نونهـا
آه واويلاه من جرحي اللـي مايبيـن
خافـي والنـاس ماشافتـه بعيونهـا
اتعبـر واتصبـر واقـول الله يعيـن
يكذب اللي قال فرقا الخوي ياهونهـا
والله اني خابر الخوي مثـل اليميـن
عزوة لوسمعها الذيب يقصـر دونهـا
علموا ولد الـردي لايسـب الطيبيـن
كيف تشره بنت عامر على مجنونهـا
عيني اللي ساهره والخلايـق نايميـن
منك يالغالي عسى الله يكون بعونهـا
افضحتني ياسعد بين كـل المسلميـن
واتصـدد ماابـي العالـم يشوفونهـا
خايف من كلمة تجرح القلب الحزيـن
اثقل من طويق تدمي حشاي طعونهـا
تكسر الخاطر وتبقى على طول السنين
كلمة من جاهل ماعـرف مضمونهـا
ياالله انك تجمع الشمل والقاسي يليـن
وانك تخيب رجا اهل الحسد وظنونها

للإستماع للقصيدة اضغط هنا (http://www.5ymah.net/rm/saheby.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:07 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. حلمت بك ..

حلمت بك بالليل يازين الاوصـاف
ياليت حلم الليـل يصبـح حقيقـه
لو كل من يطري على البال ينشاف
ماكان زولك غـاب عنـي دقيقـه
القلب لاطـروك يازيـن ينـلاف
والجسم كـن مولـعٍ بـه حريقـه
عليكِ عيني دمعها يـذرف اذراف
وجروح قلبي من صدودك عميقـه
أنا لك محـبٍ وعاشـق وميـلاف
وأنا بك مولع وشف لـي طريقـه
حملـت حمـل مايحملونـه آلاف
لو حملـوه طويـق عيـا يطيقـه
اليا حكمت احكم عليَّه بالإنصـاف
واكتب عليَّـه بعـد هـذي وثيقـه
ليتك تداوي علتي ياابن الأشـراف
وأنت الأصيل اللي جدودك عريقه
كلش عقب فرقاك يازيـن ينعـاف
والنفس في بحر المحبـة غريقـه
لعبت بي لعب الهريفـي ونـواف
كل يبي الاهـداف صالـح فريقـه
اقفيت ودموعي على الخـد ذراف
بالله ياالمجمول شف لـي طريقـه

للإستماع للقصيدة اضغط هنا (http://www.5ymah.net/rm/hlmt.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:08 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. عنى جاري ..

كل جارٍ نوى للصلح مع جـاره
مير أنا واعذابي من عنى جاري
ماحصل منه لاجيـه ولازيـاره
ويش مزعله ماجاء للزعل طاري
أتكهرب ليا شفتـه مـع الحـاره
كني اللي وطى له كهربٍ عاري
كامل الزين فيه من الظبي شاره
ياهله لو تبيعونه فأنـا الشـاري
علموه ان مشى لايطلق أنظـاره
كم صويبٍ وقع من طلقه الناري
أتنشـد ولاوصلتنـي أخـبـاره
يوم هو مانشد عني ولاأخبـاري
عاذرينـه ولوماقـدم أعــذاره
ناشيٍ في هواه الـزام واجبـاري
آتحـرى مجيـه لـي ومسيـاره
وأتعبر وطـول الليـل سمـاري
غاب عني عقب ماطق مسمـاره
مثل ماغابت القمراء على الساري

للإستماع للقصيدة اضغط هنا (http://www.5ymah.net/rm/klgaaar.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:09 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. يوسف ويعقوب ..

حبي وحبك مثل يوسـف ويعقـوب
ردت عليه الشـوف شمـة قميصـه
راعي المحبه مايجي فيـه عـذروب
انشد عن أهل الحب نـاسٍ بخيصـه
ماظنتي من حـب مظنونـي أتـوب
نفسي على ناب الردايـف حريصـه
حلفت مالي ياأريش العيـن محبـوب
الا أنت قلبـي راح عنـدك قنيصـه
عليك أهل الدمـع والقلـب منهـوب
كني غريب الـدار رجلـه قريصـه
اسمك على الجدران في القلب مكتوب
منتيـب عنـدي ياحياتـي رخيصـه
الحب مابه عيب لاصـار مرغـوب
العيب في ممشى الـردى والنقيصـه
لقيت في بحر الهوى شـر وتعـوب
بحر الهوى ماكل شخـصٍ يغيصـه
أصبر على العذال والصبر مطلـوب
مالي من أشباك العـواذل خريصـه
لو كاني ناعس الطـرف محجـوب
أطيـب لاشميـت ريحـة قميصـه

للإستماع للقصيدة اضغط هنا (http://www.5ymah.net/rm/yosfyaqob.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:13 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. يالصيف يامفرق الغالين ..

يوم الاحـد ليلـة الاثنيـن
ياابوفهـد ضايـق ٍ بالـي
ياطول ليلي غـدى ليليـن
سهـران ليـن أذن التالـي
أبكي ودمعي على الخديـن
لـوه علـى واديٍ سـالـي
ياخوي أنا داريٍ ان العيـن
ماتبكـي الا علـى غالـي
عز الله ان المفـارق شيـن
ياحسرتـي يابـري حالـي
صحيح راعي الهوى مسكين
صحيـح والا يـورى لـي
ياعيـن ياعيـن لاتبكـيـن
ترى البكـى زاد غربالـي
أبي الصبر ياهلـي ومنيـن
كني على واهـج الصالـي
يالصيف يامفـرق الغاليـن
فرحت يالصيـف عذالـي
راحوا بخلي ولاأدري ويـن
يبـون وديـان وجبـالـي
الله يـردك لنـا يـازيـن
ياللي لـك القلـب منزالـي

للإستماع للقصيدة اضغط هنا (http://www.5ymah.net/rm/yomalahd.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:14 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. يارجـــم ..

يارجم قل للغضي لاجـاك نشـادي
لياك تامن زمانك يخلـف ضنونـك
ماكل الأيام بيـض وجوهـا هـادي
بعض الليالي تبين خافـي طعونـك
كانـك تسمعـت ماقالـوه حسـادي
اعرف ترى اللي يحسدوني يحسدونك
ياليت من يقطفك يازهـرة الـوادي
غصبٍ على اللي من أسبابي يعادونك
قلبي تولع معـك ياريحـة الكـادي
حبك وعيا يصك الباب مـن دونـك
ماودي أكلفـك ياغـض الأناهـدي
يسدنـي تتصـل وتقـول وشلونـك
تسعد بها خافـقٍ فيـه الولـه زادي
وتمد حبل الوصل لعيون مضنونـك
يقول خلي عيونـي فـدوة مـرادي
وأقول يابعد من لي تسلـم عيونـك
حالي ومالي وشوف العين وفـوادي
والروح ياريحة الريحـان يفدونـك
هموم عنـي جلـت وهمـوم ورادي
بالذات لاجيتني تمشي علـى هونـك

للإستماع للقصيدة اضغط هنا (http://www.5ymah.net/rm/yargmm.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:15 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. آه من قلبٍ ..

آه من قلـبٍ تولـع وعيـا يستريـح
والهوى لوعات والنار مـن شبابهـا
مالقينا من يداويـك يالقلـب الجريـح
والعمر قد فات والنـار مـن شبابهـا
مابقى الا أشق جيبي من الفرقا وأصيح
أرفع الأصوات والنـار مـن شبابهـا
من يرد العلم عن راعي الوجه المليح
حي والا مات والنـار مـن شبابهـا
كان خلي حي قولوا ترى خلك طريح
يشتكي بسكات والنـار مـن شبابهـا
وكان خلي مات ياعل ربي لـه يبيـح
غافر الـزلات والنـار مـن شبابهـا
من غيابه هد حيلي ولامن قمت أطيح
يالله الثبـات والنـار مـن شبابـهـا
ياعيوني ويش ترجينِ من كف الشحيح
هاك والا هات والنـار مـن شبابهـا
استريحي وارقدي مايصح الا الصحيح
دارت الأوقات والنـار مـن شبابهـا
واسمعي من جر صوته وبلسانٍ فصيح
يبدع الأبيـات والنـار مـن شبابهـا

للإستماع للقصيدة اضغط هنا (http://www.5ymah.net/rm/aahmnqalb.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:16 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. معذور ..

معذور ياللي علينـا شايـفٍ حالـك
يمديك تدري عـن الدنيـا وتاليهـا
شيٍ على البال مايطري على بالـك
يكفيك شر الغيوب وماكتـب فيهـا
مادمت حيٍ فأنا بأرجيك وأسعى لـك
لابـد ماتفـرح عيونـي بغاليـهـا
ياغلي روحي وأنا ماأرخصتها الا لك
وياغلي عيني وهلت لـك عباريهـا
توك صغيِّر ولاتدري عن أحوالـك
تظـن الأيـام صافـيـةٍ لياليـهـا
همك بقصة شعرك ونـوع جوالـك
وثيابك اللي من الأسـواق تشريهـا
لاتطري البعـد فـال الله ولافالـك
البعـد ماأقـواه والفرقـا ماأدانيهـا
البعد لاصرت عنـي ميـتٍ هالـك
فـي حفـرةٍ ماتبيـن زول راعيهـا
لو كان قبرك قريب لـي ومنزالـك
عليه أبعد مـن القمـراء لساريهـا

للإستماع للقصيدة اضغط هنا (http://www.5ymah.net/rm/ma3thooor.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:17 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. خابت نظرتي ..

اشوفك تهرب يابعد كـل مجمـول
وانا الذي بدمـوع عينـي بكيتـك
واليوم ضاعت حيلتي ويش ابقـول
اكذب عليك ان قلت لك مانسيتـك
غصب ٍ علي انساك مادمت مشغول
مع واحد ٍ غيري وانا اللي هويتـك
من عافني عفته ولانيـب مسئـول
واليوم عني صـك بابـك وبيتـك
معقول ياسيـد المحبيـن معقـول
الله قـوي الحيـل يامـا عطيتـك
وياحول خابت نظرتي فيك يااحول
لارحم ابو حيـك ولارحـم ميتـك
تقول احبك حب والله مـن الهـول
يحرم علي ان كان زرتك وجيتـك

للإستماع للقصيدة اضغط هنا (http://www.5ymah.net/rm/khabaaaat.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:18 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. واعدتني وأخلفتني!! ..

واعدتني وأخلفتنـي ليـه يازيـن
ماهيـب والله عادتـك ياغنـاتـي
جرحت قلبي ياأريش العين جرحين
صدِّيت عنـي ياشبيـه المهاتـي
ياعزتالي منـك ياداعـج العيـن
ياابوخـدودٍ كنـهـن المـراتـي
أسهر وتالي الليل والناس ممسيـن
من سبك عيـت عيونـي تباتـي
أحب من حَبك وأعادي المعاديـن
في حب شخصك من يسوي سواتي
غالي ومن ناسٍ على القلب غالين
يفدنـك اللـي حمـرن الشفاتـي
حبك بقلبي ساكـنٍ لـه زمانيـن
وغصون قلبي يالغضي يابساتـي
ياماحلا جمع الشمل بيـن الإثنيـن
لاسلموا من أهل الحكي والشماتي
قرب الوداع ومابقي غير يوميـن
علـى فراقـك ياضبـي الفلاتـي
وشلون أبسلى عقب فرقاك يازيـن
ماهيـب والله عادتـي ياغنـاتـي

للإستماع للقصيدة اضغط هنا (http://www.5ymah.net/rm/oaetny.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:19 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. قلبي ..

قلبي ياللـي ماتحمـل مصاويبـه
مل قلب من هوى الترف منلاعي
لاذكرته قمت أهوجس وأهذري به
كاتم حبي عن النـاس ماشاعـي
والسبب في جرح قلبي وتعذيبـه
جادل مجمول خده لهـا اشعاعـي
صابني والسهم الأزرق رماني به
ليت خلي مع هل السوق ينباعـي
مايهم المال للترف نصخـي بـه
العفو ماأرخصت مزيون الأطباعي
كان به عيبٍ فأنا عـارف عيبـه
عيب ملهوف الحشا عيونه وساعي
وان بغيت الوصل عزاً مطاليبـه
دون خلي حالة ذيـاب وسباعـي
قلبي المجروح أنا ويش أسوي به
لانهيته عن هوى الترف ماطاعي

للإستماع للقصيدة اضغط هنا (http://www.5ymah.net/rm/qlbmsawybh.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:20 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. صدتك مالها داعـي ..

ياحبيبي صدتـك مالهـا داعـي
وش يفيدك من عنى العين وبكاها
ماترد الصوت وتقـدر الداعـي
لي متى ياقـرة العيـن ومناهـا
زلةٍ زلت وتلوي بهـا ذراعـي
ماحدٍ قبلك مـن النـاس سوَّاهـا
جيت أعدلها وزادت من أوجاعي
مثل من جاء يكحل العين وأعماها
انت عارفني وتدري عن أطباعي
كلمةٍ تجرح مشاعرك ماأرضاها
والله اني من سبايبـك منلاعـي
لوعة اللي لاعها الطِّير وأغداهـا
واجب انك ترحم الحال وتراعي
ياعيونٍ سـم حالـي مراعاهـا
انت مشتاي ومصيفي ومرباعـي
وانت عـلاة المعاليـق ودواهـا
أنتظر ردك ولاجابـه الساعـي
ول ياقلوب المحبيـن ماأقساهـا
شاب طاروقي وقافي ومصراعي
ياقمر خمسة عشر ويش معناهـا
يرقدون الناس ياأحمد وأنا واعي
مااهتنيت النوم من عقب فرقاهـا
قد تمنتني وأنا أطـق باصباعـي
وأيست مني وصـرت أتمناهـا
مابها رحمه ولاهيب مطواعـي
كل ماأقولـه علـى الله مشكاهـا
أشتري جمله ولاأبيـع قطاعـي
ومن يدورها على الناس يلقاهـا

للإستماع للقصيدة اضغط هنا (http://www.5ymah.net/rm/yahbyby.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:22 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. صاحبـي ..

صاحبي جا بيني وبينه مصيبـه
غصب خليته وهو غصب خلاني
صاحب ٍ مابار في خوّة صحيبه
خابر ٍ انه مثل مابغـاه يبغانـي
صاحب ٍ ودّه بشوفي وودّي بـه
كل واحـد ودّه بشوفـة الثانـي
اتحاشا شوفته كـن مالـي بـه
واسرق النظره ليا من تعدانـي
دقّت اشباهه وغطّـت عذاريبـه
ناعم الخدين مدعوج الاعيانـي
والردايف لامشى شلّـن ثويبـه
والثنايـا كنهـن حـب رمانـي
لابغيت اجيه زعلـوا معازيبـه
ساعة ٍ يرقص بها كل شيطانـي
يركض الشايب وينقل مشاعيبـه
والولد يرمي على كل نيشانـي
حالف ٍ مانساك يامطوّل الغيبـه
بس لاتنسى المـوده وتنسانـي
لانسيت الحمد انا ويش اصلي به
ديني الاسلام مانيـب نصرانـي

للإستماع للقصيدة اضغط هنا (http://www.5ymah.net/rm/sahby.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:23 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::..آه واتل قلبـي ..

آه وآتل قلبـي كـل ماقـال آلـوه
آه وآتــل قلـبـي آه وآتـلـتـه
تل دلوٍ من البير العميـق اجذبـوه
يصطفق بالطوي لين اقطعوا عروته
لانظر لي بعينـه والله انـي اتـوه
مير بسم الله الرحمن مـن نظرتـه
وان غمز لي وعض شفيّته قلت يوه
كن رمح الزناتي بالحشـا طعنتـه
حسبي الله على اللي عقبنا غيـروه
جوا يهرجون عنده واخلفـوا نيتـه
يسألونه على زود الحيا واحرجـوه
آه لبيـه يـاوردٍ كسـى وجنـتـه
ياوجودي عليها وجد من مات ابوه
موفي ٍ عنه عشر سنين في غربتـه
آه وابري حاله يوم جـوا علمـوه
طوّح عقاله وكمـل علـى غترتـه
وياوجودي عليها وجد من عذبـوه
ماتت امه وشاف الويل من عمتـه
كلمـا واجهـوه عيالهـا حسـروه
امعطوا شعر راسه واكسروا لعبته

للإستماع للقصيدة اضغط هنا (http://www.5ymah.net/rm/aaah.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

http://www.5ymah.net/fm/images/buttons/sendpm.gif (http://www.5ymah.net/fm/private.php?do=newpm&u=1074)

تسـ тsωαħήــوٍآهـن

06-05-2008, 10:40 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الطير والله تركناه ..

الطيـر والله يامحـمـد تركـنـاه
لو كان صيده من سنين الحبـاري
أرخص غلانا عافنا .. ثـم عفنـاه
ولاتستوي من بين بايـع وشـاري
لو كل من ينوي على شـي يلقـاه
عز الله اني منه بلقـى العـزاري
من أول أرجـي شوفتـه وأتمنـاه
وأصبر ولو دمعي على الخد جاري
واليوم مابي غيـر بعـده وفرقـاه
ولابد ماتجـري عليـه الجـواري
واقلبي اللي لجلجـن بـه حنايـاه
عقب القمر جارن عليه الغـداري
ويلاه من هجـر المحبيـن ويـلاه
ياكثر ماتطري عليـه الطـواري
ودي أوسع خاطري كودي أنسـاه
تكفون ياللي تبخصـون البـراري
شوفوا لنـا جيـبٍ كثـار مزايـاه
فكسار والا شـاص والا سفـاري
تجملوا بي ياأهـل العـز والجـاه
ربيع قلبي يوم أشوف الصحـاري
الله على شوفة غديرٍ صفـى مـاه
والله على نقلـة جديـد السـواري
والله على الطيِّب و ولذَّة مخـاواه
من قبل ماتذري علينـا الـذواري
والله عليك الذيب لاجـاذب عـواه
اليا انحدر من يمة الضلع سـاري
والله عليك الجيـب لازان مسـراه
بين الصياهد والنقـر والمـذاري
والله على شوف الـدلال المركـاة
رسلان تبرى للنجـر والغـواري
هذي الحياة ومن جفانـي أبجفـاه
والحب بين الناس ماهو اجبـاري
وهذا منايه يـوم كـلٍ لـه منـاه
ويامخيرين الناس هـذا اختيـاري
رفيقي اللي تفعـل الطيـب يمنـاه
والا الردي خله لغيـري مبـاري
ماخبرت ان الذيب يرعى مع الشاه
الأصلي أصلي والتجاري تجـاري

للإستماع للقصيدة اضغط هنا (http://www.5ymah.net/rm/tyrmfrg.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:43 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. تستاهل ..

تستاهل أسهر لأجلك الليـل كلـه
من أولـه يانـور عينـي لتاليـه
القلب مالـك حـق يومـك تتلـه
ارحم رحمك الله وخلـه لراعيـه
لوك تطيع الشـور لاقلـت خلـه
ماكان بأسبابك توامـى عراويـه
خله ترى راعيه في حاجـةٍ لـه
بالهون يالمجمـول ليـاك توذيـه
ياما على شانك رضيـت المذلـه
وياما على شانك تركت المشاريه
ولولاك دمع العيـن والله ماأهلـه
لولاك ماصـوت ياهيـه ياهيـه
مالوم قلبي لو نزح عـن محلـه
معذور ياقلـبٍ عشيـره معنيـه
يشكي من الفرقا ولحدٍ فطـن لـه
الله كريم انه من الحـب يشفيـه
رجاي باللـي كـل عقـدٍ يحلـه
اللي اليا ضاقت على العبد يرجيه
والا أنت عله والجفا منـك علـه
حيرتني والجـرح ليتـك تداويـه
وليتك علي تامر وأنا أقـول يالله
وليتك تناديني وأنـا أقـول لبيـه
مير الله أقـوى يالقلـوب المدلـه
واهنيكم ياأهل القلـوب المداليـه
ياعل عمري ياحمـد فـدوةٍ لـه
لو كان ماأغلاني ترى القلب مغليه
زلـه حشـا لله ماهيـب زلــه
مير الهوى ياويل منهو مشى فيـه
كم واحدٍ عاقل وجاء فيـه خلـه
أسباب حـبٍ فالضمايـر مخفيـه
أقولهـا فاللـي عيونـه مضلـه
اللي كما لون الشفق لون أشافيـه
ماقد نشر لـه صـورةٍ فالمجلـه
مستور في بيته وربـي معافيـه

للإستماع للقصيدة اضغط هنا (http://www.5ymah.net/rm/tstahl.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:44 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. سقى الله ليلة الجمعة..

الا يالله يـالـوالــي
تجيب اللي على بالـي
حبيـبٍ عندنـا غالـي
سقى الله ليلة الجمعـة
الى شفته ذكرت انـي
أنـا وايـاه متهـنـي
أنا منـه وهـو منـي
سقى الله ليلة الجمعـة
أقوم الصبح من بدري
وأطالع ساعتي وأدري
الا جاء الليل أنا بأسري
سقى الله ليلة الجمعـة
الى ياللـي تشوفونـه
على خلـه توصونـه
حـذاري لاتخلـونـه
سقى الله ليلة الجمعـة
ترفق ياحبيب الـروح
على قلبي تزيد جروح
عقب فرقاك وين أروح
سقى الله ليلة الجمعـة
أجر الصوت والونـة
على اللي ينقش الحنـة
عسى ضني على ضنة
سقى الله ليلة الجمعـة
ألا ياليتـنـي جــاره
جداري صار في جداره
يجي داري وأجي داره
سقى الله ليلة الجمعـة
أحبـه مـادرى عنـي
وأفكـر فيـه وأغنـي
مواعـيـده يغثـنـي
سقى الله ليلة الجمعـة
أتـردد علـى بـابـه
سهرت الليل بأسبابـه
عسـاه يقـدر أحبابـه
سقى الله ليلة الجمعـة
حبيبـي ضايـقٍ بالـه
عسى فال السعد فالـه
يقول اللي برى حالـه
سقى الله ليلة الجمعـة

للإستماع للقصيدة اضغط هنا (http://www.5ymah.net/rm/2seqaa.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:44 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. متاهات الحيارى ..

آه من دمع المحاجر .. وآه من ليل السهاري
وآه من قلبٍ جريح .. وآه من عيـنٍ شقيـه
من مسافات الدروب .. ومن متاهات الحيارى
ومن عيونٍ ماتنوم ومـن همـومٍ سرمديـه
ياشموخ أهل الغناه .. وياحيى كفوف الفقارى
ياقلوب الظالمين .. وياصبـى نجـد العذيـه
درة المحَّـار والبحـار .. لا ماتنتـجـارى
دانـةٍ تسبـي العقـول بحسنهـا والجاذبيـه
ربي اللي خصها بالزين مـن بـد العـذارى
هيبـة الحكـام بأيـام العـرب والجاهليـه
ايتحدى بالجمـال اليوسفـي كـل الغيـارى
واثق الخطوات يمشـي ملكـاً مافيـه زيـه
بالشعر والردف والعينيـن والخـد يتمـارى
فاتـنٍ ماشـاء الله الا مثـل بـراق العشيـه
فيه من لؤم اليهود وفيه مـن ود النصـارى
ساعةٍ نقلـب عليـه وساعـةٍ يقلـب عليـه
قمت أداريك انت واثاريك شخصٍ ماتـدارى
أحسب انك رمز لأهل الحب وأهل النرجسيه
يازمانٍ فيه صـار الحـر مُلـكٍ للحبـارى
ولت أيـام الشـداد وزلـت أيـام المطيـه
ساهرٍ بالليل ودموعي علـى خـدي تبـارى
وأتوجد وجد قيـس اللـي سبتـه العامريـه
أتفكر في خيـالٍ عـن عيونـي ماتـوارى
وأبدع طروق القصايد واللحـون السامريـه
أمكنوني يالمفرج وافزعـو لـي يالتمـارى
مايصح الا الصحيـح ولايـرد الا الخطيـه

للإستماع للقصيدة اضغط هنا (http://www.5ymah.net/rm/mtahaat.ra)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:47 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. دولاب الضمايـر ..

دار دولاب الضماير وجربت النصيـب
وانفتح في ضامـري للشعـر بيبانيـه
تل قلبي تـل دلـوٍ يتـل مـن القليـب
تلها الجـذاب وأقفـت عليـه السانيـه
سم حالي واحدٍ مـن جماعتنـا قريـب
ورث جدانـه يعـوِّد علـى جدانـيـه
كل ربعه لي جماعه ولافيهـم حريـب
بس هو مـن بدهـم معلـن العدوانيـه
ينقل سلاح العداوة عقب ماهو صحيـب
والفشق في محزمه جعل ماهـي دانيـه
يامغربني وأنا فالوطن مانـي غريـب
لايغـرك مظهـرك والحيـاة الفانـيـه
نظرتك نظرة غزيل وقلبك قلـب ذيـب
يوم شفتك قلـت بسـم الله الرحمانيـه
لاتكررها عليـه وأنـا قلبـي صويـب
ان قبلـت الأولـه ماقبلـت الثانـيـه
وكان جرح القلب يرضيك جعله مايطيب
اجرحـه بيـن الدقيقـة وبيـن الثانيـه
صاحبي ماهوب عني بعيـد ولاقريـب
صاحبي من نجـد وأميرهـا سلمانيـه

للإستماع للقصيدة اضغط هنا (http://www.5ymah.net/rm/dolab.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:49 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. أوضـاع لبنان ..

يامن يخبرني عن اوضـاع لبنـان
اخواننـا فـي ديننـا والعـروبـه
قلوبنا معهم ولو كـان مـا كـان
وكاد والغلطـه ماهيـب محسوبـه
منا وفينا والعـرب شانهـم شـان
متفرقيـن وعهدهـم ماوفـوابـه
اعراضنا تنهـك ومستورنـا بـان
واطفالنا ذبحـوا وراحـوا جلوبـه
الله ياشـي ٍ نشـوفـه بالاعـيـان
شمـال لبنـان العزيـز وجنوبـه
مبانـي ٍ تهـدم وتقتيـل شيـبـان
وعجز ٍ عليهن الشيـال معصوبـه
ياالله لاتشمت بنـا اليـوم عـدوان
يبكي وطن يعرب وتبكي شعوبـه
بوش الدبليو كلب والمرت خـوّان
وبليـر مجـرم ماجهلنـا دروبـه
عدوان دين الله ولا هـم بصدقـان
صدقـان ابومـرّه علينـا عقوبـه
وشلون نرجي من هل الذنب غفران
نشكي على راعي المعاصي ذنوبه
ياشعب عبدالله وياشعـب سلطـان
هبـوا وشبوهـا عليهـم شبوبـه
في ظل قايدكـم سلايـل كحيـلان
حبيب شعـب المملكـه ومحبوبـه
عبدالله اللي يوم روغات الاذهـان
ينخونه الفرّيـس ويجـون صوبـه
للمجد والامجـاد والعـز عنـوان
يسلم ويسلم شيخنـا اللـي ينوبـه
ويسلم لنا نايف واسد نجد سلمـان
اعيال ابوتركـي سنـام العروبـه

للإستماع للقصيدة اضغط هنا (http://www.5ymah.net/rm/lbnaan.ram)

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:51 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. خافـي الغلا ..

من قبل اشوفك وانا مبسـوط للغايـه
اضحك واسولف واهرّج من يهرجني
ومن يوم شفتك وانا يامهجتـي تايـه
انقل جروحي وادوّر مـن يعالجنـي
يا سر خافي الغـلا يـاداي يادوايـه
من سجن حبك عسى ربي يخارجنـي
انا اعترف لك بأنك فـالجمـال آيـه
ولا حل طاريك بين الناس يحرجنـي
احفت خدودي دموع العيـن وبكايـه
وهموم قلبي مـن الفرقـا تخالجنـي
ومن كثر مااكتب قصيد اتعبت يمنايه
معذور مـادام حبـي لـك مبنجنـي
انفـذ اوامـرك فـالحـال برضايـه
حبك على الطاعه العميـا مبرمجنـي
هجرك عذابي ووصلك غايـة منايـه
والى تبسمت لـي كنـك محججنـي
باالمختصر ياقمـر ليلـي ومسرايـه
اطلق سراحي تراني ضقت من سجني
اما اعطني ماطلبـت ونـزّل الرايـه
والا توكـل علـى الله لاتولجـنـي
لاتتصل بـي ولا تـدوج فـحمايـه
ترى اتصالك عقب فرقاك يزعجنـي
يـاالله ياالمعتلـي عليـك شكـوايـه
محتـاج يـاالله لغيـرك لاتحوّجنـي

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:53 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::.. ياليت لي جنحـان ..

البارحـه ليـن اذّن الفجـر ياذيـب
وانا سهيـر العيـن متكـدّر البـال
في مرقدي واودّي افكـار واجيـب
ماغير انـا والهـم رجلـي وخيـال
اونس بقلبـي مثـل شلفـا تريحيـب
اللي مع الشجعان يضرب به امثـال
اسري مع الهوجاس وارسل مناديـب
والدمع من عيني على الخـد همـال
ذكرت ابوي اللي غزى عارضه شيب
وجريت في صدري من الضيق موال
وذكرت ربعي كاسبيـن المواجيـب
اهل الوفا والطيب ذربيـن الافعـال
وذكرت سجـات القـدم والتعاجيـب
وسوالف ٍ معهم عريضـات وطـوال
وطرى علي علـوم رد ّ ومكاتيـب
وماكل مايطري علـى البـال ينقـال
الله علـى الدنيـا تكـدّر مشاريـب
يوم ٍ على حال ٍ ويوم ٍ علـى حـال
ياليت لي جنحـان واطيـر واغيـب
اغيب عن عين المعـادي والانـذال
نظم ٍ علـى بالـي وقلتـه بترتيـب
والا فانا مالي على النـاس مدخـال
وياعل قلب ٍ مايقـدّر هـل الطيـب
تومي معاليقـه مـن الجـال للجـال
ياعـل يحتـارون فيـه الاطابيـب
وراعيه يصبح داخـل القبـر نـزال

• + - - - - - - - - - - - - - - - - - ₪ - ::
----------------------------------------
:: :. ........................ .: ::

تسـ тsωαħήــوٍآهـن

06-05-2008, 10:54 AM

• + - - - - - - - - - - - - - - - - - ₪ - ::
----------------------------------------
:: :. ........................ .: ::

.. الشيخـــة ..

سلام يااللي على بالي وتطـري لـي
سـلام يافتنـة العشـاق ياالشيـخـه
سـلام سـلام ياالسـود المظاليـلـي
ياشمعـة الكـون ياقبلـة مطانيـخـه
ياويل الاجواد منـك ومنـك ياويلـي
وياويح قلبي على جرحـه وتوبيخـه
يابري حالـي ويامااكثـر غرابيلـي
والقلـب يكفـخ عليـه وزاد تكفيخـه
اترك جملنـا يدرهـم ياقمـر ليلـي
ماانتاب ملزوم في لطمـه وتنويخـه
احترت في وصفك وضاعت محاصيلي
ماادري زحل عالمي والا انت مريخه
حيل الله اقوى تراني طحت من حيلي
والله لجازيـه قبـل يفـوت تاريخـه
احمـد نجـادي مايهـدا يارجاجيلـي
الين يطلق على امريكـا صواريخـه

• + - - - - - - - - - - - - - - - - - ₪ - ::
----------------------------------------
:: :. ........................ .: ::