ديوان بدر بن عبدالمحسن ( مهندس الكلمة الشعرية )

[تسـ тsωαħήــوٍآهـن]

العمر أحبك


لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

[تسـ тsωαħήــوٍآهـن]

{

سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنى ..
يا انتي

.. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...


{

[تسـ тsωαħήــوٍآهـن]

{
ياسواد العين .. فـ عيوني سواد ..
النظر دخان.. وأنفاسي لهب
من نثر في مطلع الشمس الرماد
ومن جمع في موقد اللوعه حطب
كانها الفرقا .. فهي همٍ وكاد
مير اظن الياس ياخل السبب
ياالبعاد اللي ورى طولك بعاد
ماورى الدرب العسير الا الصعب
وش بقي لي من الرجا كود العناد
وش جنيت من الهوى غير التعب
لو يرد العشب لومي للجراد
كان لمت السحب في جرد الحدب



{

[تسـ тsωαħήــوٍآهـن]

هِم

يافؤادي ِهم ..
بالوتر .. بالشادي
بالزهر ..بالوادي
همِ..
يامساالحب ..ياالدنيا.. يامسا الحب
ليلنا حب.. ياالدنيا .. ليلنا حب
لبست الضي الشوارع .. والدروبهِم

يافؤادي ِهم ..
بالوتر .. بالشادي
بالزهر ..بالوادي
همِ..
يامساالحب ..ياالدنيا.. يامسا الحب
ليلنا حب.. ياالدنيا .. ليلنا حب
لبست الضي الشوارع .. والدروب
والمباني .. شامه في خد الغروب
والمدينه..غادةٍ .. حسنا..لعوب
هم ِ.. يافؤادي
اعطني زهره..وانا ابيع الظلام..
واشتري للحرب ... سرب من الحمام ..
من يعيش فـ حب .. بيموت بسلام..
وهِم ..يافؤاديِ هم


والمباني .. شامه في خد الغروب
والمدينه..غادةٍ .. حسنا..لعوب
هم ِ.. يافؤادي
اعطني زهره..وانا ابيع الظلام..
واشتري للحرب ... سرب من الحمام ..
من يعيش فـ حب .. بيموت بسلام..
وهِم ..يافؤاديِ هم

[تسـ тsωαħήــوٍآهـن]

ليل التجافي

آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السوآل
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال

[تسـ тsωαħήــوٍآهـن]

الهوى الاول

ليه احس أنى ونا اشوفك حزين
وقلبي الليله بهمي ممتلي
كانها الفرقا ... طلبتك حاجتين
لاتعلمني ...ولاتكذب علي
خلني مابين شكي واليقين
وش يهم رضاي عنده وازعلي
باكر اللى خافي لازم يبين
الوعد بالقى مكانك به خلي
وانتظر لى ليله او ليلتين
لين مايقضي السحاب وينجلي
ولا قطعت الياس ببكي دمعتين
للهوي الاول وباوادع هلي
صاحبي باموت من كثر الحنين
بس انا بختار لحظه مقتلي

[تسـ тsωαħήــوٍآهـن]

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف ...

[تسـ тsωαħήــوٍآهـن]

القاع..والمسافه
أنا احبك ..مابها زيف وخداع
رغم الذي نخفيه ..واللي نخافه
اودعك..لو الألم لحظه وداع
الى مضت..ننسي الألم والحسافه
وافارقك..لو السفر ..يم وشراع
وبعد الفراق .. اللي نوده نعافه
لاصار مافي البعد راحه لملتاع
با الله وش نفع العتب والكلافه
من الجفا والصد .. يكفيني اذراع
لاجف نهر الحب ماتت اضفافه
أملي يدك رمل وترى هاذي القاع
ومدي النظر .. تدرين وش هي المسافه

[تسـ тsωαħήــوٍآهـن]

صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه افـ ورق الحشا .. وحبر الوريد

[تسـ тsωαħήــوٍآهـن]

اللـي طعنّي بين الاضـلاع وأدمى

هذاك نــدٍ لي ونعمـين فارس

ومن ينطح الوقت الردي قلبه أعمى

كم عامـرٍ خـلاه بالقاع دارس

يـابنت مـالي قلب بـالحب يرمى

كفي سهـام الفاتـرات النواعس

المـا عيـوني أظهـريني مـن المـا

وأنـا غريـق الدمع والريق يابس

ظميـان من مثلي من النـاس يظما؟

وأنـا علـى أحلى الينابيع حارس

والله يالـولا فيّـة عيـون سـلمى

ماشوف كل الناس ضاحك وعابس

مـن طـاب لي بالنـور ماني بظلمة

ومن جـادلي بالغيث مـاني بحابس

سلمي

[تسـ тsωαħήــوٍآهـن]

زمان الصمت

وترحل .. صرختي تذبل ...
في وادي... لاصدى يوصل ..
ولاباقي أنين ..
زمان الصمت ..
ياعمر الحزن والشكوى ..
ياخطوه ماغدت تقوى...
على الخطوه.. على هم السنين ..
حبيبي .. كتبت اسمك على صوتي ..
كتبته في جدار الوقت ..
على لون السما الهادي ..
على الوادي..
على موتي .. وميلادي..
حبيبي .. لو أيادي الصمت ..
خذتني .. لو ملتني ليل ..
أناعمري ..انتظاري لك ...
لاتحرمنى ... حياتي لك ...



بدر بن عبدالمحسن

[تسـ тsωαħήــوٍآهـن]

لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

[تسـ тsωαħήــوٍآهـن]

المرايا
كلنـــا عـشـــــاق لكــــــن ..... انتـي لا مانتــي مـعـــــــايـا

لما تجـمـعــنا الأمـــاكـــن ..... تأخـــــذك مني الـمــــرايــا

انتي مشـغـــوله بروحــك ..... مـــامـلك عـقـلك وروحــك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه


اعـطي ظهــرك للمــرايـا ..... وشــــــــوفـي غـيـــــــرك

اظهـــري مـن ليل كحـلك ..... ومـن اســاورك وحــريرك

افـتحـي الشـبــاك مـــــره ..... للي وسـط الزحـمه ضـايع

انتي مشـغـــوله بروحــك ..... مـــامـلك عـقـلك وروحــك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه


كلنـــا عـشـــــاق لكــــن ..... كلنــــا نحـبــك .. نحـبــك

وانتي جرحـك في ساكـن ..... وانـا جـــرحي بـــرا قلبك

امشي لو نصف المسافة ..... وقـــــفـي بـيـنـك وبـيـني

اكســـري كـل الـمـــرايـا ..... انتي اجـمـل وسـط عـيني

ياللي مشغـولة بروحـك ..... مـن أخـــذ قلبك وروحـك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه

[تسـ тsωαħήــوٍآهـن]

ضيعت الدليليل

كـل مااقــفـــــيـت نــــــادني تعـــــــــــــال

وكل مااقــبـــــلت عــــــــزم بالـرحـــــــيل

وكل مااجــــنـبت واعــــــدني شـمــــــــال

يااهــــل الحــــــب ضـــيعـت الـــــــــدلـيل

الحــــقـيقة غـــــــــدت مـــثـل الخـــــــيال

هـو عـــــــدوي وهـــــو اغــــلى خــــــليل

شفـــت انا الظـــــلم من بعـــض الـــــدلال

يجـــــــرح القــــــلب لو كـانه جـــــــــميل

اشهـــــــد ان الهــــــــوى مـابـه عــــــدال

هـــــو خـــــلى وانـا قــــــلـبي عـــــــــليل

وكل ماقـــــلـت له يـابــــــــن الحــــــــلال

المحــــــــبة عـــــــــطا وانـت بخـــــــــيل

الـتـفـت لـي وهــــــو عـجـــــــل وقــــــال

لـــــــــذة الحــــــــب في الشىً القـــــــليل

[تسـ тsωαħήــوٍآهـن]

اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه..

[تسـ тsωαħήــوٍآهـن]

دروب الارض .. لـكـــــــــــــــــــــــــــن

انـا احــــس السفــــــــــر ســــــــــــاكن

دروب الارض .. مابـيـن الامـــــــــــاكن

ولغـيـر الارض وين بنروح .. نسافـــــر

كأن الصــــوت .. يرجــــع للحـناجــــــر

كأن الدمـــــــع .. يرجــــع للمحاجـــــــر

كأن الجـــــرح .. يرجــــع للخـناجـــــــر

مـثـل كـل الطـــــــيـور اللي تهاجــــــــر

وتـرجــــــــــــــــع كـل مـــــــــــــــــــره

تعـب هاالبحـر لايجـتاز جدران السواحل

تعــــــب هاالبــــــر لايـــرقى الجـــــــبل

تعــــــب هاالقـلــب لايصـبـح امــــــــــل

وانــــــا لي سـنـيـن واحــــــــــــــــــــل

حـملــت الطــــين كله .. لكـل الطــــــين

تخــــيـل ياانــــا المســـــــكـيـن كــم لك

عــلى هـــــــذا الانـــــا .. مصلـــــــــوب

دروب الارض .. لـكـــــــــــــــــــــــــــن

ما للارض لو تبغى الهـــــروب .. دروب

[تسـ тsωαħήــوٍآهـن]

تخير

انـا ماشـــير بالفـــرقا ولا احــدك عـلى المقعـاد

تخـير في طــريق الـوصـل والا درب هجـــراني

حـرام الوصـل مايجمع قـلوبٍ عـن هـواها بعـاد

وبعـض البعــد لـو عــــذب يجمـع بين خـــلاني

تحـسب ان الهوى ضحكة دقايق عشتها فميعاد

الى مارحـت تـنساها وتـنسى الوعـد وتـنساني

الا ياصاحـبي الرفـقة تـرى ماهى ثـياب إجـــداد

تـبـدلها مـتى ملـيـت وتلبـس غـيــــرها ثــــاني

الى ضـاع الـوفـا مـابه هـوى بارجـيه انا ووداد

ترى ذا الفـرق بين اقـرب قـريب وبين عـدواني

تحاكيني بطـرف لسان وهرجي من صميم فـواد

وتـقـف مـن بعــيد ويـم درب المـــوت تنحــاني

[تسـ тsωαħήــوٍآهـن]

لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي .. حبيبـي

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

لو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا




بدر بن عبدالمحسن

[تسـ тsωαħήــوٍآهـن]

قصه حب

.. في كل قصة حب أحلام ومدينة

.. ليل ونخيل وهبوب

.. لكل قصة حب لو كانت حزينه

.. أجمل ألوان الغروب

.. ناظري ضيّ الحوانيت القديمه

.. ونقش أبواب البيوت

.. كلها شعر ومواعيدٍ قديمه

.. وصوت قلبـي اللي يموت .. وما يموت

.. لكل قصة حب عذال وحسود

.. ليه تخدعنا الأماني والليالي السود .. سود

.. إشعلي جمر العناد قربـي معاد أشوفك

.. لا يفرقنا السواد

.. ارسمي وجهي بكفوفك

.. ولا تجرّحنا عيون الليل وحروف النميمه

ولا يعذبنا السكوت

.. إن عطشنا أو شربنا الدمع ديمه

للهوى بنحيا ونموت

.. لكل قصة حب أشواك و ورود

.. وليه نصرخ من ألمها وكلها تنبت في عود

.. ناظري هذا قمرنا لو تغطيه الغيوم

.. وناظري هذا شجرنا ومهما تحرقه السموم

.. ولو تجرّحنا عيون الليل وحروف النميمه

.. ولو يعذّبنا السكوت

.. إن عطشنا أو شربنا الدمع ديمه

!! للهوى بنحيا ونموت


بدر بن عبدالمحسن

[تسـ тsωαħήــوٍآهـن]

البتول

كـل أرضٍ تشيلك ..يـا ثـقيـل الحمــول

وكل وقتٍ كريمٍ بالرضا والزعل

وين مـارحت تلقى لك حبيب..وعـذول

وين ما كنت تلقى مثل يـاســك..أمــل

يـاطـــريــق الــترجـــي والــولـــه والـنـحــــــول

والله إنـــي مـشـيـتـك.. لـين حـــد الـثـمــل

مــالـقيت فــوصــــولي لغــير قــبري وصـــــول

ولا عـرفت فـحيـاتي مـثل عرفـي الجهـل

لا تظــن المـســـــافر مـن يســوق الـرحــــول

مـن وقف دون حلمه..عـاجزٍ ما رحـل

وما لمخلـــوق منجا في الحـــذر والجـفـــول

مـا تـصيب السـهــام ولا يـطـيـش الاجــل

الـلـيـالي خـــــوات.. مــير مـنـهـي البـتــــول؟

والحــوادث عـشــــايـر مـير ويــن الفـحـل؟

ليلةٍ لـك ..وليله.. بـالفـــرح مــا تـطـــــــول

ولـيـلـةٍ مـن شــهــدهــا ذب راس الــجبـــل

أتذكّر في عين الشمس طفــلٍ خـجـــول

شـالـتـه فــي هــدبــهــا وقـت لــين إشـتـعــل

أعجب الناس وهجـــه بالجــدل والفـضــــول

ما دروا عن (جمـــال الجـرح) لــين إنـدمــل

والله اني كتـبـتـه في العطــش والذبـــــول

لــين غــصــنــه تــعـــدل بـالــورق وإعـتــدل

والله إنـي كــتـبـتـه لــــين قـــــــال الجـهــــــول

والله إنـي كـتـبـتـه وانــتــشـى واحـتـفــل

ما أتفه الشعر كانه هالحكي اللي نقول

لا تـعـدى الــمــــديــح ولا تـعــدى الـغـزل

إن لثمت الزهــــــور وصــــاحبتني الحقــــول

مـاهقيت ان صافـي الشهـد عيب النحل

مابقى في ضلـوعي كود ريـح مـعـمــــول

وثــــوب شـاشٍ عـليه مــن النــدامـه وحــل

ألـتـفـت للـطــــريــــق ومــا عـــبر مــنــه زول

فـــي جـفــوني تـزاحم عبرتي والـوجــل

طـلـت يالعـمر والا قــلــعـتـك لا تـطـــــــول

طــاولــتـنــا الـلـيــالي بالـســــهــر والــمــــلـل

إن تـعـبـنــــا نـــحـب ولا لــقــيــنــا قـبـــــــــول

مـا تــسـر الامـــانـي..ولا يـفيـد الـعــذل

لكن الله كريم وكل همٍ يزول

مـا على الله بعيد..ولا جـفــاك الـمـحـــل

كـل أرضٍ تشيلك ..يـا ثـقيـل الحمــول

وكل وقتٍ كريمٍ بالرضا والزعل

[تسـ тsωαħήــوٍآهـن]

افارقأفـارق هـالنـجـوم الطـايحـه بيـن السمـا والـقـاع

وفي قلبـي من الأوجـاع مـا يكفي

وفي قلبـي أفـارق

ورا هذي الجبال سفـوح وعيـونٍ مالها عيونك

.. ولا قلبك

أسـافـر كـل قلبـي جـروح وانـا أحبـك

أبـي لا طبـت طـفّيتـك حرايـق

حزين اللي تركت البارحه وجهه على كفوفك

غسل بدموعه طيوفك

.. غرستي في قلبه حروفك بيـارق

ولو بيديني غيرتك

.. ولو مثلك في هذي الأرض ضيعتك

ودوّرتك .. ولكن إنتي غير إنتي

..وانا مثل الخلايق أفارق

.. ودايم قصة العاشق قديمه

.. مثل كل الفصول اللي على مر الزمن تنعاد

.. عزانا والدموع جداد

لأن الشمس وحده ويا كثر المشارق

.. في دروبـي رمل لامن جيت سـاري

.. ينبـت الأشـواك لامن رحت سـاري

صاحبـي ماجيتك إلا وفي طريقي من ربيع العام

نوّار وخبـاري

ولا تواعدنا وبه في الأرض زهره ولا تفارقنا وبه

للبرق طـاري

.. لا تأخر دام لي في العمر ساعه

.. ولا تقدم لين أشوفك في انتظاري

.. الزمن ورده سهرت أحسب ورقها

.. وإن قضا ماجيت في دموعي عـواري

.. حبـّني كثـر اللـذي نلقـى بوعـدنا

من ظـلال وريـح ونـجـوم وغـداري

.. صاحبـي مثل الخجل لو تكتسي بـي

قبل أصير الشـال يذهلـني انحسـاري

.. يـاقـريب البعد للشكـوى أسامـي

الجفـا .. والخوف .. وآخرها حذاري

.. وانت لو خان الزمن بقول وافـي

لا أنـا تركي

.. ولا أظنك مشـاري


بدر بن عبدالمحسن

[تسـ тsωαħήــوٍآهـن]

مالى ابل
صوتٍ شبيه الريح

..مشققٍ بأعواد شيح

مرتّق بالدم معتّق بالهم زافر

صوتٍ مثل خضر العروق اللي على ظهر الكفوف المبطيه نافر

صوتٍ ذبيح يصرخ يصيح وابلك خذوه القوم

بين الفزع والنوم

أسرجت إبلي ألف

وسلّيت سيفي ألف

وظهرت تحت الشلف

ماكان في الشارع غير الرصيف والفجر

وبواب جيراني من هالمدى راجع

يحمل رغيفٍ حار

..زاد لثلاث صغار

للمدرسه صحيوا ولبسوا مرايلهم

سنين سنين هالصوت الجارح الزاجر

يصيح بي وينك

..قطفت بساتينك

وابلك خذته القوم..خذته القوم هالابل

أفـّز وفي أنفي عـجاجة الغـاره

وأصحى وفي كفي ساعه ونظاره

مالي إبل أرجـوك مـالي نخيل

..لانصل ولا حـافر

تعبت من صوت العروق المبطيه

..ومن صمتي الفاجر

وأنا أخر الفرّيس ظنك

أنـا أخـر الفرّيـس

حسبك ياحادي العيس

هذا الزمن عاري ..لاردن ولا جوخه

يصهل مهر راكان

وينادي ابن مهيد

يوقف شعر هالبيد

هذا الزمن أصمخ..مايسمع شيوخه

شد الرحال ..سافر

دوّر ياحادي العيس

..روض وزهر ماديس

ولذنوبنا

..لذنوبنا غافر

وداع يا خضر العروق اللي على ظهر الكفوف المبطيه

ويالماضي الحاضر


بدر بن عبدالمحسن

[تسـ тsωαħήــوٍآهـن]

أقـوم بجبـال ولا أقيم في سفـح

لـو أطعموا لحمي لعوج المخالب

يابنت مابه ذنب يصعب على الصفح

كود الهوان وعيش سحم الثعالب

لاوالذي كرّم جديلك عن النفـح

العز ماهو بين شـاري وجـالب

الله خلقنـا تلفـح وجيهينا لفـح

حـر السمايم في عزيز المـطالب

سـوى رضينا أوطفح كيلنا طفـح

عض النواجـذ طبع والطبع

[تسـ тsωαħήــوٍآهـن]

لامن غديتي شمس .. وشلون اعذلك
لابد مايظهر مع طلعتك نور
ماالومهم وان لدت عيونهم لك
من ناظرك ياربة الحسن معذور
تلطفي وان كحل التيه نجلك
وتواضعي لوبك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لاصار لي قلبك.. وروحك .. ووصلك
لاقافلٍ باب ..ولا بانيٍ سور

[تسـ тsωαħήــوٍآهـن]

قال السراب وقلت ظامي سـرابه

قال الهلاك وقلت لعيون الاحباب

يا لايمي في حب متـرف شـبابه

الموت حق ولاتبـرق في الاسباب

كانة ذبحني صـاحبي من عـذابه

مابي لدمي يا أهل اللـوم طلاب

الـجادل اللي فية زيـن ومهابه

تاقف له قلوب وتخضع له أرقاب

في حجر عينة لي غديـر وسحابه

وفي وسط قلبي لة تناهيت وعتاب

إن قلت أحبة يكفي القلب مـابه

وان قلت أنا مابية..باصير كذاب

[تسـ тsωαħήــوٍآهـن]

شكرا صدقتك

لو كـان في كفي رميته في كفك

يفـداك مافي الحب من صـادق الحب

تـحبنّي؟..ياعلّني بعض ضـعفك

قلبي جـرادٍ بعد مـا حصـّل العشب

أنا قـديم الـهم وأنفـع لعطفك

أما الـهـوى ياسـيدي مركبه صعب

يا ليت لي صهوة جوادٍ وأخطفك

للشمس لنجـوم المجـرات..للشـهب

تحبني..وأقـول من زود لـطفك

شكراً صدقت..وألف شكراً على الكذب

[تسـ тsωαħήــوٍآهـن]

على النوى علمي.. بهم هجـعة الليـل

نجلا العيون من البكا كحلها سال

واليـــوم غـير اليــاس قـــل الـمــراسـيــل

يــا مــن يــطــمـّـني عـسـى لـيـلـهم طــال

الله عـلى اللي مـا صــفط لي غــرابـيـــل

لاشـك شــرع الـحـب همٍ وغربال

قـفّـــا ولي فــي حـجــر عيـنه تعـالـيــــل

تـقـــول يـا ذا الـبـعــد نـجـزيــك بـوصـال

وتــعلــقـت روح الـلـيــالي الـمقــابيــــل

و يـا عنك مـا يـامـن مـن الـوقـت رجّـال

لا مــا عـلي لــو دمـــع عـيـني همالـيـــل

المـــوت دمـــع القـلـب لا صـار هـمــّال

[تسـ тsωαħήــوٍآهـن]

الما ركـد والجريد الغض..ما هـزّه

نسـايمٍ والـزمـن لا جـا ولا راحي

جمحت يا مهر حظّي وأثر بك فـزّه

ما طـوّلت كلها غـارة ومشـواحي

لو كنت رمحٍ بكفّي كنت با هـزّه

لاشـك منهـو عليه أهوش بسلاحي؟

ولو كنت بيرق عقيدٍ ويـن أبا رزّه؟

وأطـول طويل أشوف..هضبة جراحي

يا سـيّد الناس..شمسك مالها حـزّه

تعبت أمـاري بشمعي وضي مصباحي

من مس نورك جبينه يبشـر بعـزّه

ومـن مـر ليلك عتيمه بارقـه لاحي

يا سـيّد النـاس..كلٍ لابسٍ بـزّه

صعب إن أفرّق ما بين الخبل والصاحي

كم واحدٍ مـر..قال عيـوني تخـزّه

هو ما درى إني عمى عن قاصر أشباحي

أنـا عيـوني تتـل النجم..وتكـزّه

عن حـارك الفلك..هذي عادة رماحي

وما ألوم حظي..تعب من كثر ما دزّه

لو هـو لغيري..نسـاه الهم..وإرتاحي


بدر بن عبدالمحسن

[تسـ тsωαħήــوٍآهـن]

قـالوا حـروفي عمي وعيونك بــروق

مـــافـي قـصـيــدي جـنـح ليـلٍ وبـــارق

قلت اللذي له داخل ضلـوعي حـروق

أقـرب من اللي في سـما الناس شـــارق

غيري يشوفك وأجود الشعر مطروق

وأنـــا أحــســّك وأصــدق الحـب فــارق

يـاللي عيـونك دم وعيــونك عـــروق

ولهــاث قـلــبٍ فـي نـواعـســـك غـــارق

أقــول أحبـك يخـرج البحـر صنـدوق

تبـــرا الغـــزاة وكـنــز ســــود البيــارق

وأقــول أحبـك صـدرالايـام مشقــوق

عـن وجـه غـرنـاطه وعــن مهـر طـارق

وأقــول أحبـك والله إني مـن الشــوق

ألـقـــا طـيــوفـــك فـي جـمـيـع المفــارق

كتب لك قلبٍ مــن القـلب مـســـروق

ولا طاب لي وصفٍ من الوصف سارق


أقــول أحبـك

[تسـ тsωαħήــوٍآهـن]

إرفع جروحك عن وصـال الخناجـر

نـزفك عــزيز ومثلك النجــم لاطـــاح

ولاتنحني للريــح والــذّل فـاجـــر

والخـوف ســـاس الـذل والغبن ذبـّاح

مادام لك عن خفضة الهـام زاجــر

إمّــا إنكـســـر ولا تعــدّاك الاريـــاح

مانته بعشبٍ نـابتٍ وســط حاجـر

ولا إنت بشـــراع التيـه والـوقت مـلاّح

إنت الّذي باسمك تضيق الحناجر

لو إنطقوا بك همس سمعوا بك صياح

تقفي وكن الحرف للحـرف هاجـر

وتقبل وقـلب الصـخـر بالشـعـــر بــوّاح

ولا من رمى صبحك عباة الدياجر

ثم إنتهى ظمــاه شـع بالنـور مصباح

إرفـع جروحـك عن تـراب الخناجـر

نزفـك عـزيــز ومـثلك النجــم لاطــاح


بدر بن عبدالمحسن

[تسـ тsωαħήــوٍآهـن]

في دربـكم يا راحلين منا منـاكيف

تـالي ليـالي القيظ و أول خـريفه

ردّوا سـلام أهل القلوب المـواليف

على الوليف اللي نشــد عـن وليفه

ردّوه لعـذوق النخيــل المهـانيف

وعلى القصـور اللي بـوادي حنيفه

دارٍ لهـا بالقلب عشــق وتـكاليف

يـاعـل عيـن مـاهـوتها كـفيفه

طـبنا وشـبنا وأتـعبتنا المشـاريف

والمـرقب العـالي هبـوبه عـنيفه

يا وارديـن العـد..كفـّوا المغاريف

اللـي بقـى دمـع هـماجٍ ذريـفه

والله لــو دمّي يـغيث المـلاهيف

قطعت عـرقي ليـن يصفى نـزيفه

ويا حظ من لا عرف منهو ولا شيف

إن طـاب..يحمد وإن تـردّى..بكيفه

وحنا ورثنا العـز عظم وغضاريف

لا مـا ورثـنا العـز تـاج وقطيفة


عظم وتضاريف

[تسـ тsωαħήــوٍآهـن]

كل مادعاني الشوق للقلب الأول
القى مكان القلب في الصدر تنهيد
وطيوف ذكري في الحنايا تجول
تجمع صور وأوراق من باقي العيد
مدري سبقني الوقت والاتحول
أخلف ربيعي وادهرن المواعيد
أو هو الصبا .. نجمٍ رقى ثم حول
غاب وسما وجهي مشيب وتجاعيد
أحبابنا ليت الذي راح طول
وليت الذي باقي لما فات تجديد
انتم مثل قلبٍ عرفته امنول
وأصبح مكان القلب في الصدر تنهيد



بدر بن عبدالمحسن

[تسـ тsωαħήــوٍآهـن]

عتيم الليل
قمرنا من زمان والله ..
فقدنا نوره ..
عتيم الليل ..
احس النظره تتكسر ...
على سوره ...
سهرنا ..في عتيم الليل .. حزين الهمس ..
قدرنا ... ننتظر باكر .. شعاع الشمس..
تعالى .. طالت الغيبه .. وأنا مشتاق ..
أنا مشتاق .. أنا الأشواق .. أنا العشاق ..
تعالي من جسور الليل .. تعالي ضي ..
تعالي في هجير العمر .. حنان وفي..
وربي طالت الغيبه ...
حنون الليل .. وصوتك همسة التحنان..
حنون الليل .. بيروي بالأمل عطشان ..
حنون الليل .. وانتى بتسمعي صمتي..
تحسي بي ..
تقاسي في تعذيبي ..
تشديني من الأمواج..
ترسيني على مينا .. وصوتك في ليالينا ..
أبد ساري ...
حنون الليل .. وانت الريح والساري ...
تعالى .... طالت الغيبه
وربي طالت الغيبه ...



بدر بن عبدالمحسن

[تسـ тsωαħήــوٍآهـن]

ليه انكسر ... مثل القزاز ..
كل مرةٍ .. أبوح همي .. وتسمعه
ياصاحبي .. وش حاجتك .. في غرشةٍ
طاحت شظاياها بيدك ..
وش حاجتي .. فما تجمعه ..
لي صاحبٍ .. كل مااشتكيت ..
همي عليه
دايم يجرح اصبعه ..
واصاحبي
الشكوى بها ذل ..
حدٍ رهيف .. أنما جرح يقتل ..
الشكوى ماتلبس ثياب..
عريانةٍ ماتلبس ثياب ..
في وجه راعيها ..
أموت أنا لو قلتها .. وأموت ابخفيها ..
ياهيه .. وان كانك رفيق
قم دلنى .. على طريق ..
ماهو يوصلني لطريق ..
عن يمةٍ .. غير الجهات الأربعه ..
اطلق حبال الليل .. خل الظلام يسري ..
المركب اللي كل مافل الشراع .. قلنا بعد بدري
ابي .. اوقظ النوم .. وأهدهد اسهادي..
أحفر في رمل وسادتي .. قبرٍ وسيع ..
أبي ادفن اعنادي ..
ابطرد الدنيا ورى باب الجفن .. وأغمض اعيوني ..
مابي اعض ابهامي بسنوني .. واشكي عليك ..
الليل كله .. ياصاحبي
نجم يطيح .. خله .. خله يطيح .. لاترفعه ..
أنا انكسر مثل القزاز .. كل مرةٍ تدري بهمي وتسمعه ..



بدر بن عبدالمحسن

[تسـ тsωαħήــوٍآهـن]

لالا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ماغاب
الليل تحت الشجر عاري
والفجر غطى السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ماللندم اسباب
مدري تعودت مشواري
أو خان بي قلبي الكذاب


بدر بن عبدالمحسن

[تسـ тsωαħήــوٍآهـن]

يسعد صباحك .. ليلنا تو ماجا
الشمس غابت واشرقت عندكم ... شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجــا
لاماطفت في خاطري .. شمعه الهمس
يالى جرحتك ... مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس


بدر بن عبدالمحسن

[تسـ тsωαħήــوٍآهـن]

تذكر النسيان ... لاعاد تنساه
ياقلب ... وانسي القلب لعل يشفا
يدرى الحبيب ... انه حبيب وابجفاه
ماهو خراب الكون ... لاقفيت واقفا
كان الخطا منى ... فقلبي خطاياه
هو علمه ... وشلون ... يهجر ويجفا
تعب المسافر ... وابعد الموج مرساه
صار المدى له يم ... والشمس مرفا
ومل الهوى نوحه ... وبوحه ... ونجواه
ماعاد لى صبر على الجراح ... تكفا
الى متى ...صدري بيحترق حناياه
كنك على صالي ...عظامي بتدفا
والى متى ... جفنى بيسقيك من ماه
كن الليالي لاصفا الدمع تصفا
تذكر النسيان .... ياقلب وانساه
وانسي ... الجروح اللي مع الوقت تشفا


بدر بن عبدالمحسن

[تسـ тsωαħήــوٍآهـن]

ليلي مثل ليلك ... او همومنا غير
قلبي صباحك مشرقه مع صباحي
يااللي السما عندك... رياض ... ونواوير
ومن الفرج عجعج سناها ... وفاحي
وانا نجومي ... في الغداري مسامير
على السما ... دقت فكل النواحي
علمي بنور الشمس ... وقت المعاذير
قلت الفراق ... وصار هذا مطاحي
كان الالم .... غيث فدمعي تناثير
وكان الندم سيل فخدى ... بطاحي


بدر بن عبدالمحسن