::|[ ديوان الشاعر : مرشد البذال رحمه الله ]|::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

مرشـد البذال

:: ₪ :: http://www.4yas.ws/files/788/32.gif :: ₪ ::

هو مرشد سعد بن بذَّال الرشيدى ـ شاعر علم فهو بشعره يقف في صفوف كبار شعراء النبط حيث أنه قدمإنتاجاً غزيراً جداً لم يسبق لشاعر قديم أو محدث أن قدم ما يماثله من حيث الكم والجودة سمي بشاعر الجيلين فقد كان في مقدمة الشعراء القدماءوعاصرة الجيل الحديث وهو في المقدمة وقد صدر له أكثر من ديوان حيث بلغت مجموع دواوينه الشعرية ستة دواوين ضمت من روائع الشعر النبطي الشيء الكثير ولا يستطيع الباحث أن يحدد بالضبط اتجاهاً معيناً لشاعرنا قد برز فيه أكثر من الاتجاه الآخر فهو بالغزل قوى لدرجة تفوق الوصف وكذلكفي المدح والحكم والنصح والإرشاد وغير ذلك من أغراض الشعر النبطي المختلفة التي كتب فيها وبلغ حد الإبداع في كل غرض يطرقه وقد أسهم شاعرنا مساهمة فعالة في مسيرة الشعر النبطي بالكويت حيث أشرف فترة طويلة على برامج الشعر النبطي في إذاعة الكويت وكان مسئولاً عن كل ما يذاع بها نظراً لخبرته الطويلة في هذا المجال





• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

الله من قلب بدت فيه الأنواع

:: ₪ :: http://www.4yas.ws/files/788/32.gif :: ₪ ::



الله مـن قلـب بـدت فيـه الأنـواع
تاخذ بـه افكـاره هجـوس وتناويـع
دويـت بافكـار كبيـرات ووســاع
وآشـوف كـل روايـة جالهـا ريـع
مير ان راعـي كلمـة الصـدق بتـاع
أهـل الصداقـه للتـحـدي مفـاريـع
الصدق له مع سايـد الحـق مطـلاع
والكذب له مـع غيـر يمـه مطاليـع
كم واحد مغريـه رايـه ولـو ضـاع
في خاطره عنده لمـن ضـاع تسنيـع
وكـم واحـد للـي يشيـرون مطـواع
للي عطـاه الـراي ممنـون ومطيـع
قلبه ليا شـاروا هـل العـرف سمـاع
أخـذ مـن الأريـا ثمرهـا بـلا بيـع
وكثر التجارب درس والـدرس نفـاع
فيهـا لذربيـن الرجاجـيـل ترفـيـع
احرص على ربعه شريفيـن الأطبـاع
لوهـم مـن الأجنـاب فيهـم منافيـع
كم نـازح يشـرى والأقـراب تنبـاع
بيعـة رجـا ماهيـب بيعـة تقاطيـع
لاتستـوي بالغيـض صـارم وجـزاع
علـى رفيـق شفـت منـه التواجيـع
لاعاش من دايم على الربع صعصـاع
ومقطـع جيبـه يـديـن الفـراريـع
وان طعت راي اللي درس كل الأوضاع
الميز هـو مصـراع كـل المصاريـع
رجل بلا ميـز ولـو طـال لـه بـاع
يضيع افعالـه مـن الجهـل تضييـع
واحذر تصير لمن وثـق فيـك خـداع
ترى أقشر الحـالات حـال الخداديـع
الخـدع لـو راعيـه بالـزود طمـاع
تـراه مثـل زراعـة مالهـا ريــع
من طاب لك بالمد قـدم لـه الصـاع
ولاتفتخـر كانـك تعـرف المواضيـع




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

سرى ليلي سرى ليلي

:: ₪ :: http://www.4yas.ws/files/788/32.gif :: ₪ ::



سرى ليلي سرى ليلي وانا اخايل نجـوم الليـل
عجب لله يا حلـو الكـرى وش طيـرك عنـي
غديت عيني لشـراد النجـوم الساريـه دربيـل
اطالـع فـي مباديهـن واراقبـهـن يغيبـنـي
وانا من فضل ربي ما لحقني من زماني ميـل
فـلا شـك الهواجيـس القديمـة مـا يخلنـي
ليا مني ذكرت اللي مضى لي يا قـوي الحيـل
.زطرى وقت مضى وربوعي اللي غابيوا عني
الا يا ما ذكرنا من رفيـق مثـل نجـم سهيـل
سكن حدر الثرى يـا الله علـى فقـده تعاونـي
رفيق ما تعوض بربعته ربعـة خبيـث الجيـل
رفيق ربعتـه تقضـي اللـزوم ولا بهـا منـي
ليا مني نشـدت وقلـت وينـه قالـوا العقيـل
..بقى ذكـره وفعلـه حـي والارواح راحنـي
صفقت بكفي اليمنى على اليسـرى وزاد الويـل
هقيـت ان الليالـي اللـي يخوننـه يخونـنـي
صحيح انه البشر ماهوب عن جور الزمان دخيل
ولا عقب البقا كود الفنـا واخـذ الخبـر منـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قال الذي زين المعاني قطفها

:: ₪ :: http://www.4yas.ws/files/788/32.gif :: ₪ ::



قـال الـذي زيـن المعانـي قطفـهـا

أمثال مبداهـن عـن الشـك مفـرود
أمثال عنهـن قاصـر العـرف يفهـا

من حيث درب العرف طلعات وصعود
لو كـل مـن قـال المثايـل عسفهـا

ما صـار نقـص بالمعانـي ولا زود
والبنـدق العوجـا تجـنـب هدفـهـا

الى صار منظرها عن القطر مصدود
وغايـة جميـع الخلـق محـد عرفهـا

رضا جميع الخلق مـا هـو بموجـود
لا شـك تـدي كـل نفـس نصفـهـا

ترى كلام العدل يظهـر لـه شهـود
مـن رابـع العاقـل لنفسـه صرفهـا

عن تيهة يشقى بهـا مـا بهـا فـود
اسمح عن الليـل تيهتـه مـا عرفهـا

يمكن يرد اليالقـى الـدرب مسـدود
لومي على اللـي تيهتـه قبـل شفهـا

ومن العيا كنه عـن الرشـد مطـرود
نفسـه علـى شيـن المماشـي حذفهـا

اصبح ذميم لوه مـن نسـل محمـود
لا يفتخـر بافعـال نـاس وصفـهـا

لها الفخر كانه وقـف ماقـف العـود
مـا كـل اجاويـد تبعـهـا خلفـهـا

لا بد ما يخلف حمـد سيـرة حمـود
كـم واحـد يمـت جـدوده نفسـهـا

على الشمـال ورد مـع دربـه ورود
ضرب دروب مـا نشـد عـن كلفهـا

وكدر سماه وصار بالجهـل مزيـود
نفسه خطا غيـره لعـب فـي شرفهـا

اصبح بخيت لابـس ثـوب مقـرود
كـم واحـد ربعـه يعـدل عجفـهـا

من نشوته صاروا مشاكيـل وفهـود
عنهـم مهمـات الافـاعـي كتفـهـا

ماحد يجيهم بطـش والحـق مريـود
لومـي علـى راع ممـاش حرفـهـا

عن درب ابوه ودرب جده هل الجـود
اقـول لـه دنيـا بـلا مـدح عفـهـا

ترى تـلاي الجسـم للقـاع والـدود
انتـم بثـر نــاس تـقـدم سلفـهـا

مرحانها تسفـي خلايـا مـن الـرود
هـذي مبانيـهـا وهــذي غرفـهـا

بقى العمار وبانـي القصـر مفقـود
وغيـره بيـوت للـفـداوى رففـهـا

مثل الجبال السمـر وألوانهـا سـود
محلي حلاهـا عقـب سيـرة صلفهـا

في خايع نبته لهـا ارقـاب عاصـود
كـم فيضـة زيـن المبانـي كنفـهـا

بيوتهـا للخيـل عـن مرتـع الـذود
قـب مطالـيـب المقـفـي نحفـهـا

ياما نضح منها العرق نضحة الجـود
لا مـن كسـاب الزعيمـة خطفـهـا

صاح الصياح وجاوبه حـس بـارود
كـل ركبهـا مـا نشـد عـن كلفهـا

جنك على الداعي مع الحـزم جلعـود
كـم ابلـج عنـه الجبـانـة كشفـهـا

خلي بجيش القـوم حـاوي ومـردود
وكـم ابلـج نفسـه حياهـا قصفـهـا

اصبح فؤاد امه مـن الحـزن ملهـود
هـذي سلـوم اللـي تقافـت صففهـا

يـوم الهـوا عـدل لركابهـا القـود
واليـوم ترحـم حالهـا مـن ضعفهـا

ما كنهـم شيفـوا بمربـاع وعـدود
مضما البكـار اللـي تنفـض شعفهـا

لو تاصله عينـت بـه ربـق وهنـود
قلـي عـلام الوقـت هـذا صدفـهـا

واقول لكل هذا اخر الوقـت مشهـود
محـد تصاريـف الزمـان اكتشفـهـا

تغيرت سلـم علـى الخلـق مقـدود
دنيـاك بالقفـلات يضـرب صلفـهـا

لمحة بصر ما له سنا بـرق ورعـود
غـدارة لـو اضحكـتـك بطرفـهـا

تراك عقب الضحك ببكاك مـا عـود
ان اقبلـت قامـت تمـشـط زلفـهـا

هنوف عرس طيبها المسـك والعـود
وان ادبرت شفت الكـدر مـن حرفهـا

تمسي تسيد وتصبح الصبـح مسيـود




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قال الذي له باشـرف الجيـل مقـدار

:: ₪ :: http://www.4yas.ws/files/788/32.gif :: ₪ ::



قال الذي له باشرف الجيـل مقـدار
من رحمة الخالق على العدل مامـور
جيل اليا منـه مشـى بيـن الاخيـار
شفقوا عليه وقيـل راعيـه مشكـور
مانيـب بالمجلـس طفـوق وهـذار
ولانيب من ياخذ كثير اللغـى طـور
من لا نشدني ماسمـع منـي اخبـار
وليا نشدني راح راغـب ومسـرور
عندي وعند الناس في كل محضـار
السالفـه بيـن الرجاجيـل بـالـدور
واللي يجي بيـن الرجاجيـل ثرثـار
يخف وزنه بالمجالـس علـى الفـور
هرجه زبد موج لغت فيـه الابحـار
والا دخـن نـار تقـفـاه عـافـور
والعقل يا صف لك مطاليـع الانـوار
يظهرك من لجـات الاظـلام للنـور
راعي الذكا والعقل وان صار ما صار
تسمع له الكلمه ويسمـع لـه الشـور
واحفظ شرف نفسك عن الذل والعـار
اتبع رجال الحق واترك هـل الجـور
حنا بوقـت فيـه اجاويـد واشـرار
تالـي زمـان بالتواريـخ مـذكـور
شفنا مـن العـادات تغييـر وانكـار
اخر زمـان وكـل نـاس لهـم دور
اليوم كسب الرجل في غض الانظـار
ماله ومال النـاس عـاري ومستـور
واحرص على لابعة شريفين الاخيـار
ترى الشريف اليوم ماهـوب مكثـور
اربح بنـور تقتبـس منـه الانـوار
ما انتب على لجات الاظلام مجبـور
والحق در وياه مـن حيـث مـا دار
لا يستريسك بالجهـل كـل مغـرور
قوم حدود الدين خـوف مـن النـار
لا تظلـم الغافـل ولا تشهـد الـزور
واصبر بحكم الله وما جـاء بالاقـدار
ترى قوي العـزم بالصبـر ماجـور
ولا تنشر الدعوى علـى كـل مـرار
ترى العدو يفرح ليا صرت مضرور
واحرص على ربعه طويلين الاشبـار
اللي لهم ذريـات الاخـلاق دستـور
بالـك ترابـع واحـد بالعهـد بـار
حاذور عن ربعة هل المكـر حـاذور
وان كنت في غرف الرجاجيل محتار
ترى التجارب تفرق الحصن والثـور




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يالله عسى لطفك وعفوك نحوشه

:: ₪ :: http://www.4yas.ws/files/788/32.gif :: ₪ ::



يالله عسى لطفك وعفوك نحوشـه
يالله بحسن الخاتمه عنـد الفـراش
ياحول واظن الحق جتني طروشـه
جتني طروشه وانا عنـه منحـاش
دنياك لو تعطيك حلـو المعوشـه
تالي سوالفها تعـود علـى مـاش
ياما خذينا بـاول العمـر طوشـه
ياما مشينا في مظاهيـر وادبـاش
ياما جلسنا مـع مـردوع انقوشـه
في سهلة(ن)حدرنـا زل وافـراش
في خايـع بـل الثريـا رشوشـه
نجلي زبيدي في صحاصيح وادباش
واليوم شفني جالس عقـب دوشـه
اصمد عظامي كن فالكبد هشـاش
خليت ديواني ومجـلاس حوشـه
عقب المعزه جالس دار الانعـاش
والنفس ضاقت عقب ماهي بشوشه
مثل المقيم اللي نـوى المطـراش




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

- - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قل لبو نـواف مـا فيهـا عـذار

:: ₪ :: http://www.4yas.ws/files/788/32.gif :: ₪ ::





قل لبـو نـواف مـا فيهـا عـذار

انتويـنـا بالسنـافـي للمسـيـر
كان ابو نايف تحصـل لـه مـدار

دوره والا دفعنـا لــه بشـيـر
قل لبن عون الوعـد تالـي النهـار

بالمثلـث لا يـسـج والا يحـيـر
اعتجـل يـوم الهـوا ذعـذع ودار
ا
ترك الراضه وعـذر فيـه ميـر
كـان عنـدك بالبنـا تالـي جـدار

اجلـه والعيـد مافيـه اتعمـيـر
يـم ابوسلطـان عـزم الفكـر دار

يـم غيـره لا تقـول ولا تشيـر
خلهـن يمشـن مـن الديـره لـدار

المواتر صافيـه والـدرب جيـر
مثل ابو سلطـان لـه حـق يـزار

جيتـه بالعيـد مظهرهـا كبـيـر
سجـة عنـده تزيـد بهـا العمـار

يدله الخاطـر ويرتـاح الضميـر
في محـل كـد جلسنـا بـه مـرار

مدهـل الحكـام والزاعـل عثيـر
مجلـس يؤخـذ بعيـن الاعتـبـار

صاحبه يا عز من هو لـه عشيـر
دلـة فيهـا مـن الحبشـي بـهـار

ومنسف يشبع ضيوفـه والقصيـر
نادر له نطحـت الموجـب شعـار

فاهـم بالمرجـلـه در غـزيـر
مالبـس ثـوب الشهامـه مستعـار

وارث طيبه مـن الوجـه السفيـر
احمـد اللـي لـه تواريـخ قـرار

بالكـرم وبسلـة السيـف الشقيـر
انشـد التاريـخ يعطيـك اختـبـار

عـن تواريـخ السديـري بتعبيـر
اقـر ديـوان الخليفـه كــان دار

شف مقاله عنـه بالخـط الاخيـر
شف مراكيضه علـى قـب الهمـار

يوم سفك الـدم غـاد لـه هديـر
كان ابـو سلطـان همساتـه كبـار

تابـع عـود علـى دربـه يسيـر
والعلـوم كبـار واحلاهـا القصـار

زبدة الموضوع وأحـلاه القصيـر
مـا بنيـت الملحمـه بيـت جـدار

كود ناسبهـا علـى فعـل شهيـر
كان المعـروف هالوقـت اشتهـار

السديري مع هـل الجـود خشيـر
مابنا السمعـه علـى ملـس العـذار

مابناهـا الا علـى فعـل ثمـيـر
انشد اللـي سمـع بفعـول الكبـار

نور الاول يقتبـس منـه الاخيـر
يوم وقتي عقب ابـو زيـد استـدار

اجتبرت بحابـر العظـم الكسيـر
شمت اللي فيـه خصـلات اخيـار

الذكاوالديـن والعـرض الستـيـر
لـي بربعتهـم معـزه وافتـخـار

• + - - - - - - - - - - - - - - - - - ₪ - ::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
ربعـة الطيـب تنسيـك الحقيـر
افهم الطيب الخنينـي مـن البخـار

يوم فاح المسـك شميـت العبيـر
قالها اللي له بعـرف النـاس كـار

يفهم البشر طويـل مـن القصيـر
الرجال طيـور توصـف للحـرار

كل طيـر فـي جناحينـه يطيـر
ويـن طيـر بحتريلـه كـل جـار

وين طيـر مايصيـد الا الشعيـر
لـو تقـول ان الشجاعـه بالطيـار

كان فضلنا القطـاه بمـا يصيـر
وين طير وان هـوى شـق الستـار

وين طير يذعره صوت الصفيـر
النداوي لـه علـى الصيـد اقتـدار

والحمامـه بالمـحـل وتستـديـر
وان جهلت الزين والجنس والدمـار

انشد اللي فـي معرفتهـن خبيـر
اخذلـك منـي كـلام باختـصـار

فرق بين الصفوف من سلك الحرير
فرق بين الحـب وانخـال الشـوار

اصلهن واحد لشـك الـذوق غيـر
ربعـة الطيـب تزيـدك بانتصـار

ترفعك رفع العمـد بيـت نظيـر
والردي عرفـه مثـل بيـر هيـار

تنقبـر فيهـا ويدفنـك الحقـيـر
حقة الطيـب تجيـك مـن الفقـار

والردي يعطيك كرسـوع البعيـر
لا ترابـع واحـد بالعـهـد بــار

وان وفى له مـره خيـره كثيـر
التجـارب خلهـا لـك مستـشـار

لا تبي غير التجارب لـك شويـر
لا تجـي مدخـل يدينـه بالخـبـار

ما لقى صيـدة لقـا داب ضريـر
والرجال ابهم فهـد وابهـم حمـار

وانت فكر بالفهـود مـن الحميـر
وانت في دورك عليـك الـدور دار

لا تحسب انك مخـلا يـا الفقيـر
وقـر العالـم وتلقـى لـك وقـار

وان حقر حقرت لـوك ان الاميـر
والشرف لا يستـوي فيـه انهيـار

الشرفهو مقضب السيـف الشطيـر
والقناعه مرجلـه والضعـف عـار

واطلب النجده من الوالـي القديـر
لا تجـي للنـاس طلباتـك اكـثـار

كـل ديـوان تجـي يمـه مغيـر
ما خبرنـا باهـل الشجاعـه تجـار

غير فقره كـل نفـس لـه تعيـر
خـل عـز النفـس للعـوره ستـار

لو فراشك في طرف بيتك حصير
وانـت للعـودة مـن الله بانتظـار

واحـد مالـه وكيـل ولا مـديـر
مـدة الله تمتلـي منـهـا النـقـار

تجعـل الغـدران بالملـزم تحيـر
يجعل الـوادي مريـف بالخضـار

عقب ماهو يابـس قشعـه هشيـر
الكريـم معـان والفـارس مجـار

مـدي الواجـب ونطـاح الذخيـر
الغنـا بـالـذل مـذمـوم مــرار

والفقيـر بالعـز لامجـادك يثيـر
طربة الدنيـا مثـل لعـب القمـار

لو جمعت المال شفت تالي المصير
لو جمعت من الذهب حمل القطـار

عند نزح الروح ما انتب له دبيـر
صار بيـن الوارثيـن بـلا مثـار

ينعزل حق الكبيـر مـن الصغيـر
وانت حقـك خامـة عشريـن وار

ذيك هي حقـك ولا فيهـا خشيـر
فصلوا منها الكفـن هـو والـوزار

اقرشوبـك يـم مثـواك الاخيـر
واسدحوك بحفرة في وسـط غـار

يطـردك منكـر وقدامـك نكيـر
واهني اللـي مشـي طلـق الشكـار

سالم من ظلم عمر ومـن عميـر
لـوه بالدنيـا بـحـلات اعـسـار

يرتجـي بالاخـره فرحـة نظيـر
مـن رحمـة الله وقلبـن الـعـذار

رحمة الله تغفـر الذنـب الخطيـر
والاثيم من الصراط اقـرش وعـار

ان سلم من ويل طـاح بزمهريـر
الهـي كـان مـا فــي اقـتـدار

التجي في رحمتك وانـت المجيـر
الشباب اقفـى وانـا باخـر نهـار

وارتجي فزعتك يا نعـم الشويـر





• + - - - - - - - - - - - - - - - - - ₪ - ::

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يالله يارب الضعوف المساكيــن

:: ₪ :: http://www.4yas.ws/files/788/32.gif :: ₪ ::



يالله يارب الضعـوف المساكيـن

اللي لك المخلوق يحسن صلاته
تستر على غوشن صغارن مكفيـن

أكبرهم العارف دليله عصاتـه
لا يـا عيالـي كلبوكـم حبيبيـن

عندي وعند الناس كلن وذاتـه
عندي غلاكم يدفن الزين والشيـن

وعند العرب كلن تشاف اخملاته
يا عبيد أنا خابرك ورعن لهالحيـن

داوي بغبات الجهـل وظلماتـه
لاشك علمي لك محبـه وتفطيـن

تسمع الوالـد وثبـت وصاتـه
وصاة مخلوقن يعـرف القوانيـن

مافاة عمره بالجهـل والهياتـه
يا عبيد انا أوصيك منـي بثنتيـن

ثنتين هن سؤ البشر وحسناتـه
أوصيك لاتبحث سـدود المغيبيـن

ولاتجهر اللي غارقن بغفلاتـه
ترى النميمه تمحق الرزق والديـن

والمنزل العالي تهـدم اطبقاتـه
لاتحسبن أهـل الظليمـه بخيتيـن

كلن يوافق ما عمل في وفاتـه
وانذرك عن حق الضعيف المسيكين

اللي على حقه يهـل اعبراتـه
ترى الضعيف الليا غدى الليل ليلين

يدعي وعند الله توافق ادعاتـه
الظلم فان الظلم يفنـى السلاطيـن

ياويل راعي الظلم من مقبلاتـه
وانذرك عن ربعة رخو من هياسين

اللـي سوالفهـم بـوده وهاتـه
ويا عبيد الأقشر لوصفا لك نهارين

نهار ثالث جاك يرفع عصاتـه
والله عندي ربعة الناس الأقصيـن

ولا صديقا يبلشك فـي حياتـه
ترى الرجال ابهم فهود وحياويـن

جاك الكلام اللي صحيحا ثباتـه
ان كان ما تدري ترى الناس دراين

الرجل مدحه بالمجالس طراتـه
رجلن تعلق بـه رجالـن مسميـن

عز الرفيق ولابتـه والحماتـه
ورجلن تشوفه جسم وعيون ويدين

ولولا الشعر ما تفرقه من خواته
كم واحد بالبيت يضـرب بسيفيـن

وأن جاء حزم كلاب قبع عبادته
والحلم عن الغيض ينجي الشياطين

يكفيك شر إبليس هو و دحراته




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يالله عسى لطفك وعفوك نحوشه

:: ₪ :: http://www.4yas.ws/files/788/32.gif :: ₪ ::




يحول أشول الحق جتنـي طروشـه


جتني مطاليبه وانـا عنـه منحـاش


اليوم كـن بداخـل الصـدر هوشـه


مثل اختراش الريم في داخل الجـاش


يالله عسى عطفك ولطفـك نحوشـه


يالله بحسن الخاتمه عنـد الاقـراش


دنياك لو تعطيـك زيـن المعوشـه


تالي سوالفهـا تعـود علـى مـاش


ياما خذينـا بـأول العمـر شوشـه


وياما مشينا في مظاهيـر وأدبـاش


في خايـعٍ وبـل الثريـا رشوشـه


نجن الزبيدي في صحاصيح ودشاش


وياما جلسنا مـع مـرودع نقوشـه


في سهلـةٍ ماحدرنـا زل وفـراش


في وسط روضٍ مخضراتٍ خفوشـه


نبته جديد ومبعديـنٍ عـن الطـاش


نبنوب لا خبله ولا أهـي مخروشـه


عنق الفريد ان ذيـره زول حشـاش


قامـت تخاطبنـي بنفـسٍ هشوشـه


بس الكلام وعرضه أبيض من الشاش


بسرار في وسط القلـوب مخشوشـه


بين الثنين ولا درى عنهـن الـواش


ربعـة وفـا ولا السلـب ماننوشـه


ماني لوجه معـذب الحـب خمـاش


واليوم مالي مع هل الصيـد نوشـه


عطيتهـا غيـري بلاسـوم ببـلاش


عند الطبيب وصار عندي وحوشـه


ومن الإقامة صابني خوف وخـراش


ذالحين شفني جالسٍ عقـب دوشـه


أصلب عضاي وكن بالجسم هشهاش


خليت ديوانـي ومجـلاس حوشـه


عقب المعـزة ساكـنٍ دار الإنعـاش


والنفس ضاقت عقب ماهي بشوشـه


مثل المقيم اللي على نـو مطـراش







• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يوم الزمان بطربته موجهلي

:: ₪ :: http://www.4yas.ws/files/788/32.gif :: ₪ ::




يوم الزمـان بطربتـه موجهلـي
كني مـدور حاجتـن وأذكرولـه
واليوم طاري الحب خلـه يولـي
قلبي على المطراش ريـح ذلولـه
من يوم بان الشيب في عارضن لي
والكبر بانت في عظامـي افعولـه
اليوم جزت مـن الجهالـه لعلـي
مثل الـذي فـي توبتـه باركولـه
أيامي اللي من قديم أضحكـن لـي
أقفت كما نشرن بعيـدن محولـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

أشهد أن دنياي

:: ₪ :: http://www.4yas.ws/files/788/32.gif :: ₪ ::



أشهد أن دنياي ماجت في عدال
زودها النا كـل عـام ترذلـون
ذوقتنا الكدر من عقـب الـزلال
وعلقت رمحينها بيـن المتـون
خمسة أشهر ما قعدنا بالظـلال
كود ظل اللي به العاف مخزون
في تصاريف الحجر هي والحيال
وأن قضوا ذولا هذولا ينزلـون
قالوا أن الصبر تقنيـه الجمـال
غرهم سنين الجـلادا والمنـون
يا مصورة السوالـف بالعـدال
اثركم فيمـا حكيتـوا تكذبـون
أشهد أن الصبر تقنيـه العيـال
كل ما حطـوا عليهـم ينقلـون
يردون الموت في كل الأحـوال
غير ذلك والسكارى يضحكـون
وعذابي مـن طويـلات الليـال
أشهد أن الغوص راعيه مغبـون
كل ما كمل هـلال جـا هـلال
من محاتاهـن يشيبـن العيـون
أربعـة جـرد تكملهـن كمـال
ليـن يكمـل حتنهـم ويقفلـون
يالنشامـا ياكريميـن السـبـال
كل كون غير كـون الله يهـون
بد من يوم وتشوفـون العـدال
عقب مارحتوا جنوب وتشملـون



• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

لابتي

:: ₪ :: http://www.4yas.ws/files/788/32.gif :: ₪ ::



لا بتي ما يفيـدن العـذار
حزّت النفع جا ماجو بهـا
استعينوا بعـون الله جهـار
والشجاعة تجي بدور بهـا
الظفر ما قصر طول العمار
ما للأرواح عـن مكتوبهـا
أمنا اللـي برايرهـا كبـار
كيف نرضى يمزع ثوبهـا
كم صبيٍ بغاها واستخـار
يوم أهـل دارنـا عيّوبهـا
يا بو سالم حماكم ما يـزار
الأجاويد تحمـى صوبهـا




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

مسموح يا زول(ن) مشيت متعـدي

:: ₪ :: http://www.4yas.ws/files/788/32.gif :: ₪ ::



مسموح يا زول(ن) مشيت متعدي
حط الذرى بينـي وبينـه عباتـه
دوبه بطرف العيـن يمـي يلـدي
يبـي يسمّـح خاطـري بالتفاتـه
قلبي يبي شوفـه وعينـي تلـدي
أخاف من هرج(ن) يطوله شماتـه
أخاف من فطنة خطـات متحـدي
اللي على الغـرات هـذي سواتـه
ما ودي إنه يكتشف غيـب سـدي
خله يروح وعبرتـه فـي لهاتـه
لابد من يـوم(ن) رخـاه متمـدي
يلحق بـه القلـب المولـع شفاتـه
يوم(ن) به الحسّيد عنـا تصـدي
راع الحسد عنـا بعيـد(ن) مباتـه
جعله بدربـه ذالـفٍ مـا يـردي
احذف وراء الشيطان سبع حصواته
يانـاس بالله لاتصيـرون ضـدي
من لا هرج بالعدل يكفـي سكاتـه
ياناس مجروح الضميـر المـودي
خلوه يدلـه ساعـةٍ فـي حياتـه
يا صاحبـي ماهـو بـودك وودي
لـو ودّنـا كـل تخيّـر منـاتـه
من دون جمعانا سلـوم(ن) تلـدي
تمنع شفوق القلـب دون شهواتـه
دونك عدو(ن) للحسـد مستعـدي
طعـون قلبـه بالحشـا موجعاتـه
وإلا فلا غيـرك حبيـب يسـدي
تكفيك ضيقة خاطـري وانهتاتـه
حبك مقيم وحب غيـرك يشـدي
هذا الكلام اللي صحيح(ن) ثباتـه
سلطان حبك لـو سيوفـه تحـدي
جيته مطيـع لسايتـه واحسناتـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

ياعل عدٍ نزل خلـي علـى بيـره

:: ₪ :: http://www.4yas.ws/files/788/32.gif :: ₪ ::



ياعل عدٍ نزل خلـي علـى بيـره
يسقيه مـن مدلهـم النـو هتافـي
يا خذلـه أيـام سايلـهٍ عثاميـره
واللي يشوف المحاجر نقعها صافي
لينن عقب الحيـا تنعـم نواويـره
يصير مشتا ومربـاعٍ ومصيافـي
اظن في قرب خلي يامـلا خيـره
والا التفاريق منها القلـب يلافـي
اخاف من ساعه ٍ تقرش مظاهيـره
أن خايلوا من بروق الوسم كشافـي
اروح في ديره والزين فـي ديـره
والرود من بيننـا ماعـاد ينشافـي
لو اطمع انه يعزيني هـوى غيـره
ماكان حاتيت فرقا زين الوصافـي
دورت عذرى نباها كنهـا الشيـره
مانيب غادي وانا مع سبعه اسلافي
لا شك بيني وبين صويحبي سيـره
ليا أقفا خذ القلب مني نابي الاردافي
ثمن ركز في محل القلب بنـدوره
كتب على نشرهاسلالـك الخافـي
خلا ضميري مثل عش ٍ نزع طيره
لولا غروق الجبل حول به السافي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

ألا يا عشيري

:: ₪ :: http://www.4yas.ws/files/788/32.gif :: ₪ ::



ألا يا عشيري وين أنا وأنت
أشوف الجفا جت له دلايـل
تبينت لي بالحرب و أعلنت
نسيت المـودة و الجمايـل
وأظنك على مثلـي تمدنـت
قصرت الشعر والفرق مايل
علامك تقص الرأس لا هنت
حسافة على ذيـك الجدايـل




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

عـزاه يـا نفـسٍ هواهـا جبرهـا

:: ₪ :: http://www.4yas.ws/files/788/32.gif :: ₪ ::



عـزاه يـا نفـسٍ هواهـا جبرهـا
كما جبر حر الظما مفْخِت الجيـش
ورّد عدود القـوم نـاسٍ خطرهـا
يوم استغـاب ويبّسـن النشانِيـش
من حر لا هـوبٍ بكبـده سعرهـا
شيّء عواره ينهش الكبـد تنهيـش
هنـى مرتـاحٍ حياتـه شكـرهـا
من نشوته ما تـل قلبـه ولا نيـش
نفسه ليـا عاسـم هواهـا قدرهـا
عن المحبة ناقـلٍ قلـب درويـش
ما ذاق لـذات النفـوس وكدرهـا
ولا عذبنـه ناقضـات العكاريـش
نجل العيون اللي مـلاحٍ صورهـا
اللي غلاهن فتـش القلـب تفتيـش
إن لجلجت لك في سهاوى نظرهـا
والهرج منهـا بالاشـارة تناويـش
إن صافحت زم النهد عـن نحرهـا
وان شاهدت تجذبك خرس مراييش
والله لو قلبـك يقاسـي صخرهـا
إنّهْ هو المبسوط والين من الريـش
كل اللـوازم سجهـا واختصرهـا
نسى الوصاه وصار بالفكر تشويش
والله لـو لـه حاجـة مـا ذكرهـا
وليا ذكرهـا فايتـه قـال حتيـش
داوى بسكـراتٍ علـى الله خبرهـا
شهد تساقـاه القلـوب المعاطيـش
شهدٍ حلاته مـن عرفهـا ذكرهـا
غيره دوا لمعذب القلب مـا ميـش
في ساعة عنـد الثنيـن محضرهـا
تسوى وتكفى عن جميع المعاويـش
اللي بنفسـه كلمـةٍ مـا قصرهـا
من الراس ما يحتاج كز المطاريش
دارت مشاريـهٍ بعيـدٍ ضـررهـا
فتنات غيظٍ من قلـوب هشاهيـش
أول دعاويهـم كـبـارٍ عبـرهـا
من عظم وجلاهم تصور مداهيـش
وتالى دعاويهـم تساهـل قشرهـا
بعذرٍ ونهتٍ حمش الكبـد تحميـش
ليـت المحبـة مـا تغيـر سيرهـا
وإن الهوى يحجب عن النذل والديش
يُفتَك مـن نـاس غلطهـم دمرهـا
صاروا بها غزو مديـد حواشيـش




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

لاتقول !!

:: ₪ :: http://www.4yas.ws/files/788/32.gif :: ₪ ::



لا تقول إن المرض هذا خطيـر
كم مريضٍ طاب ومباريه مـات
الرجال شطار كان أنك شطيـر
كان لك دوره لهم سبـع دورات
ولا تقول أسبق على العدا الغدير
إن جهمت ركاب غيرك ساريات
يظهرون ثنين من رحـمٍ ستيـر
صلب رجلٍ من عذارات صايبات
الإخوان إخوان ما فيهـم خشيـر
مير بس أن الفعل فيـه افتخـات




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

سميَر ترى الشده علينا طويله

:: ₪ :: http://www.4yas.ws/files/788/32.gif :: ₪ ::



سميَـر تـرى الـشـده عليـنـا طويـلـه
******واعنا القلب من شوفة عفايس اشتيه
صاحبـك يـا السنافـي هالسنـة عزتيـلـه
راح وجـروح قلبـه بالضمـايـر خفـيـه
كـل يـوم يجـي سنـان عينـي تخيـلـه
اتحـرى ســلام فـيـه يـنـدب علـيـه
يا الله انـي دخيلـك مـن قطـوع العجيلـه
******ما حصل لي سلام ولا علوم طريه
ميرا حيـل الله أقـوى مـا باليديـن حيلـه
******اصبري يا عيوني والليالـي مديـه
اصبري هالشهـر لـو كـان كبـدي غليلـه
******واستعيني على الداخل وهلت جفيه
وهني مـن سمـع عنـد الخشـب حنثويلـه
مثـل بـدوٍ لفاهـا عـلـم قــومٍ لظـيـه
جلعـن مثـل فــرقٍ روَ حــس كيـلـه
******البنادير طارت والهـوء عقربيـه
روحـن العـدال مـن الخـيـام الثقيـلـه
مرتهيـن نطـوف الـراس والشمـس حيـه
الحجـر فصمـوهـا وأيقـنـوا بالعجيـلـه
******كل واحد من الفرحه يسامح خويـه
نلقى الـدار عقـب أميـه وعشريـن ليلـه
ناخـذ العلـم مـا يحـتـاج رد الوصـيـه
وإن نشدني شريك الـروح قمـت اشتكيلـه
******ياأريش العين طالع مرة الغوص فيه
يابسـاتٍ عظامـي مثـل لـون الجفيـلـه
******وأن جهلت البحر هذي وسومه عليه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

+ - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

انهيار النفس

:: ₪ :: http://www.4yas.ws/files/788/32.gif :: ₪ ::




ترى بعض انهيار النفس رفعه
يتوجها مـن الرفعـة بتاجـي
وأعرب أن العوارف لم يزالوا
هم النبراس كان الليل داجـي
وترى كسب الأديب من الأديب
هدايـا مـا تبيـع بالحراجـي
بها كسب المعالـي و الفخـور
إذا لك مع هل الفخر اندماجـي
أنا قوله وأنا ما حكم بعرفـي
أقول أنى مع أهل العرف لاجي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قالوا حكوا بك قلت وش هم يقولون؟!!

:: ₪ :: http://www.4yas.ws/files/788/32.gif :: ₪ ::



قالوا حكوا بك قلت وش هم يقولون
وش قيـل فينـا يالوجيـه الفليحـه
شوفوا مردُ الهرج وش هم يطـرون
حتى نعرف مزوره مـن صحيحـه
كان الكلام من المعادي على هـون
بعض المسبـه بالمجالـس مديحـه
تجيـه عربـانٍ مـن الله يخافـون
عن الظليمـه ينصحونـه نصيحـه
لو كل خلق الله على الحق يمشـون
كان القلوب من الخطـا مستريحـه
كم واحدٍ بعروض الأجواد مفتـون
وهو سلومـه يفضحنـه فضحيـه
وكم واحدٍ يطعن وهو فيه مطعـون
يذم ريـح النـاس والشيـن ريحـه
بعض كلام الناس تهمات وضنـون
قـولٍ تنميـه الوجيـه الوقيـحـه
الظلم لو فازوا هلـه مـا يدومـون
راع الظليمـه لاتباطـى مطيـحـه
والناس هذا الناس من عصر ذالـن
وكلن على دربـه ركابـه مشيحـه
مقرود يامن بـدل اللـون باللـون
بعض الكلام يحرفه عن صحيحـه
والصدق هو والكذب ماهو بمقرون
كان إنها تـدرس بلهجـه فصيحـه
مايمدح الرجـال بالشكـل واللـون
إبحث معه لينك تعـرف القريحـه
تراك تعرف عنه وأنتـم تهرجـون
يبين لك من كـل جـودٍ نضيحـه
المستريح اللي من الشـك مامـون
مع كل خلـق الله علومـه مليحـه
كم واحدٍ حـيٍ لـه النـاس يثنـون
وإلا توفـى قـالـوا الله يبيـحـه
وكم واحد لو هو باالألحاد مدفـون
ذكراه عند الناس بيضـا صفيحـه
وكم واحدٍ يجمع ملاييـن وخـزون
مـالٍ تنميـه اليديـن الشحيـحـه
لا تشكره رملـى ولا فـك مديـون
ولا حل مشكلـة النطيـح ونطيحـه
ولا له على جاره من الفضل ماعون
لـو إن جيرانـه تشـوف الذبيحـه
وكم واحدٍ جيـران بيتـه يحمـدون
للجـار ريـف وللجماعـه منيحـه
وكم واحدٍ منـه العـوادي يخافـون
زبن المخيف اللي كثيـرن فحيحـه
ربعه نهار الضيـق فيـه يتـذرون
لاجا نهـارٍ فيـه لجـه وصيحـه
وبعض الرجال بهم شريفين وعفون
كلن علـى ماقـال يرجـع لكيحـه
وبعض الرجال بضحكهم يستغلـون
يجيبها مـن نـوع زلقـه بطيحـه
هذاك بين له مـن الهـرج مدفـون
خلـه إلا شافـك يزيـن سميحـه
الهرج لـه نقـال والـرد للشـون
مزح الجزع يثر بكبـدك جريحـه
هذا وأنا ماني من النـاس ملسـون
لاشك أرفض مـن تزايـد جميحـه
قلته وكل النـاس غيـري يقولـون
راع الظليمـه لا تباطـى مطيحـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قال منهـو حسـب رايـه يشيـر

:: ₪ :: http://www.4yas.ws/files/788/32.gif :: ₪ ::



قال منهـو حسـب رايـه يشيـر
بالهدايـه واجتنـاب المعصيـات
العباثه والجهـل مـا فيـه خيـر
الهدايه نـور والجهـل اظلمـات
ما يصير ان العمي مثل البصيـر
اسمعوني يـا القلـوب الواعيـات
العمي ما هـوب عيـان النظيـر
كم عما قلب اعيونـه صاحيـات
لو تشوفـه شايـب وسنـه كبيـر
يمكن افهم منه ابو عشر سنـوات
ون نشدته قال مدري وش يصيـر
مـا درا بالماضيـه والمجبـلات
والليالـي لـو تديـر وتسـديـر
ما يثبت وين راحت ويـن جـات
والشرف ما ينحقر عنه الصغيـر
كم اصغار ينطحـون الموجبـات
كم صغير يجتـدي فيـه النشيـر
وكم كبير صار من عرض الخوات
لا تقـول ان المراجـل للنضيـر
ما يفيد النظر كـان القلـب مـات
ولا تقول انـي غنـي ولا فقيـر
استعبري يـا النفـوس الموهبـات
ما لك الا ما كتب لك لـو تطيـر
الوهايـب بالجبـيـن امقـيـدات
والرسول افتي لنـا فيمـا يصيـر
بس ما يجزم علي خمس كلمـات
الاجل والـرزق والرحـم الستيـر
وخبرت الساعه وقطـر الناشيـات
علمهن مع واحـدن مالـه وزيـر
رحمته تكسي العظـام العاريـات
قال مات افلان من طيحة ابعيـر
او رموه اعداه في بعض اطلقـات
او سبايـب موتـه واقـع ابـيـر
او غدي وصط البحور المضلمات
لا حشي هذا السبب والموت غيـر
مير مذكور السبب قبـل الوفـات
لا محب يحـي العمـر القصيـر
ولا عدو يكتـل اعمـار طايـلات
لو نواك ابسلت السيـف الشطيـر
يمكـن الله يمنعـه قبـل الهـوات
ينصرف ويـرد سيفـه بالجفيـر
ياخذ السايـه ويعطيـك احسنـات
كل شي لـه مـن المولـي دبيـر
والحـوادث والسهـوم امدبـرات
لا تقول ان المرض هـذا خطيـر
كم مريض سلـم ومباريـه مـات
والقدر وان حل ما يفيـد الغريـر
لو علي بابـك اقفـول امغلقـات
المنايـا مـا طـرش لـك نذيـر
وغارت الدنيـا توجـه بغفـلات
مـا تعلـم ويـن نيتهـا تغـيـر
عند ما تدرون هاك الفعـل فـات
ماذكـر ايحـول للدنيـا عشـيـر
ولا صفت لاحد علي طول الحيات
واحد تعطيه مـن غيـر اتغديـر
واحدن تسلـب اثيابـه والعبـات
اللسان اهو اكبـر الشـر الشريـر
كم كلام صـار شبـة مشكـلات
والحيـا والمرجلـه درب عسيـر
وجتناب النفس عن كل اشهـوات
لا تطيع النفـس وابليـس العثيـر
ارجم الشيطان في سبع احصـوات
كان طعت ابليس خـدرك تخديـر
حط في عنقك اعقـود امبرمـات
خدرك بالنوم من فـوق السريـر
رايه ان النوم خير مـن الصـلات
اهجر الشيطان حيث انـه هجيـر
واكتسب بعض الامور المرشـدات
الرجال اشطار كان انـك شطيـر
كان الك دوره لهـم سبـع ادورات
لا تقول اسبق علي العـد الغديـر
(ان جهمت اركاب غيرك ساريات)
تـم جيلـي وذكـر الله وستجيـر
عن خطا نفسي ودرب المعصيات




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قديـم الحـب

:: ₪ :: http://www.4yas.ws/files/788/32.gif :: ₪ ::



أنا يالربع ما ألقى لـي بديـل
بقلب مانسـى حـب الخليـل
ولو إنه بغـى تـرك الأمـور
رجاه بربعة الغالـي طويـل
قديم الحـب مايمحـي غـلاه
إلى شفته له الخاطـر يميـل
تذكرنـا لـيـال ماضـيـات
بذكر يبعث الجـرح الحيـول
ربيع القلب هرج مـع حبيـب
قديم الحب والمنظـر جميـل
إلى من لجلجن خرس العيـون
بغمض يشبك الرمش الظليـل
عطا لفتـة حيـاوي شفـوق
وتبسم ضحكة ماهـي بحيـل
على ذاك المشاهد يـا سـلام
حلاته تنعـش القلـب العليـل
انا شفـت المحبـه بالبدايـه
لها عند اهل العـرف تحليـل
طبيبيـن الهـوى مايجهلـون
مبادى علـة القلـب العليـل
مبـادى حبهـم فـزة قلـوب
وضحكات خفيفـة وتعزيـل
ولـو كـل كـم سـده حيـاه
لـزوم واحـد منهـم يعيـل
يبين مـن الضمايـر ماكمنـه
طريح الحب ماعنده حصيـل
إلى من شفت مجروح الفـؤاد
نصيحه لا تعرض له سبيـل
تحمـد ربـك اللـي مابـلاك
لا تشره على القلـب العليـل
يلومـه واحـد قلبـه سلـيـم
وعنده كـل مجبـور هبيـل
يراقبهـم وهـو مالـه لـزوم
تقل هذا علـى العالـم وكيـل
يعدل لـه عقـول كامـلات
وهو عقله يريـد لـه تعديـل
لو انه عاقل ما كـان يـزري
على راعي المحبة مستحيـل
يا ليت من الهوى تخليص شان
ونوى عـن محلـه بالرحيـل
فلا حصلت منـه الا العـذاب
هموم بالنهـار وسهـر ليـل




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يا لقلب مالك فـي كثيـر الـدّوادي

:: ₪ :: http://www.4yas.ws/files/788/32.gif :: ₪ ::



يا لقلب مالك في كثيـر الـدّوادي
كثر الحكايا سميّـت مـر الأكبـاد
لا تبتلش بامشاجرت كـل غـادي
عذلك لمن لا يفهم العلـم مـا فـاد
ما تسمع الصقهان صوت المنـادي
اصقه ولا يسمع للأصوات وش عاد
الطيب لو هو ينشـري بالمـزادي
كلا شرى لينه من الطيـب يـزداد
الجهل يلعـب بالعمـار الجـدادي
والعقل ضد الجهل كان البخت جاد
متى على الجاهل يصير اعتمـادي
ليا صار توّه ما بلغ سـن الإرشـاد
يالله يالمطلـوب يـا خيـرهـادي
ياللي لك العالـم ركـوع وسجـاد
يا أحمد ترى شفي وغايت مـرادي
شوفك مع العقال في كـل مقعـاد
متى على ظهرك نحـط الشـدادي
ارجيك تفعل بي مثل فعل الأجـواد
افهم كلامـي وانتبـه يـا سنـادي
يرجيك عودي مقفـى مالـه أولاد
ارجيك رجـوا مسنيـي بالحمـادي
شاف الخيال وسمع بالمزن رّعـاد
وإن كان تقنـع بالكـلام الوكـادي
طرق الجهاله مالها وقـر وعـداد
ارجيك من دوني بعمـرك تفـادي
وأشوف ركضك بالجهل طوّل الماد
خالك وعمك من رجـال البـوادي
مير الرجا بالله عسى حظنـا جـاد
الحر يفرق عـن طيـور الحنـادي
الحـر لا منـه طلـع للهدد صـاد
والتبع خلـه فـي ليـال الهـدادي
راعيه يرجع مثل ما راح مـا فـاد
هـذا كلامـي باخـره والمبـادي
قلته ولاني عن هل المكـر نشـاد
الهرج واجـد مـا لكثـره مـلادي
وإن الردى ماله على الطيب مـراد
ترى الردا صحراً شجرها كـدادي
والطيب روضي فيه عشب له أوراد
رجلي يسـاوي عشـرة بالعـدادي
ورجل خساره عنده الملـح والـزاد




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

يابدر يـوم انـك تضاعفـت حالـي

:: ₪ :: http://www.4yas.ws/files/788/32.gif :: ₪ ::


هنا الشاعر مرشد البذال يرثي ابنه سيف
وللمعلومية الشاعر مرشد قد فقد اثنين من ابنائه قبل موت ابنه سيف
والله العالم ان بدر المذكور في القصيدة هو بدر بن عبدالله بن مرشد البذال
وعبدالله هو احد ابناء مرشد المتوفيّن قبل سيف رحمهم الله
ورحم والدهم رحمةً واسعه




يابدر يـوم انـك تضاعفـت حالـي
الحال ماتنعـم علـى ضيقـة البـال
بـلاي فعـل الفجعتـيـن التـوالـي
اللـي سبايبهـن سلـب قـوة الحـال
يابدر يوم السبـت يامـا جـرى لـي
مـن واهـجٍ خـلا المعاليـق تجتـال
وادعت يـوم السبـت تالـي عيالـي
اتلى العهـد بـه يـوم للقبـر ينشـال
وقفـت عنـده موقـفٍ حسـن بالـي
والرمـل فوقـه ينسفونـه بالاشبـال
صفقـت بالكـف اليميـن الشمـالـي
ونّيت ونة مـن عليـة الدهـر مـال
مالي سوى رحمـة عزيـز الجلالـي
اللـي خـذا منـي حبيبـي ولا سـال
عـز الله انـه بـات بالقبـر غالـي
وليـا تذكرتـة تـذكـرت رجــال
الله يبيـحـك ياشـريـف المجـالـي
يا اللي قضى عمرك على طيب الافعال
إلى ذكرت مـراق لـه مضـى لـي
هلّت دموعي فـوق الاوجـان همـال
بكيت مـن فقـده وكـلٍ بكـى لـي
كل عليك الدمع مـن محجـرة سـال
ياسيف لومـا جـاك حكـم الزوالـي
تظهر لك اخبـارٍ شريفـات وافعـال
ياسيفـي اللـي ذاخـره راس مالـي
ومعـدّي عنـي وحـم كـل عـيـال
مرحـوم ياعـز الرفيـق المـوالـي
وسبع الخصيم اللي من الغيظ مشتـال
مانيـب عقبـة للحـيـاة متحـالـي
لو قلت ابا نسي سيف تفكيـر جهـال
لاشـك وقتـي بالطـرب ماصفالـي
والحمـد للـي غيـر الحـال بالحـال
قبلـه ثنيـن مـن غوالـي حـلالـي
راحوا وهـاذي عـادة الوقـت ميّـال
راحـوا وخلونـي وحـيـدٍ لحـالـي
مـن بيـن خفـراتٍ أيامـي وطفّـال
يالله كـان انّــي علـيـك اتكـالـي
وأنّي ضبطت النفس من سطوتـك ذال
تعوضنـي فـي طيبـات العمـالـي
ولا البشـر لــو دام تالـيـه زوال
ليا شفت غيـري هـان تكديـر بالـي
رضيت بالمقسوم مـن كـل الاشكـال
كثـر الحسايـف مابهـا راس مالـي
واللـي مـن الله مالنـا فيـه مدخـال
صبـرٍ جميـل الله يقـود الرجـالـي
بالصبر والغفران فـي يـوم الاهـوال
فـي ساعـةٍ ماغيـر ظلّـة ظلالـي
يجعل لنا عنـد اهـل الخيـر منـزال
وإن كان وقتي مامشـى فـي عدالـي
يا من شكيت من الدهر مثلـك امثـال




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

قال الذي يلعب بيـوتٍ فصيحـه

:: ₪ :: http://www.4yas.ws/files/788/32.gif :: ₪ ::



قال الذي يلعب ابيـوت فصيحـه
من ضيقته يلعب حسينات الامثـال
يا القلب انا بهدي عليك النصيحـه
هرج القفا بالك تحطه على البـال
ماشوف به كود العنـا والقميحـه
من بين غادين الجدا قال ما قـال
ناس يحسبـون النميمـه مديحـه
وهي توصف من خبيثات الاعمال
زلة صديقـك لا تجيلـك نحيحـه
لو كان عايل قل حشا اليوم ما عال
عزه عن الهكمه وزيـن سميحـه
خله على وجـه البعيديـن رجـال
ما كل نفس مـن عناهـا مريحـه
لابد ما يبدي لكم بعض الاحـوال
ليا بدت بعض العلـوم الصحيحـه
كل ذكر مجناه من حيـث يحتـال
احـد تنجـا حقتـه مـن نطيحـه
واحد بودي للشريعـه ومـا قـال
رجل بلا ربـع سـوات الذبيحـه
تطاه شمطان اللحي وطيـة انعـال
الشـر تحدثـه الوجيـه الوكيحـه
سبة هبيـل تبتلـش فيـه عقـال




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

من طاب لك بالمد قدم له الصاع

:: ₪ :: http://www.4yas.ws/files/788/32.gif :: ₪ ::



رجل بلاميز ولو طال لـه بـاع
يضيع افعالـه وبجهلـه تضييـع
واحذر تصير لمن وثق فيك خداع
ترى اقشر الحالات حال الخداديع
الخدع لو راعيه بالـزود طمـاع
تراه مثل زراعـة مالهـا ريـع
من طاب لك بالمد قدم له الصاع
ولاتفتخر كانك تعرف المواضيع
ترى لو طيبك ورا طيبـة اتبـاع
الفضل لـلاول بكـل المشاريـع




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

الورع عيا لا يوافق علـى النـوم

:: ₪ :: http://www.4yas.ws/files/788/32.gif :: ₪ ::


يناجي بها احد ابنائه الصغار أثناء مرض أمه




الورع عيا لا يوافق علـى النـوم
قـام يتهشـم ويتـزايـد عويـلـه
ادوج به وسط الدكاكيـن واحـوم
ادور اللي يشتهـي واشتـري لـه
واذا نشدته قـال ماعنـدي علـوم
يقول ابي امـي والسوالـف قليلـه
مالي على شيلـه جـلاده وتعلـوم
مير الدهر خلانـي اليـوم اشيلـه
ياعبيد لو أمك بهـا قـوة عـزوم
الورع والله ماعترض فـي سبيلـه
انـك لتلقانـي مكفـي ومحشـوم
وهـي بشوفاتـه بصيـر دليـلـه
ياعبيد انا يابوك ضايـق ومهمـوم
أضحك وفي كبدي سوات المليلـه
أضحك واوسع خاطري وابعد الحوم
واطلب عسى تالي العواقب جميلـه
شكواي للي يفرض الحج والصـوم
والا البشر ياعبيـد ماينشكـي لـه
ماجور ياللي بالطبيب أمس واليـوم
الله يجيرك جعـل ماهـي طويلـه
ياصاحبي لوكـان بالبيـع والسـوم
كان اشتريـك وتشتريـك القبيلـه
لاشك مادبر على العبد مقسوم حيل الله أقوى ما باليدين حيله
ياعبيد أنا يابـوك مانـي بمليـوم
الغبـن غبـن منقضـات الجديلـه
بعض النسا ياعبيد تقنيهـن القـوم
واللي كسبها قـال عنـدي حليلـه
لي صاحب في وقتنا اليوم معـدوم
اليا فقدته ويـن ابـا القـى مثيلـه
عذروب خلي شارةٍ فيـه مرسـوم
يتبع غضب نفسه ويرضـي قبيلـه
والجار يبطي ماشكى منـه مثلـوم
ولاهي علـى رواد بيتـي بخيلـه
ولاهي من اللي تطرق النزل وتحوم
دايم على الفرقـان يومـي شليلـه




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

وقـت المشـاره صـار مـن شاعـر صـار

:: ₪ :: http://www.4yas.ws/files/788/32.gif :: ₪ ::



وقـت المشـاره صـار مـن شاعـر صـار(1)
امسـى قلمنـا صــار(2) والصـبـح تـقـرون
قيـل حصابـي راس(3) كـوّن مـن الـراس(4)
مثـل سـراج الـراس (5) لـلـي يـسـرّون(6)
قيـل علـى ماضـوع(7) بالطـرس ماضـوع(8)
يارعـي المـاض(9)اوع تــراك مـديـون(10)
الله يـعـقـلــه مـسـتـبــد بـعـقــلــه
يجـوز لـي عقلـه(11) عـن الـلـي يتيـهـون
ان كان فيه القاف(12) يمشـي علـى القـاف(13)
ولا لـحـم بالـقـاف(14) وأنـتـم تـشـوفـون
رجـل الـى جانـي مـن الفـخـر جـانـي(15)
مايشـبـه الجـانـي(16) ولا الـلـون بالـلـون
واللـي ببطنـه ريــح يستنـشـق الـريـح(17)
جـابـت هـبـوب الـريـح قـولـة يـقـولـون
لايرتبـش(18) خاطـرك معنـاي خاطـرك(19)
مانيب انا خاطرك(20) خايـف مـن الكـون(21)
مابـي خلافـي مـيـر اشـوفـك خـلافـي(22)
شاعـر خلافـي(23) تنتسـب لابـن لعبـون(24)
من ضعف جودك(25) ينضح المـاي جـودك(26)
من فضل جودك(27) خـل مشيـك علـى الهـون
اللـي مضـى كافيـك والوسم(28)كافـيـك(29)
لابـــارك الله فـيــك ربـعــك يـقـولـون
ولابقى لك حـس(30) فـي هزمتـك حـس(31)
بالقـاع خـش وحــس(32) تـرتـاح مـدفـون
ياللـي علينـا جـار(33) وبصيفتـك جـار(34)
مـن دون جــر وجــار ربـعـك يخلـصـون
يامشهـد الجسـار(35) بنيـت لـك اجسـار(36)
كانك بطل جسـار(37) عـزز لـك اركـون(38)
والا انسـدح بالقـاع فــي هــم والـقـاع(39)
الى اونست راسك قاع(40) بالحزم(41) تاعون(42)
وختامهـا بالـذات مــن عـقـب بــذات(43)
شوفـوا لنـا بـالـذات(44) نــاس يحكـمـون
لـو الحكـم بالغـار(45) بـحـدود بلـغـار(46)
لجـل احتجـاج(47) الغـار(48) لازم يحضـرون






معاني الكلمات /
(1)جازم
(2)يصر صريرا
(3)الؤلؤة الحصباء
(4)رأس الشاعر
(5)منارة رأس الارض في الكويت
(6)يسرون ليلا
(7)موضوع
(8)مدرج
(9)الماضي
(10)صاحب
(11)اقيده
(12)طيش
(13)القافيه
(14)الصخور البحريه
(15)حائز
(16)المذنب
(17)يتشمشم الاخبار >> ينس العلوم ((راعي دوادي))
(18)يرتبك
(19)تعداك
(20)ضايفك
(21)الهجوم
(22)ورائي
(23)متخلف
(24)الشاعر محمد ابن لعبون
(25)شخصيتك
(26)الجود الصميل والمجاز العقل
(27)كرمك
(28)العلامة
(29)هذا هو فيك
(30)صوت
(31)اشعر
(32)واقبر نفسك
(33)تعدى
(34)وبصفتك جار لنا
(35)اسم شخص
(36)جمع جسر
(37)بطل جسور
(38)أركان مجازا القوة
(39)حرة الكبد
(40)أصاب الأرض
(41)الأرض الصلبة
(42)تصحون
(43)الأذى
(44)بالمعروف
(45)القاضي في غار
(46)بلغاريا
(47)استنكار
(48)الغافل الذي أخذ منه الامر غفله


• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

انا البارحة عن لذة النوم يـا كافـي

:: ₪ :: http://www.4yas.ws/files/788/32.gif :: ₪ ::



انا البارحة عن لذة النوم يـا كافـي
حدث لي من الافكار مايبحث الخافي
هجير المحبة مشغـل البـال متعـب
ألا واهني اللي مـن الحـب متعافـي
مريح(ن) ولا شاهد نهاراً جرى لـي
نهاراً بمرقاب العنـا طـال ميقافـي
انا كل ما شافـت عيونـي منـازل
خلايا من الاحباب يلعب بها السافـي
وقفـت اخايلهـا بعـيـنٍ حزيـنـة
تهل العباير مثل نقع الصفا الصافـي
مداهيل من له في حشا الروح منـزل
له في ضميرالجوف مشتى ومصيافي
غض غضيض الطرف لو ينتوصف
جميل تهاوش فيه زينات الاوصافـي
به من خشوف الريم عنق(ن) ومدمع
وله طلعةٍ توضي كما البدر كشافـي
مشاهـده يبـري ثمانـيـن عـلـه
وفرقاه توردني على حوض الاتلافي
انا وان ذكرت ايام وقتٍ مضـى لنـا
ضربت صندوق الضماير بالاكفافـي
ياحول عقب الوصل بينـي وبينهـم
اليوم غير الحلـم ماضـن ينشافـي
انا اشهد ان الحـب بلـوى عظيمـة
وان المحبة تضعف القلـب ياكافـي
يلوم راعـي الحـب مـن لا تولـع
بمـورّد الخديـن للعقـل خطـافـي
ياليت لو ذعذاع نسيـمٍ مـن الهـوى
نسيمٍ يخلـي ليـن العـود غريافـي
الى هب تالي اليل من عقـب هجعـه
تسرب نسيمه بالجسد والجسد دافـي
اني مـع اللـي صـاب قلبـي وداده
على مطرح الديباج انا والغضى غافي
بعـد تبـادل عـذب الاريـاق بينّـا
ذراعه تحت خدّي ومجدوله لحافـي
على ملةٍ يحكم بهـا حاكـم القضـا
ازوره ولاني من هل البيت خوّافـي
انـا اتمـنـى والتمـنـي مـغـرة
يوصف لحلم الليل ياعـد ولا يافـي
ولا لي سوى شكوىً على اللي بلاني
بحبك وانا ماني بـك قبـل عرافـي
يـارب تجمعنـا علـى طيـب ملّـه
ولاتسوينـي مـن الحـب متشافـي




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

رثـــاء سيف

:: ₪ :: http://www.4yas.ws/files/788/32.gif :: ₪ ::


جفلت خلوج فهيجت الشاعر مرشد البذال
وذكرته بابنه سيف رحمة الله عليه فقال متفجعاً:




خلوج الهبيدا جروعت فـي حنينهـا
تزفـر بعبـرات تبـيّـح كنينـهـا
تجر عالي الصوت مـن مالجابهـا
وهي في مراح احوارهـا عاقلينهـا
تهوي على مبـرك ولدهـا وتنثنـي
ولاحـدٍ بلايمهـا بفرقـا جنينـهـا
ولّـيّ خلـوج كدرتنـي بصوتـهـا
شعتني بكثر النـوح وينـي ووينهـا
شعتني وتو جـروح قلبـي طريـة
تقاسمت نوح الحزن بينـي وبينهـا
تنعى ولدها والغـلا يبحـث الخفـى
وانا انعي شجـاعٍ ربعتـه فاقدينهـا
صميدع ينجاز عـن مسلـك الـردا
ويـلاه تـو جنـازتـه دافنينـهـا
تبي تدله الناقة وتنسى مـن البطـى
وانـا فجوعـي مطـولاتٍ سنينهـا
على سيف هلّي ياعيونـي عبايـرك
اوصيـك بالعبـرات لاتذخرينـهـا
ربيع الفؤاد اللي خذ موحش القضـا
اقفـت بـه اقـدار المنايـا بحينهـا
راح الضحى مني يقضـي لوازمـه
والعصر جيـب جنازتـه شايلينهـا
وقفـت عنـد جنازتـه يدفنونـهـا
صفقـت بالكـف الشمالـي يمينهـا
مـن فجعـة محـدٍ علينـا دعابهـا
نفـس نحملهـا عسـى الله يعينهـا
عـز الله انـه راح مـنـا فقـيـده
كـل الجماعـه فجعتـه مونسينهـا
مرحوم يا من شام عن ماقف الـردا
حفظ شرف نفسه عن اللـي يهينهـا
هو اللي خذا مني وصاتي وضمهـا
واخذ من افعال المراجـل سمينهـا
وان كان اخو وضحى مدحنا خصايله
اللـي يعرفـه كلـهـم خابرينـهـا
يالله يا اللي مـا لنـا عنـك مزيـن
يا من خذيت الروح وانك ضمينهـا
انك تعوضـه فـي حياتـه بمنزلـه
في جنة الفـردوس مـع ساكنينهـا
الى كان مرضيني ومرضٍ جماعتـه
ونفسه تمسك فـي شرفهـا ودينهـا
روحٍ خذاهـا الله عفيـفـه بـريـه
دعينـا لهـا بالخيـر ومسامحينهـا
وانـا ممـنٍ الله مانيـب مـشـرك
وهـاذي تدابيـر الولـي عارفينهـا
عسى الله يعاوني على الصبر بالقضا
ونفسي عسى ربـي يثبـت يقينهـا
وروح تمنينـا مشـاهـد خيالـهـا
لابدّنـا فــي وقتـنـا تابعينـهـا
يالله يالمطلـوب ياقـايـد الـرجـا
يامبـدلٍ عسـر اليـالـي بلينـهـا
تعيننـي بالصبـر وتحـل كربتـي
عسانا من اللي رحمتـك مرتجينهـا
هـذا وصلينـا علـى سيـد البشـر
وادعوا معـي بالخيـر ياسامعينهـا




• + - - - - - - - - - - - - - - - - - ₪ - ::
----------------------------------------

[تسـ тsωαħήــوٍآهـن]

• + - - - - - - - - - - - - - - - - - ₪ - ::
----------------------------------------

:: ₪ :: http://www.4yas.ws/files/788/32.gif :: ₪ ::

سر ياقلم واشرح على بيض الأوراق

:: ₪ :: http://www.4yas.ws/files/788/32.gif :: ₪ ::



سر ياقلم واشرح على بيـض الأوراق
من ماتصور لـي معـانٍ لهـن ذوق
مـن هاجـسٍ بيـن المعاليـق دقـاق
يبدي له أنواع مـن أفـراح وغلـوق
خـل القلـم لملـون الحبـر دفــاق
يمضي نهاره بين الاصبـاع مخنـوق
يدرس مشاكل خاطرٍ كل مـا ضـاق
كن النحر من ونـة الجـوف مفتـوق
انـا لشرهـات التماثـيـل عـشـاق
لوني علـى قفـر التماثيـل مسبـوق
الفكر يومه انـه لشـره المثـل تـاق
تراي وصيتـه عـن الهـزل والبـوق
معطيه وصـفٍ يتبعـه قطـر تفـاق
عن منهج القاضي ترى الطرق مطروق
لاخيـر فـي جيـلٍ يلفّـق تلـفّـاق
الجيـل عنـوان اهلـه فيـه ملـزوق
والنـاس كـل لـه تعابيـر واشـواق
والهم على الطامع مشاريـه وحقـوق
وليا اشتبهنـا مصـدر الحـق فـراق
الحـق لـلأول بـلا شـك وارهـوق
الله علـى والعمـر مـا دام بـرفـاق
ما دام عـن دورات الايـام مرفـوق
شوف الغدير بحاجر الـروض لهـاق
والبيت توه باطـراف النقـع مطقـوق
أنا هـوى بالـي طويـلات الاعنـاق
دلال رسـلانٍ لهـن وسـط وعنـوق
جيب الهشيم وشفـت للنـار سـوراق
شفت السنا عن مسحب الجمر مفـروق
اليا فاحت اللقمة تـرى الهيـل لحّـاق
يازين كف الهيـل بالنجـر مصفـوق
أشـر بـدق الهيـل يامـال الاعنـاق
خلّ الشفاوي يسمـع الهيـل مدقـوق
ليا من راعي الكيف مـن مرقـده واق
ادعه على الفنجـال والحـي مـرزوق
يوم الهـدوس بسكـرة النـوم غـراق
يامحـلا صـوت الفناجيـل مسيـوق
بيـتٍ يزورونـه شريفيـن الأخـلاق
بيتٍ شريف وراعـي البيـت ماثـوق
ياحلو مجلسهـم تحـت عفـر الاوراق
في خايع نبتـه شمـل كـل خنتـوق
وليامشي دواج في بعـض الاصفـاق
جاب الزبيدي من نشانيـش رقـروق
مدهال من يعبالهن صلـف الاطـلاق
واللـي تشايـل ديدهـا تقـل جالـوق
صفرا إلـى حنـت عطيفـه تفهّـاق
جاها حويرها مـن الحبـس مطلـوق
وناسـة الخاطـر يزيلـن الأغــلاق
ودنيـاك مـا داوم طربهـا لفـاروق
صيـور زفـرات الهبايـب بـالأدواق
لابـد مـن يـومٍ يصيـر الهـوا دوق
من حسب الدنيا علـى جبـر ودقـاق
ماطاب عيشه لويحوّق الذهـب حـوق
ماضاع حرفّي علـى السفـن حـدّاق
ولادام من عد الذهـب وزن وعـروق
والبخـل مايغنـي ردييـن الأوفــاق
كثيرهم ثوبـه علـى المتـن مشقـوق
لو تشنقه ما ادرك ثمن مـوس حـلاق
إن كان ما حدٍ خلصه مـات مشنـوق
والجود مايضعـف زكييـن الاعمـال
اللي عن الزابن دفـع منهـم السـوق
مكرميـن الضيـف بكبـار الاشنـاق
جـل الغنـم وإلا عـداوٍ مـن النـوق
وصحونهـم ماتنقـدر كـود بحـلاق
من كثر مافيهـا مـن الذبـح معلـوق
وقصيرهم في مبـركٍ دمـث ورقـاق
كنه عن العيلات فـي راس شاهـوق
يفداهم اللـي لا شـرف السلـم هتـاق
اللي ولـد جـاره مـن ابنـاه ملفـوق
وصلوا على المختـار مـالاح شعـاق
ما انزاح ليل وبزت الشمـس بشـروق




• + - - - - - - - - - - - - - - - - - ₪ - ::
----------------------------------------