::|[ ديوان الشاعــر الكبيــر / أحمد الناصر الشايع ]|::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

انه سافر مره من الرياض ومعه صديق له اسمه(عبدالعزيز)
وفي ذلك الوقت لم تكن الطرق معبده كما هي الان*
فتعطلت السياره في الوحل وكان يوما ممطرا فتلوثت ملابس
شاعرنا فقال:

:: ₪ :: http://www.saher4ever.com/upload/up/2424.gif :: ₪ ::




سفره لعلهـا يـا عزيـز مـا تعـود
بين خزه والخناصـر قعدنـا ليلتيـن
موتر مشيه لك الله مثل(---) الذلول
دايم يرجع ورا يا معيـن الصابريـن
ان بغى الجودا رد البنك رده لا يجوز
ان مشى ساعه وقف يا عزيز ساعتين
مع صلاب الحزم يمشي وكنه في نفود
جعلها الله للقرافـه وحنـا سالميـن
البساتم والكرنكات جملـه والعمـود
جعلهن يخبطن من يسار ومن يميـن
ثم اشوفه في عيوني مثل كنب الهنود
واقف تسفي عليه السوافي كل حيـن






• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

آلآ يآللـــه ..:

:: ₪ :: http://www.saher4ever.com/upload/up/2424.gif :: ₪ ::




الا يالله بنـو الخيـر لاتجـزا حمـام نـاح
يزيد الهـم بأصواتـه وروحاتـه وجياتـه
يذكرني زمان قد مضى كله طـرب وأفـراح
زمـان العـام والا اليـوم لاوده ولا هاتـه
والا والمزتي للي جزت عينـه وسـده بـاح
ولايبغى العرب يدورون باسـراره وغاياتـه
ولا تقضي هواجيسه ولا يقعـد ولا يرتـاح
تغير واشتغل فكره وهـي ماهيـب عاداتـه
على اللي تل فلبي من عروقه في يديه وراح
طلع درب مثل طلعة كـرى صعبـة ملفاتـه
توافقنا على بير طويـل مثـل بيـر رمـاح
وانا فيه اتفـرج ليـن غلـق كـل حاجاتـه
وانا عودت يم البير مثل اللي يويق وطـاح
تكسر به ثمان ضلـوع وذراعـه وترقاتـه
وربعه مالقوا حبـل طويـل ولابهـم سبـاح
وهو في قاعة البير الطويـل يجـر وناتـه
لبو عين مثل عين الوحش تذبح بغير سـلاح
وخد وجيدفيهـا منـوة العاشـق ومشهاتـه
اهوجس فالنهار وفي ظلام الليل أصيح صياح
ولا ينـلام مـن ذاق الغـرام وذاق لذاتـه
فلا شك البلا مـن دونهـا كسابـة الأمـداح
قضبها في يدينه واحد قضب العمـى لشاتـه
وغلق دونها باب الحديـد وكسـر المفتـاح
وانا مقهور من جور الزمان وحـر لوعاتـه
جرحني صاحبي جرح عجز بعلاجه الجـراح
حسانيـه القديمـة ماتكافـي ربـع سياتـه
هاك الحين والاوادم ماتشكك والقلوب اصحاح
وتال الوقـت كـلٍ شانـت ظنونـه ونياتـه






• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

آقبل الليــل ..:

:: ₪ :: http://www.saher4ever.com/upload/up/2424.gif :: ₪ ::





أقبل الليل واكتف النهار واعذاب العيـون مـن السهـر
تنقص الحال والعلة تزيد مابعـد صـاح صيـاح النبـات
كل مادار وقتي واستـدار عارضتـي صواديـف الدهـر
يفعل الله بخلقه ما يريد باصروني علـى عمـري فـوات
قاعدن بين نار وبين غار واسهر الليل من سابـع شهـر
لو اضلوعي حيد من حديد كان ممـا جـرى متخالفـات
التفت من يميـن ويسـار ماعـن التـرف رداد الخبـر
كلما اصبحت لي صبحٍٍٍن جديد غابت الشمس والعلم الثبات
يوم أقول آه من غير اختيار ضوح خدّه مثل ضوح القمـر
ثم عينه مثل عين الفريد مقدر انساه لـو قلبـي حصـاة
صرت في دار والغالي ابدار والدهر صار له بطن وظهـر
والقريب اختلف قبل البعيد مقدر ارسل سـلام ولا صـلاة
اتقي بالصغار من الكبار والحذر مـا يفـك مـن القـدر
كان مار جاني العلم الوكيد عندي الموت أخير من الحيات
ان نخيت الرفيق ابدى العذار ما نفعني بحـزات الخطـر
واظهر العز قدام الضديد كـان مابـي جـروح كاميـات
افترقنا ولا ادري ويش صار حان دون الخبر منك البحـر
كيف تدله وانا همي شديد يا غناتـي ولا غيـرك غنـاة
شين الانكار عقب القـرار ليتنـي فيـك حققـت النظـر
اشهد ان التمني مايفيد ما احسب انك تسـوي هالسـواة






• + - - - - - - - - - - - - - - - - - ₪ - ::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

رآعي المحبه ..:

:: ₪ :: http://www.saher4ever.com/upload/up/2424.gif :: ₪ ::






ياناس راعـي المحبـة لا تعذلونـه


ما هوب عن صاحبه داله ولا سالـي


لو يسهر الليـل كلـه لا تلومونـه


الحب بلوى مانيـب أول ولا تالـي


لي صاحبٍ ما قطعت الياس من دونه


لو غاب عني خياله بس يبرى لـي


الصاحب اللي سحر هاروت بعيونـه


ودي بشوفه ولكـن مـا تهيـا لـي


يا هايف الخصر عيني فيك مفتونـه


والبعد يا صاحبي ما يرخص الغالـي


الروح يا صاحبي بحمـاك مرهونـه


عزّي لحالي عقب فرقى هوى بالـي


يا كود وصلك على مثلي ويا هونـه


إن كان حالك طواها اللي طوى حالي


عن غيرك القلب غسلتـه بصابونـه


والعين ماتلتفت في كـل الأزوالـي


ما يجرح القلب كود فراق مضنونـه


ابطيت ما أرسلت لي ياحوت مرسالي


أجر صوت جميع النـاس يوحونـه


وغديت مثل المصيح بالخلا الخالـي







• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

مرثيـة بوآلدهـ..:

:: ₪ :: http://www.saher4ever.com/upload/up/2424.gif :: ₪ ::





نهار ثالث عقب عيـد رمضانـي
ناس عطاها الله وناس محرومـه
أحداٌ قضى عيده سـلام وتهانـي
وأحداٌ توصله الكواكـب همومـه
صادفت صدفه من صدوف الزماني
منها قوي الحيل تفتـر عزومـه
هـذا زمـان الهـم والإمتحانـي
وقت على قلبي تعاقـب سهومـه
الاولـه كامـل جميـع المعانـي
مزبن المضيون شرع الخصومـه
محمد اللـي فالقسـى والليانـي
عقبه سمايـه غايبـات نجومـه
والثانيه باقـرب قريـب ودانـي
خامس عيالي يوم جتني علومـه
قالوا مابين الخاصـره وحلبانـي
ولدك مات اللـي ترجـى قدومـه
جاء يومه الموعود باربع ثوانـي
قلت السبب قالوا دنا منه يومـه
علم على الكبد الصخيفه كوانـي
كية عطب ما تنشكـى للحكومـه
تهشمت كـل الضلـوع المحانـي
مفجوع والمفجوع ماحداٌ يلومـه
أخذت لي ساعه وأنا في مكانـي
حسبت لي عشرين طيحة وقومـه
أليا بغيت الهرج ييبـس لسانـي
والذاكره عندي تقـول معدومـه
قمـت أتلفـت وتسمـع باذانـي
من شاف حالـي ماتهنـا بنومـه
مما بقلبي رحـت بالليـل عانـي
للموتر اللي مابقـى ألا رسومـه
عن روحتي ياليت ربـي نهانـي
ولا شفت دمه ساٌيح في هدومـه
قمـت ودفنتـه والله المستعانـي
في خرقة بيضا عليـه محزومـه
يـم القويعيـه بـلاد قحطـانـي
والحر غير لون وجهي سمومـه
وأقفيت من عنده وعشري ثمانـي
مثل المصبح والبـلاد محكومـه
والله لولا نـي وسيـع البطانـي
لا صكها مثل أشقر الريش حومه
طاوعت نفسي مير عقلي قوانـي
عن الخطا ما فيه نفس معصومة






• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

اللـه آكبــر..:

:: ₪ :: http://www.saher4ever.com/upload/up/2424.gif :: ₪ ::





الله اكبر ياحمام من صلاة العصـر نـاح
وانشغل قلبـي معـاه لاجـزاه الله بخيـر
الله اكبر يوم ناض طار ورفرف بالجنـاح
ودي اتبع ساقة الراعبي وازريـت اطيـر
ودي اتبـع ساقتـه بالمقيـل وبالمـراح
شوف عيني بين هاك المبانـي يستديـر
واهنيـك بالمسـا ياحمـام وبالصـبـاح
كل يوم تشاهد الترف ملهـوف الضميـر
ياحمام الورق قل للغضـي سيـد المـلاح
عن ذهابي قل لزين الوصايـف يستخيـر
وصف خده بارق الوسم مـن منشـاه لاح
يوم شعشع زاد نور البلد عقـب الاخيـر
والعيون عيون خشف(ن)تربـى بالبيـاح
كل ما هبـت نسيـم الهبايـب يستذيـر
يامريح القلب قلب المولع مـا اتستـراح
تقل يجذب للهوى في سلوك مـن حريـر
اتضيـم واتهضـم وانـا مالـي صـلاح
واتقلب طول ليلي مثـل وصـف الكسيـر
ياهلي لولا الهوى كان اطنـب بالصيـاح
عقب فرقا الترف ماادري وش الدنيا تصير
كن بعيونه لـراع الهـوى زرق الرمـاح
هو خطر واللي تولع معـه قلبـه خطيـر






• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

البـارحـه يــوم العـبـاد رقـــود

:: ₪ :: http://www.saher4ever.com/upload/up/2424.gif :: ₪ ::



البارحه يوم العبـاد رقـود
النوم مايطري علـى بالـي
مجروح روح وخاطري ملهود
ياناس خلوني علـى فالـي
تبكي عيوني والدموع شهود
أي والله أبكي صاحب غالـي
يازين مالـك بالعـذاب فـود
أرفق بحالي يا بعـد حالـي
ودي بوصلك يا نعيم العـود
ودي ولكن مـا تهيـا لـي
اللي ذبحني بالعيون السـود
من قبل اعرفة خاطري سالي
ترى المحبة ما بها منقـود
والله فلا اسمع هرج عذالـي
ياعود ريحـان عليـه ورود
ومنين ما هب الهـوى مـال
هبي بريحه ياهبـوب النـود
يطفي بعض همي وغربالـي
الحب يذبح والشقا محـدود
ماهى سواليف على الخالـى
يا منوتي يا غاية المقصـود
زولك يورى لى ويبـرا لـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

من تولع مع الأجناب

:: ₪ :: http://www.saher4ever.com/upload/up/2424.gif :: ₪ ::



يالله الطف بحال العاشق اللـي عيونـه ماتنـام الليـل
حاجته دونها الموت الحمر مار قلبـه وش يسـوي بـه
دونها اللي حماهم بالخطر يحتمونه فـي ظهـور الخيـل
من قردة نصيبي ويش ابـي بالبـلاد اللـي لهـا هيبـه
ابعدوا نور عينـي وابعدونـي قهـر والله قـوي الحيـل
الغلا لاع قلبـي والهواجيـس تقبـل بـه وتقفـي بـه
ليـت مابـه غـرام ولامـودة وحـبٍ مقتفيـه الويـل
مـن تولـع مـع الأجنـاب ماظنتـي تكمـل مطاليبـه
صرت انا والطواري والهواجيس تال الليل حـط وشيـل
صاحبي غاب عن عيني ولا ادري علامه طـول الغيبـه
امس شفت الوحش والتين فوق السحاب وحدر نجم سهيل
شهد ان الصحيح يشاف واللي يعرف العلـم يـدري بـه
قمت اعـدل وابـدل مـار ماينفـع التعديـل والتبديـل
راح قلبي مع المحبـوب بيدينـه الثنتيـن يومـي بـه
جعل دارٍ خذت زين التواصيـف عنـا مايجيهـا السيـل
لو بغيت ارسل المرسـول ماهـوب داري وش معازيبـه
مال وقت الهوى بأهل الهوى والغرام الله يعـدل الميـل
المحبه عذاب القلب والهـم يصبـح بـه ويمسـي بـه
كيف ست وثلاثين اتعبتنـي وميـة مـن معـه تحليـل
لكل الرابح اللي مايعرف الهـوى والحـب يوحـي بـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

يا بعد نوم الليل عن حجـر عينـي

:: ₪ :: http://www.saher4ever.com/upload/up/2424.gif :: ₪ ::



يا بعد نوم الليل عن حجـر عينـي
صبر على ما صار من وال الأقـدار
صبرت صبر بـاح منـه الكنينـي
أضحك مع العالم وكني علـى نـار
ما غير أهوجس بين نفسي وبينـي
يعلم بها العلام فـي كـل الأسـرار
تقل اتحـرى لـي علـوم تجينـي
مع الطروش اللي يجيبون الأخبـار
فهمت رأس العلـم مـن كلمتينـي
من يوم قالوا جـا محمـد ونصـار
تكسّـرت عقبـه جرايـد يمينـي
عز الله اني عقب ما صـار صبّـار
من عقبهـا ونيـت لـي ونتينـي
ونة غريب بالخلا ضـاع واحتـار
لولا الله أبـرك ثـم قـوة يقينـي
لا طير مثل الطير من كف صقـار
تخنقنـي العبـره وأفـرّك يدينـي
واحترت مثل مصالي النار والغـار
علـم يخلـي كـل قاسـي يلينـي
كنه على قلبي رصـاص أم كـرار
الى ذكـرت عيالـه المصغرينـي
هــذا يعزيـهـم وهــذاك زوار
احد على جنبه واحـد لـه ونينـي
جتني هموم القلب من كل الأقطـار
قلت اصبروا والله مع الصابرينـي
الله يكافيكـم صواديـف الأشـرار
عسى عوضنـا الحـي بالميتينـي
ناصر ونايف ذخرا سـر واجهـار
وأحمد وعبدالله ذرانـا الحصينـي
صغار سن وان بدا الـلازم كبـار
يجبر عزاي اللي بخلقـه ضمينـي
محيي العروق الميته عقب الأمطار
مالي عن المكتوب فـوق الجبينـي
لو رحت شرق وغرب ويمين ويسار
صليت نصف الليل لـي ركعتينـي
أطلب له اللـي للخطيـات غفَّـار
خفف ذنوبه يا أرحـم الراحمينـي
في ماقفٍ ما ينفعن فيـه الأعـذار
جعله برضوانـك مـن الفايزينـي
بالماقف اللي به يضيعـن الافكـار
في ماقفٍ بـه كـل خافـي يبينـي
تمت وصلى الله على سيد الأبـرار




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

ود الخبـر للغضـي وده

:: ₪ :: http://www.saher4ever.com/upload/up/2424.gif :: ₪ ::



ود الخبـر للغضـي وده
ود الخبر لاشقر الراسـي
ابـو ثليـل الـى كــده
اشقر على المتن له كاسي
يازين صبري وصل حـده
مانيب للي مضى ناسـي
ماقدر على البعد والصـده
ليل ونهار انت هوجاسـي
عنـدي وكنـك ورا جـده
تقطعت عنـك الارماسـي
اللي سواة القمـر خـده
من شوفته مانقطع ياسي
والله لـو طالـت المـده
ماقطع رجا ظبي الاطعاسي
لاصبر ولو طالت الشـده
لو صابني منه وسواسـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

آه مـن قلـب هواجيسـه تلوفـه

:: ₪ :: http://www.saher4ever.com/upload/up/2424.gif :: ₪ ::



آه من قلـب هواجيسـه تلوفـه
مع همومه كل ما اقفن واقبلنـي
لاذكرت اللي زها الحنـا كفوفـه
يالطيف الحال طار النـوم عنـي
ليت عيني وان بغت شوفه تشوفه
كود قلبـي يستريـح ويرجهنـي
حيث عيني عن هوى غيره عيوفه
ماتبي غيره لو انه غـاب عنـي
والله اني طحت في حال المروفه
حيلتي كثـر التوجـد والتمنـي
ماذبحني كود من تذبح وصوفـه
من جميع البيض حبه ممتحنـي
عنز ريم مابعد رامـت اخشوفـه
قايده للصيـد ترعـى كـل فنـي
والجوازي كنها معهـا معسوفـه
يـوم تجفـل كلبوهـن يجفلنـي
هرجت العشاق يازيـن معروفـه
والغلا باقصى الضماير مستكنـي
الهوى مثل المغـازي والنكوفـه
والقصيدة من سمع فيهـا يغنـي
القمر يظلم الـى بيـن كسوفـه
لاتبيـن للعـرب ظنـك وظنـي
لازم راعي الهوى تكثر صدوفـه
لو يطولـن الليـال او يقصرنـي
والمعافى ملحق الدنيـا حسوفـه
ماطعنه اللي من الفرقـا طعنـي
لو تروح الروح للزيـن مخلوفـه
والعـذارى يبعـدٍ او يقربـنـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

وارجلــي

:: ₪ :: http://www.saher4ever.com/upload/up/2424.gif :: ₪ ::



وارجلي اللي تبيّن ضلعها من غيـر سامـوح
حـار القـدم يالله الخيـره ولافيهـا اروايـه
بأسباب زولٍ نطحني بالطريق وشاحني شـوح
اودعني امشي والدّ خلاف واقصر في خطايـه
زولٍ نطحني وأخذ عقلي ولالي منـه مصلـوح
خلاني اركض واغني من خلايـه فـي خلايـه
اللي خذا القلب اظنه مخطرٍ يلحق على الـروح
الموجب انه مريـضٍ خاطـري حـدّ النهايـه
هذا وانا عن طريق المنتحي منهي ومنصـوح
مير المقادير جابتني على حسنى وعلى سايـه
مادام باب الهوى لأهل الهوى بيّـن ومفتـوح
ابين من الشمس عقب الظهر في وجه المرايه
يامن يودي سلامي والهوى راعيـه مفضـوح
ويخبّـره بالمصيبـه كلهـا والـراي رايــه
إن كان لدّ النظر يمي عن اللي فات مسمـوح
وإن كان قفّـى وخلانـي فانـا سبـة عنايـه
واعين ياللي من الفرقا بكت والقلب مجـروح
مانيـب عـازي لعـل الله يجـبـر عـزايـه
الصاحب اللي ليا شفته عجزت اقعـد ولا اروح
ماهو طويلٍ نشاش ولا قصيـر الجـرم غايـه
يامن سميّه على اسمي الناس به زودٍ وبه نوح
ثلاثة اشهـر ينـزل نصـف ثالثهـن كفايـه
واثنين يكمل بهن اسمه اوله حراس وشبـوح
كم لي وانا ارجيه جعـل الله مايقطـع رجايـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

سلام يالوادي

:: ₪ :: http://www.saher4ever.com/upload/up/2424.gif :: ₪ ::




سلام يالوادي اللي قِد نزلـك العـام مخلـوق


مدري من اي النحايا راح من ديره إلى ديـره


لكنّ إلى جيت مدهاله وقفت وصابنـي عـوق


يحتار عنده قدم رجلي وياقـف عـن مسيـره


ماهوب ودي ولكن حب خلي ساقنـي سـوق


اناظر البيت من عقبه واسولف مـع قصيـره


من كثر مااقبل معه واقفي معه سويت طاروق


هذي سواة العشير اللي شكا فرقـا عشيـره


ياشين فرقا الضحى شيناه والمطرود ملحـوق


الله يظفي على اللـي راح جنحـان الستيـره


وشلون ابدله وقلبي مع صخيف الروح ماسوق


لوى هني المعافي مااشتكـي شـره وخيـره


وانا تطارد هواجيسي وحِمل الغبـن مطبـوق


اجحد صوابي عن العالم وانا روحي خطيـره


قالوا لي الناس خل المنتحي والحي مـرزوق


والناس واجد ولكن ماتريـد النفـس غيـره


يقوله اللي يبي خله ولـه بالـدرب خـازوق


ماله جِدى إلا تكسر عبرته بأقصـى ضميـره







• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

ول وانا ما أشري بحبك ولا ابيع

:: ₪ :: http://www.saher4ever.com/upload/up/2424.gif :: ₪ ::




اول وانا ما أشري بحبك ولا ابيع


واليوم بـأول سـوم والله لبيعـه


عقب إنتشالك لي بروس الأصابـع


رميتني بيـن الرجـا والقطيعـه


ذوقتني الحرمان سبعـة أسابيـع


وأشقيت نفسٍ لك مطيعه مريعـه


ايام صفو الحب تامر وانا اطيـع


واليوم لأمرك والله إني مااطيعـه


لاتحسب إني عقب فرقاك أبا اضيع


البيض واجد وارض ربي وسيعـه


سبّعت قلبي من محبتـك تسبيـع


واقفيت عنك وسـو ماتستطيعـه


خذ راحتك يامصنّع الحب تصنيـع


مادام نقض العهد عنـدك طبيعـه


من لا على صهوة جواده مصاريع


خطرٍ يطيح ومثل هـذي هزيعـه


مزّعت صورة ماضي الحب تمزيع


وانوي على تكوين صورة فضيعه


مع من جبينه مثل نور الشعاشيع


وإلا كمـا بـرقٍ تزايـد لميـعـه


الصاحب اللي لأمري مطيع وامريع


من شان حبي كـل غالـي يبيعـه







• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

عنيـزة ديـرة أهـل الفخـر

:: ₪ :: http://www.saher4ever.com/upload/up/2424.gif :: ₪ ::




بالله يا للي تبا الفيحا عنيـزة ديـرة أهـل الفخـر
يا سعد منهم عضوده بالشدايد والزمـان العسيـر
نطاحـة الكايـده لا قـل بالدنيـا بعيـر الظـهـر
الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر
اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر
من يديك ليدين صالح خذ كتابي جعل خيرك كثيـر
يا بو محمد ليالينـا تصافـق مثـل مـوج البحـر
عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر
المبتدا زين مير المقبـلات الله علـم وش يصيـر
اللي ذبحني بغير اسلاح ما جا منه علـم او خبـر
اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر
القلب لولا الضلـوع اللـي يردنـه خطيـر يطيـر
كن الشهر لي سنه عقب التفرق والدقيقـة شهـر
يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر
والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر
للديرة اللي ورى الرقعي يقود القلب سلك الحريـر
اصعب علي شوفته من شوفة اللي فوق سطح القمر
لا شك ابصبرا على ما صابني لين الفلـك يستديـر




• + - - - - - - - - - - - - - - - - - ₪ - ::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

الا ياونتاه

:: ₪ :: http://www.saher4ever.com/upload/up/2424.gif :: ₪ ::



الا ياونتاه اللـي مـن الفرقـا بـرت حالـي
كما بري الدبا الغصن الوريق اللي على حلـه
على اللي من ثلاث سنين هو همي وغربالـي
ولكن ماحصل لي منه ساعـةٍ تبـري العلـه
إلـى منـي بغيتـه فـي محلـه ماتهيالـي
وإلا منه بغى ياصل محلـي صـار بـه ذلـه
انا ويـاه مثـل اللـي ورد مطويـة الجالـي
طوى حاله ظماه ويصف الماء لـه ولا دلـه
إلى منـه نطحنـي قـال ياساتـر الأحوالـي
عجب لله كيف الخـل مايشفـق علـى خلـه
وانا اركض طول ليلي مع نهاري فالخلا الخالي
أصايد رغبتـه واتبـع طريقـه واتبيـن لـه
إلين اصبحت انا المطلوب بـالأول وبالتالـي
انا المطلـوب والطـلاب راع القذلـه الهلـه
إلى مني بغيت انساه وادله عن هـوى بالـي
بلاي النفس ماهي من صخيّف الروح منحلـه
كذوب اللي يقول اقوى فراق الصاحب الغالـي
متى ماغاب عنك اللـي تـوده بانـت الخلـه
إلى مني قطعت حبـال وصلـه قـام يبرالـي
لحظني بالعيون اللي بها سيف الهـوى سلـه
يطيح اللي بكفي وأذهل الدنيـا وهـو سالـي
واعوّد في عمـاي الاول اللـي مايسكـن لـه
متى ماغاب عنـي ماتبـي حالـي ولا فالـي
وإلى شفته بعيني كن حكم الروس لـي كلـه
ولاني قاعدٍ ارجي متـى يرمـي بـه الفالـي
وانا ماودي العدوان تدري بـه وتفطـن لـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

أذن المذن

:: ₪ :: http://www.saher4ever.com/upload/up/2424.gif :: ₪ ::



أذن المـذن ونـادى طـول صوتـه بالمنـاره
وقمت طولـي للسفينـة ثـم فليـت الشراعـي
لو يزيد الموج مانـي فالبحـر سـواق طـاره
عارفٍ مجرى السفينـة فـي نـزولٍ ورتفاعـي
كـل رجـال ٍ هواجيسـه علـى قـد اقـتـداره
والحظيظ اللي مع العربـان عاقـل واجتماعـي
العرب لـو بشرونـي كـان سلمـت البشـاره
في بيوت مخترعهـا طيـب العـرف اختراعـي
بين الأثنيـن المفاهـم فـي محلـه والمشـاره
لو يجون اخوان صلب أو هم خوان من الرضاعي
حجة الغايب معه ومـن اعتـذر قبـل اعتـذاره
مايضيقن النفوس ولا الـدروب اللـي وساعـي
وانـت عنـدك لاتعلـم بالثمانيـن الـحـراره
والهروج الضايعة مثل الهمل من غيـر راعـي
صابر بالحـق دام الحـق مـن جـار ٍ لجـاره
لو نجيبه دين ياصالـح مـن البنـك الزراعـي
والسعادة حـظ والا العـرف والمعنـى شطـاره
لو رضاك بعيد اسافر له على النقـل الجماعـي
وسع الخاطـر ولابـه كسـر يحتـاج الجبـاره
دايم العاقل وسيع ابطـان ماهـوب انـد فاعـي
اعتذرت من الرفيق وزبـدة الهـرج اختصـاره
إن عذرني كثر خيره وإن ومر بأمـره مطاعـي
قصة جت من رفيقك غصب من غيـر اختيـاره
سألفـه ومخالفـه ماودنـا الهـيـن يـذاعـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

سهرت البارحة واشغلت بالي

:: ₪ :: http://www.saher4ever.com/upload/up/2424.gif :: ₪ ::



سهرت البارحة واشغلت بالي
على الله اعتمـادي واتكالـي
أهوجس والهواجيس أتعبتني
وأعد اللي جرى ليه أو منـي
هواجيس تفيد النـاس عنـي
أبيـن للبعيـد أو للمـوالـي
ولا به راحه إلا بعـد شـده
ولا أحد يفتخر في ورث جده
ترى كل له أمن العرف قـده
وأنا مثل العرب من قد حالي
خلقت بديرت مـن ذاق مـاه
لو أنه غاب عنها ما نساهـا
حشى والله ما نلحق جزاهـا
بها جيرانهـا مثـل الأهالـي
وهي دار الحميـه والمعـزه
وهي دار الوفاء في كل حـزه
لها من شرق ضلع طويق بين
وعنها من جنوب القاع ليـن
هو الزلفي لعل السيـل فالـه
إلى منه نشا وامطر اخيالـه
تزين أيام راعيـه أو لياليـه
سقاك السيل يازين المفالـي
بلاد الخير ياهـاك البـلادي
تعيش الحضر فيها والبوادي
والى جاهم بعيد الدار عانـي
يبا الفزعه وحاديه الزمانـي
عطاياهـم العانيهـم جزيلـه
ولا قد مـدوا المـده قليلـه
ولا بايمانهـم يمنـا بخيلـه
ولا يعطي الجزال الا الجزالي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

دنيا غريبه

:: ₪ :: http://www.saher4ever.com/upload/up/2424.gif :: ₪ ::



دنيا غريبه ماعرفنـا لهـا اجنـاس
يصفق بنا الهاجوس في كـل عايـر
في الصبح نوم وتالي الليل هوجاس
نهدر كثيـر الوقـت مافيـه غايـر
وكل يحسب انه على العين والرآس
وكل يسوي شيء من غيـر شايـر
يمضي زمانـه مايقيسـه بآقيـاس
ويروح من عمـره سنيـن غبايـر
مايدري ان الوقت جاري وحسـاس
وماكـل مخلـوق معصـوم وجايـر
اعرف دروب المرجله منبع الساس
وانهج بها في منهج الطيـب سايـر
واترك دروب اهل الرذيله والادنـاس
وابعد عن الشبهات لاتصيـر حايـر
وارفه مكانك منزلـة حـر قرنـاس
ينـزل منـازل شامخـات عمـايـر
وعـز نفسـك لاتنـازل وتـنـداس
وتصير مثبـور بـك الوقـت ثايـر
ولاتشكي همومك على كل جسـاس
يفـرح بهمـك لـو يبيـن عبايـر
ولا تفشي اسرارك في كل مجـلاس
وخلك طويـل البـال لاتكـون فايـر
واصبرعلى ماجاك والصبر نومـاس
ولا لاتـنـدم لوتـمـر بخسـايـر
وخلك على الشدات والضيق نبراس
وكل على شوفتك يعطـي البشايـر
وخلك على دينـك غيـور وحـراس
واحذر فتـاوى الساقطيـن الفجايـر
واسلك طريق المصطفى هادي الناس
واكثر صلاتك كثـر مـزن الهمايـر




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

قلبي يهذريبه

:: ₪ :: http://www.saher4ever.com/upload/up/2424.gif :: ₪ ::



يابدر قبل الليل قرب لـي الفـرت
شيك على البنزين والزيـت كلـه
القير والدفرنس وإن كان ناظـرت
به نقص راعي المشحمه مافطن له
عايـر هـواه ومـاه ولا تذكـرت
شي يبيه اللـي يبـي فـدوة لـه
حتى اللي مني على خير سافـرت
أمشي ونفسي راضيـه مسفهلـه
عن اللزوم اللي ضروري تأخـرت
هات الخفيـف وماتثاقلـت خلـه
وإلي ظهرت من البلاد وتشطـرت
ترى لزومي فيه جـا وقـت حلـه
إلى أنتحى قمت أذكر الله وكبـرت
كنه يسابق تالـي العصـر ظلـه
لآمر عجـلات المواتـر وفكـرت
لاكنهـن وقـاف مثـل الإخـلـه
طارٍ علي إلـى مشيـت وتنحـرت
قصرٍ يسر اللي يجـي عانـي لـه
مارحت عنه يميـن ولا تياسـرت
قلبـي يعذريبـه وعينـي تـدلـه
ترى الدروب السود مهما تصاغرت
منهـا تراهـا علـه فـوق علـه
وإلا الدروب البيض مهما تكابـرت
ترى الحظيظ اللي تجي سكـة لـه
إلى بغيـت أفـرج الهـم سيـرت
للـي حجاجـه للمسيـر يفـلـه
اللي ليا إني جيت عنـده تحيـرت
فلـة حجـاج ومجلسـه ماتملـه
عز الله إنـي للصداقـه تخيـرت
اللـي رفيقـه مايشـوف المذلـه
عبدالعزيز أكبر من اللي تصـورت
الفعل فعـل سعـود والـدل دلـه
بغيت أحبه ربـع فعلـه وقصـرت
بأول شبابـه والفخـر مقبـل لـه
ياكـم أماريبـه وياكـم فاخـرت
ياسعد عين اللي يجي فزعـة لـه
مالي عذر عن جيتك لـو تعتـذرت
ياللي تنـزل كـل رجـل بمحلـه
عن طبع أبوك وعادتـه ماتغيـرت
للي سنـام المجـد لـه مستحلـه
وردتهـا هـداج تيمـا وصـدرت
من سار مع درب فهو جايـز لـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

البارحه واليوم عينـي طواريهـا كثيـره

:: ₪ :: http://www.saher4ever.com/upload/up/2424.gif :: ₪ ::



البارحه واليوم عينـي طواريهـا كثيـره
عيني طواريها كثيره وش اسـوي بعينـي
ماجا خبر وعلوم وطروش من ديره لديـره
وطروش من ديره لديره يسلون االحزينـي
من ينصر المظلوم كوده الى سمع السريره
كوده الى سمع السريره حكم بينه وبينـي
هجر وسهر وهموم ضاقت على كل الجزيره
ضاقت علي كل الجزيره وانا ضلعي متيني
لاهل الغرام سلوم ومصيبه الفرقى كبيـره
ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره
بالليل يالله الستيره يبـا الخافـي يبينـي
نادو عقيد القوم ياقوم ملـزوم استشيـره
ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره
ليتك تبيع بحسن سيره علي او تشترينـي
ان بعت باول سوم سموك ابو خير وخيـره
سموك ابو خير وخيره وابو قلـب فطينـي
رضيت بالمقسوم سافر عساها لك سفيـره
سافر عساها لك سفيره وانا وش في يديني
انا له المحكوم ماهمنـي مخلـوق غيـره
ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره
راضي وخلوها قصيـره ولا بّيـح كنينـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

ليت العمر ينباع

:: ₪ :: http://www.saher4ever.com/upload/up/2424.gif :: ₪ ::



ليت العمـر ينبـاع والله لشريـه
وأروح للطيّـب وأزوّد سنيـنـه
وإلا الردي لعـل تقصـر لياليـه
ما من وجـوده فايـده خابرينـه
أفزع مع الطيّب عسى الله يخليـه
اللي لفعل الطيـب تبـذل يمينـه
خل الـردي لعـل تكثـر بلاويـه
ثقيـل دم وفـوق ذا ثقـل طينـه
ياللي عبيده تطلبـه ثـم ترجيـه
أعطف على عبدك وقـوّه بدينـه
وإلا الردي ما همني وش يجي فيه
لو غاب ما همب العرب فاقدينـه
لا واحسافه كيف يصبح مساويـه
النذل والطيّـب سـوى بالسفينـه
مواقـف الطيّـب تعـزه وتغليـه
وإلا الـردي لعـل ربـي يهينـه
أشكي على اللي شامخات هقاويه
أبو محمـد جعـل ربـه يعينـه
مواقفـه هالحيـن وإلا بماضيـه
ترفع له البيضاء على أعلى جبينه
اللي يلبـي كـل صـوت يناديـه
رجـل المواقـف كلنـا عارفينـه
إليا لفـى كـل الجماعـة تحييـه
أحد يحب الخشـم وأحـد يدينـه
من حشمته كـل يحبـه ويغليـه
أبو محمد جعـل يبطـي سنينـه
أقول كلمة حق والله مـا أرجيـه
أرجـي كريـم كلنـا عابريـنـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

+ - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

كل من عاش بالدنيـا يشـوف العجايـب

:: ₪ :: http://www.saher4ever.com/upload/up/2424.gif :: ₪ ::





كل من عاش بالدنيا يشـوف العجايـب


مثل ماشفـت بالدنيـا وشفتـه باهلهـا


قمت ابرق وافرق بين مخطي وصايـب


مثل فرق الجبال النايفـه مـن سهلهـا


والتوافيـق عنـد حظـوظ و وهـايـب


عند رب يجـازي كـل نفـس بعملهـا


اشهـد ان الهـدوم يستـرن المعايـب


اثرها تستـر الحرمـه وتستـر فحلهـا


الاوادم بعضهم مثـل وصـف الجلايـب


لو توحد بها ذيـب الخـلا كـان اكلهـا


كم صبـي تحسـب انـه ع الضرايـب


وان بخصته , كرهت الديره اللي نزلهـا


مايسر ان حضر , وان غاب ماقيل غايب


مار الارزاق عنـد ربٍ لخلقـه كفلهـا


مايضـد الضديـد ولايفيـد القـرايـب


يوم نفسه تعـدى حدهـا مـن زعلهـا


وفيه رجل يحـل المشكلـه والنشايـب


كـل ماحملـوه الواجبـات احتملـهـا


وااقـفٍ للـزوم ومرتكـي للنـوايـب


والحمـول الثقيلـه مالهـا الا جملهـا


ليت روحه قبل تركز عليـه النصايـب


حط عنه اربعين مـن الزلايـب بدلهـا


وفيه منهو مسالـم مايحـب الطلايـب


مشتقى من رضى نفسه ولا من زعلهـا


وفيه منهو اذا كبرت عليـك المصايـب


ساق وجهه وجاهه لك ونفسـه بذلهـا


وفيه منهو يبا الجـودا فلاشـك هايـب


كل ماناض صدره جـى عضـوده خللها


وفيه منهو يحل المعجـزات الصعايـب


اصغر افعاله الجـزلات محـدن فعلهـا


وفيه منهو يعيش وعيشتـه بالسبايـب


كل ماسمعله غلطة مـن رفيقـه نقلهـا


وفيه منهو على نفسه رضى بالغلايـب


الله اللي رفـع نفـس ونفـس خذلهـا


لو تبـي تنصحـه لله نجـر الهبايـب


انكـرك والنصيحـه ردهـا ماقبلـهـا


اشهد انه عقوبه مـن كبـار العقايـب


قاصر المعرفه قلبـه كمـا قلـب بلهـا





• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

ياناس قولوا لغض العـود

:: ₪ :: http://www.saher4ever.com/upload/up/2424.gif :: ₪ ::




ياناس قولوا لغـض العـود


تكفون يانـاس قولـو لـه


ما اشوف له من عذابي زود


كثر التصاديد وش هو لـه


ابو ثليـل اشقـر مرجـود


اسمـع بذكـره ولا اطولـه


وعيون نجل هدبهـن سـود


يذبح بهن من يجي حولـه


ياكثر الأزوال بيض وسـود


ماهـم بمثلـه ولا حولـه


عقب المودة جفـا وصـدود


ماشفـت زول مثـل زولـه


إن مت ابا القى عليه شهود


عنقـه وخـدّه ومجـدولـه


أسهر وكل العيـون رقـود


اليـا تباطيـت مرسـولـه


يازين حبل الهوى ممـدود


لكـن سجايـاه مجهـولـه







• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

ياليتني ما دخلت السوق وانـا اجنبـي

:: ₪ :: http://www.saher4ever.com/upload/up/2424.gif :: ₪ ::



في يوم سبعـة عشـر بتالـي رجـب
ياليتني ما دخلت السوق وانـا اجنبـي
العصر مريت يوم السبت سوف الذهـب
لقيـت مخلـوق لا هنـدي ولا مغربـي
من شوفته ما لقيت الا السهر والتعـب
صار السهر والتعب من شوفته مكسبي
اللبس لبس اجنبـي والـدم دم العـرب
زول ليا شافـه الشايـب يعـود صبـي
مكمـل بالجمـال وبالحسـب والنسـب
قلت السلام وتبسم قال لـي وش تبـي
وليا تقربت مـن زيـن الحلايـا هـرب
واقول عطني الصراحة وانت ابو ما تبي
بغيت اعرفه وش اسمه مير ما الله كتب
يقول ابي سمعتي واخشى على مذهبـي
تبين النور من خـده علـي واحتجـب
يا الله عليك الخلف تخلف على اتعبـي
انا قتيل العيون النجـل سـود الهـدب
ذقت العنى والعذاب ولا حصـل مطلبـي
قلت ارحم اللي طواه الهم وانت السبـب
قالت لعلـه يطاولـك السهـر بسببـي
قلت الظليمة حرام بكـل حشمـة وادب
قالت معي عين وصانـا عليهـا النبـي
انشد ولا يلحـق النشـاد لـوم وعتـب
انا غريب وقضى مايي وقضى منهبـي
انتي من اهل الكرك والديـر ولا حلـب
قالت يشيب الولد ما حصل اللـي يبـي
قلت انتي من السويد اهل الفرح والطرب
قالت بـلاد العروبـة رغبتـي وطلبـي
انتي من اهل الخليح مخصلين النشـب
قالت من المسلمين وجد ابـوي عربـي
واللي يقول الهوى كله خطر مـا كـذب
قلت وعديني وعد بس اذكـره وكذبـي
قامت تعجب وقالت يـا زمـان العجـب
يا لايمه للغرام انا اشهـد انـك غبـي
عليك رسم البـدواة والزمـان انقلـب
قالت عظامي ودمي واللحـم وعصبـي
انا من البدو كان الـدم وصـل الركـب
يوم السلاح المفتل والرصـاص حلبـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

دارنا الزلفي

:: ₪ :: http://www.saher4ever.com/upload/up/2424.gif :: ₪ ::



ابتدي باللي عليه اعتمـادي
عالـم بالبيـنـه والخفـيـه
كل شـي مرجعـه النفـادي
غير والي العرش ورب البريه
دارنا الزلفي لياجا الوكـادي
مربـع الأجنـاب والآهليـه
دارنا اللي يوم وقت الطرادي
دونها نارد احيـاض المنيـه
كم طردنا من عـدو معـادي
ما يجبيها دام الـروح حيـه
جعل وبل السيل مع كل وادي
من حقوق المزنه العقربيـه
يسقي الزلفي نفود او حمادي
والجبل يمشي شعيب وشغيه
فعل اهلها عند حضر وبوادي
يشهد الرجلي وراعي المطيه
ربعي لـو ينـادي المنـادي
يظهرون اهل الوفا والحميـه
ما حد منهم وقف بالحيـادي
من ذكرهم فزعتـه واهنيـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.saher4ever.com/upload/up/2424.gif :: ₪ ::

يامل عين الـى جـا الليـل عيـت لاتنـام

:: ₪ :: http://www.saher4ever.com/upload/up/2424.gif :: ₪ ::



يامل عين الـى جـا الليـل عيـت لاتنـام
تكثر عليهـا الروابـع يامعيـن الصابريـن
من عقب ما استبشرت بالنور وانجال الظلام
شافت من الغيظ مايملـي نظرهـا مرتيـن
لا وهنـي المعافـى مايـلـوم ولا يــلام
مستانس لـو يزيـن الوقـت ولا مايزيـن
ماذاق مر الفـراق وفارقـه حلـو الغـرام
والولف ملاك ما يحتـاج عـراف وظميـن
الصاحب اللي هدب عينه مثل ريش النعـام
ما يلتفت مع طريقه من يسار ومـن يميـن
اكبر مصيبه ليـا سلمـت مـا رد السـلام
مدري وش اللي خطر في بال وضاح الجبين
إن كان لك يا اشقر المجدول في هجري مرام
صبرت صبر الجمل بارضاك لو ضلعي متين
الموجب انه ملكني حـب مـردوع الوشـام
لا خير في عشرتن ما هيب في حرزن مكين
هو حق ياللي تعرفون الحلال امـن الحـرام
يسهر عيوني ويدعي سري الخافـي يبيـن
العشـرة الصافيـة تقـود أهلهـا بالخـزام
ما تختلف عشرة الغالي على طول السنيـن
وان كان عقب البطا فك اللحام مـن اللحـام
ما عاش أبو نيـة وحـدة مـع أو نيتيـن
ياصاحبي مـا تسـاون الغـوارب والسنـام
من خف ميـزان قـدره لـو قلبـه ذهيـن
لو شفت منك الجفا مارضى على عيني تضام
قطعـت منـك الرجـا كنـك مـع الميتيـن




• + - - - - - - - - - - - - - - - - - ₪ - ::
----------------------------------------