المساعد الشخصي الرقمي

عرض الإصدار الكامل : ثلاث سنين

سبيعيه وبالزين مبليه
08-22-2007, 10:27 PM
***
**
*.....
جايبه لكم
اليوم قصيده لشاعر
فهد معتوق...

^ــــــــــــــــــــــ^..

ثلاث سنين انا اخطط لهذا اليوم يابو سعود
تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!

كنت ب يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه


و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه


عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه


انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4 ف 6 )


اختكم
سبيعيه وبالزين مبليه
ولد سبيع
08-22-2007, 10:55 PM
انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه

عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه


قصيده روعهـ وحزينهـ مرهـ...

يسلمك ربي سبيعيه على القصيدهـ..

ومشهوررهـ..

والله يعطيكـ العافيهـ,,,
سبيعيه وبالزين مبليه
08-22-2007, 10:58 PM
مشكور على الطله الحلوه
وربي مايحرمني من ردودك

محبتك
سبيعيه وبالزين مبليه
عطور الورد
08-23-2007, 03:41 PM
::
سبيعيه بالزين مبليه
اشكرك اختي على القصائد الرائعه
والقويه في المعنى التى تختارينها لنا
لاتحرمينا وجودك ومواضيعك المميزه
دمتي باطيب حال
http://www.r-mbd3.com/vb/images/smilies/buakrie_20040820.gif
أسايرك تعاندني
08-23-2007, 10:48 PM
صح لـسانـه وعز الله وصفها عدل ولا نقص فيها
والله كسـر خـاطري


أشكرك ياغــلاي على ذوقكـ الراقـي

سلمتي ولاهنتي
سبيعيه وبالزين مبليه
08-24-2007, 11:34 AM
عطر الورد

مشكوره حبيبتي على المرور

اختك

سبيعيه وبالزين مبليه
سبيعيه وبالزين مبليه
08-24-2007, 11:36 AM
اسايرك تعاندني


مشكوره على المرور


اختك
سبيعيه وبالزين مبليه
برفسورنت
09-10-2007, 12:46 PM
تسلم يا السبيعي على الشعر الاكثر من رائع
سبيعيه وبالزين مبليه
09-10-2007, 04:27 PM
مشكور اخوي برفسورنت على النرور

ملاحظه (سبيعيه )

اختك
سبيعيه وبالزين مبليه
مقعد الدغيلبي
09-15-2007, 01:08 AM
يسلموووووووووا

على النقل المبدع والموفق

تقبلي تحيااتي وشكري

سبيعيه
سبيعيه وبالزين مبليه
09-16-2007, 06:18 PM
مشكور اخوي مقعد على المرور
اختك
سبيعيه وبالزين مبليه