الوابل
05-02-2008, 10:16 PM
السلام عليكم ورحمه الله وبركاته
اسعد الله جميع اوقاتكم بكل خير
احببت ان انقل ما اعرفه عن الشاعر سعد الحريص وبعض قصائده
الشاعر سعد بن عبدالرحمن الحريص المطيري
شاعر انصفه جمهوره ولم تنصفه الصحافه كتب قصيده متفرده تنظر لدواخل الاشياء اكثر مما تبدوا عليه في الظاهرعجز عن مجاراته الكثير
كتب عن حرمانه ...وكتب عن صمته ...وحزنه...فابدع ايما ابداع..ووقف ضده الاعلام فتره
واقصد بالاعلام هنا الصحف والمجلات التي تعنى بالادب الشعبي ..
وكل ذلك لانه لم يسير على النهج الذي اختطته الصحافه لانصاف محسوبياتهم ،،
فسعد الحريص .. كما يقولون انه صعد للقمه بدون استشارتهم والصحيح انه نزل الى القمه ؟؟
سعد الحريص..ظاهره لن تتكرر في الشعر النبطي الحديث ..
بدا كالعاصفه او اشد قسوه لم ياتي كما يفعل الكثير باطراء الكبار من الشعراء وكسب ودهم
ومن ثم الوصول اليهم والى طبقتهم عن طريق مهادنة محرري صفحاتنا الشعبيه لا بل اذكر من اوائل قصائده كان يقول .
انا ما جيت اعدل منعوج جيت اعوج المعدول ؟؟
.............. واشب النار بطراف القصايد .. واشهر سيـوفي
سالوه حينها من انت ومن هو المعوج ومن اين جئت وكم ترتيبك . ((السوال الاكثر ..متداولا في ساحتنا الشعبيه)) .
فقال انا الثاني وضعوا من ترتضونه اولا .؟؟؟
وربما هذا ما اخاف الكثير من الشعراء المحسوبين على الشعر فاخذوا بمحاربته وازداد بسالة وشجاعه فانشد فقال
ان رحت يا كثرهم وان جيت يا كثري
................ضاقت بي اعيونهم لو كنت وحداني ؟؟؟
ولكن لم يدم صموده كثيرا فالجماعه تغلب الشجاعه كما يقال فابتعد برغبته
وترك كرسي القمه شاغرا الى الان ؟؟؟؟
حين قال
من جزم نفسي يوم صار الردى طيب
.................حلمي قبل لا يكسرونه كسرته !!
ثم صمت بعد ذلك طويلا وعاش وهو يغني للصمت يقول
طال السكوت وما لصمتي مطاليب
................غير الكلام اللي وقف وانتظرته
ويقول ايضا
واصمتي اللي صار فـ عيونهم عيب
...............واجرحي اللي لو فضحني ...سترته
هكذا هو دائما حتى في عتبه لا يفارقه طابع الحزن ومناجاته للعيون فكانت نظرته
ان العيون هي المحرك الرئيسي للشاعر في محبوبته او لمكانة شخص ما
فهي في العين لا القلب يقول
يا صاحبي مجروح انا منك مجروح
...............ياللي تغير في عيونك ...محلي
يقول ايضا في قصيده اخرى عن حزنه
غنيـت للدمـع يومـن البكـى كـبـري
.............. واليوم انا اكبر من دموعـي وحرمانـي
نعم هذا هو سعد الحريص الشاعر الرقيق الحزين يقول في احد احزانه اقصد اشعاره
ان تركتيني في ليلي صرت قارب حزين ؟؟؟؟؟؟
انظروا الى التشبيه لتعرفون مدى حنين هذا الرجل اذكر حديثا عندما سئل مره اخرى السوال المتكرر ماهو ترتيبك بين الشعراء الان وبعد ابتعادك المريب عن الساحه؟؟؟؟فاجاب
الشاعر الجيد كالصقر والصقور لا تطير اسرابا.
واسباب هذا الغياب تظل اسيره في قلب شاعرنا سعد الحريص .
واترككم مع اروع ماقال شاعرنا سعد
.....!!! برد المكاتيب!!!.....
هبت جنوب وطاح برد المكاتيب
..................ويا كثر ما هب الجنوب وذكرته
يملا حضوره من حضوري وانا اغيب
..................وياما غيابي في غيابه حضرته
انا جا مطر صارت له اضلوعي اشعيب
..................وان راح ريح(ن) طير اللي بذرته
طال السكوت ومال صمتي مطاليب
..................غير الكلام اللي وقف وانتظرته
جنبت لو مالي عن الدمع تجنيب
..................من وين ما صديت فيني شعرته
واصمتي اللي صار فعيونهم عيب
..................واجرحي اللي لو فضحني سترته
لي صاحب(ن) يملا كفوفه تراحيب
..................لولا الحيا من ضحكته ما اعتبرته
يا صاحبي ماهي عليا مقاضيب
..................عذروبي انك ذخري اللي ذخرته
عذروبك انك شوهتك الاكاذيب
..................عذروبك انك جاك طيب ونكرته
ان جيتني بفراق زود العذاريب
................ لاجيك انا من زود صبر صبرتــه
للطير جنحان وريش ومخاليب
..................لكن يضيع صيدته في غبرته
ومن جزم نفسي يوم صار الردى طيب
..................حلمي قبل لا يكسرونه كسرته
ومن راح مني قـلت يا عله مصيب
..................دورت له عذر(ن) كريم وعذرته
للي يبي بعدي انا ماني قريب
............... اما ربحني ولاانا مـاخسـرتـه
قلبي خويي مالقلبي معازيب
..................واللي حقرني من رداه احتقرته
رغم الجروح اللي بقلبي معاطيب
............ حبيت كفين الزمــان وشكــرته
****
.....!!! حادي العيس !!!.....
البارحه غنيت ياحــــــــــادي العيــس
................. واليوم صمتك عن عيوني حــــداني
اليوم تلعب بـــــــــــي رياح الهواجيس
................. ولادري عشانك ضيقتي أو عشاني
مابين لوعات الجفا والوســــــــــاويس
................. البرد ساكن فـ ارتعاش المـــــحاني
وانا حبيس الصمت سجن الاحاسيس
................. ضاق الزمان ولا وسعنـــــي مكاني
والنور طعمه في عيون المحـــابـــيس
................. مرٍ مثل طعم الكلام بلـــســــــاني
متى بشعري يزهرنّ الكراريـــــــــــس
................. ومتى بقلبي يمطــــرن الأغــــاني
بيت الشعر ماهو كلام بــــقراطيــــس
................. ليت القصايد بالدفاتر مبـــــــــــــــــاني
والله ليفرق شعر من يرجي الكيــــس
................. عن شعر من ينحت صخور المعاني
ويبان فرقي باختلاف المقايــــــيــــس
................. حتى تحس بصدق وش كثر اعاني
والا الأماني راس مال المفاليـــــــــس
................. عزي لمن كانت جداه الأمـــــــاني
.....!!! كل الدروب !!!.....
هذا الكلام جروح واوجاع واشواك
............... كنّي على طول السكوت مغصوبي
ازعلت ذولا..لجل يرضون ذولاك
.............. لا مرضيٍ نفسي ولاهم رضوبي
تعبت اقلب في يديني هداياك
.............. وتعبت اشاور توبتي في ذنوبي
لولا الزمن لولا الليالي ولولاك
.............. ماصار طيبي دوب حبك ودوبي
هب الهوى يمك وبانت خفاياك
.............. ولاعاد لك قلب يميل للهبوبي
اول عيوبك في عيوني مزاياك
.............. واليوم ميزاتي بعينك عيوبي
وكانك تشوح اليوم منا ومناك
.............. والله لا ارجع كل الانظار صوبي
وان قلت انا بنساك ياسرع مانساك
.............. من قبل ينشف عطرك اللي بثوبي
الشمس باكر فيك وإلا بلياك
.............. ماهيب لاموتي ولاهي غروبي
وإذا انقطع درب يجيبني بذكراك
.............. كل الدروب اللي تودي دروبي
****
.....!!! اكثرية !!!.....
ضاقت الارض واشتد الزمان
.............. راح وقت الهموم الشاعرية
من فقدتك واناماني بأمان
.............. والقصايد ماعادت منبرية
كنت اجيلك وكان الشعر كان
.............. ورد روحي وقلبي مزهرية
اكثري حب واكثرك الحنان
.............. وش كثر كانت الدنيا طرية
من حنانك يضيق بنا المكان
.............. وين ما اروح القاك اكثرية
****
.....!!! العبارة !!!.....
مريت فينا ليلة مالها وصف
.............. في وصفها ضاقت علي العبارة
رحبه جميله ناعمه جوها ترف
.............. مثلك حبيبي واسعدتني الزياره
فعيونك التحنان وفقلبك العطف
.............. رغم السنين وفي سلامك حراره
نظرتك حب وبسمتك كلها لطف
.............. يلوق لك ثوب البها والطهاره
من جرحك الأول إلى جرحك الألف
.............. قصيدتي بين الألم والمراره
واللي كتب فرقاك ما جاز لي حرف
.............. عقبك ولا قلت افدحي يا خساره
اقول في نفسي ورجلي على جرف
.............. إما عمار القلب والا دماره
لا طاب لك جرح ولا منقطع نزف
.............. والوقت مر وحان رفع الستاره
****
.....!!! برد الخوف والمستحيل !!!.....
غابت الشمس وإلا الحزن له مغربه
..................... وين أبغرب وأنا حزني غروبه ثقيل
مجدبه ياجروحي والسماء معشبه
..................... ساكنه والهوى ميل جريد النخيل
بارده ياحروفي والدفاء موهبه
..................... بارده مثل برد الخوف والمستحيل
صوتٍ أبعيد في قلبي ياليت أقربه
..................... وبين قلبي ومابيني طريقٍ طويل
ليت حزني مثل حزن البشر وأكتبه
..................... وليت دمعي مثل دمع العيون ويسيل
أشهد أني ردي حظ وردي تجربه
..................... وأشهد أني على بعض المشاعر بخيل
أيه مذنب في هالدنيا وهي مذنبه
..................... من دفا حلمي الطيب لبرد الرحيل
عذري اللي متعبنّي وأنا متعبه
..................... مال قلبي على بعض الهقاوي دليل
كل طيرٍ له اللي بالسماء يجذبه
..................... وكل غصنٍ تجوز له الهبايب يميل
صرت أقول الكلام المر وأستعذبه
..................... صرت أخاف الدفاء لوني وحيدٍ نحيل
كم صبرت وليال الصبر مستغربه
..................... لين قلة حلاة الصبر لو هو جميل
الزمن صعب والنسيان يامصعبه
..................... والدفاتر نشيّلها الهموم وتشيل
****
.....!!! يا حادي الركب !!!.....
يا حادي الركب لا تنطح هجير الشموس
........... و أحجب ظما البيد عن ماها و عن عيسها
كل ٍ على قد فهمه و الليالي دروس
...........و هل الحجا تفهم الدنيا و تدريسها
و الشجره اللي علت في جذعها نخر سوس
..............لو تصبر الريح عنها كان ما جيسها
ابقطع الصمت في صوت ٍ كما حد موس
...........و أقرع طبول الوفا و أضرب مراويسها
ما كانت الحرب إلا حرب روم و مجوس
...........و إلا أرضها يعربيها في تضاريسها
في قدومها تفتن الأنظار مثل العروس
...........و عجوز شمطى إذا أقفت في هداريسها
ليا قبست قل طالبها و طاب الجلوس
..............لو قلت يا كثرهم فينا معاريسها
ماهي بداحس و غبراهم و حرب البسوس
................جحافل الروم تزمي في كراديسها
أقول وجه الزمن باكر علينا عبوس
...........والله يكذب فزع نفسي و أحاسيسها
.....!!! العذر مكتوب !!!.....
العذر مكتوب لاصـار الخطـاء مقـري
.............. آسف على ضحكتي وآسف على احزاني
خطـاي معـذور والا غلطتـي عـذري
.............. و مرارة العذر فـي قلبـي وفـي لسانـي
مدري وش اللي ذكرت وضاق به صدري
.............. مـدري وش اللـي نسيـت ولاتنسانـي
لبست انا ثـوب لاطولـي ولا قصـري
.............. ياطيبـه القلـب ويـن القلـب ودانــي
سنتين من عمرها مـرت ومـن عمـري
.............. سنتيـن احـس الزمـن فيهـا تعـدانـي
سنتين مرت حياتـي مـن ورا ظهـري
.............. والحب سجنـي ومسجونـي وسجانـي
والشعر مطرود من قلبي ومـن فكـري
.............. سنتين ماني ب انـا مانـي باحـد ثانـي
غنيـت للنـاس والدنيـاء علـى خبـري
.............. والشعر في دفتـري مغـرور وانسانـي
غنيـت للحـب يـوم عيونهـا تـغـري
.............. يوم الوفـاء والكـلام الطيـب الحانـي
غنيـت للدمـع يوم(ن) البكـى كـبـري
.............. واليوم انا اكبر من دموعـي وحرمانـي
اليوم ماعاد يمـدي اللـي جـرح يبـري
.............. مليـت كثـرت خطاياهـم وغفـرانـي
مليت انا الشعر مل الشعر مـن شعـري
.............. مليت انا الحـب مـل الحـب وجدانـي
و لو هي عليه عزيز النفس مـن صغـري
.............. ماشاور القلـب فـي كرهـي لعدوانـي
ان رحت ياكثرهـم وان جيـت ياكثـري
.............. ضاقت بي عيونهم لـو كنـت وحدانـي
تعبت وازريـت مامليـت مـن صبـري
.............. ليـت الـذي راح منـي كثـر ماجانـي
احيان ودي اطيـح مـن التعـب وازري
.............. و تشيلنـي عـزتـي وسـلـوم جـدانـي
****
.....!!! ديار المسلمين !!!.....
أنفض كلامك عن غبـاره
............. صمتك فقلبك لـه رنيـن
قلبك ماكـان إلا مغـاره
............. ترسم بها جـرحٍ حزيـن
رسمٍ نقشته فـي حجـاره
............. يشبـه رسـوم الأوليـن
ياوجهٍ أخجل من وقـاره
............. حلو النبا سمـح الجبيـن
ربح الزمن هذا خسـاره
............. والخافيـه باكـر تبـيـن
طاحة فأمريكـا عمـاره
............. هـزت ديـار المسلميـن
منها بدت حرب الحضاره
............. حـربٍ تـروع الآمنيـن
ماتاسع الجـرح العبـاره
............. ويضيق فالصـدر الآنيـن
أصعب من الموت أنتظاره
............. والأصعب العيش المهيـن
اللشـاعر العـذب // سعـد الحريّص ..
هوالشـاعر الذي أبتعـد عن الشعـر حفاظً على نفسـه و و أبتعـاداً عن هـذه المهـاترات الشعـريه الحاليه في السـاحه الشعبيه ..
و إبتعـاده
عن الشـاحه الشعبيـه ترك بهـا فجـوه كبيـره ..
و أذكـر أن الشـاعر الأميـر // بـدر بن عبـد المحسـن // قيل له لو طلب منـك أن تحـيي أمسيـه في دولة الكويت ..
من تخـتار معـك من الشعـراء .. ومـن المعـروف عن // الشـاعر :: الأميـر // بدر بن عبـد المحسـن لا يحيي أمسيـه إلا لوحده ..
فقـال :: الشـاعر الأمير // بدر بن عبدالمحسن أحيي الأمسيـه لوحـدي ..
و إذا كـان لابـد من وجـود شـاعر معـي في نفـس الأمسيـه فلن يكـون إلا (( سعـد الحريـّص )) ..
و هـذه شهـاده من (( البـدر )) بشـاعرية الشـاعر العـذب (( سعـد الحريـّص )) ..
و هـذه أبيـات للشـاعر // سعـد الحريّص // قبل ثمان سنوات كانت على غلاف مجلـة المختلف ،،
أوقد الحرب قل يا نار شبي
موت عز(ن) ولا ذل النجاة
ديرتي ديرتي والدرب دربي
ما حسبنا لها موت وحيـاة
وهـو مـن قـال ..
كن صدري مجلس ارجال وجروحك اضيوف
يطلبـون المسامـح .. وعـيـت عـزتـي
والله اني من رجالن وطوا رمـل الحتـوف
بس انا اللي همت واخلفـت ساقـة عزوتـي
حـــــــــــــدود
اختر لنفسك .. انا اخترت الطريق الطويل ........ بعض الخيارات ماتترك لنا الاختيار
اخترت احبك وشفتك قد مااقدر جميــــــل ........... على حدود النظر والعجز والاقتدار
كنت فعيوني على حد البها المستحيل ............... فــ عين بدر الدجى وفـ عين شمس النهار
استكثر الحب فـ عيونك ولو هو قليل .............. واستصغره في فؤادي لو جروحي كبار
انحت من الصمت كلماتي وروحي تسيل .......... على الورق واشعل لك الدنيا حروف نار
مااقول كان لعيوني عن عيونك بديل ........... لكن مثلي اذا ماحب .. حب بقــــــــرار
لو قلت للقلب لاهب الهـــــوا لا تميل .......... مامال يمك ولو آخر جداه انكســــــــار
اختر لنفسك انا اخترت الطريق الطويل .... بعض الخيارات ماتترك لنا الاختيار
صمتــــي وجعــــــني
بالله ياراعي المناقيد دعني .............. مانيب تاجر والقصايد بضاعه
حرام اعوَد واتبع اللي تبعني ............... وحرام اقول ازريت عقب استطاعه
سكت لين اونست صمتي وجعني ........... وجمال شعري زاد صمتي بشاعه
والشر سيف(ن) ماقطعته .. قطعني .......... والخير في قلبي شعور وقناعه
والطيش ياما للمكاسب دفعني ............... والصبر في بعض المواقف دناعه
وان قلت .. انا باقول .. واقول واعني ......... بالقول طلت اللي يعسر الشجاعه
انا نفعت الشعر لو مانفعني ............... ماخلف هذا الجوع غير المجاعه
شعري شعوري صانعه ماصنعني .......... الشعر عندي روح قبل الصناعه
عندي تساوى مدحهم لي ولعني ........... جمع(ن) عسى مايجتمع له جماعه
كان النسب عن الردا مارفعني .............. ساويت في طيب النسب والوضاعه
وان كان قلب اللي احبه وسعني .......... ماهمني ضيق الزمن واتساعه
سكر الليل.. وملح الأيام
بعد عامين جيـت وصوتـك حطـام
كنـك اللـي يذكـرنـي بـروحـي
شدّ عنك البحر يـا شـط الأوهـام
وألف ساحل يرحـب فـي نزوحـي
إنكسر حلم!! لكـن تجبـر أحـلام
لا أنت موتي ولا أنت أقصى طموحي
كنت للقلب.. صرت لحبـر الأقـلام
صرت للناس, وأوراقي , وبوحـي
سكر الليـل كنـت وملـح الأيـام
صرت حزني, وتنهيـدي, ونوحـي
سافر الورد.. من صيف أول العـام
مثل مـا سافـرت منـك جروحـي
مـال صوتـي إذا راودنـي لجـام
مـال هـذا الفضـا.. إلا جموحـي
يا النـوارس وصوتـك ملـح وألام
البحر راح عـن شاطيـه روحـي
حزين وغريب
حزين مثلي وأنا مثلك حزين وغريـب
لاياعسى شمس من مثلك ماهي غاربه
الدرب واحد وأحس انك بعيد وقريـب
بعيد قلبـك لـو الخطـوات متقاربـه
ما قلت لي شي لكن كان صمتك رهيب
وكان بعيونك كلام أقـراه وأحتاربـه
لوقلت لي والله ليعثرردي النفس طيب
تركت لك هاالجمل حبله على غاربـه
ياذيـب يـا بـارز النابيـن ياذيـب
الطير حول على صيدك وثم طاربـه
ماهوب ذنب الليالي والزمن ياعريـب
هذا زمـان بـه المستعربـه عاربـه
هذا زمان به الهقـوات دايـم تخيـب
وشلون لاصارت الهقوات متضاربـه
من لانفعته وهو عندك كريم وحبيـب
كرهك إذا دارت الدنيا ماهو ضاربـه
شيقول مثلي ليا ضاق الكلام الرحيـب
في لحيته لاسكت وإن قال في شاربـه
،،،،،
وينك نحل صوتي من الحزن والصمت .. يا ضحكة الدنيا وضحك الليالي
باسمك بكى صوتي وباسمك تبسّمت .. للي بقى للحب منك وبقى لي
شفني على كثر الجفا ما تعلّمت .. لو ما ورا فرقاك هذا وصالي
شفني ذكرتك همت بك كثر ما همت .. ما ضاق بك قلبي ولا ضاق بالي
عن كل عين ما لها دمعتك صمت .. يا عيد قلبي حاجبك هو هلالي
انا حرمني منك وقتي وحرّمت .. عقبك اعشق عيونهن يا حلالي
،،،،،،،،،،
يا حلو صوتك يجي دايم حزين وصدوق .. يسكن به البرد ويبلل ثيابه بكاك
مليان بالود واحساس الحبيب الشفوق .. حنون من أول عيونك لآخر مداك
مليت ظلما الفراق وكان صوتك شروق .. يا شين بعدك ويا كثر الجفا في جفاك
بيني وبينك تعب بيني وبينك فروق .. دونك مشاويري البيضا وحزني وراك
إن طوّلت في عيوني ممحلات البروق .. والله لأضحك رضا لو ما اضحكت لي سماك
ظماي يترك على صدر الليالي حروق .. وإلا انت تظما ويا برد الظما في ظماك
شحيح انا فيك لو جفت في دمي عروق .. اشح في ماك وزروعك واشح بحصاك
اقول ابشرب وشحي فيك عيا يذوق .. مرارة النفس فيني ما غواها غلاك
هذا قصيدي بكف الريح ما له حقوق .. يا ما ويا ما اخذ مني ويا ما عطاك
والله لو هو بكره النفس لألحق لحوق .. لكنه أنهى حياة الحزن حين ابتداك
،،،،،،،،،،،،
هذا طريقي واعرف انه طريقك وجيت .. وانتي بعيدة وانا عوّدت قبل السلام
لو التعب في طريقك كثر ماني مشيت .. ما رحت راجيك لو جيتك ومالي مرام
لو ما دريتي انا يكفيني اني دريت .. احيان ما يشعر القايل بطعم الكلام
لك مني انساك وانهيها وانا ما بديت .. ما احد يشيل بعيونه نور يم الظلام
كان الجفا جرح بيشيب الزمن ما شفيت .. ما طاب جرحي ولو مني يطيب الغرام
كان الجفا صح ما اخطيتي وانا ما خطيت .. ما هو بسلم العرب عيبه ولا هو حرام
كاني لقيت بعيون الليل دمع وبكيت .. مصيري ألقى ورى حبك عيوني وانام
،،،،،،،،
أنادي لك وأنا لو تاقف جروحي على الأبواب .. أبسهر مع سوالفنا وابنسى بالسهر ليلك
أنا مليت عذري واعذري يا أجمل الأحباب .. تعب دمعي ينادي للبكا ويرد منديلك
ذكرتك والحشا نصفه عرب ساحل ونصف أعراب .. تماكنت المراكب قلت أببحر وامكنت خيلك
هنيّك يا الصحاري وإن ضميتي ما يموت تراب .. هنيّك لو يموت الطين ما هد الظما حيلك
هنيّك يا السحايب وإن بكيتي ما لحقك عتاب .. وأنا للدمع فيني مثل للأرض في سيلك
أحبك والسما تمطر أحبك والجروح أعشاب .. أحبك يا سحابة روّحت والأرض تبكي لك
،،،،،،،،،
حبيبي لا تعاتبني كفى ليل الجروح عتاب .. كفاني منك دمعٍ لو بكيته طاحت عيوني
أحبك صدق وإن كذّبتني يا مكذبي كذّاب .. وألا يا ما اصدقه كذب ٍ حملته وأثقل متوني
حبيبي أنت عمري يا حبيبي والهوى غلاب .. أنا هبّت هبايب لا وراي ولا بعد دوني
حبيبي كانت الفرقا بحر قلت السنين أخشاب .. تجوّدت بطرفها قلت أبنسى العقل وجنوني
حبيبي كنت رجمٍ في حشاي وصرت لي مرقاب .. أغني بك حروفي وأنت وحروفي تغنّوني
حبيبي لو بكيته طاحت الدنيا سما وتراب .. حبيبي لو بكاني طاحت الدنيا من عيوني
،،،،،،،،،
جيتك لحالي
وحيد أنا في الطريق اللي يغربنـي
وحيد حتي من النسيـان وظلالـي
يابنت وش لي بقـرب ٍ مايقربنـي
القرب قرب القلوب وبعدي اشوالي
الصمت موحش وأنا شاعر ويرعبني
والصمت مثل الوطا ماهو بمنزالي
أنا ابتدعت الكـلام اللـي يعذبنـي
ولونت ضحك القلوب بلون غربالي
وأنا لبست السكوت اللـي يناسبنـي
وجها الكلام وسكت في عيون عذالي
دام الغيـاب أفـغيابـي مايغربنـي
عنك وأنا أزريت لاغيبك عن بالـي
تركت خلفي قلوب النـاس ترقبنـي
تركت أنا كل شي وجيتـك لحالـي
،،،،
توجعت
توجعت فـي صمتـي لأن الكتابـة نـوح
نسيت القلـم والا القلـم صعـب ينسانـي
ما بين أفضحك مستور والا أسترك مفضوح
بكى دفتري يـا قاهـر الصمـت وابكانـي
أبيعك بليلـة غـاب عنهـا القمـر للبـوح
ويشريـك مـن نظراتهـم طـول كتمانـي
أعلي جروحك فـوق لا طيحـوك جـروح
وانزلك وإن ضاق الفضاء فيـك وجدانـي
أنا من معاذيرك وأنا المخطـي المسمـوح
ومن قبـل تخطـي طالتـك يـد غفرانـي
خطاك البحر يا عذب منك الخطـأ مملـوح
خطاي إنـي الغرقـان والمـوج يجفانـي
لك الضحك ما دام الليالي عتـب ومـزوح
ولي الدمع لا غابـوا عـن العيـن خلانـي
كتبتك وكني نازعك مـن حشـاي الـروح
قريتـك ولكـن الـورق فـيـك مـلانـي
،،،،،،،،،،،،،،
و هـذي أبيـاات من قصيـده راائعـه
من عيونٍ تحبس الدمع لعيـونٍ تشـوف
احضنيني حـب ولا استبيحـي عبرتـي
ومن كلامٍ يوجع الصدر ازريت الوقـوف
اجلسي يمكـن يخـف الكـلام بجلستـي
كن صدري مجلس رجال وجروحي ضيوف
اطلبـو منـي سماحـك وعيـت عزتـي
والله اني من رجالٍ وطو رمـل الحتـوف
لكن اني همت واخلفـت ساقـة عزوتـي
،،،،،،،،،،،،،،،
خطا..خطا..صح..لكن صح ماهو صحيح
حسبتها الف مره.. والـف تطلـع خطـا
الصمت شاهد على قبـر الكـلام الذبيـح
كانت عيونك فشق بندق وشعـري قطـا
سكت..والشعر يصرخ والقصايد تصيـح
والقلب عاري وانا صمتي فراش وغطـا
لوبعـض الايـام مرتنـي بوجـهٍ فليـح
جتني الليالي تشيل الجـرح حتـى سطـا
ياليتني قبل اعرف اركض تعلمت اطيـح
لاجل اتقي شر عثراتي واعـاف الوطـا
ياليتني قبل اعرف اتعب عرفت استريـح
عشان ماتوجـع دروبـي ثقيـل الخطـا
جيتك جريح الكلام وكان صمتك جريـح
بين المجاريح ماحاجة دخـول أو سطـا
تدري وش اللي عجبني فيك غير المديـح
تنسى التفاصيل في كذبك وتنسى العطـا
خطاي مايستره صمتك وعذري شحيـح
وخطاك ماتدمحه وحشتك عقـب البطـا
هذا انت ناسي من انت ومابقى للصحيـح
الا اني ارجع وانا جيتـك وهـذا خطـا
،،،،،،،،
جميله هذه الابيات . . . ! ! !
لاعاذرك فيها .. ولا باتشره ........... غلطه ومنها منك انا خاطري طاب !
الله يسمح درب من راح مره ............. عني ولادور عذاريب وأسباب !!
حلوه ! ولاكن بالاحاسيس مُره .......... أغراب نتقابل .. ونتوادع أغراب !!!
،،،،
بيت من قصيده ،،،
يا بنت أناا الشمس في وضح النهاار النزيه
وأنا البحر لا صفـق موجـه علـى جالـه
اعتذر على الاطاله . . .
لكم ،، تحياتي
اخوكم / الوابل
اسعد الله جميع اوقاتكم بكل خير
احببت ان انقل ما اعرفه عن الشاعر سعد الحريص وبعض قصائده
الشاعر سعد بن عبدالرحمن الحريص المطيري
شاعر انصفه جمهوره ولم تنصفه الصحافه كتب قصيده متفرده تنظر لدواخل الاشياء اكثر مما تبدوا عليه في الظاهرعجز عن مجاراته الكثير
كتب عن حرمانه ...وكتب عن صمته ...وحزنه...فابدع ايما ابداع..ووقف ضده الاعلام فتره
واقصد بالاعلام هنا الصحف والمجلات التي تعنى بالادب الشعبي ..
وكل ذلك لانه لم يسير على النهج الذي اختطته الصحافه لانصاف محسوبياتهم ،،
فسعد الحريص .. كما يقولون انه صعد للقمه بدون استشارتهم والصحيح انه نزل الى القمه ؟؟
سعد الحريص..ظاهره لن تتكرر في الشعر النبطي الحديث ..
بدا كالعاصفه او اشد قسوه لم ياتي كما يفعل الكثير باطراء الكبار من الشعراء وكسب ودهم
ومن ثم الوصول اليهم والى طبقتهم عن طريق مهادنة محرري صفحاتنا الشعبيه لا بل اذكر من اوائل قصائده كان يقول .
انا ما جيت اعدل منعوج جيت اعوج المعدول ؟؟
.............. واشب النار بطراف القصايد .. واشهر سيـوفي
سالوه حينها من انت ومن هو المعوج ومن اين جئت وكم ترتيبك . ((السوال الاكثر ..متداولا في ساحتنا الشعبيه)) .
فقال انا الثاني وضعوا من ترتضونه اولا .؟؟؟
وربما هذا ما اخاف الكثير من الشعراء المحسوبين على الشعر فاخذوا بمحاربته وازداد بسالة وشجاعه فانشد فقال
ان رحت يا كثرهم وان جيت يا كثري
................ضاقت بي اعيونهم لو كنت وحداني ؟؟؟
ولكن لم يدم صموده كثيرا فالجماعه تغلب الشجاعه كما يقال فابتعد برغبته
وترك كرسي القمه شاغرا الى الان ؟؟؟؟
حين قال
من جزم نفسي يوم صار الردى طيب
.................حلمي قبل لا يكسرونه كسرته !!
ثم صمت بعد ذلك طويلا وعاش وهو يغني للصمت يقول
طال السكوت وما لصمتي مطاليب
................غير الكلام اللي وقف وانتظرته
ويقول ايضا
واصمتي اللي صار فـ عيونهم عيب
...............واجرحي اللي لو فضحني ...سترته
هكذا هو دائما حتى في عتبه لا يفارقه طابع الحزن ومناجاته للعيون فكانت نظرته
ان العيون هي المحرك الرئيسي للشاعر في محبوبته او لمكانة شخص ما
فهي في العين لا القلب يقول
يا صاحبي مجروح انا منك مجروح
...............ياللي تغير في عيونك ...محلي
يقول ايضا في قصيده اخرى عن حزنه
غنيـت للدمـع يومـن البكـى كـبـري
.............. واليوم انا اكبر من دموعـي وحرمانـي
نعم هذا هو سعد الحريص الشاعر الرقيق الحزين يقول في احد احزانه اقصد اشعاره
ان تركتيني في ليلي صرت قارب حزين ؟؟؟؟؟؟
انظروا الى التشبيه لتعرفون مدى حنين هذا الرجل اذكر حديثا عندما سئل مره اخرى السوال المتكرر ماهو ترتيبك بين الشعراء الان وبعد ابتعادك المريب عن الساحه؟؟؟؟فاجاب
الشاعر الجيد كالصقر والصقور لا تطير اسرابا.
واسباب هذا الغياب تظل اسيره في قلب شاعرنا سعد الحريص .
واترككم مع اروع ماقال شاعرنا سعد
.....!!! برد المكاتيب!!!.....
هبت جنوب وطاح برد المكاتيب
..................ويا كثر ما هب الجنوب وذكرته
يملا حضوره من حضوري وانا اغيب
..................وياما غيابي في غيابه حضرته
انا جا مطر صارت له اضلوعي اشعيب
..................وان راح ريح(ن) طير اللي بذرته
طال السكوت ومال صمتي مطاليب
..................غير الكلام اللي وقف وانتظرته
جنبت لو مالي عن الدمع تجنيب
..................من وين ما صديت فيني شعرته
واصمتي اللي صار فعيونهم عيب
..................واجرحي اللي لو فضحني سترته
لي صاحب(ن) يملا كفوفه تراحيب
..................لولا الحيا من ضحكته ما اعتبرته
يا صاحبي ماهي عليا مقاضيب
..................عذروبي انك ذخري اللي ذخرته
عذروبك انك شوهتك الاكاذيب
..................عذروبك انك جاك طيب ونكرته
ان جيتني بفراق زود العذاريب
................ لاجيك انا من زود صبر صبرتــه
للطير جنحان وريش ومخاليب
..................لكن يضيع صيدته في غبرته
ومن جزم نفسي يوم صار الردى طيب
..................حلمي قبل لا يكسرونه كسرته
ومن راح مني قـلت يا عله مصيب
..................دورت له عذر(ن) كريم وعذرته
للي يبي بعدي انا ماني قريب
............... اما ربحني ولاانا مـاخسـرتـه
قلبي خويي مالقلبي معازيب
..................واللي حقرني من رداه احتقرته
رغم الجروح اللي بقلبي معاطيب
............ حبيت كفين الزمــان وشكــرته
****
.....!!! حادي العيس !!!.....
البارحه غنيت ياحــــــــــادي العيــس
................. واليوم صمتك عن عيوني حــــداني
اليوم تلعب بـــــــــــي رياح الهواجيس
................. ولادري عشانك ضيقتي أو عشاني
مابين لوعات الجفا والوســــــــــاويس
................. البرد ساكن فـ ارتعاش المـــــحاني
وانا حبيس الصمت سجن الاحاسيس
................. ضاق الزمان ولا وسعنـــــي مكاني
والنور طعمه في عيون المحـــابـــيس
................. مرٍ مثل طعم الكلام بلـــســــــاني
متى بشعري يزهرنّ الكراريـــــــــــس
................. ومتى بقلبي يمطــــرن الأغــــاني
بيت الشعر ماهو كلام بــــقراطيــــس
................. ليت القصايد بالدفاتر مبـــــــــــــــــاني
والله ليفرق شعر من يرجي الكيــــس
................. عن شعر من ينحت صخور المعاني
ويبان فرقي باختلاف المقايــــــيــــس
................. حتى تحس بصدق وش كثر اعاني
والا الأماني راس مال المفاليـــــــــس
................. عزي لمن كانت جداه الأمـــــــاني
.....!!! كل الدروب !!!.....
هذا الكلام جروح واوجاع واشواك
............... كنّي على طول السكوت مغصوبي
ازعلت ذولا..لجل يرضون ذولاك
.............. لا مرضيٍ نفسي ولاهم رضوبي
تعبت اقلب في يديني هداياك
.............. وتعبت اشاور توبتي في ذنوبي
لولا الزمن لولا الليالي ولولاك
.............. ماصار طيبي دوب حبك ودوبي
هب الهوى يمك وبانت خفاياك
.............. ولاعاد لك قلب يميل للهبوبي
اول عيوبك في عيوني مزاياك
.............. واليوم ميزاتي بعينك عيوبي
وكانك تشوح اليوم منا ومناك
.............. والله لا ارجع كل الانظار صوبي
وان قلت انا بنساك ياسرع مانساك
.............. من قبل ينشف عطرك اللي بثوبي
الشمس باكر فيك وإلا بلياك
.............. ماهيب لاموتي ولاهي غروبي
وإذا انقطع درب يجيبني بذكراك
.............. كل الدروب اللي تودي دروبي
****
.....!!! اكثرية !!!.....
ضاقت الارض واشتد الزمان
.............. راح وقت الهموم الشاعرية
من فقدتك واناماني بأمان
.............. والقصايد ماعادت منبرية
كنت اجيلك وكان الشعر كان
.............. ورد روحي وقلبي مزهرية
اكثري حب واكثرك الحنان
.............. وش كثر كانت الدنيا طرية
من حنانك يضيق بنا المكان
.............. وين ما اروح القاك اكثرية
****
.....!!! العبارة !!!.....
مريت فينا ليلة مالها وصف
.............. في وصفها ضاقت علي العبارة
رحبه جميله ناعمه جوها ترف
.............. مثلك حبيبي واسعدتني الزياره
فعيونك التحنان وفقلبك العطف
.............. رغم السنين وفي سلامك حراره
نظرتك حب وبسمتك كلها لطف
.............. يلوق لك ثوب البها والطهاره
من جرحك الأول إلى جرحك الألف
.............. قصيدتي بين الألم والمراره
واللي كتب فرقاك ما جاز لي حرف
.............. عقبك ولا قلت افدحي يا خساره
اقول في نفسي ورجلي على جرف
.............. إما عمار القلب والا دماره
لا طاب لك جرح ولا منقطع نزف
.............. والوقت مر وحان رفع الستاره
****
.....!!! برد الخوف والمستحيل !!!.....
غابت الشمس وإلا الحزن له مغربه
..................... وين أبغرب وأنا حزني غروبه ثقيل
مجدبه ياجروحي والسماء معشبه
..................... ساكنه والهوى ميل جريد النخيل
بارده ياحروفي والدفاء موهبه
..................... بارده مثل برد الخوف والمستحيل
صوتٍ أبعيد في قلبي ياليت أقربه
..................... وبين قلبي ومابيني طريقٍ طويل
ليت حزني مثل حزن البشر وأكتبه
..................... وليت دمعي مثل دمع العيون ويسيل
أشهد أني ردي حظ وردي تجربه
..................... وأشهد أني على بعض المشاعر بخيل
أيه مذنب في هالدنيا وهي مذنبه
..................... من دفا حلمي الطيب لبرد الرحيل
عذري اللي متعبنّي وأنا متعبه
..................... مال قلبي على بعض الهقاوي دليل
كل طيرٍ له اللي بالسماء يجذبه
..................... وكل غصنٍ تجوز له الهبايب يميل
صرت أقول الكلام المر وأستعذبه
..................... صرت أخاف الدفاء لوني وحيدٍ نحيل
كم صبرت وليال الصبر مستغربه
..................... لين قلة حلاة الصبر لو هو جميل
الزمن صعب والنسيان يامصعبه
..................... والدفاتر نشيّلها الهموم وتشيل
****
.....!!! يا حادي الركب !!!.....
يا حادي الركب لا تنطح هجير الشموس
........... و أحجب ظما البيد عن ماها و عن عيسها
كل ٍ على قد فهمه و الليالي دروس
...........و هل الحجا تفهم الدنيا و تدريسها
و الشجره اللي علت في جذعها نخر سوس
..............لو تصبر الريح عنها كان ما جيسها
ابقطع الصمت في صوت ٍ كما حد موس
...........و أقرع طبول الوفا و أضرب مراويسها
ما كانت الحرب إلا حرب روم و مجوس
...........و إلا أرضها يعربيها في تضاريسها
في قدومها تفتن الأنظار مثل العروس
...........و عجوز شمطى إذا أقفت في هداريسها
ليا قبست قل طالبها و طاب الجلوس
..............لو قلت يا كثرهم فينا معاريسها
ماهي بداحس و غبراهم و حرب البسوس
................جحافل الروم تزمي في كراديسها
أقول وجه الزمن باكر علينا عبوس
...........والله يكذب فزع نفسي و أحاسيسها
.....!!! العذر مكتوب !!!.....
العذر مكتوب لاصـار الخطـاء مقـري
.............. آسف على ضحكتي وآسف على احزاني
خطـاي معـذور والا غلطتـي عـذري
.............. و مرارة العذر فـي قلبـي وفـي لسانـي
مدري وش اللي ذكرت وضاق به صدري
.............. مـدري وش اللـي نسيـت ولاتنسانـي
لبست انا ثـوب لاطولـي ولا قصـري
.............. ياطيبـه القلـب ويـن القلـب ودانــي
سنتين من عمرها مـرت ومـن عمـري
.............. سنتيـن احـس الزمـن فيهـا تعـدانـي
سنتين مرت حياتـي مـن ورا ظهـري
.............. والحب سجنـي ومسجونـي وسجانـي
والشعر مطرود من قلبي ومـن فكـري
.............. سنتين ماني ب انـا مانـي باحـد ثانـي
غنيـت للنـاس والدنيـاء علـى خبـري
.............. والشعر في دفتـري مغـرور وانسانـي
غنيـت للحـب يـوم عيونهـا تـغـري
.............. يوم الوفـاء والكـلام الطيـب الحانـي
غنيـت للدمـع يوم(ن) البكـى كـبـري
.............. واليوم انا اكبر من دموعـي وحرمانـي
اليوم ماعاد يمـدي اللـي جـرح يبـري
.............. مليـت كثـرت خطاياهـم وغفـرانـي
مليت انا الشعر مل الشعر مـن شعـري
.............. مليت انا الحـب مـل الحـب وجدانـي
و لو هي عليه عزيز النفس مـن صغـري
.............. ماشاور القلـب فـي كرهـي لعدوانـي
ان رحت ياكثرهـم وان جيـت ياكثـري
.............. ضاقت بي عيونهم لـو كنـت وحدانـي
تعبت وازريـت مامليـت مـن صبـري
.............. ليـت الـذي راح منـي كثـر ماجانـي
احيان ودي اطيـح مـن التعـب وازري
.............. و تشيلنـي عـزتـي وسـلـوم جـدانـي
****
.....!!! ديار المسلمين !!!.....
أنفض كلامك عن غبـاره
............. صمتك فقلبك لـه رنيـن
قلبك ماكـان إلا مغـاره
............. ترسم بها جـرحٍ حزيـن
رسمٍ نقشته فـي حجـاره
............. يشبـه رسـوم الأوليـن
ياوجهٍ أخجل من وقـاره
............. حلو النبا سمـح الجبيـن
ربح الزمن هذا خسـاره
............. والخافيـه باكـر تبـيـن
طاحة فأمريكـا عمـاره
............. هـزت ديـار المسلميـن
منها بدت حرب الحضاره
............. حـربٍ تـروع الآمنيـن
ماتاسع الجـرح العبـاره
............. ويضيق فالصـدر الآنيـن
أصعب من الموت أنتظاره
............. والأصعب العيش المهيـن
اللشـاعر العـذب // سعـد الحريّص ..
هوالشـاعر الذي أبتعـد عن الشعـر حفاظً على نفسـه و و أبتعـاداً عن هـذه المهـاترات الشعـريه الحاليه في السـاحه الشعبيه ..
و إبتعـاده
عن الشـاحه الشعبيـه ترك بهـا فجـوه كبيـره ..
و أذكـر أن الشـاعر الأميـر // بـدر بن عبـد المحسـن // قيل له لو طلب منـك أن تحـيي أمسيـه في دولة الكويت ..
من تخـتار معـك من الشعـراء .. ومـن المعـروف عن // الشـاعر :: الأميـر // بدر بن عبـد المحسـن لا يحيي أمسيـه إلا لوحده ..
فقـال :: الشـاعر الأمير // بدر بن عبدالمحسن أحيي الأمسيـه لوحـدي ..
و إذا كـان لابـد من وجـود شـاعر معـي في نفـس الأمسيـه فلن يكـون إلا (( سعـد الحريـّص )) ..
و هـذه شهـاده من (( البـدر )) بشـاعرية الشـاعر العـذب (( سعـد الحريـّص )) ..
و هـذه أبيـات للشـاعر // سعـد الحريّص // قبل ثمان سنوات كانت على غلاف مجلـة المختلف ،،
أوقد الحرب قل يا نار شبي
موت عز(ن) ولا ذل النجاة
ديرتي ديرتي والدرب دربي
ما حسبنا لها موت وحيـاة
وهـو مـن قـال ..
كن صدري مجلس ارجال وجروحك اضيوف
يطلبـون المسامـح .. وعـيـت عـزتـي
والله اني من رجالن وطوا رمـل الحتـوف
بس انا اللي همت واخلفـت ساقـة عزوتـي
حـــــــــــــدود
اختر لنفسك .. انا اخترت الطريق الطويل ........ بعض الخيارات ماتترك لنا الاختيار
اخترت احبك وشفتك قد مااقدر جميــــــل ........... على حدود النظر والعجز والاقتدار
كنت فعيوني على حد البها المستحيل ............... فــ عين بدر الدجى وفـ عين شمس النهار
استكثر الحب فـ عيونك ولو هو قليل .............. واستصغره في فؤادي لو جروحي كبار
انحت من الصمت كلماتي وروحي تسيل .......... على الورق واشعل لك الدنيا حروف نار
مااقول كان لعيوني عن عيونك بديل ........... لكن مثلي اذا ماحب .. حب بقــــــــرار
لو قلت للقلب لاهب الهـــــوا لا تميل .......... مامال يمك ولو آخر جداه انكســــــــار
اختر لنفسك انا اخترت الطريق الطويل .... بعض الخيارات ماتترك لنا الاختيار
صمتــــي وجعــــــني
بالله ياراعي المناقيد دعني .............. مانيب تاجر والقصايد بضاعه
حرام اعوَد واتبع اللي تبعني ............... وحرام اقول ازريت عقب استطاعه
سكت لين اونست صمتي وجعني ........... وجمال شعري زاد صمتي بشاعه
والشر سيف(ن) ماقطعته .. قطعني .......... والخير في قلبي شعور وقناعه
والطيش ياما للمكاسب دفعني ............... والصبر في بعض المواقف دناعه
وان قلت .. انا باقول .. واقول واعني ......... بالقول طلت اللي يعسر الشجاعه
انا نفعت الشعر لو مانفعني ............... ماخلف هذا الجوع غير المجاعه
شعري شعوري صانعه ماصنعني .......... الشعر عندي روح قبل الصناعه
عندي تساوى مدحهم لي ولعني ........... جمع(ن) عسى مايجتمع له جماعه
كان النسب عن الردا مارفعني .............. ساويت في طيب النسب والوضاعه
وان كان قلب اللي احبه وسعني .......... ماهمني ضيق الزمن واتساعه
سكر الليل.. وملح الأيام
بعد عامين جيـت وصوتـك حطـام
كنـك اللـي يذكـرنـي بـروحـي
شدّ عنك البحر يـا شـط الأوهـام
وألف ساحل يرحـب فـي نزوحـي
إنكسر حلم!! لكـن تجبـر أحـلام
لا أنت موتي ولا أنت أقصى طموحي
كنت للقلب.. صرت لحبـر الأقـلام
صرت للناس, وأوراقي , وبوحـي
سكر الليـل كنـت وملـح الأيـام
صرت حزني, وتنهيـدي, ونوحـي
سافر الورد.. من صيف أول العـام
مثل مـا سافـرت منـك جروحـي
مـال صوتـي إذا راودنـي لجـام
مـال هـذا الفضـا.. إلا جموحـي
يا النـوارس وصوتـك ملـح وألام
البحر راح عـن شاطيـه روحـي
حزين وغريب
حزين مثلي وأنا مثلك حزين وغريـب
لاياعسى شمس من مثلك ماهي غاربه
الدرب واحد وأحس انك بعيد وقريـب
بعيد قلبـك لـو الخطـوات متقاربـه
ما قلت لي شي لكن كان صمتك رهيب
وكان بعيونك كلام أقـراه وأحتاربـه
لوقلت لي والله ليعثرردي النفس طيب
تركت لك هاالجمل حبله على غاربـه
ياذيـب يـا بـارز النابيـن ياذيـب
الطير حول على صيدك وثم طاربـه
ماهوب ذنب الليالي والزمن ياعريـب
هذا زمـان بـه المستعربـه عاربـه
هذا زمان به الهقـوات دايـم تخيـب
وشلون لاصارت الهقوات متضاربـه
من لانفعته وهو عندك كريم وحبيـب
كرهك إذا دارت الدنيا ماهو ضاربـه
شيقول مثلي ليا ضاق الكلام الرحيـب
في لحيته لاسكت وإن قال في شاربـه
،،،،،
وينك نحل صوتي من الحزن والصمت .. يا ضحكة الدنيا وضحك الليالي
باسمك بكى صوتي وباسمك تبسّمت .. للي بقى للحب منك وبقى لي
شفني على كثر الجفا ما تعلّمت .. لو ما ورا فرقاك هذا وصالي
شفني ذكرتك همت بك كثر ما همت .. ما ضاق بك قلبي ولا ضاق بالي
عن كل عين ما لها دمعتك صمت .. يا عيد قلبي حاجبك هو هلالي
انا حرمني منك وقتي وحرّمت .. عقبك اعشق عيونهن يا حلالي
،،،،،،،،،،
يا حلو صوتك يجي دايم حزين وصدوق .. يسكن به البرد ويبلل ثيابه بكاك
مليان بالود واحساس الحبيب الشفوق .. حنون من أول عيونك لآخر مداك
مليت ظلما الفراق وكان صوتك شروق .. يا شين بعدك ويا كثر الجفا في جفاك
بيني وبينك تعب بيني وبينك فروق .. دونك مشاويري البيضا وحزني وراك
إن طوّلت في عيوني ممحلات البروق .. والله لأضحك رضا لو ما اضحكت لي سماك
ظماي يترك على صدر الليالي حروق .. وإلا انت تظما ويا برد الظما في ظماك
شحيح انا فيك لو جفت في دمي عروق .. اشح في ماك وزروعك واشح بحصاك
اقول ابشرب وشحي فيك عيا يذوق .. مرارة النفس فيني ما غواها غلاك
هذا قصيدي بكف الريح ما له حقوق .. يا ما ويا ما اخذ مني ويا ما عطاك
والله لو هو بكره النفس لألحق لحوق .. لكنه أنهى حياة الحزن حين ابتداك
،،،،،،،،،،،،
هذا طريقي واعرف انه طريقك وجيت .. وانتي بعيدة وانا عوّدت قبل السلام
لو التعب في طريقك كثر ماني مشيت .. ما رحت راجيك لو جيتك ومالي مرام
لو ما دريتي انا يكفيني اني دريت .. احيان ما يشعر القايل بطعم الكلام
لك مني انساك وانهيها وانا ما بديت .. ما احد يشيل بعيونه نور يم الظلام
كان الجفا جرح بيشيب الزمن ما شفيت .. ما طاب جرحي ولو مني يطيب الغرام
كان الجفا صح ما اخطيتي وانا ما خطيت .. ما هو بسلم العرب عيبه ولا هو حرام
كاني لقيت بعيون الليل دمع وبكيت .. مصيري ألقى ورى حبك عيوني وانام
،،،،،،،،
أنادي لك وأنا لو تاقف جروحي على الأبواب .. أبسهر مع سوالفنا وابنسى بالسهر ليلك
أنا مليت عذري واعذري يا أجمل الأحباب .. تعب دمعي ينادي للبكا ويرد منديلك
ذكرتك والحشا نصفه عرب ساحل ونصف أعراب .. تماكنت المراكب قلت أببحر وامكنت خيلك
هنيّك يا الصحاري وإن ضميتي ما يموت تراب .. هنيّك لو يموت الطين ما هد الظما حيلك
هنيّك يا السحايب وإن بكيتي ما لحقك عتاب .. وأنا للدمع فيني مثل للأرض في سيلك
أحبك والسما تمطر أحبك والجروح أعشاب .. أحبك يا سحابة روّحت والأرض تبكي لك
،،،،،،،،،
حبيبي لا تعاتبني كفى ليل الجروح عتاب .. كفاني منك دمعٍ لو بكيته طاحت عيوني
أحبك صدق وإن كذّبتني يا مكذبي كذّاب .. وألا يا ما اصدقه كذب ٍ حملته وأثقل متوني
حبيبي أنت عمري يا حبيبي والهوى غلاب .. أنا هبّت هبايب لا وراي ولا بعد دوني
حبيبي كانت الفرقا بحر قلت السنين أخشاب .. تجوّدت بطرفها قلت أبنسى العقل وجنوني
حبيبي كنت رجمٍ في حشاي وصرت لي مرقاب .. أغني بك حروفي وأنت وحروفي تغنّوني
حبيبي لو بكيته طاحت الدنيا سما وتراب .. حبيبي لو بكاني طاحت الدنيا من عيوني
،،،،،،،،،
جيتك لحالي
وحيد أنا في الطريق اللي يغربنـي
وحيد حتي من النسيـان وظلالـي
يابنت وش لي بقـرب ٍ مايقربنـي
القرب قرب القلوب وبعدي اشوالي
الصمت موحش وأنا شاعر ويرعبني
والصمت مثل الوطا ماهو بمنزالي
أنا ابتدعت الكـلام اللـي يعذبنـي
ولونت ضحك القلوب بلون غربالي
وأنا لبست السكوت اللـي يناسبنـي
وجها الكلام وسكت في عيون عذالي
دام الغيـاب أفـغيابـي مايغربنـي
عنك وأنا أزريت لاغيبك عن بالـي
تركت خلفي قلوب النـاس ترقبنـي
تركت أنا كل شي وجيتـك لحالـي
،،،،
توجعت
توجعت فـي صمتـي لأن الكتابـة نـوح
نسيت القلـم والا القلـم صعـب ينسانـي
ما بين أفضحك مستور والا أسترك مفضوح
بكى دفتري يـا قاهـر الصمـت وابكانـي
أبيعك بليلـة غـاب عنهـا القمـر للبـوح
ويشريـك مـن نظراتهـم طـول كتمانـي
أعلي جروحك فـوق لا طيحـوك جـروح
وانزلك وإن ضاق الفضاء فيـك وجدانـي
أنا من معاذيرك وأنا المخطـي المسمـوح
ومن قبـل تخطـي طالتـك يـد غفرانـي
خطاك البحر يا عذب منك الخطـأ مملـوح
خطاي إنـي الغرقـان والمـوج يجفانـي
لك الضحك ما دام الليالي عتـب ومـزوح
ولي الدمع لا غابـوا عـن العيـن خلانـي
كتبتك وكني نازعك مـن حشـاي الـروح
قريتـك ولكـن الـورق فـيـك مـلانـي
،،،،،،،،،،،،،،
و هـذي أبيـاات من قصيـده راائعـه
من عيونٍ تحبس الدمع لعيـونٍ تشـوف
احضنيني حـب ولا استبيحـي عبرتـي
ومن كلامٍ يوجع الصدر ازريت الوقـوف
اجلسي يمكـن يخـف الكـلام بجلستـي
كن صدري مجلس رجال وجروحي ضيوف
اطلبـو منـي سماحـك وعيـت عزتـي
والله اني من رجالٍ وطو رمـل الحتـوف
لكن اني همت واخلفـت ساقـة عزوتـي
،،،،،،،،،،،،،،،
خطا..خطا..صح..لكن صح ماهو صحيح
حسبتها الف مره.. والـف تطلـع خطـا
الصمت شاهد على قبـر الكـلام الذبيـح
كانت عيونك فشق بندق وشعـري قطـا
سكت..والشعر يصرخ والقصايد تصيـح
والقلب عاري وانا صمتي فراش وغطـا
لوبعـض الايـام مرتنـي بوجـهٍ فليـح
جتني الليالي تشيل الجـرح حتـى سطـا
ياليتني قبل اعرف اركض تعلمت اطيـح
لاجل اتقي شر عثراتي واعـاف الوطـا
ياليتني قبل اعرف اتعب عرفت استريـح
عشان ماتوجـع دروبـي ثقيـل الخطـا
جيتك جريح الكلام وكان صمتك جريـح
بين المجاريح ماحاجة دخـول أو سطـا
تدري وش اللي عجبني فيك غير المديـح
تنسى التفاصيل في كذبك وتنسى العطـا
خطاي مايستره صمتك وعذري شحيـح
وخطاك ماتدمحه وحشتك عقـب البطـا
هذا انت ناسي من انت ومابقى للصحيـح
الا اني ارجع وانا جيتـك وهـذا خطـا
،،،،،،،،
جميله هذه الابيات . . . ! ! !
لاعاذرك فيها .. ولا باتشره ........... غلطه ومنها منك انا خاطري طاب !
الله يسمح درب من راح مره ............. عني ولادور عذاريب وأسباب !!
حلوه ! ولاكن بالاحاسيس مُره .......... أغراب نتقابل .. ونتوادع أغراب !!!
،،،،
بيت من قصيده ،،،
يا بنت أناا الشمس في وضح النهاار النزيه
وأنا البحر لا صفـق موجـه علـى جالـه
اعتذر على الاطاله . . .
لكم ،، تحياتي
اخوكم / الوابل