ديوان الامير طلال الرشيد رحمه الله

[تسـ тsωαħήــوٍآهـن]

بسم الله الرحمن الرحيم

السلام عليكم ورحمه الله وبركاته



الشاعر القتيل هو طلال العبدالعزيز السعود الرشيد من عائلة الرشيد المعروفة في منطقة حائل شمال السعودية, اشتهر بلقبه "الملتاع". وكان يُعد من أبرز شعراء النبط (الشعر الشعبي) في جزيرة العرب, وله شهرة واسعة على امتداد المنطقة. وهو صاحب ومؤسس مجلة "فواصل", أول مجلات الأدب الشعبي في الخليج العربي وأكثرها انتشاراً.

والرشيد من مواليد العام 1962. حاصل على درجة البكالوريوس في العلوم الإدارية من جامعة الملك سعود, وهو متزوج ولديه ولدان نواف (16 عاماً) كان يرافق والده في رحلة الصيد, وعبدالعزيز (9 أعوام).

وفي الجزائر, أفيد أن الشاعر السعودي قُتل في منطقة جبل بوخليل في بلدية مسعد في ولاية الجلفة (300 كلم جنوب العاصمة).
رحم الله الفقيد وادخله فسيح جناته

http://m002.maktoob.com/alfrasha/up/12425163411893936867.gif

ديوان الامير / طلال الرشيد يرحمه الله

الفكرة

جمع قصائد الامير يرحمه الله

حتى تستمتع القارئه بما كتبه الامير يرحمه الله من قصائد

[تسـ тsωαħήــوٍآهـن]

قصيدة اللقب

http://m002.maktoob.com/alfrasha/up/4528380695435297.bmp


يـا صغيّـر مـا يكبرنـا لقـب
وما يصغرنا إليا أنكرنا صغيـر
ما خذينا الصيت من جمع الذهب
ولا نسابة شيـخ او قربةوزيـر
كاسبينه من هل السيـف الحـدب
الجنايز كان مـا جـاك النذيـر
صيتهم نجم ٍ على رأسـه لهـب
سمعوا الصقهان به واجهر ضرير
بالوفا تاريـخ أبيـض ينتصـب
لا حكوا بالحق حييـن الضميـر
ضيغميـن للسناعيـس انتسـب
لابةٍ طلنـا بهـا عـرش كبيـر
عند حدك يا كثير الهـرج تـب
لا تمر النـار وثيابـك حريـر
كـان لـك عـز بذلـي فتعقـب
والله ألا تبطي وحبلـك قصيـر
احسبنك مـن صناديـد العـرب
واثر ساترتك عباتك يـا غريـر
ما حسب للسوس زراع القصـب
والقراده ما درى عنهـا البعيـر
ولو حسبنـا للحسايـف والتعـب
ما بذرنا يا العصافيـر الشعيـر
عن هللـك ابـراي لله واحتسـب
الرجال اللـي مجارهـم عسيـر
من قريش المصطفى وابو لهـب
والدغالب ما غشت عذب الغديـر
للرجال مـن الرجاجيـل العتـب
والزكاة تحل فـي حـال الفقيـر
لعنبـو وقـتٍ غدينابـه حطـب
تحرقـه نـار يثورهـا اجـيـر
ما ألومك والزمن سوى العجـب
هو بقى غير الكرامـه بالجفيـر
مـا أذل وراسـي يشـم المهـب
لو بقى من شمـر طفـلٍ غريـر
ما اهاب ولا يزلزلنـي غضـب
الشجاعـه ورث العاقـل غزيـر
يا صغيـر مـا يكبّـر باللقلـب
غير من هو كان من دونه صغير

[تسـ тsωαħήــوٍآهـن]

عـــلـــمـــتـــنــــي

http://m002.maktoob.com/alfrasha/up/4528380695435297.bmp

علمـتـنـي وشـلــون احـــب
علـمـنـي كـيــف انــســى
يابحر ضايع فيه .. الشـط والمرسـى
علمـتـنـي وشـلــون احـــن
علـمـنـي كـيــف اقــســى
سير علي .. بس امسح دموعي وروح
سير علي .. جب لي معك قلب وروح
سير علـي .. اذا تذكـرت الجـروح
ياطـاغـي النـظـرة .. خـطــا
تـجــزى بهالـبـخـل الـعـطـا
وانا اللي اهديتك أمن.. عيـن وجفـن
هـــذي فـــراش وذا غـطــا
يـاجـرح مــن ويــن ابـتـدي
وانــت مـعـي مــن مـولـدي
وعيت يدي .. على وداعـك تهتـدي
بــس انــت علمـنـي الـجـفـا
دامني عجزت اعلمك .. كيـف الوفـا
علمتني كيف السهر .. ونسيتني الممسى
علمـتـنـي وشـلــون احـــب
علـمـنـي كـيــف انــســى

[تسـ тsωαħήــوٍآهـن]

آخـــر الحب

http://m002.maktoob.com/alfrasha/up/4528380695435297.bmpكنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفني وانـا استنـاك كـم اشبهـك
يطري علي الف راي و راي واحتار فيك
اجي مكان الوعـد والا اسبقـه انطـرك
والا آخذ الموعد اللي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صرت اجهلـك
ضيعتني في متاهاتـك وكنـت ارتجيـك
حبيـب الاحـلام يابعـدك ويامقـربـك
حرام يكفـي تبعثرنـي وانـا احتويـك
ان شفتك بحلم صدقتـه وانـا اتوهمـك
وان شفتك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك

[تسـ тsωαħήــوٍآهـن]

كل العواذل تشابه

http://m002.maktoob.com/alfrasha/up/457938831136727826.bmp

حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولامن غدى لك صاحبٍ ينحكى بـه
لا تسمعين ان كان لك قلب وأحبـاب
الى مشيت الـدرب يلهـث سرابـه
والى سكنت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـن أمنّـي الأسئلـة بالإجـابـه
وأنطر شروق الشمس والشمس بغياب
وتعبـت أناظـر والمعنـى عذابـه
انك بعيده والمـلا دونـك حجـاب
أجمع كـلام ومـا أعـرف الكتابـه
وعندي شعورٍ صدق والوقت كـذاب
وكل النجوم إلى أمطرت من سحابـه
حبيبتي دمعك جرح قلـب وتـراب
واللي وقف ما بيـن بابـي وبابـه
قلبه ظلام ولابسٍ ثـوب الأصحـاب

[تسـ тsωαħήــوٍآهـن]

حبيبتــــــي


http://m002.maktoob.com/alfrasha/up/457938831136727826.bmpحبيبتـي لا مـن غديتـي لـي سـراج اتبعـه
وكني غديت من الضما اركض ويطردني السراب

لا تبخلين اليا شربتك مـا شربتـك مـن سعـه
دامي من جروح الهموم الموجعه كلـي صـواب

اليـوم مرتنـي السوانـي والفصـول الاربعـه
اليـوم مريـت الموانـي والمبانـي والسحـاب

اليوم ما كني لقيت مـر صوتـك مـا اسمعـه
اليوم ما كنـي فقدتـك مـن سؤاليـن وجـواب

يا بنت في خدك وهج سيل الشمـوس الساطعـه
احرق بداخـل داخلـي انسـان ماهـو للتـراب

واللي خلـق ظلمـا الليالـي بالعيـون الهاجعـه
اني من الحرمـان اتسـاءل وحرمانـي جـواب

يـوم الـوداع اتخيلـي مالـي حبيـب اوادعـه
محروم انا و تخيلي محروم حتـى مـن العـذاب

يا بنت لـي قصـه تطـول بكلمتيـن موجعـه
هي باختصار اني انا اركض ويطردني السراب

[تسـ тsωαħήــوٍآهـن]

حكوا فيها

http://m002.maktoob.com/alfrasha/up/457938831136727826.bmpحكوا فيها ..

خذوا في طاري الحلوه .. وجابوا..

مسيكينه .. بسيرتها تنابوا..

واظن الصدق لشفاهم .. ابد ماهو قريب..

بشر يامصعب رضاهم .. وانا مالي حسيب..

انا سايق عليك الله لاجل الله يا شامت..

تخلي الشوك من يدك ولا تطرف عيون كحلت بالزين..

لا نامت انا افداها اذا ودك ..

يا هل ترى انتي وين يا بنت الشفاة؟..

انا ادور عليك بصورتك.. وينك؟..

انا كني لمست رداك وايدينك ..

ما شفتك بكل الكلام..

شفتك على سجادتك..

كنك تصلين القيام..

وليلك سرا بعبادتك..

ما اصدقه .. والهرج ابد ماهو دليل..

ما اصدقه .. يا عل يفداك الذليل..

الله يستر خوافيها.. اللي حكوا فيها..

[تسـ тsωαħήــوٍآهـن]

يـا بعـــــد حـــيــــي

http://m002.maktoob.com/alfrasha/up/457938831136727826.bmpاليوم يا بنـت مـن زيـي
الشمس واردت على ضيي

جيت انتخي بالوجيه البيض
يا عزوتي يا بعـد حيـي

الجادل اللي حلاهـا غيـر
ضيعت في شمسهـا فيـي

بعيونها سلسبيـل رمـاح
والموت بالسـود متهيـي

موت وانا اموت انا بالموت
كثيرهـا غـرق شويـي

لا قلت تكفين قالت جـاك
وان جيتهـا فجـأه تعيـي

ولا قلت مالي و مال الغيد
قالت وهم بينهـم زيـي؟

وان قلت انا تبت مالي كار
مقفي زمانين عـن غيـي

قالت وهي تلتفـت للنـاس
طلال موته علـى يديـي

[تسـ тsωαħήــوٍآهـن]

ذكرى الفراق

http://m002.maktoob.com/alfrasha/up/457938831136727826.bmpاليوم ذكرى الفراق ومرت أول سنه

اليوم لي عام متغرب وحيد وحزيـن

اليوم أنا ضيف جرحي جيت باطمنه

إني جمعت الدموع وجبت أمانة أمين

ما يجرح الصادق إلا غدر مين يامنه

لاحت من احباب قلبك لا نلوم السنين

مليت من هالاماني دام مهي ممكنـه

لاهي تحقق ولا ياسي بوجهي يبيـن

لو ين أنا وأنت مثل الشمس والأزمنه

مع كل صبح يجدد في لشمسك حنين

لا قلت أحبك أحبـك كنهـا دندنـه

أو كنها وردة ما بين أصابع جنيـن

يا اجمل الناس لك بين الملا هيمنـه

كثير غيرك ولكن مين مثلك ووين؟

يا عاذلي خذ عيوني يمكـن تثمنـه

تشوف عيبه وانا اشوفه ملاك حسين

امس افترقنا وأنا أحسـب أول سنـه

يا طولها ليلة الفرقة سنـه للحزيـن

[تسـ тsωαħήــوٍآهـن]

ذكرى الفراق

http://m002.maktoob.com/alfrasha/up/457938831136727826.bmpاليوم ذكرى الفراق ومرت أول سنه

اليوم لي عام متغرب وحيد وحزيـن

اليوم أنا ضيف جرحي جيت باطمنه

إني جمعت الدموع وجبت أمانة أمين

ما يجرح الصادق إلا غدر مين يامنه

لاحت من احباب قلبك لا نلوم السنين

مليت من هالاماني دام مهي ممكنـه

لاهي تحقق ولا ياسي بوجهي يبيـن

لو ين أنا وأنت مثل الشمس والأزمنه

مع كل صبح يجدد في لشمسك حنين

لا قلت أحبك أحبـك كنهـا دندنـه

أو كنها وردة ما بين أصابع جنيـن

يا اجمل الناس لك بين الملا هيمنـه

كثير غيرك ولكن مين مثلك ووين؟

يا عاذلي خذ عيوني يمكـن تثمنـه

تشوف عيبه وانا اشوفه ملاك حسين

امس افترقنا وأنا أحسـب أول سنـه

يا طولها ليلة الفرقة سنـه للحزيـن

[تسـ тsωαħήــوٍآهـن]

يازمان الذل

http://m002.maktoob.com/alfrasha/up/457938831136727826.bmpيا زمان الذل.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه شيخ بوش

يكفي هزأتو القيم


يا زمان الالمبادىء

يكفي أحرجت العروش

الكرامه يا طويل العمر ما تكفي النعوش


يا زمان البيت الابيض

إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف

جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف!!



يا زمن أمريكا شكراً

أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه



بس خلك مستريح

الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد

إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين


يا زمان الذِل

حِــل

قلت لك مالك حل

[تسـ тsωαħήــوٍآهـن]

☆.º๑۩۞۩๑. أحساسي غريب .๑۩۞۩๑º.☆

الـلـيله احـسـاسي غـريـب
عـاشـق وانــا مـالي حـبيب
حـبيت ... كـل الـناس لاموني
حـبيت ... كـل احبابي باعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن


رضـيـت بـاقداري ونـصيبي
صــرت مـحـبوب الـحبايب
وصــار كـل عـاشق حـبيبي
الــلــيـلـه غـــيـــر
شـــعــوري غـــيــر
اشـــواقـــي غـــيــر
حــتـى الاغــانـي غـيـر
صدري سما .. واحساسي ... طير


بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى

[تسـ тsωαħήــوٍآهـن]

.ღ♡ღ. تنهيدتين ونار .ღ♡ღ.



كـلـّمـنـي عـنّـك

أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك

قلـّي وش معنى الحياة

قلـّي بأنفاسك متى قد قلت آه

إحكّ لي عن الحب

إحكّ لي .. إحكّ لي

إحكّ لي عن الشوق

طـر بـي فوق .. فوق

خـذنـي منّك

وإحكّ لي .. عنّك

الـصـدق

إن الأمل من قبل أعرفك .. كذب

والتضحيه أوهـام

وإني أنا من قبل أعرفك

كنت أعرف أنـام

كان السهـر مـو هـالسهـر

لعب .. و أغانـي .. و إخـتصار

صار السهـر تفكير

صار إنتظـار

صار إحتظـار

صار السهـر .. تنهيـدتيـن ونـار

* * *

يا منتهـى أمـري

بالهمس قلـّي مرّه يا عمـري

وطـر بـي فوق .. فوق

خـذنـي منّك

وإحـكّ لـي .. عـنّـك

[تسـ тsωαħήــوٍآهـن]

♥♥ عيـون الحب ♥♥

عيون الحب لا يمكن تناظر ..... عيوب الخل لو هو عيب كله

تماري فيه وبوصفه تكابر ..... ترى من فوق خلق الله محله

رفيق الليل في الشباك ناظر ..... واثاري الليل شباك لخله

حفظ أحلى الكلام وصار شاعر ..... بصبر ينتظر .. والصبر مله

حبيبٍ عشت في دنياه عابر ..... حسب قوله ويا شعري فقله

أنا ضحيت له وارجى وصابر ..... واذا عيا أقول الله يحله

على اللي ينتظر يا بعد باكر ..... يبي السلوان والذكرى تضله

عيون الحب في قلبي تناظر ..... تشوف اللي عيوني ما تدله

[تسـ тsωαħήــوٍآهـن]

•°..εїз.. ماقلت أحبــكـ ...εїз..•°


ما قلت احبك ولا قد قلت ما حبك ... احب مالي عيوني وانت تـسـواها

لو تدري اش كثر تعني لي تعرف انك .... اخر امل في حياتي واول مناها

ياكثر احس ان بك مني وبي منك ... روح قسمها على شخصين مولاها

لا تقول وش تحب فيني اعشقك كلك .... من ليل شعرك لكلك واخر اقصاها

سميتني نصـفــك الثاني ويا شحـــك ... انا بسمـيـــك كلي وانــــت معناها

تعبت اوديك له يا قلب ويردك ... لا اخذ حلومي ولا خلاني انـســاها

كل الحمام استراح وناح في ظلك ... والورد الاصفر سقته الروح من ماها

ليتك بعمري ثلاثة اشخاص ماملّك .... واحد معي دوم وواحد روحي يملاها

والثالث بجفن عيني لا فقد حسك ... او غمض الجفن جاني فيك يتباهى

مو بس احبك انا والله من حبك ... احب حتى ثرى الارض اللي تطاها

[تسـ тsωαħήــوٍآهـن]

ضيّعتْني

شريتك إنت بكلّ شيّ

وبعتني

ولا نسى يوم إنّي.. انا هلّيت بك

ودّعتني

يا آخر الأبواب..

من ودّع ببسمة حزن.. أحبابه غيري؟

يا آخر الاحباب..

من قفّلوا في وجهه الأبواب غيري..؟

يا آخري بالله.. ليه ضيّعتني؟

الحب.. ضياع..

وإن كان ما صدّقتني.. شفني

ألــــم..

وأقول لو حلّفتني.. إوصفني

ليت أقدر أختار أحبابي

يبرى صوابي

وما كان قلت من الندم

كلّه من أسبابي

ويا غايتي باللَّه.. ليه ضيّعتني؟

لا .. لا للندم

لا للألم

لا للسؤال اللّي يحيرني جوابه

مسكين.. من صدّ وبكى

كلنٍ درا به .. إلا أحبابه

يـ معذّبي.. واهوى عذابه

دنياي وعيونك تشابه

حبيبي.. لا والله أكثر من حبيبي

ناسي وهلي..

وأصحابي وربعي وقريبي

باللَّه.. ليه ضيّعتني....؟

[تسـ тsωαħήــوٍآهـن]

بينــي وبينــك عرفت المـــوت
تـحــب والحـــظ مـتجنـــــي

تبــي الصـــــدق حبها منحوت
واصبحت منهـا وهي منــي

افــرش لها القـلب باليـــاقوت
واقــــــول يـــادلي اتمنــــي

صــدري قصور ومدن وبيوت
وهي المليك اللي يحكمنــي

ياويــــــل ويلي عليهــا صـوت
تحكي تقـــــل كنهــــا تغنــي

وسكوتها غيــــر كــل سكـوت
كــــل شي فيهـــا يكلمنـــــي

قد شفت شمس زرعوها توت
بشفاتهــــا التـــوت متثنـــي

ياحــلوهــــا والقلــــم مبهوت
وش يكــتب بوصفها عنـــي

هي دنيتي والهـــوي والقوت
وان غبت عن وجهها كنــي

متغـــربٍ وغـربتي تــــــابوت
ميــــت وانــــا حي مستنــي

قولو لهـــا لو يفــــوت الفوت
هـــو ينفع الصوت متعنـــي

وقولو لهـــــا والله الآ مــوت
لـــو خــاب في حبهـا ظنـــي

[تسـ тsωαħήــوٍآهـن]

¸¸.·´¯`v´¯`·.¸¸♥ღ ذهــول اللقـــــا ღ♥¸¸.·´¯`v´¯`·.¸¸

انتهى الموعد و انا تو ابتديت
اجمع احساسي من ذهول اللقا

ذبت من نار الحنان وما دفيت
والشتا ضيع ظنون اللي هقـا

قلت كل اللي ابيه وما حكيت
كل حكي الشوق لعيوني رقـا

تهت وبرعشة يديها اهتديــت
وش قضى من عمر حلمي وش بقا

انتشي..واذا نوت تمشي شكيـت
للزمان بساعتي طوول الشقـــا

وين بلقاها بعد هذا .. وليـــت
ضاع معها الوقت بذهوووول اللقـا

[تسـ тsωαħήــوٍآهـن]

أوعدك ..
أوعدك .. ان كان بعدي يسعدك
الليله ارحل
من الليله باختار الطريق
من الليله الليل الرفيق
وأوعدك
ماأعاتب أو الوم .. إلانفسي
ومادام في قلبٍ معك
أوعدك
حبيبتي ياليت
ماأقولك ياليت
وماقد تمنيت وشكيت
حبيبتي ويلي
لامن غدى جسري
أنا لنسيانك انتي ذكرياتي
حبيبتي
مأصعبه نسيان ذاتي
ولا أقوم .. أوعدك
سريت
عن الليل اللي فعيونك
عن بلادك سريت
وأوعدك
اني اقول اني نسيت
بس أوعديني
لازارني طيفك وأنا وحدي
أني ماابكي
وانك بقلبي تموتي
وأنك على عيوني تفوتي
وماأعرفك
وأوعدك
اني من الليله أموت
من يوم أقوم أودعك
أوعدك

[تسـ тsωαħήــوٍآهـن]

لـ ـ ـحـ ـ ـن بـ ـ ـد و ..

حنا ولا من قلت حنا تحنا

كل الكلام بعطر تاريخ الاجداد

المجد هم وهام فينا وغنا

حتى علينا من على روس الاشهاد

يا كبر حظ الي نخانا و ثنا

نشد له فوق الفخر سرج وشداد

ان هلل التاريخ غطرف وطنا

وان سولفو عنا رجاجيل واجواد

وان بان لك شمس ترى ذيك حنا

نشرق مدام الظلم ظلما وحساد

يا بنت يمي كان رمشك تمنا

اشق لك ثوب السماء جود وعناد

واشدلك زملً جفن المعنا

واسري بوجهك لاغشى وجهي سهاد

يا حلو قدك يوم قدك تفنا

محدا تغنى فيك من خوف الالحاد

حنا البدو يابنت هذا لحنا

نحب اكثر لاغدى حبك جهاد

وحنا البدو يا بنت لامن نخنا

بناتنا يثالث العيد الاعياد

وحنا البدو يابنت وان قلت حنا

فاح الكلام بعطر تاريخ الاجداد

[تسـ тsωαħήــوٍآهـن]

~¤ô§ô¤~أمـوت وورثي حــرامي~¤ô§ô¤~

أنا مابي من الدنيا..وصول للعيون الدعـــج
وأظن الصدق يكفي لو أموت ورثي إحرامي

حبيبي جاهل طاغي يحسب إن الجوارح ثلج
وأنا مالي شفاه وفم صوتي ضيع أحلامــــــي

إذا حبك ذبحني صد كل له بموتــه نهـــــــــج
تشهّد بالعجاج البيـــــــــد.. قبل تموت قدامي

أنا غصــــــنٍ.وإنت أوراق والعاذل خريف وعج
ووش عذر الورق والغصن.. لا يابس ولا ظامي

غديت الشايب اللي عاصبٍ راس الزمان الحرج
كبيـــرٍ حــــزّم الدنـــــــيا على متنه.. ولا قامي

شليلي بالعفاف أبيض.. على حالته يومه نسج
تدور الناس والدنيا.. وأموت وورثي احرامي

[تسـ тsωαħήــوٍآهـن]

.ღ♡ღ. عيونـ ـالصغـار .ღ♡ღ.


وجهك غضب .. وجهك عروس


يـضوي مدى .. يحرق نفوس

تـشبه لـك الـشمس الشموس

! .. و مــــا لـمـحـتـك

ســلام يــا أحـلى الأنـام

دربــي مـثل عـينك ظـلام

تـشبه لـك أسـراب الـحمام

! .. و مــــا وصـلـتـك

يـا صـوتها الـرايح وجـاي

مـابـين أشـواقـي وشـقاي

تـشـبه لـك الـونّه و نـاي

! .. و مــــا سـمـعـتك

حـبـيبتي والـبـوح نــار

إنـتـي أنـا بـكل إخـتصار

تـشبه لـك عـيون الـصغار

! .. و مــــا عـشـقـتك

يـا مـهرتي الـبيضا الأصيل

تـلعب و انـا صـبٍّ نـحيل

تـشـبهك غـابـات الـنخيل

! .. و مــــا سـكـنـتـك

يــا غـاية الـحلم الـمحال

مـثلك أنـا حـلمي الـوصال

يـشبهك فـي الـشاعر خـيال

! .. و مــــا كـتـبـتـك

[تسـ тsωαħήــوٍآهـن]

** الى صديق الطفوله **

صديق الطفوله وش جرى لك مع الايام
هي انصفــــــت دنياك ولا انت بك مثلي

فقدنا ملامحنـــــا مثل ساير الانام
عبث بنا جور الزمن والزمن يبلي

وقفنا جميـــــع وبيننا حــــــاجز الاعوام
صعيب وصولي لك ويا صعب لك وصلي

وانا اشوف في وجهك طريق غشاه عتام
وذاك النخل واشــــوف دارك ودار اهلي

وســــدره هي اكـــــــرم من اهل بيتها اللوام
وفي وجهك اصحابي عصى مدرسي وفصلي

وعـود كبير ودايم فالظلال ينام
في ذكرياتي له بعد ملمح وجلي

وصوركتبنا فيه ذكرى عبث واوهام
ولـي في عيونك صوره زانها جهلي

بثوب تبلل بالمطــــــــر والتراب وشام
وانا حب اسير العب وهي حافيه رجلي

انا وانت طفل وطفل دايم رضى وخصام
بكـــانا سهــــل والضحكه امر بعد سهلي

دعاني بوجهــــك نـــاده ينده الاحــــــــــلام
معه رمح مدري هو علي غاضب او لجلي

انا كيف اباصل والامل خلف مو قدام
كثيــر الاسى والسهد يا من فعل فعلي

[تسـ тsωαħήــوٍآهـن]

~¤ô§ô¤~ أنـا راحــل ~¤ô§ô¤~


أجمل رحيل ما يوصلني إلى قافلة

من القوافي أعود بعدها ..مليئاً بالشعر .

أنا راحل

وتارك كل شي

جمعت من ذيك العيون أحلى المعاني

وونيت مع صوت المعاني

وبشويش ..وشوشت الشعور

ريش تبلل .. وانتفض عصفور

ولما وصلت لكل شي

دريت إني ما وصلت لشي

اخترت أصعب رأي

أنا راحل ..وتارك كل شي مني وراي
***

تعبت

والدنيا عيت تستريح

يا صاحبي

القلب يمكن ينكسر

بس أن راسي ما يطيح

ولو قلت لك إني جريح

أخاف تفهمني خطا

وأخاف تفهمني صحيح

يا صاحبي .. أنا على سكوتي تعلمت

وما ندمت

ولو طال بي مسراي
***

الدنيا ما وقفت

مسكين يا قلبي

.. وهو يلتفت

أقسيت أنا .. وهو يلتفت

***

باقي رجوى

تشبه عيون الصغار

باقي لك في القلب نجوى

باختصار

باقي كلمه


لصاحب الطرف الكحيل

أنا راجع أقول إني أحب

وابعثر هموم الرحيل

[تسـ тsωαħήــوٍآهـن]

~¤ô§ô¤~مريولـ ـأزرق~¤ô§ô¤~


هذا الشهر مر

هذا الشهر مر

بالحزن والدمع الامر

خمس طعشر شمس غابت

وكسف خمس طعشر قمر

بالله من يقدر يقول ؟

من يا ترى المسؤل؟

موظف اهمل بالاماره انه ماصان العماره

العماره !!

ارجوك لاتفهم خطا

مهم تقدير المشاعر

لا يزيدوا القتلى واحد

خمس طعشر بنت وشاعر



من ياترى المسؤل؟

الدفاع البدني ؟

الدفاع البدني يمكن كان ممكن

انقذوا ماكان امكن

لو شعور الرحمه والواجب تمكن

ويمكن النار السبب؟

او يمكن الشاي؟

او حالة التنفيس

او يمكن ابليس؟

او يمكن الهيئه

لا تفهموني خطا

اقصد هيئة التدريس



من ياترى المسؤل؟

الرئاسه العامه لتعليم البنات

ما فات فات

والباقي اكثر يا خوات

مؤتمر صحفي وبوفيه وهدايا قيمات

قرر الريس يحل المشكلات

راح نصرف في السنين القادمه

مع الكتب ...كفن الحياة

بس اذا نبغاها تغلق

اقترح هديه تلبق

علقوا في مكتب الشيخ الريس

منظر طبيعي

خمس طعش مريول ازرق

اصبحت بالدم تغرق

واكتبوا على كل مريول

من ياترى المسؤل؟

* * *

من يعزيني بخواتي؟

من يعزيني بناتي؟

من يواسيني على فقد امهاتي؟

قام واحد باخر المجلس وقال

صغار كانوا ياطلال!

ياسيدي هذي البلد والله مافيها صغار

حنا حتى في المهد نولد كبار

خمس طعشر ام ثكلى

خمس طعشر ابو حزين

الجاني مثل الطير حر

والمجني على حلمه سجين

[تسـ тsωαħήــوٍآهـن]

* حكاية شمس *


كنـك مـلاك وطلـع توه
الله وش كـثـرمـحـلـوه

ماعاد بـه غيـرك حكايـه
جيتـي وكـل تـرك جـوه

الليل لـف ولمسهـا لمس
بعيونك اغرب حكاية شمس

وانتي الـى الحيـن نسايـه
ضيعت باكر عشانـك امـس

دايـم اقـرب وهـو يبعـد
وفي شفتـك للشفـق موعـد

ويحـط لاحزانـي نهـايـة
من غيرك اللي قـدر يسعد

ياللـي تحليـن اي لباس
يغار مـن جيـدك الالمـاس

حـرام تعـذيـب وكفـايـه
حني على الناس ياحلى الناس

والشمس تحضـر بميعـادك
مـن يقـدر يلـوم حسـادك

تغازلـك حتـى المـرايـه
(( .... )) ياشمس والنـاس

بيضا وفيها سمـار الحـور
سمرا وفيها بيـاض النـور

مالـه بـدايـه ولا نهـايـة
من مثلك اللي جمالـه جـور

والكامـل بحـق وجــه الله
ياحلـوتـي كـامـلـه والله

ياللـي لكـل البشـر ايــه
من يشبهـك حلـوة الطلـه

[تسـ тsωαħήــوٍآهـن]

مكانك .. مكانك

http://m002.maktoob.com/alfrasha/up/17957950401281502615.bmp

أموت من فرقاك .. و أموت بلقاك

وأموت من جورك .. و أموت بحنانك

كلٍ قضاه يموت مرّه .. و يفداك

و أنا أموت ألفين مرّه .. عشانك

أذكرك.. لا مني نسيت إني نسيتك

أنساك .. لامني ذكرت نسيانك

رضيت أنا بالهم لرضاك مرضاك

و ارخصت لك قلبٍ جرحته .. وصانك

أجيك في صدري عتاب .. و أبجفاك

و أرجع ألوم الوقت و أقول خانك

أحب فيك .. احساسي إني بلاماك

في عز خوفي منك أحس بأمانك

عجزت أفرق بين وصلك و فرقاك

ياللي عطيت الناس بيدك عنانك

مر تجــــيــــني لين أقول إنـــي إيـاك

و مر تروح بعــــيـــــد و انسى أوانك

أقبل و تقفي .. و اعتذر عن خطاياك

و أقول ما عييت .. عيا زمانك

و إن خانتك دنياك .. أو خنت دنياك

إرجع و تلقابي .. مكانك.. مكانك

[تسـ тsωαħήــوٍآهـن]

موت الإحساس

http://m002.maktoob.com/alfrasha/up/17957950401281502615.bmp

قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

[تسـ тsωαħήــوٍآهـن]

آخــــر قصيـــده له بــاريــس

http://m002.maktoob.com/alfrasha/up/17957950401281502615.bmp

وسبب كتابته للقصيد بعد رجعته من باريس وشاف اللي فيها


واحد خايب .. حظه تعيس
سافر تقسيط لباريس
كذّب على ام العيال
رايح ادور عمّال
جمع الورث
حصاد الحرث
وقبل يسافر ياساده
سجّل في نادي كالعاده
يسوي برنامج تخسيس

***

قام يدور شنطة تكفي
وكل هدومه قبل يصفي
عشرة فنايل علّاقي
وشورت وشراب ماقيس
قالت ام عياله تكفى
خذ لبس شوي يدفّي
قال فـ باله يامسكينه
والله قدامي اللي يدفّي
قام يودعها وقالت له
خذ بالك يانور عيوني
وتعوّذ دوم من ابليس
قال فـ باله يامسكينه
وانا من عازمنـــي غيره
ناطرني ابليس فباريس

[تسـ тsωαħήــوٍآهـن]

سنا الفضه

http://m002.maktoob.com/alfrasha/up/17957950401281502615.bmp

جتني..وشافتها عيون حايرات

....ذا شعاع الشمس..او هذا سناها

ضاعوا اللي جو معاها مسيرات

....واقبلت تمشي..تقل محد معاها

ياسنـا الفضه ..وياجيد المهات

....ياشذى نبت الخزامى في وطاها

قلت كن بوجنتكـ زهر النبات

....قالت ان الرمش يجرحلي صفاها

تجرح الظلما عيون ناعسات

....سلهمت واغضت تغطرس في بهاها

حققوا بالشوف في لون الشفات

....هو خذا منها الشفق..واللا عطاها

ولو ظلام الليل يعطينا ثبات

....فيه من لون الشعر واللا كساها

كيف اباصف زين كاملة الصفات

....كيف اباصل في حروفي منتهاها

[تسـ тsωαħήــوٍآهـن]

" محتاج لك "

http://m002.maktoob.com/alfrasha/up/17957950401281502615.bmp

انتي بكف وباقي الخلق في كف

متعليه في وسط قلبي ولك شان

في غير وصلك مالقلبي ترى شف

محتاج لك يانور عيني وشفقان

لا جابوا اسمك صرت انا تقل مختف

مالي على نفسي الى اطروك سلطان

من غير حبك غضت عيوني الطرف

ياللي جمالك صار للزين عنوان

اريد انا قربك ترى ياغذا الحرف

وان ماحصل موتي ودنياي سيان

[تسـ тsωαħήــوٍآهـن]

رسالة .. إلى صديق الطفولة

http://m002.maktoob.com/alfrasha/up/17957950401281502615.bmp

صديق الطفولة وش جرى لك مع الأيام ...هي أنصفت دنياك والا أنت بك مثلي

فقدنا ملامحنا مثل ساير الأنام ... عبث جور الزمن والزمن يبلي

وقفنا جميع وبيننا حاجز الأعوام ... صعيب وصولي لك.. وياصعب لك وصلي

وأنا أشوف في وجهك طريق غشاه عتام ... وذاك النخل واشوف دارك ودار أهلي

وسدره..هي أكرم من أهل بيتها اللوام ...وفي وجهك أصحابي ..عصى مدرسي ..وفصلي

وعود كبير واديم فالظلال ينام... في ذكرياتي له بعد ملمح وجلي

وسور كتبنا فيه ذكرى عبث وأوهام ...ولي في عيونك صورة زانها جهلي

بثوب تبلل بالمطر والتراب وشام ... وأنا حب أسير العب وهي حافية رجلي

أنا وانت طفل وطفل دايم رضى وخصام ... بكانا سهل والضحكة أمر بعد سهلي

دعاني بوجهك ناده ينده الأحلام ... معه رمح مدري هو علي غاضب..أو لجلي

أنا كيف أباصل والأمل خلف مو قدام ... كثير الأسى والسهد يامن فعل فعلي