هلا خواني وخواتي

رأي الشـــباب طبعاً هو الأهم ..

فالكــلام التالي .. من واقــع شبابنا .. !بدايةً ..


سمعة البنت

سمعة البنت كالزجاج اذا انكسر يصعب اصلاحه وحياتها وكرامتها ليست ملكها , خصوصا
بالمجتمعات العربية .. للفتاة حقوقها وكرامتها وانسانيتها .. فتعلمت وتفهمت ما لها وما عليها
الا انها في بعض الاحيان تنساق وراء كلمات معسولة من ذئب شرس كل همه ان يفتك
ويفترس بعرض هذه وتلك من البنات.. متناسيا ان له أخوات وام وخالات وعمات
والكثير من الاقارب البنات .. !!


شرف البنت

ما هو مفهوم شرف الفتاة لديك .. ؟؟ !
ما رأي الشاب الذي يغازل وفي لحظة يري اخته في نفس الوقت مطيحة مع شاب اخر فتثور ثائرته .. ؟؟ !
واذا كنت تمنع اختك من تكوين صداقة مع شاب ( يصبح عدوك لو انك عرفت ذلك عن اختك) فلماذا
تقبل ذلك على نفسك؟وكأن بنات الناس لعبة واختك فقط هي الانسانه .. ؟!!
سؤالنا ايضا للبنات : هل تقبيلن لنفسك ان تكوني علكة فى فم كل شاب يتباهى امام
اصدقائه بانه يحبك وفعل معك كذا و كذا .. ؟؟ !!


رأي الشباب والعالم في سبب هذه المقوله : بنات الناس "لعبه" واختك مكتوب عليها "ممنوع اللمس" ..؟؟


تعرفون يا بنات الحين كل ما نسأل ريال ليش و ليش و ليش تسوون جذي في البنات يقول أنا ما قلت لهم اطلعو للسوق بملابس غير محتشمة .. لا وشي ثاني و بعد صاروا البنات اللي يرقمون الشباب في الأسواق .. !!
تدرون النصارى واليهود عندهم كرامة علينا احنا ثيابهم محتشمة ومستورة واحنا العرب المسلمين صرنا مهزلة في كل شي قالو شنو ( نتابع الموضة ) خلي الموضة تنفعج يوم الحساب .. !

الموضوع ملفت شوي بس واقعي جدا في حياتنا يا ريت الكل يطرح رايه بكل صراحه ..

ـأختكم نجومة

سلام عليكم ورحمة الله وبركاتـه..

أختي.. نجمة الليل

دائم ماتئتين لنا بمواضيع ..تشد الانتباه.. وتولج العقل ..


انا ماقدر اقولك صح او غلط..

او اقولك راي..

لان كل شي قلتيه بموضوعك ... يكفي ويوفي

لكن خليني افصلك كل شي.. دائم الدعاوي.. صراحه




....

بالبدايه .. الوم مهما كان مهما كان مهما كان

ماراح يكون الوم على البنت ..


ليه ؟؟؟

لأن البنت من ضلع أعوج

هذا عذر؟؟

نعم عذر أن لم .. تصلحه وتدله على الطريق الصحيح وتراعيه لن يعتدل.. بل سوفا يزيد بنعواجه

.
.
.

سبب أحراف البنات ... اشياء مايتوقعها الذيابه من الشباب

وخاصه أن حنا في جيل... قمـه بالاخلاق والستيره

وخاصه أنه مايتعامل مع البلاتوثو الا بكل خير ^_^



المهم


البنت ضعيفه .. وهذا شي معروف .. مهما زعمت انها قويه فهي ضعيفه ..



وأنا تكلم عن البنت الضعيفه اللي هي .. فيها خير من داخل ... ينبع بقلبها الاسلام وذكر الله ..

ماهي البنت اللي جامد قلبها عن ذكر الله

البنت الضعيفه هذي

تلاقي اسباب أنها كلمة شاب يوم من الايام

أن تواجها ضغطوات .. ومحنات .. بحيث أن مثل أخوها أو ابوها

مثلً لو مثلت مثال بسيط

جت البنت لبوها ولا لخوها .. وقالت ..يبه أو اخوي خالد

ابي تدويني لمحل الفلاني.. أو ابيك تمشيني .. زي مايمشي أبو افلان بنته وعياله


فيرد عليها الاب أو الاخ .. بهواش.. او يصرفها أو يطنشها .. أو انه يقوم عليها ويضربها؟؟


طيب لو جاك يالاب .. أو انت يالاخ ..

جاك احد أو دق عليك أحد حتى يمكن ماتعرف .. واحد مايسوى شي... داشر ومدخن ..

دق عليك وقالك يافلان تعال... وانت تعبان

رحت له طاير... ولو أنه بعد من البنات اللي الله يستر عليهن .. ويهديهن يارب ... رحت ومشيتها ودرت بها أي محل تبيه وعلى احسابك...ّّ!!!

طيب وبنتك؟؟ اختك ياشيخ؟؟؟ وين نصيبها من كل هذا


فتطر البنت المسكينه .. وخاصه أن فيه بالمدرسه تلاقون طبعا أفاعي ..

يقولون لها ان لو تعرفتي بتطلعين مع افلان ويشتريك ويمشيك ... و و و و

فالمسكينه .. تصدق .. وماتدري من تطيح فيه


فتكلم .. ولا تدري انها تكلم ذيابه .. بل كلابــه ويكرم اخواني الاعضاء

فتلقها تعلـق فيه وتحبه وهو يصرفها .. ولا يقولها تعبان ولا يكذب عليها .. مايصدق معها .. والنهايه تطلع معه عشان ترضيه ؟؟ مو عشان اللي كانت تبيه تشتري من محل او تروح تتمشى


فتلاقيه حجرر مايحس . ولاشي ولافكر في اي شي


.
.

وأكثر هالنوعيه من الذيابه ... شيطاااان وخطيررر بالكلام

تلقاه فيلسوف .. بالحب فليسوف بكل شي

اسلوب .. أخلاق تلاقيه قمه بالابداع ...

لكن ماينعرف الا بنهااااية الامر

والمشكله البنات مايعرفون هالنوع ... لان قلبه طاهر ومسكينه وعلى النيه


.
.

لكن بصراحه وبصدق

لو تفكر البنت اشوي بس بس اشوي

أنها قبل لاتسوي هذا .. رغم الضغوطات الللي تجيها

لو تفكر .. كيف بتكون حياتها .. وكيف كانت؟؟


يعني من بعد راحة البال .. وضيقت صدر قليله

جاها سهر وغربال .. وعدم تقدير ويهانه .. ومذله

وفوق كذا يمكن يروح الشرف ... وهو أغلا شي بالانسان

فكيف ألبنت


..



صحيح الكلام مايفيد .. لان انا بعد زيكم ياشباب ... كنت اسمع النصيح واقول عادي واطنش... والتطنيش والعباطه في كل شاب




لكن خذوها نصيحه


مهما ... كانت البنت اللي تحدثت لها انت

كانت غير محترمه ..أو انها رايحه فيها على قولتنا

حاول أنك تسوي شي فيه خير

حاول تنصح .. حاول يكون تعاملك فيه خير

حاول أنك لما تسوي شي... تفكر وش الي بيصير لهلك



يعني تصور معي الموقف ...


وان شاء الله انه مايصير... وجعل الفال كله خير لكم


لكن تخيل...


ترضآ في يوم من الأيام تسمع خبر أهلك () هذا شي غير مستغرب لان الله قال كما تدين تدان)(

والناس قالو من دق باب الناس دق الناس بابه





فأنتم ياخوان ... فكر بالامر بتفكير حكيم وشاب على راية الاسلام



ودك يكون .. وان شاءا لله مايكون

أن يوم من الايام يصير أن اختك عرفت أنها تكلم شاب

وطبعا ماصار بينهم الا كلام .. واللي معها ذو اخلاق عاليه




أو ان ودك يتكلم معها واحد وطلعها وفضحها




طبعا بتقول اللي فوق أهون




انا اوجه كلامي للي يتكلم مع البني




فهو كما تدين تدان ... اي شي تسوي... راح يصير




ونصيحه ثانيه ...

ترى البنت مهما كانت .. ضعيفه

فأذا ماورها ارجال .. ايدلونها ويعلمونها الطريق الصح

وارجال ... افعال .. ماهو بس كلام


وكثير بنات قبايل سمعنا ... عنهم وجعل ربي يغفر لهم .. ويستر عليهم ... من جاء البلوتوث وكل شي طلع


فاللي اقصده ياخوان .. ان مايهم قبيله ولا كلمة ارجال

لكن يهم الفعل... اذا انت مانتبهت لهلك ... حتى لو انك اصغر اخوانك اذا مانتبهت لهم

من بينتبهلم


اكيد اذا مانتبهت بينتبه لهم واحد من الشارع؟؟؟

ولا انت تخالفني الكلام؟؟



فلابد واجب أنك تنتبه لهلك ... وتنتبه لجيرانك ..

وحتى على بنات الناس... تحاول تعاملها بأحسان .. وتعلمها الزين والشين بالدنيا ..

سوى لو ذرة خير في محيــط شر


..


.

والبنت اذا مالك من يويك ويوجهك ...

فكري وخلي كل شي تملكينه ..يدور بعقلك


القلب ماينفعك بالدنيا ...

ولا أحساس ... ينفعك


تقولين احس ان افلان طيب.. ولا كلامه خير

لا والله العقل هو الي ميـــز الصاحي من المجنون








والحقيقه

كلنا خسران .. .. خسران انفسنا ..بصدق او طيبه



لكن .. الحق على نفسك قبل فوات الاوان ..





هذي مجرد نصيحه لجميع ولو انها مو مرتبه ذاك الترتيب

ولكن .. اتمنى اربي يهديني ويهديكم يارب

واشكر نجمة على طرحها لهذي المواضيع ..

واتمنى انها تنصحني اذا عندها نصيحه ... فانا افتقر لها


تحياتي لك ياخيه

اخوك جمر الشوق

بسم الله ,, السلام ع ـليكم
ما هو مفهوم شرف الفتاة لديك .. ؟؟ !
الشرف مفهومه كبير .. يعني القصاص يمكن أهون من الشرف
يعني رجل يقتل رجل بالخطأ أهون عندنا بكثير ,, من بنت يضيع شرفها وسمعتها ,, وكون البنت هي التي تحمل
شرف أهلها فهذا شيء كبير لها ..!!

ما رأي الشاب الذي يغازل وفي لحظة يري اخته في نفس الوقت مطيحة مع شاب اخر فتثور ثائرته .. ؟؟ !

قبل ان تتأكد من ذالك تأكد من نفسك واحترام بنات الناس حتى ترتاح من ناحية اهلك واخواتك ..
كما تدين تدان الايام دول.. من دق باب الناس دق الناس بابه ..

نقطه لم تذكريها .. البعض يقول أنا ماعندي أخوات ..
طيب أخوك عنده بنات .. وعمك عنده بنات ..
الدنيا صغيره بكرة سوف تصبح زوج وسوف يكون عندك بنات
وشرف تخاف علية ففكر قبل ان تلعب باشرااف الناس ..

وأفضل الكلام كلام الله .. وهو الاجابه في نظري ..
وهو يدل أن الايام دول .. وكل شيء مردود

يقول تعالى : ( وتلك الايام نداولها بين الناس )
:
حفظنا الله وأياكِ أختي نجمه..
وسترعلينا فوق الارض.. ويوم العرض

اولا ارحب فيك اخوي :×: جمر الشوق :×: على النصائح

لكن في شي ماذكرته

ان كل واحد يسوي في بنات الناس شي

كله يرجع على خواته

مهما كان يسوي عشان يحميها

واذا ماعنده خوات راح يكون عنده عيال ويمكن بنات بعد

وكما تٌدين تُدان

وانا ابي اعرف السبب

ليش الأولاد يسوون اي شي يبونه في بنات الناس

واذا واحد قرب من اخته قلبها مذبحه

على العموم

يعطيك العافيه اخوي جمر الشوق

على تواجدك المميز

دمت بخير

ـأختكـ نجومة

موضوعك يا نجمة كامل والكامل وجه بس انا احب اضيف هالنقطة

لو كل واحد كتب على اخته ممنوع اللمس كان ما صار فيه شي اسمة بنات الناس لعبة

والفرق بين البنت والولد ان الولد مهما سوى راح يتعدل ولا يبقى له اثر بس البنت ينخاف عليها من اي شي لانها مثل القزاز ولاهوب اي قزاز اغلى قزاز بالعالم << يعني المفروض من الاهل مدرات خاطرهم بس مهوب دايم >> :D

ما اقول الا الله يحفظ بنات المسلمين من كل شر

مشكورة يا نجمة الليل على هالموضوع

استاذن من صاحبة الموضوع

لكى ادخل صفحتها ،، وأضيف وجهة نظري


قبل ان اتكلم عن الشاب ساتكلم عن الفتاة
واهمس في اذنها

" لا تعتبري خوف الاخ على اخته نوع من التسلط و لكنه حمايه لشيء عظيم في نظره.. و اكبر دليل على عظمتك انك تحملين شرف العائله التى اشفق منها الرجل و قبلتى انت حملها.. افلا يعتبر هذا تشريف لك ؟؟..


و اذا تكلمت عن الشاب فانا لا ادافع عن افعاله التى نهى عنها الدين قبل التقاليد و الاعراف

و لكن لا يستطيع ان يجعل اي فتاة لعبة في يده او اداة لشهواته الا اذا (ارتضت هي ذلك على نفسها ..)
ولذلك تجدين الاخ في غاية القلق ان تنحدر اخته الى هذا المستوى لانها حاملة لواء الشرف ..

لذلك هو ياخذ ما تفرط فيه الفتاة و قد يتبع في ذلك اساليب شيطانيه و لكنها فى النهايه ساعدته و يعز عليه ان يرى اخته في موقف المفرطه

ارجو ان اكون لامست شيئا من الحقيقه لان الموضوع شائك جدا و لذلك اكتفى بما قلته

و ارجو ان تقبليه و تتقبلى مرورى
لك منى اجمل كلمات الشكر و كل التقدير

يسلمو اختي

على تواجدك المميز

وكلامك في منتهى العقلانيه

سلمت غاليتي

دمتي بود

ـأختكـ نجومة

والفرق بين البنت والولد ان الولد مهما سوى راح يتعدل ولا يبقى له اثر بس البنت ينخاف عليها من اي شي لانها مثل القزاز ولاهوب اي قزاز اغلى قزاز بالعالم

اخوي [color=#DDA0DD]ابوهيا

اسمحلي اعارضك واقولك ان كلامك غلط

الولد بيسوي وبيسوي وكل شي راح يتعدل بالدنيا

لكن لاتنسى ان هناك من سيحاسبنا بالآخره

( فمن يعمل مثقال ذرة خيراً يره ومن يعمل مثقال ذرة شراً يره )

ومستحيل يتعدل الغلط

واشكرك على تواجدك الجميل

دمت بود

ـأختكـ نجومة

اشكرك اخي العزيز

اسايرك وتعاندني

على تواجدك اللطيف

وكلامك الصحيح

لاتحرمنا هالطله الحلوه

دمت بود

ـأختكـ نجومة

8
8
8

هلابك بك أختي

بس أنا بنت ماني ولد

الموضوع مثير ومشوق ومميز وكل شخص يطرحه من وجه نظره البنت أو المرأة أو الأنثى شيء جميل في حياة أي شخص ( ذكر ) لأن المرأة هي الام والاخت والزوجة والبنت الخ ولكن لو كل شخص وضع نفسة مكان أي "" معاكس "" هل يرضى هذا الشيء لزوجته أو لأختة الخ بالطبع لا لا لا لا لا وآلف لا ولكن هناك سؤال غفل عنه الجميع من الذي حرك مشاعر هذا الشاب من الذي جعل هذا الشاب يتجراء ويعاكس هذه البنت بالطبع الجواب معرف ولكن نحن لا نعمم هناك الكثير من البنات لديهم قوة أعتزاز بأنفسهم وشموخاً بأفعالهم بالإظافة إلى لبسهم الائق لا يستطيع أي شاب أن يتجرء على معاكستهم بل لا يستطيع النظر إليهم ولكن إذ وجد البنت تعطيه وجه وتناظره بعيونها الجذابه شيء طبيعي أي شاب راح يحاول أن يكلمها أو يعطيها رقمه ------ وابتــــــــــــدى المشوار ==== هذي وجة نظر قد تكون صحيحة وفالكم الطيب