::|[ ديوان : الشآعر الكبيـر : رشيد بن زيد الزلامي ]|::

[تسـ тsωαħήــوٍآهـن]

يامعالج الجرح صبري واصلا ً ماده
وعلاج قبل امس زاد الجرح ماسرّه
احرجتني في سؤال مااعرف ابعاده
والناس للناس محتاجـه ومظطـرّه
اخفض جناحك ترى دنيـاك حـداده
وترى سليمان قبلك خاطـب الـذرّه
وجرحي ترى مايبي دكتور وعيـاده
يحتاج قلب رحيـم ونظـرة حـره
وان كان جرحي بقى والطب مافاده
اعود وانصحك ياقلبـي ميـة مـرّه
لا عاد تحلم بشـي فـات ميعـاده
قد ايش تبكي وكبدك ليـه محتـرّه
اصبر على ماقضـاه الله ومـاراده
يكفيك فعل الزمـن بمحمـد الـدرّه
ويكفي من الوقت خمس عقود وزياده
ماعاد خلت بكبـدك قطـرة مـرّه
وان قلت انا في زمان فات لي عاده
دارت رحاة الزمان وجتـك مفتـرّه
ريح ضميرك وخل الوقت وجهـاده
لعل خير الزمان يفـك مـن شـرّه
اما يقوم الجمـل شقـران بشـداده
والا تهب الهبـوب وتقتـل الجـرّه

[تسـ тsωαħήــوٍآهـن]

البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متى الصبـح ياتـي
قزرت ساعاتك على ثومـة الكـوع
مالي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
واصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحـه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربها برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معـي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي

[تسـ тsωαħήــوٍآهـن]

الله على اللي شوحتـه تقطـع الـدار
يوصل غريب الـدار ديـرة ربوعـه
أبيـه والله ميـر مغليـن الاسـعـار
والبنـك ماادلـه ولااعـرف فروعـه
وذي حالـة الدنيـا لهـا ادوار وادوار
يومـن تواصلنـا ويومـن قطـوعـه
وكـل البشـر فيهـم فقـارا وتجـار
ونفوس تتحمـل والاخـرى جزوعـه
وحتى بنـوك النقـد تعجـز وتنهـار
ماهوب انا عجزي بعـاد(ن) رموعـه
بس المهـم ودون توضيـح الاسـرار
وضعي ووضع الجيب شكلـه ونوعـه
شريت لي جيب(ن)عسى ابـوه للنـار
بانـت عذاريبـه مـن اول اسبوعـه
مزعج مع الصحراء ومزعج مع القار
ومـن يركبـه لازم يسكـر سموعـه
مثل الشبـح ماينقصـه غيـر طيـار
شكلـه وتصميمـه وممشـاه روعـه
من خف دمـه مابقـى فيـه مسمـار
ولايركبـون عيـال الانـذال نوعـه
مايركبـون الا سـفـاري وفكـسـار
آخر زمان(ن) جعـل بقعـا تصوعـه
خلا رجـال المرجلـه مالهـم كـار
لذيـخ لـو يبكـي مسحنـا دموعـه
الذيـخ يشبـع فالفضايـل والاسـوار
والذيـب مايـدرى بفقـره وجـوعـه
وقت(ن) يخلي صاحي الفكـر يحتـار
ويشوف من هـول الدهـر مايروعـه
تلقى الفقيـر وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويـوم(ن) يفوتـك لاتمنـى رجوعـه
اقفى على مافيه مـن خيـر واشـرار
نجم(ن) هوى مايندرى عـن طلوعـه
وماهي علـى كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطـن عيشـة الـذل والعـار
مـادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير مـن التـرف والميوعـه

[تسـ тsωαħήــوٍآهـن]

الشعر مانـي مقتـرح دستـوره
ولاني وكيل أدم علـى مذخـوره
ولكن مـن شـيٍ يحـز بنفسـي
هاضت به افكاري وهي مجبـوره
شعر النبط شفته بوسط الشـارع
يمشي ويسحب رجله المكسـوره
وما شاهدت عيني عرفت اسبابـه
زان الزمان وبانـت المصـروره
الشعـر سـارت هيبتـه ماطيـه
تشاوتـوه الربـع مثـل الكـوره
يشوته الفارس وجـاه الحـارس
ينقز علـى رجلـه ويلطـم زوره
واهدافهم يـا للأسـف مكشوفـه
اغراض شخصيه وصوت وصوره
يستخدمون الشعر لبسـط حاجـه
وش هالبشـر منهيـةٍ مـأمـوره
إما هـذم رَجـلٍ بـدون مبـرر
او يمدحه مـدحٍ يمـس شعـوره
مدحـه بوجهـه يعتبـر مسـبـه
إذا كان يعـرف مستـواه ودوره
ولا تهيـض عمـنـا متـغـزل
واعطى الجهاز الحر من ميسوره
يصف بنات الناس وصفٍ خاطيء
وداوم بحلـقٍ كنـه المـاصـوره
ثم قال أنا شاعر وجـاك محـدر
يعـدّ حالـه ناجـحٍ مــن دوره
هو ما درى ان الشعر مضلومٍ به
وإنه بشـر وصحتـه محظـوره
يا من ظلمت الشعر خاف من الله
خلـه يعيـش وحالتـه مستـوره
يا الربع كلمة شعر تبغى شاعـر
مثل السديري يوم غاص بحـوره
وابن ربيعـه والخـلاوي راشـد
ولا عبيد العلـي يـوم عصـوره
ومثل القضاه ومحسـن الهزانـي
وابن شريم اليـا رفـع باكـوره
وابن حميـد وشالـح القحطانـي
ولاهي عن اهل المعرفه مقصوره
ولاني مجامل مع هـذا والثانـي
=عـدّ شعـار النبـط وابحـوره
واللي ما هو قنعان ينشـد عنـي
يـزورنـي للبـحـث ولا زوره
وعندي اللقاء كلٍ يجـرب حظـه
ولاني وكيل أدم علـى مذخـوره

[تسـ тsωαħήــوٍآهـن]

البارحـه يــوم الثـريـا تويـقـي
يـوم كـلٍ فـي لذيـذ الكـرى راق
وقفت ليـن الشـوف جالـه بريقـي
مثل السراب اللي على البعـد لهـاق
أخيـل بـرق صـوب واد العقيقـي
ماشفت مثلـه يفضـح الليـل بـراق
عسـاه يسـقـي دار ذاك الفريـقـي
لو رغبتي ما عـاد بـاقٍ لهـا بـاق
وذيك الديـر مانـي عليهـا شفيقـي
تطيب منها النفس وتضيـق الاخـلاق
قزرت عمري فـي بحرهـا غريقـي
متحمـل ٍ كـل المتاعـب والارهـاق
لين انكشف وجه العـدو والصديقـي
والرفقه اللـي حبلهـا رمـث ودقـاق
ولا كلفـت نفـسٍ بمـا لا تطيـقـي
تبينت لـي كنهـا شمـس الإشـراق
وانا ليا شفـت الجفـا مـن رفيقـي
وصار الامل حبر ٍ على بيض الاوراق
قابلـت غلطاتـه بـوجـهٍ طليـقـي
ونظرت له نظـرة محـب ٍ ومشتـاق
أعطيـه حتـى مـن منامـه يفيقـي
لا كلمته سمّعـت ولا خاطـرٍ ضـاق
حتـى يعـرف انـي رفيـقٍ حقيقـي
وليا انحرف ماهو على بـاب الارزاق
يروح في دربه وانـا فـي طريقـي
من خلقت الدنيا بهـا جمـع وافـراق
علـي بيبـان الفـرج مـا تضيقـي
أسوقهـا فـي كـل ديـره وتنسـاق
وابعد عن اللـي رفقتـه مـا تليقـي
ماني علـى جنبـه معلّـق بمعـلاق
ياكثر مالي في الديـر مـن صديقـي
لا بارت العملـه وشحّـن الاسـواق
صداقـةٍ تبنـا بـسـاس ٍ وثيـقـي
لا عقربٍ تلـدغ ولا مـوس حـلاق

[تسـ тsωαħήــوٍآهـن]

الزلامي كيف رمح الهوى صابه
والهوى ماصابنامن على اولنـا
ياهل البيت الخضرسكرو بابـه
سكروبيبانكـم ياعـرب عنـا
وامسكواورع الهوى اللي بلشنابه
كـل ماجينامـن الـزام قابلنـا
هزرمش العين والاضحك نابـه
ضحكـة ٍمنهاالنجـوم يتهاونـا
امسكـوه ببيتكـم قبـل نبلابـه
وأن طلع لاتامنون العتب منـا
لايكلمناولايطـلـع الـجـابـه
لوصبـاح الخيركنـه يلعـنـا
مايخاف الله ولايرحم اصحابـه
جاهـلا ًبعيونـه السوديفتـنـا
اتمناحـرب مـدفـع ودبـابـه
والعيـون السودعنّـا يصدنـا
بس ياهل الورع متنامن اسبابه
مايردالمـوت لاانتـم ولاحنـا
ورعكم يلعـب ودنيـاه لعابـه
مـادرى انـا قدلعبناوهـونـا
مالقينافي طريق الهـوى ثابـه
زتنافي بحرالاهـوال واهملنـا
الهوى عله ولاتوجـد اطبابـه
دايما ًراعيـه مفتـون ومعنـا
ودنابيت الهوى نقطـع اطنابـه
ونطلب الوالي عسى العفويشملنا

[تسـ тsωαħήــوٍآهـن]

عجيـب ياقلبـي وعجبتـك دوبــك
ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك
ماادري بخلان الرخـاوش مرغبـك
وش ولعـك فـي نـاس ماقلـدوبـك
ولاثمنـوا حقـك وقامـوا بواجـبـك
ربعـاً يذريهاالـذرى عـن هبوبـك
خسران لوتشكي عليهـم مصايبـك=
ان كـان ماتلمـس يدينـك جيوبـك
في ذمتـي مامنهـم اللـي يصاحبـك
وان حصلـوا مقصودهـم ربعوبـك
سووا لك الخط الزلـق ليـن يقلبـك
وعندالنهايـه برقـوا وضحكـوا بـك
كم من ضحـوك ٍيستغيبـك ويشذبـك
اليـوم صدقانـك وباكرحكـوا بــك
وبعدالرجـا منـهـم تكدرمشـاربـك
هراجـة المجلـس ليامالقـوا بــك
شيـاً يقولـونـه حـداهـم تنكـبـك
ومالوبسـوق المهزلـه ونزلـوا بـك
ضعاف العقول اللي تسولف على الدبك
يحكي بك اللي عاجزاً عـن دروبـك
لافـاعـل ٍفعـلـك ولاهومجنـبـك

[تسـ тsωαħήــوٍآهـن]

الوقـت يامقـسـى عـنـاه وعـذابـه "
" حطـاب ليـل ولـه معاويـن وفـزوع
احد (ن) منـه يمكـن يعالـج صوابـه "
" واحد (ن) يموت بعلته مـوت جربـوع
يروح مثـل مقـاط محـد (ن) درابـه "
" لاحبـل يرقـى ولاصـوت مسـمـوع
بغـى يجيـب رشـاه ورشـاه جـابـه "
" من عالي الشفه علـى ضربـه الكـوع
هـذاه مقـاط اللـى ارشـاه التـوابـه "
" واصبح مثل للناس فـي كـل موضـوع
قصـه مـقـاط وقصـتـى ماتشـابـه "
" اسباب وقـت وكـل قصـه لهـا نـوع
مقـاط صفـى فـي زمانـه حسـابـه "
" وانا بلشت في وقـت طامـع ومطمـوع
كم واحـد (ن) وقـت اللـزوم تهقابـه "
" واليـا نصيتـه غيـر الطبـع بطبـوع
والصاحب اللى صحبتـه ضحـك نابـه "
" يبينى ابقى لـه علـى الـدوم مـزروع
ان شـاف وجهـي قـال يامرحبـابـه "
" وان غبت ينسانى علـى راس الاسبـوع
واليـا نسانـى منهـو حظـره جنابـه "
" انسـاه واجعـل دونـه الخـط مقطـوع
وعيب (ن) عليـه كـان طقيـت بابـه "
" لونى امسي بالخـلا ميـت (ن) جـوع
مـن خلقـه الدنيـا تـجـوع الذيـابـه "
" بس المهـم تعيـش والـراس مرفـوع
وتكسـب بعـز النفـس قـدر ورحابـه "
" وتمشى على خط (ن) سليم (ن) ومشروع

[تسـ тsωαħήــوٍآهـن]

ياموزع النعم خل النعم لاصحابـهماينعطـي غيـر للـي يستحقونـه
النعم ينعطي لرجـلٍ فاتـحٍ بابـهللضيف وليا بغـوه بحـال يلقونـه
اللي بوقت اللزوم يبيـن مضرابـهسيـف تحـده لزومـه مايحدونـه
والاالردي لاتقول ونعم يظرى بـهيرهي على نعم وهوه قاصر ٍ دونه
ليا قلت له نعم قـام يفتـل أشنابـهيحسبك صادق ما يدري نعم وشلونه
يطمع بشيٍ يموت الخبل ما جابـهثم قال أنا جبت نعم اللـي يقولونـه
بعض البشر يحلمون احلام كذابـهومن لاعرف قدر نفسه عدّ طبلونه
يجيك مسرع مايدري ويش يبلابـهمن قلة العرف ما يمشي علىهونـه
اما على الاقربين اشتـال مشعابـهوالابعرض المقفـي سـلّ مسنونـه
تناول الغايبين و كثـروا أحزابـهاللي علـى قلـة الخيـره يدفونـه
واهل العقول سكتوا ماقالوا الجابـهلا ينقصونـه بشـي ولا يزيدونـه
قالوا هذا فيه عاهـة وابتلشنـا بـهوالا هذا فيه شـي ٍ مـا يعرفونـه
وخلوه يسرح ويمرح خاب من جابهما نومس اللي من الصغر يترجونه

[تسـ тsωαħήــوٍآهـن]

انا ويش اسوي في زمانى يابن نمـاس
زماناّ مغامـر والثقـه فيـه تخدعنـي
يحاول يوقفني على شفـه مـن يـاس
وعيت دروباّ تاسـع النـاس تاسعنـي
اخذبي على درب الشقاء والعناء مرواس
ولاباقـي الا فـي المهامـه يضيعنـي
تحملت من جور الليالي بـدون قيـاس
ولو حملها ميل على المتـن واوجعنـي
وصبرا ّ على الشده شجاعه وقوه بـاس
لكن الضـروف القاسيـه ماتطاوعنـي
ليا اجتمعت الثنتين حاجه وشيمـه راس
وهـذي تنزلنـي وهذيـك ترفعـنـي
رفعت النظر والله عطاني نظر واحساس
وهي ميزه في كـل الاحـوال تنفعنـي
ولو كان بين الصم والبكم لي مجـلاس
هـذا مايكلمنـي والاخـر مايسمعنـي
حياه التجارب علمتنـي وانـا حسـاس
وخلتني اعرف نظره العين وش تعنـي
وانا لو بدت لي حاجه عند بعض نـاس
اريد الكـلام وعـزه النفـس تمنعنـي

[تسـ тsωαħήــوٍآهـن]

البخـل طبـع مستحـيـل عـلاجـة
والجود طب لكل الأمـراض وعـلاج
جيت الرفيق اللـي بشـوش حجاجـة
اللي بحـزات الرخـاء مثـل هـداج
قال العلـوم وقلـت طـلاب حاجـة
حاجة يسر ماهي تكاليـف واحـراج
ان كلفـت يكفـي العـذر والمواجـه
وان كان جت من يسر صاحبك محتاج
واومى براسـه مثـل راس الدجاجـة
وهز المتون وراح وجهه كما الصـاج
واقفيت مـن عنـده مطفـي سراجـه
ولي حاجـة ماعطيتهـا كـل هـراج
عرض العلوم لغيـر اهلهـا سماجـة
والصاحب الطيب له الـدرب ينعـاج
وكم ضيقـة ياتـي بعدهـا انفراجـة
ياليت كـل اصحابنـا مثـل سهـاج
الصاحـب اللـي مايعكـر مـزاجـة
ولا حطلـه كثـر المعاذيـر منهـاج
ولا الردي صيـده يضيـع بعجاجـة
ماتسبقه في سرعـة الـروغ ميـراج

[تسـ тsωαħήــوٍآهـن]

ياهـن ابـن هـن مــاوالله ارداك
ومااردى نصيب اللي يسوي سواتـك
ومااردى نصيب اللي من البعد ينصاك
يبا العشا ويشوف بعـض احركاتـك
تحلق الشـارب مـن الديـن يـاذاك
ودك تخـدع المومنيـن بصـلاتـك
لكـن وش تكسـب بدينـك ودنيـاك
لا صار ترك الواجبه مـن صفاتـك
لا صار ضيـف الله تلقيـه علبـاك
باقي علومـك خشهـا فـي عباتـك
الجـود مافقّـرك والبخـل مااغنـاك
ولا تحسب انك مت من موت شاتـك
الخاتمه مـن يـوم هـاذي سوايـاك
بالله لا تعـطـي عتـابـه بنـاتـك
تكثر بنا الرديـان مثلـك وشـرواك
وتـروح تشمتنـا الرجـال بشماتـك

[تسـ тsωαħήــوٍآهـن]

اكتب ويكتبلي وانا اقول حتى ايـش
حبراً على قرطاس ماهوب كافـي
والوضع ماهو قابـلاً للمطاريـش
يا امير بشرنـي عساهـا عوافـي
سجيت يوم غصون قلبي مواريـش
واليوم يا فرز الوغى شـاب قافـي
وعروق قلبي يالسديري معاطيـش
امشي وانا مقفي واعايـن خلافـي
رافقت حجاج الهنـود الدراويـش
وسريت مسرى الذيب رجلي وحافي
وطال المسير وصار بالجو تشويش
متى على الله يصبح الجوّ صافـي
شياّ يخدش ثومة القلـب تخديـش
وسره يعود الى القلـوب النظافـي
يكفيك لايـح كلمتـي دون تفتيـش
وعندك خبر ما قال صقر النصافي
مادام انا قلبي جزوعـا ليـا نيـش
حساس من كلمه سريـع العيافـي
ارضاً خلا لو مابها لقمـة العيـش
اخير مـن رزق عليـه اختلافـي
والرمز يكفي الحر والخاتمه ويـش
اقبل تحياتـي وانـا شـاب قافـي

[تسـ тsωαħήــوٍآهـن]

يا ونتي يا ما بصدري مـن الضيـق
من حسة لا جت بداخـل ضميـري
كنيتهـا فـي مغلقـات الصنـاديـق
لين انكسر منها الضليـع القصيـري
قالوا قدرت الصبر مـا فيـه تبريـق
قلت اه من يقدر على الصبر غيـري
مير انتهى واليا انكفى الميّ ما حيـق
سود الليالي عرقلـت خـط سيـري
والله لو اشرب ماي سحب غداريـق
ما ظنتـي يبـرد ظمـاي الغديـري
ولو اشرب الذوب المصفّى على الريق
زاد السعير اللـي بكبـدي سعيـري
خط لفانـي حـرّق القلـب تحريـق
امحق بشـاره جبتهـا يـا بشيـري
انا على عهـدٍ واظـنّ العهـد بيـق
اخر زمـان وكـل شـيء يصيـري
راحوا هل النمـات مثـل الزواريـق
يسعـون عدوانـي بقرقـا عشيـري
الله يجـازي مـن سعـى بالتفاريـق
عن جنـة الفـردوس بالزمهريـري
يا راكب اللي مع خطـاة الطواريـق
ينـوز نـوز الجافـل المستـذيـري
مـن وارده مالوعـوه السـواويـق
ولا داج للعبـري وشـال الاجيـري
اخـر طـراز مغلـق الفـن تغليـق
اسبق من الاصوات عبـر الاثيـري
هـافٍ يهيـف بمجرهـد الرقاريـق
يطوي الفيافي طي سلـك الحريـري
عجل ليا دنَّـي وعجـل ليـا سيـق
والطير مـا يمديـه قدمـه يطيـري
عليـه منـدوب ليـا نشـف الريـق
قرم ليـا سـال العـرق بالنظيـري
داس الخطر من دون عهد ومواثيـق
يوم ان ولد الـلاش فكـره يحيـري
خذلي كتاب منسـق القيـل تنسيـق
مكتوم مـا يقـراه غيـر السديـري
محمـد الاحمـد مهـدي الصعافيـق
ليا عدوا اهل الطيب قاضي واميـري
وان حلّـق الدخـان بالجـو تحليـق
اميـر فـي قـود السرايـا خبيـري
وان صار بالجرعات كنّه وتشريـق
قاضي يحل العسـر حـلاً يسيـري
وان جو وبيبـان المنـازل مغاليـق
ريفـاً لهشّـال الخـلا والقصـيـري
وسلم عليه وشلـق الهـرج تشليـق
واشرح له الموضوع حالي خطيـري
يعطيك راياً مـا عطـوه المطافيـق
وانا بلشت ومـن بلـش يستشيـري
وتراي بادي لك على الرجم ومويـق
عطشان شفقـان لشـوف السديـري

[تسـ тsωαħήــوٍآهـن]

الله مـن قلـب بـه النـار تشتـب
هبـت وشبـت واستمـرت شبوبـه
قلـبٍ غـدى للهم مـا رد ومشـرب
وما ضاع من هم العرب راح صوبه
همٍ علـى ربـع وهـمٍ علـى غـب
باليـوم والساعـه همومـه تلـوبـه
والله من عينآ تصـب العبـر صـب
صب القليـب اللـي تدالـج غروبـه
يا عبيد انا ما نيب ضبٍ ولـد ضـب
يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب
لي ما قفٍ كل الجميـع شهـدو بـه
من سب داري قلتله كـب ثـم كـب
وارخصت روحي دون داري جلوبـه
لـو أنسجـن بسبابـهـا واتـعـذب
صبرت من شـان الوطـن للعقوبـه
والسجن ما هو عيب شـئ مجـرب
يعلـم المسجـون مـا هـي ذنوبـه
يلومنـي خبـلٍ إلا مــا تـغـرب
ينسى الوطن خسروا هله يوم جو بـه
فوده مع الضفـران صفـر مكعـب
فطيـس قلـب و لـذة النـوم دوبـه
وانـا علـى كـل الجنـوب اتقلـب
ما ذقت حلو النوم يـوم اهتنـوا بـه
اقنب قنيب الذيب فـي راس مرقـب
من حر ما بـه قـام ينهـش جنوبـه
يحينـي الغربـي عصيـر إلاهـب
وريح الديار الطاهـره فـي هبوبـه
ريحة هواها مكسبـي يـوم نكسـب
اخير من ريـح البحـر والرطوبـه
عسى السحاب اللي من العصر ينصب
هلـت هماليلـه وهبـت انصـوبـه
يسقى وطن راعي العقـال المقصـب
نجد العزيز وغـرب نجـد وجنوبـه
ياديرتي مـا تقبـل الشتـم والسـب
يـا منبـع الإسـلام دار العـروبـه
يفـوز مذهبهـا علـى كـل مذهـب
وعلـى مقلبـت المذاهـب عقـوبـه
يحكم بشرع الله وبالسيـف الأرقـب
ولا شق فيهـا طالـب الحـق ثوبـه

[تسـ тsωαħήــوٍآهـن]

قالوا تعلمت قلـت عنـاد وفراسـة
أعاند النفـس والدنيـا وأصارعهـا
ودرست في مدرسة من شيبت راسه
دنيا العنا اللي قصيفـات مطامعهـا
تلميذهـا دايـم تكتـب بقرطـاسـه
وتعطيه جملة دروس مـا يضيعهـا
والله عطانا نظر وشعـور حساسـة
ناخذ علوم المعرفة مـن مراجعهـا
ونسايـر الوقـت ونقيسـه بمقياسـه
ونمشي مع النفس بالواقـع ونقنعهـا
وترى حياة الفتى مهما قـوى باسـه
محفوفة بالخطـر والمـوت تابعهـا
من مبتدى العمر لاما يلفـظ أنفاسـه
يمر فـي مرحلـة تكثـر زوابعهـا
أول حياة الفتـى تدريـب ودراسـة
تكثر ظروف الحياة وينشغل iiمعهـا
وثاني حياة الفتى مشـوار وعساسـة
مسيرة في عجـاج الوقـت يقطعهـا
وآخر حياة الفتى يرجع على ساسـه
النقطة اللـي بـدا منهـا يراجعهـا
يرجع لسن الهرم ويضيـع الطاسـة
ويمشي مع الأرض ويخطط شوارعها
واليا تلاقت متونه وارتخـى راسـة
ضاعت جميع العلوم اللـي يجمعهـا

[تسـ тsωαħήــوٍآهـن]

أليا جهلت انشد ترى مابهـا عيـب
لا تنخدع للجهـل وأنـت السبايـب
عيب الفتى مافيـة شـك ولاريـب
ترك الفروض وقطع وصل القرايب
والعيب ترك ملازمـات المواجيـب
وتبع الردى ومجالسة كـل خايـب
فالتجربة برهـان مافيـة تكذيـب
واليا جهلت انشد من القـوم شايـب
ولا قول يوجد شايب يعلـم الغيـب
الغيب يعلـم بـه مديـر الهبايـب
لاشك يوجد شايـب لـه تجاريـب
ومن الدهر شاف الفكر والعجايـب
بيض النواصي جبهته كلهـا شيـب
من كثر ما مرت عليـة المصايـب
قد صارع الدنيا على الخبث والطيب
فالغوص وإلا فوق عوص النجايـب