ديوان الشاعر فهد عافت

[تسـ тsωαħήــوٍآهـن]

فتنة الحفل
ــــــــــــــــــــــــــــــــــ





فتنة الحفـل زيـدي مشيتـك بختـره
كل خطوة بروق وكـل نفحـه صهيـل
باقـي بيـن عقلـي والجنـون شعـره
اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره
خلي النار تاخـذ رمـز غيـر الفتيـل
من غدى الليل شعرك قلت انا بسهـره
ومن غدى الصبح وجهك قلت مالي مقيل
ارقصي بيـن حـد الذنـب والمغفـره
ارحلي في سكونك واسكني في الرحيـل
ارجفي كنـك المـا.. فززتـه حجـره
واثبتي كنـك الفضـه بعيـن البخيـل
وانحني مثل غصن فـي طرفـه ثمـره
واوقفي مثـل فزعـات بـدوي اصيـل
والفحـي علمينـا كيـف تقـدر مـره
تزرع الليل صبح .. وتزرع الصبح ليل
فـي عيونـك سـواد يستحيـل اخـره
كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره
اشهد انه عزيـز واشهـد انـه ذليـل
اتركي العقـد بيـن الجـد والغشمـره
يخبر الناس وش معنى جميل في جميل
كن في الصدر ظبـي عيوننـا تذعـرة
ينتفض يذعـر الـي مذعرينـه قبيـل
ومفرق الصدر حبـة العـرق تجهـرة
كن لك عقد در وعقـد مـن سلسبيـل
بينهم حسـد ربـي بعـد مـا صـوره
عقـد وده يجـف وعقـد وده يسـيـل
آآه ولا لمحـتـك مقبـلـه مـدبــره
شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره
دام ذا خصر وش لي بالخواتـم بديـل
وسط ثوب ٍ خيوطه صمت فـي ثرثـره
به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره
فيه فتنه قصير وفيـه حشمـت طويـل
كنه المخطـي الـي يطلـب المعـذره
وكنه الدامح الزلـه عـن الـي يعيـل
في ردونـه نقـوش لـه سنابـل ذره
الله اعلم لـو ان الريـح هبـت تميـل
كل شـيء ونقيضـه فيـك بالمسطـره
اقرب من النفس وابعد من المستحيـل
كنـك الكـذب لكـن ماحـد ينـكـره
وكنك الصدق لكن مافـي يدينـا دليـل
باشت الغيـد زيـدي مشيتـك بختـره
لاجل اطاول بحرفي شامخـات النخيـل
شاعـر تلمـس ايدينـك علـى دفتـره
تغرق في اوسط اوزانه بحـور الخليـل

[تسـ тsωαħήــوٍآهـن]

ياعلي
ــــــــــــــــــــــــــــــــــ




ياعلي لاالشعر عبـدي ولا هـو سيـدي
صاحبي له من جنوني ولي مـن منطقـه
مايخون الطيش والملـح ياكـود الـردي
له علي ان ماسبقني على الطيب اسبقـه
والله اني من عرفته وانا ابشـر بسعـدي
كل حزنٍ يفتـح ابـواب حسـنٍ مغلقـه
والله انـي ماذخـرت لمعانيـه جـهـدي
ذمنـي ولا مدحنـي مـن يقـول سرقـه
اعشق من الشعر كله عيونـي ورمـدي
واعشق من الكل بعضي اذا الصمت انطقه
واعشق من الليل الاظلم وأشوف السرمدي
قـدر قـرمٍ بيـض الله وجهـه بصنقـه
واعشق من الصبح الأكسل نسيم وفي يدي
دفترٍ يهـدي العصافيـر لحظـه مورقـه
وأعشق من الصحبه أم البساط الأحمـدي
لاتهيّت وأعشق من العسـل طلبـة ذقـه
وأعشق من الوقت وقتي لابوي ولاولـدي
وأعشق من الناس كلٍ على قـد اعرقـه
ياعلي والشعر عبـدي وعبـدي سيـدي
أعمق الشعر أبسط الشعر وأبسطه أعمقه
في الحنايا خيـل ترمـح وخيـال يحـدي
وفي المرايا ألف بحـر يتلعثـم بأزرقـه
ياكثر ما اذكر من الناس لاصرت وحـدي
من نسونـي ونسونـي بكـذبٍ مصدقـه
كل وعد لي مع اللـي يخونـون وعـدي
يالبناخي بعض طيب أقهره باللـي خلقـه
لـو تهيـا للطريـا سـويـا مـاغـدي
مزبن الذهيـب ممـراح خاينـت الثقـه
يقنب النسيان الأمعـط بروحـي ويعـدي
كل ليلـه فـي فياضـي والا الله يرزقـه
السهر ، ماهو بهـذا السهـر لايابعـدي
السهر شفنـي تعرفـه وشفنـي تزهقـه
كل جفنٍ من جفوني غدى بيـت أجـودي
لاتقظب فيـه عبـدٍ مـن الليـل أعتقـه
ليت لي قدره على الثـار تكفـا ياسنـدي
من حبيبٍ طشـر القلـب مليـون ورقـه
مارماني خطرتـن لجـل يرضينـي ودي
نيشـن الفرقـا هنيّـا تمركـا بنـدقـه
وانتهى مستسهل سهيل يستجدي الجـدي
مابقى غيـر اليبـاس بعيـون مغورقـه
كم تكحل عاذلي وانعمـى مـن مـرودي
يـوم قـال العيـن بالعيـن مالله وفقـه
قلـت والله دام قفـى وظليـت وحــدي
لاتركه في داخل القلـب محـدن بشنقـه
ياعلي كلي نهايـات مـن ويـن ابتـدي
ياعلي كله بدايـات مـن ويـن اعشقـه
له عيون ولي ضلالي بهـا ليـن أهتـدي
ولي عيون وله علي البكـا ليـن اغرقـه

[تسـ тsωαħήــوٍآهـن]

الليل
ــــــــــــــــــــــــــــــــــ




الليـل موحـش غـريـب وحـيّـة رقـطـا وديـجـور
والليـل طيـب ودفــا واخــت تمازحـنـي ونــوّار
ساعات احـس ان هـذا الليـل : نبـش عظـام وقبـور
وساعات احسّه : فـرح بنـت برسالـة حـب واسـرار
كم ليلة كان فيهـا الليـل : عبـد .. رطـب .. محفـور
وكـم ليلـة كـان فيهـا الليـل : ((جيفـارا )) وثـوار
يا ما تكدس .. وهو يشتم (( عيـال الكـل.. )) مخمـور
وياما (( تسندس )) .. وفاح اللون الأخضر وأربك الدار !!
له ألـف مليـون صيغـه .. فـي يديـه النـار والنـور
وهو شيئ ثالـث .. بعيـد عـن انفـلات النـور والنـار
يـا ليلـة .. ليلهـا زرنيـخ منفـي يابـس .. بــور
لـي ليلـة كـان حضـن أم .. وثلاثـة أيتـام وصغـار
ليـل اتشمشـم بـه اللـي مـر ..نكهـة خبـز تـنّـور
وليـل اتجشـم بـه اهوالـي لحالـي .. واصبـح كثـار
انا اصدق الناس .. واعدلهم .. وانا البهتـان والـزور !
يا قطعة النّرد .. شوفي وش بقى لي .. بي .. من اعذار !
فـي داخلـي قصـة غيـاب غريـب يشعـل حـضـور
هذا اليبـاس بعروقـي .. يلعـن ام الوقـت ..لا ..جـار
غاب الطفل ، قلت طيّب .. غاب بعـد الطفـل عصفـور !
طيّب .. وغاب الثمر .. طيّب .. وغابـت كـل الأشجـار
غابوا محبين .. طيّب .. غبت أنـا طيّـب .. بكـت دور
طيّب وبعدين يا طيّب ؟! .. وش اللي ظـل مـا صـار ؟
تبسمـت لـي مـرة .. قالـت تعـال .. وطـاش بلّلـور
بالحكمـة اللـي تضاحكنـا عليـهـا دمــع وغـبـار
مـا دام دنيـا .. وترفعهـا قــرون السـيّـد الـثـور
وش يزعل العاقل ان نادى عليـه حمـار : يـا حمـار ؟

[تسـ тsωαħήــوٍآهـن]

غنى المغني
ــــــــــــــــــــــــــــــــــ




غنى المغني ودار الرقص في الحفله
والضي شعشع وضج الطار بالعالـي
وانا اسرق الشوف لعيونه على غفله
وادور اوصـاف تحلابـه وتحلالـي
صارت حروفي معـه ريميـة جفلـه
لكني امسكت بالمعنى علـى التالـي
اصدق من الجوع واطهر من بكا طفله
واهدى من الليل وادفا من عتب غالي
له في الحنايا عصافير ترفـرف لـه
ليـت المغنـي يمـول لـه بموالـي
واصابعي من لظى شوقي تكاتف لـه
يفرك بعضها بعض واصيـح عزالـي
وانا ادري ان الذي جنبه يسولف لـه
عني وهو يبتسم ويقول : انـا مالـي
كيف انت مالك وانا ماجيت للحفة ؟!
الا علشـان اشوفـك يابعـد حالـي

[تسـ тsωαħήــوٍآهـن]

أحيان
ــــــــــــــــــــــــــــــــــ




احيان احس ان انـا غمازتيـن وسنـا
لبنـيـة سيلتـهـا حشـمـة زايــده
واحيان احس ان انا موسم حصاد وجنا
فـي قريـة نايـده فـي بلـدة نايـده
واحيان احس النفل بعضي يمـر الغنـا
راعي غنم يحطب من ضلوعي البايـده
واحيان احس ان انا ويا الهبـوب تننـا
للغصن نلبس ثيـاب الصبـح ونعايـده
واحيان ..واحيان احس ان الضبا بي هنا
واليـا تحركـت اخـاف اذيـر القايـده
واحيان اوقـف عـدوي واسألـه اينـا
بنـا انا..واينـي بـك جمـرة قـاديـه
في صوت فيروز انا الصفصاف والميجنا
وانا مع حجاب شـرق وطايـره عايـده
كلي من احيان من أشيـا بسيطـه بنـا
تمر في صمـت واستسـلام ومحايـده
أحرث من الداخل اقصاها هـدام وبنـا
لغايـة الارض ماتصبـح بنـا مـايـده
وانا اكتب الشعر لي أو لي ولك أو لنـا
كـذا بــلا ايدلوجـيـات ومـزايـده
الشاعر اللي من الخارج عـذاب وضنـا
فـي داخلـه همـت المتمنعـه رايـده
الشاعر اللي مثـل شمـع نحيـل فنـا
حقيقته شمس تستلقـي علـى المايـده
اياك ترثين لـي ..أو تحسبيـن ان انـا
غالطت نفسـي بـلا داعـي ولافايـده
ماهو صحيح ان انا اباعدت عمـا دنـا
فقـط لأنـي أحـب الوعـر والكايـده

[تسـ тsωαħήــوٍآهـن]

ــــــــــــــــــــــــــــــــــ
النظره السمحه
ــــــــــــــــــــــــــــــــــ




قالت وش العلقم الترياق؟
محدٍ ضماده سوى جرحـه

كل اللقا لو نظـرت فـراق
وكل البكا من ورا فرحـة

محدٍ ربح كود لمـا بـاق
محدٍ خسر كود من ربحـه
مابه خلوق وعديم أخـلاق
للكل نسبة مـن الصحـة

يا شاعري والوهم حـرّاق
أجدى من مصافحة ذبحـه

خذها حقيقة من الاعمـاق
صدرك هو اللي طعن رمحه

مافي الكتابه جديـد آفـاق
كم تشبه الكسرة الفتحـة

قلت اسمعيني وصوتي تاق
يجمع لك الكل في شرحـه

ان قلت بعض الفراق عناق
أو قلت بعض الكفن طرحه

لانـي بكـاذب ولا آفـاق
لكنهـا النظـرة السمحـه

أكبر خطـا اننـا نستـاق
تعريف للبحر مـن ملحـه

ان تتبعينـي..أنـا أوراق
أو تهجريني..أنا صفحـه

للشعر ..للحب .. للاشواق
لليل فـي داخلـه صبحـه

بيني وبين القلـم ميثـاق
يهدّني..وأبني في صرحـه

ذي راحتي وإسألي العشاق
العاشـق كتابتـه مسحـه

[تسـ тsωαħήــوٍآهـن]

ــــــــــــــــــــــــــــــــــ
الطنايا
ــــــــــــــــــــــــــــــــــ




ياربعنـا مايعتـذر كـود غلـطـان
؛؛ ؛؛ ؛؛ ؛؛ وانا عجزت القى خطا فـي خطايـا

ان كـان قلتـوا ماتعـوذت شيطـان
؛؛ ؛؛ ؛؛ ؛؛ نفسي لانـي شفـت سـود النوايـا

قدامكـم ربـي بلانـي بمـن شـان
؛؛ ؛؛ ؛؛ ؛؛ فعله معي لين اظلمـت بـي سمايـا

زل وكتمت .. وزل وازددت كتمـان
؛؛ ؛؛ ؛؛ ؛؛ وازداد فـي غيـه وجانـي بـلايـا

اعطيته الصافي من العلـم خلصـان
؛؛ ؛؛ ؛؛ ؛؛ من غير ما اسال من معـاه ومعايـا

وان كان هو من رشفة ابليس سكران
؛؛ ؛؛ ؛؛ ؛؛ سكران انـا بغبـار خيـل الطنايـا

عاداتها تقبـل تقـل مالهـا ارسـان
؛؛ ؛؛ ؛؛ ؛؛ وعاداتنـا نهـدي ضحانـا ضحايـا

من مثل شمر علقوا يـوم الاكـوان
؛؛ ؛؛ ؛؛ ؛؛ ارواحهـم عقـد بجـيـد المنـايـا

حنا الضياغـم والزقاريـط نيشـان
؛؛ ؛؛ ؛؛ ؛؛ فـي جبهتـي زاد المزايـا مـزايـا

وانا ولـد عافـت سلايـل كحيـلان
؛؛ ؛؛ ؛؛ ؛؛ على اسم جدي والاسامـي وصايـا

ياشين يوم الطيـب نجـر وضيفـان
؛؛ ؛؛ ؛؛ ؛؛ منـا العطايـا تستـمـد العطـايـا

ياشين يـوم العـز خيـل وفرسـان
؛؛ ؛؛ ؛؛ ؛؛ ربعي عصا موسـى وربعـك حيايـا

ويومك قنعت بسقف واهي وجـدران
؛؛ ؛؛ ؛؛ ؛؛ الضيغمي للشمـس حـث المطايـا

لاانته بجنبي طيب اوعـز او شـان
؛؛ ؛؛ ؛؛ ؛؛ ولاانتـه بقدامـي ولا انـت بورايـا

الله بلانـي بـك ولانـي ببلـشـان
؛؛ ؛؛ ؛؛ ؛؛ لاشــك ودي ينطحـونـي قـوايـا

[تسـ тsωαħήــوٍآهـن]

ــــــــــــــــــــــــــــــــــ
مريم
ــــــــــــــــــــــــــــــــــ




مريم وتضحك يرق الما ويصفالي زمانـي
والمكان يطيب والرمـان يتكـدّس هنيـا
قلت رحلتنا تبي سكر وترنيمـة أغانـي
جاوبت هات الأغاني وأترك السكر عليـا
من شفايفها صباح الخير شكل وطعم ثاني
آه لو تدري وش اتسوي صباح الخير فيا
تاخذ الما من يديه توصله شـط الأمانـي
واهنيي كل مامريـم خذتنـي مـن يديـا
أذكـر أول ماتلاقينـا تسمّـرت بمكانـي
حاولت عيني تشوف الدرب مير القلب عيا
الحلا فيها من أقصاها ولا للزيـن دانـي
كل مافيها خلقـه الله مـن طلعـة محيـا
كل ماعز الطلب عندي وقالت لي عشانـي
قلت من هذي قبل هذي وجابتنـي حميـا
قبلها ماطاعت اقدامي طريق الا عصانـي
بعدها ماظل حلم أخضر بصدري ماتهيـا

[تسـ тsωαħήــوٍآهـن]

هب الكرز
ــــــــــــــــــــــــــــــــــ




هب الكرز واستجمـع الفـل فلـه
ياكيف انا ماقـول للشعـر لبيـه
حزن مثـل شبـاك صبـح تبلـه
قطرة ندى تزحلقـت كنهـا ايـه
بشفاه عاشـق ساهـي واستغلـه
خبيث باسم اللـي ذبحـه بتغليـه
ياسيـدي لاحزانـك المسفهـلـه
سحاب وانت تظلله وانت تسقيـه
اوميت لي وانا الغريـب المولـه
ورديت لك وانت العجيب بمعانيـه
كنك تعرف ان الشعر فيـه خلـه
لاهي على وزنه ولا فـي قوافيـه
اردى الشعر قول يجيـك بمحلـه
واحلى الشعر قول محله يجي فيـه
ويش الدرر ياصاحبي غيـر علـه
في صدر محار الحصى حيل موذيه
نحـزن وفينـا يلتقـون الادلــه
لامن بغـوا للعيـد طفـل يبكيـه
ياما كثير اشيـا مملـه .. مملـه
وبالشعر يلقى الادمـي مايسليـه
لولا الصبر كيف الاهـل والاهلـه
ولولا الشعر كيف العتب والمشاريه
والناس فيها مـن عزومـه تتلـه
وتوصلـه فـوق العليـا وتعطيـه
والناس ياما في الخلايـق جبلـه
ياكل ويلتم الرخـم فـي علابيـه
لو بروزوا له صورته في المجلـه
الناس تدري عن علوم المسافيـه
وانت الكريم اللي حجاجـه يفلـه
ماعنده الا ابشر بمطلبـك ياهيـه
وانت الشجاع اللي سيوفه تسلـه
والفيلسوف اللي انتهى في مباديه
هب الكرز واستجمـع الفـل فلـه
لبيه ..ثم لبيه ..ثـم الـف لبيـه

[تسـ тsωαħήــوٍآهـن]

ــــــــــــــــــــــــــــــــــ
هدوء الأرض
ــــــــــــــــــــــــــــــــــ




سلامي ياهـدوء الأرض هـذا أول الإعصـار
.. .. ... .. .. توحدت بجراحـي والمـدى وجهـي وآياتـي

تشربت الهموم وبعض حلم في عيون صغـار
.. .. ... .. .. وسميت الفضى جلدي وسميت الشجـر ذاتـي

لذا يممت وجهي عكس وجه الريـح والتيـار
.. .. ... .. .. نعم مادام ذيب الوقت عمـدا مطلبـه شاتـي

رميتك ياحطب ذكراي في برد المسافـة نـار
.. .. ... .. .. وشفتك ياحطب تخلص وأنا بـأول مسافاتـي

رمادك في يدي شلته سؤال وشوكة استفسـار
.. .. ... .. .. يجدد بـي حريقـة وأشتعـل تولـد بداياتـي

وكملت الطريق بحلم باكـر تنبـت الأشجـار
.. .. ... .. .. على أرض تسميهـا احتضاراتـي حضاراتـي

وباكر أضرب برجلي الصحاري تنفجر أنهـار
.. .. ... .. .. وأشق البحـر بعصـا مـن غصـن آهاتـي

أقول مسامحك ياللي رفض يدخل معي في الغار
.. .. ... .. .. وأقول مسامحـك ياعنكبـوت عـد خطواتـي

بعدها يرجع العشق القديـم لجمـرة الأسفـار
.. .. ... .. .. وأيمم وجهتي ومن ثانـي أفـرش مصلاتـي

أنا وش أطلبك خـلاص ماعـاد بـي أعـذار
.. .. ... .. .. ألا ياسمعـي أجمـل دروبـي درب زلاتــي

كتبت اللي كتبت ولا قصدت ألفت لي الأنظـار
.. .. ... .. .. ولكن قصدت ألفت لجـوع النـاس نظراتـي

وأنا عامد أوضح شي وأترك شي خلق استـار
.. .. ... .. .. ولا أقعـد ليلـة إلا وأغيـر قـاع مرساتـي

وأنا شفت الجمال يكون أجمل لو عليه أغبـار
.. .. ... .. .. لـذا لـف الغمـوض أوراق لفتهـا كتاباتـي

[تسـ тsωαħήــوٍآهـن]

عصفورتين وشمس
ــــــــــــــــــــــــــــــــــ



على حد العطش ارسم فمي غيمه وخمس اطفال
على حد الظلام اشعل يدي عصفورتين وشمـس
مكاني مو مكانـي والزمـان يشوفنـي اشكـال
اجي مرة صراخ اقوى من الحكمه ومرة همـس
انا كرهي خبال ولا عشقت اعشق بعـد بخبـال
ولا اعرف الوسط بين الحلول وذي طبيعة نفس
وانا عشقي لباكر لاجل اذا بركض رفيـق ظـلال
وفي زوادتي تمر النخيل الـي زرعنـي امـس
معي في الذاكرة بنت توصينـي بمشـط وشـال
وصوت امي يوصي لاتجي ربعك بخاطر عمـس
وانا امك لاتنام في ليلـه وانـت خلـي االبـال
وخل ادنا طموحك لا نظـرت لنجمتيـن اللمـس
وانا امك لاصعدت اصعد مثل دعوة فقير الحـال
ولامنك نزلت انزل مثـل غيـث بيحـي غـرس
وعلى حد العطش ارسم فمك غيمه وخمس اطفال
وعلى حد الظلام اشعل يدك عصفورتين وشمس

[تسـ тsωαħήــوٍآهـن]

عبث
ــــــــــــــــــــــــــــــــــ




عبث تحسب سنيني بالسنين وتكسـر المكسـور
عبث ترمي بدلوك في القديم ، وتجلـب أعماقـي
أنا الذابل مابيـن المكرفـون ورغبـة الجمهـور
عشان أحيا .. مثل مالازم أحيـا داخـل أوراقـي
تضاريسي ، هي المستقبل المتواضـع المغـرور
لـذا مديـت كفـي للـوداع وبعلـن افـراقـي
عجزت أقبل أصابيعك قفص وأحلامـي العصفـور
عجزت أخذل دمي لو مـرةٍ وانحـزت لاخلاقـي
رفضت إني أكون القطعة اللـي تكمـل الديكـور
تخيلت المكان ، وهالنـي حبسـي علـى افاقـي
ستـارٍ بـاردٍ مسـدل ، وجـرحٍ ماينـز بنـور
وكرسـيٍ تشـد اعيونهـم بأطرافـه اوثـاقـي
ملل ، يلغيني التصفيق والمسرح بليـد اشعـور
جنون استقبل الورده من اللـي يذبـح الساقـي
وداعـا للقلـوب المستريحـة والعيـون البـور
هلا بك يالدروب المتعبه لـو كنـت بـك شاقـي
أنا الأرض اليباس اليا بنا غيري بجلـدي سـور
وأنا المرعى الخصيب ان كانت حروفي هي انياقي
كفاني من حياتي لو مضيـت ولا شهـدت بـزور
وكفاني من مماتي لو مضيت ولـي أثـر باقـي

[تسـ тsωαħήــوٍآهـن]

ذنب ومغفرة
ــــــــــــــــــــــــــــــــــ




نصف وجهي هجير ونصف ظل
وأنت غالي وطبع الحب كافـر
بعض مني يخاف انـك تضـل
وبعض مني يخاف أنك تسافر
بين أقول الصواب وبيـن أزل
ضعت فيك متجـاذب ومتنافـر
خلني فيـك ضايـع ليـن أدل
وأنهزم منك لجل أرتـد ظافـر
أمتليت بغـلاك وفضـت غـل
وفرة الشوك تعني الورد وافر
ول سافـرت ماسـافـرت ول
ما اجتمع غير بك مذنب وغافر

[تسـ тsωαħήــوٍآهـن]

اخيذة ضحى
ــــــــــــــــــــــــــــــــــ




هذا القلم وش كتب .. هذا الندم وش محى
في ايدي رعشه ولاظني على شـي قـاوي
حبيبتي قربـي هاتـي يدينـك .. صحـى
في داخلي طفل مري به .. حمام وغنـاوي
الحب حنطه هقيـت ان المفـارق رحـى
فارقـت زاد الغـلا رديـت ولا بــلاوي
أثر الهوى لاتمكـن منـك اخيـذة ضحـى
اثر الغلا الصدق صدق ان ضج ماعاد ياوي
ونا اخـر اللـي يـدور صادقيـن نصحـا
في الحب ياشينها تنوي تقل مانت نـاوي
لاهي صعيبه ولانـي لاقـي اللـي وحـى
ولاهي قريبه .. ولاهي اللي تجي بالهقاوي
ولاهي بحـب الخشـوم ولابدقـم اللحـى
ولالقينـا لهـا عنـد المطـوع فـتـاوي
ماعـاد ينفـع خجـل فيهـا ولامستحـى
برد يفطر خشوم البـل وعاشـق خـلاوي

[تسـ тsωαħήــوٍآهـن]

أخافك تواعدني
ــــــــــــــــــــــــــــــــــ




اخافك تواعدني ولا توفـي الميعـاد


واخافك تواعدني وتوفـي مواعيـك


لانك اذا اخلفت مات الهـوي ببعـاد


ولانك اذا اوفيت مات الهوي بايـدك


وانا ابغاك لايامي فراش وغطا ووساد


اذا الليل بعيوني نهاري علي جيـدك


وانا ابغاك مينا لاغترابي وابيك الزاد


لجوعي وابي حريتي تدخل في قيـدك


وابيك الشبك والطعم والصيد والصياد


وانا ابيك تطلبني وانا اعطيك وازيدك


أخافك نعم..والخوف في داخلي يزداد


لانك تسيدت الزمن... والزمن سيدك

[تسـ тsωαħήــوٍآهـن]

دخيلك
ــــــــــــــــــــــــــــــــــ




دخيلـك لاتصلـح غلطتـك هـذا الخطـا غالـي
رفضت انك تجيبه من عرفتـك ليـن هـو جابـك
ومدام ان الزعل مثل الرضـا يبقيـك فـي بالـي
انا مازعل ولاارضى منك ..انا ازعل عنك وارضابك
هلابـك يالخطـا ضيـف عزيـز يكـرم دلالــي
اذا صبيـت لـه فنجـال عفـو ونـوخ اركابـك
من الليلـه باسمـي غلطتـك عنقـودي الحالـي
الامنـي قطفتـه بالسمـاح انتـثـرت اطيـابـك
حبست العقل واطلقـت العنـان لمهـرة اهبالـي
وقريت ان الخطا عين الصواب بصفحـة كتابتـك
وش القمرا سوى غلطـة ظـلام ولانـي مغالـي
وش الظلما سـوى غلطـة سمـا بتقلـد هدابـك
يساورني يقيـن ان المطـر غلطـة هـوا عالـي
حسـب نفسـه يصالـح غيمتيـن وبلـل ثيابـك
فديتـك لاتعـذر والــذي ســواك واهـدالـي
عيونك مالقيـت الطـف بهالدنيـا مـن اعتابـك
جـزاك الله خيـر وبيـض الله وجــه عـذالـي
متى ماجيت ابنسى سيرتـك قالـوا لـي احبابـك
وانا لاقالوا احبابك عجـزت اسمـع وش التالـي
خذيت الكلمة اللـي تشتهيـك وضعـت باسبابـك

[تسـ тsωαħήــوٍآهـن]

دخيلك
ــــــــــــــــــــــــــــــــــ




دخيلـك لاتصلـح غلطتـك هـذا الخطـا غالـي
رفضت انك تجيبه من عرفتـك ليـن هـو جابـك
ومدام ان الزعل مثل الرضـا يبقيـك فـي بالـي
انا مازعل ولاارضى منك ..انا ازعل عنك وارضابك
هلابـك يالخطـا ضيـف عزيـز يكـرم دلالــي
اذا صبيـت لـه فنجـال عفـو ونـوخ اركابـك
من الليلـه باسمـي غلطتـك عنقـودي الحالـي
الامنـي قطفتـه بالسمـاح انتـثـرت اطيـابـك
حبست العقل واطلقـت العنـان لمهـرة اهبالـي
وقريت ان الخطا عين الصواب بصفحـة كتابتـك
وش القمرا سوى غلطـة ظـلام ولانـي مغالـي
وش الظلما سـوى غلطـة سمـا بتقلـد هدابـك
يساورني يقيـن ان المطـر غلطـة هـوا عالـي
حسـب نفسـه يصالـح غيمتيـن وبلـل ثيابـك
فديتـك لاتعـذر والــذي ســواك واهـدالـي
عيونك مالقيـت الطـف بهالدنيـا مـن اعتابـك
جـزاك الله خيـر وبيـض الله وجــه عـذالـي
متى ماجيت ابنسى سيرتـك قالـوا لـي احبابـك
وانا لاقالوا احبابك عجـزت اسمـع وش التالـي
خذيت الكلمة اللـي تشتهيـك وضعـت باسبابـك