::|[ ديوان : الشآعر المرحوم مفـرح الظمنــي . ]|::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

ردووآ سلآمـ.ــي

:: ₪ :: :: ₪ ::



ياراكـب اللـي يقطعـن المراخيـم
هجنن من الفرجه يجيهن خفاخيـف
فـج العضـود محجـلات القوايـم
وبطونهن مثل السبـاع المهاريـف
لاكـن خبـط خفوفهـن بالحمايـم
خبط الغشين اللي سحابه مقانيـف
ارخصولهن حبل الرسـن بالهمايـم
واخذو عليهن يالنشامـا غطاريـف
تلفون ابـن ظمنـه قـوى العزايـم
سـواد خيـال البكـار المشاعيـف
عوق الخصيم وستر سـود اللثايـم
ليا حل في تالي المظاهير تجتعيـف
من قو عزمـه مايهـاب العظايـم
يارد ولو قدمـه رماتـن نواتيـف
يشهـد بفعلـه لابسيـن العمـايـم
ويشهد له البارود والرمح والسيـف
واليا اعتزا بعشـواه والحـظ قايـم
يجمع مواليفـن ويفـرق مواليـف
ترعا به العشـوى نبـات الوسايـم
من وادي الباطن اليا اقصا المشاليف
له رفـة يفطـر بهـا كـل صايـم
تضفي حسانيها على الجار والضيف
ودلال صفرن فيهـن الهيـل عايـم
دايم على جمـر المنـاره مهاديـف
ونجرن ليا دنـه صحـا كـل نايـم
يطرب لصوته كل من يشرب الكيف
وصحون تعرض للوجيه الحشايـم
يرمي بها حيلن شحمها شحم ريـف
ردو سلامـي يـم جـال اللـوايـم
ابو محمد لا حصل لـه صواديـف
واليـا نشدكـم علمـوا بالعـلايـم
قولوا ربوعك ما عليهـم تخاليـف
ومن بعدهـا حثـو لهـن بالولايـم
ثم اذكروه بخير ياهـل المواجيـف


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

رايــــــــ..ــــــات حبي

:: ₪ :: :: ₪ ::




يابدر خلي بالهوي ..شاتنـي شـوت
شوتت لواعيب.. تشـاوت اكورهـا
ما عاد ينفعبه قصيدي..مع الصـوت
رايات حبي .. فـي يدينـه كسرهـا
غديت مثل اللي مع الـدرب مبهـوت
عينـه مـن الفرقا..تنثـر عبـرهـا
عليك يا غـرون وحذفنـي بتابـوت
حبـه معاليـق الضمايـر سعـرهـا
غر.. وكلامه قوت .. ومقابله قـوت
يطرد عن النفس المريضـة كدرهـا
يلعب بقلبي لعبة الربـع ..بالكـوت
أحد ..ربح فيها ..والآخـر خسرهـا
وجدي لها.. ووجد العواجي على نوت
جته المنيه .. وما شبع مـن ثمرهـا


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: ₪ ::

يآموتـ.ــري

:: ₪ :: ₪ ::




ياموتري شد عزمك دق الساعـه
خلي كذب بالوعد والزام قافينـي
عزي لمن صاحبه عقب الغلا باعه
زاد الجفا واشترى ناس جديدنـي
الله يلوم الغضي وش غير اطباعه
وانا احسبنه على الدنيا يصافيني
فيما مضالي يقول السمع والطاعه
واليوم صـد وتكبـر مايحاكينـي
يارجل منتي ورى المقفين تباعـه
عيب عللى اللي تبع ناس مقفيني
من لاعرف وين مدخاله ومطلاعه
يصبر على ماجرى بالعسر والليني


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

لآتعآتبني

:: ₪ :: :: ₪ ::




بس لاتعاتبني ترى البال مشغول
ماحمل عتابك والليالـي طويلـه
حل الهوى بيننـا حـل معقـول
اما تشيـل الحمـل والا نشيلـه
هذا نصيبي عندكم ويش اباقـول
ماعاد عندي ياريش العين حيلـه
هنيـت قلـب ماتولـع بمحمـول
ماولعنـه ناقـضـات الجديـلـه
لاسايل عنهن ولا هـو بمسـوؤل
مايعـرف الا مصحفـه وتهليلـه
وانا ذبحني ناعس الطرف مكحول
سنه صغير والوصايـف جميلـه
يلوعني لوع الوحش لابرق الجول
بكر هـداده والمراعـي مسيلـه
ويفرني فـر اللواعيـب للقـول
خلا قليبـي كـورة لـه عميلـه


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

مبدآ كلآمي

:: ₪ :: :: ₪ ::





مبـدا كلامـي سلامي..تحياتـي واحترامـي.


.عدد براق الظلامي وسـط المـزون الثقيلـه


ثاني كلامي نصيحه..لاهل الوجيـه السمحيـه.


.فيهـا فوايـد مليحـه للـي يميـز دليـلـه


تمسك يامودماني..واحسب حسـاب الزمانـي.


.واطلب من الله الغفراني محيي العظام الهزيله


الاولى كمل افروضك..ابذل جهدك مع ملحوضك.


.صلاتن لله تعوضـك عنـد المولـى فضيلـه


انا اوصيـك بالطاعه..تـرى دنيـاك قطاعـه.


.تبدل ساعـه بساعـه لا تحسبنهـا طويلـه


بالك تغضب والدينك..ولا تزمجرهـم بعينـك.


.اصبر وكتـف يدينـك لـو حطـوك بمليلـه


غذوك وكيف تنساهم..تخضع وتطلب رضاهـم.


.ولاتدعـي بفرقاهـم علـى حسـاب الحليلـه


بالك تقرض قفا الغافل..هراجن بالقفـى سافـل


..خلك عن دربها جافل حيـث النمـه رذيلـه


شرور الناس جنبها..ودروب الخير صاحبهـا.


.اسمـع وانشـد مجربهـا فوايدهـا جميـلـه


والراضه فيها السلامه..والسرعه منها الندامه.


.جنب دروب الملامه واسلـم مـن كـل ميلـه


وهـذا ماوصفنـا لك..ودبـر حالـك بحالـك.


.عسى درب الهدي فالـك والعبـد الله وكيلـه



..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

هذهِ القصيده يرثي فيها الامير:نايف بن قطيم شيخ الصعبه من
قبائل مطير المتوفى سنة
1975 م يقول رحمه الله:_:


:: ₪ :: :: ₪ ::




يوم الخميس اللي مضا صار ما صار
ياما اقشر الفجعات عقـب الوناسـه
قالوا توفـا شيخكـم حـر الاحـرار
ابن قطيـم اللـي بعيـدن مراسـه
نايف اليا ركبو على قـب الامهـار
كم شيخ قومن بالتفق طـش راسـه
خيال شقحن ربعت عشـب الاقفـار
ترعا خضـاره ثـم ترعـا يباسـه
فكاكها مـن كـل غاصـب وغـدار
مـن هيبتـه ترعـا بليـا حراسـه
دايم على صوب العدا يشعـل النـار
والقفر لو هو بين الاجنـاب داسـه
واليا غزاهم غاريـن يطلـب الثـار
من حـر مايونـس بقلبـه نحاسـه
في ربع ساعه بـدل الـدار بديـار
من ظربهم بـاع الطمـع بالفلاسـه
راع البويضا يـوم سوالدخـن ثـار
تجنبـوه عـداه مـن قـو بـاسـه
واليا انتخا بصعيب وصعيب جبـار
ياويلـكـم ياراكبـيـن الفـراسـه
هذي عوايـد شيخنـا مابـه انكـار
شجاعتـه ماهـي شهـاده دراسـه
والعود عقب له حـرارن بالاوكـار
فيهم على ضرب المعـادي حماسـه
تراحيب جعله من طويلين الاعمـار
سمي خاله مانقـص عـن قياسـه
وادعو معي ياأجواد يانسل الابـرار
في جاه من شيد على الكون ساسـه
يالله عسـاه لجـنـه الخـلـد زوار
في جنه الفـردوس يضفـي لباسـه
تمت وصلي الله على خيـر مختـار
شفيع الامـه فـي نهـار التعاسـه


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

دفتـر التعليـم

:: ₪ :: :: ₪ ::



يالمعلم دخت مـن كثـر الكتابـه
حضرتي للدرس من كبر المصايب
دفتـر التعليـم قلبـي ماشقابـه
شقوتي في صاحبي ضافي الذوايب
يالمعلـم لاتطالبـنـي طـلابـه
شل قراطيسك وجوز من الطلايـب
لاتلوم اللي تعـذب فـي شبابـه
عذبه طفل مـع البـدوان غايـب
صاحبي يم النفود اقفـت ركابـه
حالف لانصاه لو دونـه نشايـب
لو تشوفـه يالمعلـم فـي ثيابـه
كان تصبح من جميع الدرس تايب


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

وهذه القصيده يتوجد فيها الشاعر مفرح بقوله :


:: ₪ :: :: ₪ ::




انا هـواي جويـدل دلهـا زيـن
تلعب وتضحك والمبيسم ذبوحـي
حبيتها حب الشـرف للشريفيـن
قلبي عليها مثـل ورع شفوحـي
ورع يذاود عبرته والدهـر شيـن
البيت خالي والرعايـا سروحـي
وجدي عليها وجد من حده الديـن
قليل مـال ولا المديـن سموحـي
او وجد من جاروا عليه السلاطين
بالسجن مضيوم قليل الشبوحـي
او وجد عود واصل عمر تسعيـن
ماتوا عياله والقريـب شحوحـي
او وجد عذرى زوجوها مسيكيـن
تبغى الفراق وكل يومن طموحـي
بليت بعفش مايعـرف القوانيـن
وجهه كريه وبالعطايا شحوحـي
ياليت عمري ياعرب وقم عشرين
والحق هوى بالي واداوي جروحي
فيما مضى نمشي بروض وبساتين
يرقص لنا غصن الهوى بالمزوحي
واليوم في بيتي كسير الجناحيـن
عاجز وشيبي في الصوابر يلوحي
امسي بهم ويصبح الهـم هميـن
هـم يراودنـي وهـم يـروحـي
يالله ياغافـر ذنـوب المصلـيـن
ياواحدن تدري بحالـي وتوحـي
تغفر ذنوبي يوم عرض الموازيـن
وانت اللذي لذنوب عبدك دموحـي


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: ₪ ::

تعــــآلوآ


:: ₪ :: ₪ ::




تعالوا ياهل الشيمات ياللـي تفهمونـي
توحوا للجواب اللي يناسبكـم صوابـه
انا قبل احسب ان المرجله طرق اللحوني
سوات اللي جمع له مال ماحسب حسابه
لقيت المرجله تمشي على تسعة ركوني
تنادي من يحب الخير في منزل كتابـه
الاوله بذلة المعروف باللـي يبذلونـي
ترى من يبذل المعروف بالطيب لقابـه
واقول الثانيه من ضاع دينه طاح دوني
ومـات بملـة الكفـار والله مـادرابـه
واقول الثالثه والـدك والـدم الحنونـي
توقـع لاتقاصيهـم وتجعلهـم ذيـابـه
واقول الرابعه عن ضيفكـم لاتبخلونـي
اليا جاء في محل الجود قولوا مرحبابـه
لان الضيف ضيف الله وقدره مايهونـي
وبيت العـز يالاجـواد ماينصـك بابـه
واقول الخامسه للجار حـذرا تغلطونـي
ويلزمك احتمال الجار مع كثر الحبابـه
واقول السادسه درب النمايم لاتجونـي
ترى راعي النمايم مايحوش الا الخيابه
واقول السابعه باللي ومن بك لاتخونـي
اليا خنت الامين يحطك الله فـي عذابـه
واقول الثامنه عن كل خايـب تبعدونـي
ردي المعرفه وسع جنابك عـن جنابـه
واقول التاسعه لطمة عـدوك بالعيونـي
اليا منه زما العايل ترى الذلـه عيابـه
نصيحه قلتها من قلب للـي يسمعونـي
على تسعة ركون وكل ركن قلت مابـه


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

ربعي مطيــر

:: ₪ :: :: ₪ ::




ربعي مطير مدللت حـم الاشعـاف ii"
" ترعى الخطر وسيوفهـم iiحاميتهـا
هادي صلفين سلاطيـن واشـراف ii"
" وفعولهـم كـل القبـايـل حكتـهـا
كم فارس من ظربهم شـاف ماعـاف "
" اقفـا ذليـل واسبقتـه iiماعفتـهـا
وقت مضى تشهد لهم عوج الاسلاف ii"
"وبيـارق ترفـع علـى iiناصيتـهـا
وان اجنوب يذكر لهم عشب وارياف ii"
"داسـو ربيعـه ماخشـو iiعاقبتهـا
ولهم على شقراء ربيع ومصيـاف ii"
"ذيدانهـم عشبـت بصيـه iiرعتهـا
وان جا على الصمان نوا له ارداف ii"
" دهايـم كــل الـمـلازم iiملتـهـا
نوا بروقه وسـط المـزن كشـاف ii"
"عيـن الشقـاوي للحيـا iiخايلتـهـا
ساقوا مظاهير ومـال لـه اطـراف ii"
" ترعى وحمـران النواظـر iiحمتهـا
الارض تحت اقدامهم ترجف ارجـاف "
"زلـزال روس الجـبـال iiانسفتـهـا
صوت الحوافر بين غـاره ومحـراف "
"خيل يشيب الـراس مـن عاصفتهـا
سجل لنا في قمـة المجـد ميقـاف ii"
" شهـاده كـل الرجـال iiشهدتـهـا
جهالنا في مركـز الطيـب عـراف ii"
"وشيابنـا روس المعالـي iiرقتـهـا
والطيب مايشراء بدينار وانصـاف ii"
" الا بساعـات تـثـور iiإغبرتـهـا
ولاني على سب الاجاويد مزهـاف ii"
"والنفـس كلمـات الغلـط iiحرمتهـا
واهل الثناء والمجد بالفعل تنشـاف ii"
" قبـايـل ماضيـعـت iiلازمـتـهـا
ومدحي لربعي حق مايحسب إجحاف "
" صحايف بيـض اليديـن iiاكتبتهـا
ماقـل دل وزايـد الهجـر ينعـاف ii"
"وصلوا على المبعوث فـي iiخاتمتهـا


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

قصيدة غزليـة قآلها الشآعر بآيآم شبآبــه .

:: ₪ :: ₪ ::



يوم جيـت البيـت ماشفـت رواد يـروده
مالقيت الا العصافيـر وأشجـار النباتـي
قلت يالجيران هالبيت مـن ذيـر عنـوده
علمونـي بالخبـر والجـواري جارياتـي
قالوا الجيران سافـر ولا نعـرف وجـوده
هقوة أنه يطلـب العلـم بيـن الجامعاتـي
وأهله راحوا على موتر(ن) يطوي عمـوده
وأنتـووا مصيافهـم بالديـار البارداتـي
قلت وين القاه قالوا من ورى الغربي حدوده
في ديار(ن) ماتعـرف البراقـع والعباتـي
أتصل بأنكلتـرا والمطـار أسـأل جنـوده
ياعسى تلقى الخبر مع مديـر الطايراتـي
قلت يرجع بالسلامه ويوفي لـي وعـوده
وأتمنـى لـه يجيـب الشهايـد عالياتـي


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

كان الشاعر الكبير مفرح الظمني في زيارة الامير تركي بن عمر
بن ربيعان ، وأقام الامير أبن ربيعان وليمة غداء له (مع ملاحظة أني قلت عشاء وهاذي زلة مني!)
ولكن الشاعر لم يستطع المكوث بسبب أن خوية اللي معه مستعجل فصار بين نارين أما يقعد
ويتغدى عند الامير وصاحبة اللي معه يبتلش أو أما يمشي مع خوية ويخلي غدا أبن ربيعان
وهاذي كبيرة وفي حقوق عند العرب ، فشاعرنا أبتلش بعمرة فقرر أن يمشي مع خوية
ويمدح بقصيدة رائعة أبن ربيعان يعتذر منه ويوضح كل الامور وهذا ما حدث


:: ₪ :: ₪ ::



يا شيخ يا بن الشيخ شيخ الرياجيل
يا عـز روق اليـا بلتهـم بليـه
يا بن عمر ريف اليتاما المراميـل
يا عون من يرجـى وراه العطيـه
ياللـي محلـك للنشامـا مداهيـل
غير الشحم والهيل فيـك الحميـه
لولاك تركي كان سميتـك سهيـل
عليه أبن حثليـن سـاق المطيـه
أسمح لنا يا بن الذي يتعب الخيـل
أنـا مقصـر والمطاريـش أذيـه
لزمت عزيمتكـم وحنـا معاجيـل
ولاني بمن يعصى مشورة خويـه
عن شوف ديوانك نحتنا المحاويل
من الرياض الى الكويـت الابيـه
لازن نعوضـك باليـال المقابيـل
وأن عدتها يا شيخ حقـك عليـه
وأسلم وسلم لي على كل حلحيـل
نسل الفهود أهل النفـوس النقيـه
اللي بمجلسهـم تـدور الفناجيـل
ربعـن طربهـم صبـة الشاذليـه
أولاد روق نخضبيـن المصاقيـل
لاجنب الراعـي طريـق الرعيـه
لحقوا على اللي يبـردن المغاليـل
نسل الصويتي من بنـات العبيـه
مع ضف أبو تركي بعيد المصاويل
عوق الخصيم اليا تعدى أردعيـه


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

نـــور البــــــــــلاد

:: ₪ :: :: ₪ ::



يقول من سوى المثايـل وجابهـا
يرصد معانيها ويحسـب حسابهـا
طالبك يا رحمان يـا قابـل الدعـا
يا ناثرٍ وبل الحيـا مـن سحابهـا
يا رب شافي أميرنا وعـز دارنـا
يرجع لـدارٍ تطلبـه فـي رحابهـا
أبو مبـارك هـو ذراهـا وعزهـا
نور البلاد ليـا تغطلـس ضبابهـا
شيخٍ يعز الجار والضيف والوطـن
والدار في روس المعالـي رقابهـا
ودرعٍ لها من كل غاصب ومعتـدي
حامي مكاسبها وحامـي جنابهـا
هي أمنا اللي مـا نسينـا حنانهـا
نحيا ونمـوت ولا يدنـس ترابهـا
حكامها أهل الطيب كسابـة الثنـا
شيوخٍ على الناموس بيض ثيابهـا
آل الصباح اللي عريبـه جدودهـم
تشهد لهم شيابهـا مـع شبابهـا
من جا لهم بالطيب صاروا له اطيب
ومن جا لهم بالشر يجني عذابهـا
واحة خليج خيرها عيّـش العـرب
من صكته عوج الليالي التجى بهـا
عاشت بلاد الخير عاشـت كويتنـا
وعاش الأمير اللي بخيره سعى بها


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: :: ₪ ::

لجنة التثمين

:: ₪ :: ₪ ::



لجنة التثمين صارت لي عقوبـه
فرقت شمـل المحبـه وراعيهـا
يوم جيت وشفت الابواب مسحوبه
والدركتن كـل طوفـه يوطيهـا
قلت شيلوني ترى الرجل منهوبه
ما نريد المنطقه عقـب غاليهـا
ما اعرف وين اهل الزين ودوبـه
والمناطق تتعب اللي مشى فيهـا


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: ₪ ::

خآمـ خآم

:: ₪ :: :: ₪ ::





ياليتنـي مهـري وابيـع النفانيـف


وادخل على الخفـرات مـا يمنعنـي


وأليا دخلت اشوف حلو التواصيـف


ارخـص لهـن فالبيـع ويعاملنـي


لأمشي واشيل الخام لو حالي اضعيف


ومن اتكلم ( خـام خـام) اسمعنـي


والله لأجيب لهن ثيابن على الكيـف


وابيعهـن برخيـص لـو خسرنـي


يلومنـي خبـلٍ دفوفـه مهـاديـف


مـا لوعنـه مثـل مـا لوعـنـي


بطنه كبير ولا جـرا لـه صواديـف


ما هيّضه صـوت الغنـاء والمغنـي



..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: ₪ ::

طـريق الحويـة

:: ₪ :: :: ₪ ::



يا غزالٍ نطحني مـع طريـق الحويـه
ناثرٍ فوق جسمه من جميـع الروايـح
خشف ريم ربى باحضان نجـد العذيـه
بين خضر الرابع والغصـون السبايـح
طلـع القذلـه الشقـرا وسلـم عليـه
قال لي يا صباح الخير وين انت رايـح
قلت انا التايه الللي ما عرف وش نويه
مثل طلاب رزقه مـن يديـن شحايـح
كان تقدر تساعدنـي وتعطـف عليـه
اصطحبني معك وارعرض علي النصايح


..

•+- - - - - - - - - - - - - - - - -₪- ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.5ymah.org/up/uploads/139dc7d6d6.gif :: ₪ ::

لولآ الحيآ

:: ₪ :: http://www.5ymah.org/up/uploads/139dc7d6d6.gif :: ₪ ::




لولا الحيا لاصيح خمسين صيحة
صيحة يتيم ضايمينـه عمامـه
ابوه من بين النصايب طريحـه
وامه توفت قبـل يبلـغ فطامـه
والاكسير طاح وابطـا مطيحـه
بالمعركة راحت شظايا عظامـه
يبغا الحياة وشاف روحه ذبيحه
تذكـر الفرقـا وزاد انحطامـه
على عشير منه روحي جريحـه
جرح على ماقيل طالت اسقامـه


..

•+- - - - - - - - - - - - - - - - -₪- ::
----------------------------------------